المساعد الشخصي الرقمي

مشاهدة النسخة كاملة : English Online << انجح طريقه لتعلم الانجليزي وانتي بالبيت !!


angel girl
29-09-2010, 03:39
http://up.shamoa.com/uploads/images/shamoa-fab9e9da70.jpg (http://up.shamoa.com/uploads/images/shamoa-fab9e9da70.jpg)



Let's Learn English


مساء الخير بنات,, أتمنى تكونوا بصحة وعافية,,



كم وحده مننا ودها تتعلم انجليزي...!
ما تبي تتورط لما يكلمونها بالانجليزي بالمحلات والا اذا سافرت برا ا:7:
وكثير مننا ودهم يقرون كتب معينه بس اللغه تعيقهم,,
وكثير مننا عندهم الاساسيات ويعرفون بس تنقصهم الجرأه.,,

الطريقه اللي بقولكم عنها مو تقليديه أبدا ,بس يبيلها رغبه بالتعلم وجديه.


^

^
^




لا شك أن من أفضل الطرق لتعلم اللغة الإنجليزية بفعالية هو تعلمها من ناس لغتهم الأم هي اللغة الإنجليزية ( امريكان – بريطانين –
استراليين – كنديين...... ) وللأسف عانيت كثير عشان ألقى مدرسة امريكية أو بريطانية و إذا لقيت تكون بمبالغ غير معقولة :زعلان:
وبصراحه المعاهد ماهي الخيار الأمثل على الرغم من ان بعض المعاهد مدرسينهم Native speakers


طيب وش الحل ؟!


الحل هو انك تتعلمين الإنجليزية من متحدثيها وانتي قاعده بالبيت و بالوقت اللي تبينه عن طريق Skype>>> فيه أحسن من كذا
ببساطة اختاري المدرسة اللي تبينها واتفقي معها على عدد الساعات والاوقات اللي تناسبك. حولي لها المبلغ اللي اتفقتوا عليه وابدأي:يابي:

الطريقه ممتعة وخطواتها سهلة ونتايجها مضموونه >> اضمن لكم تصيرون بلابل بالانجليزي,,:ksho5ey:


ركزوا معي بالخطوات>>

أول شيء لازم يكون عندك:

1- http://up.shamoa.com/uploads/images/shamoa-659235a19a.jpg (http://up.shamoa.com/uploads/images/shamoa-659235a19a.jpg)
2- حساب Paypal
3- برنامج Skype



نبدا سوا >>

1- تكوين حساب ب Paypal


http://up.shamoa.com/uploads/images/shamoa-0ccae12d19.jpg (http://up.shamoa.com/uploads/images/shamoa-0ccae12d19.jpg)

نبـذه عن الموقع :
يعد الموقع كالبنك الإلكتروني المتنقل الذي يحتفظ برصيدك الإلكتروني والحفاظ عليه من انتشار رقمك السري لبطاقتك الإئتمانية.
فكرته باختصار ربط بطاقتك( الفيزا- الماستر كارد) بالحساب الالكتروني وبكذا اذا اتفقتي مع المدرسة تحولين لها المبلغ باستخدام ايميلها فقط.

المميــــزات :
1 - طريقه آمنه جدا في استخدامه
2- غالبية المدرسين والمدرسات يتعاملون فيها.
3- ماراح تكونين بحاجه كل مره لإدخال معلومات الفيزا او الماستر كارد تبعك.

نبدأ مع خطوات تكوين الحساب:

اولا: ندخل إلى الموقع هنـــا (https://www.paypal.com/sa/cgi-bin/webscr?cmd=_home-general&nav=0)

ثانياً : اضغطي على Sign up كما هو موضح في الصورة .

http://up.shamoa.com/uploads/images/shamoa-4137e7e075.jpg (http://up.shamoa.com/uploads/images/shamoa-4137e7e075.jpg)

ثالثــــاً :

http://up.shamoa.com/uploads/images/shamoa-082961a52b.jpg (http://up.shamoa.com/uploads/images/shamoa-082961a52b.jpg)

1- اختاري دولتك
2- اختاري لغتك
3- اضغطي على Get started

رابعــاً: عبي البيانات كما هو موضح في الصورة.

http://up.shamoa.com/uploads/images/shamoa-bc2355d88f.jpg (http://up.shamoa.com/uploads/images/shamoa-bc2355d88f.jpg)


http://up.shamoa.com/uploads/images/shamoa-455fff1dcd.jpg (http://up.shamoa.com/uploads/images/shamoa-455fff1dcd.jpg)


http://up.shamoa.com/uploads/images/shamoa-c164062cff.jpg (http://up.shamoa.com/uploads/images/shamoa-c164062cff.jpg)




الآن صار عندك حساب لكن يحتاج لتفعيـل بخطوتيـن:

1- راح يرسلون لإيميلك رسالة لتفعيل الحساب.
2- عشان يتأكدون ان البطاقه اللي تستخدمينها هي لك راح يتم خصم مبلغ دولارين اظن والمطلوب هو
انك تطلبين كشف حساب لبطاقتك من البنك وتدخلين ارقام من هالعمليه بس نسيت بالضبط ايش اظن أنها آخر
ثلاث أرقام عالعموم راح يكتبون لك المطلوب بالضبط وراح يرجع لك هالمبلغ بعد تفعيل الحساب.

حسابك جاهز لأي عملية شراء من النت. اذا اتفقتي مع مدرسة راح ترسل لك ايميلها. تدخلين
حسابك وتختارين Send money وتحطين ايميل المدرسة. بكذا يكون المبلغ تحول للمدرسة وانخصم من فيزتك :صغنن:

2-نحمل برنامج Skype مجاناً من هنــا (http://www.skype.com/intl/en-us/get-skype/on-your-computer/windows/)

وللي مايعرف هالبرنامج ,هو مثل الماسنجر. تضيفين جهات اتصال وتتواصلين معهم كتابياً و صوتياً >> بس هالمره راح تكون دروس مو سوالف :ya`a`h:



اللحين كل اللي تحتاجينه لاب توب + سماعات ومايك + اتصال ممتاز بالإنترنت.
واختار أي مدرسـه تبينها .


طيب بس من وين ألقى مدرسااات يعطون دروس online??




*مصادر للحصول على المدرسة:


1- Google : تبحث عن Online English teachers – American teacher via skype…

2- موقع Buddy school :
Buddy school (http://www.buddyschool.com/english_tutor.html?pa=94)

3- من skype نبحث عن جهات اتصال باسم مثلا English tutor- English teacher



بالنسبه للأسعار تتراوح بين المرتفع مثل 25$ للساعه وبعضهم 6$ للساعه. وعلى فكره يحق لك تطلبيTrial lesson قبل ما تشترين المقصود هو درس تجريبي وبعدها تقررين. وحددي معها لو حابه ايش تبغين بالضبط Conversation_ Grammer- General English والا كل شي>>


English Teachers تعاملت معهم:

1- UmMaryam
رااائعه جدا واسعارها الاروع. اللي يميزها انها بريطانيه (مسلمه). روحها حلوه. دائما تقولي ودي ادرس بنات مسلمات.
فوعدتها اني اساعدها فبليز اذا سألتكم من وين حصلتوني قولولها من موقع عربي .

Skype ID: Englishtutor >> اضيفوها وادعوا لي

2-Lisa Smith
امريكيه برضو كويسه بس اسعارها غاليه مقارنه بغيرها.


Skype ID: Lisa


3- Sherry Kassam
كنديه مسلمه ما تعاملت معها صراحه بس ممكن تجربونها.


skype ID: Sherry Kassam


4- Treasa
ايرلنديه ممتازه ارتحت لها كثير.


Skype ID: iteacher






ماتتخيلون شلون الطريقه مفيده وراح تحسون انكم قاعدين
تتطورون بشكل سرييع,, خلونا نستغل قعدتنا على النت بشي يفيدنا
ونستخدم التكنولوجيا بحاجه تطورنا.


أتمنى انكم توصلون للمستوى اللي تطمحون له وتصيرون بلابل بال English:5:

أي استفسار انا حاضره,, واعذروني على اي قصور لأني أول مره انزل موضوع كذا :7:


Best of luck






P.S : الموضوع من اجتهادي وحقوقه محفوظه
لأي وحده حابه تفيد الناس, دعواتكم.

