المساعد الشخصي الرقمي

مشاهدة النسخة كاملة : Ices & Ice Creams : 1


TOP CHEF
15-06-2010, 08:04
بسم الله الرحمن الرحين



السلام عليكم ....


وأخيرا كمل الموضوع اللي طال إنتظاره . الموضوع بدأ كموضوع عن الإسكريم بس ، وكل ماله يكبر ويكبر ويكبر بس للأسف ما قدرت أكمله بالشكل اللي أنا أبغاه عشان كذا قررت إني أفصله لأكثر من جزء ، بس عموما الجزء هذا هو المهم وهو اللي فيه كل اللي تحتاجونه عشان تعرفون تقريبا كل شي عن الإسكريم أو عشان نصحح المفاهيم المثلجات أو الثلجيات ices عموما كونها كلها في نفس التصنيف .


كل الناس يحبون الإسكريم ، سواء لحاله أو مع صوص أو مع مكسرات ، ناس يحبونه بكاس وناس يحبونه مع بسكوت ، وأكيد كل شخص له نكهة أو أكثر من نكهة يفضلها .

بحاول أعطيكم كل المفاهيم اللي تساعدكم إنكم تسوون إسكريم ينافس أو حتى أفضل من اللي تشرونه من أي مكان ! نعم أي مكان حتى باسكن !!! حتى هاجن داز نعم ممكن في البيت ... غير كذا بحاول أعطيكم كل المعلومات اللي تحتاجونها عشان تسوون أي إسكريم أو سوربيه أو شربت أو حتى جرانيتا أو جيلاتو بأي نكهة تحبون .. حتى لو ماكانت من ٣١ نكهة :ksho5ey: اللي موجوده .. كثير ناس يدخلون محلات الإسكريم ويتفاجأوون بالتنوع في النكهات ويعتبرون إنها سر وإن المحلات هذي عندها خلطات سرية لا يجوز لأي كائن يعرفها ... بس هذا الكلام خطأ ، لو عرفتوا مفاهيم بسيطة مع كم نقطة ومشيتوا عليها تقدرون تسوون أي نكهة في راسكم بدون أي وصفة ...


طيب الحين ندخل في شوي تفاصيل . وش الشي اللي يخلي إسكريم عن إسكريم يفرق ؟ ليش إسكريم باسكن مثلا يعتبر نوع ممتاز بس بابو أو السعودية مثلا :kissfrog: تعتبر أنواع سيئة ؟ هل السبب هو الوصفة السرية اللي ما يعرفها أحد اللي عند باسكن بس بابو ما عندهم ؟ لأ طبعا ... السر معروف بس تفرق في التكلفة $$ ( بس في الحقيقة الإسكريم الأفضل أرخص بس أنتم ما تدرون ) .
الإسكريم الجيد يكون دسم :verysa3bola: (مافيه إسكريم بدون دسم هذي أول قاعدة ) وكل مازاد الدسم كل ماكان الإسكريم كريمي أكثر و أنعم على اللسان .

الإسكريم بعد مفروض يكون ثقيل أو كثيف يعني ما يكون موس ! لأ يكون إسكريم .

الإسكريم بعد لازم يكون جامد ! ما يكون سايل أو نص جامد . طبعا ما يكون جامد زي الحجر ما يمديك تاكلينه ولا يكون سايل بحيث تشكلينه بالملعقة .

الإسكريم الجيد لازم يكون نااااعم على اللسان ويذوب شوي شوي ! .

و أخيرا لازم النكهة تكون واضحة و الحلى ما يكون زايد يعني يكون متوازن .



طيب وشلون توصلون للنتيجة هذي ؟ أول شي لازم تعرفون مكوانات الإسكريم الأساسية أو المثلجات عموما .

أول شي عندنا المويه : المويه ممكن تكون على شكل مويه تضيفينها أو تكون موجودة في الحليب أو القشطة أو البيض . الموية زي ما تعرفون تتجمد على حرارة صفر مئوية بس كيف تتجمد هذا هو المهم :electricf: .

السكر : ثاني أهم شي في الإسكريم ، هو موب مجرد حلى !! تذكروا هذا الشي ! السكر موب مجرد حلى . السكر هو الأساس حق الإسكريم ، بدون سكر مافيه إسكريم ! إلا مستحيل يكون عندك إسكريم .
ليش السكر موب بس حلى ؟ وش دور السكر في الإسكريم ؟ السكر يذوب في المويه صح ! وهذا ينزل درجة التجمد حقت المويه من صفر إلى حرارة ثانية تحت الصفر وهذا اللي يصنع الإسكريم طبعا حرارة التجمد الجديدة تعتمد على كمية السكر كل مازاد السكر كل ما نقصت حرارة التجمد الجديدة و العكس صحيح . يعني كل ما كثرتي السكر كل ما صار إسكريمك ما يذوب و ماراح يتجمد أبدا !! وكل ما نقصتي السكر راح يتجمد بسرعة ويتحول لكتلة ثلج بدال ما يتحول إلى إسكريم .
هنا سر صناعة الإسكريم كيف توزنين السكر ؟ كيف تحطين كمية السكر المناسبة بحيث ما يكون زايد أو ناقص ؟

السكر ممكن يستبدل بنفس المقدار بالضبط ملعقة بملعقة بعسل أو شراب ذرة أو حتى مربى . العسل و شراب الذرة يمنعون التجمد ويعطون الإسكريم ليونة وبعد نكهة ثانية و شراب الذرة بالذات يعطي لمعة للإسكريم . المربى خيار جيد للإسكريمات وخصوصا السوربية لأنها راح تخلي الخليط يذوب شوي شوي ويتحول لجل بدال ما يتحول لسائل وبكذا يأخر الذوبان .


الهواء : نعم ! هو مكون في الإسكريم .. كيف تحطينه ؟ بإنك تستخدمين مكينة إسكريم .. مهما قرأتي مافيه بديل لمكينة الإسكريم أبدا ! راح تحتاجين مكينة لو تبغين تسوين إسكريم ... داري فيه حلول غريبة بإنك تحطين كيس داخل كيس و غيرها بس الصراحة مالك إلا المكينة سواء يدوية أو أتوماتيكية وهي عموما موب غالية أبدا ترى .

الهواء يعطي الإسكريم خفة و نعومة على اللسان . بدون هذا الهواء ما عندك إسكريم عندك شي ثاني بس لو سمحتي موب إسكريم !!! له إسم ثاني بس بعدين أقولكم :cleanmachin: .

الهواء واحد من الأشياء اللي تفرق نوعية إسكريم عن إسكريم ، الهواء رخيص :ksho5ey: عشان كذا الإسكريم الرخيص يكون مليان هواء !! توصل أحيانا نسبة الهواء في بعض الأنواع إلى أكثر من ١٠٠٪ !!! يعني أنتي تشرين هواء غالي موب إسكريم ! نسبة الهواء لازم ما تكون كثيرة ولا تكون قليلة لازم تكون صح وموزونه عشان كذا خطأ تخلين إسكريمك في المكينة أكثر من اللازم ..


أخر شي النكهات : النكهات في الإسكريم ممكن تكون طبيعية ( عود فانيلا مثلا ) أو صناعية ( فانيلا سايلة أو بودرة ) . طبعا ما يحتاج أشرحلكم الطبيعي دايما أفضل .. أهم شي في طعم الإسكريم لازم تعرفونه هو إن الأساس لازم يكون أحلى و طعمه أقوى من اللي أنتم تبغونه ليش ؟ لأن اللسان ينمل مع البرودة وهذا بيخلي طعم الإسكريم ضعيف لو ما حسبتوا حساب هذا الشي زين .



في صناعة الإسكريم ٣ خطوات :

١ ـ نسوي الأساس حقنا ...

٢ـ نحطه في المكينة .....

٣ـ لازم ! نخليه يجمد في الفريزر ! مكينة الإسكريم إسمها مكينة إسكريم بس هي في الأساس وظيفتها تسوي مرحلة من مراحل الإسكريم بس .




الأساس و أنواعه بتكلم عنها بعدين ....

بس قبل ندخل في التفاصيل خلونا نتكلم عن المكاين ...

وقبل أتكلم عن المكاين خلوني أشرحلكم هذا الشي :

http://montessoriborealis.files.wordpress.com/2009/01/iciest-ice-crystals-snowflakes.jpg

أكيد قد شفتوا هذي الأشكال في العلوم .. هذي موب ألماس :ksho5ey::ksho5ey: ههههه . هذي ثلج ! هذي شكل بلورات الثلج إذا كبرتيها ، وش معنى بلورات ؟ يعني الموية إذا تجمدت تنتج مثل هذي الأشكال ، حجم هذي البلورات يختلف . كل ما جمد الخليط أسرع كل ما كون بلورات صغييييييييييرة والعكس صحيح . البلورات الصغيرة هي اللي تخلي الإسكريم ناعم .

البلورات هذي حتى لو كانت ناعمه إذا ذاب الإسكريم ترجع تذوب و إذا جمدتيه مرة ثانيه بدون مكينة ما ترجع زي ماكانت ! عشان كذا إذا الإسكريم بدأ يذوب في العلبة إذا نسيتيه مثلا برا الفريزر لا تتوقعين إنه بيرجع زي ماكان . غير كذا مع الوقت هذي البلورات راح ترجع تشبك في بعض وتكون بلورات أكبر عشان كذا صحيح الإسكريم يعيش فترة طويلة تقريبا في الفريزر بس تذكري إنه إلا يجيله يوم ويخرب .

الحين المفروض فهمتوا وش دور مكينة الإسكريم :

١ـ تجمد الخليط بسرعة وبكذا تكون بلورات صغيرة و النتيجة إسكريم ناااااااعم .

٢ـ تدخل هواء في الخليط و اللي يعطي الإسكريم الشعور الخاص فيه في الفم .

شكل المكينة هي عبارة عن علبة تبرد الخليط وداخلها زي الشفرة تدخل هواء في الخليط بس هذي المكينة .


المكاين القديمة تستخدم ثلج وملح عشان تبرد الإسكريم بس المكاين الحديثة لها طريقتين . إما إنها تستخدم فريزر داخلي أو إنها تستخدم صحن خاص فيه سائل يبرد في الفريزر وبعدين يبرد أي شي ينحط فيه .

المكاين اليديوية القديمة متعبة و شبه إنقرضت . المكاين الجديدة إذا هي الخيار .

المكاين اللي فيها فريزر داخلي غالبا غاااااااااااالية .. و إذا لقيتيها رخيصة فماراح تعطي نتائج مرضيه في الغالب كون تكنولوجيتها جدا مكلفة . بس هي أبدا موب أفضل من العاديه هي بس أفضل من ناحية إنها ما تحتاج تبريد قبل . بس الإسكريم موب شي الواحد يفكر يسويه في لحظتها .. الإسكريم يحتاج وقت .

المكاين الثانية فكرتها إنها عبارة عن علبة خاصة فيها سائل ينحط في الفريزر إلين يجمد ، تعرفين إنه جمد بإنك تهزين العلبة و المفروض ما يطلع أي صوت . مهم جدا إنها تتجمد ١٠٠٪ عشان تكونلك إسكريم ناااااااعم . هذا هو النوع اللي أشوفه أفضل وهذا هو النوع اللي طول عمري أستخدمه . أنا أستخدم مكينة من نوع Cuisinart جدا ممتازه وما شفت منها أي مشكلة ونتايجها ممتازة ودايما بنفس الجودة . هذا شكل المكينة :

http://zedomax.com/blog/wp-content/uploads/2009/02/2-quart.jpg

لحد يسألني عن أنواع ثانية !! أنا صراحة ما جربت إلا هذي بس عموما ما أعتقد تفرق كثير يمكن الفرق الوحيد هو في المساحة بس وطبعا كل ما كبرت كل ماكانت أحسن . هذي المكينة تسويلك لترين إسكريم وأشوفه كافي بس تجي بأحجام أصغر .

TOP CHEF
16-06-2010, 04:31
أول شي أبشرحه هو السوربيه ، لأنه سهل وجدا صعب تغلطون فيه .



للي ما يعرف السوربيه هي كلمة مأخوذة من العربية (شربات) ومهيب بعيدة عنها كثير . السوربيه عبارة عن إسكريم مصنوع من مويه + سكر + نكهة يعني بدون أي منتجات ألبان , بدون أي قشطة أو حليب يعني هي مثلجات وخطأ تكون إسكريم كون ما معها كريم :fightingman:. غالبا السوربيه يكون أساسه فواكه بس موب شرط أبدا ممكن يتسوى بأشياء ثانية .

أنا أخترت إني أبدأ بالسوربيه لأنه فعلا تقدرين تلاحظين أثر بلورات الثلج فيه . بلورات الثلج الصغيرة هي اللي تحول كتلة من الموية و السكر إلى شي كريمي و لذيذ بدال ما يتحول إلى مكعب ثلج كبير . بدون مكينة إسكريم ما تقدرين تسوين سوربيه !! .
السوربيه كثير ناس يعرفونه و كثير بعد ذاقوه بس ما يدرون إنه سوربيه وياكلونه على أساس إنه إسكريم . أشهر أنواع السوربيه هي اللي تجي بالحمضيات (برتقال ، ليمون ... ) وكثير تلاقونها في المطاعم الفخمة يقدمونها قبل الطبق الرئيسي عشان تنظف الفم و اللسان وتخليك تذوقين الطبق الرئيسي بدون أي تشويش . بس طبعا في الأساس هي حلى .

أصعب شي في السوربيه هو وزن السكر للمويه يعني بالعربي كم تحطين سكر ؟ أثر السكر هنا يبان بوضوح ! لو حطيتي أكثر ماراح يتجمد أبدا ولو كثرتي راح يتجمد أكثر من اللازم . طبعا في المطاعم يستخدمون أحيانا جهاز خاص يقيس نسبة السكر بس مين عنده هذا الجهاز ؟ أنا بعطيكم طريقة رهيبة عشان تعرفين كيف توزنين السكر . شي ثاني الحلو في السوربيه إنه متسامح جدا !! حتى لو غلطتي في الخلطة يمديك ترجعين تذوبينه و تعدلين فيه وترجعينه في مكينة الإسكريم مرة ثانيه ... يعني ما منه أي خوف ...


السوربيه هو طريقة أكثر من إنه وصفة ! أرجو محد يسألني عن وصفات للسوربيه من الحين أقولكم أنا بحط نكهات أشوف إنها تمشي أو تنفع سوربيه بس الباقي عليكم عشان كذا أقرأوا الكلام اللي بكتبه زيييييييين :bokmal: . صدقوني سهههههل السوربيه وإذا تعلمتوا كم شي تسوونه و أنتم مغمضين .



طيب بسم الله .... السوربيه اللي بوريكم صوره عبارة عن سوربيه جريب فروت + طرخون (نوع أعشاب) . الجريب فروت أشوف إنه سوربيه ممتاز كونه نكهة شوي للكبار موب مألوفه و الأهم فيه شوي مرارة تعطي طعم رهييييييييب في السوربيه . لا ترتاعون من الطرخون هذا اللي كان عندي وقتها بس يمديم تسوونه بنعناع أو حبق و أتوقع بعد بيكون بنفس الجوده أو بعد أطعم ..



طييييب أساس السوربيه مصنوع من فواكه ، يا عصير ( ليمون ، برتقال ، رمان ، جزر ، عنب ، جريب فروت ... إلخ ) يا تكون فواكه مطحونه بالخلاط عادي ( شمام مثلا ) ... المهم فواكه و تخلطين مع الفواكه هذي شيره بكمية محدده + طبعا رشة ملح عشان الطعم بس وتخلطين ... هذا السوربيه بس .
طبعا يمديكم تسوون سوربيه مع قطع لو تحبون يعني يكون وسط الإسكريم قطع .
يمديكم بعد تخلطون أكثر من نوع فواكه عشان تسوون سوربيه واحد أهم شي تختارون فواكه أو أعشاب تمشي مع بعض وتحسن بعض بدال ما تتعارض مع بعض .




المقادير :

٤ حبات جريب فروت

كوب ونص سكر

كوب مويه

ملعقة كبيرة طرخون أو نعناع أو أي عشب طازج أو ملعقة صغير ناشف

ملعقتين كبار شراب ذرة أو عسل

ملعقتين كبار دبس رمان ( إختياري بس للطعم )

بيضه نظيييييييييييفه ..


