المساعد الشخصي الرقمي

مشاهدة النسخة كاملة : تجاربي مع مزيلات العرق deodorant و تقيمي لها بالصور


La donna
16-05-2010, 03:16
السلام عليكم و رحمة الله و بركاته


دايماً كنت افكر شو هو أحسن ديودورانت او مزيل للعرق و ما كنت احصل اجابه لكن بالتجربه الانسان يتعلم وانا حبيت إن اطرح لكم تجربتي مع انواع من الديودرانت و تقيمي لها للعلم انا بشرتي حساسة و على هالاساس اختار مزيلات العرق و كذلك احرص انها ما تحتوي على اللمنيوم و المواد الضاره بس بعض المنتجات يكون فيها لا بد...


و بما إن نتكلم عن مزيلات العرق

حبيت انصحكم نصيحه إن ما تحطون اي مزيل عرق بعد إزالة الشعر من الابط لمدة يومين او ثلاث ...لإن مره قريت في مجلة اجنبية قصة إمراه صار لها تسمم بالدم و السبب انها حطت ديودرانت بعد ما سوت واكس....

و شخصياً احط مرهم مضاد بكتيري او حيوي بعد إزالة الشعر... بس حبيت اذكر لكم هالنقطة عشان تحذرون.


المهم نجي حق المنتجات اللي جربتها....بسم الله نبــدأ:

http://img641.imageshack.us/img641/2497/img2046o.jpg (http://img641.imageshack.us/i/img2046o.jpg/)

Uploaded with ImageShack.us (http://imageshack.us/)


المنتج الأول


http://img256.imageshack.us/img256/8805/img2063l.jpg


http://img140.imageshack.us/img140/2440/img2071m.jpg

24Hr DEODORANT CARE
من فيشي Vichy

نوعه : استيك كريمي ما يترك اثر


نبذه عنه : ما يحتوي على اللمنيوم و لا أملاح و لا عطور....و مناسب للبشره الحساسة او حتي شديدة الحساسية.


سلبياته: ينفع للاستخدام الخفيف و الطلعات الخفيفه

تقيمي له : 8 من 10

المنتج الثاني

http://img41.imageshack.us/img41/1892/img2051k.jpg


a scent By
ISSEY MIYAKE


نوعه : سبري او رش مثل العطر تقريباً


نبذه عنه : هو من مجموعة عطر ISSEY MIYAKE a scent By
يحتوي على زيت خاص كان مكتوب على العلبة لكن للاسف انا رميت العلبه و ما يحتوي على الالمنيوم و ريحته نفس ريحة العطر و الصراحه يوم احطه ما احط بعد عطر هو يكفي.


سلبياته: ريحته قويه شوي و سعره الغالي و يحرق شوي

تقيمي له : 7 من 10

النوع الثالث

http://img265.imageshack.us/img265/1442/img2083q.jpg


White musk from the BODY SHOP


نوعه: قرص دوار ما اعرف شو يسمونه بالعربي ....روال اون


نبذه عنه: ريحته نفس ريحة عطر المسك الجميل من بودي شوب و يشعرك بالنظافه


سلبياته: يحتوي على الالمنيوم و مضاد لتعرق و ما ينفع البشره الحساسه


تقيمي له: 6 من 10

المنتج الرابع

http://img526.imageshack.us/img526/4549/img2061z.jpg


Chloe perfumed deodorant


نوعه: سبرى بخاخ


نبذه عنه: يجي من مجموعه العطر الجميل Chloe و بطبيعة الحال إذا كنتي تحبين هالعطر راح تحبي الاسبري و هاذي صورة العطر

http://img19.imageshack.us/img19/672/nd1733.jpg

سلبياته: لا توجده له سلبيات بالنسبه لي لكن ما اعرف إذا يحتوي على اللمنيوم او لا


تقيمي له : 8 من 10

المنتج الخامس

http://img42.imageshack.us/img42/4927/img2095ji.jpg


Natural Roll on Deodorant from Desert Essence


نوعه : روال اون


نبذه عنه : مزيل العرق هذا يحتوي على زيت شجرة الشاي و زيت الخزامى و اللي يعتبرون مضاد بكتيري طبيعي و خلاصة الصبار الملطفة للبشرة لا يحتوي على اللمنيوم يباع في محلات " اورجنك "


سلبياته : لا يباع في كل مكان...فقط احصله في محل اورجنك... يجب خضه قبل الاستخدام.....لا اعلم اذا تعتبر هذه سلبيه


تقيمي له: 8 من 10

المنتج السادس

http://img714.imageshack.us/img714/2621/img2081n.jpg (http://img714.imageshack.us/i/img2081n.jpg/)

Uploaded with ImageShack.us (http://imageshack.us/)


Lady Speed Stick for sensitive skin


نوعه: روال اون


نبذه عنه: مزيل عرق للبشرة الحساسة


سلبياته: يحتوي على الالمنيوم و و يتكتل لو لاحضتو كيف طاحت القشور البيضاء لما فتحته على الطاولة أبداً ما حبيته.


تقيمي له : 3 من 10

أرجـــو إن اكـــون وفقت في موضوعي و ارجو لكـــن الفائـــدة

القلب المسجون
16-05-2010, 03:27
السلام عليكم كيف حالك يسعدني اكون من اول من رد عليك يعطيك العافيه وعالمجهود ماقصرتي بس فيه نوع روعه من عند نكتار تحيه ريحته تجنن ولاكانك حاطه شي لادهن ولاغيره بس ريحته كثير حلوه ذا بالنسبه لي وانا اسمع ناس يقولوا ان الوحده اما تتحمم تحط ليمون ماتخليها تعرق ابد انا عني صراحه جربت مره وبعدها حرمت حسيت اني لازم اتحمم من جديد وربي يوفقك

عطور فرنسيـﮧ
16-05-2010, 03:56
موضوع بطل

ااااه يا الديودرانت الي الكل يسال عنه والكل يشتكي منه هههههههه ماعرفنا لهم

عن نفسي حاليا استخدم اللي من لاش رهيييييييب بجد وريحته نظافه

الله يسعدها اللي دلتني عليه

،

وسبق واستخدمت ريكسونا اوكسجين حلو ماعليه ، وجربت بودي شوب ماناسبني

و من زهور الريف ماحبيته ابدا

،

اما اللي يجون مع طقم العطور ما افضلهم شخصيا لان فيهم نسبه من العطر واللي بدورها تسبب الاسمرار


/

معلومات مفيده وشرح حلو .. ماقصرتي حبيبتي :)

La donna
16-05-2010, 07:34
الصراحه فرحوتني بتثبيت الموضوع ....اشكـــركــم :cuet cute:

القلب المسجون : تسلمين يا الغلا على تعليقك و للاسف ما عندنا نكتار و إلا كان جربته.....و بخصوص الليمون احس يحرررق كيف يحطون سبحان الله يمكن يختلف من بشره لبشره.

ll Berlin : تسلمين على تقيمك و تعليقك يا الغلا .....و يبي لي اجرب لاش خصوصاً ان مو اول مره اسمع مدح فيه.

