المساعد الشخصي الرقمي

مشاهدة النسخة كاملة : البطن بعد العمليه القيصريه


shattered memories
04-04-2011, 03:54
السلام عليكم ورحمة الله


اخباركم يا احلى صبايا ( ايه باقي صبايا ولو عندنا دسته عيال واللي تقول غير كذا تطلع لي
برا شمواه وانا اطب في بطنها )

دام جبنا طاري البطن
رح نتكلم عنه شوي

انا يوم كنت بنت ما كان عندي بطن , ظهري وبطني سوا
لكن الاول تحول
انا جبت اثنين بعمليات قيصريه
وهذي هي اللي ابي اقرقرعنها شوي
بعض اللي والدات طبيعي ما عندهم مشكله لان البطن يخف بعد الولاده مو مثل اللي والده
قيصري


( ثاني يوم من عمليتي القيصريه خرجت امشي في المستشفى شافتني وحده تخيلوا ايش قالت
لي الله ينفس عليك على بالها باقي حامل )
تبغون التحطيم الصدق ( زوجي يوم شافني قال متأكده انك ولدتي )


البطن بعد العمليه تعب نفسي وجسدي
اقولكم ليه

اذا جينا نربط البطن قالوا لا ما يصلح ممكن تنفك العمليه
وفيه ناس تقول عادي اربطوها ما تقول شي

اذا جينا نسوي تمارين
في ولادتي الاولى قال الدكتور سوي تمارين بعد 6 شهور من العمليه
يا دوب بديت اتمرن وهوبا حملت بالثاني

بعد الثاني الدكتوره قالت عادي تمرني بعد الاربعين على خفيف
ويوم اتمرنت جاني نزيف

الخلاصه ومن دون لت وعجن
انا اليوم تخلصت من بطني والحمد لله
ما باقي الا شي بسيط وهو الجلد الزايد
يبيله تمارين من قلب عشان ينشد مزبوط
لكن عندي فتق
ما اقدر اسوي تمارين قويه

انا الحين مستمره على تمارين شد المعده على خفيف
حقول لكم كيف

في النفاس انا ما ربطت بطني ابد حاولت مره وبغيت اموت من الالم

وصراحه ما كنت اشرب زنجبيل ولا قرفه ولا غيرها الا على خفيف
هي حلوه ويمدحوها الناس لاكن انا ما قدرت اتقبلها

اهم شي كنت اسويه في نفاسي
هو البعد عن الهوا البارد ( لاني في نفاسي الاول تعرضت للهوا البارد وا نتفخ بطني )

في نفستي الثانيه الشراب ما فارقتني ابد
ولا انام قدام المكيف

الغازات ما شربتها نهائيا طلقتها بالثلاث
ولا اشرب شي بارد
العصير و المويه اشربها بحرارة الغرفه

الرز ما اكلته الا مرتين بس

اهم شي التغذيه الزينه و الاكل اللي يرم العظم

لا تحاتون الرجيم وانتو نفاس لانكم رح تتعبون بعدين
انا زاد وزني في النفاس لاكن ولا همني واثقه من نفسي هه
رجعت بيتي وانا بصحه وعافيه وهناك بديت اشتغل على نفسي


للامانه اول 6 شهور بعد العمليه ما سويت لا تمارين ولا غيره
بعد الست شهور الاولى بديت امشي لمدة ساعه يوميا
احيانا على السير الكهربائي
واحيان امسك غرفه ورايحه جايه فيها اهم شي امشي
ثاني شي بعد كل صلاه
انسدح على السجاده واسوي تمارين البطن هذي 10 مرات

http://up.shamoa.com/uploads/images/shamoa-58b8ef141a.gif



وهذي كمان 10 مراااات

http://up.shamoa.com/uploads/images/shamoa-eb153a5c67.gif



اشرب مويه بكثره

و كثرت اكل فواكه ومشاوي وقللت المقالي و الرز
بس

ترا مو مستحيل اننا نخسرالوزن بعد الولاده
انا اموت قهر لما اشوف الحريم كل وحده بطنها قدامها وتقول شوفي هاالاجنبيات ما لهم بطون
بعد الولاده مدري وش يسوون اكيد عمليات
طيب لو قلنا الاجنبيات عمليات
الحريم الاوليات (عجيزنا الله يحفظهم لنا ) برضه عمليات
انا اقولك وش يسوون يتمرنون ويتحركون
ترا الحركه بركه يا هوه
احا قادرين نستعيد قوامنا لازمنا شوية شدة حيل ومارح يصير الخاطر الا طيب