Reham
29-09-2010, 06:45
انتتتتتتتتتتتتي بطللللللللة
صراحة كلمة شكر قليله بحقك
عمل ومجهود متعوب عليه
ماتتخيلين قد ايش كنت بحاجة لمثل الشي
تقدررررين تقولين كانك تقرين افكااري مثلا خخخخخ ؟؟
الله يجزاك خيرؤ و يوفقك وتستاهليين احسن تقييم :)
keep on honey :)

احلى حلوه
29-09-2010, 08:37
وااااااااااااو الفكره جداا رائعه سلمت يداك..

angel girl
30-09-2010, 12:04
Reham
والله يسعدني اني افيدك ولو محتاجه اي شي اساعدك فيه لايردك شي :7: >> ولانتسين تعلمينا عن تجربتك,,,



احلى حلوه
الله يسلمك,,شاكره لك مرورك>> بالتوفيق

Reham
30-09-2010, 12:35
ياحبيبيتي والله تسلميين ماتقصريين >>>اخجلتيني بطيبتك :$
اممم حبيت استفسر اذا البطاقة المسبقة الدفع عند البنك الاهلي وغيره تنفع لانو ماعندي فيزا :( ؟؟
واذ كلش ماتننفع بسالك عن اللي حطيتي اسمائهم هالقروب هذا بفلوس ولا لأ ؟
لاني حابة ادخل بمحادثات مع بنات اجنبيات مسلمات وان ماحصل مسلمات مو مشكلة الموهم على الاقل ابغى اسوي speaking صراحة ماعندي احد اتكلم معاه انقلش والاهم بالانقلش speaking
يعطيك العافييه ماتقصرين ياعسسسل ,, ربي يسعد قلببك :)

angel girl
30-09-2010, 04:50
Reham

ياهلا وغلا,,
بالنسبه لبطاقة الأهلي Master Card أيه نعم تصلح ,,
المدرسات اللي حطيتهم مو مجاناً للأسف لازم تدفعين

و عشان تستفيدين أكثر اتفقي مع المدرسه انك تبين تطورين ال speaking Skill وبكذا التمارين اللي تسوونها كلها تكون مركزه على ال Speaking. وبالتوفيق :صغنن:

ام درر
02-10-2010, 03:03
تسلمي يا قلبي على الموضوع الأكثر من رائع
جيتي على الجرح
بس ابسألك؟؟؟؟؟
##لما ادرس مع المدرسه لازم فيديو؟؟
##وخبرينا عن تجربتك كيف كنتي يعني مرررررره ميح في اللغه ولا عندك خلفيه بسيطه وكيف صرتي اللحين؟؟؟
##وكم المده اللي درستيها بهذي الطريقه؟؟وهل تلاحظين فرق؟؟
##وهل استطيع ادرس في اى وقت يعني حتى لو في الليل بعد ما ينام الكل ويرووق لي الجو ؟؟

Be Happy
02-10-2010, 07:05
فكره روعه الله يعطيك العافيه ..

angel girl
04-10-2010, 07:10
ام درر
ياهلا,,


بالنسبه للفديو فهو موضروري ايدا,, بس مكالمه صوتيه تكفي
بصراحه انا مو ميح بالانجلش بس كانت عندي مشكله بال speaking يعني كنت محتاجه اني اتدرب ع المحادثة اكثر ,, وعشان كذا لما اتفقت مع مدرسات قلت لهم ما ابي تشرحون لي قرامر وهالاشياء ابي بس نسولف وهم يصححون اخطائي :7:,, وبصراحه حسيت بتطور كبير ,, اهمها اني تجرأت,,

و أيد تقدرين تاخذينها بأي وقت متى ما روقتي,, يعني لما كنا باجازة الصيف اخذت الدروس الساعه ثلاث الفجر لأني اكون مصحصحه هالوقت :صغنن:,, و بعدين مع مدرسه ثانيه اخذتها ثمان بالليل,, يعني حددي الوقت واذا كان يناسبها اوكي,, ولاتنسين انو فيه فرق بالتوقيت بيننا وبين امريكا ,, يعني اللي بدري عندنا يكون متأخر عندهم والعكس,, اتمنى اني افدتك>>>


Be Happy
الله يعافيك,, نورتي

what i miss
16-10-2010, 07:44
نفسي اتشجع واجرب طريقتك
بفكر بالموضوع بشكل جدي

عبووووره
25-10-2010, 08:07
تسلميين والله اختي

بجد استفدت كثيييير

ربي يوفقك

|[ s m a s h e r ]|
27-10-2010, 02:39
مـ قصرتي

الـ غ ــلا لك وحدك
31-10-2010, 03:31
حلووووووووووو كثير يعطيك العافيه

إلى متى ؟!.
02-11-2010, 03:27
فديت روحك
وربي استانست مره لما قريت موضوعك تكفين شجعينا اكثر
بس بغيت اسالك عن اسعارهم في حدود كم ؟
تسلمين والله

angel girl
02-11-2010, 11:55
ياهلا وغلا بكل اللي نوروا موضوعي,,

إلى متى ؟! >> جربي وراح تدعين لي,, اولا ممتع بشكل كبير وغير كذا راح تلاحظين ان مستواك تطور

, بتصير السالفه ادماان عندك>> اللحين انا كل فتره اجرب مدرسه جديده واللي ارتاح معها احجز دروس مره ثانيه.. بالنسبه للاسعار معقوووله جدا,,, بس يعتمد على حسب المدرسه,, بالنسبه لي اللي اتفق معهم يكون 5 ساعات ب 200 ريال>> بلاااش,,

لو حابه سعر اقل راح تلاقين,, ولو فيه ايه استفسار يسعدني اخدمك.

بالتوفيق.

samah 06
13-11-2010, 10:08
الصراحة طريقة كثير حلوة ممكن تعطيني نبذة عن الاسعار

[miss~zizi]
14-11-2010, 04:40
مشكوره غاليتي استفدت مرره خصوصا إني آتهيب إني أدور باإعلانات عامه أخاف ما أحصل مسلمين بس سهلتي الطريق علي وشجعتين ،،،
الله يجزاك الجنه ،،،،
أنا الحمدلله بلبل صامت>> ماتجي يعني الحمدلله بالكتابه ماشيه صح بس المحادثه نو,, كلمه وحده ماعرفته تعيقن ومشكلتي أستحي من الخطأ :خايف: ،،
بس لو صرت بلبل من العناوين اللي عطتين رااح أدعيلك طول حياتي ،،،:3:

موونـ
15-11-2010, 03:34
موضوووووعك مرررررررررررره حمسني

وصدقيني حزعجك كثيييييير

انا قريت الموضوع وقلبتو في راسي وقلت لبويه عليه وتحمس كثييير وقلت لخويه واخذ الموضوع وحطو عندو في الفضله

حمستييييني كثيير

انا بصراحه ميييح في الانقلش

بس مادري كيف حقدر اتعامل معاهم

وفي نفس الوقت انا ابغا اكثر شي المحادثات وبعدين اشوف الباقي

لاني نوايه اخذ التوفل بس عقدتي هذا الانقلش

ان شاءالله بعد العيد وحوسته ارجعلك واشوف

بس ابغاك تشوفيلي في ناس زيي مايعرفو شي ويستفيدو

ولا لازم يكون عندي خلفيه بسيطه << وانا والله ما عندي منها شي

تسلمي حبيبتي ع الموضوع والله يكتبلك الاجر

تحياتي لك ... ولي عوده

angel girl
15-11-2010, 10:57
samah 06 >>> بالنسبة للاسعار زي ما قلت تتراوح بين 25 الى 10 دولار للساعة وفيه اقل بس بصراحه اخذت دروس عند وحده ب 25 دولار للساعه وماشفت فيها اي شي مميز,, يعني اشوف ان 10 دولار للساعة معقول جدا ,, فلا تحاتين الاسعار بتلقين اللي يناسبك,, ولو انتي حابه اقل من هالسعر فيه فلبينيات فيه وحده فلبينيه مره شاطره تدرس بجامعة هناك وال accent تبعها مره مضبوط وتعطي بالساعة 5 دولار:3: لو حابه اعطيك ال ID تبعها>> بس بالعموم انا افضل native speakers