بقايــا ج ــروح
16-05-2010, 08:24
صرآآحة موضووع مهم ومفيد ,,

وفيه معلومه تووي اآدري عنهآ

نصيحه إن ما تحطون اي مزيل عرق بعد إزالة الشعر من الابط لمدة يومين او ثلاث ...لإن مره قريت في مجلة اجنبية قصة إمراه صار لها تسمم بالدم و السبب انها حطت ديودرانت بعد ما سوت واكس....

و شخصياً احط مرهم مضاد بكتيري او حيوي بعد إزالة الشعر... بس حبيت اذكر لكم هالنقطة عشان تحذرون.
:panicsmiley2:

خووووفتني


آنا جرربت Lady Speed Stick لكن على شكل سبرري وعجبني


يسلمؤؤؤ على الموضووع
:yeyes:

الثلاثينية
16-05-2010, 08:43
موضوع رائع بطريقة طرحه

يعطيج العاااافيه


حاليا ومن زمان ما استخدم الا من بودي شوب

مع انه نفسي اجرب اللي من لاش ...بس للاسف هالمحل سكر بابوظبي

و اجمالا انا مب وايد صحبه مع الديدورانت... لانه طبيعة جسمي اكتفي بالاستحمام اليومي


و فعلا مثل ما قلتي ... مب زين استخدام الديدورانت بعد ازالة الشعر

و عطر كلويه اموووووووووووت عليه من شريته لين اليوم

و شكلي باخذ الديدورانت مالهم بس بخليه بدي سبري :)

الا اذا عندهم بودي سبري وانا ما ادري


تسلم ايدج على هالموضوع الحلو

La donna
16-05-2010, 09:41
تسلمون الغاليات على تعليقكم والله اسعدني

بقايــا ج ــروح : تسلمين يا الغلا و انا هذا اللي ابغيه حقكم الفايده

الثلاثينية : و إنتي مرورك الاروع.....و أنا بعد ما استخدم الديودورنت كل يوم و لا انصح احد يستخدمه بشكل مستمر لإن الاستحمام اليومي شي ضروري طبعاً حتى لو الوحده تستخدم هالاشياء....و بخصوص الديودرنت من كلويه الصراحه ما اعرف اذا ينفع يصير بودي اسبري بس صدق هالعطر ريحته روووعه

~لمسة فن~
17-05-2010, 01:23
موضوع مفيد وراائع

تجربتك اكيد راح نستفيد منها

الله يسعدك ياقمر~

Kawaiii
17-05-2010, 12:16
لويس ويدمر الكريم

في نوعين بريحه وبدون ريحه

فضيع وطبي وريحته هاديه

La donna
17-05-2010, 06:03
~لمسة فن~ : تسلمين اختي و اسعدني مرورك

Kawaiii: تسلمين على الإفاده

super ~ girl
18-05-2010, 12:34
لا دونا
تشكرين على هالتجربه المميزه
عن نفسي ولا واحد منهم جربته , أستخدم بخاخ من دوف ونيفيا ومرتاحه معهم مع ان مفعولهم يومي بس مرتاحه لهم
والحمد الله كنت ناويه أخد من بودي شوب بس صدمتيني 3/10 تقييم ضعييييف كثير غيرت رايي
ومشكووووووووووره مره ثانيه

n o u f a
18-05-2010, 02:07
موضووع اكثر من روعه

واكيد يستحق التثبيت ،، ^_^

من ناحيتي مايناسبني ابد الــ deodorant البخاخ او الرول اللي يجي سائل تقريبا ،،

مرررا مااحبه ،،

وبالنسبة لي

احب هالانواع واي واحد منهم لو موجود تمام

وغيرهم مااثق بنفسي بعدها اصير بصراحه

يعني هم اللي يعطوني الثقة الكامله


http://up.shamoa.com/uploads/images/shamoa-1541bba101.jpg

هذا النوع اللي يجي جامد شوي مو كريمي ولا روله

http://up.shamoa.com/uploads/images/shamoa-04fcbc5ddb.jpg

ودوف حبيب قلبي الكريمي مااستغني عنه ابد احس هو اكثر واحد يرضيني

http://up.shamoa.com/uploads/images/shamoa-0503c1b98e.jpg

وهذا برضو ممتاز ،،

يعطيك العافيه على ذكر تجربتك ،،

عشقي طفولتي
18-05-2010, 05:43
http://up.shamoa.com/uploads/images/shamoa-0503c1b98e.jpg

انا استخدم هالمجموعه بس ما ادري ليش احسه بعد احيان ما يناسبني

ودي اغير واستخدم شي واحس اني نظيفه ومنتعشه

La donna
18-05-2010, 08:12
تسلمون خواتي على ردودكم

pink star : هلا اختي و بخصوص بودي شوب ديودرانت المسك الابيض لا انا ما عطيته هذا التقيم.....هذا التقيم عاطيته منتج ثاني.....ليدي سبيد.....اما بودي شوب انا عطيته 6 من عشره حق بودي شوب.....و أنا عطيته هالنتيجه عشان في المنيوم و مواد مضاده لتعرق يعني حق اسباب صحيه....و السبب الثاني إنه مو مناسب كثير حق اللي بشرتهم حساسه مثلي..بس يمكن يناسب غيري...بس ميزته ان ريحته روعه و نظافه

n o u f a: اشكرك على طرح تجربتك و يا ريت الكل يذكر شو يستخدم و تقيمهم للمنتج عشان نستفيد....اسعدني مرورك

عشقي طفولتي: إذا تبين ريحه منعشه جربي المسك الابيض من بودي شوب كثير احس بالنظافه لما احطه بس عيبه إنه مضاد لتعرق و هالشي يقال إن صحياً مو زين.....حتى ليدي سبيد مضاد لتعرق.....بس الواحد احياناً يضطر يستخدمهم في بعض الأيام

غَنـْﯠﭴـﮧ..❀
20-05-2010, 11:55
..[ تسلمين الموضوع جداً رائع,, ومفيـد
بشرتي نفس بشرتك جداً حساسه ,, وأستخدم المزيل كريم دوف



http://img256.imageshack.us/img256/8805/img2063l.jpg

هذا وين احصله ,, يعني بالصيدليات ولا من محلات معينه..