أول خطوة تسوونها هي إنكم تحطون الجهاز في الفريزر من اليوم اللي قبل ويفضل ترفعون تبريد الفريزر إلى أعلى شي . بعد ما تحطين الجهاز يفضل تبدين في الأساس حق السوربيه حقك من اليوم اللي قبله عشان يمديه يبرد .


الحين نسوي الشيرة .. الشيرة عبارة عن كوب ونص سكر + كوب مويه نحطها عالنار إلين تغلي بعدين ننزل الحرارة ونخليها على غلية خفيفة ٥ دقايق بس لا نخليها تتغير أو تتحول كاراميل . بعدين نطفي النار ونحط أي أعشاب لو نبغى عشان النكهة تطعم الشيرة بعدين نخليها ترد زيييييين .
لاتنسون إني قلت يمديكم تبدلون مربى أو عسل بشوي من السكر أو حتى شراب ذرة ( حوالي ملعقتين كبار ممتاز ) .
هذي الشيرة يمديكم تضاعفون الكمية أو تنقصونها على كيفكم .


طيب الحين أعصري الجريب فروت في صحن بعدين صفيه على صحن ثاني بشرط يكون عميق الصحن يعني ما يكون عريض ! لأن لازم إرتقاع القريب فروت يكون عالي فيه الحين تدرون ليش . أخلطي معه العسل أو شراب الذرة و الملح .


الحين كم من الشيرة لازم تخلطين ؟ هذا هو السؤال المهم ؟ هل تحتاجينها كلها ؟ نصها ؟ ربعها ؟ كم بالضبط ؟ هذا أهم سؤال في السوربيه .... الحل هو إنك تستخدمين حركه جدا حلوه إسمها إختبار البيض :starescreen: الفكرة هي إنك تحطين بيضه كامله بقشرها في الخليط حقك وتبدين تزيدين الشيرة شوي شوي ، طبعا البيضة راح تكون غارقة تقريبا في البداية وكل ما حطيتي من الشيرة أنتي ترفعين كثافة المويه وكذا ترفعين البيضه معها يعني كل شوي راس البيضه بيبدأ يطلع شوي شوي إلين يوصل الطرف الطالع من البيضه إلى دائرة قطرها تقريبا صانتي ونص لو شفتيها من فوق ... كلام كثير الحين تشوفين بالصور ...


http://up.shamoa.com/uploads/images/shamoa-66b1bb82ba.jpg

http://up.shamoa.com/uploads/images/shamoa-99e9fa28d8.jpg


نحط البيضه زي ما شفتوا فوق وبعدين نوزن الخليط شوي شوي إلين ما يصير الطرف الطالع صانتي ونص تقريبا بس ... طيب كيف توزنون الخليط ؟


** إذا لقيتي البيضه طالعة أكثر من اللازم زيدي مويه هذا بيقلل الكثافة ويغرق البيضه شوي .

** إذا لقيتي البيضه غارقة أكثر من اللازم زيدي من الشيرة إلين تعوم أكثر ...


شفتوا كيف الطريقة ... جدا سهلة و إن شاء الله مضمونه . طيب داري بيجيني أحد ويقول لأ عطني كمية كم أحط !! بس أرجع و أقول صعب تعرفين الفواكه تختلف فيها كمية السكر و المويه إختلاف كبير من وقت لوقت عشان كذا قلت السوربيه موب وصفه أكثر من إنه طريقة تتعلمينها وخلاص ...


بعد ما توصلين لوزنيه السكر الصحيحة ذوقيها ، دايما ذوقي .... وشوفي الطعم يمكن محتاج شي زيادة .. يمكن رشة ملح عشان تطلع الطعم أو ممكن عصرة ليمون عشان تزيد الحموضه .. بعدين حطيها في علبة وعالثلاجة .

طيييب ليش نبرد الخليط ؟ ليش ما نحطه في مكينة الإسكريم علطول ؟
السبب هو إنه كل ماكان الخليط بارد كل ما تجمد أسرع وبكذا كون بلورات أصغر وبكذا يعطي سوربيه و إسكريم أنعم :cleanmachin: ... غير كذا النكهات تاخذ راحتها وتتمازج زين في الثلاجة . خليها في الثلاجة قد ما تقدرين كل ما زاد أحسن ، أصلا يمديك تخلينها في الثلاجة وقت طويييييييييييييل يعني لا تخافين .



الحين إذا جيتي تسوين السوربيه شغلي الجهاز بعد ما يجمد ١٠٠٪ يعني إذا هزيتيه ما تحسين إن فيه مويه من داخل . بعدين صبي السوربيه من فوق وهو يشتغل .. لا عمرك تحطين السوربيه أول قبل ما تشغلين الجهاز .

إذا كنتي تبين قطع مع السوربيه حقك مثل مكسرات ، قطع شكولاته ، فواكه مجففة ، أو حتى فواكه مقطع صغار حطيها إذا قرب يخلص من الفتحة اللي في المكينة .

خلي الجهاز يشتغل إلين يوصل لهذي المرحلة :

http://up.shamoa.com/uploads/images/shamoa-eed72e66d3.jpg

يعني تختفي المويه اللي فيه ... الحين حطيه في علب وعلى أبرد مكان في الفريزر إلين يجمد .. بس هذا السوربيه .....


إحتمال تطلعينه من الفريزر وتلاقين إنه جمد شوي وصعب تغرفين منه ، عادي تصير خليه شوي برا الثلاجة كم دقيقة بس بعدين كملي .

زي ما قلت السوربيه متسامح جدا ... حتى لو غلطتي فيه عادي خليه يذوب بعدين عدلي عليه يعني زيدي مويه إذا كان ما يتجمد مره أو شيره إذا كان متجمد بزيادة بعدين رجعيه في مكينة الإسكريم وكملي زي أول .




إذا نراجع خطوات السوربيه :

1ـ نجهز الأساس يعني العصير

2ـ نسوي الشيرة

3ـ نخلطهم مع بعض ونسوي إختبار البيضه

4ـ ندخلها المكينة إلين يجهز ...


بس . لاحظي الكميات أبدا موب مهمة ......





أي فاكهة يمديك تسوين منها سوربيه ، أنتي بس فكري شوي و أبدعي ... جربي أشياء دايما تاكلينها أو تشربينها بس على شكل سوربيه ... مثلا :

كولا ، نعناع و ليمون ، شاهي :verysa3bola: ، خوخ ، شمام ، برتقال ، قهوة ، توت بأنواعه ... كل هذي أمثلة لسوربيهات يمديك تسوينها ....

http://up.shamoa.com/uploads/images/shamoa-f70c7f49bb.jpg

هنا سوربيه توت أحمر RASPBERRY وريحان ....

http://up.shamoa.com/uploads/images/shamoa-95f538711f.jpg




الأمثلة والله كثيرة بس جربوا هذي :

سوربيه البرتقال مع الزنجبيل و البهارات : برتقال ، قشر برتقال ، زنجبيل مفروم حوالي ملعقة كبيرة أو حسب الرغبة ، بهارات كامله ( يانسون ، هيل ، مسمار ، ورق غار )

سوربيه الفراولة و البالسامك : فراولة ، شوي بالسامك ، تقدرين تحطين معها بسكوت ديجستف

سوربيه البرتقال و الأناناس و موية الورد : باين من العنوان ....

كمثرى و هيل ... : بعد باين من العنوان

كيوي وليمون ...

كيوي و فراولة :verysa3bola:

رمان و يسوفي

برتقال أبو دم

سوربيه المشمش ...


هذي بس أمثلة ، أنا تعجبني لأن هذي النكهات مع بعض تعجبني و أشوفها تمشي مع بعض .. الأمثلة والله كثيرة أنتم بس طبقوا وكل يوم لو تبون سووا نوع غير .

TOP CHEF
17-06-2010, 06:51
الإسكريم ولو إن الإسم يبان إنه شي صعب وشي مستحيل يتسوى في البيت . إلا إنه جدا سهل لو تعرفين تسوين كسترد أنتي خلصتي نص الطريق وباقي النص الثاني .


الإسكريم من إسمه ICE CREAM يعني القشطة المثلجة عشان كذا أكيد بيكون معها قشطة خفق أو عموما شي يعطي دسم عالي . كل ما كان الدسم أعلى كل ماكان الإسكريم كريمي أكثر ، بس كل واحد له نسبة دسم تعجبة ويشوف إنها تعطي النتيجة المثالية له . نصيحتي لكم جربوا إلين تصولون للإسكريم اللي تشوفونه أفضل لكم أنا بعطيكم وصفة أساسية و أنتم بعدين غيروا لو تبون .


طبعا الإسكريم زي السوربيه عبارة عن أساس ينحط في مكينة إسكريم اللي تجمد الخليط بسرعة و تدخل فيه هوا بعدين يتصلب في الفريزر . أساس الإسكريم هو اللي مختلف عن السوربيه .

فيه نوعين من أساسات الإسكريم :

* إسكريم فيلادلفيا : يكون الأساس عبارة عن منتجات ألبان وبدون أي بيض ! .

* إسكريم نيويورك أو الإسكريم العادي : أغلب أنواع الإسكريمات تكون من هذا النوع . في هذا النوع الأساس يكون عبارة عن كسترد محرك stirred يعني بيض + منتجات ألبان . نوع الكسترد المتستخدم نوع جدا معروف إسمه creme anglaise أو الكريمة الإنجليزيه وهو نوع الكسترد الوحيد السايل ، له إستخدامات كثيرة غير الإسكريم مثل الحشوات أو الصوصات على الحلويات .



سواء كنتي تسوين أساسك من النوع الأول أو الثاني أهم شي إنك تعرفين كيف تدخلين النكهة في الإسكريم حقك !:verysa3bola: كيف تخلين إسكريم الشكولاته شكولاته ، وكيف تخلين الفانيلا فانيلا ؟ وكيف تسوين إسكريمات بنكهات من عندك ؟

الجواب هو إنك لازم تعرفين كيف تنكهين الحليب أو الكريمة ، طبعا هذا الكلام في الكسترد بأنواعه موب بس في الإسكريم . الطريقة هي إنك تحطين الشي الي تبغين تنكهينه في الحليب أو الكريمة لفترة طويلة . مثلا حطي عود فانيلا في علبة مع الكريمة المستخدمة للإسكريم وبعد فترة طويلة يمكن يوم أو يومين في الثلاجة الكريمة راح تتطعم بالفانيلا . نفس الشي ممكن تسوينه بتقريبا كل شي من هذا النوع مثلا زنجبيل ، بهارات عموما ، لوز أو أي مكسرات ، قشر فواكه ... إلخ .....


بس مين عنده الوقت ؟ وفيه أشياء الوقت ما يكفي عشان يستخرج كل النكهات عشان كذا تقدرين تسرعين العملية بإنك تستخدمين شوي حرارة . ببساطة حطي القشطة أو الحليب المستخدم في قدر بشرط يكون قاعة ثقيل يعني ما يكون خفيف وبعد يفضل وبشده ما يكون ألمنيوم كونه يتفاعل ويطلع طعم في الحليب غير مرغوب . بعدين سخني الحليب إلين مرحلة قبل الغليان بشوي أهم شي لا تخلينه يغلي ( كون طعم الحليب يتغير مع الغليان وممكن ينحرق ) بعدين غطي القدر وطفي النار عليه وخليه شوي يتطعم .. كم ياخذ ؟ يعتمد على كم حطيتي من الشي اللي تبين تطعمنيه ، كيف مقطع ، نوعيته ،،، ما أقدر أعطيك وقت بالضبط بس أفضل حل إنك تذوقين الحليب وتشوفين إذا يحتاج زيادة أو لأ وتذكري إنك لسا بتخلطين نكهات ثانيه وممكن تخفف الطعم .

بعدين يمديك تصفين الخليط لو كان شي ما ينوكل مثل البهارات مثلا أو يمديك تطحنينها بعدين تصفينه مثل اللوز أو الفستق أو يمديك تقطعين اللوز مثلا بحيث تكون قطع داخل الإسكريم .. فيه أكثر من طريقة أهم شي فكري بالخطوات اللي بعدها نقطه ثانيه ! دايما تأكدي إذا صفيتي الخليط إنك ما تلعبين بنسبة السوائل للبيض ! يعني قيسي المقادير بعد ما تصفينها .
الكراميل تطعمين الكسترد فيه بهذي الطريقة ، ولو إن يبيلها شوي تفكير ... الحل هو إنك تسوين الحركة بس بالعكس بدال ما تسخنين الحليب أو القشطة مع الكراميل تسوين الكراميل وبعدين تصبين الحليب أو القشطة عليه ... بس هي عموما نفس الطريقة .


إذا هذي الطريقة الأولى عشان تطعمين الإسكريم .

الطريقة الثانيه هي إنك تخلطين النكهة مع الأساس آخر شي قبل ما تدخلينه المكينة . مثلا الشكولاته تذوبينها بعدين تحطينها ، الفراولة أو الفواكه عموما تطحيننها أو حتى لو نص طحنه عشان يصير في الإسكريم شوي قطع ، التشيز كيك :verysa3bola: ... كل هذي أشياء تخلطينها مع الخليط الأساسي آخر شي .


الشي الأخير أو تقدرون تعتبرونها نصيحة مستقله ... إذا كنتوا بتضيفون خلاصة فانيلا أو أي خلاصة أو زيوت مثل زيت السمسم أو زيت النعناع حطواها آآآآخر شي يعني أهم شي ما تنطبخ عشان ما يروح طعمها .



هذي الخطوات اللي فوق خطوات عامة في تطعيم أي أي أي كسترد ولو لاحظتوا في كل وصفات الكسترد راح تلاقون واحد من الأشياء اللي فوق .. مثلا في الكريم بروليه أو شي نطعم القشطة مع الكريمة وقشر البرتقال ...


مثلا يوم من الأيام أشتهيت كريم بروليه قهوة ( شي ممتاز :verysa3bola: ) بدون أي وصفه ! أو بالأصح أستخدمي الوصفة اللي عندك بس بدال الفانيلا طعمي القشطة بقهوة .. وبس كملي عااااادي ... شفتي هذي وصفه خاصة فيك بدون أي كتاب وبدون أي فلسفة زايده .. تبين كريم بروليه بطعم القرع .. بعد موب مشكله أطحني شوي قرع محمر إلين يتحول سايل وصبيه على خليط كريم بروليه عادي بدون أي نكهة .. بعد وصفة خاصة فيك بدون أي كتاب .الفن هو في إنك تشوفين وش النكهات اللي تمشي مع بعض و إنك تطبقين الطريقة بالطريقة الأصح للمكون المستخدم بس ..


الشي الأخير بالنسبة للإسكريم . كثير ناس يحبون قطع في إسكريماتهم ، شكولاته ،مكسرات ، بسكوت ، بارالاين ، ماكارون سويتيه ولا ظبط :yeyes::yeyes: ، أو أي أي أي شي يخطر على بالكم ، هذي تنحط قبل يخلص الإسكريم بحوالي ٥ دقايق ويمديكم تخلطونها يدوي بعد ما يخلص . لو تبون بعد خطوط من شي ثاني مثلا صوص شكولاته حطوه بعد قبل ٥ دقايق وكذا ...




الحين بعطيكم الإسكريم الأساسي اللي منه تعدلون اللي تبون . لاحظوا إني ما حطيت أي أي نكهة في هذي الوصفة ! يعني لحد يسويها الحين ! هذي بس عشان منها تعدلون وتسون أي أي إسكريم تبون .




*** Basic Ice Cream ***
*** الإسكريم الأساسي ***


كوبين ( ٥٠٠ مل ) قشطة خفق من أححححسن نوع . ويفضل قصيرة الأجل وطبعا لا تقربين النباتيه ! أو الدريم ويب ! نص الإسكريم حقك قشطة يعني طعمها بيفرق بيفرق ونفس الكلام بالنسبة للحليب ولو إن الحليب البوردة ممكن إلا إن طعم الحليب الطازج قصير الأجل أفضل ب ١٠٠ مرة .

كوبين ( ٥٠٠ مل ) حليب كامل الدسم .

١٠ صفارات بيض

كوب سكر .


