المساعد الشخصي الرقمي

مشاهدة النسخة كاملة : مشتركة بنادي ؟؟..... شاركينا يومياتك


ehsass
05-01-2010, 05:54
مساء الخير على عاشقات الرشاقه واللياقه


في هذا الموضوع حابه نتبادل انا وياكم تجاربنا مع النوادي الصحيه

ونكتب يومياتنا في الجيم واش اللي عملتيه

منها نشجع بعض ومنها نستفيد



اسم النادي اللي مشاركة فيه ؟؟ وموقعه بالضبط ؟؟


كم الفترة اللي سجلتي فيها ؟؟


انطباعك عن النادي ورأيك فيه ؟؟


افضل الكوتشات (( المدربات )) اللي بالمركز ؟؟



افضل صف رياضي حضرتيه بالنادي ؟؟



نقص وزنك ؟؟ حسيتي بتغير على جسمك؟؟ مثلا (( ازددتي لياقه & خف السيولايت ........الخ ))


كم ساعه تقضيها بالنادي ؟ وكيف تمضين هالساعات ؟؟

ehsass
05-01-2010, 06:00
انا اول وحده رح ابدأ




اسم النادي اللي مشاركة فيه ؟؟ وموقعه بالضبط ؟؟


اشتركت في القولد جيم التابع للمستشفى السعودي الالماني بجده








كم الفترة اللي سجلتي فيها ؟؟



من شهر ذو القعده / 3 شهور تقريبا









انطباعك عن النادي ورأيك فيه ؟؟



النادي رائع بكل ماتحمله الكلمة

النظافه ممتازة << هذا اهم شي


والموظفات تعاملهم جدا راقي

والنادي كبير ومتنوع المرافق

بس عيبه الوحيد انه زحمه




افضل الكوتشاب (( المدربات )) اللي بالمركز ؟؟

افضل مدربه في النادي هي نيفين مصريه

الايروبيك معاها فظيع / تحرقي حوالي 700 كالوري في ساعه

والسايكلنق معاها برضو رائع

بس مشكله كلاساتها انها زحمممممممممه يعني لازم تروحي تحجزي لك مكان من بدري والا مارح تلقي لك مجال


ريتا امريكيه جنان هالادميه وتعاملها راقي والاحلى انها تتكلم عربي مضبوط هع

تمارينها وكلاساتها رائعه هي بعد بس ماحضرت لها كثير



شيماء مصريه << ايروبيكس

وهي بعد صفوفها خطيرة بس نيفين افضل



رشا مصريه مدربه كلاسات شد الجسم والبودي بمب ماتعمل ايروبيك تعجبني انها دايم مبتسمة وتفرفش طول ماهي في الكلاس




ياسمينا سعوديه مدربه البيلاتيس

خطيرة رهيبه لهيبه قليله عليها كلمة روعه

بس تعصب شوي الله يهديها بالذات لما تشوف وحده متكاسله




وعندنا بعد ميموري امريكيه افريقيه

الايروبيك اللي تعمله مرة روعه بس متعب شوي

وامل (( مدري شو جنسيتها )) اردنيه على ما اعتقد مدربه اليوغا رااااااااااااااااائعه وكلاساتها مريحه للنفس


وفيه مدربات كثير {{ريتا و ليندا و انيتا و مليكا و هالا و مارينا }} بس اللي كتبت اسمائهم فوق هم اللي حضرت لهم








افضل صف رياضي حضرتيه بالنادي ؟؟

الافضل لحد الان هو البوزو بلايتس مدربته ياسمينا السعوديه

فائدته : يصحح القوام والمشيه & يعدل الظهر & يصحح شكل الاكتاف & يشد عضلاتك الداخليه وهذا الشيء اللي يضمن لك التوازن

يشد عضلات المهبل ويرجع الرحم مكانه للحريم اللي والدات

روعه روعه روعه

وهذا مقطع من اليوتيوب يشرح جزئيه من الكلاس

http://www.youtube.com/watch?v=LJWaYjpdgCk




وفي بعد صف اسمة easy line ايزي لاين وهو بعد مرة خطير احبه من قلبي

وهو عبارة عن ايروبيك وشد بنفس الوقت يعني حاجتين في حاجه

ماني عارفه كيف اشرحه بس شوفو المقطع وانتو تعرفو قصدي


http://www.youtube.com/watch?v=v452-GjwRDE




السايكلنق او البايكنق

اللي هو تمارين عالدراجه كثير بنات قالو انهم نحفوا عليه بجد لانه يهلكك

متعب جدا اذا حضرت يوم صف سايكلنق اتكسر وتصير عضلاتي كلها تؤلمني


http://www.youtube.com/watch?v=7iY5wh9aGjc



وفي كلاس اسمه البودي بمب body pump

كله رفع اثقال مافيه نططه وستيب بس رفع اثقال وشد الصدر هو بعد حلو ماعليه


http://www.youtube.com/watch?v=v1NTP2sl4LQ




واليوغا يازينها زيناه بس للاسف كلاساتها مرة قليله


والاكوا اللي في المسبح كثيرين يمدحونها بس ماجربتها اخاف من العدوى هع

طبعا هذا كله بالاضافه الى كلاسات الايروبيك والستيب والسترتشنق ..........الخ



نقص وزنك ؟؟ حسيتي بتغير على جسمك؟؟ مثلا (( ازددتي لياقه & خف السيولايت ........الخ ))


الشيء العجيب الغريب اني نحفت وبان على جسمي وعلى ملابسي وجسمي كثير ترتب

وخفت الكلاكيع

بس الميزان محلك سر :yawelak:

والسيولايت خف بنسبه 80 % وهو بصراحه اللي كان مسبب لي ازمه بس الحمدلله خف كثير



كم ساعه تقضيها بالنادي ؟ وكيف تمضين هالساعات ؟؟


اقضي في النادي حوالي 3 ساعات


ساعه كامله تريد ميل

وساعه على اجهزة الشد واللياقه {{ لكل منطقه بجسمك لها جهاز خاص بصقلها وتحسين مظهرها }}

ويمكن هي الاجهزة دي اللي ماتقدري توفيرها بالبيت


وساعه في احدى الكلاسات اللي شرحتها


بس ما اوصل البيت الا وانا هلكانه



اتمنى تشاركوني تجاربكم ويومياتكم

وانا باذن الله يوميا رح ادخل واخبركم بنصائح المدربات وبيومياتي بالجيم

NO MORE
06-01-2010, 06:32
آللللللللللهـ حسسسسسسسوســـِـِـِة ..

آنآ نآوية آن شآء آللهـ آدخل هآلنآدي .. بس مدري متى ..؟!


مآآآآرة عآآجبني مرة رحت مع صحبتي كزآئرة خقييييييييتَ .. عليهمْ نظآآآمـْ متعوووب عليهـ ..


وقررنآ يمكن 4 بنآت ندخلهـ ..


آن شآء آللهـ آدخلهـ قريب لآن عندي زوآيد فوق آلخصر مكرهتني عمريّ ..


متآبعتكْ يآبطلة ..

صدى
06-01-2010, 07:00
حسوسه وش هالموزع توي انتبه له
..
جآآيه فرحانه على بالي بالرياض آثاريه بجده الله يسعدك .. موضوع واافي وترتيبك للموضوع رااقي
الله يجزاكي خير
..

متابعتك وان شاءالله اشوف وحده من الرياض وتمدح لي نادي ...<< انا الحمدلله وزني حلو لكن بعد الولاده الكرشه ععععععع يبيلي رياضه تنتظمين معهم مو بالبيت لو تجيبي اللي تجيبيه ماتسوي اي شئ .. كل يوم بكره << قرقر كتيير

...

موفقه ياقلبي

ehsass
06-01-2010, 02:09
نو مور

هلا بيكي حبيبتي

لا يفوتك القولد بصراحه وناسه لابعد الحدود

وتعرفي جده مليانه مراكز صحيه بس سبحان الله القولدز جيم غييييييييييييير

خوفونا الناس وهذا طبعا حالهم دايم

يقولون ان فيه تصوير ووو الخ

بس والله ماشفت من هالخرابيط ابد

وبعدين يصورون ايش ويخلون ايش من الزحمة خخخخخخخخ

يالله لا تتاخرين عشان يمديني اشوفك قبل لا يخلص اشتراكي






حوبي

هلا بيكي حبيبتي

وان شاء الله البنات يفيدونك بنوادي الرياض

وعن تمارين بعد الولاده افضل كلاس لها هو البيلاتيس والبوزو بيلاتيس واليوغا وعن تجربه بالاضافه الي المشي

حاولي تاخذينهم من اليوتيوب وتطبقينها يوميا اتعب واقول ممتازة

ومعاكي حق الوحده تقدر تنتظم في النادي بس في البيت صعب

يعني حتى الايروبيك انا كنت اعمل بالبيت

بس لما رحت النادي حسيت بالفرق

في النادي اعرق مرة مع الايروبيك واتعب واحس اني فعلا حرقت سعرات

ومع الجمعه واللمة تتحمسين اكثر

ابتدار
06-01-2010, 03:50
ماشاءالله
موضوعك مفيد جدا
اممممممم انا ما قد فكرت اروح نادي نهائيا
امكن يجي يوم وافكر اروح بالذات لان زوجي يتمنى يشترك بنادي بس كل يوم يسوف
امكن لو نطلع سوا يتشجع هو
موضوعك روعه وماشاءالله خفيتي و ترتب جسمك ؟
الله يحفظك اجل النادي حاجه مهمه
كمان يعدل المزاج والتفكير ... صح ؟
ولك احلى تقييم

جيادا
06-01-2010, 03:55
حسحوسه مشاركه بالجولد جيم ماشالله لايكون شفتك ياحورمه

انا بصراحه ماني مشاركه بس رحت كم مره مع مرت ابو زوجي......مشوااار

عشانها دوبا وتروح هناك تقرا جرايد عاد انا اروح اضحك عليها شوي واشجعها شوي واحضر معاها اجتماعات شوي....مديره وتجتمع بمدرساتها ففي النادي

واقضي الوقت معاها

لا حاولت اجرب اي شي من الات احس الكل يطالع فيا ...وزني 46

واحيانا 48 او49 ان مره تخنت

بس والله جسمي يبغالو شد وافكر من جد ادخل النادي شجعيني ادخل حسحوس




.......حسحوس تخيلي مرت ابو جوزي بعد ماتخرج من النادي تعزمني في كرسبي كريم


خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخ

ابو الرشاقه اللي هي فيها

شي يفططس من الضحك

ا

i C h o
06-01-2010, 04:24
حسوسه
موضوعك رووعه ولي فتره أبحث وأبحث بس :sadcray::sadcray::sadcray: عندي مشكله معهم مالقيت نادي حلو الا الان ؟؟؟
كنت مشتركه بمركز الامير سلمان الرياض ابي أشد جسمي الحمدالله الوزن حلو بس زحمه مره وتركتوا وجربت مركز السلام تابع للمستوصف فيه هنديه واوو عسل وبنفس الوقت شديده ماترحم تقول علشان تنزلون وتشدون من وزنكم لكن لو ما شديت ماراح تستفيدوا جلست معها 6شهورطبعا موكل يوم أروح وستفدت منها كثير ونحفت معها مع انو انا ابي شد بس نحفت خخخ بعدين سافرت ولا رجعت ومن بعدها مارحت ودي بمركز فيه سباحه:swimgroup: ومو زحمه علشان شد جسمي وكبير :hero:؟؟؟

nana12
06-01-2010, 05:06
سم النادي اللي مشاركة فيه ؟؟ وموقعه بالضبط ؟؟

مركز انت بشارع الحصن

كم الفترة اللي سجلتي فيها ؟؟
شهر كان بودي اسجل اكثر بس عشان الدراسه كنت بوقتها بالكليه
انطباعك عن النادي ورأيك فيه ؟؟

جيد مو اكتر كان ناقصه كتير اشياء بس الي محليه الاداره الي فيه

افضل الكوتشات (( المدربات )) اللي بالمركز ؟؟

رشا كانت ممتازه وكانت تمسك بنت بنت وتعملها الحركات المضبوطه اذا عملتها غلط

وكانت شديده نوعا ما وهذا افضل





افضل صف رياضي حضرتيه بالنادي ؟؟

الايروبيك

كنت احبه كتير اكتر من الاجهزه او الساونا

نقص وزنك ؟؟ حسيتي بتغير على جسمك؟؟ مثلا (( ازددتي لياقه & خف السيولايت ........الخ ))

اه نقص 5 كيلو وبين علي بس لاني ما استمريت رجع وزني

كم ساعه تقضيها بالنادي ؟ وكيف تمضين هالساعات ؟؟

ساعتين
وكان يومين بالاسبوع ساونا

أمـــاراتيةUAE
06-01-2010, 05:07
هلا غلاتي موضوعج مرة عجيب

عندناا كثير النوادي بس أنا مافكرت أدش أي نادي

عندنا حديقة للحريم أركض فيهااا ههههههههههه <<<<سبااق من قدهااا

وفي مراكز تجميل مدخلة معاها النادي الرياضي

بس الفكرة للحين مادشت تفكيري

مشكورة فديت عمرج ودوم الصحة يااارب

!خط النار!
06-01-2010, 06:42
فعلا حسوسه كلامك ..
الرياضه بالنادي انا مجربتها بس يمكن قبل عشر سنين .. مالاحظت نزول واضح بوزني يمكن كيلو واحد بس . لاكن مقاساتي تغيرت .. جسمي صار مرتب اكثر .. وقتها ماكنت دبه بس اروح اضيع وقتي
الحين بجد ابغى اشترك وابغى انحف .. والنوادي كثير عندنا بمكه ومن اشهرها التونسي رحت اتفرجت عليه مره
يفتح النفس نظافه وكلشي عندهم ..
والنادي اللي كنت مشتركه فيه ..نادي الجمعيه الخيريه ..

يعطيك العافه حسوسه ..موضوعك بث فيني الحماس ..

FOOFITA
06-01-2010, 09:15
حسوووووووسة أحوووبكـ يابت كأنكـ حااسة فيا .. أنا وصحبتي قررنا ندخل نادي نشجع بعض وماأدري أنااا مرررة ماأعرف نوادي هنا فـ جدهـ بس هيا مدحتلي نادي حق مستشفى جديد فتح في النسيمـ >> جنب بيتهمـ أععع نسيت إسمه

الموهيمـ تقولي إنو جيد .. بس يبغالي أقوولها على قولد والله عجبني بس بسألكـ كيف أسعارهمـ وكيف الإشتراكـ يعني بالساعات ولآ بالشهر ولآ كيف هع .؟

شوووكرا كتييييير أوووووي

ام فروحه
06-01-2010, 09:17
الله يرزقكم رشااقه بصحه وعااافيه
مااعررف نودااي بجده
بس قرات عن نادي سليمان فقيه يمدحوه في نت طبعاا

Chili..~
06-01-2010, 10:04
هلا والله إحســـــــاس..~

الله يعطيـــــــك العافيه ع الموضـــــــوع الحلو....يستفيدون منه العضوات..~

انا والله ماعمري اشتركت....بنـــــــادي رياضي...الحمدلله وزني مثالي..ومناسب لطولي..

فمااحتجت اروح لنادي..=)

مع انها مفيده...وحلو ان الوحده تكون عندها لياقه بدنيه....بس إذا حبيت اسوي رياضه..

امشي...مره مفيد وحلو...غير كذا والله ماسويت..=)

تسلمييين حسوسه ع الموضــــــــوع الحلو مثلك..~

NO MORE
06-01-2010, 10:49
آي حسسسوسَ آمي قآمت عليّ يوم جبتلهآ طآري آلنآدي من يوم آلمقطع آللي نزل عنهـ بس بعضهم يقولون كذب وآصلآ آلسآلفة صآآرت زمآآآآآآآآنَ ..


وآن شآء آلله آسجل قبل مآتخلصين .. آنتي متى بيخلص آشترآكك ..



هم قآلولي آشترآك سنوي ب 4500 ريآلـَ ..


خط آلنآر ..


بنت عمي في آلتونسسسي مرررررررة تمدحهـ وتمدح آلمدربآآآت تقول ششغل تمآآآمـْ توكلي على آللهـ وآدخليهـ ..



جيآآدآ ..


آمآ زوجة حمآكِ رهيييييييييبة كرسبي كريمْ مررررررة وحدة .. يختي آلبيك وتهون <~ تكفيييينـَ ..


يآللهـ آذآ ودك آدخلي آلقولدنْ <~ حشششى بنسسوي هنآك قروب شموآهـَ ..



<~ قلبت حسسوسة آرد ع آلبنآت خخخخخخخخخخخخخخخخخخخخخخخخخخخخخخخخخخخخخخخ ..