وشكراً

La donna
20-05-2010, 03:54
غَنـْﯠﭴـﮧ..❀: هلا اختي و تسلمين على ردك و بخصوص مزيل العرق اللي من من فيشي Vichy
هذا تحصلينه في الصيدليات اللي تبيع منتجات فيشي

مزيونة
20-05-2010, 07:03
الصراحة افدتينا كثير
يعطيك الف عافية

۩ غيـر عنهم ۩
21-05-2010, 01:11
يعطيج العافيه ع الموضوع

بالنسبه لي


سيباميد .. ما ييمنع التعرق لكن الريحه فرييييييش نظافه حتى لو عرقت


http://www.productreview.com.au/uploads/images/items/118788_sebamed_deodorant.jpg
و 8*4 حلو وخفيف ويحته بارده واحسه التعرق يخف


http://www.modamoda.net/resimler/21032008222400/th_1.JPG

~ BratZ ~
21-05-2010, 11:43
مزيلات العرق ... مااستخدم غير Secret Gel احطه من مرتين الى ثلاث بالاسبوع.. وماتطلع ريحه كلش
اما المزيلات اللي تجي مع العطور اخاف استخدمهم لانها تساود

رمش الزهر
21-05-2010, 06:56
بيزلين انتعاش النسيم رووووعه

يعطي صفاء للمنطقه ومفعوله مرررره حلو

مراس
21-05-2010, 08:25
موضوع يستحق التثبيت ..

مشكوره ياقلبي على ذكر تجربتك ..

La donna
23-05-2010, 01:43
هــــلا و غـــلا فيكـــم


مزيونة: تسلمين يا الغلا

۩ غيـر عنهم ۩: بالفعل سيباميد حلو و مجربته من قبل تسلمين على عرض تجربتك

~ BratZ ~: هلا الغاليه.....بس من اي شركة Secret Ge ؟؟......و بالنسبه للمزيلات اللي تجي مع مجموعة العطور ما اعرف ليش الكل ماخذ فكرة إن إذا اشتريت مزيل عرق يتبع لعطر راح يسوي سواد برغم من ان اللي يشترونهم من السوبرماكت فيهم عطور......عشان جذي اعتقد ان هذا اعنقاد خاطى لإن انتي ما ترشين عطر برافيوم خالص.....لا هم مسوينه حق هي المنطقه و مخفف جداً

رمش الزهر: اشكرك على طرح تجربتك

مراس: تسلمين يا الغلا

فرموزة
23-05-2010, 07:33
موضوع مره رائع الله يعطيك العافية

royal.beauty
23-05-2010, 10:21
موووضوووع جدا جدا جدا جمييييل وااايد عجبني

الله يعطيييج العافيييه دلبووووو

أنا أستخدم ديودرنت من لوكستياااان وااااايد وااااااايد حلوو و تقييمي عليه 10 من 10 لأنه يستااهل صرااحه

و أستخدم بعد ديودرنت من كوكو شانييل رش بعد نفسس الشي مفعووله روعه و ريحته أروع

روور
25-05-2010, 06:16
لكن انا استخدم Lady Speed Stick ومرة عجبني بس مو نوع العجله
من نوع الكريم
http://www.overstockdrugstore.com/product_images/k/022200954402_med.jpg (http://www.overstockdrugstore.com/products/Lady-Speed-Stick-Invisible-Dry-Antiperspirant-&-Deodorant-Powder-Fresh.html#)http://www.getprice.com.au/images/uploadimg/622/142__1_479950.gif (http://www.getprice.com.au/images/uploadimg/622/350__1_479950.gif)http://www.overstockdrugstore.com/product_images/d/022200960526_med.jpg (http://www.overstockdrugstore.com/products/Lady-Speed-Stick-Invisible-Dry-Antiperspirant-Deodorant,-Wild-Freesia.html#)

حقو ب الصغير ب 20 والكبير ب 35
جدا رائع و بروائح مختلفة اناةاحب التفاح منو

ظمى الروح
28-05-2010, 03:23
تسلمين على موضوعك انا عني مااستخدم الادوف الي يجي استيك ومرتاااااااحه عليه ويفتح الاباط بعد وريحته حلوه

wedan
01-06-2010, 08:47
هاي بنات اما انا استخدم laris


اسمه لاريس هو ايطالي بالموت تلقينه بالصيدليات بس رووووووووعه صرفت لي اياه دكتورة مايسبب سواد ولا حساسية


وبس

La donna
02-06-2010, 02:15
تسلــــمون خواتي على ردودكـــم و طـــرح تجاربكم و المنتجات اللي تستخدمونها

فرموزة

royal.beauty

روور

ظمى الروح

wedan

اسعدتني مشاركتــــكن

روووز*
07-06-2010, 03:30
موضوع مره حلووو
انا عن انفسي استخدم ريكسونا احسه مره حلوو ومناسبني
عوآآفي

موني= موني
08-06-2010, 02:08
فيشي طبي وامن بس مو اللي بالصورة لا الكريم خطير وفيه سبراي منه حلووو

pink_diver
08-06-2010, 09:40
موضوعك رائع واكثر بجد


يكفي انك حبيتي تفيدنا عن نفسي مااستغني عن واحد من سبعه سنين تقريبا
هوا من
كلينك

ماله اي ريحه طبي يناسب البشره الحساسه ومايسود ولا يبيض ولا شي
سعره شوي يعتبروه مرتفع تقريبا تمانين او كدا

يا بحر لا تخني~
09-06-2010, 12:16
موضوع قىم ومفيد
مشكووورا قلبى

خوخـــه
09-06-2010, 03:19
آنا جربت ديودرنت اسمه هيكس يباع في الصيدليااات وااايد
حلوو ويفتح المنطقة

أثيرالحب
09-06-2010, 10:16
انا استخدم ريكسونا بس ماعرف ليش مو مرتاحه له
سمعت ان بيزلين حلو ويفتح المنطقه>>ناويه اجربه
واسدح تجربتي معه هنا..
موضوع اكثر من رائع والكل يحتاجه..
لك احلى تقييم

ضحك ولعب وخفةدم
09-06-2010, 11:09
والله انا استخدم مزيل عرق من بنزلين ولا استخدم مزيلات
ماركه وش رايكم فيه

نجمه الخليج
10-06-2010, 02:56
انا كنت استخدم ليدي سبيد وبعدين شريت دوف الي غطاه لونه ازرق مووو حلوو ما كانك متنضفة ابد
والحين استخدم ريكسونا علشاني انا اتعرررق كثير واتفشل من اني البس بلايز بالألوان الفاتحة ريكسونا كان حلوو اول كم يوم استخدمته وبعده معاد نفعني مدري وش قصته بجرب احط ليمون بعد الاستحمام وبتركة ساعه وبعدين بحط ريكسونا يمكن يخف التعرق شوووي

وتسلمي على الموضوع الرائع مثلك

NO MORE
10-06-2010, 09:42
آنــِـوآع آلعــِذآبَ معهـِـمَ ..