هذا اللي تحتاجونه عشان تسوون إسكريم بس .... تقدرون تزيدون نسبة قشطة الخفق للحليب عشان تسوين إسكريم كريمي أكثر . أنا مثلا دايما أستخدم حوالي ٣ أكواب مقابل كوب حليب . لو تبون أخف أستخدموا أقل على راحتكم ، أول مره سووه عادي كذا بعدين شوفوا إذا يحتاج تعديل أو لأ .

البيض هنا بعد موب شرط ١٠ صفارات بعد ، تذكروا إن فيه نوعية إسكريم ثانيه بدون أي أي بيض ! يعني يمديكم تستخدمون أقل أو حتى أكثر :verysa3bola: .
البيض أساسي للكسترد . بس غير كذا البيض يعطي طعم ودهن و يخلي الإسكريم أنعم ، أطعم ، و أغنى . كم بيضه تبون تحطون بعد شي راجعلكم أنا أشوف إنه أطعم بكثييييييييير ب ١٠ بيضات إلا في بعض الحالات اللي تكون النكهات خفيفة و أبغى طعم النكهة يكون واضح مثل الفانيلا مثلا أستخدم شوي أقل ٨ مثلا .


الشي الأخير السكر ، تذكروا دور السكر في الإسكريم هو مانع التجمد ! يعني يمديكم تزيدون حوالي ربع كوب بدون مشاكل بس أكثر من كذا ما أعتقد .




طيب نجي للطريقة :

قبل هذي المرحلة نكون مطعمين الحليب لو نبغى .

أول شي نخفق صفار البيض مع السكر في صحن ستانلس أو قزاز أهم شي ما يكون ألمنيوم أو بلاستك إلين يتحول إلى معجون ثقيل ويبدأ يفتح لونه ، طبعا هذي الخطوة مهمة والهدف منها إنك تخلطين مع بروتين البيض الحساس للحرارة سكر ( اللي يتحمل حرارة ) وبكذا تأخرين طبخ البيض وبالتالي تأخرين تخثر البيض وما يسويلك كتل كثيره ، لو كنتي بتستخدمين السكر لشي ثاني تأكدي إنك تستخدمين ولو كمية بسيطة سكر مع البيض . بعدين نسخن الحليب و القشطة مع بعض في قدر ثقيل وما يتفاعل ( ستانلس ) إلين يبدأ يغلي بس بس طبعا ما نخليه يغلي ! .

الحين صبي شوي من الحليب و القشطة الحاره على البيض وحركي زييين بعدين حطي كميه ثانيه و كذا بعدين حطي كل باقي الحليب وحركي زيين .

الحين رجعي الخليط هذا لقدر نظيف وعلى حرارة وسط مع التحريك المستمر و التأكد من مسح قاع القدر كل شوي عشان ما يحترق القاع . مع الحرارة بروتين البيض يبدأ ينطبخ شوي شوي ويثقل الخليط بالتدريج بس سرعة الطبخ هذي تزيد كل مازادت الحرارة عشان كذا يمكن الخليط ما يبان إنه يثقل في البداية بس أول ما تلهين عنه دقيقة تلاقينه تحول لكتلة وحده ! وعند هذي المرحلة مافيه رجعه ! خلاص تعيدين من جديد ... عشان كذا فتحي عينك زيييين ولا تخلين الخليط يغلي أو تتركينه بدون تحريك .


هذي الخطوة لها أكثر من فايدة . الأولى و الأهم هي إنها تموت كل البكتيريا اللي ممكن تكون موجوده في البيض مثل السالمونيلا وهذا مهم كون الإسكريم بيقعد فترة طويلة . الشي الثاني هو إنها تثقل الخليط وتخليه يستقبل الهواء أحسن في مكينة الإسكريم .

طيب متى نشيل الخليط من النار ؟ الخليط ينشال من النار إذا وصلت حرارته ١٧٠ فهرنهايت :starescreen: أكثر من كذا يبدأ يخرب و أقل من كذا ما تموتين البكتيريا وما سويتي شي ... طبعا لو عندك ميزان حرارة يمديك تستخدمينه هنا .

غالبيتكم ما عندكم عشان كذا فيه حل وهو الأصل أصلا وهو إنك تستخدمين طريقة ظهر الملعقة napé بالفرنسي .. وهي إنك تغطسين ملعقة في الكسترد و بعدين تمسحين خط بأصبعك إذا الخط هذا قعد ثابت معناه خلاص إذا لقيتيه سايل والخط موب ثابت يعني يحتاج زيادة طبخ شوي . أهم شي لا تخلونه يغلي !!


بعد ما يخلص الكسترد علطول صفوه وحطوه في صحن يفضل يكون ستانلس بس بعد جزاز ينفع . الهدف هو إننا نبغى صحن يطرد الحرارة بسرعة و الستانلس غير إنه ما يتفاعل يطرد الحرارة بسرعة عكس الجزاز .

هذي المرحلة اللي تخلطين النكهات الثانيه مثل الفراوله أو غيرها لو كنتي تستخدمينها .

الحين الخطوة المهمة واللي ناس كثير سألوني عنها . البكتيريا تعشق البيض لأنه يوفر لها كل شي تحتاجه عشان تعيش عشان كذا البيض خطر في الأكل كونه مزرعه للبكتيريا . البكتيريا إحنا قتلنا أغلبها بتسخيننا للبيض ل ١٧٠ فهرنهايت بس لو خليناه يبرد لحاله سواء في الثلاجة أو برا الثلاجه راح ياخذ وقت طويييل عشان ينزل إلى الحرارة اللي يبدأ يبطأ نموها ( ٤٠ فهرنهايت ) وكككككككل هذي الفترة البكتيريا راح ترجع تسكن في البيض و اللي ممكن تسبب أمراض خطيرة خصوصا إن البكتيريا ( عكس الأعتقاد السائد ) ما تموت في الفريزر !!! بس يبطأ نموها بس ما تموت ...

طيب وش الحل ؟ الحل هو إننا نبرد الخليط بسسررررررعة من ١٧٠ إلى ٤٠ طيب وشلون ؟ بإننا نحط الصحن الستانلس في حمام ثلجي ونحرك وبعد دقايق بنلاقيه برد . يعني حطوا الصحن اللي نقلنا له الكسترد لحمام ثلج ( أو حوض المغسلة أملوه ثلج ) وحركوا كل شوي إلين يبرد بعدين غطوه بنايلون و أنقلوه للثلاجه الحين كل شي نظيف . غير إن هذي الحركه صحية هي بعد ممتازه كونها توقف طبخ البيض وبكذا صعب يتخثر أكثر .


زي السوربيه ولنفس السبب يفضل تحطون الخليط في الثلاجه أطول فترة ممكنه عشان يبرد أكثر شي ويجمد أسرع في المكينة ويعطي نتايج أنعم .


حطوا الخليط في مكينة الإسكريم وخلوه يشتغل حسب الوقت المكتوب في تعليمات الجهاز أو إلين يوصل للمرحله اللي يثقل ( بس راح يظل سايل نسبيا ) . بعدين أنقلوه إلى علب تتقفل زييين و حطوه فيها وغطوه بطبقة نايلون ( كونه دهن و الدهن يمتص النكهات اللي في الفريزر ) وبعدين عالفريزر إلين يجمد . بس هذا الإسكريم ببساطة شديدة .





الحين بمشي معاكم بالصور خطوة خطوة في عمل إسكريم ، واحد من أطعم أنواع الإسكريم بالنسبة لي لأني أعشق النكهتين هذي مع بعض .. ملح + كاراميل :yeyes: دايما في أغلب وصفاتي تلاقون النكهة هذي لأني فعلا أعشقها ....

*** Caramel and Salted Butter Ice Cream ***
*** إسكريم الزبدة المملحة و الكراميل ***


كوبين قشطة خفق + كوبين حليب .

٣ ملاعقة كبيرة زبدة مملحه أو زبده عاديه + حوالي ملعقة صغيرة ملح .

١٠ صفارات بيض

كوب سكر + ربع كوب سكر




أول شي نسويه هو إننا نسوي كاراميل بكوب السكر . ناخذ السكر ونحطه في قدر عريض و أهم شي ثقيل وعلى حرارة وسط إلين يذوب بعدين نبدأ نحرك شوي شوي بملعقة تتحمل حرارة . إذا بدأ كل السكر يتحول ذهبي نخليه يوصل للمرحله الي نحب من الكراميل .

كل ما طبخ الكراميل كل ما صار أغمق و أكثر طعم بس أقل حلاوه .. أنا أحب الكراميل حقي في مراحل شوي متأخرة كونه يعطي أفضل طعم بس كل واحد حر .

بعد ما يوصل المرحله اللي تبين صبي عليها علطول القشطة و أخفقي زيييين ( أنتهي من البخار اللي بيطلع جدا جدا جدا حار ) . هذي الطريقة نفس الطريقة اللي تسوون فيها صوص الكراميل اللي تشوفونه في القهاوي مثل ستاربكس :verysa3bola: أو يحطونه فوق الإسكريم أو ألف شي ثاني أطعم ألف مره من أي صوص تشرينه . الفرق الوحيد اللي تسوينه إذا كنتي بتسويين صوص هو إنك تستخدمين نفس كمية السكر قشطة خفق . يعني كوب سكر ، كوب قشطة خفق وبس خليه يبرد و حطيه في علبة في الثلاجة و أحلى كراميل صوص ...

http://up.shamoa.com/uploads/images/shamoa-8aa19c5fc4.jpg




الحين نكمل في خطوات الإسكريم ... نخفق البيض مع السكر و بعدين نحط على الكراميل اللي سويناه الزبده و الحليب ونخليهم يغلون غليه خفيفة ...


نخلط الحليب و الكراميل على البيض بعدين نرجعه للحرارة إلين يوصل للمرحله اللي يستوي ( يغطي ظهر الملعقة ) زي كذا :

http://up.shamoa.com/uploads/images/shamoa-8e0586cc26.jpg

لاحظي الخط اللي أقصد .


الحين فيه .. حطيه في حمام ثلج بعدين عالثلاجه إلين ثاني يوم ...


الحين حطيه في المكينة إلين يوصل للمرحله هذي :

http://up.shamoa.com/uploads/images/shamoa-9088388e34.jpg

أو المفروض يكون ثقيل وما ينخلط بسهوله مع بعض بس أفضل شي سويي زي ماهو مكتوب في الجهاز حقك .



وبس ....






الحين بعطيكم كم فكرة لإسكريمات ثانيه و فيه غيرهم ألف ترى ....


إسكريم السكر البني بخطوط البلسمك :

أستخدمي الخلطة الأساسية بس ب سكر بني غامق بدال العادي + نص عود فانيلا عشان تطعمين الحليب .

بعدين أغلي ١/٢ كوب خل بلسمك إلين يصير ملعقتين بس .. بعدين صبيها بعد ما تبرد في الجهاز في آآخر دقايق عشان تكون خطوط من البلسمك وسط الإسكريم .


إسكريم الفستق (نفس الخلطة لأي نوع مكسرات) :


كوب فستق مطحون شوي بس ...

الباقي أعتقد عارفينه :ksho5ey: نفس الوصفة الأساسيه ...


إسكريم الشكولاته بقطع النعناع ...

كوبين نعناع مفروم

٢٢٠ جرام تقريبا أو حسب الرغبه شكولاته مقطعه عشان تخلطينها في الجهاز موب عشان تذوبينها !

طعمي الحليب بالنعناه بعدين صفيه .. كملي عادي زي أي إسكريم بعدين أخلطي قطع الشكولاته في آخر شي .



إسكريم السكر البني و الزنجبيل :

ما يحتاج أقولكم :ksho5ey:

أستخدمي ملعقة صغيرة زنجبيل

فانيلا سايله أو عود

الباقي عليكم ! .



إسكريم الفراوله ( نفس الشي لباقي الفواكه )

أستخدمي علبتين فراوله تقريبا مطحونه كامله أو نص مطحونه و الباقي زي فوق



إسكريم عجينة الكوكيز :


سويي الإسكريم الساده مع فانيلا بعدين في آخر دقايق في المكينة قطعي عليها عجينة كوكيز ( من السوبرماركت !! كونها معقمه وبعد أسهل ) .


إسكريم التشيز كيك ( طريقة حلوه تستفيدين من باقي التشيز كيك ) :

سويي الإسكريم العادي بعدين آخر شي قطعي التشيز كيك الباقي وحطيه في المكينة ...


إسكريم الشكولاته :

ذوبي ٢٠٠ جرام شكولاته من أحسن نوع !!! و أخلطيها بعد ما تسوين الكسترد وهو حار . وطعمي الحليب ب نص كوب بودرة كاكاو .


أخلطي معها شكولاته مفتته زي الفليك مثلا في آخر لحظات في المكينة وزيدي القشطة ل ٣ أكواب وينتج لك شي تعرفونه زيييييييييييييييين chocolate mousse royal حق باسكن :verysa3bola: .




فيه ملايين النكهات اللي يمديك تسوين منها إسكريم ، وكل نكهة فيه ملايين النكهات وملايين الطرق اللي تقدرين تخلطين معها عشان كذا ما أقدر أذكر كل الأمثله ... بس زي ما أنتم شايفين المسألة جدا سهلة ..


حاولت إني أكون جدا واضح ، بس في حال أحد ما فهم أو فيه نقطه ماكانت واضحه ياليت يقولي عشان أوضحها ....

TOP CHEF
17-06-2010, 07:43
الحين خلصنا من الإسكريم .. بس بعطيكم بعض الأشياء اللي تقدرون تقدمونها فوق الإسكريم أو تخلطونه حتى معه في آخر لحظات .



أول شي بسويه شي جدا ممتاز ويتقدم دايما فوق الإسكريمات و السوربيهات و بعد له إستخدامات ثانيه بس هذا اللي يهمني هنا :ksho5ey: .


الشي هذا يسمونه candied peel يعني قشر مسكر أو محلى فكرته طبعا هو إننا نستخدم قشر الحمضيات عشان نسوي نوع حلاو أو سكر . جدا جدا مشهور وجدا لذيذ مع الإسكريمات . في الأساس أنا سويته عشان سوربيه الجريب فروت ( ما أمداني أصوره ) وسويته بقشر الجريب فروت بس يمديكم تسوونه بأي حمضيات .


أول شي أخذت قشر حبة جريب فروت مقشر بالقشاره .

بعدين تحطينه على لوح التقطيع وتخلين الجزء الأبيض فوق زي كذا :

http://up.shamoa.com/uploads/images/shamoa-7c69955e67.jpg


وبعدين بسكين حاده تشيلين هذا الأبيض كونه مر .


بعدين نقطع القشر شرايح عرضها يمكن نص صانتي زي كذا :

http://up.shamoa.com/uploads/images/shamoa-07cc90b1b9.jpg


بعدين تحطون القشر في مويه بارده وتخلونها تغلي يمكن ١٠ دقايق . صفوها من المويه بعدين نروح للخطوة اللي بعدها .


نسوي شيرة خفيفة ب ١/٣ كوب سكر + ٢/٣ كوب مويه بعدين نظيف القشر ونخليها تغلي غليه خفيفة في الشيرة حوالي ١٥ - ٢٠ دقيقة أو إلين تقلب القشور شفافه !!! . طفوا النار وصفوا القشر على شبك . بعد ما يبرد يمديكم تحفظونه في علب علطوليقعد حوالي شهر أو قبل تحفظونه تغطسونه في سكر عشان يصير شوي يقرمش .. وبس ... نفس الشي يسوونه بأشياء كثير مثل المكسرات أو حتى الزنجبيل ! .




الشي الثاني اللي أبي أوريكم هو البارالاين . البارالاين للي ما يعرفه هو عباره عن مكسرات ( موب دايما بس غالبا ) مغطيه بكاراميل . جدا لذيذة لحالها أو أفضل بعد تخلطينها مع الإسكريم في آخر لحظات . الحلو فيها مع الإسكريم هو إنها تبدأ تذوب وتتحول إلى كاراميل وبكذا يكون عندك قطع صوص كاراميل وسط الإسكريم حقك .



*** Pecan Paraline ***
*** بارالاين البيكان ***


أستخدمي كوب سكر

نص كوب بيكان أو أي أي أي نوع مسكرات يعجبك لو تبغون بعد أحسن يمديكم تحمصونها في الفرن .


