المساعد الشخصي الرقمي

مشاهدة النسخة كاملة : تجربتي مع Bio Oil بالتفصيل


DmDm
25-05-2009, 10:26
هلا فيكم


قرأت كثير عن ال BIO OIL في منتديات اجنبيه كثيره ومدحوه بأنه يزيل علامات التمدد ويمنع ظهورها للحوامل ويصفي البشره وووو قلت شكله هذا اكسير الحياة >>> :thinking:

هو زيت خفيف وريحته حليوه وهذي صورته

http://up.shamoa.com/uploads/images/shamoa-7c96e03f62.jpg (http://up.shamoa.com/uploads/images/shamoa-7c96e03f62.jpg)

وبالتعليمات اللي داخله يشرحون لك طريقة المساج للوجه

http://up.shamoa.com/uploads/images/shamoa-86968e1d87.jpg (http://up.shamoa.com/uploads/images/shamoa-86968e1d87.jpg)

واستخداماته ومنها:

علامات التمدد
الندب
الجلد المتقدم بالعمر
الجلد الغير متساوي باللون
الجلد الجاف

هو مو متوفر بالسعوديه اخذته من دبي وجربته وقت حملي من بداية الشهر الرابع ورجعت اشتريت 3 علب زياده قلت يمكن يفيد

فما لاحظت اي تغير ولا منع التشققات الي تطلع بالحمل

وجربته للوجه وطلع لي بثور صغيره

وصرت استحدمة للرقبه وحستها انشدت شوي يمكن من المساج والحين صرت اسوي فيه مساج للجسم >> احاول اخلص الكمية اللي عندي :momtan3:

الخلاصة ماانصحكم فيه

ودمتم بود

خرز
25-05-2009, 11:15
مشكوره ياحبيبتي على التنبيه....

واذا على تشققات الحمل سبحان الله بعض الحريم مايطلع لهم وهم لايستخدمون لازيت ولاغيره....

وبعض الحريم تهتم مره بالزيوت والكريمات ومع كذا تطلع الشقوق...الله يعين بس...

هي على حسب الجلد وكل وحده تختلف عن الثانيه....

ماقصرتي يالغاليه...

طال عمري
25-05-2009, 11:24
تسلمين حبيبتي على تنبيهك ..

يعطيك العافيه .. مره اعجبني الزيت :)

CHOCOLATE
26-05-2009, 02:05
شكرا لك لذكر تجربتك

تشققات الحمل او السمنه مالها اي علاج او حل وتختلف حسب البشره

!خط النار!
26-05-2009, 03:49
والله هاللزيت آآآآآخذ سمعه قويه ..وكنت اتمنى اجربه :(
الحمد لله اني ماتعنيت ووصيته من برى..
من جد بعض البنات يبالغون بوصف تجاربهم ..الين تقولين وش ذا السحر..البشره لاتلفت مستحيل ترجع زي ماهي ..خصوصا من التشققات ..اذا كنتي تسعملينه للتشققات ..يمكن تخف ..ولي تجارب كثير ..احس انها تحسنت شووي من منظرها لاكن مستحيل ..تختفي ..وخليك مقتنعه بذا الشي ..عشان تتقبلين النتايج بشكل افضل ..
اذا حابه شي مفيد للبشره فعلا ..عندك كبسولات فيتامين e هي افضل شي ..ماقول تمحيها لاكن تحسنها ويمكن تغذي الانسجه التحتيه ..وبالتالي يخف اللون ...

الله يجزاك الف خير ياقمر على ذكر تجربتك ..

kteeer_nice
26-05-2009, 12:04
أول مرّه أسمع عن البيو أويل ..


يعطيج العافيه على ذكر تجربتج :)

DmDm
26-05-2009, 05:05
الف شكر لكم نورتوا الموضوع

خط النار

انا مو بس جربته للتشققات ابيه ينعم البشره يوحد اللون مافيه فايده

بالنسبة لكبسولات فيتامين e جربتها لتحت العين حلوه ومافكرت اجربها للتشققات

شاكرة لك يالغاليه

سنا الود
27-05-2009, 06:49
شكراا لك على دكر تجربتك :pinkflower:

chica en el amor
28-05-2009, 11:50
انا توني شاريته من اسبوعين ومالي خلق اداوم عليه هههههههههههه :)
بس باحاول :( عسى اي شي يضبط، سواء توحيد لون والا تشققاات كلهم ابيهم :(

الاخت اللي قالت كبسولات فيتامين e تحت العين ،، كيف استخدمتيهم ؟؟؟

what i miss
26-06-2009, 02:34
يمكن ماناسبك بس يمكن يناسب غيرك
والله اعلم
بس انا ما احب اجرب شيء إلا لما اتاكد منه زين
يسلمو يالغلا على التنبيه