آمممم .. عن نفسسي جربت آلليدي سبيد ستك ... في آلبدآية مششى تمـِـآم بس هآلفتــِـرة آبد كرهتهـَ ..

فيشي بآقي مآجربتهـ بس منتجآتهـ معروفة ..

جربت مآليزيآ .. حلو نوعآ مــِـآ ..


بس آلـآيـِـآم آللي مآ آطلع من آلبيت آستخدم آلليمــِـِون آو حـِـتى آذآ طلعت بس تكِــِون آمآكن مكيفة ..

بجد شيّ بطــِـِـلْ ...

بس آحس للحـِــِين مآلقيت آلمنتج آللي يرضيينيّ ..

وأي شي عطـِـري آبد مآ آنصح فيهـ .. لآن آللوشن آلعطري ويكون ع بشــٍرة آلجسسم بتسسمر فمـِآ بآلكم ع منطقة حسسآسة ..

يعطيكِ آلعآفيــِـِة ..~

دينا9
12-06-2010, 12:22
معلوماتك حلوة ومفيدة بس اسمع ان مزيل العرق وحتى البرفيوم ان اتحط مباشر ع الجسم مع الاستمرار بيسمر المنطقة دى وعن تجربة مع مزيلات العرق

Tears
13-06-2010, 03:59
:ksho5ey:بنات شفيها الشبه مع المسك ؟!!

والله ممتازه ليه ماتجربونها واحسن من الكيماويات المضره

جمول
13-06-2010, 02:07
موضوع رائع
تسلمين على الافاده

beero
14-06-2010, 03:11
معلومات مفيده

يعطيكي الف عافيه

اميرة بضحكتي
18-06-2010, 05:15
اول مره اسمع بسالفت تسمم الدم هذي والله شي يخوف مشكوره على المعلومه

سر التأمل
18-06-2010, 06:03
اااااااااه معاناة ديودورانت

صراحه انا الحين اسوي تجارب ودي استخدم شي طبيعي

يسلمو على هيك موضوع

لمسة حنيه
18-06-2010, 07:03
http://img265.imageshack.us/img265/1442/img2083q.jpg

راح ازيدمن سلبياته يسمر المنطقه وشكرا ياعسل

بنت_جميرا3
19-06-2010, 05:46
مشكوورة على الموضووووع الحلو ..... انا افضل ديودرنت عندي nevia

ثلجه حاره
19-06-2010, 06:44
يسلموووو
انا جربت ريكسونا يسمر ودوف يسمر ونيفيا وحمايتهم من رائحة العرق
مش ولا بد
اخر شي طحت على بيزالين بفتح البشره ماشاء الله وووداعا لرائحة العرق
موجود في الصيدليات

sna3
19-06-2010, 07:53
موضوع عجيب

انا وحده ماستخدم الديودرنت وماذكر متي اول ولا اخر مره استخدمته


ماحبه وافضل الاستحمام اليومي ..ومرتين باليوم علي اني استخدم ديودرنت

La donna
19-06-2010, 08:58
تسلمـــــون غاليتي على الرد و اشكر لكم طرح تجاربكـــم و اسمحو لي ما بقدر ارد على الكل مستعجله

بس برد على الأخت

سيدة الذوق: اولاً اسعدني مرورك و مشاركتك و أنا بعد اتسبح مرتين و 3 مرات في اليوم تقدري تقولين عندي هوس نظافة ...و ما استخدم الديودورنت في البيت في الغالب.....

بس برغم كثرة الاستحمام اوسوس لما يكون عندي طلعه و احطه عشان ازيد الثقه في نفسي.....لإن بطبيعتي اقرف من اشم في احد ريحه و توصل فيني لدرجة احيان كثيره زين ما....:spya:.....ما ابي الوع بجبدج بس صدق من اطلع و اشم في في بعض الناس فيهم روائح اللهم عافنا مما ابتليت به عبادك و خصوصاً في الصيف جداً اتعب.....من هالشي صرت آخاف

لولو 22
28-06-2010, 03:09
تسلمين يالغاليه على المجموعه


ودمتى

توته الكتكوته
30-06-2010, 01:14
يعطيكي العافيه

راح اجرب هذا ان شاء الله

http://img265.imageshack.us/img265/1442/img2083q.jpg

:3:

عذاري
03-07-2010, 03:29
بصراحه افضل مزيل عرق ((الشبه او الصرافه))
معروفه انها مو مضره ولا لها اي رائحه وبعد يقلل من نمو الشعر <<عن تجربه
ويزيل رائحة العرق ويفتح المنطقه كثييير

في ناس يضيفون عليه مسك مطحون او مسك سائل <<من عبد الصمد القرشي مرره حلوو
مرره نظافه وريحه حلوه
احسن من الكيماويات لأنها غالبا تسبب امراض ومنها سرطان الثدي
لأنها تحتوي على مانع للتعرق مو بس الالمنيوم وفيه دراسات اثبتت ذالك
والله يحمينا واياكم يارب

مشكوره اختي على طرحك هذا الموضوع المهم.

راحتي في صراحتي
03-07-2010, 03:38
موضوع جميل جدا
انا استخدم ركسونا مره حللللللو
الله يعطيك العافيه ع المعلومات الحلوه

محظوظه ومبروكه
04-07-2010, 05:48
طرحك مررره حلووو ومتعوب عليييه مميييز :)

معلومات حلللوه واستفدت منها مشكووووره

خدود بنات
06-07-2010, 10:46
Lady Speed Stick انا جربتة كويس وكمان ريكسونا تحياتي لك

Sa7aB
08-07-2010, 02:05
يعطيج العافيه ع الموضوع

بالنسبه لي


سيباميد .. ما ييمنع التعرق لكن الريحه فرييييييش نظافه حتى لو عرقت


http://www.productreview.com.au/uploads/images/items/118788_sebamed_deodorant.jpg








موضوع مررره حلو .. بالنسبة لسيباميد فسبحان الله الناس اذواق انا سبق وجربته وماعجبني
خصوصا ريحته عجزت اتقبلها .. طبعا حاليا صرت اسوي انا خلطه ديودرنت خاصة لي ..