سويي كاراميل بالسكر بعدين حطي عليها المكسرات حركيها شوي وبسررررعه صبيها على صينيه مجهزه زي ما بقولكم تحت . البارالاين يبرد بثواني ! عشان كذا لازم تكونون سريعين .

عشان تجهزون الصينية غطوها بورق زبده أو بعد أحسن و أسرع سيلبات وبعدين إذا جيتوا تصبون الكاراميل ميلوا الصينية ٩٠ درجة تقريبا زي كذا :

http://up.shamoa.com/uploads/images/shamoa-11b1c47fd7.jpg



بعدين صبوا من فوووق أعلى شي .. طبعا هو بيسيح بسرعه وينزل إليييين تحت بس الهدف هو إننا نسوي أنحف طبقة نقدر عليها .

دايما أنتبهوا من السكر !! تراه حااااااااااااااااااااااار ....


http://up.shamoa.com/uploads/images/shamoa-07baf211ea.jpg

هذا البارالاين .. زي ما أنتم شايفين جدا نحييييييييف ... طبعا بعدين تكسرونه بيدكم وتخلطونه في مكينة الإسكريم في آخر لحظات .





الحين نجي للحدث الأهم .... البسكوت :verysa3bola: . ناس كثيييييييييير تحب البسكوت مع الإسكريم وهذا طريقة صنع بسكوت في البيت . هذي العجينة جدا حلوة وممتعة صراحه كونه يمديك تشكلينها بأي أي أي شكل وهي تجمد بسرررعه ...



بيضتين

١/٢ كوب سكر !!

٤ ملاعق زبده مذوبة

٢-٣ ملاعق حليب (أو يمكن أكثر شوي)

ملعقة صغيره فانيلا سايله أو أفضل خلاصه أو زيت لوز

١/٣ كوب طحين

رشة ملح

زيت للطبخ



أول شي أخلطي البيض و السكر إلين تطلع رغوه بعدين أخلطي الزبده الذايبة و الحليب و النكهات ، آخر شي أخلطي الطحين و الملح و أخلطي إلين تصير ناعمه . المفروض الحين تجيك عجينة زي عجينة الكريب يعني سايله تقريبا وتكون طبقه جدا خفيفة في المقله زيدي الحليب لو أحتجتي .


سخني مقله تيفال على حرارة وسط وحطي شوووووووي زيت بعدين خليه شوي يحتر وحطي شوي من الخليط وحركي المقله زي ما تسويين في الكريب إلين تتوزع العجينة على كل المقله وتكون طبقه جدا خفيفة .

http://up.shamoa.com/uploads/images/shamoa-8c3ec42819.jpg

الحين خلي العجينة تطبخ إلين تقلب بنية من تحت .


http://up.shamoa.com/uploads/images/shamoa-36114ee262.jpg

بعدين أقلبيها و كملي طبخ الوجه الثاني إلين يصير بعد بني .


الحين شيلي العجينة إلى مكان ثاني وبيدك لفيها على شكل قمع زي حق الإسكريم ، بعدين قفلي أسفل القمع عشان ما ينقط إذا حطيتي عليه إسكريم . أمسكيه إلين يثبت ماراح ياخذ ثواني .

http://up.shamoa.com/uploads/images/shamoa-2f2039f37c.jpg


لو ما تبغين قمع شكليه بالشكل اللي تبغين . أهم شي تشكلينه بسرعه ولا بيجمد عليك . طبعا لو جمد عليك حطيه في الفرن شوي إلين يرجع لين بعدين كملي تشكليل .





http://up.shamoa.com/uploads/images/shamoa-3ae8d5aec5.jpg


هنا سويتها على شكل كوب ...






http://up.shamoa.com/uploads/images/shamoa-aa92b00eff.jpg


http://up.shamoa.com/uploads/images/shamoa-4db24b68c2.jpg

http://up.shamoa.com/uploads/images/shamoa-5bed795064.jpg

http://up.shamoa.com/uploads/images/shamoa-701d908be8.jpg

http://up.shamoa.com/uploads/images/shamoa-5092f67b4a.jpg


الثلاث إسكريمات :

الأول شكولاته مع قطع شكولاته و اللي فوقها هذا قشر البرتقال المسكر .

الثاني ( النص ) إسكريم زنجبيل وسكر بني وزدت عليه أنا بارالاين البيكان . و اللي فوقه هذا شكولاته مطحونه بس .

الثالث إسكريم كاراميل مع زبده مملحه وفوقها حبة بيكان محمصه بس .

طبعا الشكل هذا حق الكور يسموونه quenelle ويكون إما بيضاوي أو الشكل هذا اللي يجي ثلاث جهات ... بس عشان لحد يحسب إنه حوسه هو كذا :uglysmiley:




خلاص عاد .... إنتهى الجزأ الأول .... والله يعيننا عالجزأ الثاني إن شاء الله .

حور البطة
17-06-2010, 08:04
ما شاءالله روعه

٢-٣ ملاعق حليب (أو يمكن أكثر شوي)


القصد بودره او سائل ؟ !

....

معاني البوح ُ
17-06-2010, 08:20
..



ماشاءالله تبارك الرحمن ,
حاجة خرافية , و دقه ف المعلومات وتفصيل ممل : )
يعطيك العافية توب شيف ,
ب انتظار الجزء 2 على أحر من الجمر ..

Ms.Classic
17-06-2010, 12:30
ياسلام ياسلام

بصراحه ابدا ماشاء الله تبارك الله

وبأنتظار الجزء الثاني بس عاد بعد ما اخلص اختباراتي

يسلمو :)

ضيفة
17-06-2010, 12:58
ماشاء الله تبارك الله

أخيراً نزل الموضوع اللي صار لنا مدة ننتظره ، بس بصراحة ما تنلام كمية المعلومات اللي فيه تحتاج وتستاهل الوقت اللي خذه.

عجبني وصفك للآيسكريم الكريمي خصوصاً أني قبل فترة طلبت مولتن من كوفي لأول مرة أجربه واللي لفت انتباهي نوع الآيسكريم اللي قدموه معا بالضبط نفس ما وصفته ، كان كريمي جداً وناعم على اللسان ، رغم أني من عشاق باسكن لكني حسيت هالآيسكريم أحلى وأرقى خصوصاً أنه الحبيبات السوداء للفانيلا الطازجة كانت مبينة فيه فحسيت فعلاً أنهم ماخذين جودة المواد بعين الإعتبار.

المرة الجاية بحاول أزيد كمية الكريما على كمية الحليب في وصفة الآيسكريم عشان أوصل لهالملمس الكريمي، بس سؤال ، نقدر ندور أنواع كريما نسبة الدسم فيها أكبر بحيث أنه نستخدم نفس الكمية المكتوبة في الوصفة وفي نفس الوقت نحصل على الملمس الكريمي؟ أو الأثنين يعطون نفس النتيجة ؟

استفدت وايد من المعلومات اللي قدمتها عن أساسيات صنع الآيسكريم ، لأني لاحظت أني في بعض المرات أطبق نفس الوصفة بنفس المقادير ، مرة تتطلع معاي جامدة وايد بحيث أني ما أقدر أغرفه بملعقة الآيسكريم ومرات يكون حلو وكريمي وكنت أظن السبب يرجع لبرودة الفريزي ما دريت أنه ممكن يكون خطأ التطبيق.

شي ثاني بعد بخصوص معرفة متى نشيل الكاسترد ، أنا لما أخلط الحليب مع صفار البيض تتكون عندي رغوة فلما أرجع الخليط للنار الرغوة تآخذ وقت طويل عشان تختفي ويصير صعب عليه اختبر الكاسترد بطريقة ظهر الملعقة(الظاهر لازم ما أبالغ في الخلط) ، لأني مرات ألاحظ أنه من البداية يطلع عندي خط فاصل ومرات يآخذ وقت طويل عشان يصير ، لكن هالمرة بجربه بالميزان أتوقع بيطلع أدق .

وفعلاً لازم ننتبه للكاسترد لأني مرة اعتقد طولت في طبخ الكاسترد أو الظاهر كانت الحرارة أعلى من المطلوب فتخثر البيض واخترب الخليط واضطريت أسويه من أول ويديد ، فلازم ننتبه لهالنقطة لأنه حرام نرمي النعمة في الزبالة.

وفكرة الحمام الثلجي ما كنت أتبعها رغم أني قبل فترة قريت لك رد يبين أهمية هالشيء ، إن شاء الله اعتمدها في المرات الياية عشان أضمن أسوي آيسكريم لذيذ وصحي في نفس الوقت.

مكينة الآيسكريم اللي حطيتها بصراحة روعة وعملية وطبعاً أنا اشتريتها بناء على نصيحتك وبصراحة أبداً ما ندمت وألف شكر على هالنصيحة.

الموضوع مفيد جداً وبحاجة فعلاً أنه نقراه أكثر من مرة عشان نستوعب كم المعلومات اللي فيه ، طبعاً أكيد بيكون لي رجعة ثانية له سواء للإستفسار أو للتطبيق .


على فكرة ما قد جربت آيسكريم الرهش(حلاوة الطحينية) ؟؟ إذا كنت من محبين الرهش تراه يطلع روعة ويعجب الكل.

سؤال آخير : فيه فرق بين الجيلاتو والآيسكريم ولا مجرد اختلاف مسميات؟

Spring Love
17-06-2010, 03:07
ماشاء الله تبااارك الله
نزل وبوقته صيف وحر
تسلم اخوي ابدعت *
ولك احلى تقيييم~

FaNoOna
17-06-2010, 03:28
ماشاء الله تبارك الله ..

ابداع × ابداع ..

عساك عالقوة ودوم التميز يارب ..

والموضوع اكيد جا في وقته مع ذا الحر الي يذبح ...

واذا عندي سؤال ان شاء الله برجع اسئلك ..

تقديري لمجهودك وتقيميي اكيد ..

الزين وصل
17-06-2010, 03:34
ماشالله تبارك الله يعطيك العافية شرح وافي وسهل ووصفات روعة <<جاري التطبيق ان شالله

سـآرهـ
17-06-2010, 03:42
لا إله الا الله

ماشاء الله عليك

كل يوم تبهرني اكثر

بصراحه تسهل كثير اشياء كنت مستصعبتها<<صح كيذا تنكتب هع

الله يعطيك العافيه

وتسلم يدك يارب

SilveRaiN
17-06-2010, 04:43
موضوع جاء بوقته

ما شاء الله دائما مبدع وتبهرنا ..

بالتوفيق لكـ

TOP CHEF
17-06-2010, 06:26
ما شاءالله روعه

٢-٣ ملاعق حليب (أو يمكن أكثر شوي)


القصد بودره او سائل ؟ !

....


هلا والله ..

الحليب المقصود سايل طبعا .. ودايما أفترضي السايل إلا إذا أحد قالك بودره





ماشاءالله تبارك الرحمن ,
حاجة خرافية , و دقه ف المعلومات وتفصيل ممل : )
يعطيك العافية توب شيف ,
ب انتظار الجزء 2 على أحر من الجمر ..



هلا والله .

الله المستعان يالجزأ الثاني :mabymaby::mabymaby::mabymaby: توني ما بديت أي أي شي فيه ...




ياسلام ياسلام

بصراحه ابدا ماشاء الله تبارك الله

وبأنتظار الجزء الثاني بس عاد بعد ما اخلص اختباراتي

يسلمو :)




مشكورة أختي ... و الجزأ الثاني توه بدري بتخلصين إختباراتك ويمكن تتخرجين بعد .. ههههه



ماشاء الله تبارك الله

أخيراً نزل الموضوع اللي صار لنا مدة ننتظره ، بس بصراحة ما تنلام كمية المعلومات اللي فيه تحتاج وتستاهل الوقت اللي خذه.

عجبني وصفك للآيسكريم الكريمي خصوصاً أني قبل فترة طلبت مولتن من كوفي لأول مرة أجربه واللي لفت انتباهي نوع الآيسكريم اللي قدموه معا بالضبط نفس ما وصفته ، كان كريمي جداً وناعم على اللسان ، رغم أني من عشاق باسكن لكني حسيت هالآيسكريم أحلى وأرقى خصوصاً أنه الحبيبات السوداء للفانيلا الطازجة كانت مبينة فيه فحسيت فعلاً أنهم ماخذين جودة المواد بعين الإعتبار.

المرة الجاية بحاول أزيد كمية الكريما على كمية الحليب في وصفة الآيسكريم عشان أوصل لهالملمس الكريمي، بس سؤال ، نقدر ندور أنواع كريما نسبة الدسم فيها أكبر بحيث أنه نستخدم نفس الكمية المكتوبة في الوصفة وفي نفس الوقت نحصل على الملمس الكريمي؟ أو الأثنين يعطون نفس النتيجة ؟

استفدت وايد من المعلومات اللي قدمتها عن أساسيات صنع الآيسكريم ، لأني لاحظت أني في بعض المرات أطبق نفس الوصفة بنفس المقادير ، مرة تتطلع معاي جامدة وايد بحيث أني ما أقدر أغرفه بملعقة الآيسكريم ومرات يكون حلو وكريمي وكنت أظن السبب يرجع لبرودة الفريزي ما دريت أنه ممكن يكون خطأ التطبيق.

شي ثاني بعد بخصوص معرفة متى نشيل الكاسترد ، أنا لما أخلط الحليب مع صفار البيض تتكون عندي رغوة فلما أرجع الخليط للنار الرغوة تآخذ وقت طويل عشان تختفي ويصير صعب عليه اختبر الكاسترد بطريقة ظهر الملعقة(الظاهر لازم ما أبالغ في الخلط) ، لأني مرات ألاحظ أنه من البداية يطلع عندي خط فاصل ومرات يآخذ وقت طويل عشان يصير ، لكن هالمرة بجربه بالميزان أتوقع بيطلع أدق .

وفعلاً لازم ننتبه للكاسترد لأني مرة اعتقد طولت في طبخ الكاسترد أو الظاهر كانت الحرارة أعلى من المطلوب فتخثر البيض واخترب الخليط واضطريت أسويه من أول ويديد ، فلازم ننتبه لهالنقطة لأنه حرام نرمي النعمة في الزبالة.

وفكرة الحمام الثلجي ما كنت أتبعها رغم أني قبل فترة قريت لك رد يبين أهمية هالشيء ، إن شاء الله اعتمدها في المرات الياية عشان أضمن أسوي آيسكريم لذيذ وصحي في نفس الوقت.

مكينة الآيسكريم اللي حطيتها بصراحة روعة وعملية وطبعاً أنا اشتريتها بناء على نصيحتك وبصراحة أبداً ما ندمت وألف شكر على هالنصيحة.

الموضوع مفيد جداً وبحاجة فعلاً أنه نقراه أكثر من مرة عشان نستوعب كم المعلومات اللي فيه ، طبعاً أكيد بيكون لي رجعة ثانية له سواء للإستفسار أو للتطبيق .


على فكرة ما قد جربت آيسكريم الرهش(حلاوة الطحينية) ؟؟ إذا كنت من محبين الرهش تراه يطلع روعة ويعجب الكل.

سؤال آخير : فيه فرق بين الجيلاتو والآيسكريم ولا مجرد اختلاف مسميات؟


الحبوب السود في إسكريم الفانيلا فعلا دليل على الجودة ... وباسكن صحيح جيد بس الناس مبالغين فيه شوي .

بالنسبة للقشطة لو تبين نصيحتي أول مره سويي الوصفه زي ما هي وراح تتفاجأين من النتيجة !!! بس بعدين شوفي لو تبين تغيرين . يمديك تستخدمين نوع كريمه أثقل بس ليش ؟ نفس الشي في النهايه .. الكريمه حقت الخفق فيها ٣٥٪ دسم تقريبا و الدبل كريم فيها من ٥٥ - ٦٠ بس في النهايه نفس الشي ماراح تختلف الفرق الوحيد بينهم هو كمية الدسم للحليب بس .


برودة الفريزر ترى عامل مهم ! وكثير ناس فريزراتهم تهرب أو تكون موزعه غلط وما تبرد صح و الإسكريم زي ما قلت إذا دفا يخرب ! لازم يكون أبرد ما يمكن طول الوقت .


ما تحتاجين أي أي ميزان عشان الكسترد ، بالنسبة للرغوه صحيح خطأ تكثرين خلط وعشان كذا عمرنا ما نستخدم خلاط كهربائي للكسترد بس الرغوه راح تختفي إذا بدأ يثقل يعني أبدا موب عائق للملعقة .