[miss~zizi]<< تسلمين ياقلبي,, وصدقيني الطريقه اسهل مما تتخيلين خصوصا انك بتكلمينها لحالك يعني ماتقولين حولك احد وتخافين تغلطين:خايف: ,, اغلطي وهببي براحتك اصلا لو ماغلطتي ماراح تتعلمين,, عقبال ماتصيرين بلبل قريب ان شاء الله,,,

موونـ >> تسلمين ع الدعوه يالغاليه,,
شوفي اذا تبين نصيحتي من الافضل انو يكون عندك اساسيات اللغه وبعدين ابدأي مع اجنبيه وبكذا تصير الدروس اللي تاخذينها فعاله اكثر وتستمتعين فيها ما تكون هم على قلبك ..
سألت وحده من المدرسات اذا كان عندهم طلاب Beginners وكيف يتعاملون معهم.. قالت عادي عندها طالب كوري مايعرف ولاشي بس تقول قرائته ممتازه بس انه مايعرف يتكلم كويس ,, فعادي لاتشيلين هم ..

موونـ فيه موقع مرره حلو لو انتي مبتدئه بالانجلش فكرته حلوه ممكن تبدين فيه لمدة شهر مثلا وبعدين تتفقين مع مدرسه,, لو حابه اشرح لك فكرته ,, لايردك الا لسانك ,, ماراح اقصر باللي اقدر عليه,,,

دعواتكم ربي يسهل علي الاختبارات,,:صغنن:

موونـ
20-11-2010, 05:08
فديييييييييييييييييييييت روحك حبوووبه


ايوه ايوه ايوه ابغاك تشرحييلي وبالتفصيل ولساني ماحيردني ان شاءالله


والله يوفقك ويسهل عليك كل صعب


ويسعدك دنيا واخره

angel girl
25-11-2010, 01:01
اهلا مونـ ,,

زي ماقت لك من الأفضل ان يكون عندك خلفيه بالانجلش عشان تستفيدين,,
فيه موقع حلو اشتركت فيه فتره الاجازه بس لما رجعت الدراسه وقفت الاشتراك لان احس يبيله الوحده تكون عندها وقت ,,

باختصار الموقع جدا حلو,,

اول ما تسجلين يسوي لك اختبار لتحديد المستوى ويحدد مستواك,, وبعدين يصير لك ملف لك فيه وحدات كل وحده لها موضوع معين و فيها تدريبات على كل المهارات listening- writing -reading وهكذا ,, وتحلين عليهم اسئله لما تكملين الوحده كلهايجيب لك وحده جديده بتمارين جديده,,

طيب ايش مميزات هالموقع؟!

1- في كل وحده تمرين على ال writing طيب شلون؟
يطبون منك كتابة paragragh قصير عن موضوع معين يتعلق بموضوع الوحده,, وبعدين ترسلين موضوعك للموقع بظرف يومين على الأكثر واحد من المدرسين اللي بالموقع راح يصحح موضوعك ويرسل لك اخطائك بالشرح>> فيه احسن من كذا :3:
وطبعا يعتمد عى حسب مستواك يمكن في المستويات المبتدئة يكون بس جمل مثلاً >> يمكن,,

2- من اهم مميزات هالموقع الجميل انو على مدار 24 ساعه فيه كلاسات لمستواك الي تحدد في البداية :صغنن:

يعني بأي ساعه باليوم انتي فاضيه ادخلي الكلاس وممكن تدخلين اكثر من كلاس باليوم>> لاكبر قدر من الفايده..
الكلاس عباره عن محادثه صوتيه ,, فيه استاذ/ه وطلاب من كل انحاء العالم( كوريا, الفلبين, الصين..) احيانا يكون مافيه الا 4 او 5 طلاب,, يشرح لكم الأستاذ/ه ويسأل اسئله وانتم تجاوبون وشاشة كلكم تشوفونها ويكتب لكم الاجابات وكل شي بشكل واضح,, ولو حابه تكونين مستمعه بالبدايه براحتك لحد ما تاخذين على الوضع,, وفيه زر تضغطينه اذا انتي حابه تشاركين,,> مره حلو ومفيد للي حاب يستفيد

3- تصميم الموقع جدا رائع وسهل الاستخدام,, وبعد كل فتره يقول لك مستوى التقدم اللي حققتيه,,
في كل وحده فيه زي مقاطع تمثيليه ممتعه بنفس الموضوع,, يعني صدقيني السالفه بتصير وناسه :يابي: ,,

4- ممكن تشتركين >> بحيث كل يوم يرسلون لك ايميل فيه درس انجلش>> وهذي الخدمة مجانيه .

طبعا الموقعا بفلوس تدفعينها شهرياً :5:
لكن ممكن يعطونك 7 ايام تجربه مجانيه,, اذا اخترتي تاخذين التجربة المجانيه لازم تدخلين رقم الفيزا تبعك,,

ملاحظه هااامه:
لو ماحبيتي تكملين بعد السبع ايام على طول كنسلي عضويتك والا راح يسحبون مبلغ من حسابك قيمة الشهر اللي بعد التجربه,,
يعني هم طريقتهم يخصمون المبلغ اوتوماتك كل شهر لحد ما تلغين عضويتك,, فانتبهي,,

يمكن اكون نسيت اشياء لاني من زمان اشتركت فيه>> اعذريني

الموقع:
Englishtown

http://www.englishtown.com/online/home.aspx


اهم شي يكون عندك الرغبه وكل شي يصير سهل,,
واي سؤال انا حاضره,,


بالتوفيق :3heart:

موونـ
25-11-2010, 06:41
تسلميييييييييي ربي يوفقك في دراستك وحياتك وكل حاجه

من جد وربي افدتيني

الله يكتبها لك في كل حرف اجر

تحياتي لك

خ ـــدود القمـــر
25-11-2010, 10:53
واااااااااو طريقتك مره حلوه
الله يعافيك ماجا في بالي هالطريقه ابد

بس المشكله انا في الجامعه واختبارات وتطبيق ميداني ومرره مشغوله هالسنه
ان شاءالله بجرب طريقتك بالعطله الصيفية

شياكه
26-11-2010, 12:15
فكره جديده

شكرا

ℓiкέ мόόή
10-12-2010, 02:16
مشكوره بجد حبيبتي وجعله بميزان حسناتك الفكره ممتازه حيل
انا توي داخله قوقل ابحث عن المحادثه عبر الماسنجر متوفره ولا لاء والا اذا بي اطيح بموضوعك وبجد تسلمين عليه
بس عندي مشكله لو ماعندي فيزا كارت مثلا
تعرفين طريقت الدفع بالبطاقات المشحونه عن طريق البنك انا سمعت عتنها بس مااعرف عنها الكثير
يعني الي سمعته انك تطلعين بطاقه مثل الفيزا بالمبلغ الي تبيه 500 - 1000 مثلا الخ وتستخدمينها عن طريق النت للدفع لاي شي تبينه
طبعا انا مااعرف الا هالمعلومه لو عندك التفاصيل ياليت تفيديني

وبرضو عندي موقع للبنات راح يفيدهم حيل للقرامر او محادثه والكتابه والقرائه مثل الي حطيتيه

ميزته انه لجميع اللغات بعد ممتاز / انجليزي / فرنسي / اسباني / ايطالي / ياباني / كوري / تركي / اي لغه تخطر على بالك تلقينها فيه

ومن مميزاته الترجمة متوفره والنطق متوفر بالعربي

اتمنالكم تصفح ممتع على ...

http://www.livemocha.com/

سامحوني بنات الوقت متاخر ودخلني النوم ومافيني اشرح الدخول عليه شلون بس لو صادفكم اي سؤال او استفسار انا حاضره

مشكوره حبيبتي على هالموضوع الروعه كثير وبتابع معكم باذن الله

نايس وردة
10-12-2010, 02:24
على قولتك يا عسل .. احسن طريقة من اصحابها تاخذيها .. :yaho:

والله الفكرة مررة خطيررة .. واول مررة ادري عنها ..