دمتم بود
:lololove:

shamoa❤
08-07-2010, 04:07
http://img265.imageshack.us/img265/1442/img2083q.jpg

انا ما استغني عنه ابدا هو الوحييد الي مناسبني انا و خوااتي
وبالعكس ما حسيته يسمر بس
احس ان نسبة الكحول فيه كثيره
من ريحته ينعرف
بس شسوي جربت الف نوع و نوع و تقريبا هذاا احسن وااحد جربته

اوتار القمر
08-07-2010, 10:44
انا جربت نيفيا وتبت ريحته شنييييييييييييعة
ونكتار للتفتيح لا تفتيح ولا هم يحزنون
حاليا على ريكسونا اوكسجين
نفسي في خلطة طبيعية بس مااعرف
وبصراحة في العطلة في البيت مااحط شي لكن لازم استحمام يومي
ايام الدوام لازم يوميا بس لازم اريح خميس وجمعة

نوليا11
09-07-2010, 05:21
مشكور على الموضوع حبيبتي لكن احسن مزيل للعرق الشبه مع بودرة الاطفال جونسون

حكاية روح
09-07-2010, 11:12
مشكلتي
لما أغير المزيل الله لايوريك
تجيني حسسيه
أنا أستخدم ريكسونا بالبودره

يسلمو

احسـ انثى ـاس
30-07-2010, 10:11
جزاك الله خير ياحلووه

دلوعه زوجي
31-07-2010, 09:03
يعطيك الف الف عاافيه موضوعك جدا رائع
يعطيك العافيه

فراشه كول
31-07-2010, 09:47
الله يعطيك العافيه على الطرح المميز ياغلاتي

colors of my life
02-08-2010, 11:15
موضوعك رائع واستفدت منه

انا بالبيت و الايام العاديه استخدم الليمون و الجلسوليد و ماي ورد
وابد مهما اعرق مايطلع ريحه معاي الحمدالله فعلا مفيده هذي الخلطه

وفي الطلعات استخدم من عند نكتار مرتاحه عليه


وحمستيني اجرب كلوي

جزاك الف خير

[ جـو جـو ]
02-08-2010, 11:33
يعطيك العاافيه على الطرح .

Violet
04-08-2010, 07:07
طرح قيم
وشكرا ع النصيحه ياعسسل نبهتيني

((دنووو))
07-08-2010, 10:24
واللهي انا افضل ريكسونا وبس

تحسي المنطقه مو مدبقه كأنك حاطه بودره

MiSs QaTaR
08-08-2010, 03:51
موضوع مفيد

يعطيك العافيه

حلاوة حمراء
08-08-2010, 04:17
"

موضوع مرة مهم

والأهم تقيمك لكل deodoran

شخصياٌ مرتاحه لبزلين في المناسبات فقط

أستخدم نيفيا منعش :6:

mase00
11-08-2010, 05:57
مشكورة على موضوعك وتقييمك للمنتجات الى بتفيدنا عند الشراء

بنادوله مصدعه
11-08-2010, 06:14
استفدنا منك ياقمر

الف شكر

زيادة كاتشاب
12-08-2010, 07:08
انا كل مزيلات العرق ماستخدمها ابدا اذكر اول شريت عصار من الصيدليه وقيمته رخيصه جدا لكن ممتاز فعلا وبعدين مالقيته اما الان بعد الشبه البودره مافي ابدا حطيها عل جسمك وهو رطب بعد الحمام وشوفي النتايج اتحدى اذا تطلع ريحه عرق وكل الانواع هاذي جربتها ومي زينه مافي بعد الشبه وحبيت افيدكم

عطـر الزهور
12-08-2010, 08:30
عزيزتي ... موضوعك حلو ويعتبر مشكلة يومية
أولا: لا تنسى قول بسم الله الذي لايضر مع اسمه شي فى الارض ولا في السماء وهو السميع العليم
ثانيا: انا عنّي استخدمت انواع كثيرة ،،، بعضها زين والثاني شين ،،، لكن بيزلين جديده معاه ،،، ناسبني
وقت انك بالبيت استخدمى البودرة ،،، او الليمون ،،، او الشبة مع الاستحمام 2 يومياَ
وقت الخروج لابد من استخداآم ،،، المزيل

اتحمست كثير لموضوعك

سلامي لك يا غلا

ضي11
14-08-2010, 11:56
أنا أستخدم لويس ودمر

الدكتور قالي أحسن مزيل موجود حاليا آمن وطبي

ورقة كوتشينه
04-09-2010, 04:42
انا كنت ماستخدم الا بودي شوب المسك والاوشيون بس احيانا كان يخلص عليا باوقات غلط وله ميزه سيئه مدري اذا الكل معهم كذا ولا لا كان اذا تركته واستعملت اي مزيل تطلع ريحيتي هذا يحصلي من منتجات بودي شوب بسسس فاغيرتها وسرت استخدم دوف الاصفر بالليمون او الاخضر بالخيار طبعا السايل لان الكريمي يطلع ريحه بصراحه ومرررررررررررررره ناسبني ومافكرت اغيرها

اشكرك على طرحك للموضوع ويعطيكي الف عافيه

بقايا غلا
04-09-2010, 05:57
انا استخدم مزيل بيزيلين

http://forums.3roos.com/uploaded/324306_01245351016.gif

مرره مناسبني ويفتح المنطقـه

شمواتيه
05-09-2010, 02:18
عزيزتي إن شاء الله أكتب لك كيف تشيلين إبطك وتحافظين على المنطقه
بدون حبوب
وتكونين واثقه من نفسك

إحساس غاليه
05-09-2010, 02:32
حلو موضوعج ومفيد ..,,

عن نفسي أنا استخدم Lady Speed Stick بسـ غير عن الصؤرة إلي حآطتنهآ ’’

وعايبني ’’ وشكلي بجرب Natural Roll on Deodorant إذا حصلته عندنآ ,,

عالعموم مشكؤرة حبيبتي عالإفاده ,, يحفظج ربي ,,

abra_cdabra
06-09-2010, 06:54
في فيشي ابو 48 ساعة لون غطاه اخضر
ممتاز انا جربت الاتنين من نفسالماركة و ابو 48 ممتاز

abra_cdabra
06-09-2010, 06:55
كمان في بيزلاين ابو علبة قزاز يباع في صيدليات النهدي فقط
ممتاز للتبيض فقط بس ممكن يطلع ريحة اذا خرجتي بره او عرقتي متوسط

أبداعات
07-09-2010, 01:49
موضوعك دميييل
::
انا لا افضل الاسبراي..
ولا مزيلات العرق الي تمنع التعرق لخطورتها
لي فتره طويله على نيفيا
روول

منآر ! ~
08-09-2010, 02:16
موضوعك بجد مفيد

ربنا يحمي الجميع

شكراً عزيزتي

طيف إبتسامه
12-09-2010, 06:30
أفضل شي lady speed stick

تراميسيو مثلج
13-09-2010, 12:38
انا جربت ديوبن حلوو بس قطعوه مدري ليش
وتسلمين على الموضوع الرائع بجد افدتيناااا

دروبك يالجنوب
13-09-2010, 01:36
يسلمو يالغلا بس احب اعطيك خبر ان مزيل العرق الرول لاتستخدمينه
لانه ينقل الجراثيم لك وكمان يلوث لك المزيل استخدمي يابخاخ او كريم

كاميليا
15-09-2010, 04:05
سابقا كنت استخدم ديودرانت بودي شوب (الابيض برائحة المسك)
ريحته حلوه ومفعوله عجييب لكن يحرق :(

حاليا استخدم واحد من الصيدلية ما فيه اي مواد معطره
صج ان مفعوله مو بقوة مال بدي شوب
لكن ما يحرق والاهم مضمون لان بشرتي حساسه

سندبل
15-09-2010, 05:44
الله يعطيك الف عافيه اختي على هالموضوع والمجهودالراقي والمفيد

بريق الماسة
15-09-2010, 08:12
مشكوره حبيبتي
موضوعك رائع جدا جدا
وطرحك شامل

تحياتي

بنت العز
16-09-2010, 12:30
اريكسون ينفع
شكرا لك اختي

• خنفشاريـة •
16-09-2010, 04:35
بصراحة انا ما شفت من مزيلات العرق خير ..