..مسك..
26-06-2009, 05:11
ابدن ابدن التشققات مالها حل واذا جسمك عنده استعداد مستحيل تمنعينها
لا زيوت ولا زبده كاكاو ولوز وغيره >> عن تجربه مافادتني

مراس
28-06-2009, 04:32
انا مثلك للأسف استخدمته ولافادني بشي ابد

انا شريته من الكويت ولا انصح فيه ابد

مافي غيري!
12-07-2009, 06:51
مشكوره الف الف مره على عرض التجربه لاني دايخه السبع دوخات عليه وااوصي اي احد يسافر يجيبه لي ومتحمسه اخر حماس ......... ماهيقيتها منه بيو اوي .......... ياخساره حماسي بس

لكن الحمدلله اني قريته قبل مااشتريه واتورط به ........

شكرا خيتو وفديت قلبك

oO_ just a girl _Oo
13-07-2009, 07:44
انا حاليا حامل واستخدمه
وعادمدري وش يصير
يارب يفيدني
اظن هو على حسب نوع البشره

NO MORE
13-07-2009, 12:28
كــٍـٍـٍـل دكآترة آلعآلم يقولون آلتشققآت مآتروح لو مدري وش تسسوينْ

بسسً آنآ بقولك عن تجربهـ آنآ من طلعت آلتششقآت بصدري تطلع بآلبدآية حمرآ على طول سويت زبدة آلكآكو موجودة بكـٍـل آلصيدليآت آلمهم آنهـآ رآآآآآآحتْ مرة يعني تلحقينهـآ في آلبدآية يعني آذآ صآرتْ بني آو بيضآ آنسسسي ..

ومششكورة ع آلتنبيهـ ..~

ديفاا
12-07-2010, 05:21
يا ليت لو في حل لتشققات

عالعموم تسلمين خييتو عالنصيحه

جزاج ربي الجنه

a7la_q8ia
12-07-2010, 05:34
مشكورة حبيبتي عالنتبيه

الله يعطيج العافيه

,عذبة الروح,
12-07-2010, 06:47
مشكورة حبيبتي على التنبيه

زهره الربيع
13-07-2010, 11:03
الله يعطيكي العافية على المعلومة بس حبيت اضيف اذا تبغي زيت لترطيب البشرة مافيه زي زيت زيتون
ويسلمووووووووووووووووووووووياقمر انك حذرتينا

اصدقـ احساسـ
13-07-2010, 11:10
اعجبني الزيت

مشكوره على المعلومه قلبو

احسـ انثى ـاس
30-07-2010, 10:09
مشكوره قلبو مع اني تحطمت شويات لاني شاريته له شهر بالدرج عموما الف شكر

fzal5foq
18-09-2010, 09:58
حلووو للأسترج مارك .

الله يعطيج العافيهـ حبوبهـ .

sharifa76
25-09-2010, 05:24
صراحه مثل ماقالو الاخوات

لازم نلحق التشققات من الاول بالكريمات حتى لاحظو الدكاتره ينصحو عند اتباع رجييم او لعب رياضه بدهن الجسم باي زيت او كريم ولا نتركه جاف


علشان مايتشقق

طــهـــر
05-10-2010, 03:44
يالله كويس قلتيلنا تجربتك لاني جالسه استخدمه الحين بعد ولادتي وتوني بالبداية مالاحظت شئ

بس ع قولتك دعااايته مره قووووية

انا استخدمه مع زبدة الكاكاو واحط خلطة ( خل التفاح + قهوة تركية + عفص مطحون + مر )

مع كل هالاستخدامات احس فيه تغير بنسبة 50 %

بس حقيقة هي تخف بالاهتمام

لكن ماتختفي الا بالليزر ،،

مناته
12-10-2010, 12:03
انا جربته نفس الشي ما احس فرق معاي
بس بقولج شي استخدمته وودى التشقاقات
ريت جنين القمح هو صحيح ريتحه قويه ولونه زي الكركم لان والله انه خلال اسابيع شال الخطوط وتراه روعه لتوحيد لون البشره

كاميليا
12-10-2010, 03:07
يسلمووووو ع التنبيه

حبوبه جربي Bio Oil من بوتس وايد يمدحونه

وعندج بعد مستحضرات بالمرز بزبدة الككاو طبية ونتائجها حلوه

وللامانه ترا مافي شي يزيل آثار التمدد نهائيا

لكن مه استخدام الكريمات بانتظام والاستمرار تقل وتخف عن قبل

حزن في سجن أنيق
15-10-2010, 01:15
يعطيك العافيه
ومشكووره على ذكر تجربتك

أم أريام
21-10-2010, 04:12
اشكركي على النصيحه
انا اعاني من تشققات في بعض المناطق في جسمي وماادري ويش الحل