ما اعرف انو المدارس تعمل شي زي كدا ..

بس كويس اتستفادوا من السكايب ..


ياررب يسهل ويوفقك في تعلمك للغة .. ويسهل للجميع :cheery:

ℓiкέ мόόή
10-12-2010, 04:42
واي بنات انا منخرشه حيل فتحت برنامج السكايبي واضفت معلمات وش كثرهم والحين قاعده اكتب انا ووحده بس معها كلاس قالت بترجعلي بعد 20 دقيقه
يحليلهم حياتهم مابها عقد مثلنا كل شي عندهم عادي
المهم انتظر الكلام معها ونشوف وش نوصل عليه

وبوافيكم بالاخبار

تخيلو برنامج السكايبي عندي من سنين ماعمري فكرت استعمله الا اليوم

angel girl مشكوره يا قلب

ℓiкέ мόόή
10-12-2010, 05:36
angel girl انا توي تكلمت معها بالمايك وشفتها
وقالتلي انها تعطيني 20 ساعه ب140 دولار
يعني بحدود 525 ريال

مبين عليها اغلى من الي قلتي عليهم

كيف تشوفي انتي السعر.... و جنسيتها فلبينيه ...

angel girl
10-12-2010, 06:02
والله انبسطت من ردودكم,,,

ان شاء الله تستفيدون يارب,,

ℓiкέ мόόή,,, ماشاء الله عليك تعجبيني على طوول نفذتي الفكره>>>
بالنسبه للسعر حلو بس اذا تبين نصيحتي لا تشترين 20 ساعه مره وحده,, لان ممكن بعد كم درس تملين من المدرسة والا ما تعجبك طريقتها وبكذا ماتقدرين ترجعين فلوسك..

احسن تشترين في البدايه بس ثلاث ساعات واذا اعجبتك تستمرين معها,,, ترا بعضهم يصيرون مملين وتصير الدروس هم عليك,, ابدي على شوي شوي (:


على فكره فيه وحده امريكيه توني طايحه عليها سعرها مرره حلو>> غالبا الامريكيات غاليات بس هذي حلو سعرها وهي بعد روحها حلوه

اسمها Smantha
اذا تبين اعطيك اسمها بسكايب >> بالتوفيق ياعسل

ℓiкέ мόόή
10-12-2010, 06:32
منوره angel girl يالغاليه مشكوره على مرورك ياليت تتابعي معانا هنا كل يوم لين نستقر بس ماقلتيلي

كم لك بهالمجال على النت وSmantha كم سعرها بالشهر ماقلتي ؟؟

واذا لك رغبه نلتقي سكايبي

ℓiкέ мόόή
10-12-2010, 06:37
غلاتي انتظر ردك على استفساري ؟؟


مشكوره بجد حبيبتي وجعله بميزان حسناتك الفكره ممتازه حيل
انا توي داخله قوقل ابحث عن المحادثه عبر الماسنجر متوفره ولا لاء والا اذا بي اطيح بموضوعك وبجد تسلمين عليه
بس عندي مشكله لو ماعندي فيزا كارت مثلا
تعرفين طريقت الدفع بالبطاقات المشحونه عن طريق البنك انا سمعت عتنها بس مااعرف عنها الكثير
يعني الي سمعته انك تطلعين بطاقه مثل الفيزا بالمبلغ الي تبيه 500 - 1000 مثلا الخ وتستخدمينها عن طريق النت للدفع لاي شي تبينه
طبعا انا مااعرف الا هالمعلومه لو عندك التفاصيل ياليت تفيديني

وبرضو عندي موقع للبنات راح يفيدهم حيل للقرامر او محادثه والكتابه والقرائه مثل الي حطيتيه

ميزته انه لجميع اللغات بعد ممتاز / انجليزي / فرنسي / اسباني / ايطالي / ياباني / كوري / تركي / اي لغه تخطر على بالك تلقينها فيه

ومن مميزاته الترجمة متوفره والنطق متوفر بالعربي

اتمنالكم تصفح ممتع على ...

http://www.livemocha.com/

سامحوني بنات الوقت متاخر ودخلني النوم ومافيني اشرح الدخول عليه شلون بس لو صادفكم اي سؤال او استفسار انا حاضره

مشكوره حبيبتي على هالموضوع الروعه كثير وبتابع معكم باذن الله

angel girl
10-12-2010, 08:19
يالنسبه لاستفسارك,,

كلامك صحيح,, ممكن تروحين للبنك الاهلي وتطلعين البطاقه بس ما أدري وش اسمها صراحه اظنها بطاقه مسبقة الدفع,, وتشحنينها بالمبلغ اللي تبينه,,,

انا طحت بهالحركه من اجازة الصيف اللي راحت ,,, ومره مبسوطه عليها
غالبية المدرسات مايعطون دروس بالشهر لا بالساعات,, يعني تشتري مثلا اربع ساعات وتحددين اوقاتها >>

بالنسبة للمدرسة الامريكيه Smantha بالساعه تاخذ عشره دولار ,,>> اشوف السعر مره حلو

متابعه معك,, واي سؤال انا حاضره.. بالتوفيق

دبدوبة سكر
10-12-2010, 08:27
مررررره حلووو

طيب كم ادفعلهم فلوس وادفعلهم بالشهر ولا كيف

ℓiкέ мόόή
10-12-2010, 10:48
هلابك من جديد angel طيب Smantha هي تابعه لمدرسه ولا بس كذا تدرس

ولو ابي ادفعلها ادفع لكل ساعه ولا مثلا لكل 5 ساعات مره وحده

ببحث عنها الحين واشوف بس هي متى مواعيد تواجدها

ها ماودك نلتقي سكايب <<< فرحانه الاخت اول مره تدخله سكايب

ℓiкέ мόόή
10-12-2010, 10:50
انجلا دخلت اسمها Smantha طلعلي عشرطاشر اسم منهي فيهم loool...

angel girl
11-12-2010, 12:46
اهلا,,

بالنسبه للمدرسة هي تشتغل لحسابها وغالبيتهم يشتغلون لحسابهم مو تبع شي,,
بالنسبة للساعات,, انتي براحتك تبين تحاسبين لساعه وحده بس والا خمس مع بعض والا ثلاث اللي يريحك,, وحسب ماتتفقون..

هذا ال ID تبعها ولها موقع بعد

samantha.pankey
وهذا الويب سايت
http://easyenglishonskype.webs.com/

بالتوفيق,,

ℓiкέ мόόή
11-12-2010, 02:58
اهلين angel سعيده فيكي وبتواجدك وباهتمامك بتواصلك فينا من خلال موضوعك
وحبيت فيكي حب نشر الخير للكل

ياليت انجلا نكلميني عن مدى استفادتك من هالمجال وهل لقيتي استفاده ملحوظه عليكي؟؟

يعني هل تغيرتي عن اول ما بدئتي معاهم وكيف كان مستواكي وكيف صرتي؟؟

واذا على كلامك من الصيفيه باديه معناه لك 6 شهور

هل في 6 شهور انجليزيتك تحسنت بسرعه ولا تتوقعي الانجاز على النت بطيئ ؟؟

في انتظارك ياقلب ...

Zωεz ‹з
11-12-2010, 04:04
thnQ
enshalla alkl yestfeed
fekra 7elwa (Y)

ℓiкέ мόόή
11-12-2010, 05:49
انجلا احلى بوسه مني ليكي وااااي على samantha تخبل
تكلمت معها توي وياقلبي تهبل روحها حلوه وفرفوشه ياملح ضحكتها
سئلتني انتي عن طريق مين عن طريق شمواه قلتلهها ايه وقلتلها اسمك بالمنتدى بس ماعرفتك يبعدي مدري وش اسمك معها
على العموم اطلبي حق الدلاله منها loool:7:
تقول 12 دولار على الساعه

ياحبيلك انجلا جعله بميزان حسناتك...

