المساعد الشخصي الرقمي

مشاهدة النسخة كاملة : نوال الزغبي بـ برنامج آخر من يعلم عالـ Mbc1 { تغطيه غير شكل } ~


Artos ~
09-02-2010, 03:03
Hi ~


حلقتنا اليوم غير شكل , مع الفنانه اللبنانيه نوال الزغبي ببرنامج آخر من يعلم عالــ Mbc 1 ~

راح أغطي لكم الحلقه + إنطباعاتي

طبعاً الفنانه نوال الزغبي الكثير منا عايش فترة صعودها الفني وإنطلاقتها , ونجاحها السابق ,, وأحتلت مساحه كبيره بقلوب العذارى والمراهقات ..

وأغلبيتنا كنا نهتم بـ كليبات نوال الزغبي , المهرجانات إللي كانت تحضرها .... إلخ من فعاليات ..

لما كنت بثاني ثانوي إذا ماكنت غلطانه طلعت أغنيتها طول عمري , متوافقه مع أغنية كاظم الساهر " كل عام وأنتِ حبيبتي "

الزبدهـ ,, كانت القنوات العربيه شحيحه بالحيل بالأغاني , وأنا طول الوقت أنتظر هالفيديو كليبين ,, تصوروا إنبهارنا بنوال الزغبي كان لأي درجه ..

كان لما يجي الكليب ,, صديقاتي يدقون علي ,, بسرعه بسرعه نوال الزغبي ,, بسرعه بسرعه كاظم الساهر ..

وحركات هبل لا تنتهي من مراهقات }

كل هالجُوناان راح ونوال الزغبي إللي الكل حبها وأحتضنها تحولت تدريجياً من إنسانه خفيفة ظل وأنيقه , إلى مسخ أو شبح أو إنسانه مجنونه متشبثه بالماضي تعتريها بلحضات كثيرهـ لحظات جنونيه هوجاء ..


{ كل ذي نبذهـ صغيرونه عن نوال الزغبي فيما مضى }

الآن خلوني أتكلم عن حلقة آخر من يعلم ~


راح أتكلم عن الفنانه أروى ..

صراحة أروى كانت شوي وبتطير من الفرحه ,, بعيوني شفت طلع لها جناحين وطارت <=== أسلوب مبالغه ..

لا يخفى على العيان إن أروى مُنذو مبطي وهي تقلد نوال الزغبي ,, بس طبعاً تقلد نوال الزغبي زمان ,, أرجعوا لزمانات أروى ,, بتلقون ماضي شنيع ومخجل لها ~

نوال الزغبي كانت متشبثه بفترهـ باللون السماوي والشعر الأشقراني المحمر ,, أروى زينته بالزبط الزبيطي ,, بس عاد ماكان يضبط بزود مع أورى .

شفطت ونفخت ومططت لين قالت بس , وكله بسبيل تحقيق حلمها الأزلي وهي إنها تحاذي نوال الزغبي باللوك ~

من جد أتكلم ,, ليش أنا ماأحب أروى ؟؟

مهوب لأنها أروى , ولا لأن حركاتها ماتجوز لي ..

لأنها مقلدهـ بالدرجه الأولى ,, وأنا ماأحب المقلدين , ونقطه إضافيه ليش تقلد نوال الزغبي وهي بالأساس تملك موهبه وصوت فعلاً جميل ..

لكن نظل نقول إن أروى تقلد نوال الزغبي من محبه ,, مهوب مثل إللي يقلد ويحاول يلغي الطرف الآخر ,, مبين ببرقة عيونها اليوم وفرحتها عن مدى وناستها ..

فكلمة حق توجه إلى الفنانه أروى ,, فعلاً مبين إنها طيبة القلب وحلوة المعشر

{ ياويلي من جيادا .. " راح تجيب سكينه وتطعني " } .


نجي للوك أروى ~

http://up.shamoa.com/uploads/images/shamoa-ae936634c2.jpg (http://up.shamoa.com/uploads/images/shamoa-ae936634c2.jpg)


http://up.shamoa.com/uploads/images/shamoa-10dcb37f77.jpg (http://up.shamoa.com/uploads/images/shamoa-10dcb37f77.jpg)


فيه مثل سوري يقول : " لبس الأسمر أحمر وأتضحك عليه "

<=== هذا مثل سوري مهوب أنا إللي قايلته ..

أحياناً أحس هالمثل مهوب سليم 100% , فيه ناس سمر يطلعون بالاحمر حلوين بس لو كانت شعورهم سوداء ..

بس أروى الله يرحم والدينها ,, كاثرهـ ترويعاتها لنا ..

صح ماقربت اللون الأحمر من وجهها بس الروج كان كافي ووافي ,, وشعرها أبداً مهوب قابل لون الصبغه , ياحرمه أهجدي وخل عنك الصبغات المشقرهـ ~

يازين من أحترم طبيعة تكاوينه الجماليه , ماأدري ليه بس كل الناس هابين بالأشقر وهو من صوب وهم من صوب ..

لما وحدهـ تجي من عرق أفريقي مثل بيونسيه , وتصبغ أشقر وتطلع حلوهـ ماراح يضرها , لسبب واحد بس ..

إنها بالأساس ماراح تفرق معها الألوان واجد ,, بكلا الحالات النتيجه تقريباً مشابهه لبعض ..

بس لما تكونين فيك ملامح جميله ,, ولافحك السمار لا تشوهين جمالك بهالشكل !!

why do that ?

<=== ماأدري أحس بيجيني صاروخ أرض جو من كلامي عن اللون الأحمر والأشقر { بيهبون علي راعيين الرومانصيه } ..

هذا بس كلامي عن أختيار الألوان ..

نفس الفوصطان ماأعجبني عليها ,, حسيت طالع شكلها مثل الموزه .. فيه شيء مهوب جايزن لي , يمكن ذوقي كذا

بس عندها big ass ,, فصار فيه شوية تصرصر من تحت وبروزات عجيبه ,, تلفت نظر الــ Man

ميبي هذا هو المطلوب من كل المذيعات ,, بس ماجاز لي أبداً ..


أنا كل مانزلت السوق أقول الله يعين المذيعات و الفنانات كيف يحصلون ملابس ,, الظاهر ياخذون أي شيء قدامهم .

بس على فكرهـ لبسها فيه حركات ذكيه تخفي هالشوائب , بس ماضبطت معها ..

يعني معقوله أروى إللي صدرها كبير وزينت عمليه عشان يصير صغير , يطلع بالفستان مختفي , بجد مختفي بالحيل ,, مهوب حلو كذا ..

أولاً مافيه خصر ,, تشوهـ الفستان ~

ثانياً أكتافها مرهـ صغيره , مع التستر ضاعت علومها زود وحاست أم الفستان ..

ماأدري بالغصب يعني تسترينه وتلبسينه !!!

عجيبات الفنانات ,, صرفي نفسك بأي جاكيت او قطعه أنيقه متكامله , ياكثرها بالسوق ..


نروح للوك نوال الزغبي ~

http://up.shamoa.com/uploads/images/shamoa-9e2b3d9f6a.jpg (http://up.shamoa.com/uploads/images/shamoa-9e2b3d9f6a.jpg)



الألوان المختارهـ كووول بالحيل , وعلى فكرهـ نوال الزغبي سمراء سمراء من قلب , مابوهـ فرق بينها وبين أروى ..

بس السمار اللبناني يفرق عن سمار الجزيرهـ العربيه , سمارنا لازم يجيك مشوح ببعضاً من البقع .

عالعموم هالألوان تليق بالسمر ,,

لون صبغتها حبيته , التخصيل رايق بالحيل مهوب جايك مثل بعض الفنانات يشق راسها شق كنه طريق الملك فهد ..

http://up.shamoa.com/uploads/images/shamoa-5ef451aa19.jpg (http://up.shamoa.com/uploads/images/shamoa-5ef451aa19.jpg)

أختي تقول :

إن الصبغه منتفه شعرها , ونوال الزغبي واضح بالحيل إن شعرها منتف ..

أنا ماطالعت هالشيء لأني جالسه أهوجس بالصبغ وأطلطل عالصبغات الجديدهـ والتكنيكات الأجدد <== الناس بوادي وهي بوادي .

صبغتها : بني مشقر , مع خصلات شقراء ذهبيه رايحه كثير على بياض ..

بس شعرها ماشاء الله خامته دوم تقبل الصبغه , مهوب مثل أروى .

بالرغم إنها سمراء بس طوني مندلق يخزي العين يعرف يجيب الدرجه إللي تليق عليها , ويدمجها مع خلفيه للون الشعر ماتبين التناقض بين لون الشعر والوجه ~

تتذكرون زيزي إللي بستار أكاديمي !!!

لما ضبطها طوني مندلق طلعت تُحفه , وتغيرت واجد , حتى صارت تتمخطر بزود بالأكاديميه بعد التضبيط .


مكياجها حلو , أحب عالنوعيه من الماكياج ,, للي يسأل عن نوع عدساتها هي لابسه : تراي كلر العسلي ,, بس عسلي تراي كلر فيه ضربات جايه على رمادي ~

وهي نفس العدسات إللي تستخدمها نجوى كرم , بس بنجوى تطلع أغمق حبتين ..