إسكريم الحلاوه والله كان على بالي أكتبه بس نسيت و زي ما قلت حاولت أحط كل النكهات اللي أذكر بس والله كثير !!! وفعلا جدا ممتاز خصوصا مع الفستق .


الجيلاتو ما حبيت والله ألخبط الناس وقلت أخليه في الجزأ الثاني بعد ما الناس شوي يطبقون ويفهمون الفروقات في الإسكريم أول .

الجيلاتو مختلف عن الإسكريم كثير بعد .. الجيلاتو أقل هوا ، أقل دسم و أساسه غالبا حليب موب كريمه و بعد أقل سكر . بس كون الإيطاليين محترفين في الطبخ هذا ما يقلل من الجوده !! السكر موزون مع المويه في الجيلاتو بإستخدام أكثر من نوع سكر منها سايل ومنها عادي وبكذا يعطي نفس الحلاوه بأقل سكر و بنفس الثبات ! (فن) . غير كذا الأساس يكون مختلف شوي ويكون مثبت بس بطرق ثانيه شوي . و النكهات غالبا أخف من الإسكريم بكثير .


ماشاء الله تبااارك الله
نزل وبوقته صيف وحر
تسلم اخوي ابدعت *
ولك احلى تقيييم~



مشكورة عالتقيين وحياك الله .



ماشاء الله تبارك الله ..

ابداع × ابداع ..

عساك عالقوة ودوم التميز يارب ..

والموضوع اكيد جا في وقته مع ذا الحر الي يذبح ...

واذا عندي سؤال ان شاء الله برجع اسئلك ..

تقديري لمجهودك وتقيميي اكيد ..



مشكورة عالتقيين و إذا عندك أي سؤال لا يردك إلا لسانك ،


ماشالله تبارك الله يعطيك العافية شرح وافي وسهل ووصفات روعة <<جاري التطبيق ان شالله


الله يعافيك .. و أنتظر تطبيقاتك ...



لا إله الا الله

ماشاء الله عليك

كل يوم تبهرني اكثر

بصراحه تسهل كثير اشياء كنت مستصعبتها<<صح كيذا تنكتب هع

الله يعطيك العافيه

وتسلم يدك يارب




مشكورة والله على كلامك .. هذا اللي أبغى أوصله .. بس ترى العكس هو الصحيح ... الأشياء جدا سهلة بس الناس يعقدونها والله ...

الله يعافيك ومشكورة عالمرور ..


موضوع جاء بوقته

ما شاء الله دائما مبدع وتبهرنا ..

بالتوفيق لكـ




العفو أختي ،،،

مشكورة على مرورك ..

صـمـت الـوجـود
17-06-2010, 06:40
.

.

ماشاء الله كمية معلومات غنيه صراحه ..

خطوات واضحه وشرح مفصل تشكر عليه ..


<<بروح اجيب الأله وبطبق ان شاءالله ..


يعطيك الف الف عافيه اخوي ماقصرت ..

soumany
17-06-2010, 08:52
ماشاء الله تبارك الله عليك
ماني عارفة كيف أشكرك
لو كنت أعرف أمك لكنت رحت وبسة راسها وأقول لها الله يجازيك الف خير ونعم التربية
وعدتنا ووفيت بوعدك يا شيخ الشفات في السعودية
على فكرة طبعت الموضوع عندي قبل حتى ما أقراه لأني خلاص عملا فيك التقة الكاملة
جزاك الله الف خير يا أروع شف
أحبك في الله
يا سيد الابداع في شمواه:monky9:

روحــ feh ــي
17-06-2010, 09:16
ماشاء الله شرح وااافي ,,, يبيليى اقراه حته حته بس مو اللحين لاني مشكلتي مااهتم بالتفاصيل الا وقت التطبيق بس ,, وانا شكل تطبيقي بيطول لان ماعندي اله ...
على العموم جزاك الله خير لان الموضوع صراااحه ( متعوب عليه ) ويعطيك الف عافيه ,,,

سمحانيه
18-06-2010, 04:25
ماشاء الله تسلم ايدج شكله عجيييب .

منديل احمر
18-06-2010, 05:21
+يعطيك الف عافيه مشاءالله عليك موضوع لذيذ ومشهي بس مشكلتي الحين ابي اخفف وزني وماادري السعرات بالايس كريم واجد ؟
جزاك الله خير

sweetnoni
18-06-2010, 07:01
ما شاء الله تبارك الله

من زماااان عن مواضيعك توب شيف

الموضوع يشهي:verysa3bola:

شجعتني اشتري ماكينة الايس كريم اول ما ارجع للسعودية ان شاء الله

sweetheart
18-06-2010, 07:08
ماشاء الله تبارك الله إبداع قليلة في حقك



والله لو انك تصير شيف والله غير تصير مشهووووووووووووووووووووووووووووووووووووووووور


ماشاء الله عليك


غير تخصصك ( امحق نصيحة)

mįšş 7σσя
18-06-2010, 08:24
تكفى بصيح افتح مطعم

آآآآآآآآآآآآهـي تزنن

يسلم الايادي

Audrina
18-06-2010, 10:56
ماشالله تبارك الله مواضيعك دائما روعه ومميزه
عاجز لساني عن الوصف

صدى
18-06-2010, 11:02
ماشاءالله تبارك الرحمن .,.

الصور حكايه ثانيه ومعلوماتك جدآآ مفيده الله يجزاك خير ’’

الله يعطيك العافيه ~

soft_smile
18-06-2010, 11:56
ما شاء الله

تسلم ايدينج على الموضوع الغاوي

روعة وسهل

^_^

شهد العسل
18-06-2010, 01:09
واااااااااااو موضوع روعه يسلم يديك..

йờϋяàн . ™
18-06-2010, 01:39
يا سلااااااااااااااااااام
موضوع جدا رااااااااااااااااائع ومفيد للغايه
يسلم دياتك يالغالية

Fashionable
18-06-2010, 01:53
ماشاء الله ماشاء الله عليك

عيني عليك بارده تف تف هههههه

أول شي يعجبني شرحك بالمواضيع يعني اتخلي اللي مايفهم يفهم غصب ..

ودايما وصفاتك دسمه يعني اتغطي الشيء من البدايه للنهايه مايفوتك شيء

يعني معقوله احنا بنقدر انسوي ايس كريم في البيت

<< البنات مو انتي لاتصدقين وايد

اتوقع موضوعك اول موضوع يتكلم عن طريقة الايس كريم في اي موقع عربي ..

من جد انت مكسب لشمواه ...

ربي يعطيك العافيه وان شاء الله لي رجعه لمواضيعك لما اتزوج

<< مو شرط تتزوجين عشان تطبخين .. لا شرط لووول

princess forever
18-06-2010, 02:02
الله يرضى عليك....جنااااان
ماكملت قراءه الموضوع...
واضح انو محتاج تركيز....
هذا رد مستعجل....لكن اكيد لي عوده ان الله كتب....
لكن هذا الرد بس عشان اقولك برافو .....

Call Ŋouf ♠
18-06-2010, 03:17
ماشاء الله موضوع اليم


يبغاله فصفصــــــــــه.... قريت نصه وقلت احجز مكاني بالرد

ابدعت اخوي كعادتك باذن الله احط المكينه هذي بقائمتي مع الميزان <<<<<<<< من ايام الماكروون


تسلم يدينك

كلي حلي
18-06-2010, 03:17
ابداع ..ابداع ..ابداع
بمعني الكلمه
الموضووووووووووع جااء بوقته صراااحه

انا من زماان ادور وصفاات للايسكريم
ومااكانت تعجبني

وجيت بوقتك


يعطيك الف عااااااااااااااااااااااااافيه

ALOa
18-06-2010, 04:18
يمممممم

يفتح النفس شهييي

موضوع رئع جدآآ
تسلم أختي ع الموضوع الخفيف

kawkawii
18-06-2010, 04:47
يمممممممممممممممم

موضوع مميز ولذيذ

TOP CHEF
18-06-2010, 05:03
.

.

ماشاء الله كمية معلومات غنيه صراحه ..

خطوات واضحه وشرح مفصل تشكر عليه ..


<<بروح اجيب الأله وبطبق ان شاءالله ..


يعطيك الف الف عافيه اخوي ماقصرت ..


الله يعافيك ومشكورة على مرورك ...

و جيبي الآله ما راح تندمين إن شاء الله .




ماشاء الله تبارك الله عليك
ماني عارفة كيف أشكرك
لو كنت أعرف أمك لكنت رحت وبسة راسها وأقول لها الله يجازيك الف خير ونعم التربية
وعدتنا ووفيت بوعدك يا شيخ الشفات في السعودية
على فكرة طبعت الموضوع عندي قبل حتى ما أقراه لأني خلاص عملا فيك التقة الكاملة
جزاك الله الف خير يا أروع شف
أحبك في الله
يا سيد الابداع في شمواه:monky9:




هلا والله ..

مشكورة على كلامك ...

بس سؤآل وش دخل التربيه في الطبخ هههههه ؟؟؟ اللي ما يعرف يطبخ ترى موب قليل حيا ههههههه :mabymaby:


يالله عاد شدي حيلك بالتطبيقات .



ماشاء الله شرح وااافي ,,, يبيليى اقراه حته حته بس مو اللحين لاني مشكلتي مااهتم بالتفاصيل الا وقت التطبيق بس ,, وانا شكل تطبيقي بيطول لان ماعندي اله ...
على العموم جزاك الله خير لان الموضوع صراااحه ( متعوب عليه ) ويعطيك الف عافيه ,,,





عالعموم إقريه متى ما بغيتي الموضوع إن شاء الله موجود ..




ماشاء الله تسلم ايدج شكله عجيييب .



شكلك ملخبطة أو تقصدين أحد ثاني :fightingman: بس تراني ولد هههه






+يعطيك الف عافيه مشاءالله عليك موضوع لذيذ ومشهي بس مشكلتي الحين ابي اخفف وزني وماادري السعرات بالايس كريم واجد ؟
جزاك الله خير





إلا واجد بس !!! الحين أقولك صفار بيض وقشطه وسكر :verysa3bola: وش تتوقعين ههههههه




ما شاء الله تبارك الله

من زماااان عن مواضيعك توب شيف

الموضوع يشهي:verysa3bola:

شجعتني اشتري ماكينة الايس كريم اول ما ارجع للسعودية ان شاء الله



والله ظروف ولا لو علي كل أسبوع والله موضوع ...

أشتري مكينة إسكريم ليش لأ منتيب نادمه إن شاء الله .



ماشاء الله تبارك الله إبداع قليلة في حقك



والله لو انك تصير شيف والله غير تصير مشهووووووووووووووووووووووووووووووووووووووووور


ماشاء الله عليك


غير تخصصك ( امحق نصيحة)






من جد أمحق نصيحة هههه

مشكورة على مرورك أختي .




تكفى بصيح افتح مطعم

آآآآآآآآآآآآهـي تزنن

يسلم الايادي






هههههه تعلمي سويي إسكريم و أنتي أفتحي مطعم هههه



ماشالله تبارك الله مواضيعك دائما روعه ومميزه
عاجز لساني عن الوصف





مشكورة على مرورك وحياك الله دايما .



ماشاءالله تبارك الرحمن .,.

الصور حكايه ثانيه ومعلوماتك جدآآ مفيده الله يجزاك خير ’’

الله يعطيك العافيه ~





الله يعافيك ..

يعطيك العافيه و مشكورة على مرورك .


ما شاء الله

تسلم ايدينج على الموضوع الغاوي

روعة وسهل





مشكورة بس تراني ولد .



واااااااااااو موضوع روعه يسلم يديك..



الله يسلمك




يا سلااااااااااااااااااام
موضوع جدا رااااااااااااااااائع ومفيد للغايه
يسلم دياتك يالغالية







الله يسلمك بس تراني ولد ...



ماشاء الله ماشاء الله عليك

عيني عليك بارده تف تف هههههه

أول شي يعجبني شرحك بالمواضيع يعني اتخلي اللي مايفهم يفهم غصب ..

ودايما وصفاتك دسمه يعني اتغطي الشيء من البدايه للنهايه مايفوتك شيء

يعني معقوله احنا بنقدر انسوي ايس كريم في البيت

<< البنات مو انتي لاتصدقين وايد

اتوقع موضوعك اول موضوع يتكلم عن طريقة الايس كريم في اي موقع عربي ..

من جد انت مكسب لشمواه ...

ربي يعطيك العافيه وان شاء الله لي رجعه لمواضيعك لما اتزوج

<< مو شرط تتزوجين عشان تطبخين .. لا شرط لووول





من بعيد لبعيد تكفين ههه بدون تفال ههههههه .


تقدرين ونص وترى الإسكريم جدا سهل والله موب بعيد عن الكريم كراميل إذا ماكان أسهل بعد !


وحاولي تطبخين عشان تطبخين موب عشان زوجك ! الطبخ ممتع لا تخلينه واجب وبس .



الله يرضى عليك....جنااااان
ماكملت قراءه الموضوع...
واضح انو محتاج تركيز....
هذا رد مستعجل....لكن اكيد لي عوده ان الله كتب....
لكن هذا الرد بس عشان اقولك برافو .....







الله يخليك ...

أنتظر ردك .



ماشاء الله موضوع اليم


يبغاله فصفصــــــــــه.... قريت نصه وقلت احجز مكاني بالرد

ابدعت اخوي كعادتك باذن الله احط المكينه هذي بقائمتي مع الميزان <<<<<<<< من ايام الماكروون


تسلم يدينك





الله المستعاااان .. مع الميزان ... هههه عز الله شريتيها أجل ...




ابداع ..ابداع ..ابداع
بمعني الكلمه
الموضووووووووووع جااء بوقته صراااحه

انا من زماان ادور وصفاات للايسكريم
ومااكانت تعجبني

وجيت بوقتك


يعطيك الف عااااااااااااااااااااااااافيه





الله يعافيك .

وفعلا الإسكريم هذا وقته .. مع العلم عاد إن طول السنة عندنا فترة إسكريم يعني ما عندك مشكله ..




يمممممم

يفتح النفس شهييي

موضوع رئع جدآآ
تسلم أختي ع الموضوع الخفيف






مشكورة أختي بس تراني ولد ..



انت مبدع مبدع مبدع
ماشاءالله
احب مواضيعك
مااءالله تبارك الله
ربي يسعدك




الله يخليك مشكورة على مرورك ..



يمممممممممممممممم

موضوع مميز ولذيذ




مشكورة أختي على كلامك ومرورك .

klimons
18-06-2010, 05:06
مشاء الله عليك ياتوب وش الوصفات هذي اللي تاخذالعقل

يااااااي مبسوطه

ايسكريم ماره وحده
يسلمو الايادي والله

اعجبتني طريق هذا النوع

7

7
http://up.shamoa.com/uploads/images/shamoa-5092f67b4a.jpg


واختلاف النكهات افضل الايسكريم ستروبري واحب الايسكريم بشكل عام عادا ايسكريم التوفي
ليه ؟ لانه حالي ماره يقطع القلب

والناس اذوق
يسلمو الايادي:pinkflower:

D w e e q
18-06-2010, 05:10
ماشاء الله تبارك الله

روووعة صراحة

و بإنتظار الجزء 2 أكييييييد

تسلم أخوووي

La donna
18-06-2010, 05:12
ما شاء الله لا قوة إلا بالله ....مـــــوضـــــوع روعــــــــــــــــه إلا يعتبر مرجع لكل من يريد ان يتعلم فن صناعة الايس كريم....يعطيكي الف الف عافيه

نـــــــور
18-06-2010, 05:22
يعطيك العافية خطيررررررررررررررررررررررررررررررررررررر مرة

زرقاء اليمامة
18-06-2010, 06:08
جزاك الله خير على الموضوع وخصوصا جا الصيف ومحتاجين وصفات زي كذا عندي سؤالين
الاول ايش ماركة الماكينة وموجودة في السعودية ولا لاء؟
الثاني لو ابغى اسوي ايسكريم بالفستق مو مجرد مكسرات مجروشة لا ابغى يطلع فيه طعم ولون الفستق
زي ايسكريم باسكن روبنز اللي بالفستق كيف وشكرا جزيلا مقدما

i C h o
18-06-2010, 06:20
يعطيك العافية أخوي موضوعك خطواتك واضحه
بوسط هالحرارة أتوقع كل عضوات شمواه بيزحمون قسم الاطباق المجربة ههه

*تالا*
18-06-2010, 06:44
الله يعطيك العافيه
قريبا راح اسويه لما اشترى الاله

TOP CHEF
18-06-2010, 07:19
مشاء الله عليك ياتوب وش الوصفات هذي اللي تاخذالعقل

يااااااي مبسوطه

ايسكريم ماره وحده
يسلمو الايادي والله

اعجبتني طريق هذا النوع

7

7

واختلاف النكهات افضل الايسكريم ستروبري واحب الايسكريم بشكل عام عادا ايسكريم التوفي
ليه ؟ لانه حالي ماره يقطع القلب

والناس اذوق
يسلمو الايادي:pinkflower:


الله يسلمك ومشكورة على مرورك .