حنان
06-01-2010, 11:14
انا من القصيم بريدة

ما قد اشتركت في نادي رياضي بس اللي اسمع من الناس

عندنا عيادات ديرما والصفوة ببريدة لهم نوادي واختي قد اخذت عندهم تجربة تمدحهم

وفيه بعنيزة مركز تابع لمستوصف السلام العالم هابين فيه هبه مرررة ويتكلمون عنه كثير

وفيه مركز رياضي جديد فتح بعنيزة تبع شركة الطريف اسمه ماجيك فتنس واختير قبل فترة كأفضل نادي رياضي بالعالم على ذمة موقع ايطالي انا سمعت انه رجالي وما ادري اذا فتحوا نسائي او بنيتهم يفتحون نسائي

هذا اللي اقدر افيدكم فيه بالنسبة للمراكز اللي بمنطقتي

وهذا الرابط اللي معروضه عليه صور ماجيك فتنس النادي اللي بعنيزة من الموقع الايطالي

http://www.panattasport.com/en/webpage.asp?ID=20012

MISS HONEY
06-01-2010, 11:31
حسوس ابش دا

تعرفين لا اكيد انك ماتعرفي اني مستحيل اشارك بنادي عيييب حتى الممشى يبعد عن بيتي حوالي 300 متر ماقدراروح مع صحباتي نوووووووو وي

مستحيل

بس انا كنت امشي في البيت وانط حبله واسوي تمارين للافخاذ والبطن مره نحفت عليها

بس اللحين شغل البيت يادووووووووب اخلص وانا اسير مكسره مره مااقدر امشي زي زمان

برنامجي كان 45 دقيقه مشي وال15 تمارين والنط 10 دقايق ماقدر ازيدها في اي وقت بس موبعد المشي الا ب4 او 5 ساعات
ولازم يكون بعدها وجبه ولا اروح فيها

نزلت على هذا النظام كثير لدرجة اني سرت مومياء

بس مره رهيب ....حلو

يبين نتايج حلوه وزني الحمد لله معقول يبغالي 2 او3 كيلو بس يبغالي شد اكثر


يالله عيوني الله يسعدك

أنقى من الغيمه
06-01-2010, 11:44
موضوع مررررره مفيد ..........اشكرك احساس
انا ناويه اسجل بنادي رياضي بس للحين ماتم ..........اول مااشترك
راح اذكر تجربتي معاكم.ان شاء الله

& عطــgggره &
07-01-2010, 12:03
بالنسبه لي ماافكر اشترك بنادي
او بمعنى اصح ماني حاسه اني محتاجه لهالشي
اولا / لان الحمد لله جسمي حلووو ومناسب جدا لطولي
كان عندي زياده بسيطه في الوزن
وقضيت عليها بخلال 4اشهر تقريبا لين وصلت للوزن المناسب
فــ صار عندي ترهل بسيط جدا في البطن
وداومت على الجري بالسير الكهربائي مع شرب كوب كمون مع يانسون مغلي يوميااا لمده شهرين تقريبا
واستخدمت جيل لوريال perfectslim لازاله السليوليت
والحمد لله راضيه تماما عن النتيجه وعن جسمي بشكل عام

وان شاء الله يارب مااحتاج اروح للنادي ابدااا
واتم محافظه على جسمي ..


وتسلمين ياقلبي ع الموضوع الحلوو

الدموووعه
07-01-2010, 12:36
:mabymaby: لااا تهيجين مشاااعري

قسم قسم طااااااااقه من هالبلد

ولا نادي مثل الناس ...مغير المناهل ومركز سلمان

وعشان تروحين لااازم توفرين لك سواق وسياره


واللي بط كبدي زود .....

بنو جنبنا بالحي نادييين كل واحد اكبر من الثاني واحلى :nopoints:

والمقرر انه واحد رجال وواحد نساء

يوم جو يفتتحونه رفضت الهيئه انه يكون نسائي :mabymaby: :mabymaby:

طفله تحت المطر
07-01-2010, 01:00
نادي الرثويه في الرياض يمدحوونه انا ماجربته جربت النخبه حلو

ehsass
07-01-2010, 03:11
ياحبي لكم ولتفاعلكم

بكتب يومي بالاول وبرجع ارد على كل وحده


بس في نقطة حابه اقولها للخوات اللي يقولون انهم ما يحتاجون نادي

النادي و الرياضه مش فقط للسمينات او ممتلئات الجسم

الجيم حركة ونشاط وكلاسات رائعه واعتبره انا في السعوديه بالذات نوع من الترفيه عن النفس

ماشاء الله بالجيم اللي اروح له ثلاثه ارباعهم نحيفات او ممتلئات والربع الباقي سمينات






اليوم الاربعاء

نص ساعه على التريد ميل = 100 كالوري



ساعه كلاس كور بورد core board


مع المدربه الاجنبيه pat


اول مرة احضر لها حصه من كثر ماخوفوني صعب صعب

اليوم دست على قلبي وجربته

كان ممتع جدا بس فعلا صعب

يعتمد على التوازن


http://up.shamoa.com/uploads/images/shamoa-0f43f25a03.jpg (http://up.shamoa.com/uploads/images/shamoa-0f43f25a03.jpg)






نفس التمارين اللي نعملها في كلاس الايروبيك نعملها في هالكلاس بس على دا الجهاز


http://up.shamoa.com/uploads/images/shamoa-198c029ae8.jpg (http://up.shamoa.com/uploads/images/shamoa-198c029ae8.jpg)


شوفو المقطع هذا رح يبين التمارين اكثر


http://www.youtube.com/watch?v=j1BC79LCUNw



وبعد ماخلص الكلاس


رحت قعدت على اجهزة الصقل والشد


هي 18 جهاز رح اذكر اليوم 9 والباقي بعدين باذن الله


جهاز صقل الارداف والساق


http://up.shamoa.com/uploads/images/shamoa-fed7067533.jpg (http://up.shamoa.com/uploads/images/shamoa-fed7067533.jpg)






جهاز شد وصقل عضلات الافخاذ الاماميه


http://up.shamoa.com/uploads/images/shamoa-b0bc58d629.jpg (http://up.shamoa.com/uploads/images/shamoa-b0bc58d629.jpg)






جهاز شد عضلات الفخذ الجانبيه{{ العضلات الخارجيه }}


http://up.shamoa.com/uploads/images/shamoa-2a332c6d25.jpg (http://up.shamoa.com/uploads/images/shamoa-2a332c6d25.jpg)






جهاز شد عضلات الافخاذ الجانبيه {{ العضلات الداخليه }}


http://up.shamoa.com/uploads/images/shamoa-89ddeee221.jpg (http://up.shamoa.com/uploads/images/shamoa-89ddeee221.jpg)






جهاز شد عضلات البطن {{ العضلات من اسفل الصدر الى عضلات اسفل العانه }}


http://up.shamoa.com/uploads/images/shamoa-3f965629a1.jpg (http://up.shamoa.com/uploads/images/shamoa-3f965629a1.jpg)







جهاز شد الزنود


http://up.shamoa.com/uploads/images/shamoa-093b26e968.jpg (http://up.shamoa.com/uploads/images/shamoa-093b26e968.jpg)




جهاز شد الزنود والصدر


http://up.shamoa.com/uploads/images/shamoa-46b2c82f54.jpg (http://up.shamoa.com/uploads/images/shamoa-46b2c82f54.jpg)








جهاز شد الصدر وعضلات الاكتاف


http://up.shamoa.com/uploads/images/shamoa-c5ce047de1.jpg (http://up.shamoa.com/uploads/images/shamoa-c5ce047de1.jpg)





جهاز شد عضلات الصدر وجوانب البطن


http://up.shamoa.com/uploads/images/shamoa-2793a86b63.jpg (http://up.shamoa.com/uploads/images/shamoa-2793a86b63.jpg)





وبكذا خلصت ساعه



وبعدين قعدت نص ساعه على الاوربي راك = 220 كالوري



وبكذا انتهيت اليوم من الاكسرسايز

ehsass
07-01-2010, 03:30
النوادي اللي سمعت عنها بجده


نادي مستشفى المستقبل

راحت له وحده من صاحباتي ومرة تمدحه بس اوقات الدوام عنده الظاهر صباحيه










نادي مستشفى سليمان فقيه


كثيرين يمدحونه بس يقولون اشتراكاته غاليه شوي















مركز الوعود الصحي بحي الصفا


يداومون فترتين باليوم


وعندهم مميزات حلوة انه في مواصلات وحضانه <<< كما سمعت


وكنت ناويه اسجل فيه بدايه من كثر مالعالم تمدحه بس للاسف بعيد بعيد عن بيتي


















مركز اكاديميه نفيسه شمس الصحي



يقولون ان نفيسه هذه زوجه عبداللطيف جميل



اختي كانت تبغى تسجل عندهم قالو مدربتهم سافرت


وقفلوا الجيم

مدري اذا لساته مقفل او لا <<< للامانه فقط

















مركز مستوصف النزهه للعلاج الطبيعي


شارع حراء


حلو بس صغير مرة عبارة عن دور في عمارة وكل غرفه فيها شويه اجهزة


















نادي مستوصف الزهرة



وحده من صاحباتي مسجله فيه

تمدحه مرة وماشاء الله نحفت صاحبتي عليه مررررررررررررررة


بس عيبه مثل ماتقول هي


انه زحمه

واجهزته شو قديمة وصايرة مستهلكه وبعبارة اصح صايرة تحزن :sorrowsmiley1:





نادي جامعه الملك عبدالعزيز

اسعارهم رمزيه

ومو شرط الاشتراك شهري او سنوي

ممكن اذا رحتي تدفعي وخلاص

يقولوا المشي في المضمار مرة خطير

بس للاسف مقفول الان بسبب السيول

ومدري متى رح يفتح من جديد



اي وحده تبغى رقم لاي من النوادي اللي كتبتهم تراسلني عالخاص

هدفي مساعده الجميع لا اكثر

ehsass
07-01-2010, 03:46
سلملم

هلا بالناس الذوق

معاكي حق يالغلا الجيم يعدل المود والمزاج كثير

ان شاء الله موضوعي يحمسك












جيادا


ياهلا فيكي يالغاليه

لا يكون انا زوجه عمك وانتي ماتدري خخخخخخخخخ

وما الوم مرت ابو زوجك الواحد لما يشتغل على الاجهزة وده يكافئ نفسه

هو فيه احلى من الاكل

بس بالقوة نمسك اعمارنا

ولاحظت انه كثيرات اجسامهم تاخذ العقل ومع ذلك يمارسون التمارين ماشاء الله عليهم













هلا مسز فاشن


نورتي حبيبتي


سبحان الله لاحظت شي في الجيم ذكرني به كلامك عن الهنديه

وهو انه المدربات الاجنبيات مخلصات في عملهم اكثر من العربيات للاسف

مثل ملاحظتك بالضبط

تمسك البنات وحده وحده تعلمهم الحركات الصحيحه


واذا لقيتي مركز خبرينا ياعسل
















نانا12

الله يسعدك ياقلبي على الافاده

بجد انتي انسانه ذوق وعسل

وانا معاكي اذا كانت المدربه شديده افضل

يخاف منها الواحد ويتمرن غصب هع


بس سؤال ياعسل

كيف كنتي تستخدمي الساونا ؟؟


كم المده اللي تجلسي فيها ؟؟

وبعدين تستحمي والا ماله داعي ؟؟


اتمنى استخدم الساونا اللي بالجيم بس مش عارفه كيف ؟؟










امارتيه uae


هلا فيكي

عندنا منعوا مراكز التجميل يضموا لهم نوادي

فقط المستشفيات هي اللي مسموح لها


واذا الحديقه فيها ايزي لاين و يوغا فعز الطلب ههههههههههه















سيده الذوق


بانتظار ام الذوق كله

ehsass
07-01-2010, 04:09
ذكرى الجراح

اهلا بيكي ياقلبي

لاتشاركي بالجيم ياقلبي مو بالغصب

الدعوة مشاركة ومتعه ووناسه









خط النار


هلا فيكي حبيبتي

خبرينا عن نادي الجمعيه الخيريه

وكيف اسعارهم ؟؟












فوفيتا

هلا بيكي حبوبه

ميزة القولدز جيم عن بقيه النوادي انه مفتوح من 7 الصبح لحد 12 بالليل

وهذا اللي خلاني افضله

اشتراكهم سنوي

مايرضون اشتراك شهري الا في الصيف فقط

عندهم اشتراكين

الvip بـ 10 الاف السنه

والعادي 5500

واحيانا ينزلو عروض يخفضوا الاسعار

انا اشتركت ايام العروض المخفضه ب4800 ريال

وفي رسوم خاصه لبنات المدارس بثلاثه الالاف وشويه

وللاطفال الشهر ب600 ريال


وان شاء الله اكون افدتك

وياليت ياقلبي تخبرينا عن النادي اللي قالت عنه صاحبتك وين بالضبط

حابه يكون موضوعي هذا مرجع <<< قاموس المنجد على غفله











ام فروحه

سعدت بمرورك ياقمر

وماننحرم من النس الذوق










chili


هلا فيكي يالغاليه

وانا بعد اشكرك على كلماتك العسل مثلك











no more

هلا نونو

يختي وش دا المقطع اللي كلحت وانا ادوره بالنت مالقيته هع

كلن يتكلم عنه بس انا ماشفته <<< مقهورة

والله ياقلبي اللي ملاحظته انا ان الكل حاله من نفسه وبس

ماعمري لاحظت شي مو طبيعي بالمركز

اشتراكي يخلص في الحج القادم باذن الله

ان شاء الله يمديك تلحقي ؟؟

وخذي راحتك بالرد ياقلبي ياحبي لك بس

ايش رايك تكون الردود قطة بيني وبينك ؟؟ هع










حنان


الله المركز اللي بعنيزة ياخذ العقل

يفتح النفس والله

اشكرك ياقلبي على المعلومات الحلوة

وان شاء الله بنات القصيم يستفيدو من ردك ياعسل









مس هوني


ههههههههههههه بسم الله على قلبك


عيب مرة وحده ؟؟

رايحه انا بار والعياذ بالله؟؟












انقى من الغيمة

ياهلا وغلا بيك حبيبتي

يالله حنا بانتظارك ياعسل

ehsass
07-01-2010, 04:19
عطورة


ماشاء الله عليكي

مبروك الوزن الجديد

الهدف مو جسم حلو وبس

الهدف لياقه وجسم مرن

وان شاء الله تتمين محافظة على وزنك الجديد











الدموووعه

سلامة قلبك يالغاليه

والله انا بعد انقهرت :mabymaby:


ليش الهيئه تعمل كذا الله يهديهم ؟؟

يعني الرجال حلال عليها تنحف وحرام على الحريم

اذا المركز مقفل ومستر ايش ليش التعنت ؟؟

طيب ليه سمحوا لمركز سلمان وهذا لا :fightingman:


بجي اضارب معاك ههههههههههههه













طفله تحت المطر

اشكرك حبيبتي على الافاده

بس ياليت تخبرينا عن النخبه

كم اسعارهم وشو الكلاسات اللي عندهم ؟؟

Randa
07-01-2010, 05:47
حسسوسـهُ..يآملحك..أنتي ومـوآضيعـكُ...
من نآحيه النـآديٌ..ولا مره في حيآتي أشتركتُ...
جسمي كآن بيرفكت مـآخربٌ.الا بعد الولاده<<:mabymaby:
وصرت أمشئُ..يوميآ..ودآيت قآسسي..والحمدلله..صرت أفضل..
وحده من صحبآتيُ..مشتركه في نآدي سلمآنُ..<<بسٌ..أحسه تغير مو زي قبل..مره مآيمدحونه حآليآ..
:pinkflower:
يعطيك العآفيه خيتو..وتستآهلين التقييمُ..علىآ جهودكٌ.

N O D i
07-01-2010, 08:59
الله موضوع مميّز ومفييييييييييد ..
انا للأسف ما قد اشتركت في نادي ..ومدري ليه ما يجي في بالي ...
الكل يقول لو تدخلين بتختفين << عشاني نحيفه
..حاطّين في بالهم ان النادي للتنحيف وبس ..

HãNõ
07-01-2010, 01:31
الله عليكي ياحسوووسه موضوعك مرررررررررررره يجننننننن
وبجد الكل راح يستفيد
بدل الواحد مايتصل ويسال على النادي
التجارب احسن بكثيرررررررر

وانا راح اجاوب !!!