خيآل
22-10-2010, 03:28
وايد بنات يمدحووون فيه

ويمكن حسب البشره

لكن هو طبيعي فاكيد مايضر ابد

ثانكس ع طرحك لتجربتك :)

سما الغرور
27-09-2011, 02:32
تقفان الحمل مال دوا الا الليزر على قد ما حاولت ما قدرت عليها :mabymaby:

فراشه برونزيه
27-09-2011, 02:56
تسلمين على طرح تجربتك بس اتوقع بشرتك مو مناسب لها كثير بنات فادهم الزيت اشوفه في صيدليه بوتس في الرياض والحريم يشلون منه بالهبل طيب ليش ماتجربي زبدة الشيا الخام وتخففيها بزيت زيتون يمدحونه كثير

احلى واحلى 14
27-09-2011, 10:55
اول ماشفت الموضوع ضنيتك تقصدين بيبي اويل
اما بيو اويل اول مره اسمع عنه مشكوره على التجربه

ومثل ماقالوا البنات التشققات على حسب بشره الوحده اختي ماطلع لها ولا شي انا طلعت لي كثير اختي الثانيه اكثر خرايط
بس سمعت الطبيبه تقول لازام من اول شهر ويوميا

زهرة الكرز
01-10-2011, 01:35
الالالالا منجدك
كنت ناويه أشريه وحاطه فيه كل الحلول
يالله الله المعوض خير

الليدي كيوو
12-06-2012, 05:17
مشكوره انك علمتينا عن تجربتك ك ك

وليت الناس ماتندفع ورى دعايات المنتجات وكذبهم


وهالشركات أكيد ماعندها إلا تلعب عالناس وأكل أموالهم بالباطل



ودمتم بخير

نونا اخت فوفو
12-06-2012, 10:48
حتى انا للاسف ماحصلت منه اي نتيجه بس ترطيب ولا عدت التجربه معه
عندي كريم فازلين زبدة الكاكاو افضل منه للتشققات

BeeDoo
12-06-2012, 11:58
فوايده جميله وتهم الحريم اكثر شي
يعطيك الف عافيه
ع الافاده الروووعه

روح النرجس
14-06-2012, 12:07
شكرا على المعلومات
مثل هالمنتةجات في الي بتناسبه وبتجيب معه نتيجه وممكن ماتجيب مع البعض
بس بظل التجربة خير برهان

AmoOolaah
14-06-2012, 07:20
انا توني شايفته بالصيدليه عندنا في المملكه وكنت متحمسه اخذه لتوحيد اللون للبشره اشوى مااخذته
مشكوره قلبو على ذكر تجربتك

ɱϓƲńᎯ
12-12-2012, 02:57
*~~*{مرحباً صبيا كيف حالكم}*~~*
والله قريت الموضوع بعد ماشريتها انا لي يومين استخدمه وان شاء الله فترة وارد لكم النتيجة إيه او لا استعدو هذا صورتة الي تحت اخذتة من صيدلية بوتس الخيمة ب150 SAR *الصغير والكبير 170 SAR [COLOR="rgb(244, 51
[COLOR="rgb(43, 84, 126)"]ووووووووووسلمتكمhttp://www.terrywhitechemists.com.au/catalog/product/gallery/id/32534/image/26156/

رذاذ انثى *
12-12-2012, 03:25
شكرا لالك ويعطيك الف عافية لانه نبهتينا وحكيتي تجربتك
مع انه اخد كتير شهرة وسمعة
الله يجزيك الف خير يا رب

FAB-NONITA
21-12-2012, 05:02
هذا الزيت من زمان اشوف اختي تستخدمه ولا ادري حق شنو


يبيلي اشتريه واجريه حمستوني من مدحكم

Hadia ČO artful
21-12-2012, 08:21
الله يعطيك العافيه على التنبيه

مشكوره ياقلبي

اسماء111
30-03-2013, 09:07
البايو اويل مضر بالبشرة و الجسم لانه كيميائي وفيه مواد ضارة ,, معلومة طبيو
زيت الزيتون افضل
موفقة ي قلبي