ℓiкέ мόόή
12-12-2010, 09:32
اهلين حبيباتي حبيت انقلكم طريقة بطاقات الفيزا والماستر كارد الالكترونيه الخاسه بالشراء عبر الانترنت للي ماعنده بطاقة فيزا وماسترد كارد

البطاقة من بنك الراجحي

اسمها تسوق وهية فيزا فورية ومسبقة الدفع

رسوووم الاصدار ١٠٠ ريال

شروطها:-

١- لازم يكون عندك حساب عندهم / ابو زوجك او ابوكي او اخوكي او اي احد يقدر من اهلك يخدمك معاهم
٢- ١٠٠ ريال رسوم اصدار
٣- هوية وطنية او بطاقة احوال

مميزاتها:-

١- فورية يعني في نفس الوقت مو الاهلي ٣ اسابيع والله اعلم تنرفض او تنقبل
٢- مسبقة دفع (فيزا)


اوك كيف تطلع تروح احد فروع الراجحي وتقلهم ابغى فيزا مسبقة الدفع (تسوق)

تعبي البيانات وراح يرسلها الموظف للادارة وفي نص ساعة تستلميها
وبعد ٢٤ ساعة تدقين علي البنك المصرفي عشان يفعلونها لكي ٨٠٠١٢٤٦٦٦٦

تتفعل البطاقة ومبروك عليكي فيزا

طيب كيف اشحنها ...

ببساطة تتدخل موقع الراجحي وتشترك في خدمة مباشر

للافراد (مجاني) وتشحنيها من هناك


اسئلة واجوبة:- بعض الاشخاص الي تعاملو فيها

هل تقدر تشترك في paypal؟

نعم وانا اشتركت وتلاقي pp في المباشر للافراد
في اخر العمليات في البطاقة الائتمانية


هل اشتريت من احد المواقع؟

نعم اشتريت من امازون والبطاقة ولا احلى ولو تشحن زيادة عن السعر الاصلي
ب١٠ ريالات يكون افضل لاني اشتريت من امازون واخدو زيادة ٣ ريال ولمن
دقيت على الموظف قلي هادي اسعار تحويل العملات

كيف اشحن البطاقة من المباشر للافراد؟

ببساطة تلاقي في البطاقات الائتمانية الدفع المقدم من هناك تحول من حسابك الجاري للفيزا

حولت من حسابي الجاري للفيزا ماطلع التحويل في رصيد الفيزا؟

اول ماتحول الفلوس (تشحن) الفيزا في خلال ٢٤ ساعة تتحول الفلوس
مرة انا حولت جاتني بعد ٢٤ ساعة ومرة حولت جاتني بعد ٣ ساعات افضل
وقت للتحويل والله اعلم الضهر لانو لمن شحنت الضهر جاتني بعد ٣ ساعات
واحتنب العمليات من الساعة ١٢ ليلا الين الفجر لانها تتاخر

هل في حد ائتماني للبطاقة؟
لايوجد واول ماتنشطها راح تجد انو مكتوب ريال ١ واحد فقط والحقيقة انو
الراجحي يضعوا فيها ريال عشان تتنشط البطاقة يعني ادوك ريال هدية ولمن تشحنها يتغير الحد الائتماني حسب ماشحنتها يعني مالها حد ائتماني

في مواقع ماتقبل البطاقة؟

اخوي المشكلة مو في البطاقة المشكلة انو الكثير من المواقع يطلبو بطاقة
مصدرها امريكا وبطاقتك مصدرها سعودي افضل حل اشترك في paypal لكن للعلم انا اشتريت من امازون عادي من دون ماادفع عن طريق paypal

هل استطيع ان ارى كشف الحساب في المباشر للافراد؟
نعم تقدر تشوف كشف الفيزا وكشف الحساب الجاري لكن عادة كشف حساب الفيزا مايظهر فيلو العمليات الا بعد يوم ١٥ نص الشهر وتقدر تشوف عمليات
الحساب من اخر العمليات في بطاقة الفيزا


والحمد لله الله يوفق الراجحي فكنا من مهزلة الاهلي

( للعلم اذا تبغى تستخرج البطاقة في نفس اليوم روح بدري من الصباح عشان تطلع النوافقة في نص الدوام ومايقلك تعال بكرة استلمها مع انو يوم مايفرق )

تم ...

حليمة h
12-12-2010, 10:51
حبيبتي ابسألك انا ميح في الانجليزي ينفع ابدأ معاهم

ℓiкέ мόόή
25-12-2010, 02:05
angla ليش قطعتي الموضوع فجئه
خليكي متواصله معانا
طيب حبيبتي الحين موقع www.buddyschool.com (http://www.buddyschool.com)
فيه عرض درس لكل وحده عارضه روحها للتدريس
من خلاله اقدر اعرف اذا اسلوبها عجبني ولا لاء ولا لابد اضيفهم واتفق معهم
ولو وحده ماابي اكمل معها وش اقولها ولا شلون انسحب



على فكره مره ضروري نتعرف على جنسياتهم
بغيت اطيح بوحده يهوديه

وماقلتلك وش صاربي يانجلا

لقيت موقع يعلم الانجليزي ان لاين ورحت سجلت فيه وحطيت بياناتي على اساس اتحصل على الكتاب المجاني بالاول واطلع عليه
المهم والا بعد 4 ايام اتصلو علي من امريكا بيثبتون المعلومات وجدول الاسبوع والدفع وكل شي
المهم عطيتهم واتفقت معاهم ان كل اسبوع يومين وعطوني الاسعار وكل شي

يوم رجعت للموقع واتمعنته عدل طلع والله اعلم ان يهودي كل شي فيه يهتم بالاسترائلين
الكتاب المقدس اللغه من يبي تعلمها
فا قلت امكن يكونون المعلمات يهوديات
فا لغيت الطلب
فا انتبهو من هالنقطه كثير دققو في اصل وفصل المعلمه او الموقع وش مرجعيته
والله يوفقنا ويفكم وجميع المسلمين

انجلا في انتظارك ياقلب

angel girl
26-12-2010, 04:34
هلا بكل اللي ردوا وشاركوا,,

اعذروني جدا مشغوله هالأيام,,


ℓiкέ мόόή (http://www.shamoa.com/vb/member.php?u=12958)
شاكره لك اضافتك المفيده,, متأكده ان كثير راح يستفيدون منها,,

بالنسبة لموقع Buddyschool لازم تسجلين فيه ويكون وبعدين تختارين المدرسه اللي تبينها وتدخلين على ملفها و تختارين trial lesson يعني درس تجريبي وحددي الوقت على حسب المتاح,,

وبعدين تاخذين الدرس,, وتقررين اذا تبين تستمرين او لا..
ان شاء الله لو فضيت اشرح لك بتفصيل اكثر بخطوات وصور بس جدا مشغوله ):

على العموم لو انتي حابه تستمرين معها تقولين I will book 3 classes مثلا يعني باحجز ثلاث دروس,,

ولو انتي ما ارتحتي لها وتبين تصرفينها.. I'm not sure about booking the clsses yet. I will let you know when I decidet. thanx .
يعني مو متأكده اني راح احجز دروس بس راح ابلغك لما اقرر, شكرا >> وبكذا تكونين صرفتيها باسلوب مؤدب

بالتوفيق,,,

ℓiкέ мόόή
26-12-2010, 10:06
هلابك angla مشكوره على تواصلك من جديد
والعذر والسموحه لو اشغلناك بزود

يا قلب لا تتعبين روحك انا سجلت بموقع Buddyschool واضفت كم وحده
بس الي طلع وقتها مشغول ومو فاضيه للتدريس
والي طلعت من اسرائيل
يعني يبيله الواحد يدور عدل
الي مافهمته شي واحد اني لمن بطلب الدرس التجربه
بيكون مع الشخص نفسه مباشر
ولا مقطع اطلع عليه
هذا مقصدي
ولا الموقع حلو والخيارات كثيره

مشكوره ياقلب

angel girl
27-12-2010, 07:27
لا وش دعوى لا ازعاج ولا شي ,,,

بالنسبه للتجربه,, لا راح يكون مع المدرسه نفسها راح تكلمينها وتقولين لها وش تحتاجين بالضبط,,

فطنه دلوعه
30-12-2010, 01:01
نااااااانكس
من جد طريقه حلوووه وممتعه وسهله تشكرييين ع هالموضوع الرائع

ولاف
31-12-2010, 04:22
انجل قيررررل.... روووووحي الله يوفقك

ماتدرين وش كثر استفدت من الموضوع اعجبتني الفكرة

وجاري المناقشة وسيتم التنفيذ باذن الله ...