انا مو خبره يا دوب ولا دتين
لكني احب اسأل واجرب عشان اوصل للي ابغاه

احنا اناث قبل ما نكون امهات
لازم نفكر كذا عشان ما نفقد جاذبيتنا
اللي رايها من رأيي تعطيني هاي فايف


اهه بس خلاص
ما جاني نوم قلت اشارككم افكاري اللي ما لها داعي
( تدرون وش سالفة كل ها الحماس ....... رجع مقاسي سمول )


في رعاية المولى


مع حبي :4:

صدى
04-04-2011, 04:21
ماشاءالله عالحماسّ

الله يديمهـ ولا يضركـّ

عجبتني همّتكـ وحماسكـّ الغير منقطع

والاهمـ شئ انكـ مامليتي ماشاءالله

والاكيد بالهمّهـ والنشاط كلّ شئ يصير تماامّـ

وعلىَ قولتكـّ الحركهـ بركهـ

والا امهاتنا ليشّ ماطلعتلهمـ مثلنا الله يخليهمـ لنا

الاّ من حركتهمـ الدائمهـ والنشاطّ

الله يديمـّ عليكـّ الصحهـ يااارب

وماشاءالله مرهـ ثانيهـ ومبروكـ رجوعكـ للمقاسّ

حبت اسلوبكـّ بالكلامـّ وشدّني للاخير

دمتي

:lololove:

حلم~
04-04-2011, 05:55
مآشااء الله ..

والله كل شئ بالهمه .. والصبر ..

عجبتيني ..

آنا ولدت طبيعي ..

وزني كان قبل الحمل/ 51==طولي 156
حملت وزني بالتاسع 62 :(

ولدتطبيعي ووزني بعد الاربعين 58 :(

والله تآزمت مانززل مني غير 4كيلواا ..

طبعا مآ آرضع طبيعي .. لان اللي ترضع طبيعي بتنحف ..

اشتغلت ريجيم اكلي سلطات .. اصوم كل اثنين .. ( عشاني ولدت بنصف رمضان) فكان علي قضاء كثير ..

الان وصلت 54..

ويآرب اكمل المسيرره ..

للشئ اللي آبغاه ~

++

حبيت آسلوبك كثير .. وخلاص وقفي لاتحملي قريب ..خليك زيي شارطه بعد 5 سنوات يارب العافيه ..

تحيتي لك~

خوآطر للذكرى
04-04-2011, 06:33
ماشاء الله تبارك الله

يوه تراني الحين ضايق صدري مره بعد ماولدت

زاد وزني على الرغم انه نزل عن الاول بس مازلت

وكل مامشيت شوي او تمرنت تعبت لانه عندي نقص فيتامين دال ودسك بسيط

واحترت بنفسي واحاول اشوف لي حل لاني ماحب اشوف نفسي كذا

على الرغم انهم قالوا لي نحفتي بس مو النحف اللي ابيه

موفقه عساك ع القوه

like honey
04-04-2011, 08:21
ماشاء الله على حماسك
عجبني موضوعك

انا عندي اربع قيصريات وبطني بارز شوي
بولاداتي الي قبل الاخير كلها تعرضت لهواء بارد وكنت اشرب مويه بارده وهي الي خلت بطني بارز
اما بولادتي الاخيره ولله الحمد بطني مو بارز زي ولاداتي الي قبل
لاني بعدت عن شرب البارد وكثرت من شرب القرفة والقشر والزنجبيل
البطن يبغاله تمارين والمشي ع الاقل نص ساعة يوميا وراح يصير لاصق في الظهر
وانا ذحين اسوي تمارين كل صباح عشان يكون بطني مشدود ومافي اي ترهل

تسلمين يالغلاااا

دمتِ بسعاده

* جووووود *
04-04-2011, 06:29
موضوع متعوب عليه ,, واصرار وعزيمة ماشاء الله عليكـ ..

أحوووب الناس اللي يتحدون نفسهم ^__^

أنا توني بنوتة بس مدري وش دخلني هالموضوع...

آآآآآآآآآآآهـ أحس اني بصيييييح..

ليش الحرمة تحمل وتولد ليش مو الرجال يتعب بعد خخخخخخخخخ<<تفكير بنااااات

مع اني مو صغيرة عمري 22

أكتب لكم هالكلام وانا فيني الصيحة :

بس من جد أنا شي اسمه ولادة أخااااااااااااف منه خوف مو طبيعي ودي ما اتزوج كله عشان ما اجرب الولادة ..