إسكريم توفي عن توفي يفرق ترى !! يعتمد على نوعية الإسكريم . لو حصلك فرصه جربي هذا اللي حطيته اللي بالملح و الكراميل وراح تغيرين رأيك .. طبعا هذا إذا كنتي تحبين الكراميل أساسا .



ماشاء الله تبارك الله

روووعة صراحة

و بإنتظار الجزء 2 أكييييييد

تسلم أخوووي





مشكورة على مرورك و الجزء الثاني تونا بدري عليه



ما شاء الله لا قوة إلا بالله ....مـــــوضـــــوع روعــــــــــــــــه إلا يعتبر مرجع لكل من يريد ان يتعلم فن صناعة الايس كريم....يعطيكي الف الف عافيه







الله يعافيك ... مشكورة على مرورك بس تراني ولد :fightingman:



يعطيك العافية خطيررررررررررررررررررررررررررررررررررررر مرة




الله يعافيك ..





جزاك الله خير على الموضوع وخصوصا جا الصيف ومحتاجين وصفات زي كذا عندي سؤالين
الاول ايش ماركة الماكينة وموجودة في السعودية ولا لاء؟
الثاني لو ابغى اسوي ايسكريم بالفستق مو مجرد مكسرات مجروشة لا ابغى يطلع فيه طعم ولون الفستق
زي ايسكريم باسكن روبنز اللي بالفستق كيف وشكرا جزيلا مقدما






ماركة المكينة راجعي الموضوع وتلاقين كل شي عنها ... بس موب شرط نفس المكينة ترى هي كلها تقريبا نفس الشي يعني نفس المبدأ ... وفي السعوديه والله لو تسألين اللي يدورون هم أبخص .

إسكريم الفستق زي ما كتبت تجرشين الفستق بعدين تغلينه مع الحليب وتخلينه يتطعم . وبتلاقين إن الحليب يقلب أخضر وهذا بيخلي الإسكريم بعد أخضر ...


لو تبين ( ولو إني ما أشوفها إنها ضروريه ) تخلين طعم الفستق بعد أقوى يمديك تسوين زي اللي فوق بعدين تطحنينه بالخلاط وتصفينه بعدين تحطين زيادة فستق في اللحظات الأخير هذا بيعطي طعم فستق قوي مرررررررررره ...



يعطيك العافية أخوي موضوعك خطواتك واضحه
بوسط هالحرارة أتوقع كل عضوات شمواه بيزحمون قسم الاطباق المجربة ههه






ههههههههه طيب خلينا من الأعضاء الثاني وراك سحبتي نفسك من القصة هههه



أنتظر تطبيقاتك خصوصا أنتي بالذات بأستقعدلك ههههه



الله يعطيك العافيه
قريبا راح اسويه لما اشترى الاله



الله يعافيك ...

شموخ بنية
18-06-2010, 08:23
الله يعطيك العافيه والى الامام مع التميز

Aream
18-06-2010, 09:04
ما شاء الله تبارك الرحمن ~

صراحه اول مرة يمر علي موضوع يتكلم عن الايس كريم والسوربيه بهالاسهاب والشرح .

طبعا شهادتي في مواضيعك مجروحه كلها كامله ومتكامله ومو وصفات بس الا كل شيء يتعلق بالوصفه نلاقيه بمواضيع التوب شيف ..

اكيد لي قعده بالموضوع لانه ممتع بكل نواحيه ..

جزاك ربي كل خير ووفقك في كل ما تتمنى .

helen
18-06-2010, 09:40
الله يسلم ايديك ويعطيك العافية
أدعو الله دائما أن يوفقك وتنال كل ماتتمنى لأن أول مرة أعرف أسرار كثير من الأطباق
جاري التطبيق بأدق التفاصيل

fhda
18-06-2010, 10:45
ماشاء الله تبارك الله
موضوع متكامل كعادتك


طريقة امان البيض حلوة
بس ليه خايفين منه وفيه حلويات نحطه ني وماعندنا مشاكل؟

و
لو بحط بارالاين البيكان يغني عن خطوط التوفي والا اخلط الاثنين؟


الله يوفقك ويسهل امورك

جيادا
19-06-2010, 02:40
واو ياشيف عاد جيت على الجرح...ايس كريم مره وحده....

يعني من يطرو الايسكريم كل تأنيب الضمير والاحساس بالذنب يجيني....

لاني ببساطه ماكتفي بالقليل ابدا ابدا....

اني اجربه فكره جدا وارده بس قد تكون بعيد المدى.....

مو كسل ولا شي ولا هو صعب بالعكس بس احس يبغاله شغف....واي شي بدون شغف ...لايصلح بتاتا البته....

انا الان شاغلني الماكرونز.....

المهم وبالنسبه للسوربيه.....كم مره شفت الشيفز يسسوو حاجه مادري والله اعلم اعتقد انها سوربيه؟؟؟؟

اساس الشي سائل يمكن هو شفاف شوي يعني زي ماقلت مافي اي كريم....

اوكي....بس طريقه التجميد انهم مايحطو في الماكينه ...بس يحطو في الفريزر وكل ساعه يفكو التجميد بالشوكه....

مادري ايش هوا دا الشي؟؟؟؟

حبيت الطريقه بصراحه وحسيتها حلوه ك تحليه بعد عشوه دسمه خصوصا لو كانت حمضيات....

ياريت تفيدني....شاكرتللك...

TOP CHEF
19-06-2010, 02:48
الله يعطيك العافيه والى الامام مع التميز


الله يعافيك ومشكورة على مرورك ...



ما شاء الله تبارك الرحمن ~

صراحه اول مرة يمر علي موضوع يتكلم عن الايس كريم والسوربيه بهالاسهاب والشرح .

طبعا شهادتي في مواضيعك مجروحه كلها كامله ومتكامله ومو وصفات بس الا كل شيء يتعلق بالوصفه نلاقيه بمواضيع التوب شيف ..

اكيد لي قعده بالموضوع لانه ممتع بكل نواحيه ..

جزاك ربي كل خير ووفقك في كل ما تتمنى .




شهادتك والله أعتز فيها وهي فخر لي كونها جاية منك ...

أقعدي عالموضوع و أقريه ألف مرة لو تبين .... بس نبي منك ومن باقي الأعضاء تكملونه وتطلعون نكهات جديدة ....




الله يسلم ايديك ويعطيك العافية
أدعو الله دائما أن يوفقك وتنال كل ماتتمنى لأن أول مرة أعرف أسرار كثير من الأطباق
جاري التطبيق بأدق التفاصيل




مشكورة والله أختي .... أنتظر تطبيقاتك .






ماشاء الله تبارك الله
موضوع متكامل كعادتك


طريقة امان البيض حلوة
بس ليه خايفين منه وفيه حلويات نحطه ني وماعندنا مشاكل؟

و
لو بحط بارالاين البيكان يغني عن خطوط التوفي والا اخلط الاثنين؟


الله يوفقك ويسهل امورك








هلا والله ... أسإلة جدا حلوة ...

زي ما قلت البيض فيه إحتمال يكون ملوث هذا أول شي بس هذا إحتمال جدا جدا جدا ضعييييييييييييييييييييييييف .. بس المشكلة الأساسية هي زي ما قلت إن البيض أصلا وسط ممتاز للبكتيريا بمعنى .. لو كسرتي بيضه و أكلتيها حتى لو نية ما عندك أي أي مشكله .. بس لو خليتيها على الطاوله ساعة مثلا وقتها يصير كلام ثاني ...

اللي أحنا نسويه هو إننا نطبخه وبكذا نطبخ البكتيريا ونموتها بعدين علطول نفرزه وبكذا ما تتكون بكتيريا جديدة كونه في مكان بارد .

في العاده اللي نسويه مثل المايونيز مثلا أو الهولانديز أو غيرها إننا نسوي صوص بالبيض صح بس عمرنا ما نخليه فترة طويلة !!! مثلا المايونز لأنه شوي حمضي يعيش في الثلاجة أسبوع بس الهولانديز مثلا لأ!!! تسوينها وتاكلينها والباقي ترمينه علطوووووول .

لو قصدك في الكيك مثلا أو الحلويات الثانيه .. طالعي باقي المكونات اللي معها وغالبا تلاقينها تنطبخ .. يعني هي أصلا تنطبخ وغير كذا مع الأكل مواد ثانيه بعد تعقم البيض مثل السكر في الكيك مثلا .



خطوط كاراميل لا ما تغني البراللاين عنها ، طبعا أتكلم من ناحية إن البارالاين موب مطلعلك خطوط بس في الطعم تقريبا نفس الشي .



واو ياشيف عاد جيت على الجرح...ايس كريم مره وحده....

يعني من يطرو الايسكريم كل تأنيب الضمير والاحساس بالذنب يجيني....

لاني ببساطه ماكتفي بالقليل ابدا ابدا....

اني اجربه فكره جدا وارده بس قد تكون بعيد المدى.....

مو كسل ولا شي ولا هو صعب بالعكس بس احس يبغاله شغف....واي شي بدون شغف ...لايصلح بتاتا البته....

انا الان شاغلني الماكرونز.....

المهم وبالنسبه للسوربيه.....كم مره شفت الشيفز يسسوو حاجه مادري والله اعلم اعتقد انها سوربيه؟؟؟؟

اساس الشي سائل يمكن هو شفاف شوي يعني زي ماقلت مافي اي كريم....

اوكي....بس طريقه التجميد انهم مايحطو في الماكينه ...بس يحطو في الفريزر وكل ساعه يفكو التجميد بالشوكه....

مادري ايش هوا دا الشي؟؟؟؟

حبيت الطريقه بصراحه وحسيتها حلوه ك تحليه بعد عشوه دسمه خصوصا لو كانت حمضيات....

ياريت تفيدني....شاكرتللك...







هلا والله كيف الحال ونورتي الموضوع ....

الشي اللي تقصدينه ما نسيته :ksho5ey: هههه . هذا شي ثاني شبيه بالسبوربيه إسمه جرانيتا .. الأساس حقه شوي مختلف عن السوربيه خصوصا في كمية السكر ١٥٪ تقريبا مقابل ٣٠٪ في السوربيه عشان كذا هو موضوع ثاني و أنا كنت مخليه للموضوع الثاني ....

جاردنيا
19-06-2010, 03:07
روووووعه

بجد بجد شي خورافي
مااتوقع الاقي هالكم الهائل من المعلومات

لو اني مش ولا بد مع الايسكريم لكن تحمست اسويه

بس ناقصني الاله



يعطيك الف عافيه يارب

crazy^bas^3asal
19-06-2010, 07:44
ماشاء الله عليك تبتوب <<< دلع توب شيف هع هع

الموضوع إبداع وجا بوقته بعد ... الدنيا حر .. أكيد بجربة

بس بشتري الالة أول وعجبتني اللي أنت حطيتها بدورها

تستاهل التقييم ~

pink_diver
19-06-2010, 08:45
مرررررررررررره ابداع ماشاءالله تبارك الرحمن


يعني بجد الردود لاتكفي لابداعك


بردتنا وبردت على قلوبنا الله يبرد على قلبك دنيا واخره
في عز هالحر

رآفين
19-06-2010, 09:53
http://up.shamoa.com/uploads/images/shamoa-645c037691.jpg (http://up.shamoa.com/uploads/images/shamoa-645c037691.jpg)


http://up.shamoa.com/uploads/images/shamoa-055de8671e.jpg (http://up.shamoa.com/uploads/images/shamoa-055de8671e.jpg)


ماشاء الله تبآرك الرحمــــــــــن و لا الجــآهــز و الله . .
فــكرة البســكوت خــطيره احــسن من هاليآبــس اللي ماله طعـــم ..
طبعآ الموضــوع يبي له روقــآن وقرآءة مفصــله ..
يعطيك العآفـــيه موضوع طعــــــــــم ولذيذ وممـــيز . .

القلوب اطفال
19-06-2010, 10:39
ما شاد الله

ما شاء الله

ما شاء الله


ربي يحفظك ويجزاك كل خير


موضوع مميز وانت مبدع كالعاده


معلومات قيمه

انا جربت الفانيليا ... بس ما كان عندي ماكينة ايسكريم

فكنت كل ساعتين تقريبا مادري كل ساعه اروح اخلط الخليط

بس كانت النتيجة النهائية تستاهل التعب

شكلي بعد موضوعك راح اشتري الماكينه


ننتظر المزيد من المواضيع المميزه

ألماس الرياض
19-06-2010, 11:15
الله يعطيك العافية يارب ........ وجزاك الله خير على المعلومات القيمة اللي أفدتنا فيها .........

sufy2009
20-06-2010, 01:39
ماشاء الله تبارك الرحمن

يسلموووووووووووووووووووووا حياتي

miss HaLa
20-06-2010, 02:14
نزل بوقته مع الصيف واااو
ماشاء الله عليك كفيتي ووفيتي
تسلم ايدك على الطرح

D w e e q
20-06-2010, 02:20
عندي استفسار :

الآيس كريم اللي يصلحونه السيارات زي هالصورة :

http://store1.up-00.com/Jun10/7w689578.bmp (http://www.up-00.com/)

بسألك : إذا له آلة خاصة ؟ وكيف طريقته ؟

Classic Woman
20-06-2010, 02:44
ماشاء الله عليك
كفيتي ووفيتي
بانتظار الجزء الثاني اكيد
تسلمين

M!$$ No0on
20-06-2010, 03:40
الْلَّه يُعْطِيَك الْف عَااافِيْه عَطْيِتْنَا سَر بِاسَكَن رِوَبِنْز... الْحِيْن اقْدِر اسَّوِّي النَّكَهَات الْلِي ابْغَا الْقَهْوَه الاورِّيُو النَعْناااع ... :partybirth:

الْلَّه يُسَلِّم ادياااتُك وَيَحْرُمُهُن يَارَبِّي عَن الِناار . عَلَى الافَادِه وَالشَّرْح الواااضُح وَالْمَجْهُوْد الْلِي تَبْذُلُه ..

بِالتَّوْفِيْق ..

kim loode
20-06-2010, 04:35
ماشاء الله تبارك الله

تسلمين ع المعلومات

sнσsнα
20-06-2010, 05:20
دليشز بمعنىآ الكلمـﮧ
يعطيك العآفيـﮧ توب شيف
مآقصرت

ميعـــاد
20-06-2010, 05:31
ماشاء الله شغل صح ..مثل ماعودتنا
شهادتي فيك مجروحة
ربي يسلم هاليدين ويعـافيها

يعطيك ألف عافية يارب

:pinkflower::pinkflower:

نجمه الخليج
20-06-2010, 05:48
مشاء الله موضوع متعوب عليه

جدا رائع ...

سر الصمت
20-06-2010, 05:51
ماشاء الله
تسلمين
كفيتي ووفيتي

TOP CHEF
20-06-2010, 08:45
روووووعه

بجد بجد شي خورافي
مااتوقع الاقي هالكم الهائل من المعلومات

لو اني مش ولا بد مع الايسكريم لكن تحمست اسويه

بس ناقصني الاله



يعطيك الف عافيه يارب


الله يعافيك ....

إنك تسوين إسكريم ترى شي جدا ممتع وأحلى شي إنه يمديك تحولين أي نكهة في راسك إلى إسكريم وبسهولة بعد .