ملابس نوال الزغبي }

http://up.shamoa.com/uploads/images/shamoa-69b229be26.jpg (http://up.shamoa.com/uploads/images/shamoa-69b229be26.jpg)



أمممممم حلو ومهوب حلو ,, شفت نفس هالديزاين بمقابله مع الممثله جونيث بالترو ببرنامج أوبرا .

طلعت لأبعد درجه كلاسي , بالرغم إنها لابسه بنطلون جلد , وكلنا نعرف إن الجلد أبداً مهوب كلاسي ..

نوال الزغبي ماعرفت تختار مقاس البنطلون المناسب , كان فيه شوية وسع من بعض الأماكن مفروض يكون ماسك أكثر من كذا ..

البلوزهـ ,, كانت بربطه مثل ربطات الكارتيه ~

هالشيء أعطى إيحاء إن نوال الزغبي تخبي شيء بجسمها , بالنسبه لي أشوفه قسم جسمها نصين ,, وبين قصرها أكثر

التعليقه إللي لابستها , وش لك بهالحجم !!

بجد بجد مزعج , وخاصه إنها مهب طويله مفروض ماتلبس هالنوع من التعليقات ..

البوت مناسب بالحيل مع ملابسها , بس ملينا من نوال الزغبي والبوت ..

وجهها تعبان بالحيل بالحيل من كثر عمليات التجميل ,, وكأن أحط فاجعها وجابها عالبرنامج ..

تصدقون تعبت نفسياً وفكرياً وأنا أغطي لهالفنانات العربيات ,, أبتدأ من الفنانه أحلام , إنتقالاً بالفنانه نانسي عجرم إلى الفنانه إليسا , إنتهاءً بالإعلاميه حليمه بولند ..

وش العامل المشترك بينهم ؟؟

عمليات التجميل , معقوله ولاوحدهـ فيهم راضيه عن نفسها ؟؟

وليتها عمليات تجميل ماتبين أو رتوش لحاجه أو لتعديلات بسيطه , إلا أطنان من عمليات التجميل ..

ماأقول إلا الله ياخذ من سوق لعمليات التجميل , وأظهرها بهالمظهر السهل والعادي { الصحوهـ يابشر } ..

نرجع حق محور حديثنا بعيداً عن الهباب المهبب إللي يزينونه بأعمارهن ~


الحلفاء السريين المقربيين من نوال الزغبي :

http://up.shamoa.com/uploads/images/shamoa-7a3cbd1315.jpg (http://up.shamoa.com/uploads/images/shamoa-7a3cbd1315.jpg)


1- كارول هيكل حاج وهي خالة نوال الزغبي الصغري , ورقم عشرهـ حسب ترتيبها مع أخوانها , تكبر نوال الزغبي بــ 3 أشهر , وتعتبر كشقيقتها التوأم ~

صراحة ماجز لي لبسها , ورى البنطلون محزق تسذا !!


http://up.shamoa.com/uploads/images/shamoa-8eb3dac9f6.jpg (http://up.shamoa.com/uploads/images/shamoa-8eb3dac9f6.jpg)

{ وترى لقطت صورهـ محترمه , ولا الباقي شفت حدود الكلوت } ..

عيب أرحمي مناطقك الحميمه , والله عورت عيوني بمظهرها ..

كذا ألاحظ البعض ماينتبه ,, ويخلون البتاع المبتعي بارز بشكل يفجع , وأكيد يطلع عيون الــ Man , قلة حياء .

والفنانين ذول البخلاء ,, يعني نوال الزغبي ماعرفت ترش رش عليها بطقم ولا شيء تطلع فيه عالــ Mbc ؟؟

أجل شقيقتك التوأم , ولا ماكانت تقرب لك وش كان حالها ؟؟

<=== وأنتِ وش عليك بالناس وبفلوسهم ؟ هي حرهـ !!


2- طوني مندلق , مزين شعر المشاهير , تعرف على نوال الزغبي مُنذ 15 سنه { ماشاء الله ,, ماتعبت } .

3- هشام بولس , هو صديق نوال الزغبي , رغم صغر سنه حاصل على جائزة الميروكس دور مرتين عن أفضل ملحن لعام 2008

وأيضاً جائزة أفضل أغنية وطنيه " لبنان راح يرجع "

4- الشاعر أمير طعيمه , وهو شاعر غنائي شهير .


المقطع الأول ~

http://www.youtube.com/watch?v=HYBC-JQpiFU


صراحة حركاتها ماصخه , كل شوي تمسك شعرها , مرات تدخل ربع وجهها بالهاي نك ,, ومرات تلحس شفايفها , ومرات تعوجها ..

wooooh بجد أوفر , خلاص جايه مرتبه ومتسنعه وش له كثرة الحركات ..


صورة نوال الزغبي وهي طفله ..


http://up.shamoa.com/uploads/images/shamoa-09814622c6.jpg (http://up.shamoa.com/uploads/images/shamoa-09814622c6.jpg)


تقول إنها ماتحب التصوير من وهي صغيره , وهلق حياتها كلها أضواء { ماأنتِ سعيتي لهالشيء } .. عجب


ولدت نوال الزغبي بلبنان بمنطقة جل الديب , والدها هو السيد / جورج الزغبي ~

ووالدتها السيده / جمال هيكل .

عائلتها مؤلفه من بنتيين وصبيين .

http://up.shamoa.com/uploads/images/shamoa-acb766623e.jpg (http://up.shamoa.com/uploads/images/shamoa-acb766623e.jpg)



ذكرت قسوة والدتها معهم بطفولتهم , وكانت تعاني من مشاكل بالأكل والنوم ..

Artos ~
09-02-2010, 09:05
المقطع الثاني ~

http://www.youtube.com/watch?v=N03tDSsW9Ww


تفتتحها أروى بأغنية " حبيبي النجار شغلو عالبيكار " ~

تقول لنوال الزغبي شو ئصتها ؟

قالت هي غنيه شهيره كانت الماما عم تغنيها للبابا ..

تقول نوال , إن صوتها حلو مثل والدتها ~

بس كانت تقول لأمها : أنا بشبه البابا وصوتي متل عمتو { كانت تجن بس تسمع هالحكي }

نوال الزغبي كانت طموحه وتحب الإغناني والمغنى بشكل عام , كانت تربط خيط بمدق الثوم , وتطلع عالمرايا وتحط منشفه عراسا , عأساس إنوا شعرها الطويل ~


بس طلعت نوال الزغبي شقيه شقاوهـ , بنظري كانت مطفوقه وحسيتها كأنها شمبانزي ماخذ حبة فياجرا ,, هي هبله , ولا خوتا , ولا عبيطه ماأدرى

ولا تستظرف ,, تتذكرون حلقة توم كروز مع أوبرا ؟؟

لما صار ينطنط مثل المجانين عالصوفا !!! كان يبي يبين للناس إنه سعيده ومحداً قدهـ ~ { كلهم بعد الطلاق يصلحون هالحركات } <=== أوووخص يالتحليل

أنا أشوف إن نوال الزغبي تمر بنفس الحاله , مثل توم كروز تماماً .

http://up.shamoa.com/uploads/images/shamoa-11d480c047.jpg (http://up.shamoa.com/uploads/images/shamoa-11d480c047.jpg)


http://up.shamoa.com/uploads/images/shamoa-17ee2bfd87.jpg (http://up.shamoa.com/uploads/images/shamoa-17ee2bfd87.jpg)


http://up.shamoa.com/uploads/images/shamoa-c483ca1da9.jpg (http://up.shamoa.com/uploads/images/shamoa-c483ca1da9.jpg)


http://up.shamoa.com/uploads/images/shamoa-62a544d388.jpg (http://up.shamoa.com/uploads/images/shamoa-62a544d388.jpg)



أروى سألتها وقالت يقولون أنك كنتِ بتمشي وبتخبطي بقصص !! { تقصد إنها تتفركش }

قالت لها : أروى ماتستحي ئوليها , أنا هوجاء ~

يقولون حتى بالأستديو تخبط بالأجهزهـ { على بالهم ظرافه من جد سالفه ماأدري وش تبي بالضبط }


جابو لها وزن { أثقال } وقالت لها فرجينا شو الأيروبيكس إللي بتمارسينها ؟؟


http://up.shamoa.com/uploads/images/shamoa-89ac82dea9.jpg (http://up.shamoa.com/uploads/images/shamoa-89ac82dea9.jpg)


قالت بعمل هيك , هيك , هيك { شوف هالهيكات إللي بتعملها } ..

يُقال إن نوال وهي صغيرهـ تحب تقليد الأصوات !!

فطلبوا منها تقلد الأصوات ,, فأقترحت أورى إنها تقلد الفنانين }

فقلت الفنانه أصله ~

{ حبيت آلبي طروقتي " يعني طارق العريان زوج أصاله مهب أصاله بعد أستخفت مع طروقتها " يؤبشني إن شاء الله }


<=== بالنسبه لي تقليدها not زبوط ..


المقطع الثالث ~
http://www.youtube.com/watch?v=rdKPXoDGIzE

سألتها أروى وقالت : من مشجعك للمشاركه ببرنامج أستديو الفن ؟؟

قالت :

أنا كنت حابه شاركه بأياا بروقرام غنائي , وهلكتن لأهلي , هلكت الماما والبابا لحتى أشترك ~

يطلع ليالي لبنان بئول بدي روح , أستديو الفن بدي روح , عالم الصغار بدي روح فجر مواهبي .

بمشاركتها بأستديو الفن , غنت أغنيه من أغاني المطربه ورده الجزائريه .

ولما تزوجت راحت مصر , وتعنت تقابل الملحن صلاح الشرنوبي , وكان وقتها ضاربه أغنية وردهـ " ليه كل معاد مابينا بتغير بالكلام أنا عايزه الرد حالاً يالأُرب يالخصام } .

فأخذت منه حقوق هالأغنيه , وأيضاً كانت عاجبتها أغنية " بتونس بيك " للمطربه ورده الجزائريه ..


بهالمقطع تغنيها أورى ونوال الزغبي , حسيت نوال الزغبي أستحت تغنيها مع أروى ,, ماأدري ليه !!

طلع صوت نوال الزغبي جداً ضعيف مع أروى ..

ولا قبل لا تغني تقول لأروى أنا وياك حبيبتي <== قالتها بطريقه غريبه شبه للعربي الفصيح ؟؟

الظاهر تحسبنا بالخليج نسولف كذا .

Artos ~
09-02-2010, 09:06
المقطع الرابع ~

http://www.youtube.com/watch?v=5cEKHrlXyoY

نوال الزغبي وروتانا }

سألتها عن سبب خلاف مع روتانا ؟؟

قالت أنا ماحبيت كفي ~

قالت لها ليش ماحبيتي تكفي ؟

قالت يمكن برات روتانا بقدر أنجح أكتر ..

وقالت إن روتانا بآخر فتره قصرت وياها , بالرغم إن بقية الفنانين كانوا يحسون إن نوال الزغبي الطفل المدلل لدى روتانا ..


وقالت إن فيه خبر نشر , إن سبب خلافك مع روتانا هو تمسكك بمدير اعمالك , إللي كانت روتانا مشترطه عليها عدم التعامل معه ..

قالت هالكلام فيه شيء من الصحه , ولكن أنا مابدي أحكي عن هالمشاكل ~

وقالت نوال الزغبي سر عدم ذهابي لقرطاج هو إنه ماكانت عندي دعوى رسميه لقرطاج , بالرغم قالوا إنهم دعوها رسمياً وهي مالبت الدعوى أو ألغتها بالأحرى .


بهالمقطع لأول مرهـ تظهر جدة نوال الزغبي عالتي في عمرها 84 سنه ,, بعد أشوفها حركه ماصخه من الــ Mbc


http://up.shamoa.com/uploads/images/shamoa-48aab03917.jpg (http://up.shamoa.com/uploads/images/shamoa-48aab03917.jpg)


المرهـ يادوب تمشي ,ويادوب تتحرك , ويادوب تسمع ,, ماأحب أحد يعامل كبار السن بهالطريقه أبداً ,, وجود جدتها بالبرنامج ماأضاف أي شيء , سوى إنه يبين سوء الشيخوخه ..

يعني وش تبون تبينون مدى إحساس نوال الزغبي ؟؟

ماأحب هالحركات , إللي فيه خير بيكون فيه خير , بدون حركات إعلاميه وبهرجه وتمثيل <=== إنتِ وش عليك من الناس بس .


ولاهـ كل شوي تقرب من أذنها وتصارخ , تتزكري تيته , تتزكري تيته !!

وليته عشان جدتها من جد تسمع , لا هي ودها تبين إنها حبوبه , ومهضومه عند الجمهور ,, وآآآآآآه ذكرتني ببعض الناس بالمجتمع ~

يالله عالأقل أروى طلعت إنسانه عندها دم ,, وتعرف تتعامل مع كبار السن , قربت جنبها وسألتها بذوق ..

تقول نوال من فتره ماشفت جدتي , بس بظل أطمن أعليها , وهي فيها سكري يعني ممنوعه من الشوكولاهـ { طبعاً الــ Mbc } كانوا جايبين شوكولاهـ ..

تضحك مع الجمهور عند جدتها ..


http://up.shamoa.com/uploads/images/shamoa-3b027a30f8.jpg (http://up.shamoa.com/uploads/images/shamoa-3b027a30f8.jpg)

صحن الشوكولاهـ

http://up.shamoa.com/uploads/images/shamoa-0276ce8649.jpg (http://up.shamoa.com/uploads/images/shamoa-0276ce8649.jpg)



تقول إنها تعلمت الأناقه من جدتها جميله ..وبعد جدتها حببتها بالأفلام المصريه ..

ياحلو جدتها بس ,, نظرتها مبهمه .. الله يسامحهم بس .

جرجروا المره بهالعمر على دقيقتين ,, مالت عليهم ..


صلحت لها أروى أختبار بالفاشن , إذا كانت راح تحزر من الصمم , غلطت بآخر واحد قالت إيلي صعب بس طلع هو قوتشي , قالت أكيد مألد إيلي صعب }

سألتها عن تجربتها بعرض الأزياء ؟؟

قالت ولا تسأليني ,, قالت لها ليش ؟

قالت أتكعبل ~

آآآآآآآآآآآآه يادلبي وش تتكعبلين به ..

وهذي صورتها وهي تعرض أزياء ..


http://up.shamoa.com/uploads/images/shamoa-976998b6ba.jpg (http://up.shamoa.com/uploads/images/shamoa-976998b6ba.jpg)



فيه مقطع فُقد علي ~

عرضوا صورة نجوى كرم , وعقلت نوال الزغبي بأنها صديقتها

لما عرضوا صورة إليسا , قالت منا صديقتي ومابكرهها

سألتها أروى هل أنتِ من جيلهم ؟

قالت نجوى كرم غنت قبلي , وإليسا أنا غنيت قبلها بس هي أكبر مني

ردتها أكثر من مرهـ إن إليسا أكبر منها ..

{ صراحه أنا ماأعتقد هالشيء !! .. شكل نوال الزغبي أكبر }

سألتها هل تتمنين لهم الزواج ؟؟

قالت هيدا إيشي مابتمناهـ لحدن ..

قدموا لها جاتوهـ وطلبوا منها تزيينه ,, زينته وقدمته للجمهور بسرعه خاطفه , وكانت متضايقه وقت تزيين الجاتوه من القلاده إللي لابستها ونزلتها ثمن رجعت تلبسها بعد ماخلصت تزيين الجاتوهـ

أزين مافي نوال الزغبي هو تواصلها الجيد مع جمهورها , لأنهم كانوا من الفانز تبعها ..

Artos ~
09-02-2010, 09:07
المقطع الخامس ~

http://www.youtube.com/watch?v=2wUta98Wdho

ذكرت إنه تم عرض جائزه عليها ولكن بمقابل مبلغ مادي , ولكنها رفضته ..

بينما هالجائزه نفسها أستلمتها الفنانه لطيفه , قالت أنا مابقصد إن لطيفه دفعت فلوس لحتى تستلمها ,, بس هي إنعرضت علي بفلوس ..

<== ياحليلك إنتِ وهي ..

سألتها أروى عن عدد عمليات التجميل إللي زينتها , والأقوال إللي أنتشرت بإن نوال الزغبي عامله أكثر من 10 مليون عمليه ؟؟

قالت أنا بعمل إللي بتعمله أيا ست عاديه , الناس طلعوا للئمر وهني بعدن عم يحكوا عن عمليات التجميل ..

أنا ماأوفقها الرأي الناس طلعوا القمر قبل عمليات التجميل بهالشكل , وإللي تصلحونه هو إمتهان لإبداع الرحمن ~ .

وإذا نوال الزغبي طلعت القمر راح يفقع وجهها لأختلال التوازن وفقدان الجاذبيه الأرضيه ,،

وسبق وتكلمت عنها نضال الأحمديه وقالت : إن حالة وجه نوال الزغبي يرثى له العدو قبل الصديق , ووقتها فعلاً نوال الزغبي أختفت عن عدسات الكاميرا لفتره طويله ~

فوين الكلام إللي تقولينه يانوال الزغبي ,, والنتوء بين شفايفها وخدودها من عمليات التجميل واضح , والحقن أيضاً عامل عمايله وياها ..

وقالت إن سبب نكرانها سابقاً إنها ماعملت عمليات تجميل كان إجباراً , سألتها أروى وقالت مين أجبرك ؟

قالت مابدي ؤول ..قالت لها أروى : علشاني <=== تمونين ألحين يعني

قالت لها : راح وشش وشك ..

ذكرت لها شائعة إن نانسي عجرم سبب خراب بيتها ؟

أزين شيء قالته إن نانسي عجرم متل إختي الصغيره , لو غيرها كان أزعلت ..

وبحبها أصلاً , وعيب بيحكو متل هالحكي , وإنو مغلوط فيه ..


عرضوا مقطع عن معجب بنوال الزغبي ,, أخذ أمه عالصالون لحتى يعمل شعراتا مثل نوال الزغبي ~

تخاصم هو وخطيبته مدري رفيقته لأن أعجابه بنظرها أوفر بنوال الزغبي ..

وييييييييييييي العايله مبسوطين بولدهم ,, مانجلد صح .. :yawelak: ولا كان بطل هالحركات , ولا كان موجود بالحلقه شوي ويدوخ من هالفرحه ,, على وش فرحان على خيبتك ..

نوال وهي تغني , وأستخفت من قلب ~

http://up.shamoa.com/uploads/images/shamoa-bfbe1a3ead.jpg (http://up.shamoa.com/uploads/images/shamoa-bfbe1a3ead.jpg)


http://up.shamoa.com/uploads/images/shamoa-be799d04f0.jpg (http://up.shamoa.com/uploads/images/shamoa-be799d04f0.jpg)



المقطع السادس :


http://www.youtube.com/watch?v=xqg7Ir5sEoM

ذكرت نوال الزغبي رعايتها لليتامى , وكان بسبب زيارتها للــ الإس يو إس , منظمة بتعتني بالأطفال ..

فأستضافوا مارك ورودي , احد الأطفال إللي تكفلت بهم نوال الزغبي , وكان بسبب شعورها بالحنان إتجاهـ الأطفال تكفلت بمارك وهو بعمر الــ 9 أشهر .


تحدثوا عن فديو كليبها لأغنية لــ " منى عينه " أنتخب بكوبنهاجن إنه هو أساساً للبيئه , للمخرج " يحيى سعادهـ "

وطبعاً نوال الزغبي كانت تجسد الطبيعه , أسمعوا خرابيطها .. ماجاز لي الوصف والتطبيق قرنبع ..

وغنت أغنيه من ألبومها الجديد ~

وهي للملحن مروان الخوري ,, وأسمها " يارايح " وتوزيع " هادي شرارهـ "

وتكلمت عن تحضريها لأغنيه عن لفيلم ,, وجلست تمدح بأحمد السقا لين قالت بس ..

قالت لها أروى :

وش تقولين لنوال الزغبي ؟؟

قالت أنا معجبه بشخصيتها لاحقاً ,, سألتها عن سابقاً ؟

قالت : لا

أحلى شيء نهاية الحلقه نوال الزغبي أول شيء توقف بجنب أورى , ثمن تطالع لأروى وتطلع على المسرح , قالت لها يييي شو قصيره يا أروى , وطبعاً نوال الزغبي تستهبل بروحها ؟؟

قالت لو كنت بعرف إنك أطول مني ماكان حضرت ,, وكله مزح في مزح ..

http://up.shamoa.com/uploads/images/shamoa-e1b09363b6.jpg (http://up.shamoa.com/uploads/images/shamoa-e1b09363b6.jpg)

عاد أروى ماصدقت نوال الزغبي تخفف دم معها , عطتها يدها وتقولها كفك .. هههههههههه قلت بقلبي خير وينا فيه ..


http://up.shamoa.com/uploads/images/shamoa-497824c14d.jpg (http://up.shamoa.com/uploads/images/shamoa-497824c14d.jpg)

ومازالت نوال الزغبي عالمسرح , سلمت عالكل وهي أعلى منهم ~

مشكله الإنسان إللي مايكون واثق من حاله ,,


أتمنى أكون وفقت بنقل التغطيه ,, وآآآآآآآآآه عيوني طلعت من مكانها ..

صراحة الحلقه ممله لأبعد درجه , بس عشانكم غطيتها ..وواضح إن الحلقه تقصصت بالمونتاج كثير , لان الحلفاء ماتكلموا ابداً , ياتقصص بالمونتاج أو فيه فبركه بالموضوع ..


دمتم بحب ..

:redredheart:

M!ss P!nk
09-02-2010, 09:43
هَلآ وٍغَلآ بْآرْتًوسَتْنَآ ~ وٍآلله مِنْ آليُوٍمْ جَآلسَهْ آحَترٍيٍٍــــكِ ^^

حَتَىَ مَآشِفْتْ آلحَلقَهْ كَآمْلَهْ قِلتْ آلله يِخَليِلِنَآ آرْتُوسَتنَآ ~

آلحَلقْه كِلهَآ كُوٍوٍوٍوٍوٍوٍمْ وٍآكمَآمْ آرْوَىَ كُوٍوٍوٍوٍمْ << لِعْنبُو بلِيسْهَآ مَآآسْتحَتْ ~ لآهِيِ قَصِيرٍ

وَلآحَيرِآنْ مَآ آدَرِيِ وِشْ وَضعَهَآ ؛؛ وٍآلرُوٍجْ سَآاإآاإيِحْ وٍنُصْ ظَهرهَآ بَرَآ << آصْلآ آنَآ عَنِيِ

غَآسْلَه يَدِيِ مِنْهَآ خٍخٍخٍخٍ

نِجِي لِلكَلبُوجَهْ << عَلىَ قُولتهَآ << قَآالْ إيِشْ قآَلْ آصْغَرٍ مِنْ إليِسَــآاآا يُؤ يُؤ يُؤ !

مَآلاحْظتُوٍآ مَعَآاآيِ إنِهَآ مِتْحَمِسَه شُويِ ؛؛ وٍلآ جَدتهَآ يَآعُمرٍيٍ عَليِهَآ جَآلسَه تطآلِعْ مَآ تدْرٍيٍ

وٍشْ آلسَآلفَه طَيِبْ كَآنْ عَطُوهَآ سَمَآعَه وَلآ شَآفوُلهَآ حَلْ !!

وَلآ يُومْ قَآلتْ نَوآلْ لآروَىَ نْغَنِيِ سَوٍآ ( آرْوَىَ تْفَلتتْ وٍمَآعَآْدْ سَكَتتْ كَآنهَآ مَآصَدقَتْ وَحدْ قآلهَآ

غَنِيِ )

آصْلآ آنَآ مَآشِفَتْ غيِرٍ نُصْ آلحَلقَهَ ؛؛ حَسِيتَهَآ سَآمْجَه آروَىَ مَآعَرفتْ تُظبْط لآ نَوآلْ وًلآ

آلجْمهُورٍ ~

بِآلنِهَآيَه مَشْكُوٍرٍرٍرٍرٍهْ حَبيِبتِيِ رُوٍرُوٍ عَ آلتَقرٍيِرٍ آلحِلوٍوٍوٍ مِثلِكْ . . }

Randa
09-02-2010, 09:52
أول شئ..
أخيرآآآآآآآآآآآآآآ حطيتي أعلآن نوآل الزغبي طول الآسبوع أحط..يدي على أعلآن حليمآآآ ( هييييآإ)..

نوال الزغبي..
( ق1 )
يآ حبي لك.. أنتي فنآنتي أيآم المرآهقه إلىآ الحين.. وه يآزينك. قمه الآنآقه إنتي..ملآبسهآ واااو..والجلد الحين حيل دآرج.وأحسدها على جسمهـآ المتكتكٌ..
.يـآحلو.....أخيرا رآحت حموضـه الحلقه اللي فآتتُ<<:sailentwalk:
مع..إني كنت شآكه أنها تأخذ دروقز للأكتئآب أو النفسيه عنونهـآ مو طبيعـيه..أبدآآ
وحركآتها..تو متش.. هي معروفه أنهـآ فيها خفه دم..بس حسيتها زآيده حبتين..كأنها تبغىآ توصل مسج لـ زوجها أنو أنا بخير..؟
يـآ دلبو يآ جدتهـآ صرآحه مره أنيقه.. وه بسْ..
يبْ..الفآنز هم أعطوو جـو..( رآحت عليـ كْ يآحليمــآآآ)
بعدين معقوله هي أصغر من إليسسـإ؟؟؟
مش صدئيتي ومآبكرههـآ<< حسيتهـآ تكرهها من قلب..
وآحد..مدري إي وآحد منهم المهم قـآل إنها تعيش قصه حبْ...!!
أحلى شئً..وهو اللي كبركُ..فوق كبركٌُ.كبر في عنونيُ..أنكُ.. مآتكلمتيُ.. في الـ.. أكسُ.هآزبند..
يآليت أصآله تتعلم منكٌُ..هـ الشئُ..
=)
أروىآ ...مآراح أعلق على لبسهـآ,,أو شكلها.. لآنهـآ خلآص هيُ..كذآ مآرآح تتغير..يآتلبسُ..نفس البنطلون الجينزُ..والا تـ خنبقُ..
بس ليش..كل مآجائ ضيف الا..تسوي كوبليه لهآ وتغني من جد تو متشُ..عرفنـآ أن صوتك حلو..
بس سؤال..
الحلفآء قــإلو.. شئ.؟؟ ورآهم جـإيينٌ..!!
. طوني مندلقُ. مآودكُ..
تأخذ أروىآ تضبط لهآ كشتهـآ..شوي!!

مرسيُ..على هيكُ..تغطيـهُ..
( F )

ehsass
09-02-2010, 09:55
يعطيك العافيه ارتوسه

زمان عن التي في

بس زين ان بشمواه قسم للتي في عشان ما يفوتني شي


احب فيكي ارتوسه لما تعلقي على شي تعلقي من قلب

وبسم الله عليكي الله يحرسك ما يفوتك شي

فيه اشياء تلاحظيها بالصور لو اقعد اطالع مليون سنه مارح الاحظها خخخخ


نجي لاروى

لازالت .. ولا زالت .. ولا زالت .. ولم تزل .. وجعلها الزوال من ال mbc ههههههههههه


ياربي وش ذا اللبس يا اروى <<< شوي وابكي


جاي على بالي اول ما شفت لبسها انها كانت مستعجله وقت مالبست الفستان وتشقق عليها من عند الاكتاف والظهر خخخخخخ


استغفر الله


ونوال الزغبي

ماتعجبني نوال احسها ثقيله دم مهما استخفت دمها

واحس ملامحها توحي بانها شخص لا مبالي

وعلى ذكرك لايام المراهقه

افتكر صور نوال دائما منتشرة على اغلب المجلات مثل سيدتي والجميله وزهرة الخليج واليقظه وووو الخ

وكانت من جد شي


بس في الصورة ادناه


http://up.shamoa.com/uploads/images/shamoa-48aab03917.jpg



واضح جدا جدا كميه عمليات التجميل الهائله في وجهها

صاير كنه بتشقق

مدري ليه ذكرتني بصبوحه لما شفتها جنب جدتها ههههههههههههه

صبح تنفس!~
09-02-2010, 09:57
ياه تجنن هالفنانهماشفت حلقتها
نوال احسه طالعه مرتبه وحبيت لوكها
اممم اروى مش ولابد احس في شيء محزق بزيادهـ
والله انك صادقه ياارتوس احسه ماله داعي جايبين جدتها
يعطيك العافيه ارتوس ع التغطيه الكامله

ســــوســــو
09-02-2010, 10:09
مرررره شكرا عالمضوع الحلو ونوال تجنن مره تعجبني

احلى حلوه
09-02-2010, 10:35
هلا ارتوس تصدقين ماشفت الحلاقه الا نهايتها لاني كنت واثقه انك راح تنزلينها ولما تأخر استغربت

بصراحه نوال كانت لهاوجوده <<< الحين حاسه انها مصرقعه وتقلد المراهقين ماعاد تنفع خلالالاص راحت عليها

واروى بصراحه من اول ماشوفتها والروج باين انه اوفر مررره مو مناسب لها وشكلها عليه تعليق

وفعلا وجود جدتها ماله معنى ابدا ومااستحو كيف يخلوها في هالموقف..

وفي الاخر مشكوره ارتوسه ه التقرير الرائع المفصل ودمتي مبدعه

اقمار
09-02-2010, 10:42
يلبى قلبك وتغطياتك السريعه الحلوه
بروح افطر ولي بااااك كبيييييير

ثانكس يعسل

رذاذ المطر
09-02-2010, 10:59
حلقة نوال الزغبي كانت مملة لأبعد الحدود غير جي كنت ملييييييييزة إهئ إهئ من الملل حتى ماكملتها لبس نوال كان حلو بس ماحبيت الكوليه أبدا مو محلة

حللت كثرة استهبال نوال الزغبي وليش تتصرف بها الهبالة <<< دكتورة نفسانية واللى شو؟؟


اتعرفون الشخص لما يوصل لحالة من الحزن والتخبط والصدمات أو كبر في السن وحاب يصغر نفسة باستضرافة إتيي حالة هيستيرية أو هبل ع عبط شي جي اتلاقي الوحدة تتصرف بدون وعي ترا أنا جربت هالشي ومن منطلق ذلك أتحدث<<<< قمة الهبالة لوووووووولز


شعرها يقول يا نوال بس ارحميني أنا تقطعت وتنتفت :angryhair:



أروى لاتعليق على اللوك بس صوتها أحلى عن نوال



ع فكرة أنا بديت أشك إنه هالبرنامج يقول لضيوفه تعالو متبهدلين لغاية الحين ولا وحدة لوكها كان ع مستوى حتى أليسا الأنيقة كانت مو ذاك الزود..:nopoints:



أرتوسة : يعطيج ألف عافية يا قلبي

ساندرا2008
09-02-2010, 12:11
ما مداني اتفرج بسبب الاختبارات

بس اكيد حتفرجها هنا

bdralbdoor
09-02-2010, 01:21
مشكوره حبووبه ع الموضــــــــوع الحلـــوو .. !!

ويعطيكـ الف عآفييييييه , , ,

chica en el amor
09-02-2010, 02:02
ارتوسة تطلعين اللي بالقلب كــــــــــلـــــــــــــــــــــه هههههههههه

توسعين الصدر :*

انا نوال الزغبي من أول ما طلعت وأنا أحب أغانيها وشكلها أكثر منها ،
أكــــــــــــــــــــره حركاتها احسها مكررة ، لاحظوا بأغانيها دايم ترفه ايدينها وتدور ، مدري شلون اوصف الحركات بس كل فديواتها وحتى عالمسرح نفس الحركات !

مستهلكة ،،،

وجهها وعمليات التجميل الصراحة أرحمها تكسر الخاطر ،،،
بس أحسها سبحان الله عدالة من الله ، لأنها يااااما أبهرت كثير حريم ورجال ، ويااااااماااا بشكلها سببت فتنة ،،،
وياااااامااا شجعت حريم على عمليات التجميل ،،، وياما كسرت قلوب بنات ،

فـ احس انه مهم اننا الحين نشوف شلون هـ العمليات ما تودي الا للهوس ،
وانها صدق كانت أكثر فنانة أنيقة ذيك الأيام ، بس الحين نشوفها ونقول الحمدلله والشكر !

مبين حركاتها واستهبالها الفترة الأخيرة بسبب الطلاق ،،، يا عمري الله يجبر بخاطرها :(

أمــــا يوم تقول أنا أصغر من أليـــســـا معلـــــــــيـــــــــــش !

أصلا هالكلام ما يليق فيها وبـ مكانتها كـ فنانة !

غريبة ما غنت ،،،




خل نحش شوي بـ اروى هههههههه

مأسااااة سبحان الله فيها ثقالة دم ، صدق حبوبة وذربة ، بس ثقيلة دم ،

وتحاول تتقمص شخصية مهي هي !
بـ أغانيها بـ فديواتها بـ البرنامج ، أحسها بدون روح

وشكلها ايش ما تسوي ما تعجبني !


شكرا أرتوسة عـ التغطية تسلم ايدينك :*

لولو الصغيرة
09-02-2010, 02:21
ما بعد تعليقك يا آرتوس تعليق .. كفاية .. استهتار بعقول المشاهدين ..

و المصيبة اللي يشوفهم راح قلدهم بالزي او التصرفات ..

بدال ما يجبوا ناااااااااااااس اثروا و قدموا للدنيا ..

جايبين ناااااااااااااااس فاضية>>> قال فن قال ..

MISS DIOR
09-02-2010, 03:34
يازينهـــآ بس أيام (قلبي دق:1heart: وطول عمري)<<ياما خقيت عالهلكلبيــــن
كبرت ودبرت باقي متشبثه بايآآآم عزها أيام ماكان احد يتعداها من جد لاباللأغآآني
ولا باللوكــــات اذكر بالكوافير والصالونات يموتون الحريم ويسوون مثل مكياجها وشعرها
خلاآآآص راحت عليييك ههههههههه قال ايش قال اصغر من اليسا شايفه العالم هنود عندك!!وخفة دمها هاذي مو خفة دم هذا اسمه هبال طال عمرك تبي الناس تقول(ييييي ماهضما نوال بجننن)الا بيقولون(يييي شو سئيله هالنوال)<<مقطوع سرها ببيروت
تحسوون وجهها من جد كن احد ماعطه على ورى لين قال بس تشووويه ينآآآآس كل
عمر وله حلاوته اقتنعو بس

(يالبــى اليسا بكلش:1heart:)
واروى يرحم امك ودي اشوفك لو مره وحده يريفكت وش هالبلوزه اللي فوووق وش تبي بالضبط
خربت الفستاااان
ودي اروح اسنعها<<ارحمينا ياجويـــل

بعدين تكفييين خلي الناس تغني :bthba7k:

يسلموووو اناملك ارتوووس تحسفت اني ماشفت الحلقه ويوم تذكرت قلت بسسس
(شـــــمــــوآه):lololove:

kteeer_nice
09-02-2010, 03:43
امممممممممممواه لج تووسه ~

مع اني مو من محبين نوال ، بس فنفس الوقت ما اكرهها

بس لما شفت اعلان حلقتها كان ودي أشووفها ، وفاتتني )=



وانتي كالعاده ماشالله ماقصّرتي ~ http://www.shamoa.com/vb/shamoastyle/smilies/love/cut%20love.gif





نجي لأروى

مادري ليش تكرهينها ..!

أحسها ماتنكره <-- ياويلي منكم خخخخخ

صح ان ذووقها مرات مادري كيف ، بس مع هذا أحسها أهون من كثير غيرها ..







ونوال مع اني ماشفت اللا المقاطع اللي حطيتيها

بس حسيتها جد مجنووووونه

وانا على بالي انها عاقله وراكزه :panicsmiley2: لوووول








~ :1rose:

LooLooy
09-02-2010, 04:12
سبحان الله الكبر شين من جد ,,,, كانت تجنن زمان وكانت ملامحها وحركاتها قمة البراءه والجاذبية ,,,,وحتى مقابلاتها كانت رازنة وفي نفس الوقت ردودها تعجبني
بس امس احس طاح القناع ...في بدايتة الحلقة حسيتها شاربة شي (( )) كانت اوفر في الاستخفاف في الدم حستها فارطة مررررة
تصدقون على ماكنت معجبة فيها وفي اللوكات اللى كانت تطلع فيها والحركات الكيوت اللى كانت تسويها ...الا انها اللحين صارت مسخ كل شي فيها مصطنع بالنسبة لشكل خصوصا شفايفها لاعبة فيها لعب الله لا يبلانا احسها طاحت من كثر النفخ والفش ...سبحان اللله مافي زي خلقت ربي
بس من جد بعض بنات اعرفهم تكون برفكت ورازنة وبمجرد ماتكبر كم سنة تجيها حاله الهسرة الا تبي تثبت انها لسى شابة ...اللهم لك الحمد والشكر ...مايدرون ان كل عمر له زهوتة موضروري ابين في العشرينات علشان اكون مقبولة عند الاخرين ...
بس صررراااااحة يسعد حلقتها ويسعد جدتها بعد من حلقة الحموضة (((على قولة رونودة يسعدها ربي )))) حليمة
ومشكورة ارتوسة :pinkflower:...على التغطية الرائعة انا امس استنيتك للفجر وخلصت بطاريتي ونمت وانا جالسة خخخخ ماقدرت استنى,,,,

اقمار
09-02-2010, 04:19
الحلقه غريبه شوي ماشفنا اي فايده من الحلفاء

ستايل نوال مره حبيته شعرها خورافي ولبسها مناسبها بس العقد احسه حركات مايا دياب

اروى فستانها لا باس بس التوب خخخخخخخخخخخخخخخخ

بنات مدري توافقوني الراي اولا نوال حسيتها مقرقعه حبتين تقل اوب صويحيه او لاتحه شي ههههههههههه

ماتركد المره

احس اروى ذووووق وطيوبه

وحركتهم بجيبة جدتها ماااا ادري وش الفايده منها من جد قعدت اقلبها يمين وشمال

بالنسبه لموضوع العمر المفروض نوال ما قالت كذا شدعوى بااااين انها اكبر من اليسا احس فشلت نفسها

يلبى قلبك ماننحرم من تغطياتك الحلوه

ღفيونكهღ
09-02-2010, 04:38
تسلمين قلبووو ارتووس عالتغطيه ...

الف شكر .. بس انا اعارضكم بأروى

اول مره اشوفها حلوه بهاالحلقه .. عجبتني والله

احسها جد طيبــــــــــــــــــه .. وحبوبه

مع اني كنت اكرهها .. بس بهالحلقه انبلعت لي .. هههه

اما نوال ماعجبتني بالمرررره ..


تسلمين ارتوووس عالتغطيه

n o u f a
09-02-2010, 05:48
شخصيتها وروحها كانوو مرره حلوين
وهي كمان

بس الشي الي ماراق لي انو شعرها تنتف من كثر الصبغ حرااااام

جيادا
09-02-2010, 06:02
اخيرا نزل الاعلان يارئيسه وه بس ماصدقت
هيا هيا ابعدو عني ابغى احش حش....

اروى ااااخ يااروى ارجمينا ارحمينا اتكلم عن اللبس ولا عن الروج ولا عن الشعر ولا عن اداره الحلقه اللي زي وجهها

ببدا الله يعيني من فوق لتحت شوزها ماعليه زين.....كذابه مانتبهت

فستانها ياربيييي .....كيم كاردشيان على غفله....وع وع وع مو حلو عليها جدا جدا جدا

لا والقطعه السودا من فوق....مو الجاكيت لا لسه هاذا علومه عوم

القطعه السودا شابطه بسم اله لاهي لاحقه صدر ولاهي لاحقه بطن...ايش هاذا الله يفشلك

الجاكيت....لا انا ماصدقت قلت يمكن غلطانه

يؤ يؤ خلاااااااااص بطلوها الجاكيتات دي خلااااااااااااااص الله يفشلك فشلتينا....تفشلنا ليه اشوه مي سعوديه

والظهر في رقعه كده خارجه علينا مدري ليه ومعلقه فيها المايك.....ام الحوسه ياشيخه

نجي للروج...هي حطت روج وبعدين جابت زيت عافيه وحطت كم نقطه عليه....الاكم ملعقه....واللون وعععععععععععععع

مع لون الشعر كمان

هم ايه دا ياربي....الشعر مزيت وقليل وحاله امو حاله....تلهمدي على نفسك ولميه....مو لازم نشوف الجدايل متنازلين

مدري هيا مسودا ولازايده سواد ولا عشان اللون اللي لابساه....اللهم لاشماته....ماخليت فيها بصراحه بس مرارتي مفقووووعه

نجي للتقديم ياربي ياربي هلكت نوال نوال اجلسي ونوال اجلسي وجااااامده مافي اكشن ماهي على راحتها ولاهي واثقه من نفسها

في اول الحلقه نوال والجمهور سو جو شوي....بس هي تقول لا لا لاتقولو...صفوها المسكينه

وجدت نوال....شفتو كيف سحبتها من يدها خلاص خلاص...تبي تخرجها

هيييييييييييي هادي ادميه مو كيس بصل

اصلا جايبتها ليه الادميه ماتسمع والمصيبه مي راضيه لنوال تروحلها....طيب والحل؟؟؟؟؟

قلتلك يارئيسه خلينا نذبححححها ونريح المسلمين منها

اما نوال...انا بصراحه عادي ما احبها ولا اكرهها.....خخخخخخخ قلوديه

بس انسانه انيييييييييقه انيقه

حلو لبسها بشكل عام مه وجود بعض الاغلاط ....يعني عن نفسي ماحب الجلد ولا الابوات....بس حلو

ويوووه لمن جابو سيره الفساتين وقالت كل فستان مين المصمم....من جد كلااس

انا الحرمه اللي زي كوذي وه بس ....افتخر بيها....حرمه وام وانيقه بنفس الوقت...ياناس يبان والله كلو يبان

ومن جد حسيتها حره طليقه....كنها كانت بقفص وخرجت....حركات مي اراديه

وبي ولادي مابحب احكي فيه.....اووووووووه من جد رهيبه


ووووبس لاتذكرت شي بجي احش....يالله بروح اتغدى:pinkflower:

m!Ss jojo
09-02-2010, 08:41
من جد ماله دااعي يجيبون جدتها .. حرآآم احسها تعذبت :yawelak:


وبنسبه للوك انا بحللقت عيووني علييهم هع :starescreen:


اروى المكياج حلو علييها بس الفستااان مااااهضمته اببد اول ماشفته على بالي تنوره يوم شفت زين
الينه فستان

وبنسبه لنواال .. اممممـ لون شعرها مآآره عجبني .. :yeyes:

بس اللوك أحس انه حق عراابجه ماعجبني :pfft1:


يسلموو حبيبتي على التغطييه تحيتي :pinkflower::pinkflower::yeyes:

MoonLight
09-02-2010, 08:45
مانقهرت انه الحلقه فاتتني لاني عارفه انك بتغطينها ياقمر 14 :)

يعطيك العافيه ..

بالنسبه لاروى مادري ليه ماتعجبني اتكلم عن اللوك << عشان لاتحقدون علي لوووول
احسها تحوس بعمرها باللبس واااااااااااااجد حتى الميك اب الروج الاحمر مرا مرا مو مناسب لها

اما اللبس من قدام ماشي الحال مع انه لو كان لها خصر اكثر كان صار احلى اما من الخلف مرا الشكل
غلط مو مناسب لها حتى طريقتها بتستير الفستان اتفق معاك لو انها اختارت قطعه وركبتها كان صار احلى



نجي لنوال .. كل شي تسويه هالانسانه يعجبني من الشعر والميك اب واللبس تعرف تختار اللي يناسبها
ومثل ماقلتي هي صاير مجنونه حبتين عشان الطلاق ماتبي يقولون عنها انها انكسرت او انهارت تبي تبين
انها مبسوطه لحد الحين وانه اهم شي من الزواج الاطفال مو الزوج :)


استمتعت وانا اقرا ماقصرتي ياارتووس

امووووووووواه لك ..

мαĐα₥ē
09-02-2010, 09:01
زي ماعودتينا

تغطيه بكل حذافير الحلقه

بالاول اللبس تبع اروى <--- للمره المليون موب زين ولاتعرف تنقي
ولبس نوال بصراحه جدا عااادي وبلوزتها مالاقت ابدا
وبالنسبه لبنطلونها مستهلك جدا ودايما اشوف عليها هالستايل من البناطيل
كنها هيفا وهبي اللي متمسكه في بنطلونها الجنز اللي كنه سترتش

المهم تعليقي انو حسيت نوال حابه تطلع منطلقه وعلى طبيعتها وتنكت وعفويـه !!!
شعرها مرا جاز لي بس احس انو محشي
الميك اب مرررررا نايس وخصوصا مكياج العين

بجد رحمت جدتها وكسرت خاطري .. ياسفابها عليهم

وبقول ان الحلقاء ماكان لوجودهم داعي لان ماشفت لهم ولا مداخله
وزي ماعودتينا دوووم مميزه

الف شكر لتغطتك الرائعه جدا

همسه / متى نشوف تغطيات لسعود الدوسري هخ هخ

<-- تدري انك ماتطيقينه

тόғғєє
09-02-2010, 09:18
هاااااي ارتوووووووس

في هالحلقه من جد اروى شاقه الحلق
كل ذا فرحه بالزغبي خخ !!


احس القطعه اللي لابسته الكم مخربه ع الفستاان !
لو توب لوحدة احلى :mabymaby:

هع


خالة نواااال ما يحتااج امع هاللبس
صايره كنهااا
بتركب خيل !!!!!!
هههههه


ونوال لبسها مدير وش نقول عليه
تبي تلبس سبور وماهي عارفه
وبالاخير
خربت اووم الشغله
بـ(كرسي جابر)اللي لابسته هههههههههههه
ما يناااااسب وبقوة !

تشكرآآت ع التغطيهـ =)

جمان السماء
09-02-2010, 09:24
يسلموو


اما عليك تعليق هههههههههههههههههه بصراحه ادخل جو معاك


نوال استغفر الله الحمد لله الذي عافانا مما بتلاها فيه من جد صارت لو تعتزل احسن لها

قبح بجد

ضحكتها مرعبه :spya:

يعني وش استفادت من عمليات التقبيح ..؟؟!!


يا ريت البنات ينتبهون لانفسهم ويقاطعون تغيير خلق الرحمن


بنت اعرفها سوت عملية تقبيح لانفها


للاسف وجهها كان بيبي فيس


صارت كأنها بالاربعين:panicsmiley2:


الله يعافيهم ولا يبلانا

crazy^bas^3asal
09-02-2010, 09:31
توقعتك تغطين ها الحلقة

نوال طلعت بفترة كان مافي تقريبا فنانات يفتحون النفس

لما كنت بثانوي <<<تبغى تقول أنها بسن أرتوس هع هع

كانت نوال ساحرتنا جد نستناها تسوي اي شي ونقلدها أذكر هي أول مالبست

السبور شيك في الحفلات بدل السوارية وكانت صرعة بوقتها

نوال كانت ولازالت تعجبني ستايلها حلو وتحاول الصراحة ....

بالنسبة للحلقة ~

كان لبسها حلو واللون لايق عليها بس ماعجبني الجلد أبد

والاكسسوار ليته أصغر شوي ..... شعرها كان خيال

لونة شييييييييي أنا كنت أفكر أصبغه نفس الشي بس كانت

خايفة يطيح شعري من ها الصبغات الحين قررت هع هع

صحيح نوال بالحلقة صايرة هوجاء مثل ماقالت هي بس ماألومها

بعد الطلاق هذا شي طبيعي تبغى تحسس زوجها أنها ok

وأنها مو متأثرة .... اللي ماعجبني فيها صراحة ها العمليات الاوفر صراحة

مو متخيلة في أنسان طبيعي ممكن يسوي بنفسة كذا ويقلب نفسة لمسخ

أستغفر الله العظيم لما أتذكرها بأغنية الليالي كيف كانت بيرفكت ولا أغنية طول عمري

والحين صراحة فرق .....أما جدتها صراحة مالها داعي وهذي تحسب على

الام بي سي مو لهم حرام مسيكينة كسرت خاطري جرجروها بها العمر على الفاضي

نجي لأروى ~

فستانها حلو بس مو عليها هي مالها خصر أبد واللون مو حلو عليها

بس ... أول مرة أشوف شعرها مستشور عدل

حركة البوليرو القصير مستهلكة وماخدمت الفستان صراحة لو مركبة قطعة ثانية أحسن

أرتوس أمطاااااااااااااااااااااخ لك :smallkiss::smallkiss:

لونـــ$$ــــا
09-02-2010, 11:01
وين نوال الزغبي الاولى تشوههت هالانسانه مررره المفروض النجاح يزيدك ثقه
وبعدين باااين تكره اليسا وكذا مره علقت اليسا ان نوال دايما تحاول ترمي كلام علي بس الثقه حلووه من اليسا لاترد ولا تعبرها احب هالاسلووب
حركتها غبيه لما كانت واقفه عالمسرح بالاخير ومانزلت عشان قصرها مايبين
معركتها مع شكلها ومع التفاهات معقوله ماتخطت هالشي ؟؟؟؟؟؟؟؟؟؟؟؟؟؟؟

وفعلا الحلفاء ماتكلمووووووووو ابدن ؟؟

لولي
10-02-2010, 12:50
الله يسعدك ارتوسه من جد متميزه في كل شىء وانا اشوف البرنامج توقعت انتي تشوفينه وشغاله بعين وعين :yawelak:

همسة وفا
10-02-2010, 01:18
مشكورررة ارتووسه كنت انتظر موضوعك لان فاتني جزء منه شفت بس من بعد ماراحت الجدة
والله اني رحمتها بالمرة
بالنسبه لنوال مكياجها رووووووووووعه وبذات لون شعرها خطير ودقت الخصل تجنن
اما اروى
الفستان حلو
بس خربت مظهر جسمها
مايناسبها هذا النوع من اللبس
اما الروج اهو اول شئ شفته
غلط بغلط ما يناسب شكلها

rooza
10-02-2010, 02:02
ولله صادقة ياارتوسه الحلقة كانت ممله بشكل موطبيعي
يعطيك العافيه على هالتغطية

deemh30
10-02-2010, 02:36
بس احس انها كانت مرجوجه بزياده

λหģзĻ
10-02-2010, 03:13
شكرا لك ع التقرير ..

والحمدالله ماشفت الحلقة راحت علي والوقت جداا مزحوووم ..

نوال زمان احلى الحين مرررة تقلد وماهي طبيعية بالمرةةةة
وتثقل مكياج عكس اللببنانيات معروف عنهم البساطة يمكن تخبي شي <<< اللهم لاشماتة


وشكرا الك مرة تانية

klimons
10-02-2010, 03:40
http://up.shamoa.com/uploads/images/shamoa-10dcb37f77.jpg (http://up.shamoa.com/uploads/images/shamoa-10dcb37f77.jpg)


حسيت لوك اروي حلو مابه شي والفستان بعد ماشي حاله
غيرت شوي هي لازقه بالاسوووود اغلب حلقاتها اسود

اما لوك نوال صراحه عن نفسي ابد ما عجبني
وذا القطعه اللي مركبتها مدرب موحلوه

لا شعر ولا لبس استايل واللوك موحلو

وحسيت نوال ماتنبلع خخخخخخخ

بس هضمناها مع شويه مويه

بس الحلقه اللي قبل
صدق صدق ماتنبلع غثيييييييييييييثه مع بنت بولند ييااااي

Call Ŋouf ♠
10-02-2010, 06:13
اول شي تغطيتك مررررررررررره ممتعه لكن الحلقه ممله

كلها نطنطــه واستخفاف دم وتصنع

اللوكات للثنتين قرنبع وقديمـــــــــــــــه

ماحبيت لما جابوا جدتها وقاموا يضحكون وانها ماتسمع ايش الكلام هذااااا!!!!

المهم اني طفشت الصراحه

يسلمو ياعسل عالتغطيـــه والحمدلله تغطيتك اعطتها طعم

perfume qatar
10-02-2010, 10:53
صبااح الورد تغطيتج تجنن وروعه وانا احب ادخل واقرا تعليقاتج
بس لاحظت ان نوال كثير تستخف دمها تبي تعمل حالها مهضومه ومب رااكب ابد
وثانكس ع المجهود

دلع طفولي
10-02-2010, 01:27
تسلمي قلبي
انا ماشوف برنامج اخر من يعلم
بس تغطيتك للحلقات تعجبني
خاصه تعليقاتك على الازياء

غرور أنثى
10-02-2010, 04:19
أنا زمااااااان كانت تعجبني نوال الزغبي..<< جمالها الرباني كان يجذبني لها..

بس بعد العمليات شوهت بنفسها الله يصلحها..

هذي الحلقة ما شفتهاكلها.. بس لقطات و بنفس الوقت ما تحمست لها كثير..!!

>> كلام أختك عن صبغة نوال واحساسها بأنو منتف.. حسيت كلامها بمحله..=)

أما الحلفااء ما تكلمو..!!!!!! سلامات .. أجل ليش رازين عمرهم؟؟؟

*
يعطيكي العافية ع التغطية..

أعشقني
10-02-2010, 04:42
..