مرة رديت خطيب عشان ما اجرب الولادة ههههههههههه<<بس هذا كان قبل كم سنة يوم كنت بريئة حيل ودلوعة

وكنت اقول اذا اذا تزوجت واذا اقتنعت اني احمل .. بأولد قيصري مستحيييييييييل أولد طبيعي!!

كنت استغرب من الحريم اللي يقولون فلانة مسكييييينة ولدت قيصري ..!

أدري الدعوى فيها شق بطن وخياطات و و بس على الاقل تكون الوحدة متخددددررررة ما تحسسس!

عادي لو تحس بعدين بالألمـ بس أهون من لحظات الترقب و الالم الشديد وهي في وعيها آآآآآآآآآآآآه احسه تعذيب مو طبيعي..

مستحييييييييييييييييييل أعرض نفسي لهالموقف (الولادة الطبيعية)

بس الحين يوم قريت موضوعك تحطممممت من القيصرية مررررررررة..

خلااااااااااااااص اجل مابي لا هذي ولاهذي ..! بصييييييح من جد وش هالحالة .. الحرمة مسكينة..!

من جد هالشي مخوفني من الزواج بقوووووة ومكرهني فيه ..

الله يعينكمـ ويصبركمـ ويهون عليكمـ :( <<بتروح تصيح الحين

•°« غصة حنين »°
04-04-2011, 08:08
مشااءالله عليك...

الله يجعلك داايم كذاا نشيطه وتحاافظين على جسمك...

مشكوره يالغلا على نقلك تجربتك المتواااضعه

*سمو الاميره*
04-04-2011, 08:44
انا عندي وبنت وولد وبننهم فرق خمس سنين وجسمي ولله الحمد حلو ومتناسق وطبعا اسمن فترة الحمل انا طويله ووزني 55 قبل الحمل بعد الحمل يوصل 64 اول ما اولد رياضه واربط بطني بحزام طبي ماشيله اتحمل الالم من اول يوم اشتريت كتيب اسمه الرشاقه بعد الولاده استفدت منه كثيييير وفاد غيري كل وحده تحمل تستعيره مني وارضع طبيعي ست شهور بالضبط افطم لاني اوصل لمرحله مرضيه من النحف حتى ما اقدر اوقف وبعدين ابدا اسوي رجيم خخخخخخ بس رجيم تسمين اقعد اكل اللين ماوصل لوزن طبيعي واللحين انا حامل بالخامس وانشا ء الله ماتصير عندي بطن بالثالث لاني خايفه يقولون اذا تكرر الحمل يخرب الجسم

فطومة
04-04-2011, 08:56
ااااااااه
ش قووول و شـــ خلي
تصدقي يوم فقت من البنج اشوف بطني جتني صيحه وجنبي نيرس كان اقولها انا ولدت ولا لاااااااء؟؟؟؟؟؟
والله حسبت نفسي ماولدت ... تقولي ايه ولدتي
وبنتي مو جنبي شكيت في موضوع الولادة زياده كخخخخخخ
واللي يشوفني بعد ماولدت يقولي بطنك واااااضح مرررة
كنك حامل بالشهر الخامس <<< فيه شي اسمه رفع معنويات ما اعتقد يعرفونه
مشكلتي كنت اشرب غازات كتيير ورحت فيها
وانا من الله عندي بطن من يوم كنت بنت
وووو لوبغيت انحف واسوي رجيم وجهي ينحف مرة والجسم يعني البطن والأرداف تبقى كما هي>> سر العايله الله يرحم

shattered memories
05-04-2011, 01:20
حبيت آسلوبك كثير .. وخلاص وقفي لاتحملي قريب ..خليك زيي شارطه بعد 5 سنوات يارب العافيه ..

تحيتي لك~


ان شاء الله انا الحين اشرب حبوب منع الحمل و ما حتركها الا بعد خمس سنوات بإذن الله

اسعدني مرورك

ماشاء الله تبارك الله

يوه تراني الحين ضايق صدري مره بعد ماولدت

زاد وزني على الرغم انه نزل عن الاول بس مازلت

وكل مامشيت شوي او تمرنت تعبت لانه عندي نقص فيتامين دال ودسك بسيط

واحترت بنفسي واحاول اشوف لي حل لاني ماحب اشوف نفسي كذا

على الرغم انهم قالوا لي نحفتي بس مو النحف اللي ابيه

موفقه عساك ع القوه

كل شي حيجي بوقته لا تستعجلي على النحف رح يضيق صدرك وتطفشين
اهم شي الصحه بعدين فكري في الوزن
يسعدك ربي

ماشاء الله على حماسك
عجبني موضوعك

انا عندي اربع قيصريات وبطني بارز شوي
بولاداتي الي قبل الاخير كلها تعرضت لهواء بارد وكنت اشرب مويه بارده وهي الي خلت بطني بارز
اما بولادتي الاخيره ولله الحمد بطني مو بارز زي ولاداتي الي قبل
لاني بعدت عن شرب البارد وكثرت من شرب القرفة والقشر والزنجبيل
البطن يبغاله تمارين والمشي ع الاقل نص ساعة يوميا وراح يصير لاصق في الظهر
وانا ذحين اسوي تمارين كل صباح عشان يكون بطني مشدود ومافي اي ترهل

تسلمين يالغلاااا

دمتِ بسعاده


انت تعجبيني

بعضهم يقول خلاص ويكسل
و مثل ماقلتي البطن يبيله مشي

ما عاد فيه شي اسهل من المشي

يسعدك ربي

shattered memories
05-04-2011, 01:27
موضوع متعوب عليه ,, واصرار وعزيمة ماشاء الله عليكـ ..

أحوووب الناس اللي يتحدون نفسهم ^__^

أنا توني بنوتة بس مدري وش دخلني هالموضوع...

آآآآآآآآآآآهـ أحس اني بصيييييح..

ليش الحرمة تحمل وتولد ليش مو الرجال يتعب بعد خخخخخخخخخ<<تفكير بنااااات

مع اني مو صغيرة عمري 22

أكتب لكم هالكلام وانا فيني الصيحة :

بس من جد أنا شي اسمه ولادة أخااااااااااااف منه خوف مو طبيعي ودي ما اتزوج كله عشان ما اجرب الولادة ..

مرة رديت خطيب عشان ما اجرب الولادة ههههههههههه<<بس هذا كان قبل كم سنة يوم كنت بريئة حيل ودلوعة

وكنت اقول اذا اذا تزوجت واذا اقتنعت اني احمل .. بأولد قيصري مستحيييييييييل أولد طبيعي!!

كنت استغرب من الحريم اللي يقولون فلانة مسكييييينة ولدت قيصري ..!

أدري الدعوى فيها شق بطن وخياطات و و بس على الاقل تكون الوحدة متخددددررررة ما تحسسس!

عادي لو تحس بعدين بالألمـ بس أهون من لحظات الترقب و الالم الشديد وهي في وعيها آآآآآآآآآآآآه احسه تعذيب مو طبيعي..

مستحييييييييييييييييييل أعرض نفسي لهالموقف (الولادة الطبيعية)

بس الحين يوم قريت موضوعك تحطممممت من القيصرية مررررررررة..

خلااااااااااااااص اجل مابي لا هذي ولاهذي ..! بصييييييح من جد وش هالحالة .. الحرمة مسكينة..!

من جد هالشي مخوفني من الزواج بقوووووة ومكرهني فيه ..

الله يعينكمـ ويصبركمـ ويهون عليكمـ :( <<بتروح تصيح الحين


يا حبيبتي و ليه الجنه تحت اقدام الامهات

فكري فيها الجنه تحت قدم الام

ايش عاد تبغي اكثر من كذا

و ايش فيها الولاده الطبيعي

او حتى القيصريه شوية الم وراح في حال سبيله

الوحده لمن تشوف ولدها وربي كأن احد يغسل قلبها بمويه باااااارده وكل اللي تحس فيه يصير عااااااادي
ربي اكرمنا احنا الحريم بالحمل والولاده
شوفي حتى وخزة الشوكه انتي مأجوره عليها
يعني تجيبي عيال وتفرحي وتاخذي اجر

هونيها وهي رح تهون

يسعدك ربي

shattered memories
05-04-2011, 01:34
انا عندي وبنت وولد وبننهم فرق خمس سنين وجسمي ولله الحمد حلو ومتناسق وطبعا اسمن فترة الحمل انا طويله ووزني 55 قبل الحمل بعد الحمل يوصل 64 اول ما اولد رياضه واربط بطني بحزام طبي ماشيله اتحمل الالم من اول يوم اشتريت كتيب اسمه الرشاقه بعد الولاده استفدت منه كثيييير وفاد غيري كل وحده تحمل تستعيره مني وارضع طبيعي ست شهور بالضبط افطم لاني اوصل لمرحله مرضيه من النحف حتى ما اقدر اوقف وبعدين ابدا اسوي رجيم خخخخخخ بس رجيم تسمين اقعد اكل اللين ماوصل لوزن طبيعي واللحين انا حامل بالخامس وانشا ء الله ماتصير عندي بطن بالثالث لاني خايفه يقولون اذا تكرر الحمل يخرب الجسم




الله يخلي لك عيالك ويقومك بالسلامه
و ان شاء الله ما رح يخرب جسمك
يا شيخه جارة امي عندها 11 ولد وبنت
وما شاء الله عليها عارضة ازياء وهي حرمه كبيره في السن

اهم شي الوحده تنتبه لنفسها ولا تهمل جسمها

اسعدني مرورك يالغلا




ااااااااه
ش قووول و شـــ خلي
تصدقي يوم فقت من البنج اشوف بطني جتني صيحه وجنبي نيرس كان اقولها انا ولدت ولا لاااااااء؟؟؟؟؟؟
والله حسبت نفسي ماولدت ... تقولي ايه ولدتي
وبنتي مو جنبي شكيت في موضوع الولادة زياده كخخخخخخ
واللي يشوفني بعد ماولدت يقولي بطنك واااااضح مرررة
كنك حامل بالشهر الخامس <<< فيه شي اسمه رفع معنويات ما اعتقد يعرفونه
مشكلتي كنت اشرب غازات كتيير ورحت فيها
وانا من الله عندي بطن من يوم كنت بنت
وووو لوبغيت انحف واسوي رجيم وجهي ينحف مرة والجسم يعني البطن والأرداف تبقى كما هي>> سر العايله الله يرحم


انا اللي كان يشوفني بعد الولاده كان يقول انت حامل بالرابع مع ان ولدي كان عمره 6 شهور

تحطمت في البدايه ومثل ما قلتي الوجه ينحف واخر شي الجسم

اهم شي ما تيأسي وتركزي بالتمارين على المناطق اللي محتاجه شد اكثر

يسعدك ربي ويحقق لك مناك

just20001
25-04-2011, 04:42
يا اخواتي يوم وقت الحمل سوي رياضه بس خفيف لان يوم تولدين يرجع وزنج مثل اول يعني وقت الحمل يكون اوزن الزائد بس 5 كيلو

دلع طفولي
01-05-2011, 03:15
حبيبتي انا ولدت ولادتي الثانيه عمليه بس غير عن ولادتي الاولى الي كانت طبيعي صح ماقدرت اربط بس الحمد لله ماعندي هذيك البطن تدرين ليش سمعت كلام الدكتور قلى في الاربعين بس امشي عشان تنشد عضلات البطن مزبوط وماتتفكك لو سويتي رياضه وبعد الاربعين سوي رياضه عادي الدكتور ماشاء الله عليه ماخوفني مثل الناس لا تسوين لا تقومين نامي لا تجلسي واه كل ماتذكر عذاب مو ولاده وجدتي الله يخليها لنا مررره كانت خايفه علي لان خالتي قبلي تعبت شوي من البنج وكانويخوفونها الممرضات فزادت تعب ام انا الحمد لله احس ممرضات العلاج الطبعي كانو متفهمات قالولي مخاطر النوم وعدم الحركه بهدواء وماكانو يضغطو علي بس يكلمو الدكتور وهو يكلمني باسلوبه الرائع وغير اني ماقدرت اربط بس كنت البس بناطيل اذا ماكان عندي ضيوف وشوي شوي صغرت البطن ووزني نزل 10 كيلو في رمضان طبعا مع تخفيف الاكل كل مالي انزل حتى اخوات زوجي صارو يقولولي باقيلك شوي وترجعي وزنك لمى كنت عروسه خخخخخخخخخخخخخخخ

عروس2011
20-05-2011, 07:35
تسلمين حبيبتي على ألإفاده
انا اذكر زوجة عمي ولاداتها ال3 كلهم عمليه قيصريه
وكانت كله تشرب البارد وماتجلس إلا تحت التكييف وانتفخت هههههههه

بس بعد ولادتها ال4 ونفس الشي كانت بعمليه
بس غيرت روتينها ماتشرب إلا الحار والمويه تشربها دافئه
وماتجلس تحت التكييف ابدااااااااااااا
والحمدالله بعد ماتعافت سجلت في نادي
وتشرب مويه كثييييييييييييييييييييييير
ورجع جسمها كأنها عروس جديده

aronahkg
30-05-2011, 09:43
يسلمووووووووووو موضوعك على الجرح انا حامل بطفلي الثالث بيكون قيصري ومره خايفه من الوزن والبطن
بطبق كلامك والله يسر والف شكر على الحماس رفعتي معنوياتي