أنا كــذا
15-01-2011, 05:42
يسلموووووووووو خيتو وجيتي على الجرح يالحبيبه انا متخرجه انجليش بس للاسف ولا كاني دارسه بصراحه والشي هذا متعبني حيييييييييييييييل لاني احس اني ماتوفقت بهالقسم باذن الله راح اجرب اللي قلتي عليه والف الف الف مليووووووووووووووووووووووون شكر يالغلا

ذوق وحلا
15-01-2011, 07:39
يسعد قلبك ياشيخه
من زمان نفسي طريقه مضمونه اتعلم النقليزي
وفي اقرب فرصه باشترك ان شاء الله ومانستغني عن خدماتك طبعا ياحلوه

dorr
26-02-2011, 09:58
ودي اعرف الطريقه بالتفصيل كيف اسجل وكم ادفع ولمده كم شهر او اسبوع اتعلم
احب الانجليزيه من صغري بس ماعندي احد يتحدث معاي
اسعفوني برد لاهنتو

ڪَـلي جـنـۈטּ ≈㋡
26-02-2011, 02:38
كتيير نااايس ..
بس اهم شي يكون الموقع مضمون مو ياخذون فلوس و ترووح علييج ..
احنا في البحرين عندنا المعهد البريطاني او الـ Britich council
تدريسسسهم مرة نآآيس .. و اجانب اللي يدرسوون و ماتطلعين الا بشهادة عدلة
و سمعت ان هالشهادة تسمح لج تدرسين بعد ..
=) ...
عمومآآ يعطيج العآفية

الـعذبـه
01-03-2011, 07:35
أم السالفه سكايبي وزحمه

Nooney
02-03-2011, 02:10
مشكوره ـآ , كان من ززمان ودي اتعلم إنجلشش

≈ Ḋrέạm
02-03-2011, 07:15
طريقه روعه
بتفيد كثير من الناس وخاصه اللي ماعندهم وقت عشان يتعلمون
وأحسن شي ان المعلمين مثل ماقلتي Native speakers
مشكوره عيوني
. . .

يآلبـى أإآنــآآ
25-03-2011, 12:51
مششششششكووره ياااحلووه على هالموضووع الفتااك ..:cheery:
لاكن انا عندي شوويه استفساراات:stupidme2: عن التسجييل بالموقع واتمنى تفيديني بحكم انك جربتيه قبل كذاا ..
اذا ماافي ازعاج:3: ابي يكوون بيناا وسيلة اتصال >> ايميل مثلا اذا مااعندك ماانع ..:خايف:
لانوو صرااحه انا ابي اخذ فكره عن اللغه وانا حابتها مرررررره والسنه الجيه اذا الله وفقني حتخصص لغات اوربيه ( انقليزي وفرنسي ):ksho5ey:
ومووحاابه مررررره ادخخل القسسم وانا مو فااهمه شيئ :mskeen:
ياليت اذا فيه امكانيه نتواااصل لانوو حااابه استفييييييد:d:

شاااكـــــــــــره لك يااروحي ..
وآآآسفه اذا طوولت علييك بالكلااام :تدنن:

مافي شي مستحيل~
06-04-2011, 02:41
والله لونفع معاي حكووووووووووون ممتنه لك طووووول حيااتي والله اني افكر ادخل لغات وترجمه مره عاجبني بس مشكله الانقلش مييح لاكتابه ولاقرائه هل انوممكن يفيدني ............؟؟
وكيف طريقه التواصل ..<<لازم فديو .؟؟

klassika
08-04-2011, 12:47
طريقه حلوه.. وممكن بعد تتعلمين فري من مواقع عالنت..

طيب كيف تحسين لغتك تحسنت؟
ما جا في بالي اخذ لغه بالسكايب ... المشكله اللي ماله نفس ما تنفعه اي طريقه..
انا تعلمت الماني ووقفت
وافكر اواصل بس مافيه محفز.....

يسلمو على موضوعك رح يفيد الكثر..

angel girl
08-04-2011, 09:00
اهلا>>>

كل اللي مروا ع الموضوع,, نورتوا,,

ان شاء الله تكونوا استفدتوا,, وخبرونا عن تجاربكم,,

كل استفساراتكم ياحلوات موجوده اجابتها بالموضوع او الردود بس ارجعوا له وتحصلون الرد:3:

ويسعدني اساعدكم لو فيه اي استفسارات جديده,,

بالنسبه لقائمة المدرسات اللي حطيتهم ببداية الموضوع فيه ثلاث مايعطون دروس حاليا ام مريم (البريطانية) وتريزا (الايرلنديه) و الكندية بعد,,

لو اي احد حاب اساعده بمدرسة كويسه وما حصل يبلغني ,, اقدر اساعده بهالشي:7::7:
بالتوفيق,,, [/colo[/SIZE]r]

roOosha
21-04-2011, 09:36
يعطيكِ العافية ي رب
وجزاكِ الله خير فعلاً موضوع مهم ومفيد

يارا شموا
03-05-2011, 11:33
تسليمن صراحه موضوع قيم ومفيد 10 على 10


وقريت كل الصفحات

كنت احتاج بقووووه


لكن عندي تسائل

الحين ابغى اتعلم انجليزي

وانا ماعرف انجليزي
وادخل على هالانجليز
اقولهم ابغى اتعلم

كيف اقولهم اصلا

وكيف اتخاطب معاهم

مع العلم عني انجليزي شوي بالكاد يخليني اطلب من بيتزا هت ولا كودو

يعني ميح الا حبتين

وش رايك ياعسل بالي يناسبني؟

وكيف احاسب المدرسه مثلا
يعين هي عندها حساب في الباي بال ولا كيف؟


وتشكرات كتيرااات مرررات ياعسولااااات

toola
10-05-2011, 09:43
مراااااااااااااااااااااااااااا يشلمووووووووووووووووووو يشعــــــــــــــــــــــــــــــــــدك فين ماكنت

angel girl
16-05-2011, 10:07
أسعدني مروركم كلكم,,, نورتوا,,


مرحبا يارا شموا,,,
من رايي لو كنت مبتدئة بالانجليزي لا تبدين مع المدرسات على طول.. طوري نفسك شوي على الأقل الأساسيات وبعدين اتفقي مع مدرسة.

طيب كيف تطورين انجليزيتك؟؟

من أفضل الطرق للمبتدئين هي الاستماع. طلعي مقاطع بسيطه من النت أفهميها. أبدي كل أسبوع بمقطع ..
شلون؟

اسمعي المقطع طول الوقت لمدة اسبوع ،حمليه على جوالك واسمعيه، ترجمي الكلمات الي فيه، على نهاية الأسبوع بتلاحظين انك بديتي تقولين الكلام اللي بالمقطع,, بنطق سليم 100%
الاسبوع اللي بعده ابدي بمقطع ثاني ,, وكذا لفتره بتلاحظين مستواك قفز مو بس تطور..

ليش هالطريقة بالذات؟؟
1- انتي بكذا تسمعين نطق صح و accent مضبوطه.
2- حفظتي كلمات و مو بس كلمات structures بعد, يعي كلمات طريقة استخدامها بالجمل
3- راح تحسين ان فهمك للانجلش تطور كثير,,

صدقيني هذي من امتع الطرق لتحسين اللغة وتناسب الناس اللي عندهم مشاغل.

بعد كم شهر ابدئ بكم درس مع المدرسات,, وممكن تبدين مع مدرسه مثلا عربيه مقيمه برا,, بحيث تبسط الدروس شوي,,

بالنسبة لحساب المدرسات,, كل المدرسات عندهم حساب بالباي بال. سهل حسابهم.


بالتوفيق يارب لك وللجميع...