ماشاء الله عليك تبتوب <<< دلع توب شيف هع هع

الموضوع إبداع وجا بوقته بعد ... الدنيا حر .. أكيد بجربة

بس بشتري الالة أول وعجبتني اللي أنت حطيتها بدورها

تستاهل التقييم ~




إلى الحين أنتي على تبتوب ... ههههه

ياليتني ما حطيت صورة المكينة ههه الحين كل الناس بيقولون لو ما لقيت ذا المكينة وش أشتري ؟ أي مكينة إسكريم تنفع فيه أحسن بعد من اللي عندي ..



مرررررررررررره ابداع ماشاءالله تبارك الرحمن


يعني بجد الردود لاتكفي لابداعك


بردتنا وبردت على قلوبنا الله يبرد على قلبك دنيا واخره
في عز هالحر







مشكورة أختي على المرور ...


عسآكـ ع القــ,ـوهـ

مآ قصرت






الله يقويك .. مشكورة على مرورك ...




ماشاء الله تبآرك الرحمــــــــــن و لا الجــآهــز و الله . .
فــكرة البســكوت خــطيره احــسن من هاليآبــس اللي ماله طعـــم ..
طبعآ الموضــوع يبي له روقــآن وقرآءة مفصــله ..
يعطيك العآفـــيه موضوع طعــــــــــم ولذيذ وممـــيز . .






مشكورة أختي على مرورك ...


ما شاد الله

ما شاء الله

ما شاء الله


ربي يحفظك ويجزاك كل خير


موضوع مميز وانت مبدع كالعاده


معلومات قيمه

انا جربت الفانيليا ... بس ما كان عندي ماكينة ايسكريم

فكنت كل ساعتين تقريبا مادري كل ساعه اروح اخلط الخليط

بس كانت النتيجة النهائية تستاهل التعب

شكلي بعد موضوعك راح اشتري الماكينه


ننتظر المزيد من المواضيع المميزه





أشتري مكينة منتيب نادمة أبدا أبدا ... وترى فرق الجودة كبيييييييييييييير ...




الله يعطيك العافية يارب ........ وجزاك الله خير على المعلومات القيمة اللي أفدتنا فيها .........





الله يعافيك ... مشكورة على مرورك ...



ماشاء الله تبارك الرحمن

يسلموووووووووووووووووووووا حياتي





الله يسلمك .. مشكورة عالمرور ...


نزل بوقته مع الصيف واااو
ماشاء الله عليك كفيتي ووفيتي
تسلم ايدك على الطرح







مشكورة أختي بس تراني ولد منيب بنت ...




عندي استفسار :

الآيس كريم اللي يصلحونه السيارات زي هالصورة :

http://store1.up-00.com/Jun10/7w689578.bmp (http://www.up-00.com/)

بسألك : إذا له آلة خاصة ؟ وكيف طريقته ؟





إسكريم الآلات اللي تقصدين هذا يجي خليط جاهز ... هذا موب إسكريم هههه هذا شي بارد بس ....


بس يمديك تسوين إسكريم أصلي من النوع هذا بنفس مكينة الإسكريم العادية هذا الإسكريم يسمونه soft serve ice cream يعني تقريبا إسكريم لين . بعد ما تحطين الإسكريم في المكينة شوفي إذا كان جامد للدرجة اللي تبين أو حطيه في الفريزر شوي بس حوالي نص ساعة وقدميه ...




ماشاء الله عليك
كفيتي ووفيتي
بانتظار الجزء الثاني اكيد
تسلمين





مشكورة أختي بس تراني ولد للمعلومية .ههه


الْلَّه يُعْطِيَك الْف عَااافِيْه عَطْيِتْنَا سَر بِاسَكَن رِوَبِنْز... الْحِيْن اقْدِر اسَّوِّي النَّكَهَات الْلِي ابْغَا الْقَهْوَه الاورِّيُو النَعْناااع ... :partybirth:

الْلَّه يُسَلِّم ادياااتُك وَيَحْرُمُهُن يَارَبِّي عَن الِناار . عَلَى الافَادِه وَالشَّرْح الواااضُح وَالْمَجْهُوْد الْلِي تَبْذُلُه ..

بِالتَّوْفِيْق ..






هههه باسكن ماعنهم سر .... هذي أساسات الإسكريم ... وصدقيني حق البيت أطعم من باسكن لأن ما معه المثبتات اللي يحطونها عشان الشحن وغيره ....



ماشاء الله تبارك الله



مشكورة عالمرور ...



ماشاء الله تبارك الله

تسلمين ع المعلومات







العفو أختي .. بس تراني ولد ..



دليشز بمعنىآ الكلمـﮧ
يعطيك العآفيـﮧ توب شيف
مآقصرت









الله يعافيك ...

مشكورة على مرورك ...




ماشاء الله شغل صح ..مثل ماعودتنا
شهادتي فيك مجروحة
ربي يسلم هاليدين ويعـافيها

يعطيك ألف عافية يارب





الله يعافيك ....


مشكورة على مرورك و أنتظر تطبيقاتك ...




مشاء الله موضوع متعوب عليه

جدا رائع ...






مشكورة أختي ... يعطيك العافيه .




ماشاء الله
تسلمين
كفيتي ووفيتي







الله يسلمك أختي ... بس تراني ولد ...

ضيفة
20-06-2010, 11:26
أخوي عندي استفسار بخصوص تطعيم الحليب

الحين مثلاً في آيسكريم الفستق قلت في ردك على وحدة من الأخوات أنه نحط الفستق مع الحليب وعلى حسب شرحك في الموضوع نسخن الحليب مع الفستق لين مرحلة ما قبل الغليان ونطفي عليه .

بعدين لما نرجع نسوي الكاسترد نسخن الحليب مرة ثانية؟ ولا نبدأ بعمل الكاسترد على طول بعد ما نطعم الحليب بالنكهة؟؟

وهل الأفضل نحط النكهة مع الحليب والكريما مع بعض ؟ ولا بس مع الحليب وبعدها نخلطه بالكريما ونسخنه مرة ثانية؟

اتمنى يكون استفساري واضح

TOP CHEF
21-06-2010, 03:59
أخوي عندي استفسار بخصوص تطعيم الحليب

الحين مثلاً في آيسكريم الفستق قلت في ردك على وحدة من الأخوات أنه نحط الفستق مع الحليب وعلى حسب شرحك في الموضوع نسخن الحليب مع الفستق لين مرحلة ما قبل الغليان ونطفي عليه .

بعدين لما نرجع نسوي الكاسترد نسخن الحليب مرة ثانية؟ ولا نبدأ بعمل الكاسترد على طول بعد ما نطعم الحليب بالنكهة؟؟

وهل الأفضل نحط النكهة مع الحليب والكريما مع بعض ؟ ولا بس مع الحليب وبعدها نخلطه بالكريما ونسخنه مرة ثانية؟

اتمنى يكون استفساري واضح

شوفي اللي أقصده بالحليب يعني منتج الألبان المستخدم !!! يعني السائل المستخدم ... يعني حليب ، كريمة أو خليط من الإثنين نفس الشي ... زي ما قلت الإسكريم يمديك تسوينه بأكثر من نسبة للحليب و القشطة مهما كانت نسبتك تسوينها بذي الطريقة .. طبعا أول شي تسخنينه عشان تطعمين الحليب المقصود ... بعدين تكملين كأنك تسوين كسترد من جديد يعني بالعربي راح تسخنين الحليب مرتين .. أول مرة إذا جيتي تطعمينه وثاني مرة قبل ما تسوين الكسترد .


أنا حبيت أعطي إسم للخليط هذا (حليب + كريمة ) بس والله ما عرفت وش أسميه عشان كذا كنت أكتب حليب فسامحيني والله .

ضيفة
21-06-2010, 09:31
ألف شكر أخوي وانتظر تطبيقي قريب

رجعت :) ما أتوب لازم أسأل

في آيسكريم الفستق يحتاج اضيف لون اخصر ولا تطعيم الحليب وخلطة بالخلاط بيكفي عشان يعطيني اللون الأخضر للفستق؟

TOP CHEF
21-06-2010, 01:25
ألف شكر أخوي وانتظر تطبيقي قريب

رجعت :) ما أتوب لازم أسأل

في آيسكريم الفستق يحتاج اضيف لون اخصر ولا تطعيم الحليب وخلطة بالخلاط بيكفي عشان يعطيني اللون الأخضر للفستق؟


هلا والله ...

لو رجعتي للرد اللي ورا بتلاقين كل اللي تبين وحده سألت نفس السؤال وجاوبت بالضبط . :ksho5ey:

what i miss
22-06-2010, 01:14
يوووو احس الموضوع صعب بشكل فظيع
:
ما اتوقع بيوم اجربه
اصلا ماعندي مكينه ايس كريم
:
بس ذا مايمنع اني اشكرك..... لان مواضيعك جدآ مميزه
يكفي تطوري الرهيب في الطبخ بسبب نصايحك وطبخاتك
بس الموضوع يوصل للأيس كريم
ماعتقد
:
دمتم بود

سمية المغربية
22-06-2010, 06:24
أفكار مرة حلوة لكن صعبتها شوي بمكينة الايس كريم
على الاقل قل لنا منين نشتريها انا من جدة ممكن تدلني
وكمان بكم اشترتها انت
شكرا على تعبك الكبير
باين انك تعشق الطبخ

jojo-vip
23-06-2010, 02:58
ماشاء الله عليك دائما مبدع ومتجدد في مواضيعك المتميزه تسلم ايديك وان شاء الله نطبقها

CHEESE CAKE
23-06-2010, 05:02
بصراحة موضوع وافي وكافي كنت ابحث عن طرق الايس كريم بالمكينة...وجا موضوعك بوقته

لكن ما بينت طرق تزيين الايس كريم الاولى الي بدون بيض
ياليت تشرحها بمقادير لان عندي ناس تتحسس من البيض

ومشكور يعطيك كل عافية

TOP CHEF
23-06-2010, 06:06
يوووو احس الموضوع صعب بشكل فظيع
:
ما اتوقع بيوم اجربه
اصلا ماعندي مكينه ايس كريم
:
بس ذا مايمنع اني اشكرك..... لان مواضيعك جدآ مميزه
يكفي تطوري الرهيب في الطبخ بسبب نصايحك وطبخاتك
بس الموضوع يوصل للأيس كريم
ماعتقد
:
دمتم بود


أبدا ترى الموضوع جدا سهل ...مدري وش الصعب فيه ؟ وش ممكن يصير يعني ؟ يحترق مطبخكم ؟




أفكار مرة حلوة لكن صعبتها شوي بمكينة الايس كريم
على الاقل قل لنا منين نشتريها انا من جدة ممكن تدلني
وكمان بكم اشترتها انت
شكرا على تعبك الكبير
باين انك تعشق الطبخ







أنا ما صعبتها بمكينة الإسكريم !! هي شي ضروري هنا ! وتراني ما أطلب في وصفاتي إلا الأجهزة الضرورية دايما ما عمري مثلا بقولك أشتري عجانة عشان تسوين خبز !!! دايما بعطيك البديل لو كان فيه وهنا للأسف مافيه بديل .. إنك تقولين إسكريم بدون مكينة زي إنك تبين تقطعين بصل بدون سكين !!! ههههه

المكينة موب غالية أبدا أشتريتها من كندا والله بحوالي ١٠٠ دولار كندي يعني حول ٣٥٠ ريال والله أعلم ... تلاقينها في جدة في تافولا غالبا بتلاقينه هناك أو يمكن في الدانوب حق الخالديه الدور الثاني . ولو سألتي البنات اللي دوروا يعطونك العلم الصح .




ماشاء الله عليك دائما مبدع ومتجدد في مواضيعك المتميزه تسلم ايديك وان شاء الله نطبقها






حياك الله في أي وقت .. ومشكورة على مرورك ...



بصراحة موضوع وافي وكافي كنت ابحث عن طرق الايس كريم بالمكينة...وجا موضوعك بوقته

لكن ما بينت طرق تزيين الايس كريم الاولى الي بدون بيض
ياليت تشرحها بمقادير لان عندي ناس تتحسس من البيض

ومشكور يعطيك كل عافية











هههه ما يحتاج طرق ... هو نفس الطريقة بالضبط ..



تستخدمين النسبة حقت الكريمة للحليب اللي تبغين ويفضل هنا لو تستخدمين ١٠٠٪ قشطة يعني ٤ أكواب قشطه .. تطعمينها زي ما سوينا عادي بعدين تخلينها تبرد تمااااما وكل ما كانت أبرد أحسن ..

آخر شي تحطينها في المكينة زي الإسكريم العادي !!! يعني هو موب ذاك الفرق أبدا نفس الطريقة .

مدام شباصهـ
24-06-2010, 12:33
ماشاءالله تبارك الله
موضوع مميز من اللي مايحب الايسكريم
والسوربيه هذي حكايه ثانيه وحبيت نكهة الكولا
بس بدري على التطبيق لانه يحتاج جهاز الايسكريم
وبالنسبه لي دايم احس بخوف من استخدام البيض في الايسكريم لكن طمنتنا
الله يجزاك خير
ويعطيك العافيه

*سفونه الليمونه*
25-06-2010, 07:44
لاإله إالا الله تبارك الله
طول عمري اسمع زوجي يقول ترى الرجال افضل من الحريم بالمطبخ وانا معارضته بالمرررررررررررره اقوله عط الخباز خبزه لو اكل نصفه

بس عندك ياتوب نقول ستووووب

بالله كم وزنك>>>>لقافه
بس هذا الشيء اللي يخليني اقول بطلي طبخ وتفنن لان كل ماطبخت لي النصيب الاكبر وكل مالنا بزود الله لايغير علينا

شكل تطبيقي بالايسكريم مطووووووووووول لان مافيه جهاز
بس هذا مايمنع اني ادعيلك واقول الله يوفقك دنيا وااااخره على هالمعلومااااااااااااات الدسمه وهالوصفات العالميه

m!ss l!li
25-06-2010, 07:59
اكيد مليت من كثر اللي قالو لك اننا تحمسنا نسجل عشان مواضيعك ..
بس انا منهم :)


يعطيك العااااااااافيه

мαĐα₥ē
25-06-2010, 10:39
u r CHAMPION

جدا استفدت من موضوعك هذا
كنت اقرأ موضوعك تبع الباستات لان الان بتدرب على النكهات خصوصا انو رمضان قرب ومايشفع لك الا الذاكره وعمل ايدك
ومافيه وقت نرجع للنت
وشفت موضوعك هذا وقريته كله
بس زعلت لانك سبيت بابو <-- تراني احبه خصوصا التوت والفراوله يمممي
ولاني دايما اذا اكلت يسكريم باسكن احسن بغثيان من كثر الدسم فيه بس حبيت نوع النعناع مع الشوكولا السودا






المهم /

عجبني موضوعك كثير واستفدت منه
وان شاء الله بشتري الجهاز قريبا
وفعلا دايما اشوف البلورات الثلجيه في الايسكريم اذا ابطى عندي في الفريزر
او جربت اجمد عصير حتى اسوي سلاش
وعجبني وصفة البسكويت جدا سهله وممكن استفيد منها بوصفات ثانيه


الله يوفقك وينجحك ويحقق امنياتك




:smail heart:

همس الإحساس
26-06-2010, 03:15
ماشاء الله تباركـ الرحمن ،،،
إبـــــداااااع ،،،،
يمممم شهيتيني كثيــــر ،،، يسلمووووو

TOP CHEF
26-06-2010, 09:37
ماشاءالله تبارك الله
موضوع مميز من اللي مايحب الايسكريم
والسوربيه هذي حكايه ثانيه وحبيت نكهة الكولا
بس بدري على التطبيق لانه يحتاج جهاز الايسكريم
وبالنسبه لي دايم احس بخوف من استخدام البيض في الايسكريم لكن طمنتنا
الله يجزاك خير
ويعطيك العافيه

فعلا والله مين ما يحب الإسكريم ؟

ليش الخوف من البيض ؟ الناس مع البيض هذا موضوع غريب صراحة !؟ دايما يخافون منه ...


مشكورة على مرورك ...