اسم النادي اللي مشاركة فيه ؟؟ وموقعه بالضبط ؟؟

نادي مستشفى الزهراء
حي الزهراء جنب المستشفى بالتمام <<< شي الوصف


كم الفترة اللي سجلتي فيها ؟؟

تقريبا انا بالنادي من 3 سنين

انطباعك عن النادي ورأيك فيه ؟؟

بصراحه مررررره خطير ومرتاحه فيه نفسيا
صح النادي مو مره كبير بس كل اللي هناك مره تعاملهم طيب
وبجد ناس تنحب
ويكفي اني نحفت فيه بعد فضل الله يعني بقووه راح اشوفه
النادي التوب بالنسبه ليه


افضل الكوتشات (( المدربات )) اللي بالمركز ؟؟

بحكم اني دخلت بس اسبوعين ايروبيك
بصراحه كابتن عبير ( مصريه ) مرررررررررره خطيره تعتمد على الحرق بشكل كبير
وفي كابتن وفاء ( سوريه ) كمان مره خطيره واكثر شي تعتند على الشد بدرجه كبيره
وكابتن ساندي ( سعوديه على المانيه ) كانت تخصص يوقا وشد كمان لا يعلى عليها
كابتن راضيه ( اعتقد مغربيه ) كمان مره قووويه وتمارينها اقوى واقوى لانها تعطي كلاسات كارتيه

يعني بصفه عامه كلهم خطيرين

بس اعتقد كابتن وفاء في إجازه

ترى جربتهم بس اسبوعين

افضل صف رياضي حضرتيه بالنادي ؟؟

انا الشي اللي مارسته بالنادي السباحه
دخلت ايروبيك اسبوعين بس ماحسيت اني ارتحت فيها
يمكن عشان ارتحت بالسباحه وقلت ابغى الشي اللي يرتاح فيه جسمي
عشان اقدر اخسر وزن طالما ماحبيت الرياضه عمري ماراح انحف


نقص وزنك ؟؟ حسيتي بتغير على جسمك؟؟ مثلا (( ازددتي لياقه & خف السيولايت ........الخ ))

جينا لي اهم سؤال :yeyes:
الحمدلله الحمدلله الحمدلله بعد فضل رب العالمين
خلال سنه و3 شهور خسرت 30 كيلوووووووووو :شمــــــــــوخ*::شمــــــــــوخ*:*::FOFITA*::فن وذوق*::فن وذوق*:
وجسمي شد بطريقه ماتتخيلوهاا الحمدلله
يمكن عشان كنت انزل شويه شويه ماصار عندي ترهل ولا خرب جسمي
وترى كنت بس اسبح 3 ايام بلأسبوع
لمدة 3 ساعات احيانا اكثر اذا مافي زحمه


كم ساعه تقضيها بالنادي ؟ وكيف تمضين هالساعات ؟؟
تقريبا 3 ساعات
كان احلى وقت يمر عليه باليوم عشان عندي هدف ومره اتحمس
واسبح من قلبي ما اضيع ولا دقيقه كدا تمر عليه


حسوووسه مره انبسط بلأسئله
ويارب كل البنات يستفيدو من موضوعك

وبالتوفيق للجميع

:dreamheart:

دلوعه عتيبه
07-01-2010, 02:10
لي باك .................... موضوع حماااسي بقوه ..

sweet strawberry
07-01-2010, 02:43
احلى شي كنت ابغى هذا الموضوع من زماااااااااان بصراحه انا من اهل الرياض والحين ساكنه بالطائف بحكم شغل زوجي وانا بصراحه مااعرف في هذي المنطقه شي ياريت اللي من ىاهل الطائف تقولي عن نادي رياضي حلو وممتاز انا سمعت عن (مستشفى الأمين ) ياريت تفيدوني ينات الطائف.

klimons
07-01-2010, 08:35
موضوع اكثر من روعه
بس لااسف مو مشتركه بنادي
اسوي تمارين خفيفه بالبيت
وناويه اشترك في نادي مع ماي فرندز

MISS HONEY
07-01-2010, 11:15
حسوسه الموضوع كله حماس

اعجبني جهاز core board

حسيته ممتع مره بس ييبغاله وقت عشان التوازن زي ماقلتي

بس بغيت اسالك عن اجهزة الشد للافخاذ والبطن

مالها اي ضرر لو سبتيها وكمان تكبر العضل ولا معلومه خطأ

تابع يوحنا وراك......

لولو الصغيرة
08-01-2010, 03:01
من جد ..حسوسه ..ما قصرت ..يعطيك العافية .. موضوع مميز ..

سبحان الله دايم اشوفه من برا و اتمنى اعرف عنه و عن تدريبهم تمام و إلا زي المراكز التانيه سمعه ع غير فايدة .. بس والله اعطيتيني امل اشتركـ فيهـ ..

>> ما قلتي كم الاشتراكـ (( اهم شي عندي ..ههه )) و اذا عندهم خدمة توصيل .. لانه مرا بعيد عن بيتي ..

و اخيرا ..الله يسعدك:verylove:

مشاعر مخملية
08-01-2010, 11:14
هلا حسوسة
احب الرشاقة واسعى لها بس في خيالي لاني ابد مب راعية رياضة وخربطان خخخخ
الحمدلله جسمي مثالي بس مش مرتب يباله رياضة لكن ابد ماعندي فكرة
ان شاء الله نستفيد منكم

ehsass
08-01-2010, 01:43
Randa

هلا بيك حبيبتي

وهو في شي يخرب الجسم مثل الولاده ؟؟

ان شاء الله تسجلي قريب ويضبط جسمك باذن الله











عنادية

هههههههههههههه صادقه ياقلبي

الناس فكرتهم ان النادي للسمينات مع انه النحيفات احيانا يحتاجون النادي اكثر

اغلب النحيفات اللي صادفتهم في النادي يعانون من مشكله تصلب العضلات

تمارين المط والتمدد تتعبهم شوي

مع انه سبحان الله كنت اتوقع العكس







ساره

واو عليكي ماشاء

اجاباتك على الاسئله حمستني كثير

واديتنيي الامل انه ينقص وزني

لي الان ثلاثه شهور مانقصت ابدا

ومرررررررررة زعلانه

كنت اتوقع على الاقل 5 ك بس للاسف الميزان ماتحرك

بالرغم انه حاسه بالتغيير في ملابسي

اشكرك ياقلبي على ذكر تجربتك










دلوعه عتيبه

بانتظارك ياعسل









sweet strawberry

اصعب شي لما تنقلي من منطقه للثانيه

بسالك قريباتي في الطايف ان شاء الله افيدك باذن الله








klimons

ياهلا بيكي كوكو

بصراحه الجيم اروع شي صار لي هالسنه










MISS HONEY

اشكرك ياقلبي عالتقييم

عموما اي رياضه تمارسيها الافضل انك تستمري عليها 3 ايام بالاسبوع

واكيد لو تركتيها رح يرجع الجسم يترهل

من ناحيه انها تكبر العضل ...

انا سالت مدربه عن الاثقال قالت لحد 10 كيلو اثقال مايربي عضل

بس لازم من الاثقال ضروري حتى لو 2 كيلو

عشان تزيد من كتله العظام ويمنع باذن الله هشاشه العظام

فعشان كذا ان شاء الله مامنها خوف ابدا

وياهلا بيكي مسمسه









لولو الصغيرة

بصراحه لو يدوني القولدز جيم مكافاة على الدعايه اللي قاعده اعملها لهم خخخخخخخخخ


الرسوم كتبتها لردي على العضوة نو مور

وبرجع اكتبها لك ولا يهمك


الرسوم عاده مابين 6000 و 4800 ريال مرة تنزل مرة تطلع

وفي ايام يعملو تخفيض

وبنات المدارس والجامعه ب3000 وزياده

والبنات تحت 16 سنه ب 600 الشهر

وال vip ب 10 الالاف ريال

وتعرفت على بنات مسجلات ب 10 الالاف يقولو نفس الشي مافي تغيير كبير اللهم ان ليهم دواليب خاصه لهم <<< على كلامهم


وسالتهم في الحج مافي خدمه توصيل قالو على السنة الجديده

وماعاد سالتهم الحين >>> بتروح تسال









مشاعر مخملية


هلا وغلا بصقيقتي

نورتي الموضوع ياقمر

اي والله مالك الا الرياضه بتخلي جسمك منحوت وعن تجربه

FOOFITA
08-01-2010, 07:14
حسوسة أقنعتيني بالقولدز >> من جد لآزمـ يسوولكـ تخفيض عالدعاية هع ..

أفكـر أسجل فيهـ بداية الترمـ الثاني .. ولو فيهـ أي عرووض وكذا لآ تنسي تقوليلي ^^

وبالنسبهـ لوزنكـ طبيعي لو إنتِ تسوي رياضة ماراح ينزل كثير بس أكييد راح يتغير شكل جسمكـ ومقاسكـ وهذا الأهمـ ..

:pinkflower:

NO MORE
09-01-2010, 01:08
حسسسسوسسسة ..


يمكن آسسجل بعــِـِد مآآخلصّ آلآختبآرآت ..


بس تقولين 3 شهور ومآنحفتي .. يعني ..؟!

ehsass
09-01-2010, 01:13
FOOFITA


ابشري ياقلبي لو عرفت ان عندهم عروض رح اخبرك

وياهلا بيكي في موضوعي ياعسل










nỒ றỒЯë


اي والله يا نونو

هذا اللي قاهرني

الميزان محلك سر

لكن مثل ماقالت فوفيتا جسمي تغير كثير وملابسي صايرة واسعه

انحف كيلو وارجع وهكذا

وهذا الشئ احيانا يصيبني باحباط:mabymaby:

أمــلي بالله كبير
10-01-2010, 04:42
اهلين حسوسة والله ياقلبي حالياً ماشاركت في اي مركز بس امي سجلت في مركز تبع المستشفى حق الملك فهد بس عشان كااان عندها نسبة سكر بس اسبوعين..مع الحمية


انااااااا حالياً مااتوقع يمكن بعدين بعد الزواج والولادة والكرشة خخخخخخ اسجل بمركز


اشكرك عالموضوع المفيد اللي بيفيد كثثثثثثثير من البنات يعافيك ربي يالغالية

alshadn
10-01-2010, 11:29
والله لي 7سنين ساكنة بالرياض ودي بنادي سعره معقول يعني في حدود 300ريال مالقيت
انا نحيفه بس عندي سيليوليت بسيقاني ودي اشد
بنات الرياض اللي تعرف نادي ياليت تدلني على نادي كويس والله مليت

Tolan
11-01-2010, 08:39
اهلين عيوني حسووسي
كيفك ياقمر ....بصراحه موضوعك جاء بوقته وغير كذا راااائعه

لي تقريبن سنتين بجده ولا اعرف فيها ولا نادي بس اسمع
هذا حلو لا هذاك شين مافي شي دخل مزاجي وانا مشكلتي المكان احبه يكون نظيف وحلو وراقي
مو دور بعماره ولا بالقبو تحت الارض هههههه :ksho5ey:

لان انا عندي العامل النفسي اهم شي
طبعا الي سمعته انه حلو ..... مستشفى سليمان الفقيه وسمعت سمعت ان الجدعاني حلو
بس بصراحه المبنى مايقول كذا ههههههه

ومره تحمست للنادي الي انتي فيه انا مشكلتي تغيرت شوي يوم تزوجت :yeyes:
بالرياض قبل سنتين كنت بنادي الامير سلمان وبصراحه هل النادي لا يعلى عليه خياااال
وصح نادي وارتاح فيه كثير مع ان الكلاسات مو مره ولا مدربات كثير شاطرات
لان كنت امشي بالمضمار وكان مره رخياااال:up:
وبصراحه الرياضه مو شرط للدبيبااات هههههه لا بصررراحه
انا لما اسوي رياضه احس اني مرتاحه نفسياً وفيه حركه للدوره الدمويه ويعطيك نشاط وحيويه
وتنفس سليم يعني انتعااااش :tshje3:

وان شاءالله بجده اكون ارتحت لنادي ويكون لي زياره لنادي القولدز جيم لان بصراحه مايتفوت
وهل الزياره عاديه ولا الدخول بمبلغ لان نادي الامير سلمان كان الدخول للزايرات بـ 20 ريال


يسلمو ياقمر ماقصرتي كثيرررر :pinkflower:

ام سديم
11-01-2010, 10:36
موزوع ختير

باذن الله بكون متواجده هون


BrB

ehsass
12-01-2010, 03:14
أمــلي بالله كبير

ياهلا فيكي حبيبتي

طيب ياقلبي اسالي مامتك اكثر عن المركز اللي سجلت فيه

وكيف رسومهم ودوامهم

رح تفيدي كثير من البنات











alshadn


عن تجربه ياقلبي ما في شي يريحك من السيولايت مثل الرياضه وبالذات السباحه يقولون وحده بوحده للسيولايت

وان شاء الله بنات الرياض ما يقصرون معاك










.* تـــووولان *.


ياهلا بيكي ياقلبي

سعيده بوجودك في موضوعي

وماننحرم من طلاتك المميزة

اللي اعرفه عن القولدز جيم انه الاشتراك سنوي

ماعدا ايام الصيف يسمحوا بالاشتراك الشهري

ويسمحوا لك انك تجي مرة وحده فقط تتفرجي عالنادي وتشوفي المرافق اللي بيه

بس ما يسمحوا لك تستخدميها الا لما تشتركي

وكنت اتمنى يكون عندهم اشتراك يومي بس للاسف مافي












ام سديم



ياهلا بيكي حبيبتي

تنوري الموضوع

وان شاء الله تستفيدوا

دلوعه عتيبه
12-01-2010, 01:56
يوه ..يااحسوووس اسفه بقوه .. نسيت على بالي اني رديت انا وجهي .. لاحول مادري متى ترجع لي الذاكره بس ؟؟


بالنسبه للنادي........... واااو احلى تجربه الصراحه .. يعني من ناحيه انو نفسيا لمن تشووفين غيرك يشتغل على نفسه انتي تتحمسين .. ولمن تشوفين ناس دبه اكثر منك تفرحين بنفسك وتقولين انا بوصل قبلهم .. للمثاليه ..



انا لي تجربه ساابقه.. وحاليا لي تجربه زي وجهي ههههههههههههههههه اكيد حلوه ..

قلب نقي
17-01-2010, 03:11
موضوع روووعه ..

الله يعطيك العافيه حسوسه

Randa
19-01-2010, 07:25
والله لي 7سنين ساكنة بالرياض ودي بنادي سعره معقول يعني في حدود 300ريال مالقيت
انا نحيفه بس عندي سيليوليت بسيقاني ودي اشد
بنات الرياض اللي تعرف نادي ياليت تدلني على نادي كويس والله مليت

مرحبــــــــــــآإ..عزيزتيُ..
أمس رحت مركز بششرىآ..وشفت عندهم جيمُ..

مرتب وحلو..بس ضيق ومزحووم...
يمكـنٌ..لأنيُ..رحت له وقت المغربُ.
.ممكن تروحين له الصبآح..وأسعآره بـ حدوودُ..(300 ) تقريبـآ..

موفقـه..
:pinkflower:

ehsass
20-01-2010, 01:41
كيفكم بنات

اليوم رحت الجيم

مشيت ساعه عالتريد ميل = 200 كالوري

وربع ساعه على الاوربي راك = 100 كالوري

وعملت تمارين شد وصقل بالاثقال

وحضرت كلاس يوغا يمكن تقريبا من 250 كالوري الي 300 مع المدربه امل

بجد هالمدربه رائعه احب كلاساتها مرة


الحركات اللي بنعملها بكلاس اليوغا مثل اللي موجود بها المقاطع


http://www.youtube.com/watch?v=H3vLZqPZxZE




http://www.youtube.com/watch?v=2fMUPZ4IMQQ


وان شاء الله تستفيدوا



كمان اليوم قريت اعلان انه في كلاس باليه بس مش داخل مع الاشتراك السنوي

له رسوم خاصه


الشهر ب600 ريال حصتين بالاسبوع


والزومبا كمان فتحوا لها كلاس خاص برضوا برسوم زياده ب600 ريال الشهر

حصتين بالاسبوع


بصراحه مرة زعلت :yawelak: يعني ما يكفي دافعه حدود ال 5000 ريال اشتراك وكمان ادفع 600 ريال زياده :pfft1:


اليوم مريت من عند الاكوا وشفت مدربه اجنبيه تدرب الحريم وااااااااااااااااااو بس الهوا بارد فهونت :sneezing:

ehsass
20-01-2010, 01:44
دلوعه عتيبه

اكيد اذا التجربه زي وجهك اكيد حلوة وقمر بعد ههههههه

يالله احكي لنا عن تجربتك يا دلوعتي













قلب نقي


الله يعافيك ياقمري انتي










Randa


يسعدك ربي ياعسل


اموت عالناس اللي تتفاعل

ماننحرم من وجودك يالغلا

FOOFITA
20-01-2010, 06:00
بــاكـ متأخر ^^

إيوة حسووسهـ سألت صحبتي ع النادي اللي جنب بيتهمـ قالتلي إنو فـ مستشفى السامري ..

تقولي جديد وأسعـارهـمـ حلووة ..

ماأدري أحسني خف حماسي للنادي لأنو ماعندي وقت أرجع من الجامعة عالعصر ..

إيش رآيكـ لو اجيب أجهزة رياضة فـ البيت .. إيش تنصحيني .؟؟

ehsass
22-01-2010, 09:59
FOOFITA

هلا بيكي حبوبه

بصراحه الجامعه تهد الحيل بالذات المشي فيها واوقات المحاضرات والجلسه الطويله

فما تنلامين ياقلبي

ممكن تعملي لك نادي مصغر في بيتك وتمشي على جدول رياضي

ساعتين في اليوم اذا حابه تنحفي او ساعه 5 ايام بالاسبوع اذا حابه تحافظي على لياقتك


بالنسبه لي اهم شي لازم تتوفر في البيت هي


التريد ميل = تمشي عليه اقل شي 45 دقيقه بسرعه 5


الاثقال = من 2 الى 5 كيلو


الستيب = ضروريه عشان تحرقي اكثر


الكورة = ممتازة لشد العضلات الداخليه


حذاء رياضي مناسب {{ مهم جدا }}



وولترفيه وابعاد الملل mp4 :cleanmachin:



واخر شي اشرطة ايروبيك ويوغا

وهذه ممكن توفريها من النت



اذا توفرت عندك هالاشياء يصير خلاص ما تحتاجي تروحي النادي ابدا

LoOoLzZ
23-01-2010, 01:30
:Pinkyheart:

موضوع قمة..