بحور السفر
19-05-2011, 05:27
مشكوره الغاليه وفعلا نحتاج مثل هاذي الأشياء اللي تزيد خبرتنا

Salma BaQ
22-05-2011, 05:17
اليوم توني اقرأ الموضوع
وعلى طوووووووووول طياري على باي بال
واضافة سمانثا على الـ سكايب

والتقيت معاها وتم الدفع والاتفاق على 5 ساعات

ان شاء الله استفيد لاني جداااااا محتاجة لهالشي
من الاعماق دعواتي لك ..
عسى المولى يرعاك ويحفظك ..

toola
09-06-2011, 07:09
قيررررلز اتفاهمت مع سمانثا بس غليت اسعارها 50 دقيقه ب 15 دولار يعني 56 ريال مع انو التيتشر زووووق

اللي عندوووو مدرسات يقووولنا بليييييييييييييييييييييز

غدير الجدعاني
17-06-2011, 08:33
فكرة حلوه كثير افكر اجربها في الاجازة تسلمين حبيبتي

sexy gurl
29-06-2011, 07:25
ma favourite section i luv english :)

عام السعاده
01-07-2011, 06:07
عن جد حبيت الفكره ..

وحجربها

cuotgirl
08-07-2011, 01:34
فكرة جداا رائعه
عاد تصدقين كنت بادخل بالصيف معهد انقلش
بس ماتيسرت ,,وقرات موضوعك وجدا اعجبني
ان شالله احاول اجارب ..

إحساس انثى
09-07-2011, 12:13
يا عسل فكرتك روووعة ماشاء الله وانا محتاجة لشي هيك ..بس....انا مررة مااعرف ولا اشي بالانقلش غير الحروف والارقام ..وهاي وباي وبعض الكلمات بس كتابة نو مااعرف ابدا...فلو انتي تعرفي وشطورة ..اتمنى انو اضيف ايميلك وننتكلم عن طريق المسن ....تعلميني بعض الحاجات الي انتي صرتي ممتازة فيها ...اول حاجة راح احسسك انك مررة شطورة بالانقلش...وارفع من معنوياتك ..ثاني حاجة ..حتكسبي فيني اجرره لاني فاااضية وطفشااانة وحامل وانا عمرري عشرين بجد ام الطفش والاكتاب ..

ROOUZA
28-07-2011, 07:04
hi

مجهود تشكرين عليه غاآآليتي بس عندي كمن مشكله او هي مشكله وحده
اللي هي الحساآآب لان ماآعندي ماستر كاآرد
مدري وش السواة بس حطيت الفكره براسي

تشكرررات لك

سحر المعالي
27-08-2011, 01:35
يابنات ياحلوات ان اخذتوا دروس فيستحسن لاتكثرون :d::d:
لان محدثتكم خذت 10 دروس عند سمانثا وطبعا يالا لقيت احد يساعدني بهذا وش اسمه الباي بال
وبعد جهد اتصلنا بالمدعوه سمانثا وقالت 5 ليسونز بكذا و10 بكذا من المال
قلت لا خليني عشرة احسن << من زود الحماس توقعت بصير بلبل بهاليومين :ya`a`h::ya`a`h:
الزبدة الحرمه طيوبة وخذيت عنده درسين بس وسحبت علي :بليز:
اكلمها ماترد ارسل لها اذكرها وساحبه علي تقريبا 5 ايام رغم اني اشوفها ع السكايب تدخل :زعلان:

صارحه ماحبيت نظامها يعني واذا مشغولة مالها حق تسحب علي خلاص اعطتني توقيت المفروض خلاص هذا التوقيت حقي مااتنازل عنه باي شكل من الاشكال << مسوية نظامية :6::6:
بعدين ضاق صدري واخذت عند وحده عسل نظامية اول ماادفعت لها عطتني الاوقات اللي هي فاضية فيهم واخترت الوقت المناسب وكانت حريصة مرة حبيت نظامها صراحه :احبتس::احبتس:
طبعا هالمرة كنت بدفع حق عشر دروس بس باخر لحظة كنسلت << ماتتوب ابدن :d::d:

زبدة الهرجه لاتصيرون مثلي جربي اقل عدد من الدروس اعجبك استمري مع المدرسة وبس :d::d:

بووح المشاعر
15-09-2011, 08:48
السراحه شيء خطير

كفيتي و وفيتي

لي رجعه ان شاء الله

Ms.Rose
16-09-2011, 05:56
يعطيك العافيه طريقه جميله

ياليت شفت موضوعك قبل مااسجل في دايركت انقلش

بس بحاول اجرب هالطريقه احسها جداً مفيده

سوسو123
28-11-2011, 01:44
ياجماعه الخير انا صار لي سنه ادور حد يدرسني انجلش وانا ادور لقيت موضوع اختنا

انجل جزاها الله خير وسجلت بالمنتدى على طول والسبب موضوع الاخت انجل بس

كم مره ارسل لها رسائل ع المنتدى ما الاقيها هل هي مازالت بالمنتدى اي احد يعرف

عنها شئ او يعرفها يبلغها محتاجتها ضروري مره او اي احد نفذ طريقه اختنا ايقولي

عن مدرسه هو درس معاها ولقاها ممتازه بالتدريس لااني طفشت من المعاهد اللي همهم

بس الفلوس ما يدرسون عدل اتمنى تساعدوني بلييييييييييييييز

angel girl
07-12-2011, 06:12
سحر المعالي.. كلامك صحييييح,, أحسن شي تشترين درسين أو ثلاثة بالكثير.. اذا ارتحتي معها اشتري أكثر.
لأان احياناً المدرسة تكون مملة أو مو منضبطة.

أخت سوسو رديت عليك ..
نورتوا كلكم.

عوآآشه
07-12-2011, 06:21
الفكككككككككككككككككككره وااااااااااااااو
وايدين بستفيدون
تسلمين حبيبتي

ღ άмόή ღ
08-12-2011, 07:52
يعطيك العافية


والله ولا ترحمينا جديدك

blue diamond
09-12-2011, 04:06
amazing topic

thanxxxxx a lot

رانيه حايك
11-12-2011, 02:10
]ماشاء الله صراحه الفكره عبقريه
الله يعطيك الف عافيه وان شاء الله اول ما اتحسن بالانجلش بجربها
ويجزاك الله الف خير:3:

دقة خفوقي
11-12-2011, 05:52
الله يعطيج العافيه وااايد سهلتي علينا البحث

وهالطريقه احسهها راح نستفيد منها كلنا

مشكوره غناتي ع المعلومات

روحي معكـ
24-12-2011, 06:28
وآآآو مره طريقة رووعه وسهله وفرت كثييييييير علي
ربي يسعدك حبابة ان شااء الله اذا انتهيت من امتحاناتي يشووفهآ

TWINS
29-12-2011, 09:24
ان شاء الله الموضوع
يكون مفيد لِ الي م تعلممو : *

أفكر شوي2012
30-01-2012, 02:10
جزاك الله خيرا طريقة جدا جدا رائعه
بحاول اجربها لكن بعد ما أدرس الاساسيات لأني مبتدئه جدا بالانجليزي

Foofe-Chan
01-02-2012, 01:05
مشاءالله
جد مجهود متعوب عليهه وتستاهلين التقييمم
والطريقهه مره سهله ان شاءاللله بجربها

girl soft
07-02-2012, 01:37
والله روعه الفكره


ان شاء الله بالمستقبل القريب افكر << افكر ههههه


ان شاء الله الظروف تزين ويصير خير

العالم
29-02-2012, 10:39
السلام عليكم ورحمة الله وبركاته

كيفك عيوني ،،

سجلت بالمنتدى خصيصا عشان هذا الموضوع

حابة اسجل عند واحدة في البداية ابغى اجرب عند واحدة رخيصة
يعني ابغاها تكون اقل من 10 دولار بتعلم اذا ناسبتني بكمل ان شاء الله
مع الافضل ،

مو مشكلة اذا كانت فلبينية او عربية ودارسة برا المهم انها تتقن اللكنة

مع شكري وجزاكي الله خير ،،

angel girl
03-03-2012, 04:16
هلا بك,, حياك الله,,
دائماً الفلبينيات رخيصة اسعارهم,, هذي وحدة أخبر سعرها رخيص بس ما أدري يمكن غيرت,, اضيفيها بسكايب و تأكدي,
والله يوفقك ويسهل عليك

ailene1217

Miss-Galaxy
24-03-2012, 07:58
السلام عليكم ورحمة الله وبركاته
تسلمي يالغلا ع ذكر تجربتك وهالمعلومات القيمه
فعلا انا كنت استخدم هالطريقه بتعليم الانجليزي وكثير راقت لي واستفدت منها وتحسن مستواي
يلي بيريح فيها انك انتي بتتعلمي وانتي فبيتك ريحتني بمسألة الصحيان بدري ودوام المعاهد ومشاويره
صرت اتعلم عن طريقهم وبالموعد يلي احدده وادرس الشي يلي ابيه ^_^
الحمدلله على تيسير الامور واشكرك ع هالموضوع الجميل
ربي يسعدك

fragrance
26-03-2012, 02:34
هو لازم الباي بال ؟

مش بيدعم مصر للاسف الشديد


لو تعرفي طريقة تانية قولى الله يخليكي ..