لاإله إالا الله تبارك الله
طول عمري اسمع زوجي يقول ترى الرجال افضل من الحريم بالمطبخ وانا معارضته بالمرررررررررررره اقوله عط الخباز خبزه لو اكل نصفه

بس عندك ياتوب نقول ستووووب

بالله كم وزنك>>>>لقافه
بس هذا الشيء اللي يخليني اقول بطلي طبخ وتفنن لان كل ماطبخت لي النصيب الاكبر وكل مالنا بزود الله لايغير علينا

شكل تطبيقي بالايسكريم مطووووووووووول لان مافيه جهاز
بس هذا مايمنع اني ادعيلك واقول الله يوفقك دنيا وااااخره على هالمعلومااااااااااااات الدسمه وهالوصفات العالميه





ههههههههههه الرجال أفضل من الحريم في المطبخ :ksho5ey: والله عاد تبين الصراحة هذي الحقيقة ! ليش ما أدري ؟ اللي أشوفه إنه برا الحريم اللي يشتغلون في المطاعم يشتكون إن المجال هذا مجال رجالي وإنهم لازم يثبتون نفسهم هههههههههههه حنا العكس الحريم يقولون إحنا نطبخ أحسن ؟ مين الصح إحنا ولا هم ؟ ولا الإثنين نفس الشي ؟ هذا اللي ودي أعرفه ؟ والأهم ليش ؟ وش الشي اللي ممكن يخلي الرجال أفضل أو الحرمة أفضل ؟ ....


هههههههههه كم وزني !! سررررررررررررر بس شيلي أي فكرة من راسك موب زي ما أنتي تتخيلين ههههه ...



اكيد مليت من كثر اللي قالو لك اننا تحمسنا نسجل عشان مواضيعك ..
بس انا منهم :)


يعطيك العااااااااافيه




هلا والله .. حياك الله أختي ومشكورة على مرورك ...





جدا استفدت من موضوعك هذا
كنت اقرأ موضوعك تبع الباستات لان الان بتدرب على النكهات خصوصا انو رمضان قرب ومايشفع لك الا الذاكره وعمل ايدك
ومافيه وقت نرجع للنت
وشفت موضوعك هذا وقريته كله
بس زعلت لانك سبيت بابو <-- تراني احبه خصوصا التوت والفراوله يمممي
ولاني دايما اذا اكلت يسكريم باسكن احسن بغثيان من كثر الدسم فيه بس حبيت نوع النعناع مع الشوكولا السودا






المهم /

عجبني موضوعك كثير واستفدت منه
وان شاء الله بشتري الجهاز قريبا
وفعلا دايما اشوف البلورات الثلجيه في الايسكريم اذا ابطى عندي في الفريزر
او جربت اجمد عصير حتى اسوي سلاش
وعجبني وصفة البسكويت جدا سهله وممكن استفيد منها بوصفات ثانيه


الله يوفقك وينجحك ويحقق امنياتك






والله تفريحيني إذا قلتي إنك أستفدتي ... هذا والله هدفي ..


ما سبيت بابو لا تفهميني غلط ! بس أكره إني أقارن بين شي عادي وشي رهيب ! زي ما يسوي ناس كثار ..

البلورات الثلجية اللي قصدك عليها هذي ثلج عادي وجودها طبعا مشككككله في الإسكريم ومعناها الإسكريم خلاص قدم ! بس اللي أقصدها تكون مجهرية وتحسين فيها بلسانك أكثر من إنك تشوفينها .


و أكيد أي شي تشوفينه في مواضيعي أو أي موضوع ثاني موب قرآن منزل أنكتب للوصفة هذي بالضببببط ! كل شي أستخدميه في المكان اللي تحبين .. مثلا قرأتي موضوع الباستات أعجبك واحد من الصوصات مين قال إنها بس تصلح للباستا ؟ :yeyes:



ماشاء الله تباركـ الرحمن ،،،
إبـــــداااااع ،،،،
يمممم شهيتيني كثيــــر ،،، يسلمووووو







الله يسلمك ومشكورة على مرورك ...

صبح تنفس!~
26-06-2010, 10:27
ماشاء الله تبارك الله
الموضوع وصلني صداه من زمان
وتوني شفته لاني انشغلت بامتحاناتي
الله يجزاك خير بجرب بأذن الله انا أثق بالوصفات اللي تقدمها بالمره
جربت البيتزاء وطلعت تماام التمام
وجربت خبز النخالة ماشاء الله طعمه يجنن حيييل
ربي يعطيك العافيه

2OOLIN
27-06-2010, 08:53
بصراحه ابدعتييييييييييييييييييييييي

ماشاءالله تبارك الله

جيتي على الوجع ا

ايسكريم حته وحده والله حراااااااااااااام

تسلم يدك ياستي عقبال مااطبق انا كمان

*وردة*
29-06-2010, 09:43
الله يجزاك خير على الموضوع الرائع...استمتعت بقرائته وعلى طول على سوبيز واشتريت لي علبة ايس كريم و سويت الكونز زي طريقتك كانت ريحته ما شاء الله...بناتي ضحكوا على الاشكال اللي طلعت لنا هذا اللي قدرنا عليه قلنا نسوي البسكوت الحين و بعدين ان شاء الله قريب نشتري الة ايس كريم ونسوي ايس كريم منجا ... يعطيك العافية

ألماس الرياض
30-06-2010, 07:24
الله يعطيك اف عافية ياشيف موضوع مهم ورائع جزاك الله خير

TOP CHEF
30-06-2010, 04:04
ماشاء الله تبارك الله
الموضوع وصلني صداه من زمان
وتوني شفته لاني انشغلت بامتحاناتي
الله يجزاك خير بجرب بأذن الله انا أثق بالوصفات اللي تقدمها بالمره
جربت البيتزاء وطلعت تماام التمام
وجربت خبز النخالة ماشاء الله طعمه يجنن حيييل
ربي يعطيك العافيه


هلا والله ...

الله يسهل عليك إمتحاناتك .


مشكورة على كلامك ومرورك و إن شاء الله تعجبك الوصفات .




بصراحه ابدعتييييييييييييييييييييييي

ماشاءالله تبارك الله

جيتي على الوجع ا

ايسكريم حته وحده والله حراااااااااااااام

تسلم يدك ياستي عقبال مااطبق انا كمان





هلا والله ...


شكلك ملخبطة شوي الله يهديك:weirdsmiley1::weirdsmiley1: ... تراني ولد ههه






الله يجزاك خير على الموضوع الرائع...استمتعت بقرائته وعلى طول على سوبيز واشتريت لي علبة ايس كريم و سويت الكونز زي طريقتك كانت ريحته ما شاء الله...بناتي ضحكوا على الاشكال اللي طلعت لنا هذا اللي قدرنا عليه قلنا نسوي البسكوت الحين و بعدين ان شاء الله قريب نشتري الة ايس كريم ونسوي ايس كريم منجا ... يعطيك العافية





هلا والله ....


الأشكال يمديك ترى تشكلينها أي أي شكل يعجبك .. حتى يمديك تحطينها في قالب بدال ما تشكلينا بيدك أهم شي تشتغلين بسرعة .



الله يعطيك اف عافية ياشيف موضوع مهم ورائع جزاك الله خير



الله يعافيك ومشكورة على مرورك ...

ضيفة
01-07-2010, 06:17
إسكريم الشكولاته :





ذوبي ٢٠٠ جرام شكولاته من أحسن نوع !!! و أخلطيها بعد ما تسوين الكسترد وهو حار . وطعمي الحليب ب نص كوب بودرة كاكاو .






أخلطي معها شكولاته مفتته زي الفليك مثلا في آخر لحظات في المكينة وزيدي القشطة ل ٣ أكواب وينتج لك شي تعرفونه زيييييييييييييييين chocolate mousse royal حق باسكن :verysa3bola: .









أخوي توب شيف



في آيسكريم الشوكولاته لما قلت انزيد القشطة لـ 3 أكواب ، هل تقصد أنه النسبة تكون 1:3 ولا قصدك أضيف كوب كريمة ثالث فيصير المجموع ثلاث اكواب كريما وكوبين حليب؟



سؤالي الثاني، هل يحتاج زيادة كمية السكر كونا نستخدم نص كوب كاكاو مع الحليب؟؟ وكم مقدار الزيادة



مع شكري لك مقدماً


بما أنه بعدك ما رديت ، حبيت أضيف سؤال ثالث بخصوص نوع الشوكليت المستخدم ، هل نستخدم الدارك ولا اللي بالحليب ؟؟

TOP CHEF
03-07-2010, 10:16
إسكريم الشكولاته :






ذوبي ٢٠٠ جرام شكولاته من أحسن نوع !!! و أخلطيها بعد ما تسوين الكسترد وهو حار . وطعمي الحليب ب نص كوب بودرة كاكاو .






أخلطي معها شكولاته مفتته زي الفليك مثلا في آخر لحظات في المكينة وزيدي القشطة ل ٣ أكواب وينتج لك شي تعرفونه زيييييييييييييييين chocolate mousse royal حق باسكن :verysa3bola: .









أخوي توب شيف



في آيسكريم الشوكولاته لما قلت انزيد القشطة لـ 3 أكواب ، هل تقصد أنه النسبة تكون 1:3 ولا قصدك أضيف كوب كريمة ثالث فيصير المجموع ثلاث اكواب كريما وكوبين حليب؟



سؤالي الثاني، هل يحتاج زيادة كمية السكر كونا نستخدم نص كوب كاكاو مع الحليب؟؟ وكم مقدار الزيادة



مع شكري لك مقدماً


بما أنه بعدك ما رديت ، حبيت أضيف سؤال ثالث بخصوص نوع الشوكليت المستخدم ، هل نستخدم الدارك ولا اللي بالحليب ؟؟




نسبة ٣:١ .. طبعا زي ما قلت موب مهم الكميه اللي تسوينها ! لأن في النهاية اللي بيحدد كل الموضوع هو المكينة حقتك في مكاين مساحتها لترين وفيه أقل . لو حطيتي الكمية ٣ أكواب + كوبين حليب كل شي بيمشي بس ماراح تكفي في المكينة بس ! :8: ... دايما أعرفي إنها ٤ أكواب سائل وبس اللي يختلف هو نسبتها لبض .


لا لا تزيدين أي كمية سكر ولو قرأتي الموضوع زين راح تفهمين إن كمية السكر موب شي تلعبين فيه أبببببببببببدا ...


تقدرين تستخدمين الإثنين ! بس فكري فيها شكولاته بالحليب + حليب + قشطه طعم شكولاته ضايع ... في المقابل شكولاته غامقة راح يخف طعمها ويتعادل ... دايما في طبخي أفترضي شكولاته غامقة ( موب خام !!! :stupidme2: غامقة !! ) إلا إذا قلت غير كذا .

ajmal
03-07-2010, 10:52
ماشاء الله ابداع وربي ابداع وبنتظار الجزء الثاني

يسلمو

Princess Soft
07-07-2010, 12:06
,’,

مبدع كلمة قليلة عليك اخي .. شكلي هاخد دروس خصوصي عندك بالطبخ
لاني اعشق الطبخ جداآ ~
يعطيكي الف عافية يارب

لك ودي

’,’

مہلہكہ الدلـــع
13-07-2010, 02:03
جهد كبير

يعطيك العافيه حبوبه

яσsε
17-07-2010, 03:15
روووووووعه كلك ذوق

snowhit
26-07-2010, 01:22
الله يعطيك العافية ....

سويت ايس كريم الفانيلا بفانيلا سايلة لاني مالقيت طازجة بس ان شاء الله

احاول القاه ....وطلعت النتيجة قمة ..الطعم رهيييب ..عيالي يحبون ايس

ماكدونالدز بس طلع احلى منه بمراااااااحل ..مع العلم انه ماعندي الالة لكن بعد

هالتجربة بشتريها باذن الله.....الله يوفقك في الدنيا والاخرة

ضيفة
09-08-2010, 12:27
أخوي توب شيف

بالنسبة للبسكوت ، أقدر أسوي مجموعة من البسكوت على شكل أكواب وأحفظها للتقديم

وشو أفضل طريقة لحفظ البسكوت بحيث ما يطرى ؟

مع الشكر مقدماً

TOP CHEF
09-08-2010, 04:10
أخوي توب شيف

بالنسبة للبسكوت ، أقدر أسوي مجموعة من البسكوت على شكل أكواب وأحفظها للتقديم

وشو أفضل طريقة لحفظ البسكوت بحيث ما يطرى ؟

مع الشكر مقدماً



تقدرين طبعا تسوين مجموعه بس ماراح تعيش لوقت طويل معك يعني يمكن أسبوع أسبوعين في الثلاجه .

حطي البسكوت اللي تسوينه في علبه ، وهي طبعا راح تلين معك بس يعتمد على الرطوبه يمكن أسبوع تقعد عشان تلين ويمكن أقل .. بس عشان ترجعينها تقرمش مره ثانيه حطيها في فرن ٣٥٠ ثواني بس وبتلاقين إنها رجعت لينه زي أووول مره يعني بعد يمديك تعيدين تشكيلها وبعدين بترجع تجمد بالضبط زي أول مره سويتيها .

غلا روحي99
30-08-2010, 03:03
رووووعه
تـسلم الآيادي
اشكرك على روعة متصفح ــك
الذي " يضيء " دوم ــا بكل مآ هو مميز
لآ تــحـرمينا جديدك
فأنا بآلآنتظار
كل الورد لروحك.، (http://www.r-3tr.com/vb/)]| (http://www.r-3tr.com/vb/)

Mûre ~
30-08-2010, 03:23
ماشاء الله تبارك الرحمن علــيك

بالتفصيل ,, والدقــة

يعطيك الف عافية يارب :cheery:

ميمي جده
02-10-2010, 04:00
مبدع ماشاء الله

حلوة المعاني
02-10-2010, 09:13
ابداع × ابداع ..

عساك عالقوة ودوم التميز يارب ..

جيفارا
02-02-2011, 08:09
رائــــــــــــــع أسعدك ربي أن شاء الله

رغم السهولة لكن لازم نتخذ الخطوات و المكونات بعناية

puzzle
06-05-2011, 11:45
احسه صعب :خايف:

بس مرة بطلة

يعطيك الف عافية توب شيف

um jawad
10-05-2011, 08:57
آااااه عالجرح
أموت في الأيس كريم وأعشقه عشق مو طبيعي

شكراً شكراً شكراً على الموضوع الحلو والمفيييد جداً

سرقت آلة الآيس كريم من بيت أهلي << صرنا حراميه بسببك ههههههه
الآله اللي عندهم قديمة جداً كانت هدية بمناسبة انتقالنا إلى بيتنا الجديد قبل 15 سنة :weirdsmiley1:
وما أستخدموها غير مرة وحدة بس وكان خليط الآيس كريم جاااهز :stupidme2:


صار للوعاء يومين بالفريزر واليوم راح أجرب آيسكريم الزبدة المالحه بالكراميل ومتحمسه له لآخر درجة:يابي:
لكن بصراحة ما راح أغلّب نفسي في تذويب السكر وراح أستخدم كراميل جاهز :stupidme2:
يا رب تشتغل بعد هالعمر وما تنكب بي

um jawad
11-05-2011, 02:20
وتم التنفيذ والحكاية سهله مش متعب أبداً
أنا اللي عملت الكراميل لأني خفت يطلع مب لذيذ بالكراميل الجاهز
أو أفشل في ضبط مقدار الحليب مع الكريما إذا كان الكراميل سائل أو جامد أكثر من اللازم

ولدي قام من النوم وهو يصرخ وقت تذويب السكر < رحت آخذه وأحترق السكر شوي
وصار لون الأيسكرم غاامق وطعمه مرّ شويووووونه < زوجي لاحظ انه مرّ أما أنا عجبني وأدمنته :6:

مكتوب على كاتلوج الآلة أن تأخذ بين 30 - 40 دقيقة ويكون الآيسكريم جاهز
وظلت تشتغل ساااااعة كاااملة وأنا كلما أروح أشوف الآيسكريم ما تغير سااااائل
في النهاية زهقت وحطيته في حافظة زجاج وعالفريزر وكل ساعة أو ساعتين أفتح الفريزر وأحرّك الخليط
ان شاء الله قريب أشتري لي ماكينه آيسكريم وأتفنن بالنكهات الثانية

وهنا النتيجة الأقل من متواضعة << تفشّل شويتين
وعليه هرشي شوكلاة < زيادة سعرات :1:

http://www.m5zn.com/uploads/2011/5/10/photo/0510111505295ypw3nalkwu5cxr.jpg