ايه أنا مشاركة من زمان, تقريبا لي أكثر من 7 سنوات ويا الرياضة ---> قصة حب

بس أنا مو بالسعودية..

الرياضة ما أعتبرها وسيلة تنحيف, أعتبرها شي أساسي للحفاظ على صحتي ورشاقتي وشد جسمي بحيث ما يكون مترهل أبدا..

جربت كل أنوع ال{Classes} وأكثر كلاسين استفدت منهم وشدوا جسمي هم: الSpinning & Power Pump..

الSpinning مهم جدا لشد الجزء السفلي من الجسم وتقويته وجدا رائع اذا تبين تحافظين على لياقتك, بعد كاسات السبننج ما عاد شي يتعبني لأنها كلاسات متعبة وايد..

الPower pump هم رائع وأحلى شي فيه انك تشدين وتحركي كل عضلة بجسمك, راح تصحين الصبح وجسمك كله يوجعك ليمن تتعودين وتصيرين بيرفيكت..

في كلاسات ثانية مثل الLBT, Taebo, Salsa Dance, ..etc

كلة الإيروبكس كلمة عامة وايد وتحتها تندرج كل الكلاسات اللي ذكرتها ما عدا الSpinning لأنه السبننج يكون شبيه بالسايكلنج بس على احترافية أكثر..

حبي..

ehsass
24-01-2010, 02:29
LoOoLzZ


هلا بيكي حبيبتي

اشكرك ياقلبي على ذكر تجربتك

ومعاكي حق انبح حلقي وانا اقول للعالم والناس وافهمهم ان الرياضه مو بس للتنحيف

الرياضه تعالج وتحسن الصحه كثير

حتى اني اضحك على بعض الناس تقول اذا عملت رياضه بختفي

لا مستحيل تختفين الا بالعكس يتحسن القوام حتى للبنات شديدات النحافه

والسايكلنق والسبيننق هما نفسهم بس اتوقع السبننق اصعب او بمعنى اصح للاحترافيين مش للمبتدئين


واتفق معاكي انه هلاااااااااااك هههههههههههه

حضرت مرتين وكنت بموت صراحه بالذات البق مصلصز ههههههههه

وانا بنفس الكلاس نفسي تحدثني ميه مرة اني انسحب بس الحمدلله ما عملتها لحد الان


بالنسبه للتاي بو


فيه له كلاسات بالقولدز جيم بس لحد الان ماحضرتها


ويقولو انه اول مافتح القولدز كان فيه صفوف دانسنق بس قفلوها :ksho5ey:



ياليت تفيدينا باي معلومات عندك ياقلبي

7 سنوات رياضه اكيد ماشاء الله تبارك الله لك خبرة افضل من احساس اللي لها 4 شهور فقط بالجيم :bokmal:

NO MORE
24-01-2010, 03:21
فوفيتآ ..

آنصحك من مجربة ومن مجربآآآتـَ ..


آجهزة ريآضة في آلبيت مآتنفع ..


آنآ جبت عندي كذآ جهآز تحمست لهمـْ بآلبدآية وقلت خلآص بمششي عليهمْـ وسويت لي جدولـْ بس آول آسبوعين وبعدهآ سحبت عليهـ حبة حبة ..

آلآفضل نآدي منهآ تغير جو وتغير لنفسسيتك لآنك رآح تملين بآلبيتـَ .. ومنهآ يكون معكْ قروب تتحمسين لهـ ..


وبعدين آلقولدز جيمـْ آحلى مآفيهـ آنهـ لين 12 مفتوح يعني تقدرين تروحين لهـ آي وقت .. آو روحي آلصبآح آذآ آنتي محآضرآتك متأخرة ..


بآلتوفيق ..!!



loooolzz


آللهـ يديمـْ عليكٍ آستمرآرك وآصرآرك ع آلليآقة ..

بس حبيت آسألك دآمْـ لكْ فترة طويلة .. ريآضة آليد مآخلت عندك عضلآتـَ ..؟!

...بنت النور...
24-01-2010, 11:33
السلام عليكم ,....
توني شفت موضوعكم ... طبعا انا بعيد .. من البحرين ..

بس بقولكم تجربتي...

اسم النادي اللي مشاركة فيه ؟؟ وموقعه بالضبط ؟؟
انا مشتركة في نادي رياضي ( أصيلة ) .. اروح بس ايروبكس ....

كم الفترة اللي سجلتي فيها ؟؟
صار لي اسبوعين ... بس من قبل رحته قبل سنتين تقريباً

انطباعك عن النادي ورأيك فيه ؟؟
النادي وايد زين .. النظافة اوكي 9/10
والمشتركات غالبا من الطبقة المتوسطة الى الراقية
صالة الجم ... حلوه وكبيرة ومتوفر فيها كل الاداوت

افضل الكوتشاب (( المدربات )) اللي بالمركز ؟؟
والله كلهم زينين .. بس الافضل ساندي بس فيها غرور..
بس في صفها تعرقي وتتعبي عدل .. ولا تخليج توقفي .. وتقريب ثلاثلة ارباع المشاركات في النادي معاها

افضل صف رياضي حضرتيه بالنادي ؟؟
طبعا انا لحد الان ما حضرت الا الايروبكس .. بس هو انواع .. مره حضرت مع المدربة الثانية ماتريس.. وكانت تدريباتها على الكورة الكبيرة مثل هذه ..... صج روعه
http://thumb1.shutterstock.com.edgesuite.net/display_pic_with_logo/237136/237136,1220331517,1/stock-photo-full-body-portrait-of-a-beautiful-brunette-woman-lying-on-an-aerobic-mat-and-a-pilates-ball-16842391.jpg





والحين في اجازة الربيع ابي احضر البيلاتس حق اشد جسمي ... لانه يكون بس الصبح ومع الدوام ما اقدر ...

نقص وزنك ؟؟ حسيتي بتغير على جسمك؟؟ مثلا (( ازددتي لياقه & خف السيولايت ........الخ ))
نقص بس 2 كيلو بس في الشكل مبين .. ليش؟ لان الجسم يبني عضلات ولها وزن ... وهاي العضلات هي اللي تحرق السعرات بعدين .. السليولات خف بس مب وايد لاني اخربط في الاكل ... : (

بس ان شاء الله من هالاسبوع راح التزم بالدايت أكثر واحاول اتحرك أكثر

أما اللياقة وايد صرت أحسن .. وأكثر نشاطاً

أدعوا لي اضعف بصحة وسلامة ..

LoOoLzZ
24-01-2010, 01:34
ehsass:

لي الشرف حبيبتي اني أزور موضوعك للمرة الثانية..

السبننج يا عمري صعب وايد وايد, خصوصا بدايات الأيام أنا والحمد لله أعتبر نفسي عندي لياقة عالية بس من دخلت السبننج اكتشفت انه الجزء السفلي من جسمي يحتاج لتقوية أكثر بكثير..

والله كانوا وياي بنات ما شاء الله وزنهم زايد بقوة, يعني الأفخاذ والأرداف مترهلة بشكل مو طبيعي, كنا نروح السبننج ويا بعض في 3 أسابيع لاحظت تغير كبير في أجسامهم..

يعني مو مهم كم كليو نقص من وزنك, المهم كم Inch اتقلص من الشحوم؟

في بنوتات من يبدوا بالرياضة يزيد وزنهم ويصيبهم إحباط, مع انه الجسم يبدا ياخذ شكل حلو, فأقول لهم هاي الجسم قاعد يشد نفسه والسوائل تتوزع بشكل متساوي بالجسم فأكيد العضلة بس تنشد راح يزيد الوزن فلا تحاتون..

أنا ما يهمني وزني {كم}, أهم شي عندي جسمي كيف؟ وشلون؟ أكره كره العمى انه تكون عندي عضلة مو مشدودة أو جلد مترهل..

بالنسبة للتايبو, متعب جدا مثل السبننج بس اذا كانت المدربة محترفة وشطورة راح تحسي بهلاك, خصوصا في عضلات اليد بس فوائده عجيبة غريبة, حاولي تجربي وتشوفي..

وطبعا راح تلاحظي انك لو داومتِ على التايبو والسبننج راح تتعودي وما راح يكون صعب مثل الأول..

بس سؤال حبيبتي, انتِ شو هدف روحتك للجم؟ هل تبين تنحفي جسمك؟ ولا تبين تشدينه؟ ولا الإثنين؟

LoOoLzZ
24-01-2010, 01:43
No More:

يا هلا حبوبة, بصراحة أحب أرفع أثقال طبعا مو 200 كيلو ---> عز الله!

أرفع من 2.5 الى 5 وصارت فترة اني حسيت انه عضلات اليد صارت بارزة , عن نفسي ما أحب عضلاتي تكون بارزة أحسها تفقدني أنوثتي..

فاتجهت لرياضات شد بدون أثقال, رياضات بسيطة ومفعولها ساحر, وحسيت انه العضلة ضمرت, يعني صارت أصغر ومشدودة أكثر..

في شي مهم تغفل عنه معظم البنات, في بدايات حمل الأثقال تحسين العضلة انتفخت وصار شكلها مو حلو فالبنات يتركون الأثقال خير شر وبعدها العضلة تترهل وتطيح تماما..

لما تبدين برياضة الأثقال طبيعي انه العضلة راح تستجيب واستجابتها تكون بإنها تبدأ تتمدد فأكبر خطأ انك تتركين الأثقال لما تبدين تلاحظين التمدد, هاي مجرد تمدد ونفخة العضلة بعدها ما انشدت..

لما تشوفينها بدت تتمدد اتجهي لرياضات شد بدون أثقال, ما يبيلها شي, وانتِ قاعدة بالبيت تسوينها..

واذا حبيتِ راح أذكر لك مجموعة من هالرياضات..

حبي..

ehsass
24-01-2010, 03:18
رح ارجع ارد عليكم حبيباتي


بس حبيت اخبركم اليوم ببرنامج ذا دكتورز على ام بي سي فور mbc4


رح يعرضوا حلقه عن الكالوري وحرق الجسم


فلا تفوتوا الحلقه <<<<نقلا من شهودة


القاكم بالليل ان شاء الله

لوتي
25-01-2010, 01:29
موضوع رائع ماشاء الله
انا عمري مارحت نادي لكن حاطة في بالي
انا اخاف انه لو سبت النادي يخرب جسمي واندم اني رحت
جسمي نوعا ما كويس لكن زدت شويه في الوزن لكن ملابسي عادي وعندي كروشة نفسي اشوفها مشدودة وينحف خصري اكتر
بين الحين والاخر امشي من ساعة الى ساعة الاربع وبس

حابة اسأل عن نادي فقيه وجدة الوطني ايش رايك فيهم وهل هم بنفس مستوى قولدز قيم ؟يعني فيهم نفس الكلاسات ؟
وشكرا لك على الموضوع الحلو والمجهود الرائع

ehsass
25-01-2010, 02:26
اليوم الاحد

مشيت عالتريد ميل ساعه =200 كالوري

الاورب تراك = 100 كالوري

وحضرت سبيننق مع المدربه ميموري = 400 كالوري


ومعاكي حق LoOoLzZ

الكلاس هذا عذااااااااااااااب

بس روعه بصراحه

وحسيت بالمتعه فيه

ehsass
25-01-2010, 01:21
...بنت النور...

اشكرك ياقلبي على طرح تجربتك المميزة

وان شاء الله بنات البحرين يستفيدوا منها

انا سمعت انه التمارين عالكورة تحرق الضعف عن التمرين العادي

للاسف انا كمان ماصرت احضر البيلاتس لانهم غيروا موعده الصبح :mabymaby:

ومعاكي حق بالنسبه لوزن العضلات انا لما جلست اسبوع بالبيت بدون رياضه نزل وزني

معناته ان العضل هي اللي كانت مثقله الميزان

بس سبحان الله حاسه بالتغيير الحلو بجسمي الحمدلله

وان شاء الله يارب ننحف كلنا بصحتنا وعافيتنا يارب














LoOoLzZ


هلا بيكي يالغاليه

والله انا بصراحه اول مادخلت الجيم كان هدفي اني انحف وارتب جسمي

بس بعد ماعرفت فوايد الرياضه للجسم تغير هدفي تماما

وصار هدفي الحين اهتم بصحتي

قلتي لنو مور عن تمارين تشد العضله تنعمل بالبيت

ياليت تخبريني فيها حبيبتي









لوتي


اهلا بيكي يالغاليه


هو اكيد انه اذا تركتي الرياضه رح ترجعي تمتني

سواء رحتي الجيم او لا


عشان كذا كثيرين ينصحوا بممارسه التمارين 3 ايام بالاسبوع عشان الواحد مايمل



بالنسبه لنادي فقيه وجده الوطني

اسمع فيهم بس ماعمري زرتهم

كثيرين يمدحونها بصراحه بالذات المسابح اللي عندهم حلوة

لان مسبح القولدز جيم مجرد اكوا للتمارين بس مو للسباحه

واتوقع ان الكل نفس سعر الاشتراك

انتي لازم تزوريها وتقرري بنفسك

والله يوفقك

ehsass
26-01-2010, 02:35
اليوم رحت للجيم


ساعه على التريد ميل وساعه ايروبيك كان كله على الستيب

والله احس ركبي رايحه فيها

لوتي
26-01-2010, 06:35
انا بس خايفة ارجع بعد ترك الرياضة اسوأ يعني يصير ترهل مثلا
او يزداد وزني عما كنت عليه واندم
سمعت فيه ناس صار لهم زي كدا
يمكن حسب قابلية كل جسم

مجنونهـ بحبهـ
26-01-2010, 09:57
موضوعك مره مفيد ويجنن مره الله يعافيك

LoOoLzZ
26-01-2010, 07:12
:dreamheart:

ehsass:

سوري عالتأخير حبيبتي, انشغلت بكم شي..

تمارين الذراعين بدون أثقال:

1. تمريني المفضل:

توقفين وتخلي مسافة بين رجلينك , ظهرك يكون مشدود وتمدين ادينك من جوانبك كأنك تبين تطيرين ===> لا يفوتك الوصف!

وبهدوء تحركين الكف فوق وتحت, انتبهي كل شي بجسمك يكون ساكن ومشدود, ماكو شي يتحرك غير الكف..

التمرين بسيط جدا وممتع وما راح تحسين بنتائجه إلا بعد التكرار..

أسويه من 50 إلى 150 مرة يوميا..

2. الPush ups:

صورة توضيحية:

http://www.healthylivingnyou.com/upper-body-exercise/images/push-ups.jpg


صعب شوي, خصوصا اذا كان الوزن كبير, لأن الجسم يعتمد تماما على حركة الإيدين..
أهم شي في البش أب إنه الأقدام تكون مثبتة بالأرض والجسم ما يتحرك أبدا, ايدينك هي اللي تتحرك وبس..

إتقانها صعب بس بالتكرار راح تتعودين عليها..

3. تمرين الكرسي:

أحبه وايد, مفيد للbiceps & triceps

صورة توضيحية:
http://www.beebleblog.com/images/tricepdip.jpg


هم صعبة, والوضعية حساسة جدا, أهم شي تتأكدين إنه ايدينك فقط هي اللي تتحرك..
راح تكتشفين انك تسوينها الطريقة الصحيحة لمن تحسين بألم في العضلة الخلفية..
انتبهي انه الأفخاذ تكون ثابتة وساكنة..

واذا تبين تحركين عضلات الtriceps تغيرين وضعية الكف, لاحظي الصورة الأصابع لداخل الكرسي, اعكسيهم وخلي أصابعك لخارج الكرسي ويكون تمرين للtriceps...

هاي أفضل تمارين الإيدين بدون أثقال, أتمنى أكون أفدتك..

alshadn
27-01-2010, 03:30
مرحبــــــــــــآإ..عزيزتيُ..
أمس رحت مركز بششرىآ..وشفت عندهم جيمُ..

مرتب وحلو..بس ضيق ومزحووم...
يمكـنٌ..لأنيُ..رحت له وقت المغربُ.
.ممكن تروحين له الصبآح..وأسعآره بـ حدوودُ..(300 ) تقريبـآ..

موفقـه..

:pinkflower:







تسلمين حبيبتي

على الخبريه الحلوة

!خط النار!
27-01-2010, 05:35
موضوعك كل مادخله اتحمس :electricf:
بالنسبه لنادي الجمعيه الخيريه اسعارهم كانت بحدود 500 اذا ماخانتني الذاكره .. اسعارهم متوسطه .. وطبعا المبنى نظييف ورايق ومخصص للدورات والنادي مو حياالله اي شي ..



لولييييييز ..

قاعده اطبق تمرين اليدين :yeyes: بس مادري انتي قصدك الكف مايكون بحركه دائريه بس نحركه فوق مره وتحت مرره ..


يعطيكم العافيه يابنات ..:pinkflower:

LoOoLzZ
27-01-2010, 06:21
ايه يا خط النار, مرة فوق ومرة تحت وكل شي يكون ثابت..

دلوعه عتيبه
27-01-2010, 01:56
رجعت علشان خاطر عيوونكم وعيون حسووس :





اسم النادي اللي مشاركة فيه ؟؟ وموقعه بالضبط ؟؟



نادي الوعود المتكامل
جده. الصفا. خلف محطه الوروري ..


كم الفترة اللي سجلتي فيها ؟؟

شهر ونص ..


انطباعك عن النادي ورأيك فيه ؟؟

النادي كويس بس مو نفس اللي كنت اتمناه .. بس يمشي حاله ..



افضل الكوتشات (( المدربات )) اللي بالمركز ؟؟

هي مدربه وحده ربي يسعدها اسمها هناء .. وفعلا مدربه ممتازه .. وتمارينها خطيره .. وخاصه بعد اول شهر بدت تشد علينا ..



افضل صف رياضي حضرتيه بالنادي ؟؟

هو صف الأيروبيك الصراحه مره يعجبني ..


نقص وزنك ؟؟ حسيتي بتغير على جسمك؟؟ مثلا (( ازددتي لياقه & خف السيولايت ........الخ ))



الصراحه اني مانقصت الا كيلو ونص ..بس اللي حسيته انو جسمي انشد كثير والقهر اني عضلت يمكن هذا هو سبب في عدم نزول الوزن .. والحمدلله ليااقتي صارت احسن تكه .. باقي توني قلت بسم الله ..



كم ساعه تقضيها بالنادي ؟ وكيف تمضين هالساعات ؟؟


ساعتين ..

ساعه .. اجهزه اقسمها ربع ساعه على اوربت تراك ........... 100 كالوري .. وعلى الدراجه ربع ساعه ......... 100 كالوري ... ونص ساعه على الترد ميل .............. 100 كالوري ..


والساعه الثانيه .. ايروبيك .............. 700 الى 1000 كالوري ..


زي مايقولون تقريبا في الساعتين نحرق على هالتوزيع 1500 كالوري .. مع الرجيم فننزل بالشهر خمسه كيلو ..


:panicsmiley2:


طبعا انا مامشيت على الريجيم لانو ياحرام احس حرمتني من كل شئ .. وصعبه عليه مااقدر لازم اخبص بس اني اخفف ومع كذا وزني وقف ماهو راضي ينزل .. :mabymaby:

دلوعه عتيبه
27-01-2010, 02:01
الأسبوع هذا ..


رحت ثلاث اايام السبت الأحد والإثنين ..


طبعا بس ساعه باليوم .. هي ايروبيك ..

السبت كان استبس ... وااااااااااااااي مره مره ماطيقه عنيف ويتعب ومانخلص الا واحنا خلاص قمه الإرهاق ..

الأحد كان تمرين راايق مره اللي هو تمارين الثنائي .. بالعصا يعني كل اثنين مع بعض ونسوي التمارين بالعصايه .. وبعدين كملنا بالمخده .. علشان شد الفخوذ الداخليه ..


والإثنين .. كان تمارين البطن .. والفخذ.. واااي مره حلوه بس فيها شويه تعب خاصه مرحله التثبيت هذي ببكي فيها ..



طبعا منعني الدكتور من ساعه الأجهزه علشان ركبتي صارت تالمني .. واحس فيها الم فضيع وقالي عوضيها بالمشي ساعه ؟؟

ehsass
28-01-2010, 07:58
لوتي

اغلب اللي تركوا الرياضه مرة مرة يقولون صار لهم ترهل فضيع

بس انا في بالي ما اترك باذن الله

حتى لو مشي فقط





مجنونهـ بحبهـ

الله يعافيك حبيبتي .. حياك





LoOoLzZ


هلا بيكي ياقلبي

اشكرك على شرح التمارين

لحد الان البوش اب ماقدر اعملهم على الارض لازم اعتمد على ركبتي

بس قاعده احاول

لكي مني احلى تقييم










!خط النار!


حلو .. الهدف من الموضوع بدا يشتغل ههههههه

ابغى الكل يتحمس





دلوعه عتيبه

اشكرك ياقلبي على طرح تجربتك

ومركز الوعود سمعت عنه كثير

وكثيرين يمدحونه

وحلو ان المدربه تنوع لكم في الايروبيكس


عشان ماتحسوا بالملل



وبما انك تمارسي رياضه فالافضل ننسى الميزان

نصير نحسب بالسم او الانش او بملابسك

دلوعه عتيبه
29-01-2010, 01:13
حـــــــــسووس .. طيب لو اقوولك انو مقااسات في اللبس ماتغيرت .. وربي مقهوره ولاني كمان ماخذت مقااساتي في المركز .. فماني عارفه كيف ؟؟

ehsass
30-01-2010, 02:34
هلا دلوعه

خلاص ابدأي احسبي من الحين خذي مقاس الفخذ + الحوض+ الوسط من حول السرة + الصدر


وبعضهم يقيس كمان اعلى الساق تحت الركبه



انا كمان مقاس ملابسي ما نقص بس الاحظ ان اللبس صار احلى على جسمي واركز

يعني الكلاكيع خفت كثير

دلوعه عتيبه
01-02-2010, 01:57
خخخخخخخخخخخخخخخ حسوووس ايوه هي الكلاكيع (( شكلها كلمه الكوتش حقتكم خخخخخ)) اختفت وصار اللبس مره حلو .. بس الوزن ماتحرك ولا تكه ..





المهم بقولكم




السبت .......... بديت اشرب عصير اناناس بدون سكر ..

رحت النادي ساعه ......... وكان التمرين على الإستبس يااكرهي له ,..وتمارين البطن ..



الأحد .........مصدقه عمري واشرب عصير اناناس ..


وتمارين اليوم كانت على العصي الثنائيه.. وتمارين شد الفخذ الداخلي والجانبي ..

لوتي
02-02-2010, 12:37
باركولي خلاص اشتركت امس في نادي فقيه
ان شاء الله استفيد واستمتع

ehsass
03-02-2010, 02:06
دلوعه عتيبه

اي الله يسعدك ياقلبي اجلسي خبرينا شو عملتي عشان اتحمس

الحين مر اسبوع مارحت






لوتي


مبروك ياقلبي

يالله لاتروحي بعيد

خبرينا عن يومك هناك

بانتظارك ياعسل

الدبه الورديه~
04-02-2010, 05:22
يسلمو حسوو على هالموضوع الاكثر من رائـع ..

والله احنا يابنات الخبر مساكين ماعندنا الا هالاثنين سليم لاين & مستشفى المانع

لا ويقولون انه قفل :(

انتظر وحده تجي تقول في الخبر ومافيه ولا وحده ..

ياليتني سكنت في جده ابرك لي والله ..

ياشين المتعقدين كل شي حرام حرام :(

وتقفيل بهالنوادي ..

يارب يحنون علينا ويفتحون لنا نادي مثلكم :(

بالتوفيق خواتي

'Me'
04-02-2010, 07:45
موضوووووووووعك مره مفيد .. قبل اشتراكي فرفرت النت أدور على موضوع مفيد و مالقيت ..

أنا مشترمة في نادي من فتره ... و زي إحساسك بالزبط .. كان احلى قرار أخذته .. ما تخيلت الرياضه ممكن تكون ممتعة كذا ..كنت حاطه ببالي انها شي مهلك و شكيت اني ما راح أكمل ... لكن بعد ما شفت نتايجها قررت اني ان شاء الله يا رب ما اتركها ابدااا ..


اسم النادي اللي مشاركة فيه ؟؟ وموقعه بالضبط ؟؟

Gold's Gym في جده .. انتي ما قصرتي و أعطيتي كل التفاصيل عنه ..

كم الفترة اللي سجلتي فيها ؟؟

الحين اشتراكي لمدة سنه راح منها 4 شهور للان ..


انطباعك عن النادي ورأيك فيه ؟؟

نادي رااااااااااائع .. فيه كل شي ابغاه .. صحيح زحمممه و احيانا الكلاسات تصير فل لكن بشكل عام
النادي نظيف و حلو و ممتع ..

افضل الكوتشات (( المدربات )) اللي بالمركز ؟؟

نيفين.. أحب احضرلها الــ body combat و الــ body attack



افضل صف رياضي حضرتيه بالنادي ؟؟

الـ body combat كثييير حبيته .. و الــ body pump .. Spinning ..body Step


نقص وزنك ؟؟ حسيتي بتغير على جسمك؟؟ مثلا (( ازددتي لياقه & خف السيولايت ........الخ ))

في البدايه لأ .. و هالشي طبيعي لأن الجسم يكون عضل ..
بعدين بديت أسوي دايت .. و بدأ ينقص وزني .. للحين نقصت 6 كيلو الحمدلله ..
مقاساتي كمان تغيرت و جسمي أنشد ..

كم ساعه تقضيها بالنادي ؟ وكيف تمضين هالساعات ؟؟

ساعتين .. ساعه عالاجهزه .. و ساعة أحضر فيها كلاس ..

_____________________

شاطىء ود
06-02-2010, 12:56
هاي انا هون جديده بشترك معكم
:dansing and happy::baddoingmashrom:
المهم اني من زمان بالرياضه بس ايش انقطع وارجع كان وزني العام في ذي الحجه 80 واصلت اخر شي وصل وزني في جمادى الاخر 68 ونزل لين 65 بس توقفت ومنها زاد وكلما جا له يزيد وانا حظرتي جالسه واحسب فيه
لين وصل 75 :panicsmiley2:
وتوني التحق بنفس النادي


اسم النادي اللي مشاركة فيه ؟؟ وموقعه بالضبط ؟؟
نور الزهراء هنى بديرتي وقريب منا

كم الفترة اللي سجلتي فيها ؟؟

على طول لين اصير ملكه الرشيقات هههههه:ksho5ey:
انطباعك عن النادي ورأيك فيه ؟؟
ممتاز بس ممل احيانا

افضل الكوتشات (( المدربات )) اللي بالمركز ؟؟

مديره المركز افضل شي تمارينها تجيب القامت تقتلن قتال

افضل صف رياضي حضرتيه بالنادي ؟؟

افضل اليوغا لنه مريحه وتهدي الاعصاب واكره الايروبك افطس فيه :pfft1:

نقص وزنك ؟؟ حسيتي بتغير على جسمك؟؟ مثلا (( ازددتي لياقه & خف السيولايت ........الخ ))

اكيد بس لي اسبوع لاعبه بالاكل لعب وقلت توبه :ksho5ey:انا جسمي لائق ودايما المراكز الي التحقت فيها المدربات يقولون لي هالحكي والسلولايت هم خف كثير وخاصه الخصر صار باربي خخخخ
كم ساعه تقضيها بالنادي ؟ وكيف تمضين هالساعات ؟؟


ساعتين ونص
تماريين + ومشي ع الجهاز ساعه او نص ساعه وهذره وسالف ونت وبسسس
واتمنى انكم تشجعوني لني باديه جد الجد

حزن في سجن أنيق
06-02-2010, 01:31
ايش حكاية ان الجسم يعضل عشان كدا ماينزل الوزن ؟
انتو عاملين دايت ولا بس مكتفين بالرياضة ؟ لأنو في الرابح الاكبر كانو بينزلو وبالهبل في بداية البرنامج وكل ماقرب الجسم من الوزن المثالي كل ماقلت قابليته لفقدان الوزن
انا اشتركت من 3أيام وخوفتوني بحكاية العضلات انا ما ابغى جسمي يعضل بجد مو حلو .:floo:
بعدين اذا الوحدة تركت الرياضة ترجع زي قبل ولا لا ؟ابغى اجابة من تجربة

ehsass
06-02-2010, 01:15
الدبه الورديه~

ياربي انا نفسي اعرف ايش فيها من حرام النوادي الرياضيه :fightingman:

والله ياقلبي الحرام اننا نشيخ قبل وقتنا والحرام قعدتنا كذا بدون اهتمامنا بصحتنا

حاولي تمارسي الرياضه بالبيت

ساعتين باليوم او حتى تطلعي تمشي

بس لا تتركي الرياضه <<< نصيحه من قلب








'Me'


هلا بيكي حبيبتي في شمواه

واتمنى اشوف يومياتك هنا

يصير نشجع بعض

وفرحت مرة لما عرفت انك بالقولد جيم

طلعتي صديقتي هههههههههه


معاكي حق عيب الجيم هذا الوحيد هو الزحمة





شاطىء ود


فرحت اول ماقريت كلامك انك نحفتي وبعدين زعلت لما قريت 75 ههههههههه

يالله ان شاء الله على الصيفيه تخبرينا انك وصلتي 60 ان شاء الله


وبغيت اسالك ياقلبي انتي وين ساكنه ؟؟ ما وضحتي بردك














حزن في سجن أنيق


ياقلبي حنا مانقصد ان يصير عندك عضل انتي فهمتي غلط

المدربه تقول ما يطلع للحرمه بالذات عضل بسرعه الا بعد شهور متواصله من رفع اثقال ماتقل عن 20 كيلو

يعني لو جلستي تشيلي 5 كيلو اثناء التمارين مستحيل يطلع لك عضلات عضلات

بس عضلات جسمك تشد وتحدد تقاسيم الجسم بشكل احلى


شوفي ياقلبي انتي قبل لا تبدأي بالتمارين عضلات جسمك مترهله وان لم تحسي بالترهل

وحتى لو كنتي نحيفه

فلما تبدأي تعملي تمارين تشد العضله وبالتاكيد تثقل

ويزيد وزنها فما تحسي ان الميزان يتحرك بدايه


ان شاء الله وضحت لك الفكرة

بالنسبه للرابح الاكبر كانو يمارسون رياضه 4 ساعات باليوم او اكثر

وانا بصراحه ماعملت ريجيم للامانه بس اخفف اكل


وبالنسبه لسؤالك الاخير

انا ماجربت صراحه بس شفت بالنادي كثير كثير بنات يقولو لما جلسوا بالبيت وتركوا الرياضه رجعوا متنوا

حزن في سجن أنيق
06-02-2010, 05:14
والله ما ادري بس خوفتونني انا ما احب شكل العضلات ع الحرمة
بعدين لو تعرفي للي شجعني اسجل بالنادي وحدة اعرفها جسمها كان زي جسمي بعدين اشتركت بنفس دا النادي وماشاء الله نحفت وبدون ترهل وكانت عاملة دايت ولها سنة من يوم تركت النادي وجسمها زي ماهوه
زادت بالاجازة 6 كيلو بعدين رجعت ماشاء الله نزلتهم
بس اترددت وخفت لمن قريت بمنتدى ثاني تحذيرات من بنات انو ماتتركي الرياضة والاجهزة ولا حترجعي الوزن اللي خسرتيه وزيادة عليه وانو المناطق اللي كنتي تمرنيها حيكبر حجمها وماحيرجع سدو نفسي عن النادي وجيت هنا قريت حكاية التعضيل اكتئبت بزيادة

دلوعه عتيبه
07-02-2010, 12:58
مرااحب


حسووس ايه بحمسك ... امشي قدام بس وانا وراك .. خخخخخخ



طبعا الأربعاء تركت المركز وكلي حسره على التمارين والبنات وشووفتهم



بس اني رحت لمامتي العسل .. وجالسه هالأسبوع يوم بتمرين ويوم لا .. مالي مزاج لحالي .. او بالأصح اختي مفتريه فطور وغدا وعصريه ومغربيه وعشا ... (( عز الله اني مدبله الوزن وراجعه ههههههههههههههههههه))

شاطىء ود
07-02-2010, 01:25
هلا ياقلبو انا بالشرقيه

ehsass
08-02-2010, 02:10
حزن في سجن أنيق

اخسريك ياقلبي من كلام المنتديات

ماودانا في داهيه الا تخويفات الحريم

احنا لما بنروح النادي ما بنروجح نرفع اثقال على طول

وانتي لما بتسجلي بنادي بتعرفي هالشي

طيب شوفي الحين لي اسبوعين تقريبا مارحت

والله كاني امس عامله رياضه جسمي مشدود ماشاء الله ولا صار من الكلام اللي يقولونه بالمنتديات

والله الرياضه احلى منها مافي وعن تجربه

وتحسن المود تبعك كثير كثير

واذا خايفه من الاوزان لا تستخدميها ياقلبي خليكي على الايروبيك والاوربي تراك والتريد ميل وبس










دلوعه عتيبه :yawelak:


بغيناك ياعبدالمعين تعين طلعت ياعبدالمعين تتعان


يالله خذي خواتك واعملو نادي بالبيت :panicsmiley2:

بدل ما يتمنوكي نحفيهم ههههههههههه











شاطئ ود


اشكرك ياقلبي على مشاركتك وياليت تخبرينا عن يومياتك

دلوعه عتيبه
08-02-2010, 10:39
هههههههههههههههههههههههه حسوووس



انا بقولك اختي الكبيره ماهي دبه وزنها 64 .. من كذا ماغير تبلع سم الله عليها لايجيها شئ تقول مني


والصغيره ......... وزنها يمكن 65 ونفس الشئ تبلع ومايبان عليها ..