شكرا يا عسل

om khaled
31-03-2012, 03:45
..


اتوقع اللي عندها فيزا تغنيها عن الباي بال

فيه موقع اول شهر 1 دولار
اسمه انجليش تاون
هو زي المعهد ومعك طلاب وطالبات زي القروبات
وكثير يمدحونه

angel girl
01-04-2012, 03:33
مرحبا بك fragrance ,, صراحة ماعندي فكرة عن طريقة ثانية للتحويل فيه بعض المدرسات خصوصاً الفلبينيات يقبلون التحويل عن طريق Western Union بس ما ادري شلون...

لكن زي ماذكرت ام خالد موقع Englishtown رااائع جدا وممتع فيه دروس متنوعة تاخذينها والاشتراك فيه يكون شهري. أول شهر يكون بدولار بس للتجربة وبعدين لو حابة تجددين اشتراكك بيكون اظن حول 70$ >> انصح فيه بقوة.

بالتوفيق للجميع..

رانيه حايك
15-05-2012, 09:14
طيب انجل قيرل انا مسجله في انجلش تاون بس مو عارفه بالضبط كيف ادخل غرف المحادثه الصوتيه مع الاساتذه
اذا تعرفين ياليت تخبريني والله حاولت وما عرفت

باهي الوشاح
15-05-2012, 11:52
السلام عليكم ورحمة الله اولا يعطيك العافيه يااخت انجيل والله موضوعك جدا رائع وانا بصراحه من زمان وانا نفسي اتعلم الانقلش لاني بصراحه نسيت اشياء كثير مع جلستي بالبيت واحب ازود معلوماتي وياليت اذا ماعندك مانع اتواصل معك بالخاص او الايميل عشان اعرف كيف بالضبط الطريقه لاني مافهمتها تمام ماادري انا ادفع فلوس مقابل التعليم وكم ياترى او بس مجرد اني اسجل بالموقع اللي قلتي عنه الله يسعدك اذا ماعندك مانع نتواصل اكون شاكره لك وماانسى وقفتك معايه ياعسل باااااااااي

إبدآع
28-07-2012, 07:15
انجلا الله يوفقك دنيا واخره ويفتح لك ابواب رزقه مثل مافرحتيني





لكن ماعليش سؤال بالنسبه مثلا خمس ساعات ب200 وانا ابيها لمده شهر مثلا يعني كل يوم بدفع ميتين


يالييت تدليني على مدرسه مسلمه اسعارها حلوه لاني جايبه العيد بالجاامعه وهل بشهر راح اتعلم؟!

همس العواطف
30-07-2012, 05:24
بطططططططططله

انا توني تخصصت انجلش من عقب التحضيري ومتخررعه لان السبيكنق عندي دمممممممممممممار

لكن بالقرامرز وكتابه وقراءه لا الحمدلله = (

شكلي بشترك هاليومين على م تجي الجاممعه ولاني اقدر اتكلمم بطلاقه

angel girl
17-08-2012, 11:40
شاكرة مروركم كلكم ويارب تكونون استفدتوا..

أخت ابداع امين ياارب وياك.. بالنسبه للدفع يكون بالاتفاق بينك وبين المدرسة, يعني مثلا تتفقين معها نص ساعه ثلاث مرات بالاسبوع لمدة شهر مثلا.. يصلح تتفقين معها تحولين حساب اسبوعين وبعدين تحولين الباقي .. ونصيحتي حاولي ما تتفقين مع مدرسه وحده ساعات كثيره وتحولين لها الفلوس لأن احيانا ما ترتاحين معها والا تكون مملة الدروس معها وتكونين خلاص دفعتي الفلوس وتورطتي.. حاولي مبدئيا تاخذين ثلاث دروس واذا اعجبتك استمري معها,,
بالنسبه لمعلمة مسلمه والله ماعندي فكره لأن اللي اعرفها ما صارت تعطي دروس للأسف,, دوري بالمواقع اللي حطيتها وان شاء الله بتحصلين السعر اللي يناسبك.

بالتوفيق جميعا واعذروني على تأخر الرد لاني ما أكون متواجده دايم ..

فيء
12-09-2012, 04:42
فكرره اكثر من رائعه ..
وحلووووه ..
يعطيك الف عافيه

روبين
28-11-2012, 11:31
صراحه فكره فظيعه
يعطيك الف عافيه

اريج123
29-11-2012, 05:28
تسلمي يا قلبي على الموضوع الأكثر من رائع

3eod
29-11-2012, 11:19
واو طريقه ـه مرره حلووه

رااح اطبقها بالصييف ان شااء الله ـه ..~

عسسى ربي يوفقج خيتو ..

وااصلي تالقج ..

ودي لج

مطمئنة ..
23-01-2013, 02:41
ما قصرتي
جزاك الله خير
دمت في طاعة الله وحفظه

Dolly.Face
25-01-2013, 04:14
Amazing way to learn any language
I hate when I attend some classes and I want the teacher to concentrate
on teaching me but he can't cause there are so many people in the room
this way give me the full service

people gonna have benefit from this specially the beginners
thank you for sharing your experience

البدرانيه
19-09-2013, 09:38
بنات انصحكم ماتبدون ع طول اونلاين يعني ماتعرفين حروف وافعال وتوهقين المدرسين الاونلاين وماتستفيدين كثير :d:

خليك فيس تو فيس اول شي,
بعدين اذا صرتي متوسط وعرفتي راسك من ساسك بالانقلش تعالي اونلاين وراح تقوين بعض الضعف الباقي او الاستزاده والتعمق.

لانه لو صرتي مبتدئه مراح تفهمين اي شي من الي يقولونه او يحاولون يوصلونه لك




معي اليوم رجل ستيني انسان راقي جدااا
انا خريجة ادب انجليزي وهو شاعر ورسام وله كتب واشعار
تحسين بفخامه و الاصاله وهو يدرسك.. :يابي:



طبعا هو يفضل ناس متوسطه الى متقدمه

هو مهندس متقاعد وحالتهم الماديه ممتازه. لكنه حاب يفيد الاخرين ويشغل وقته فهو يفيد طلاب لغه انجليزيه ويتبرع بالمدخول لكازاخستان واي دول محتاجه .

هذا بعض من كلامه :

I do teach proper grammar, listening comprehension, reading comprehension, speaking and pronunciation, sentence structure and writing, and preparation for the IELTS or TOFLE. I am a retired Electrical Engineer with a masters degree.
Now I am writing poetry, painting, and teaching. I only charge a fee to those who can pay! The fees that I collect I send to charity, it will go this winter to some families in Kazakhstan who were very cold last winter, one of which is a student! I have the premium version of Skype and can take a group of possibly four or five at one time, or single students whichever the case. I charge $20 American per lesson per student of 60 minutes.

والسكايب حقه للتواصل
My Skype name is: richard.karr


ولو تبحثين باسمه لقيتيه بقوقل richard karr poems

صراحه فخامه لاتوصف انو يدرسك شاعر امريكي حقيقي كبير بالسن. :احبتس: