المساعد الشخصي الرقمي

مشاهدة النسخة كاملة : تعالوا نظموا ونظفوا معي (فيدوا واستفيدوا) في تنظيم اعمال المنزل


همســ دلع ــة
09-01-2011, 09:23
سلااام بنات,

مثل ماكتبت بالعنوان بحط موضوعي عشان تفيدوني وافيدكم بللي اقدر عليه بأحلى قسم بالمنتدى

انا متزوجه وماعندي عيال ولاحامل (يااارب ترزقنا الذريه الصالحه) الموهيم اني ساكنه بشقه صغنونه تتكون من غرفتين وحده ماستر وفيها غرفة نومي ماعدا الخزانه وطبعا معاها حمامها , الغرفه الثانيه فيها الخزانه وحاطه فيها طاولة الكوي وعلاق ملابس والمنشر حق الغسيل , يبقى المطبخ وحمام الضيوف والصاله الي فيها التلفزيون وقعدتنا وطاولة سفره على قدنا

وانا بأذن الله بكره عندي اول محاضره عشان بكمل دراستي >>>>>>>>اخلصي شتبين؟؟؟

الصراحه مو عارفه كيف بيكون الوضع الدراسه مع الزواج لأني تزوجت عقب البكالوريس وحدددي حددي خااااايفه :5smok: مب عارفه كيف انظم وقتي بطريقه انه بيتي يكون دايما نظيف ومرتب وطبعا طابخه الأكل وبنفس الوقت دارسه دروسي ورايحه محاضراتي :(


تعالوا خططوا معاي وساعدوني كيف اقسم وقتي؟ وكيف انظم اموري؟

اساسا انا حياتي من عقب رمضان انعفست ومافيها لانظام ولاشي وماعندي ايام محدده اكوي فيها الثياب او ايام معينه اغسل او يوم انظف ولا ليلنا ليل ولا نهارنا نهار :weirdsmiley1:

والله العظيم قبل رمضان كنت اقعد من وقت واشتغل واطبخ واتسبح واقعد عالنت حتى ييجي ابوالشباب الحييين تعالوا وشوفوا حياتي مافيها نظااااااااااااااام وانا تعبت نفسيا وجسديا ومو عارفه شسوي والي زاد الطين بله اني كنت عند اهلي صارلي اسبوع وتوني راجعه البيت والله لايراويكم البيت :( دماااار شامل صاير كأنه شقة عزوبي الحاله حاله والريحه ريحه والخياس خياس استغفر الله
والله صادني اكتئاب وودي ارجع بيت اهلي


فيه عندي مشكله كبيره بعد بموضوع التنظيف مو قادره اتخلص منها على قد ماحاولت ومشكلتي اني اقرف من تنظيف الحمام (الله يعزكم) اقرف بطرييييقه مب طبيعيه اصير برجع واكح واتم أأجل تنظيف الحمام ويصيدني اكتئاب وبعدين اجبر نفسي وانظف لكن بقرف حتى فيه مراات كنت انظف وانا ابكي لأني مو متحمله مع اني البس قفاز وشريتلي الفرشاه الي فيها يد بلاستيك وكل انواع المنظفات بس خلااااص عقده نفسيه وماعرف شنو حلها



يللا عاد كل وحده تشمر وتدخل وتعطيني رايها وتشور علي شسوي بموضوع تنظيم الوقت والتنظيم وبموضوع القرف الزايد عن حده
ورجاءً الي بتقعد تكتبلي انه دلع زايد ومادري شنو توفر كلامها وتشيل قشها وتطلع من موضوعي

~لمسة فن~
09-01-2011, 09:55
ياحياتي انتي

شوفي قلبي ،،، كل شي بأول صعب

بس لما تتعودي على نظام معين وعلى روتين معين وترتاحين عليه

صدقيني ماراح تغيريه ابدأً

شوفي المسأله سهله عندك بما انه مافي أطفال ،،، الله يرزقك يارب

انا ماراح انظم وقتك بس راح اعطيك معلومات بسيطه لو طبقتيها راح تنظمي حالك

نظمي نومك بالأول حت يتنظم يومك

حاولي ترتبي بيتك قبل ماتنامي حتى تصحي كل شي مرتب وتنفتح نفسك وماتتعطلي على محاظراتك

بالمطبخ كل شي تستخدميه رتبيه وغسليه بوقته حتى ماتتراكم عليك الاشياء

حددي يوم بالاسبوع يكون للغسيل والكوي ،،، لاتخلي الشغله عايمه ،،، حتى لو مافيه الا قطعتين

واهم شي تجمعي شغلك كله بيوم واحد ،،، يعني الغسيل بيوم ،،، والتنظيف بيوم

واقصد التنظيف العميق ،،، يعني غسيل الثلاجه ،،، غسيل الفرن

ولا التنظيف اليومي لا مفر منه هههههه

وصدقيني لو خليتي لكل شي وقت راح تتنظمي بديهي

بالنسبه لمشكلة الحمامات ،،، صدقيني لو تنظفت يومياً ،،، ماراح تقرفي منها

بس راح تنظفيها تنظيف شكلي ~

استخدمي القفاز وحاولي تحطي منظفات الحمام بطريقة الرش

بحيث انك ترشي وتدعكي

هي مسألة تعود صدقيني ،،، لو شفتي الحمام نظيف ويلق راح تتحملي القرف والتعب هههههه


اخر شي حبيت أقوله

حاولي تعودي زوجك على معاونتك بالشغل وبالطبخ

واذا كان من النوع المتعاون ،،، راح تحبي الشغل والطبخ وكله

بس ابعدي عن اسلوب الامر ،،، خليها متعه وتسليه بينكم ،،، وتغيير روتين :)

اتمنى اكون افدتك ولو بشي بسيط ياعسل

والله يوفقك بحياتك

همســ دلع ــة
09-01-2011, 11:22
تسلمي حبيبتي لمسة فن نورتي موضوعي وماشاء الله ردك يبررررد القلب تسلمي عالنصائح الرائعه وفعلا اول شي المفروض انظم وقت نومي وهذا الشي الي للأسف زوجي مومقتنع فيه بس انشالله يتعدل الحال , وبالنسبه لمساعدته ضحكتيني من قللللب اقولك رحت اسبوع رجعت حصلت البيت ريحة فايحه والمواعين مصفووووفه كلها غير باقي البيت استغفر الله , ومايرضى كللش يساعدني ولا بأي طريقه اذا عندك طريقه مستحيل يقاومها قوليلي هههههههههههههههههههههه

والله يجزيك الخير حبيبتي

dala3-banat
09-01-2011, 11:28
مرحبآآآ حبيبتي

هونيها وتهون وماقصرت أختي لمسة فن بنصايحها بجد انا كنت مثلك كنت اكره اغسل الحمامات أو الملابس وبقوه أشيل هم اذا قرب يوم الثلاثاء لاني كنت مخصصته للغسيل والنشر والكوي وهالحوسه المهم صرت أشغل حالي اذا جيت اسوي هالشغلتين بالسوالف ما احاول اركز بشي يهبط همتي وتطول السالفه علي يعني سولفي مع أبو الشباب أو مع خواتك او صديقاتك بالجوال بالسبيكر يعني هيك كنت أسوي

وحكاية تنظيف كامل البيت يوميا صعب وتعب عليك خصصي كل يوم تعملي شي يعني يوم مسح الأرضيات والطاولات والمكاتب والتلفزيون او اي شي يبيله تمسيح ويوم للحمامات اما المطبخ فيوميا وصرت كذا يوم للبيت ويوم للحمامات اما الترتيب على طول اي شي يطيح او يتوسخ انظفه بوقته ومع الايام بتتعودي ويصير شي هين ورتيني
:)

زهور الأمل
09-01-2011, 11:39
الله يعينك هذا وماعندك اطفال
يمكن انتي من النوع اللي يراكم شغله
في الاسبوع مره غسيل ويو م الثاني كوي
والمطبخ اي شيء تسوينه رجعيه مكانه بسرعه
والكنس مرتين في الاسبوع
والحمامات يوميا غسيل
وتنضيم الوقت اذ تطيعني اصحي بدري ولاتاخذين قيلوله ونامي في الليل الساعه 10 وبتصحين بدري
وحاولي تشتغلين في النهار عشان شغل النها فيه بركه
شغلي عندك اذاعة القران او اغاني وتسلي وانتي ترقصين وتشتغلين
انا كنت ادرس اخر سنه ومتزوجه وكانت الحياه سهله

ام البنين
10-01-2011, 02:40
الله يعينك ويعيننا معك
بتروح شغالتي وماودي اجيب غيرها ومدري شلون بيصير الوضع

chica en el amor
10-01-2011, 04:46
:tweenheart:
مرحبا ,,,,

أول شي ترى مو إنتي لحالك اللي تعانين من هالمواضيع ,
للأسف كلنا تجينا أوقات نحتاس فيها وَ نخرب الروتين ,,,


أحسن شي تعودين نفسك عليه هو إنك تنظفين يوميا الأشيا الصعبة ( عشان ما يتراكم التنظيف وَ تصيرين جد متوهقة )

حاولي تلاقين حلول سهلة وَ سريعة , سوي لنفسك سيستم ,
مثلا ربع ساعة ترتيب يومي لـ الصالة , بعدين نص ساعة تنظيف سريع المطبخ ,
بعدين نص ساعة تنظيف سريع الحمام , بعدين ربع ساعة لغرفة النوم ,

وَ تلتزمين بالوقت ! يعني خلاص حتى لو ما خلصتي إتركي الغرفة لحد ما تتعودين على الوقت المحدد ,


نصيحة أنا شخصيا تفيدني ,
تابعي مواقع تهتم بالتنظيف , أو مجلات ديكور وَ عناية بالمنزل مثل مجلة مارثا ستيوارت ,
هالأشيا بتخليك دايما بـ مزاج التنظيف وَ الترتيب وَ رح تشجعك كثير ,,,


أخيرا , لا يحمل الله نفسا إلا وسعها ,
زوجك ضروري يساعدك , مو شرط ينظف معك , بس عالأقل يرجع الأشيا لـ مكانها , يكون حريص لما يطلع ملابسه ما يحوس الدنيا مثلا ,
يعني يساهم بالتقليل من الحوسة مو ترتيبها !!!

توكلي على الله وَ لا تضغطين على نفسك كثير ,
بمرحلة الدراسة ما فيها شي لو قللتي عناية بالبيت وَ لاحقة إن شالله على كل شي بعد ما تاخذين الشهادة


الله يوفقك يااارب

,,:smallkiss:,,

همســ دلع ــة
11-01-2011, 11:58
حبيباتي مشكوريين على هالردود الحلوه , كنت افكر اني انا بس المحتاسه والكل حياتهم ماشي بسلاسه :) استفدك كثير من ردودكم وشجعتوني , امس قعدت من وقت ولمعت المطبخ لأنه كان استغفر الله (مابي اتذكر) ورتبت البيت بشكل عام وغسلت بعض الثياب وماطبخت لأنه جاه وقت المحاضره وكان لازم اطلع, وبأذن الله هالأسبوع بنظف شوي شوي حتى انظف البيت تنظييف عميق ومن الأسبوع الجاي ببتدي اخصص يوم للغسيل ويوم للكوي ومثل ماقالت اختى شيكا بصير احدد وقت معين حق كل شي بحيث اني اتعود عالسرعه

وبعلمكم الي يصير معاي اول بأول (عشان اذا وحده ثانيه عندها نفس المشكله لما تقوا الموضوع تستفيد)


وارجع واقول الي عندها طريقه سحريه ممكن تخلي زوجي يساعدني لاتبخل علي



يسلمو مره ثانيه

P A R I S
13-01-2011, 04:05
اجل لو عندك اطفال وخدامتكَ مسافره وش بتسوينَ ؟! «-- ترا مهيب انا =(
جد جد جد تعبببب وهمَ .. خيييييييير حسيت ماعندي شغله بالحياه الا الصغار وشغل البيتَ !
ابي افضى لنفسي شويَ ابي ادلع نفسي ابي اخذ بريك انا وزوجي برآآآ بلحالناَ !!
الحياه وعععععععععه =(

«---- هذي انا في وقتاً مآآآآ !!

والحين مع تخصيص وقت لكل شيَ وطرق وادواتَ تسهل الحياهَ
حسيت شويه شويه همَ انزاحَ وخفت علي اشغلا البيتَ ،،

صرت اخصص وقت لكل شيَ ،، وحاطه في بالي بعدَ بما انو عندي كتكوتينَ
اسوي اشياء زايده عن نظاميَ .

بقولك نظاميَ كيفَ الحينَ مع طفلين وبدون شغالهَ .
رحت شريت لي غساله اوتوماتيكَ " شي مستحيل اعيش بدونه "
كل شي قدامك ارميها فيهَ اغطيه الاسره الفوط الملابس بانواعهاَ وحتى قطع السجاد الخفيفهَ
وخداديات الصوفا كل شي كل شي ارميه فيهاَ ..
الغسيل يكون بالليل والتصفيط وتوزيعها عـ الصباحَ بحيث ماتجلس تقابلني طول اليوم خخخخخ
والكويَ بصرآحه مااكويَ الا وقت الطلعهَ ><
وملابس زوجي للاسف صار لي متزوجه ٦ سنواتَ ولا مره غسلتها بنفسيَ
يا الشغاله يالاندريَ .

والكنس والارضيات تقريباً يوم ويوم لاَ ،، عـ حسب الوسخ يعني
وتمسيح الغبار والطاولاتَ برضو يوم ويوم لاَ
والحمامات يومياً بشكل سريع سريعَ

والمطبخ ععععععععععععععععععععع ناويه عـ غساله صحون
اكره شي عندي اذا تراكمت المواعينَ تجيني حاله اكتئابَ ..
وعشان اقلل الحوسه صرت اي شي استخدمه عـ طول غسيل ويترجع بالسلهَ

وترتيب غرفه النومَ الكنس والتمسيح مره وحده بالاسبوع ويخب بعد !
مع تغير الملاياتَ والكوفر ورمي بالغسالهَ وابخر الغرفه وخلاص تجلس اسبوع نظيفهَ
اما ترتيب الفراشَ بصرآحه تعبت وانا ارتبهَ مو معقوله انا اوتب من هناَ وناس تجي تحوسهَ
صار اللي يحوسه يرتب .

ياحبي لكَ خليتيني افضفض شوي ههههههههههه

قمرهـ
13-01-2011, 04:51
همسة دلع /.. ...
موضووعك رهييييب ..

أنا لسا مااتجوزت ... ادعلولي ربنآ يتمملي على خير مع حب حيآتي .. http://www.shamoa.com/vb/shamoa2010/icons/icon3.gif

احب النظافة جدن ...

كل شي أول بأول .. شيليه ورتبيه واتخلصي منو .... في نفس الوقت /...
اممـ ممـ ../ ..

متآآآبعة للموضوع الخطير دا ..

تسلمي حبيبتي لموضوعك الجونآآن .. /

محبتي لكِ .. وللجميع ...

واحبك شموآـهـ

ابتدار
13-01-2011, 06:40
وعليكم السلام ورحمة الله وبركاته
وش ذالدلع << هع امزززززززح
بالعكس محب اتجااااااااهل معاناة الناس ايا كانت كبيره صغيره
المهم ياقلبي
ادخلي هنا (http://www.shamoa.com/vb/showthread.php?t=15385)ان شاءالله تستفيدين
و سالفة تنظيف الحمام ؟
مممممممممممم والله ماعندي لك حل
اقتراح :
- خذي وعاء مخصص لتنظيف الحمام
وعبيه مويه مع صابون مع ديتول .. عشان يعطيك ريحه حلوه
واخلطيهم زين
ثم كبيه على كل مساحة الحمام
وابدئي نظفي الامااااكن الانظف خصصي لها فرشه
والمرحاااااض خصصي له فرشه ثانيه
وبكذا ماتوقع تتقرفين ..
والحل الثاني ... التعود ..
والله يعينك ياقمر
سؤال .. غلاتي تقولين تدرسين
يعني ماجستير والا تدرسين معلمه ؟

خنفشاري
13-01-2011, 08:34
حالى قريب من حالك اركم الشغل وازينه مرة وحده ,,بحكم ان زوجى طالع اربعاء وخميس وجمعه وانا عند اهلى اذا جيت السبت ياويلى ويالاه

زوجى طالع الظهر الاربعاء وانا استعد للخروج للاستراحه مع اهلى يعنى مافيه وقت انى ارتب واغسل الا الضرورى....
واذا جيت لبيتى واذابى ’’محمله بكيس مملو بالغسيل’’


للمعلوميه:عندى 3 اولاد وبيت اهلى كبير وحوش....والجو ببببببببررررررددد


مااقول الا يحلها الله:::

ام البنين
17-01-2011, 01:58
™;929964']

اجل لو عندك اطفال وخدامتكَ مسافره وش بتسوينَ ؟! «-- ترا مهيب انا =(
جد جد جد تعبببب وهمَ .. خيييييييير حسيت ماعندي شغله بالحياه الا الصغار وشغل البيتَ !
ابي افضى لنفسي شويَ ابي ادلع نفسي ابي اخذ بريك انا وزوجي برآآآ بلحالناَ !!
الحياه وعععععععععه =(

«---- هذي انا في وقتاً مآآآآ !!

والحين مع تخصيص وقت لكل شيَ وطرق وادواتَ تسهل الحياهَ
حسيت شويه شويه همَ انزاحَ وخفت علي اشغلا البيتَ ،،

صرت اخصص وقت لكل شيَ ،، وحاطه في بالي بعدَ بما انو عندي كتكوتينَ
اسوي اشياء زايده عن نظاميَ .

بقولك نظاميَ كيفَ الحينَ مع طفلين وبدون شغالهَ .
رحت شريت لي غساله اوتوماتيكَ " شي مستحيل اعيش بدونه "
كل شي قدامك ارميها فيهَ اغطيه الاسره الفوط الملابس بانواعهاَ وحتى قطع السجاد الخفيفهَ
وخداديات الصوفا كل شي كل شي ارميه فيهاَ ..
الغسيل يكون بالليل والتصفيط وتوزيعها عـ الصباحَ بحيث ماتجلس تقابلني طول اليوم خخخخخ
والكويَ بصرآحه مااكويَ الا وقت الطلعهَ ><
وملابس زوجي للاسف صار لي متزوجه ٦ سنواتَ ولا مره غسلتها بنفسيَ
يا الشغاله يالاندريَ .

والكنس والارضيات تقريباً يوم ويوم لاَ ،، عـ حسب الوسخ يعني
وتمسيح الغبار والطاولاتَ برضو يوم ويوم لاَ
والحمامات يومياً بشكل سريع سريعَ

والمطبخ ععععععععععععععععععععع ناويه عـ غساله صحون
اكره شي عندي اذا تراكمت المواعينَ تجيني حاله اكتئابَ ..
وعشان اقلل الحوسه صرت اي شي استخدمه عـ طول غسيل ويترجع بالسلهَ

وترتيب غرفه النومَ الكنس والتمسيح مره وحده بالاسبوع ويخب بعد !
مع تغير الملاياتَ والكوفر ورمي بالغسالهَ وابخر الغرفه وخلاص تجلس اسبوع نظيفهَ
اما ترتيب الفراشَ بصرآحه تعبت وانا ارتبهَ مو معقوله انا اوتب من هناَ وناس تجي تحوسهَ
صار اللي يحوسه يرتب .

ياحبي لكَ خليتيني افضفض شوي ههههههههههه





وااااي شكله وضعك زي وضعي بالضبط عندي 2 صغار وشغالتي بتروح وحاسه باحباط بس برضو اقول اقدر حتى انا افكر اجيب غساله صحون ونشافه ملابس

طيب بسالك شلون النفسيه الحين

مدري يعني شلون وضعك
انا بالنسبه للشغل عيالي يششششغلوني لانهم تعودو مايجلسون لحالهم يعني لو ابغى اروح الحمام بس تسمعين الجعوره والصياح لاخر الشارع وهم صغار سنتين ونص وسنه ونص


اممممممم مدري احس مشاكل مشااااااااكل <<< احبطتي صاحبه الموضوع:17:

طيب شلون اقدر اسيطر على عيالي لو بغيت اطلع مررره يبهذلوني يبون كل شي ويبون يتحركون بكل مكان وان حاولت امنعهم فضحوني بالصراخ عجزت اسيطر عليهم كرهوني بالطلعه وربي



سااااااااااعدوني :mabymaby:

w o u n d e d
18-01-2011, 08:24
ومازلنـاا نعاني ~
ههههههههههههههه

انا متزوجه اليوم كملت 7 شهووور ,, ماشاء الله مسررع الوقت
تصدقين كنت توووني يايه من شهر العسل تخيلي قلبت الشنطه عشان اغسل الثياب شكثرهم ياربي
لين اذكر ذاك اليوم اقول شالعروس الفاشله يايه ارتب !! بس فكرت من تبين يرتب لج حضرتج !! واذكر كلام خواتي طولي خطوبه العرس ملل ومسؤليه ونظفي وغسلي خخخخ
وقعدت اعاني شهرين يمكن بس غرفه نوم وحمام ,, الغرفه وصصصصخه والله صج لان 24 ساعه قاعدين فيها اكل وشرب وكل شي ..

استغفر الله معاناه ,, بعدين بدينا نأثث شووي شووي
انا عندي قسم صغير جداً في بيت زوجي ..

غرفه نوم وفيها حمام و صاله ومطبخ مفتوح يمكن طول المكان 7 الى 8 متر بس انا مسويته قسمين ,, ان شاء الله قريب اكمل و بحط صوور ~

المهم حبيبتي انا كسووووله صج يعني هذا طبعي لان يوم كنت ببيت اهلي امي المسكينه تسوي كل شي
واحناا مانحس والله ماصدق شلون كنت اخليها تخدمني وانا قاعده احس نفسي حقيره لين اذكررر بس الحين من اروح بيتناا اغسل المواعين عنهاا و اشيلهم و انظف مع اني مهلوكه من شقتي بس لاني قمت احس ,,

نيي للاهم انا في البدايه شقتي كانت كل وصخه والله لو شسوي احسهاا مو نظيفه ,, يوم اثثنا الصاله صرنا مانقعد بغرفه النوم .. يعني الغرفه طلع ويهاا ,, صارت نظيفه بس الشي الوحيد اللي ارتبه هو الفراش واللي دامر الغرفه الثياب لاني انشررر الغسيل على الحديده وفي الغرفه لان مظهرها يقهرني بالصاله بس توني من شوي قررت احطهاا هني عشان اشوفها واشيل الملابس بسرعه لان وهي بغرفه النوم اخلي الثياب بالايام وزوجي يفصخ فانيلته و يحطهاا مثل ماهي على الحديده فوق الثياب و يصير جبل !!! وعاد تعالي عقب حق الطواااي (التكفيس) ..

الحمام عزج الله , انا ماغسله كل يوم الصراحه استغرب من اللي يغسلونه كل يوم !! ليش انزين
والله مايتوصخ انا حمامي كلش مايصير وصخ خخخخخ بس اغسله هيييك لله ,,
تفريك سريع للمرحاض عزكم ربي ,, والمغسل وللأسف ماعندي بانيوو والاحسن ان ماتعب بتغسيله بس خاطري احط ’’’ يعني مكان الشاور زوجي الله يهديه مسوي حركه سخيفه ومصغر الحمام زياده لان انا حاطه غساله الملابس فيه وصاير ضييييج ,, و خاطري بجفافه بس نو وي مافي مكااااان !!
الارضيه عادي احط المطهر و تفرييييك من قلب يمكن اغسلها مره بالاسبووع لان بعد غسيل الملابس تصير الارضيه سودااااا من وصخ الثياب ,,

الصاله تقريبا تصير عفسه مالت قعدتنا يعني الوسايد تطيح و ارجع ارتبهاا و الطاوله اللي بالنص هي الصاعقه الكبرى اني خذيت الكبيره قلت عشان ينملي المكان شوويه ,, بس كل فوقهاا عفسه كل شي نحط عليها مسكينه
هذي ارتبهاا يوميا لان شكلها مو حلو اذا عفسه و بالويه صايره ,, ماعندي طاولات وخرابيط .. غير رفوف بالطوفـ وهذيلا امششهم بس بماي ومطهر ,,

المطبخ ,, ااااااااه يالمطبخ ,, احب الطباخ وكنت احن علييييه ابي مطبخ و لاني كنت اعاني اغسل المواعين بالحمام ,, بس يوم سويت زاد الشغل والكررف ,,
مطبخي وايد وايد وايد صغير يعني لو تشوفينه تقولين مسكينه ههههههه بس احسن
مايصير وصخ بس الماعين هم التعب اكثر شي اغسل على طول و اذا مالي خلق اخليهم لي الليل واذا كلش الكسل طاغي ,, اخليهم لي اليوم الثاني لي الظهر جدي بس اغسلهم لان لين بطبخ ابي المكان نظيف ,, عاد قهر اغسل و انظف و يرجع يتوصخ اهئ اهئ ~

الفرن انظفه مره بالاسبوع لان مايتوصخ واايد الا اذا سويت شي فيه سوس وهالحركات يصير قررف والصراحه اتعب منه ,, مره خليت زوجي يفررك شوي معاي ,, قلت له تعبت ماقدر افرك بقوه حاول شووي و ساعدني خفيف ورجعت اخلص ,,
الثلاجه ماتصير عندي وصخه ونظفتها مرتين او ثلاث طولـ هالـ 7 شهوور ~
لاني دايما احط الاكل بأكياس و ماخلي شي مفتووح ماحب تصير ريحه الاكل قويه بالثلاجه ,,

الارضيه انظفها مره بالاسبوع و الكنس على المزاج لان مايصير وصخ عندي الا قليلـ ’’

ادري بتقولون كل شي مايصير وصخ ههههه
بس والله صج مادري يمكن انا انظف و انا ماشيه مادري بروحي ؟؟
مع ان ماعندي عيال ولا حملت للحين الله يرزقني ويرزق اللي ودهاا ان شاء الله ’’
ولا ادرس و لا اشتغل بس لان اسهر واايد و انام لي وقت متأخر ,, نفسيتي تتعب لين اقوم الصبح
لان خاطري اكون مشغوله بشي بس للأسف ماعندي شي اذا اقوم اتحسس اقول الكل بالجامعه والدوام وانا قاعده جذي
عشان جذي ماحب الا اقووم الظهر قبل لا ايي زوجي حتى لين يطلع عني اتملل احس حياتي ممله مافيها شي سوا كنت بنت او تزوجت نفس الشي ,, الله يرزقني وظيفه يارب وادرس ان شاء الله ,, ودي بـ بيبي عشان يملي علي حياتي شووي :(

ع ـالعموم انا للحين ماتعودت وايد على التنظيف يعني عادي ساعات المكان مكركب مثل مايقولون ,,
وكنت على طول هواش مع زوجي على هالسالفه يقولي ماترتبين كل شي بسرعه بس والله العفسه ماتصير الا بسبته
يمشي و يقط انا تلوع جبدي وانا انظف كل شي مليون مره ,,
الحين قام يسكت عني و الصراحه صرت ماخلي العفسه مثل قبل ,, لان المكان اذا وصخ تتجمع فيه الشياطين وهذا الشي بروحه يجيب المشاكل عفاناا الله ’’

اما سالفه يساعدني ولا 10 مرات قلت له كل يعصب علي ,, ساعات ساعات يحط يده بشي معاااي والله اني اتشقق من الوناااسه واقوله استانست انك نظفت معاي ,, عشان يزعم يتحمس ,, بس وين يا خلاااف ,, في السنه حسنه خخخخ



بووووووووو وايد سولفت ’’ ^^
Sorry

A n g e l a
19-01-2011, 03:46
هالموضوع يحتآج رد أطول من طويـل

أنا رغـم إنـي كنت جدآ مدلله ببيـت أهلـي إلا إنـي وأنا عمري 10 سنين أحب أساعد أمي الله يخليهآ
مع انها ما شاء الله صغيـرهـ بالسن وقويه الله يحفظهآ وما كانت تهـتم ان حدا ساعدها او لأ بس خلص ما كنت أرضـى الا انـي اساعدها وأنا أموت فـ شغل البيت هوآآيتـي .. تزوجت وبيتـي جدآ كبير :بليز: عندي 4 غرف نوم و 3 صالونات و 3 حمامات وفوق هاد المطبخ عندي جدآ كبير خزانة المطبخ عندي تيجـي 29 متـر :بليز: التنظيف لا تسألونـي أموت اموت أموت مع إنـي أشتغل من نفس بس والله أتعـب وأنا ما أحب أقسّـم الشغل خلـص بشتغل كل الشغل مرهـ وحدهـ وتقريبآ بشكل يومـي وأنا أكـرهـ الفوضـى وأعتبر نفسـي فـ الشغل نشيـطه
غرف النوم أرتب بس غرفتنآ انا وزوجـي كل يوم باقـي الغرف لسآ لإنهـم فاضييـن
الحمامات حمامنا أنا وزوجـي طبعآ يوم يوم أنضفـو حمام الضيوف دايما نظيف وحمام الأولاد بالـ 6 شهور زواج ولا حدآ دخلـو .. الصالونآت واحد رسـمي صدفه نقعد فيـه والتآني عائلـي يعنـي لما يجينآ أولاد بإذن الله - ما نقعد فيه أبدآ .. الصالون الـ 3 مفتوح عالمطبخ وهاد الـ 24 ساعه فـ اليوم نكون فيـه
24 ساعه أرتّب فيه وأنضّف فيـه بحكـم قعدتنا فيـه وكمان زوجـي الله يسعـدو متـل 99% من الزلام ما يرتبون ولا شـي .. البيت أمسحـه كل يومين 3 وأكنسـه كل يوم - وأكرهـ شـي تنضيف الممرآت :خايف:
الغسيـل أبدآ مو مشكله لإن عندي نشافة ملابـس ما أستغنـي عنهآ .
المطبخ بشكل عام دآيما متابعتـو رغـم الطبيخ والنفيخ وعندي جلاية صحون .
رغـم كل التسهيـلات بس البيت الكبير يتعب مووت والله أول ما حملت كانت تجـي أمـي وخواتـي يساعدونـي بس الحمدلله اسا احسن واموري أمشيها لوحدي . وهامله هـم الدراسه لمآ ارجعلها كيف رح يكون وضعـي مع كل هالمسؤوليآت ربـي يسهّل .
أهـم شـي ما نيأس ونحاول نعمل نظام خاص فينآ :) ومهـم جدآ المتابعه يعنـي لا تخلين 500 شغله فوق رآسك والله بتيأسيـن بالنهايه كـل شـي بيـهـون

همســ دلع ــة
24-01-2011, 12:30
™;929964']

اجل لو عندك اطفال وخدامتكَ مسافره وش بتسوينَ ؟! «-- ترا مهيب انا =(
جد جد جد تعبببب وهمَ .. خيييييييير حسيت ماعندي شغله بالحياه الا الصغار وشغل البيتَ !
ابي افضى لنفسي شويَ ابي ادلع نفسي ابي اخذ بريك انا وزوجي برآآآ بلحالناَ !!
الحياه وعععععععععه =(

«---- هذي انا في وقتاً مآآآآ !!

والحين مع تخصيص وقت لكل شيَ وطرق وادواتَ تسهل الحياهَ
حسيت شويه شويه همَ انزاحَ وخفت علي اشغلا البيتَ ،،

صرت اخصص وقت لكل شيَ ،، وحاطه في بالي بعدَ بما انو عندي كتكوتينَ
اسوي اشياء زايده عن نظاميَ .

بقولك نظاميَ كيفَ الحينَ مع طفلين وبدون شغالهَ .
رحت شريت لي غساله اوتوماتيكَ " شي مستحيل اعيش بدونه "
كل شي قدامك ارميها فيهَ اغطيه الاسره الفوط الملابس بانواعهاَ وحتى قطع السجاد الخفيفهَ
وخداديات الصوفا كل شي كل شي ارميه فيهاَ ..
الغسيل يكون بالليل والتصفيط وتوزيعها عـ الصباحَ بحيث ماتجلس تقابلني طول اليوم خخخخخ
والكويَ بصرآحه مااكويَ الا وقت الطلعهَ ><
وملابس زوجي للاسف صار لي متزوجه 6 سنواتَ ولا مره غسلتها بنفسيَ
يا الشغاله يالاندريَ .

والكنس والارضيات تقريباً يوم ويوم لاَ ،، عـ حسب الوسخ يعني
وتمسيح الغبار والطاولاتَ برضو يوم ويوم لاَ
والحمامات يومياً بشكل سريع سريعَ

والمطبخ ععععععععععععععععععععع ناويه عـ غساله صحون
اكره شي عندي اذا تراكمت المواعينَ تجيني حاله اكتئابَ ..
وعشان اقلل الحوسه صرت اي شي استخدمه عـ طول غسيل ويترجع بالسلهَ

وترتيب غرفه النومَ الكنس والتمسيح مره وحده بالاسبوع ويخب بعد !
مع تغير الملاياتَ والكوفر ورمي بالغسالهَ وابخر الغرفه وخلاص تجلس اسبوع نظيفهَ
اما ترتيب الفراشَ بصرآحه تعبت وانا ارتبهَ مو معقوله انا اوتب من هناَ وناس تجي تحوسهَ
صار اللي يحوسه يرتب .

ياحبي لكَ خليتيني افضفض شوي ههههههههههه





فضفضي يختي وعبري عن شعورك هههههههههههه خلينا نطلع القهر الي فينا :6: بالنسبه لغسالة الصحون صرت افكر فيها جديا وشفت كم موضوع بالمنتدى البنات كاتبين عن غسالاتهم وقلت حق زوجي وماعارض بس الوضع المادري مايساعد الحمدلله على كل حال بس اي وقت تتحسن الظروف ناويه عليها :ya`a`h:


همسة دلع /.. ...
موضووعك رهييييب ..

أنا لسا مااتجوزت ... ادعلولي ربنآ يتمملي على خير مع حب حيآتي .. http://www.shamoa.com/vb/shamoa2010/icons/icon3.gif

احب النظافة جدن ...

كل شي أول بأول .. شيليه ورتبيه واتخلصي منو .... في نفس الوقت /...
اممـ ممـ ../ ..

متآآآبعة للموضوع الخطير دا ..

تسلمي حبيبتي لموضوعك الجونآآن .. /

محبتي لكِ .. وللجميع ...

واحبك شموآـهـ



حبيبتي عيونك الحلوه ونورتي الموضوع وياارب يتمملك على خير ويحقق الي في بالك , بالنسبه لأول بأول مو دايما يصير لما تكوني مستعجله مستحيل تقدري تمشي عليها

يعني انا محاضرتي الساعه 2 ونص للساعه 6 فلازم اطبخ قبل مااروح وتحصليني بسرررعه بسرررعه اراكض عشان مااتأخر

مشكوره عالرد الحلو وتابعينا

وعليكم السلام ورحمة الله وبركاته
وش ذالدلع << هع امزززززززح
بالعكس محب اتجااااااااهل معاناة الناس ايا كانت كبيره صغيره
المهم ياقلبي
ادخلي هنا (http://www.shamoa.com/vb/showthread.php?t=15385)ان شاءالله تستفيدين
و سالفة تنظيف الحمام ؟
مممممممممممم والله ماعندي لك حل
اقتراح :
- خذي وعاء مخصص لتنظيف الحمام
وعبيه مويه مع صابون مع ديتول .. عشان يعطيك ريحه حلوه
واخلطيهم زين
ثم كبيه على كل مساحة الحمام
وابدئي نظفي الامااااكن الانظف خصصي لها فرشه
والمرحاااااض خصصي له فرشه ثانيه
وبكذا ماتوقع تتقرفين ..
والحل الثاني ... التعود ..
والله يعينك ياقمر
سؤال .. غلاتي تقولين تدرسين
يعني ماجستير والا تدرسين معلمه ؟





ياسلاااام عليكي يا سلملم الحلوه رابط رهيييييييب يسلمو حبيبتي, وبالنسبه لدراستي لا ماجستير ولا معلمه هههههههه انا عندي بكالوريس محاسبه والحين ادرس شي يخص المحاسبه ماعرف بالعربي شنو اسمها بالانجليزي يقولولها profisional certificate ( charterd institute of management accounting)

وكلمة صعبه قليله عليها :5smok: الله المستعان ادعيلي

me =)
07-02-2011, 02:32
وعليكم السلام ورححمة الله وبركاته

انا حاسويلك جدول لانو احب انظم اوقات الناس <عزيزتي me =) بخصوص تنظيم الوقت سكرتتيرة مثلاً <سووري مره متاثرة بالبي بي
المووهيم انا سويت الجدول دا على افتراض انك تصحي 9 وانت غيري بكيفك على حسب ووقتك




والحمام في سائل منظف اسمه جيف كبيه ع الحوض والبانيو والارض والكابنييه بس مو جوا بس من برا
وابدائي غسلي الحوض كبي مويه وباللاسفنجه بسرررعه تروح الوساخه وكملي ع البانيو بسرعه والكابنييه كمان
يبقى اللارض باالمسحه عدي عليه بسرعه وطبعاً كل واحد بعد ماتخلصي تنظفيه تغسليه بالمويه وغسلي الارض وفي منظف تاني مدري ايش اسمه راسه معكوف <مافحالي اروح اقرا الاسم تحطي جوا الكابنييه وتخليه وبعدين في يد خاصه للكابنييه حركيه تكون الوساخه راحت وزي ماقالت وحده من البنات شغلي التلفزيون او اي شي جنبك بس مو اغاني لانو مو كويس كدا خلصنا من التواليت


ونروح لسي السيد جوووزك ايش رايك وانت تشتغلي تخلي شكلك مغري يعني مثلا لو لابسه قميص شمريه فووووق
او البسي شووورت ولا اقووولك لمن تشتغلي قوليله دقيقه امسحلي هنا على بال مااسوي كدا وخليه شوفي شيصير او على حسب شخصيته يعني لو يحب التحدي اتحديه يعني مثلا قوليله ولله انا بسرعه انظف وكدا مو زيك وادا رد عليك قوليله خلينا نشوف انا اخد الكبيرة وانت الصغيرة وكدااااا
او ادا كان يحب المنافسه و الهدايا والحركات دي قوليله ادا ساعدتني في مفاجاءة حلوة اخر الاسبوع وسويله اي شي نفسه فيه
او ادا كان يحب الاكل قوليله بسويلك تطبخه ماتحلم بيها
وكدا


السبت
تاخدي شور لمن 9 ونص وتسوي فطور بسيط لك ولزوجك
من0 1 ونص الى 11 تنظفي البيت طبعاً مو تنظيف ترتيب<طبعاً عشان تستغلي الوقت تطلعي مثلا اللحم او أي شي من الفريزة عشان يفك او تسوي الاشياء السهلة على بال زي تخلي الكفتيرة تفور او أي شي
من 11 الى اتنين تسوي الغدا وتلبسي وتحركي يعني على بال الطريق توصلي اتنين ونص
وترجع 6 وانت داخله الغرفه تسحبي معاك المكنسه غيري وبسرعه نظفي ورتبي الغرفه ماياخد نص ساعه لو كنت تنظفي يوميا
7ونص ادخلي الصاله وكنسيها هيه والمطبخ كنسي والغرف المجاورة بسرعه يعني لمن 9 على اكثر شي وبعدين سوي عشا خفيف واتعشي
من 9 الى 11 من 9 الى 10 راحه ومن بعده داكري او على كيفك
الاحد
نفسه
نفسه
نفسه
نفسه
7ونص ادخلي الصاله بس بالمساحه بما انو ماعندك بزورة
طبعا حتخلصي قبل 9 ,,نفسه
الاثنين
نفسه
نفسه
نفسه
نفسه
7ونص حطي الملابس الملونة كل ابوها في الغسالة وغسليها ولمن تخلصي غسلي البيضا او العكس المووهم خلصي الغسيل طبعا حتنشريهااو تعصريها او نشفيها
حتخلصي بعد 9 ,و نفسه
الثلاثاء
نفسه
نفسه
نفسه
نفسه
7 ونص حتكوي الملابس كل ابوها وتعلقيها
نفسه
الاربعاء
نفسه
نفسه
نفسه
نفسه
7 ونص حتمسحي البيت وتنظفيه وتمسحي الطاولا ت وكل شي
نفسه
الخميس
نفسه
نفسه
نفسه
نفسه
7 ونص دوريلك شغله <خخخ مدري ايش تسوي
نفسه
الجمعه
نفسه
نفسه
نفسه
نفسه
نفسه
نفسه



سوري ماعرفت اسوي الجدول :( ولا احمله

همســ دلع ــة
10-02-2011, 01:41
حبيبتي me بصراحه مو عارفه كيف اشكرك عالردوود الحلوه وتعبك عشان تسويلي جدول وانتي تكتبين وتحطين ردود , والله احرجتيني مو عارفه شقولك وكيف اشكرك فديتك :)

exlex
19-02-2011, 08:45
ضحكتوني الله يسعدكم يعني البشرى خير
انا لسه في بيت اهلي وعندنا شغالة والحمد لله
بس اه ياغرفتي
ما احب الشغالة تنظفها لا فين وفين
ولا من قواية الوجه انظفها فين وفين
بس ما احب الكركبة احشي كل شي في الدولاب واخر الاسبوع انكت الاغراض
كدا ارتاح
بس اول ماكان عندنا شغالة كان كل البيت عليا ماشاء الله
الا غرفتي باب النجار مخلوع
بس من جد كنت اهتم بالنظافة مرة واحس اني انجزت وما ابغى اخرب اي شي
هيجتوا فيا ذكريات تضحك