وانا الوسط ..يقالي الدبه حقتهم .. وكل ماجيت اهاوشهم اكلوني بقشوري قمت اسمع كلامهم واكل معهم

طــهـــر
08-02-2010, 10:51
ماشاء الله موضوعكم حلو وتجمعكم ممتع كثييييييييير .. حبيت اضيف اضافة بسيطة << بامريكا كل مجمع اساسي وضروري فيه وجود نادي صحي .. ماشاء الله صح عندهم سمنة بس الشعب عنده توعية مررره عالية والكل يسوي تمارين حتى النحاااف وعندهم لياااقة شئ ان شاء الله بس اداوم زيهم ع النادي :)

واقول للبنات نصيحة من قلب خلي الاكل الصحي والتمارين اليومية لو مشي نص ساعه نظامك اليومي مو بس جسمك بيصير حلو لاااا << جسمك بيصير حلو ومشدود وعندك لياقة ماتتعبين ع طول وبشرتك بتصير صحية وبعد نفسيتك بتكون عال العال >> ..

'Me'
09-02-2010, 12:50
حسوووس اسبوعين ما رحتي !!
ليه كذا كسلتي .. انتي فاتحه الموضوع يعني المفروض تكوني قدوه في الالتزام بالنادي خخخخخ

أنا الاسبوع اللي راح بس رحت 3 ايام ..
و الاسبوع هذا يومين
<<< معاناة أزلية مع سالفة التوصيل :yarab:
بس أمس دخلت مع رشا .. Body Pump
واليوم دخلت كلاس الـ Step مع ميموري .. هلكتنااااااااا كأنها تدريبات عسكرية !!
للحيييين جسمي مكسر ..

وعلى سالفة العضلات ..
انا لي اربع شهور أحضر كلاس الاوزان مره بالاسبوع .. أشيل خمسة كيلو
و ما طلعلي عضلات :no: بالعكس انشدت المنطقه من فوق من عند الزنود و صار شكلها حلوو الحمدلله ..
يعني ( العضلة صارت أقوى و مشدوده) لكن مو بارزه ..
احنا كــ إناث يعني ما عندنا الهرومنات اللي عند الرجال و تخلي العضلات تبرز زيهم ..
و الحريم اللي في كمال الاجسام و بارزين عضلاتهم :floo: هدول بياخذو حبوب و هرمونات عشان تصير اجسامهم كذا ..
يعني الخوف مو مبرر ... انا فيه وحده تقربلي مانعها زوجها تسجل بالنادي عشان كذا !!
يقول النادي ما يصلح للبنات و يطلعلهم عضلات .. و مفكر انها بعد كم شهر تصير زي اللي بكمال الاجسام خخخخخخخخ

ehsass
09-02-2010, 10:22
دلوووووووووووعه عتيبه


طلعتي من جد دلوعه هههههههههه

اهم شي تدفي عن البرد :sneezing: وتفرجي على موضوع اريام الجديد بتاع الشعبيات <<< عكس النصايح السابقه خخخخخخخخ

ودوري على شارع طويل ماله اخر وروحي امشي

اذا اهلك في الطايف افتكر فيه شارع القمريه او حديقه السندي هههههههههه <<< الله يذكر الطايف بالخير وه ياحبي له >>> طلعت عن الموضوع الاساسي











طــهـــر

آه يا طهورة


آه ياقلبي


وقصم شوي وابكي:sorrowsmiley1:

وعندنا هنا يقفلو النوادي :mabymaby:


والله من جد من جد اننا مساكين <<< خانني التعبير :bokmal:















'Me'


اهلا بيكي ميمي

والله مشكلتي انا بعد في المواصلات الله يعين بس

شو اعمل ياميمو اذا مالقيت حد يوديني :sorrowsmiley1:

ياليت اقدر القى سواق بمحرم

والله اللي تلقى تكسب فيني اجر <<< شحاده من قلب:sorrowsmiley1:

المتينه
13-02-2010, 02:38
بصراحه انا تحمست بهالقسم عشان كذا سجلت ودي اسوي دايت وادخل نادي

مشكلتي بالرياض مافيها نوادي سنعه وابي بشرق الرياض

انا طولي 166
ووزني 98

كان قبل اكثر ونزلت تقريبا 22 كيلو كنت ماشيه على نضام رندا بارياض الهجن وصلت 92 بس تركت الدايت وزاد وزني

ااااه قصصصصم هالسسسمنه هم وغبنه بجد :sorrowsmiley1: دعواتكم بس ابدا وانحف :sorrowsmiley1:

ان شااءلله من بكره اشوف نادي واتابع وياااكم :pinkflower:


شكرا لصاحبة الموووزوع القمممممميل :pinkflower:

دلوعه عتيبه
14-02-2010, 11:57
حسوووس ..


الواحد لازم يكون له نصيب من نكه (( تنكتين انتي ووجهك هههه)

يالله جايتكم بعلومي ..




السبت ......... رحت للنادي بعد غيااب عشر اياام .. اول مادخلت اخذت جوله بوسات وسؤالات عن الصباايا ..


ثم طلعت اخذ الوزن (( كلوووووولوووووووووووووووووووووووووش ............. نااقصه ياابت يادلوعه 2,300كليو ..خلال هالعشر اياام .. يااربي لك الحمد ..


طيب وش سويتي ياابنت المفرووض مع البرد تصيرين دبه ..

لالا افتكرت وانا عند اهلي ماكلت شكولاتات .. ولاشربت عصيرات .. لاني ماحبها الا باارده ومع البرد ماتعجبني ؟؟

وكمان كنت اتحرك كثير تعرفون بيت فيه بزران شلون يبيله عامله بلديه وراهم

وكمان اني كنت اكل3 وجبات كلها طبخ البيت ( ربي يسلم يدين اختي ) وعصريات وحركات بس مادري وش السر ؟؟ اتوقع طبخ البيت ازين من برى ( تحسس نفسها بذنب ههههههههه


المهم اني نزلت خخخخخخخخخخخخخخخخخخخخخ






دخلت ايروبيك ... ساعه وربع .. كان التمارين منوعه مابين استخدام الكرسي لشد الفخذ والذرااع .. والمخدات لشد الفخذ الداخلي .. وتمارين شد البطن .. والزحلقه (( بغت تطيح خخخخ))



والحمدلله نوافيكم باخباار جديده قريبا ..

الدبه الورديه~
16-02-2010, 02:55
الدبه الورديه~

ياربي انا نفسي اعرف ايش فيها من حرام النوادي الرياضيه :fightingman:

والله ياقلبي الحرام اننا نشيخ قبل وقتنا والحرام قعدتنا كذا بدون اهتمامنا بصحتنا

حاولي تمارسي الرياضه بالبيت

ساعتين باليوم او حتى تطلعي تمشي

بس لا تتركي الرياضه <<< نصيحه من قلب




الله يهديهم ان شالله :)

انا اطلع امشي مع امي تقريبا ساعه ..

بس المشي بطئ مآاقدر امشي بسرعه واخلي امي ,, امي تتعب اذا مشت بسرعه

الحمدلله احس ان جسمي التم على بعضه ..

حتى في بعض ملابسي صايره واسعه علي ^_^

الحمدلله ..:)

*ديانا*
16-02-2010, 11:05
ودي اشترك بنادي بس مادري ايش افضل نادي في الرياض
انا وزني 70
والده لي 6 شهور والله لايوريكم انتفخت نفخه سودا
ياربي بطني صاير فظيييييييييييع
كم تتوقعون يبيلي انزل هالعشرين كيلو
وايش تنصحوني فيه علما ان سمنتي متركزه بصدري وبطني

yaml7e0_0
17-02-2010, 12:09
بنات حبيت أسألكم مين جربت السباحه بنادي المناهل بحي السفارات أفكر أشترك عندهم

الدبه الورديه~
19-02-2010, 08:35
آبشرررركم ..





خآآصـه بنات الخبر & الدمام

جاني خبر ان بعد شهر باذن الله راح يفتحوون

نآآدي نسائي في الخبر ..

وراح يكون متنوع .. والمدربه سعوديـه نفسها اللي كانت بالمانع

عشان كذا تحمست لاني معها نزلت 13 كيلو وبعد ماعطلعت من المانع

وتركت كل شي رجع وزني بس مآرجع نفس اللي قبل والله من جد احمد ربي الف مرهـ

الحين النآدي قآعد يجهز آن شاله حتى الارضيه راح تكون خشب عشان اريح لنا بالتمآرين

واي معلومه جديـدة..

راح اوافيكم فيها بآذن الله


وسلامتكم ^_^

وردي ياقلبي
21-02-2010, 02:32
انا اشتركت بنادي بعد ماولدت هو مشغل وفيه نادي كان اقرب شي لبيتي مع انه ياخذمني مشوار في الطريق وزحمة المواصلات لكن كان اقرب شي
صراحة الالات قديمة وشكلهم جايبنها مستعملة وكل يوم نجي وحده خربانه وعلى صلحوها ومتى تصلحونها ونقاشات مع المديرة
لكن على الرغم من ذلك استفدت تدرون ليش
المدربة كانت مخلصة ومتفانية لابعد حد وكنت استفيد منها كثير وغطت على ردائت الالات ونزلت من وزني وشديت جسمي لكن اشتراكي كان 3شهور الصيفية بس بحكم ظروف العمل

فقاعة فوشية
26-02-2010, 02:08
الموُضوع مررهْ مفيَّد وجىْ بوُقتهْ ..!

آممممْ بنَآتْ ياليتْ تفيدوُنيْ بـ نآديْ ريآضيّ نظيَف ومرتبْ بـ الريَآضْ

وأكوُن شآكرهّ لكمْ من قلبّ :/ :pinkflower:

ûήĨØûÊ & ĈĦїċ
26-02-2010, 07:22
مساء الخير على عاشقات الرشاقه واللياقه


في هذا الموضوع حابه نتبادل انا وياكم تجاربنا مع النوادي الصحيه

ونكتب يومياتنا في الجيم واش اللي عملتيه

منها نشجع بعض ومنها نستفيد







مساء الورد موضوعك مره حبيته

اهتم لهامواضيع مره خاصه اني محتاجتها هالفترة بعنف

نجي لجواب اسألتك انا لي كذا تجربة وبطرحها عليكم



اسم النادي اللي مشاركة فيه ؟؟ وموقعه بالضبط ؟؟
قد اشترك بنيوهورايزن - القدس - مستشفى الزهراء - اباراج البدرية

كم الفترة اللي سجلتي فيها ؟؟

كلها كانت شهر الى شهرين

انطباعك عن النادي ورأيك فيه ؟؟

نيوهورايزن ابراج البدرية (( اعتقد قفل)) الزهراء ممتازة بس القدس اقل من عادي


افضل الكوتشات (( المدربات )) اللي بالمركز ؟؟

ما اتذكر اساميهم

افضل صف رياضي حضرتيه بالنادي ؟؟

كنت اكثر شي ايروبك والات السايكلنق مرررره كان متعب لي وعجزت اتاقلم فيه في الزهراء ونيوهورازن

نقص وزنك ؟؟ حسيتي بتغير على جسمك؟؟ مثلا (( ازددتي لياقه & خف السيولايت ........الخ ))

الشد كان واضح فيها كلها بس النزول لا يذكر بعدين اكتشفت السبب

كم ساعه تقضيها بالنادي ؟ وكيف تمضين هالساعات ؟؟

3 ساعات ساعه ايروبك او سايكلنج وساعه تردمل والباقي موزعه على الالات وفي الزهراء
اشتركت كمان بالجي فايف وكان ذي لحاله


الموضوع اللي اكتشفته من شهر بفضل الله ثم اخصائية التغذية الرائعه اللي اتعامل معها

ان جسمي ما يتفاعل سبحان الله مع الايروبكس وهالشي صدمني بس فعلا كنت جدا ملتزمة

بس ماالقى اي فايدة غير الشد وترتيب بسيط للجسم نصحتني اني اتجه للسباحة

والحين انا مسجله بمستشفى الزهراء دورة سباحة مع كوتش منى

جدا مبسووطة مع اني مارحت للان الا مرتين بس مره بان علي من التدريب

ماوزنت للحين وبكتب لكم يومياتي باذن الله مع السباحة :)

pink_diver
21-03-2010, 02:51
هيلووو موضوعك مارا يهبل

راح ابداؤ


اسم النادي اللي مشاركة فيه ؟؟ وموقعه بالضبط ؟؟
نادي شاميل ...
يقع تدخلي من سوق المساعديه بينه وبين البيك يميين
وتمشيي على توووول وتاخدي مع الشارع يسار هتلاقيه على يمينك
مركز تجميلي وبوتيكات ونادي مع بعض
والي يعرف منش مره قريب منو
كنت اسوي رياضه واطلع اكول منش اوم الدايت

كم الفترة اللي سجلتي فيها ؟؟

متقطعه اطولها شهر بس
انطباعك عن النادي ورأيك فيه ؟؟

مارا نظيف
مرتب
راقي جدا جدا جدا
مافيه زحمه ولا ناس تضايقك
كل شي مسمووح
والي عجبني انه مافيه مسبح
<<<مااحب المسابح المختلطه كثير
وفيه جميع انوع الرقص
هيب هوب <<lov it
اورينتال
سالسا
وحبييت اليوقا عندهم
وعندهم صفوف باليه للاطفال
ويوقا كمان

افضل الكوتشات (( المدربات )) اللي بالمركز ؟؟
مدربت البيلاتيس
والأيروبيك كلهم تمام
بس اكتر شي حبيتها مدربة ر قص السالسا من جنوب افريقيا عشقها
ومدربة الهيب هوب ماراااا تعموني


افضل صف رياضي حضرتيه بالنادي ؟؟
السالسا والسايكلينق دمااار
ألاود ميوزك ... ومافي نور ووواو
وكمان الهيب هوب
وفيه كلاس البوكسبق كنت ادور عليه من زمان
حسيت اني لقيت كل الي اباه

نقص وزنك ؟؟ حسيتي بتغير على جسمك؟؟ مثلا (( ازددتي لياقه & خف السيولايت ........الخ ))
انشد ماشاءالله جدددددددددددددددا


كم ساعه تقضيها بالنادي ؟ وكيف تمضين هالساعات ؟؟

3 ساعات

ehsass
31-03-2010, 02:17
اعتذر لكل البنات اللي مارديت عليهم في الفترة اللي راحت

وان شاء الله ارجع النادي الاسبوع الجاي

sweetheart
06-04-2010, 02:56
مسائكم فل

أشتركت بالنادي يوم 2 April

واليوم اول مشاركة لي بتاريخ 5


طبعا وزني بعد الولادة كان 141 باوند بكن قبل الولادةكان 131

اليوم المدرب قالي انو الوزن المثالي تقريبا 130

ولمن وزني كنت 138 يعني اصلا نزلت كم باوند


المهم قالي ابدأي بالسير لمدة 15 دقيقة بعدين اكثر من جهاز لليدين والصدر

يعني كل اثنين اسوي هالتمرين لليد والصدر والله كانت متعبة شوي لأنو اول مرة

بس قالي راح اتعود المهم النقطة اللي قالها انو لازم اخلي عضلاتي ترتاح 72 ساعة


يعني مايصير كل يوم اسوي هالتمرين المعين لأنو انا ماابغى اصير عضلات

ابغى بس اشد ف لو سويتها يوميا قال ممكن تطلع عضلات


بالتالي قالي كل اثنين استخدم الالات اليد والصدر

كل اربعاء الالات شد الظهر

كل جمعة شد الارجل

وخلال هالاوقات وبقية الايام اقدر امشي على السر ولا السيكل cycle

ولا فية كلاسات كثيرة منها رياضة عادية مع ABC وفية ال step

zumpa وغيرها بس هاذي اللي انا ممكن احضرها لأني حبيتها



وان شاء الله راح اخبركم شو يصير مستقبلا


على فكرة مشتركة لمدة شهرين ان شاء الله تدخل الكرش دعواتكم

sweetheart
08-04-2010, 02:36
اليوم مشيت بالسير 25 دقيقة ومع الكول 5دقايق يعني تقريبا 30 دقيقة


عملت جهازين واحد للخصر والثاني لعضلة البطن Two sets كل set كان 20مرة


ومشيت على السيكل 10 دقايق





اللي عندها خبرة بالاجهزي ياليت تفيدني لأن النادي مليان اجهزة بس مايعلموكي اي شي ولا ادفع لمدرب


تتوقعو لو اكتفيت بمثل اللي سويتة فوق راح تدخل كرشي بشهر ولا شو؟؟ من جربت السير بشكل اساسي

sweetheart
08-04-2010, 02:41
حسوووس اسبوعين ما رحتي !!
ليه كذا كسلتي .. انتي فاتحه الموضوع يعني المفروض تكوني قدوه في الالتزام بالنادي خخخخخ

أنا الاسبوع اللي راح بس رحت 3 ايام ..
و الاسبوع هذا يومين
<<< معاناة أزلية مع سالفة التوصيل :yarab:
بس أمس دخلت مع رشا .. Body Pump
واليوم دخلت كلاس الـ Step مع ميموري .. هلكتنااااااااا كأنها تدريبات عسكرية !!
للحيييين جسمي مكسر ..

وعلى سالفة العضلات ..
انا لي اربع شهور أحضر كلاس الاوزان مره بالاسبوع .. أشيل خمسة كيلو
و ما طلعلي عضلات :no: بالعكس انشدت المنطقه من فوق من عند الزنود و صار شكلها حلوو الحمدلله ..
يعني ( العضلة صارت أقوى و مشدوده) لكن مو بارزه ..
احنا كــ إناث يعني ما عندنا الهرومنات اللي عند الرجال و تخلي العضلات تبرز زيهم ..
و الحريم اللي في كمال الاجسام و بارزين عضلاتهم :floo: هدول بياخذو حبوب و هرمونات عشان تصير اجسامهم كذا ..
يعني الخوف مو مبرر ... انا فيه وحده تقربلي مانعها زوجها تسجل بالنادي عشان كذا !!
يقول النادي ما يصلح للبنات و يطلعلهم عضلات .. و مفكر انها بعد كم شهر تصير زي اللي بكمال الاجسام خخخخخخخخ





حبيت اعلق بالنسبة للعضلات



زي ماقالي المدرب عشان احنا مانبغاها تبرز زيك تسويها مرة بالاسبوع


يعني تعطي مجال للعضلة ترتاح عرفتي لكن لو سويتها كل يوم تاكدي بتطلع زي الرجال


فهو قالي المطلوب تنشد خلاص مرة بالاسبوع تنشد



وقالي للنحف مهم بناء العضلات عشان تحرقي اكثر

يعني لو انت جالة ولاتعملي شي تحرقي 50 كالوري


ولو عندك شوي عضلات راح تحرقي الظاهر 5000 كالوري وانت جالسة مابتعملي شي


هو رسمها لي يبغالي اصورها وانزلها:ksho5ey:

دلوعه عتيبه
08-04-2010, 04:04
بنات ..


انا راح اترك النادي لفتره شهر .. ابغى اريح جسمي .. واليوم خلص اشتراكي وماجددت .. فشرايكم .. وخاصه انو وصلت للوزن المطلوب .. ونفسي اثبت .. ولاني افكر بالحمل فقلت ياابنت مابدهاش اعطي جسمك راحه شهر علشان يرتخي الرحم ... اللي خلاني اقرر هالشئ هو كل البنات اللي حملوا بالنادي اغلبهم اجهضوا بسبب الرياضه ؟؟

sweetheart
08-04-2010, 04:28
بنات ..


انا راح اترك النادي لفتره شهر .. ابغى اريح جسمي .. واليوم خلص اشتراكي وماجددت .. فشرايكم .. وخاصه انو وصلت للوزن المطلوب .. ونفسي اثبت .. ولاني افكر بالحمل فقلت ياابنت مابدهاش اعطي جسمك راحه شهر علشان يرتخي الرحم ... اللي خلاني اقرر هالشئ هو كل البنات اللي حملوا بالنادي اغلبهم اجهضوا بسبب الرياضه ؟؟




حسافة والله تمنيناكي تكملي



تعالي:yawelak: هنا ياحلوة احنا العرب كل شي مدري نطلع لة علة :fightingman:


يعني الله واكبر الامريكان ولاغيرهم من الغرب اللي يتمرنون

يجهضون بسبب العضلات :nopoints:



لالالالالالالالالا



صح فية اجسام ضعيفة بس هذولا حالة قليلة :ksho5ey:



تعرفي انو فية رياضة خاصة بالحوامل ؟؟:yeyes:


وبالعكس الرياضة تخفف عليكي كثير من ثقل الحمل

وبدل ماتحسي باثقل وتعب يخف


وحتى اليوقا فية كمان للحوامل



اسفة على تعليقي اتمنى ماتزعلي :romanticdin::verylove:

ehsass
08-04-2010, 04:56
مسائكم فل

أشتركت بالنادي يوم 2 april

واليوم اول مشاركة لي بتاريخ 5


طبعا وزني بعد الولادة كان 141 باوند بكن قبل الولادةكان 131

اليوم المدرب قالي انو الوزن المثالي تقريبا 130

ولمن وزني كنت 138 يعني اصلا نزلت كم باوند


المهم قالي ابدأي بالسير لمدة 15 دقيقة بعدين اكثر من جهاز لليدين والصدر

يعني كل اثنين اسوي هالتمرين لليد والصدر والله كانت متعبة شوي لأنو اول مرة

بس قالي راح اتعود المهم النقطة اللي قالها انو لازم اخلي عضلاتي ترتاح 72 ساعة


يعني مايصير كل يوم اسوي هالتمرين المعين لأنو انا ماابغى اصير عضلات

ابغى بس اشد ف لو سويتها يوميا قال ممكن تطلع عضلات


بالتالي قالي كل اثنين استخدم الالات اليد والصدر

كل اربعاء الالات شد الظهر

كل جمعة شد الارجل

وخلال هالاوقات وبقية الايام اقدر امشي على السر ولا السيكل cycle

ولا فية كلاسات كثيرة منها رياضة عادية مع abc وفية ال step

zumpa وغيرها بس هاذي اللي انا ممكن احضرها لأني حبيتها



وان شاء الله راح اخبركم شو يصير مستقبلا


على فكرة مشتركة لمدة شهرين ان شاء الله تدخل الكرش دعواتكم







هلا بيكي سويتي

حبيت كثير مشاركتك معانا ولو اني كسلت من قلب بعد وفاة الوالده رحمها الله

بس ردودك على الموضوع شجعتني كثير


مبروك لك الاشتراك بنادي

بس ماقلتي لنا انتي وين ساكنه وشو اسم النادي عشان البنات يستفيدوا من تجربتك


ووزنك تقريا 65 كيلو صح ؟؟ <<< حسبتها براسي وابغى اتاكد

ehsass
08-04-2010, 05:06
بنات ..


انا راح اترك النادي لفتره شهر .. ابغى اريح جسمي .. واليوم خلص اشتراكي وماجددت .. فشرايكم .. وخاصه انو وصلت للوزن المطلوب .. ونفسي اثبت .. ولاني افكر بالحمل فقلت ياابنت مابدهاش اعطي جسمك راحه شهر علشان يرتخي الرحم ... اللي خلاني اقرر هالشئ هو كل البنات اللي حملوا بالنادي اغلبهم اجهضوا بسبب الرياضه ؟؟





كيفك دلوعتي


وحشتيني يا قمر



اممممممممم بالنسبه لسالفه الاجهاض :yawelak:


صدقيني مو صحيحه يمكن مثل قالت سويتي حاله عن حاله تفرق


يعني ما نخلي الموضوع عام على الجميع


بس اكتشفنا انك تبغى تحملي :ksho5ey: ربنا يرزقك ياقلبي

ehsass
08-04-2010, 05:18
الحمدلله احس ان جسمي التم على بعضه ..

حتى في بعض ملابسي صايره واسعه علي ^_^

الحمدلله ..:)









مبروك لك وصدقيني المشي احلى رياضه وتغني عن كثير من التمارين بس بشرط الاستمرار


وبالذات المشي السريع ما اقصد الهروله لا لا مشي سريع


وطمنينا عنك ياقلبي

آلميآسه
08-04-2010, 08:11
هيلووو موضوعك مارا يهبل

راح ابداؤ


اسم النادي اللي مشاركة فيه ؟؟ وموقعه بالضبط ؟؟
نادي شاميل ...
يقع تدخلي من سوق المساعديه بينه وبين البيك يميين
وتمشيي على توووول وتاخدي مع الشارع يسار هتلاقيه على يمينك





بكم آلإشترآك بهآلنآدي شآميل ؟؟؟






...................................

sweetheart
08-04-2010, 09:03
هلا بيكي سويتي

حبيت كثير مشاركتك معانا ولو اني كسلت من قلب بعد وفاة الوالده رحمها الله

بس ردودك على الموضوع شجعتني كثير


مبروك لك الاشتراك بنادي

بس ماقلتي لنا انتي وين ساكنه وشو اسم النادي عشان البنات يستفيدوا من تجربتك


ووزنك تقريا 65 كيلو صح ؟؟ <<< حسبتها براسي وابغى اتاكد


هلا وغلا فيكي ياقلبي

الله يرحمها ويسكنها فسيح جناتة وعظم الله أجرك

الله يبارك فيكي ياقلبي اخيراااااااااااااااااااااااااااا من ولدت وانا احلم بدخول الكرش والحين بنشوف عندي شهرين والله يستر


انا ياحبيبتي محد يستفيد مني ههه الا معلومات بس لو قلتها خخخ


انا بامريكا والنادي اسمة لا فتنس la fitness


وزني ياطويلة العمر 64 والمفروووض اكون 59

يعني لازم انزل تقريبا 5كيلو

تتوقعين يكفيني شهرين بالسير واللي ذكرتة فوق انزل؟؟:verysa3bola::yeyes:




أرجعي ياقلبي النادي ولحياتك الطبيعية وأتركي اللي راح


يالله عشان تجشعيني عشان ومااكون لوحدي اكتب :sorrowsmiley1:

sweetheart
09-04-2010, 04:53
الخميس


مشيت 30دقيقة على السر و8دقايق سيكل

و2 sets للخصر و2 لتحت الصدر بالجهاز طبعا



تدرون بديت امل مدري ودي اشوف النتيجة من الحين وخايفة يعدي الشهر وماتغير شي بموت

خاصة اني راح انشغل الاسبع الجاي اختبارين

وبعدة كمان وبعد 3اسابيع النهائي دعواتكم



الظاهر اغلبكم وقف اشتراك

دلوعه عتيبه
10-04-2010, 02:49
هههههههههههههههههههههه لاوالله مو قصدي انها تسبب اجهاض لا بالعكس .. هي حلوه والصدق اني منقهره انتي تركت .. لان اللي حملوا كلهم في الـ40 يعني ممكن هذا سبب والرحم زيه زي اي عضله مع تقدم العمر تبدأ تضعف ومع الرياضه تكون مشدوده .. والوحده بس ترتاح لانها حملت تبدأ ترتختي وتجهض .. وصح انا ناويه استمر طبعا ماراح اترك لاني حرام اضيع تعب 3 شهور .. وحتى لو حملت فيه رياضه وعدتني المدربه تعلمني هي واسويها بالبيت ..


انا لا والله بس ماني حابه اجهد نفسي خاصه اني سالت الدكتوره قلت لها لو حصل حمل وكذا ممكن يتاثر قالت ممكن بس مو كل اللي يحملوا يجهضوا لكن نكتب لك مثبت ( اهب تفاول قبل لايصير شئ )

فقلت خلاص الحمدلله وصلت للوزن المطلوب وبكمل بالمشي الحر .. ورى بيتنا ملعب كوره كبير مره .. راح انزل امشي يوميا ساعه .. علشان اثبت الوزن الجديد .. ولاني طمعت هع هع صرت البس 30 .. يعني مره حلو بالنسبه لي لاابي اقل ولا اكثر ..

sweetheart
10-04-2010, 03:47
هههههههههههههههههههههه لاوالله مو قصدي انها تسبب اجهاض لا بالعكس .. هي حلوه والصدق اني منقهره انتي تركت .. لان اللي حملوا كلهم في الـ40 يعني ممكن هذا سبب والرحم زيه زي اي عضله مع تقدم العمر تبدأ تضعف ومع الرياضه تكون مشدوده .. والوحده بس ترتاح لانها حملت تبدأ ترتختي وتجهض .. وصح انا ناويه استمر طبعا ماراح اترك لاني حرام اضيع تعب 3 شهور .. وحتى لو حملت فيه رياضه وعدتني المدربه تعلمني هي واسويها بالبيت ..


انا لا والله بس ماني حابه اجهد نفسي خاصه اني سالت الدكتوره قلت لها لو حصل حمل وكذا ممكن يتاثر قالت ممكن بس مو كل اللي يحملوا يجهضوا لكن نكتب لك مثبت ( اهب تفاول قبل لايصير شئ )

فقلت خلاص الحمدلله وصلت للوزن المطلوب وبكمل بالمشي الحر .. ورى بيتنا ملعب كوره كبير مره .. راح انزل امشي يوميا ساعه .. علشان اثبت الوزن الجديد .. ولاني طمعت هع هع صرت البس 30 .. يعني مره حلو بالنسبه لي لاابي اقل ولا اكثر ..







الله يرزقك الذرية الصالحة يارب ولاحملتي علمينا

هههههه لقافة بقوة


والله ماكان ودي تخليني لحالي هنا


ودي باحد يشجعي


والله خسارتك بس يالله انتبهي على نفسك والله يسهلها لك يارب

sweetheart
10-04-2010, 03:55
الجمعة ماعملت شي


عضلات جنبي كانت مشدودة وتعورني



والسبت مدري بس مااظن ولا الاحد ولا الاثنين ولا الثلاثاء


والله كثير وعضلات بترجع ترتخي لكن بحاول اسوي اللي اقدر علية واروح


لو رحت برجع اكتب

ehsass
11-04-2010, 12:55
دلوعه عتيبه

اي والله رياضه الحوامل تساعد باذن الله على ولادة سهله

واذا حملتي خبرينا ... ربنا يرزقك بالذريه الصالحه








sweetheart

كملي ياقلبي برافوا عليكي

وان شاء الله بكرة اكتب يومياتي معاك

ehsass
11-04-2010, 01:16
المتينه

اعذريني ياقلبي على التاخير بالرد عليكي

طمنينا عنك شو عامله ؟؟

وكيف وزنك الحين









*ديانا*


اسفه ياقلبي مارديت عليك بدري


20 كيلو <<< يبغى لك تقريبا 6 شهور مع تخفيف اكل ورياضه


واحسن شي للكرش وعن تجربه هو المشي السريع


طمنينا عنك حبيبتي









yaml7e0_0 (http://www.shamoa.com/vb/member.php?u=9350)ماعندي فكرة والله ياقلبي عن سؤالك .. ان شاء الله البنات يفيدوك













وردي ياقلبي


ياهلا فيكي حبيبتي

اشكرك لطرح تجربتك .. ومعاكي حق اذا المدربه ممتازة ومخلصه ماعاد يهمك رداءة المكان












فقاعه فوشيه


حبيبتي في بعض البنات كتبوا ماشاء الله عليهم ياليت تتابعي الردود وان شاء الله تلاقي طلبك












ûήĨØûÊ & ĈĦїċ (http://www.shamoa.com/vb/member.php?u=18671)


ياهلا فيكي حبيبتي واشكرك على اجابتك ومشاركتك معانا


واحلى شي اول مرة ادري انه بنيوهورايزن نادي .. شي طيب


وفجعتيني صراحه لما قلتي انه الايروبيك ما يناسبك لانه انا كمان احس الايروبيك ما يغير جسمي ابدا

وياليت تخبرينا عنك الحين مع السباحه












pink_diver (http://www.shamoa.com/vb/member.php?u=19811)



واضح انه النادي وااااااااااااو من جد

بس للاسف بعيد بعيد عن بيتي

هاه لساتك مستمرة ؟؟

sweetheart
11-04-2010, 02:29
حسوسة بشري بترجعي ؟؟ للنادي؟؟

ehsass
11-04-2010, 04:30
اي حبيبتي سويتي ان شاء الله اليوم بروح باذن الله بعد المغرب

sweetheart
12-04-2010, 02:55
الأحد 11 April


السير 30 دقيقة

سكيل كنت واقفة 5دقايق بس ههههه الظاهر يسموة الابوتراك

سيكل كنت جلسة 5 دقايق بس

تمارين الخصر 3 sets كل مرة كانت 20 كان 50 كيلو ( الثقل)

تمارين البطن من الجهة العليا 3 sets كل واحد 20 وكان 20 كيلو اتوقع


و10 مرات يعني تقريباً 1 set لعضلة البطن بس كان متعب مرة وهو بس 20 كيلو

sweetheart
12-04-2010, 02:56
اي حبيبتي سويتي ان شاء الله اليوم بروح باذن الله بعد المغرب




ها شو صار معك؟؟


<<<< مستعجلة

sweetheart
12-04-2010, 03:14
How many calories I've to burn to lose one pound or Kilogram ?