أخر من يعلم ~
من زمان عن البرنامج , الله يآخذ الاختبارات قطعتني عن كل شي كويس بالحيآه ~

شفت الحلقه من التغطيه .. كانت روعه .. وحسيت انها مش ممله ..
نوال احسها تتميصخ باللحلقه وماهي عاقله .. بس تتضحك تقل في بيتهم جالسه :pfft1: ..
يعني وحده بعمرها ترز نفسها شوي بس احي هذي طبيعتها .. وحلو الواحد يطلع ع طبيعتها << أحلفي ~
لبسها عاجبني مرآآ .. شعرها خقيت ع اللون و ع التسريحه بعد .. الا ع الطاري شو اسم التسريحه تبعولهآ ~

وجدتها يدينها .. أنيقه ومأنتكه بعد :redredheart: ..
اما عن سالفة اروى من جد احسها طايره من الفرحه ..
طآير من الفرحه طاير ~

اما لبسها الفستان مو شين بس احس مو حلو ع أروى .. وسالفة التستيره ..
انا أكره شي عندي الي يستر .. يا ماما منتي قد اللبس لا تلبسينه ..
اما قضية البسه واستر فيه لا وألف لا ~
بلاه وش التستير الي يغطي اليدين و الظهر طالع !!
والسيقان من تحت طالعه .. قولو لها لاعاد تستر اللبس بكبره فاضح جت ع اليدين يعني !!

بشكل عام استمتعت وانا اطالع الحلقه ~
ويسلمو أرتوسه ع التغطيه :lololove:~

سي يو ~

,’

Ń j ō ũ ď
10-02-2010, 05:15
شعر نوال الزغبي خنفشآآآآآآآآآآآآآآآآآآآآآآآآآآآآآىىىري اللون خيااااالي



اما اروى معليييييييييييييييييييييييييييييييييييييييييييش

تبعد عن الاحمر

الكوهنيور
11-02-2010, 11:58
ياويلي
عالمكم هنا كله حش في حش
الله لايبلانا ويستر علينا>> ماتحب الحش
لكن دخلت ابي اشوف وش صار بالحلقه وشفت الهوايل
:(

N!na R!Cce
11-02-2010, 05:11
صرآحه ))) ما أحبهآ

يسلمو ع الطرح المميز :)

سارة ليدي
12-02-2010, 02:33
ثانك ارتوسه جدتها احلي شئ

سنيوريتآ ..*
12-02-2010, 12:42
السلام علييكم ورحمة الله و بركآته

شحالج الغلا ؟

الصراحه ماشالله عليييج غطييتي كل شي فالحلقه :p

انا شفتها عشان ارد ع الموضوع :p

بس ملييت و غيرت القناة بعديين ,

احم , بتفلسف شوي ..

يوم شفت الحلقه حسيت ان نوال " خقاقهِـ " يعني شايفه نفسسسها مرره ع قولتكم :p

و همم , ماحبيت لوكها واييد ,

بس عيبني الاكسسوار :p

ونفس ما قلتي , ويهها استغفر الله حدث ولا حرج بسبة هالعملييات

مادري ليش يخربون ويوههم -,-

مخ مخ !! ..

الموهييم

ماحبيت الحلقه ابدا ابدا ابدا ,,

و بس نو كومنت :p

اشكررج ع الطررح الروعه ~, جهدج وااضح الغلا ,~

تقبلي مروري ,,

سنيوريتآ ..*

CHARMING
13-02-2010, 01:47
يسلمو أرتوسة يالغلا عالتغطية


بسم الله عليك كل كلمة قلتيها في محلها كنك تقرين أفكار غيرك وبالنسبة لنوال حسافة على نوال زمان من بعد أغنية

عنيك كدابين
ونوال مستواها في الشكل والفن انهار خلاص معروف ان نوال عفوية وخفيفة دم لكنها مصختها في الحلقة وتعدت

حدودها عبالها ان نجاحها زمان بيشفع مصاختها الهبل والضحك الي سوته ماينفع لعمرها والله بجد حسافة أنا أقول لو


تعتزل أبرك لها عالأقل تخلي لجمهورها ذكريات حلوة عنها وعن فنها موبالهبل هذا الي تسويه والله لمن أشوف فيديو


كليباتها زمان أنقهر عالجمال الي شوهته بالعمليات هي معروف انها من يوم ماطلعت حتى وقت أغنيتها طول عمري انها


مسوية عمليات تجميل لكن كانت عمليات بسيطة حتى زوجها يقول ان نوال الزغبي شقت نص شفايفها ونفختها بطريقة


غريبة صدق ان الفن ماله أمان يوم لك ويوم عليك.


بالنسبة للوك تسريحة شعر نوال الزغبي حلوة وتعطي البنت رزة وملابسها مرة عجبتني لكن لوبدون البنطلون الجلد


والاكسسوار الكبير كان بيطلع شبابي أكثر وحلو والالوان مناسبة لبشرة نوال الزغبي وزي ماقلتي ماحد يختلف على انها


سمراء بس زمان سمارها كان يجنن برونزي حلو .



أروى الفاتنة <<< مومن صدقها


أوكي أروى طيبة وحبوبة ماقلنا شي لكن ماتنفع أبدا حق البرامج يلا أبلعها وهي تغني حتى تقدم وبالنسبة للفستان الي


لابسته ماعرفت تختار ومومناسبها الستايل هذا يبغاله جسم وخصر مو جسم اروى وتسريحتها حلوة بس موظابطة


عليها .

أخيرا أجواء الحلقة مابها شي بالنسبة لي أهون من حلقة حليموه الله يغثها كل أبو الحلقة تمدح في نفسها .

صديقة أرتوسه
13-02-2010, 03:04
تسلمين ارتوسه عالتغطيه............بس جد حلقة اخر من يعلم المره ذي موش ولابد
الضيفه حسيتها مستهتره جدا" بالمذيعه مدري لاحظتوا هاللي لاحظته والالا........بالها بس مع الجمهور ووش قالو وبينها وبينهم تشفيرات..............حسيت ان الحلقه لنوال والجمهور اللي معها بالأستديو بسسسسسس
صراحه جدتها شيييييييييييييييييييي توحفه هههههههههههههههههه حبيتها تدنن..........ماتشبهها
وعلى قد ماحاولت تتهرب من المذيعه في بعض الردود........الا اني صرت اشوف نهايه الحلقه لصالح اروى........خاصه من قالت لها خليك يانوال عاقله على قولتنا الخليجين خخخخخخخخخخخخخخخخخخخخ
تبي تقولها اتزني شوي عشان اقدر اسئلك ...خخخ
قويه

نور الرياض
15-02-2010, 02:53
مشكورة يالغالية ع التغطية الميدانية والكومنت الضابط
ع الصور من جد ضحكتيني هههه ..
على اني شفت الحلقة بس هنا غير شكل احس انك فتحتي عيوني على اشياء ماانتبهت لها
ومن جد ياشين النفاق الاجتماعي اللي في ذا الثنتين انتوا خلكم في الغناء وبس لا تستظرفون ..

؛

يسلمك ربي يالغلا مرة ثانية .

-ll دانتيله ll-
18-02-2010, 02:15
::


نوال الزغبي مادري اشصاير لها .. !!

من طلعوا مطربات الدلع المصطنع واحسها صايرهـ تقلدهم اهي ونجوى كرم بالذات

مادري خايفين يسحبون البساط منهم او ينسونهم الناس

انا ماشفت الحلقه , بس شفت المقاطع اللي حطيتيها

صايرهـ حييييييل ماصخه مثل ماقلتي جنها حاله توم كروز

صج حسيتها جنها توجه رساله لزوجها تقوله شوفني مادريت عنك اضحك واسولف وافرفش

الركاااادهـ حلوهـ يا نوال

ملابسها كالعاده انيقه وعلى الموضه ومو غريبه عليها من عمرها واهي ذربه


http://up.shamoa.com/uploads/images/shamoa-69b229be26.jpg


بس حسيت ربطة البلوزهـ مو مضبوطه والبدله بشكل عام حيييييل مصغرتها امبينتها نتفه

اما السلسال :*Rodi: يبجي عجييييييييييييب ابي نفسه اينن :flirtyeyess3:

بالنسبه لمكياجها ماعجبتني درجة الفاونديشن طالعه برونزيه جلحه جنها مخيمه اسبوع بالبر وراجعه



::

Miss FoFo
19-02-2010, 05:57
مشكوره على التغطية يعطيك العافية

نورة القموره
24-02-2010, 07:53
نوال تعجبني اناقتهاا ماشاءالله عليهاا بس احسهاا مخففه دمها حبتين

جوريه
25-02-2010, 12:25
مابلعتها بصراحه

احسها مرجوجه

أريانا
01-03-2010, 03:23
والله وصدقتي تغطية غير شكل
ههههههههه
يعطيكي العافية خيتو

روح الامل..
07-03-2010, 10:08
يسلموووو ع التغطيه خيوووه


زين ماتابعتها ع التي في

لان نوال ماتشجع هع

قمر الكل
07-03-2010, 06:40
يسسلمو ع التغطيه الروعـه

طالعه كيوت نوال



سي يااآ

,,, صاحبة السمو ,,,
28-03-2010, 10:38
مع آني تآبعت معظم حلقآت آخر من يعلمـ

آلآ آني لآزم آتاآآآبع تغطيـــــــآت ارتوسه ,,

بجد اسلـــــــوبكـ جونآآآآآآآآآآآآآن ,

ماريا
28-03-2010, 11:01
بحب اناقه نوال الزغبي
مشكوره ع التغطيه