لكن المشكلة انه لابد منها خصوصصا مع اجوائنا الربيعية اللي طول السنة :ksho5ey: ,, يعني مانقدر نستغني عنها لو يووم واحد ..

فكرت في بديل وكثير من قريباتي وصديقاتي نصحوني بالليمون وبعده علطول زيـــــت جونسون (عشان ما ينشف جلدك لو كانت بشرتك حساسة )

والحمدلله يارب مستمرة عليها وان شالله ما اقطع ه>ي العادة مدى الحياة .. ولا تنسون ان الليمون يفتح وفعلا لاحظت ه>ا الشي ..
و ما شفت منها ولا شي سلبي لا على الملابس ولا على نفسي وحتى لو طال وقت خرجتك

وان شالله تستفيدون من وصفتي السحرية القميلة:3:


تنبيـــــــــــه

عشان ابري <متي

لو شفتم مكتوب على مزيل العرق (انتي برسبرينت ) لا تاخ>ونه لانه خطيير يقفل المسامات ويمنع التعرق ..

لكن خ>و اللي مكتوب عليه ( ديودرنت ) لانه مايمنع التعرق بس يمنع رائحة العرق ..

الـ غ ــلا لك وحدك
16-09-2010, 05:26
موضوع قمه في الروعه و الجمـــالــ

انــآـآ أستخدمــ



Lady Speed Stick

روعه قليل ع حقه مرررررره حلووو حتى ريحته مرره حلووه و يعطيك إنتعااشــ و نظــــافــهـ

يسعدلي قلبك ع المجهود الأكثر من رائعـ

sharifa76
26-09-2010, 02:40
مشكوره ع الموضوع

طبيعتي ماحط ديودرنت الا نادر الحمد لله اذا الابط منتوف والجسم مغسول مت وين بيجي الريحه

الحمد لله ماعمر حد يشمني الا ييتغرب اني ماحط ديودرنت واصلا كثرته خطره انا احط اذا بطلع سوق او مكان ببذل فيه مجهود بس علشان اطمن

** الحلوة **
21-10-2010, 08:52
يسلموووووووو ع الموضوع الحلو

قمر الكويت
21-10-2010, 02:53
بصراحه موضوع روووووعه
تسلم ايدج ياعسل

أم أريام
21-10-2010, 04:32
شكرا جزيلا على المعلومات المفيدة بس في احلى من هذا بكثير مزبل عرق طبيعي من الشبه والمسك والبودره اوالنشا يكون الكل مطحون ومخلوط مع بعض وتستخدميه بعد الحمام
ممكن وضعه في علبه بودرة اطفال فارغه

امونه000
21-10-2010, 04:47
مشكووووووووووووووووووره علي الموضوع الرائع بالنسبة لي ركسونا افضل مزيل وناسبني

خوورافيه
22-10-2010, 10:26
مشكووووووووووووووووووره علي الموضوع الرائع بالنسبة لي ركسونا افضل مزيل وناسبني


انا ماناسبني ركسونا
دوف احلى :3:

خيآل
22-10-2010, 02:41
Lady Speed Stick

اكره هذا المزيل للعرق

يشووه شكل الابط ويبن انك حاطه ديودرنت

وحتى يخيس الملابس وتصير بيضااء

ابد ابد مااستسيغه

وحاليا جاري البحث عن مزيل جديد بخاخ علشان مايبان له اثر ويكوون طوويل الامد

لان اجوائنا حاره طوول السنه فنحتاج كزيل للعرق وحتى لو استحمينا مرتين فاليووم

لان الرطووبه تاثر على الجلد...

وفي بنات مايحطوون ديودرنت وهم على بالهم مافيهم ريحه لانهم تعودوا على ريحتهم

ووايد اصادف منهم فالدوام وتكوون فيهم ريحه عرق لكن هم مايشموونها فيهم لانهم تعودوا على ريحتهم

فلهذا للاحتياط لازم ديودرنت

ومشكووره حبيبتي

طعنة الزمان
23-10-2010, 06:50
أسمع دائما" أن مزيلات الشعر تسبب السرطان والورام أنا عمري ما أحط مزيل عرق وما كان عندي رئحة كريهه يمكن وراثه فينا بس وحده الله يهديها سمعت منها تقول لي أنا ما عمري أشم منك ريحة عرق أسغربت من كلمتها وبعدها طلعت الروائح الله لايوريكم ارجع إلى موضوع الورام أنا طلعت معي ورم وأنا عمري 18 ما كنت أستخدم مزيل للعرق وسويت عمليه وشلت الورمه وطلعت بالصدر الثاني ولي 9 سنين وأتابع المستشفى يقلون أكياس دهنيه أستناهم يجي يوم يقلون خبيث منحوسه الحمد الله يمكن لها علاقة بالعين المشكلة مو وحده كثيرات وقريبات وهذا يذبح بالتوفيق والله يحميكم من الورام جميعها

sufy2009
26-10-2010, 12:20
مشكولرة حبيبتي على المعلومات الحلوة.
انا بالنسبة لي افضل مزيل عرق من نكتار بنكهة الفراولة مررررررة انصحك فيه
ويسلموووا

اتعبني غروووري
02-01-2011, 05:43
تسلمين ياعسل

برآأآه طفله
03-01-2011, 08:45
:d: روعــــــــــــــــه
تسلمين حبيبتي

الغانيه
04-01-2011, 03:12
التوت البري من نكتار على شكل صابونه ممممتاز ومايسود ويجلس ريحته يووومين

‏‏ήōή‏றŝ ĵ‏‏‏
09-01-2011, 02:08
يسسلمو على الموضوووع
بس سرااحه انا اللي يعجبني موزيل العرق حق ريكسونا
يسسسلموو

basmabasouma
09-01-2011, 06:24
تسلمي حبيبتي

ام طلوو
09-01-2011, 07:54
موضوع مفيد ورائع
واضيفي ان اللي تحتوي على عطور تسبب سماااااار فضيع

عقد ألماس
11-01-2011, 04:49
الله يوفقك نصائح من ذهب
مشكورة حبيبتي الله يعطيك الف عافيه يارب

عشقي ابو محمد
12-01-2011, 01:54
الله يعطيك العااافيه

lnice girl
22-01-2011, 11:34
مشكوره
انا استعملت تبع زهور الريف لما اشتري مجموعه اشتري المزيل تبعه حلو
بس الحين خلص ومفكره اخد من الصيدليه احسه صحي اكثر

لعبة الوان
23-01-2011, 12:59
طرحك جميل وخاصة لنا سكان اسيا وبالتحديد اهل الخليج..
اضم رايي للقلب المسجون بأستخدام الليمون بس مش انه سلبي لا بالعكس إيجابي وهو عن تجربتي الشخصيه..
أفضل من مزيلات العرق وخاصة انها مسرطنه على المدى البعيد.. انا استغرب من استخدام مزيلات العرق وحنا مهددات بسرطان الثدي انا اعرف ان سرطان الثدي له اسباب معروفه بس الابط عباره عن مسامات وتخافي من تشرب مواد زي كذا.. والله كل شيء ممكن حصوله والطب كل مرة يكتشف سبب لحصوله.. مش بخوفكم بس بنصحكم من حبي لكم..
ااما عن تجربتي مع الليمون بعد مااخذ شور واقشر المنطقه اخذ شريحة ليمون وامسح المنطقه وبعدها باطراف اصابعي دهن من المسك الأبيض الملكي ادهن المنطقه وسلميلي على الريحه كيف حتي لما تعرقي بتطلع ريحة مسك بتسيري عامله زي الفلور..
ونعيما ياعسولات..

عبق الجوري
29-01-2011, 02:05
موضوع مفييد و روعه

تسلممين يا قمر

رومانتك
29-01-2011, 06:39
موضـوع مفيد ورائع...

راح نــستفيد من تجــاربكـ..


دمــتي بــود..~

همس الزهر
04-02-2011, 09:58
عني انا افضل ريكسونا
مشكوره عزيزتي على الموضوع

Ana-wbs
04-02-2011, 10:52
انا استخدم من نكتار من مجموعة بليمر يجنننننن ويبيض وطبي وله ريحه حلوه

مفاهيم
04-02-2011, 11:22
فعلا موضوع حساس ومفيد جدا

غن نفسي استخدمت مزيلات عرق من كلينك ونكتار وسبيد ستيك وما ارتحت الا لخلطة
كانت عندنا وحدة بالدوام تبيعها فيها جلسرين ومسك وشبه بس مو عارفه االمقادير بالضبط والله يا بنات ان المنطقة فتحت عندي بشكل ملحوظ
وهي كانت وثقة بخلطتها كانت دايم تسال عن خلطتها وراينا فيها والكل يمدح محد ذم
بس للاسف تزوجت ونقلت للرياض

وحاليا رجعت استخدم مزيلات العرق واستخدمت بيزلين احسه حلو بس مو مثل الخلطة ابد

m9ŗ83ŧ ĵềḋḑสђ
05-02-2011, 12:00
موضووعك اكسلنت ..
وربي استفت منوو ..

ماس
05-02-2011, 01:59
لعبة الوان كلامك تمام تمام انا معاك بكلامك

nouran2784
07-02-2011, 10:20
مشكورة على موضوعك اكيد راح نستفيد منه عطينتيا صورة واضحة عن كل منتج، ان عن نفسي استخدم نيفيا احسه منعش

La donna
10-02-2011, 04:10
اشكركم على ردودكم و اشكر اللي حطو وصفات طبيعيه و طبعاً الطبيعي احسن من الصناعي

وبنات انا خبرتكم ان فيه صله بين سرطان الثدي و الديودورانت

و أنا عن نفسي الديودورانت ما استخدمه إلا في اليوم اللي يكون فيه طلعه
و هذا موضوعي بس عشان تاخذون فكره عن بعض الانواع

اللهم بلغت اللهم فشهد

fatfot
10-02-2011, 07:38
مافي ماركه ماجربتها كلها تعمل لي احممرار واخر شي استخدمت ماركه دوف صح عاديه بس روعه مررره وغير كذا عملت خلطه من المسك الحجر والبودره جونسن حقت الاطفال وشوي شبه صح تحرق بس حاولي تخففيها وكريم دوف لمزيل العرق والله يابنات روعه وتحسي نفسك زي البيبي ريحتك جنان وعلى فكره لازم تحطي شبه بس خففيها اوكي مافي مقادير ولا شي اطحني شوي مسك حجر انتبي يكون مسك حجر من عند العطار ولاحد يغشكم المسك الحجر زي الصرافه والبان والمره بس لونه اصفر وانا اخذه من العطار في مكه اسمه عدنان صبغه مشهور عندنا في مكه والبودر انتبهي تكون جونسن للاطفال من غير عطور ودوف مايسوي لي اي حراره او تهيج في البشره حتى لو مسويه حلوه اهم شي الشبه يبنات تكون شوي مرررره يعني ممكن ملعقه حقت الاكل واحطهم في علبه واخليهم واستخدمهم على طول لشهر او اكثر والريحه روعه وجنان والي تبغى اعطيها الطريقه مره ثانيه انا عيوني لها مسويه فيها دايه مسميي فيي البيت مجنونة خلطات لو تدخلوا غرفتي زي العطار

تفآحه
10-02-2011, 08:20
مشكورة ع ذكر تجربتك والافادة (=

زهور الأمل
11-02-2011, 12:54
انا اذا ماراح اطلع ماحط لاني اكتفي بالاستحمام

احط ليمون افركه عالابط وفتح لون المنطقه مررررررررره

ام احلا 3
15-02-2011, 06:27
مرحبا حبيباتي انا اول مره اشارك بالمنتدى وعجبني هالموضوع وحبيت افيدكم بتجربتي انا استخدم مزيل عرق من محل لاكسيتون منتجاته طبيعيه وهو محل فرنسي مثل زهور الريف والبودي شوب يعني كله طبيعي ولجميع انواع البشره

برلانته
16-02-2011, 05:48
موضوع رائع بطريقة طرحه

يعطيج العاااافيه

samaaaa
19-02-2011, 09:49
انا بصراحه استخدم الليدي سبييد ستيك
وماشي الحال

الـعذبـه
23-02-2011, 01:02
يعطيك العافيه

وعن جد الديودرنت شي مهم

اذكر استخدمت مزيل عرق من بودي شوب واستمريت تقريبا شهرين وسبب لي سووووووووووووواد مو طبيعي ..
بعدها استخدمت من نيفا بدوون عطور ورووووووووعه اختفى السواد

عطر الحكي
03-03-2011, 05:59
الصور للاسف مو طالعه ..


بس استفدت من الموضوووووع

ثلجه حاره
05-03-2011, 10:47
الى الان افضل نوع استخدمته بيزالين
ومزيل عرق من فازلين بس للاسف مو موجود
في السعوديه
بدي شوب جربت كذا نوع بس سبب لي سواد
ونفس الشي ريكسونا ودوف كلهم سووااااااااد
اما نيفياء حدث ولا حرج
غير السواد مانفع معي كامزيل عرق ريحة العرق اشمهـا فيني

رُقــيّ
06-03-2011, 07:04
أنا أشتري الشبه حجر من عند العطار،، واطحنها مع مكعب مسك من عبدالصمد القرشي
واشخلها " انخلها" واستخدمها بعد التسبيح على طول ..
بصراحه وعن تجربة سنين طويله مافي مثله ابدا ..
طبيعي وماتسود المنطقه ،، وريحة المسك لا يعلى عليها .

female
07-03-2011, 05:45
انا اتسبح كل يوم وبالكثير يوم عن يوم وماحتاج ديودرنت الحمدالله

مسحه طبيه بعد الشاور وانتهينا :cheery:

ترآتيل آلمطر
07-03-2011, 04:14
موووووووووووفقة لبى عمرك

نون دوت كوم
07-03-2011, 06:01
انا عن تجربتي اضع مرهم مضاد للبكتيريا وبعدهامزيل عرق من نكتار جدا رائع

Mannosh
19-04-2011, 03:45
موضوع ممتاز
انا عني استخدم ديو
ممتاااااز جدا ويمكن السلبيه الوحيده فيه انو شوي غالي ،،،، بس عاد الزين غالي

احـلى باربية
24-04-2011, 12:35
يسلمو يالغلا ع الموضوع النايس احسن ديودرنت جربتة
حق بودي شوب وايت مسك وسعرة ب39 ريال مرررررة روعة
ونصيحة مني انتبهوا في بعض الديودرنت تجي مسرطنة مكتوب علية anti-bersbirant حطيت لكم كتابتة عشان تعرفون تفرقون يلا الحين كل وحدة تروح وتشيك ع الديودرنت حقها الله يحفظنا ويحفظكم من الشر لاتنسوني من دعواتكم
ودي
احلى باربية

فتاه القمر
18-05-2011, 11:41
شوفي انا تقريبا جربت اشياء كثيره ما ناسبتني
بس في مزيل عرق من نكتار

http://www4.0zz0.com/2011/05/18/20/640215735.jpg (http://www.0zz0.com)http://

اللي عليه دائره بصراحه روووعه حتى كل ما رفعتي يدك ريحتك تكون حلوه من المزيل

بس المشكله ما عاد صار ينباع في جديد نفس الرئحه بس رول اشتريتوه ما عجبني
لازم في اليوم مرتين تاخذي شور
واللحين استعمل الشبه مطحونه تمام واحط شويه بودره اطفال يخلي ريحتك حلوه

اسوومه
19-05-2011, 10:18
يعطيك العااافية

انا قد سمعت ان نكتااار مزيلات العرق الي عندهم مرررة حلوووة

بس للامانه ما جربت

هنونة
19-05-2011, 11:24
انا عن نفسي استعمل الشب وبودرةاطفال مخلوطين مع بعض وبعض قطرات المسك روعة:3:

صدى الوجدان
19-05-2011, 11:29
مسااااء الخيرات

انا عني مرتاحه كثير على ريكسونا مع اني جربت قبل كذا نوع لكن رجعت لريكسونا
يعطيك العافيه على مجهودك الرائع

@هيونة@
20-05-2011, 03:01
أخذت من بدي شوب مرة حلو حقهم بس انو استخدام يومي

لكن أنا الآن على فيبكس العصار مدة سبع أيام ومرة مستانسة عليه...

بس فيه نصيحة لازم تنتبهين فيه مزيل لرائحة العرق...وموزيل العرق الثاني ضار جدا لانه يمنع التعرق..

فأتمنا تنتبهوا مرة ثانية... لأن كلنا عارفين فوائد العرق

همســ شوق ــة
20-05-2011, 03:10
انا لي سنيييين مااستخدم مزيل عرق بعد ماطلعتلي نفس الكرات تحت الابط والم كان فظيع وطبعا انا متت من الخوف ومخي راح عالامراض الخبيثه الله يبعدها عنا والدكتور قاللي السبب هو مزيل العرق.


من يومها استعمل شبه مطحونه مع مسك وبس

نغمـــة ح ـــب
20-05-2011, 05:40
شكرا يالغاليه
تجربتي مع ديودرانت لويس ويدمر
ممتازة بكل معنى الكلمه انا شخصيا مناسبني
ومرتاحه معاه
مشكووووووووره

يآليتني طفلــَﮧ
20-05-2011, 06:11
بصراحه موضوع رائع ويستاهل التثبيت
لان حبيبتي انا بعد مثلك بشرتي
جدا حساسه وانا استخدم
مزيل الا من عند نكتار جدا رائع ومريح

hajoori
01-04-2013, 07:08
شكرا عهيك ابداع :تدنن:
ويعطيج الف عافية
بانتظار المزيد من ابداعاتج :sweetyhany:..ِِ


وصح ..



نصيحه إن ما تحطون اي مزيل عرق بعد إزالة الشعر من الابط لمدة يومين او ثلاث ...لإن مره قريت في مجلة اجنبية قصة إمراه صار لها تسمم بالدم و السبب انها حطت ديودرانت بعد ما سوت واكس....

و شخصياً احط مرهم مضاد بكتيري او حيوي بعد إزالة الشعر... بس حبيت اذكر لكم هالنقطة عشان تحذرون.


شكرا عالنصيحة :احبتس: الصراحة اول مرة اسمعها :mtoater:

العآلميه
21-04-2013, 09:54
موضوعك ممتاز وجاء بوقته بس ماكو صور ليش؟؟

أم مهاااري
25-04-2013, 07:22
نصيحة لكم خواتي
خلوا عنكم هالكيماويات واستخدموا الشبة المطحونة
ولو حبيتوا ضيفوا لها أي بودرة

رهيفة الإحسآس
27-04-2013, 03:00
مرهم مضاد بكتيري او حيوي زي ايش ماعرفت .؟

وجزاك الله خير ع الموضوع حبيبتي ... :احبتس:

الدانه&
27-04-2013, 10:21
الصراحه موضوع رائع
جربت من نكتار حسيت بأسمرار وتركته
وكثير غيرها سببت لي حساسيه
وأخير ارتحت للشبه أشتريها من العطار مطحونه
بياض ونعومه ومافي ابد أي رائحه....