السؤال يقول


كم عدد الكالوري اللي أحتاج أحرقها عشان أنقص واحد باوند أو واحد كيلوقرام؟


عشان نخسر واحد باوند لازم نحرق 3500 كالوري أسبوعياً

طيب لو نبغى نعرف يومياً كم تقريباً لازم نخسر راح نقسمها على 7 اللي هو عدد الأيام راح يطلع

عندنا الناتج 500 كالوري يومياً

طيب لو نبغى نعرف بالكيلو جرام نعمل نفس الطريقة عشان تخسري واحد كيلو لازم تحرقي

7700 كالوري أسبوعياً طيب راح نقسمها على 7 اللي هو عدد الايام بيطلع عندنا 1100 كالوري يومياً


طيب لو مثلاً تعملي رياضة بس مثلاً في اليوم مابتحرقي 500 او 1100 كالوري


تقدري تقسميهم على الرياضة وعلى دايت يعني الاثنين مع بعض عشان توصلي للعدد المطلوب

يعني مو لازم تكون كلها رياضة او كلها دايت ممكن الاثنين مع بعض

ehsass
12-04-2010, 10:55
هلا سويتي ابشرك رحت

بس كأن لي سنة ما عملت رياضه

جسمي ثقيل ويادوب اقدر امشي



مشيت عالسير ساعه وعلى الاوربي تراك نص ساعه


وعملت تمارين سترتشنق لمده 45 دقيقه


وبث

sweetheart
14-04-2010, 12:09
هلا سويتي ابشرك رحت

بس كأن لي سنة ما عملت رياضه

جسمي ثقيل ويادوب اقدر امشي



مشيت عالسير ساعه وعلى الاوربي تراك نص ساعه


وعملت تمارين سترتشنق لمده 45 دقيقه


وبث




ماشاء الله عليكي احسن مني


انا يادوب نص ساعة وخلاص مااكمل وامل واتعب هههههه


عوافي


وادعي لي اصير زيك

sweetheart
15-04-2010, 04:13
اليوم الاربعاء والتاريخ 14 Apr

من الغيرة من حسحس مشيت تقريبا 56 دقيقة وكانت في النهاية دقيتين متفرقة جري بس مت تعب


انا اجري دقيقة واهدي وكمان دقيقة واهدي وبموت كيف اللي يجرو ساعة واكثر؟؟


المهم والسيكل ماقدرت الا 7دقايق بس كانت مجموع الكالورية تقريبا 300 كالوري بس لاتنسو اني رحت مشي ورجعت مشي بس ماادري كم كالوري خسرت


عملت برضو مجموعتين لرياضة البطن 50 كيلو وكل مرة كانت 20 مرة


بعدين اليد 3 مجموعات وكل مجموعة 10 مرات وكانت 30 كيلو



وبس

ehsass
28-04-2010, 03:24
كيفك سويتي .. زمان عنك


الاسبوع هذا رحت السبت وامس الاثنين عملت نفس الشي


اشتغلت على الاثقال ساعه


ومشيت ساعه على سرعه 5.5


و الاوربي تراك او الكروس نص ساعه <<< ناس تسميه كذا



مدري ايش فيني ما ابغى احضر كلاسات للمدربات .. متعيجزة هههههههه



انتي ياقلبي شو اخبارك ؟؟

Ń j ō ũ ď
02-05-2010, 03:01
مرحبا صبايا

مين منكم في الرياض

ومشتركه بنادي كويس وحلوو



او من جربت نادي الملتقى

ehsass
02-05-2010, 03:24
مس رومانس

لو ترجعي للصفحات اللي قبل رح تشوفي ردود بنات الرياض


وخبرينا شو يصير معاكي

ehsass
02-05-2010, 03:26
اليوم

مشيت ساعه على التريد ميل


و ساعه على الاوزان


و 10 دقايق على الاوربي تراك

حلاوة بالفرولة
08-05-2010, 04:31
السلام عليكم
كيفكم ياحلوات
مرة الموضوع حلو ياليت بس اتحمس واروح نادي
سؤال : المشي على السير فقط بينزل الوزن وكم اقدر احرق خلا ل ساعه ؟؟

جمااناا
12-05-2010, 12:13
اناا مشتركة بنادي الشماائل ثلاث ايام بالاسبوع ب 300 ريال لمدة شهر
حلووو وارتحت فية نفسيى
والمدربة مصرية وخفيفة دم
واجلس ساعتين ساعة تدريب وساعة اجهزة
ولي الحين اسبوعيييين مشتركة

a7la-cool
16-05-2010, 04:34
السلام عليكم

انا كمان مشتركة بالقولد جيم

بس خرب للاسف في السنتين الاخيرة وصايرة الزحمة لا تطاق


ان شاء الله رح اشارك بيومياتي << مرة عجبني الموضوع

ديامونتا
18-05-2010, 02:30
حسوسه
الله يسعدك والله احس تشجعين البنات لما تشاركينهم يومياتك
وانبسطت معاكم قريت يومياتكم

انا الحمد الله جسمي عاجبني الا شويتين يعني كوزن انا ودي انقص 3 كيلو بس

بس وش مشكلتي في الكروشة ابيها لزق بظهري مابيها تكون بارزة شوية

وكمان انا احب الرياااضة ,, واحسها تغير المزااج يعني تحسن النفسية
بس مو مشتركة في اي ناادي

انا جديدة في الريااض وماأعرف فيها شي
بس انا اكثر شي متحمسه لها السباااااحة احسها تشد الجسم هذي المعلومة صحيحة ولا لا؟؟

اي وحده تعرف مكان للسبااحة في الرياااض تخبرنا غير نادي الامير سلمان لانه يقولون مررره صار زحمة وخيااس


انشاء الله لي عوده واقرا تجاربكم

ShaRoOosa
18-05-2010, 09:01
الله موضوع مرره روووعه ..

بناات بسألكم كيف نادى جامعة الملك عبدالعزيز؟؟

كثير يمدحوه وهوا جنب بيتنا بس ابغى اعرف ايش الكلاسات ؟؟

وهل فيه سباحه ؟؟وأهم شي النظااااااااااااااااااااااااااافة ؟؟

a7la-cool
20-05-2010, 07:48
امس رحت النادي وعملت اختبار للجهد طلع ماشاء الله جسمي يحرق وتنفع له التمارين

بس مشكلتي وزني زايد 20 ك تهئ تهئ

tulliip
22-05-2010, 03:30
الله يخليكم مين تعرف نادي بالطايف وكيف اسعار اشتراكهم ؟؟؟


بليز ساعدوني ...

tulliip
22-05-2010, 03:38
احلى كول لاتياسي.... انا زايده عنك بعشره كيلو وبالعكس متفائله وعندي امل بالرشاقه وودي اشترك بنادي بالطايف لكن للاسف ما اعرف نوادي فيه ... واتمنى البنات يساعدوني..

sweetheart
24-05-2010, 04:09
كيفك سويتي .. زمان عنك


الاسبوع هذا رحت السبت وامس الاثنين عملت نفس الشي


اشتغلت على الاثقال ساعه


ومشيت ساعه على سرعه 5.5


و الاوربي تراك او الكروس نص ساعه <<< ناس تسميه كذا



مدري ايش فيني ما ابغى احضر كلاسات للمدربات .. متعيجزة هههههههه



انتي ياقلبي شو اخبارك ؟؟


والله تمام


انا كمان مكسلة مرة مانحفت غير باوند

لاحظت تغيير جهة بطني



بس ضاق صدري لمن مانزلت كثير


حاليا موقفة مع ان الاشتراك ماشي ودي ارجع بنفس حماس اول

yaml7e0_0
26-05-2010, 12:23
ديامونتا:
بالنسبه للسباحه لفيت الرياض مالقيت أحسن من نادي المناهل مررره حلو نظافه وأناقه شي يفتح النفس

شوكولاتة
27-05-2010, 04:10
موضوع حلو وروعة وانا اتفق مع الاخت اللي قايلة انه المناهل مسبحهم نظيف لان قرايبي يمدحونه دايم
بس حبيت اسئلكم من كانت والدة واشتركت في نادي وبطنها انشد ياليت تفيدنا بالتمارين اللي يطبقوها مع المدربة وكم مرة لانه انا جربت التمارين المتعارف عليها للبطن بس مانفعت معاي ...ايه صح واللي التمارين أعطتها نتايج حلوة ياليت تفيدنا خلال كم النتيجة ظهررت وبعد الولادة بكم ابتدت تمارس تمارين البطن ؟


واسفة كثرت حكي ويالله استمرو موضوعكم يهبببببل

sweet strawberry
28-05-2010, 05:59
بالنسبة اللي تسال نادي بالطائف انا زيك ماني من اهل الطائف وجديده علية واعرف نوادي فية بس قبل فترة اشتركت في جمعية خيرية فيها نادي رياضي وفية سباحه .

واذا عرفتي نوادي ثاينه بالطائف ياليت تقوليلي؟؟

ehsass
30-05-2010, 08:52
سامحوني بنات تاخرت بالرد عليكم




السلام عليكم
كيفكم ياحلوات
مرة الموضوع حلو ياليت بس اتحمس واروح نادي
سؤال : المشي على السير فقط بينزل الوزن وكم اقدر احرق خلا ل ساعه ؟؟




ياهلا بيكي حلاوة بالفراولة

المشي على السير (( مشي سريع )) ينحف بالذات منطقه الكرش و الارداف


انا امشي خلال ساعه على سرعه 6 و احرق حدود 300 كالوري





اناا مشتركة بنادي الشماائل ثلاث ايام بالاسبوع ب 300 ريال لمدة شهر
حلووو وارتحت فية نفسيى
والمدربة مصرية وخفيفة دم
واجلس ساعتين ساعة تدريب وساعة اجهزة
ولي الحين اسبوعيييين مشتركة




ياهلا فيكي حبوبه ..

تصدقي كذا احسن 3 ايام في الاسبوع عشان ماتملي وتكسلي مثلي

كيف حسيتي لياقتك اول ماسجلتي بالنادي ؟؟


وفي اي مدينه ساكنه انتي ؟؟







Call Ŋouf[/COLOR] (http://www.shamoa.com/vb/member.php?u=1631);622238]حبيبتي عسوووله

ابي اسجل بنادي بالصيف , انا بجده بس هاذي اول سنه لي بجده فمااعرف شي ابددددا

بليز اذا عندك فكره عن النوادي والاسعار نوريني




ياهلا باللي نور بروفايلي

اللي اعرفه ان القولدز جيم يدي عروض في الصيف فانتي روحي لهم وسجلي جوالك عندهم وقولي لهم يرسلوا لك عروض الصيف


وهما بالعاده يرسلوا رسايل جوال بعروضاتهم


اهم شي ياقلبي انتي وين ساكنه ..؟ لانك لو ساكنه بالجامعه مثلا ماينفع القولد جيم بعيد مرة


والاسعار انا درت و لفيت لاحظت سعر القولد هو الاغلى بس بنفس الوقت فيه مميزات جدا روعه


شوفي ياقلبي عموما .. اغلبيه المستشفيات فيها نوادي صحيه و فيها مدربات .. شو اقرب مستشفى لبيتك ؟؟








السلام عليكم

انا كمان مشتركة بالقولد جيم

بس خرب للاسف في السنتين الاخيرة وصايرة الزحمة لا تطاق


ان شاء الله رح اشارك بيومياتي << مرة عجبني الموضوع








ياهلا والله


صادقه ياقلبي انا بعد ملاحظة صايرة الزحمة فيه لا تطاق


منتظرين يومياتك










حسوسه
الله يسعدك والله احس تشجعين البنات لما تشاركينهم يومياتك
وانبسطت معاكم قريت يومياتكم

انا الحمد الله جسمي عاجبني الا شويتين يعني كوزن انا ودي انقص 3 كيلو بس

بس وش مشكلتي في الكروشة ابيها لزق بظهري مابيها تكون بارزة شوية

وكمان انا احب الرياااضة ,, واحسها تغير المزااج يعني تحسن النفسية
بس مو مشتركة في اي ناادي

انا جديدة في الريااض وماأعرف فيها شي
بس انا اكثر شي متحمسه لها السباااااحة احسها تشد الجسم هذي المعلومة صحيحة ولا لا؟؟

اي وحده تعرف مكان للسبااحة في الرياااض تخبرنا غير نادي الامير سلمان لانه يقولون مررره صار زحمة وخيااس


ان شاء الله لي عوده واقرا تجاربكم









ياهلا بيكي دودو



ماشاء الله السباحه سمعت عنها كثير انها ممتازة لشد الجسم بس مشكلتها مين يقدر يداوم عليها


انا بصراحه اخاف ادخل مع الحريم في مسبح من يوم سمعت ان بنت خالتي جالها التهابات في المهبل

خفت و هونت

اذا مسبح خاص فيني ممكن :yeyes:


و اتوقع بالنسبه للكرشه المشروبات الغازيه و طريقه الجلوس و المشي لها دور كبير في بروز الكرش


فيه تمرين حلو مرة يشد الكرش الصغنطوط مو الكرش الكبير بس معرف اشرحه لك


بدور عليه بالنت و ارجع :starescreen:

ehsass
30-05-2010, 09:23
الله موضوع مرره روووعه ..

بناات بسألكم كيف نادى جامعة الملك عبدالعزيز؟؟

كثير يمدحوه وهوا جنب بيتنا بس ابغى اعرف ايش الكلاسات ؟؟

وهل فيه سباحه ؟؟وأهم شي النظااااااااااااااااااااااااااافة ؟؟





هلا هلا

انا سمعت عن نادي الجامعه بس ما زرته والله

يقولو انه معدوم من بعد سيول جده


بس قبل اي والله كثير يمدحوه بالذات مضمار الجري

اما عن السباحه والنظافه فمالي عنهم خلفيه

ان شاء الله البنات يساعدوكي










احلى كول لاتياسي.... انا زايده عنك بعشره كيلو وبالعكس متفائله وعندي امل بالرشاقه وودي اشترك بنادي بالطايف لكن للاسف ما اعرف نوادي فيه ... واتمنى البنات يساعدوني..




للاسف والله ماعندي هذيك الخبرة بنوادي الطايف << وينك دلوعه عتيبه ؟؟

بس ياقلبي حتى لو مالقيتي نادي ممكن تعملي نادي مصغر حتى لو في غرفه 4×4 :ksho5ey:


شوفي الديفيدات اللي منزلتهم ايميلي وطبقيهم .. والله انهم اطلق من مدربات النادي


وخذي لك اثقال و كوتش رياضي (( اهم شي ماتعملي رياضه حافيه.. مرة متعبه وعن تجربه )) و امشي عالسير


والله وعن تجربه افضل من النادي








والله تمام


انا كمان مكسلة مرة مانحفت غير باوند

لاحظت تغيير جهة بطني



بس ضاق صدري لمن مانزلت كثير


حاليا موقفة مع ان الاشتراك ماشي ودي ارجع بنفس حماس اول







ما الومك ياقلبي انا كمان صابني حاله من الياس لما ماشفت وزني نزل

ومثل ماقلتي حاسه بشد بس الميزان ماتحرك مررررررررررة

اهم شي سوسو لا توقفي رياضه حتى بدون نادي










جزاك الله خيرا





وجزاكي انتي كمان على المرور








ديامونتا:
بالنسبه للسباحه لفيت الرياض مالقيت أحسن من نادي المناهل مررره حلو نظافه وأناقه شي يفتح النفس




طيب ياقلبي خبرينا عن اسعارهم كيف ؟؟

عشان البنات يستفيدوا اكثر












موضوع حلو وروعة وانا اتفق مع الاخت اللي قايلة انه المناهل مسبحهم نظيف لان قرايبي يمدحونه دايم
بس حبيت اسئلكم من كانت والدة واشتركت في نادي وبطنها انشد ياليت تفيدنا بالتمارين اللي يطبقوها مع المدربة وكم مرة لانه انا جربت التمارين المتعارف عليها للبطن بس مانفعت معاي ...ايه صح واللي التمارين أعطتها نتايج حلوة ياليت تفيدنا خلال كم النتيجة ظهررت وبعد الولادة بكم ابتدت تمارس تمارين البطن ؟


واسفة كثرت حكي ويالله استمرو موضوعكم يهبببببل





و لا كثرتي حكي ياقلبي الا بالعكس سعيدين بوجودك معانا


بالنسبه لكروشة الولادة الله يعيننا عليها و بس


اشوف الاثقال تجيب نتيجه حلوة


و تمارين البيلاتيس احسها ممتااااااااااااااااااااااازة للوالدات


شوفي هالموضوع


http://www.shamoa.com/vb/showthread.php?t=6875


البيلاتيس حتى لتحسين الوقفة والمشيه ولمرونه اكثر ... كلمة روعه قليله فيها



وبعد تمارين على الكورة .. ممتازة هي بعد للي يعانون من ترهلات بعد الولادة



http://www.shamoa.com/vb/showthread.php?t=7642



بس اهم شي المداومة ثم المداومة


يعني لا تنتظري نتائج قبل 40 يوم او حتى شهرين :electricf:








بالنسبة اللي تسال نادي بالطائف انا زيك ماني من اهل الطائف وجديده علية واعرف نوادي فية بس قبل فترة اشتركت في جمعية خيرية فيها نادي رياضي وفية سباحه .

واذا عرفتي نوادي ثاينه بالطائف ياليت تقوليلي؟؟





يالله حي بنات الطايف .. ياحبي لكم والله


جزاكي الله كل خير ياقلبي

بس ياليت تكتبي لنا اسم الجمعيه و موقعها وين بالضبط

Call Ŋouf ♠
30-05-2010, 08:47
اقرب مستشفى بخش وفقيه......


وشكرا على ردك مره افدتيني

ehsass
01-06-2010, 10:37
العفو حبيبتي نوف


طيب ياقلبي .. شوفي لمستشفى فقيه



عندهم اشتراكات سنويه و شهريه


و سمعت ان مدرباتهم ممتازات



وقولي لناشو يصير معاك

الليمونة الحلوة
05-06-2010, 02:01
فكرة الموضوع ممتازة .. منكم نستفيد


كملوا متابعة

Lammya
08-06-2010, 04:40
استفدنا من خبرات الكثيرات منكم يعطيكم العافيه

a7la-cool
13-07-2010, 11:12
الموضوع هادا اروع موضوع في القسم

حماسي مرة


بس ليه نمتوا في النهايه


اصلا القسم كله نايم