حنان الحب
25-05-2013, 04:49
مشكورة على التنبيه على الدعاية توقعته حلو

لكن فيه ناس تمدح على غير سنع

أميرة ألبانيا
25-05-2013, 06:05
حبيبتي شكرا عالتنبيه لأني وصيت زوجي عليه من أسبوع هو أو كريم mustela وماحصلي البيو أويل وجبلي mustela بصراحة يلي تاعني من تشققات الحمل انصحكم فيه جدا ممتاز من أول أسبوع حسيت بالفرق وخف كتير كانت علامات بنفسجية غامقة والحين صارت زهر فاتح حتى والله العظيم زوجي كان مايرضى يطلع على بطني أبدا ويقولو حاولي لاتورجيني اياه أبدا ومن يومين قالي معقول صار بطنك بهالشكل المهم مالكم بالطويلة حبيت افيدكم وإن شاء الله أنا متأملة إنهم يختفو تماما

selver
30-05-2013, 09:06
حبيبتي بالعكس البايو اويل مرة ممتاز

لكن يمكن طريقتك كانت غلط او شيء كذا

اغلب الناس يمدحوه وعليه طلب كبير

-

يلا مو كل شيء يناسب غيرك لازم يناسبك

وان شاء الله تشوفي المنتج اللي ترتاحي له ياعسل

ومشكورة على طرح التجربة :cheery:

ema moon
02-06-2013, 06:01
السلام عليكم
أنا بقولكم تجربتي مع Bio Oil
أنا بديت استخدامه من بداية محلي واستمرت عليه طول فترة الحمل وبعد الولادة طلع لي تشققات صح مو وايد بس مبينه لونها بني صابني إحباط بس صديقاتي ( أجانب أنا عايشه برى) للتوضيح بس قالولي استمرت عليه وراح تشوفين النتائج وفعلا استمرت عليه ولليوم أنا مستمره باستخدامه مع العلم ولدي الحين عمره سنة ونص ( الله يحفظه يارب)
المهم النتائج الحمد الله بدت تظهر الخطوط راحت بنسبة كبيره اقدر أقول 90 بالميه لما أشوف بطني بالمرايا ما ألاحظ الخطوط إلا لما ادقق عدل أنا صراحه انصح فيه وايد أختي انتي استخدمتيه فتره جم شهر بس عشان جذي ما شفتي نتائج.
ومثل ماقلتي الأجانب يمدحونه وايد وأغلبهم يستخدمونه انا بنات معاي بدوام انصحوني فيه لما كنت حامل وحده من رفيجاتي تقول عندها اثر حرق من سنين بريلها واستخدمت Bio Oil وراح والله ورتني ريلها ما فيها أي اثر.
بنات انا حبيت اشاركم تجربتي وان شالله أكون أفدتكم.

صبآح الفل
03-06-2013, 02:27
هلا حبيبتي أنا سمعت عن هالمنتج أعتقد أنج ما داومتي عليه
الناس تقول أن النتايج تظهر بعد شهر شهرين ثلاث شهور على الأقل
يبآلة صبر و بعدين المفروض تجربي بالأول مو تسرفين بفلوسج
و تسلمين يالغالية ع الموضوع الله يوفقج

RaWaQan
03-06-2013, 09:46
الله يعطيك العافيه فعلا اغلب البنات بالمنتديات الثانيه يبالغوون الله يهديهم انصحك بالفيتامين ا وزبدة الشيا

сαяαмєlα ♠
30-07-2013, 11:01
هيَ بشَرة عن بَشرة تفرِق ، البَآيو اويَل ما قِد استخدمته ، وَ يمكِن تكَون نتيجَة ايجآبية معَ بشَرة غير بشرَتك ، لآكِن بالنهَاية
كُل الشُكر لك لافآدتنَآ بتجربَتك .
:1heart:

shosho551
31-07-2013, 01:10
اختي انا استخدم bio oil من شهرين ونص هو وزبده الشيا بصراحه لاحظت تحسن ما اقول 100٪. بس راضيه الى الان عنه العلبه خلصت وناويه اجيب وحده غيرها لازم نطول بالنا لاتستعجلي

آنسه غرور
02-08-2013, 03:30
ياقلبي هذا الزيت يبي له مداومه واستمرار ..
بالعكس استخدمته ومرا فادني وهو يعتمد على نوع بشرتكك مثلا اذا كانت دهنيه وطريقه استعمالكك له ..

jljl'
02-08-2013, 09:05
انا جربتهه قبل عرسي ب 4 شهور استمريت عليهه مع الترطيب فتح لي المناطق السمرا ووحد لي اللون وصفا جسمي انا بيضا بس في مناطق شوي سمرا وكنت ابي شي يوحد لي اللون والله م حصلت مثل البايو اويل رههههيب .. وكان عندي تشققات بجسمي والله خفففففففت كثثير هي مستحيل تروح بس تخففف ويصير شكلها مو واضح زي قبل .. وكنت اخلطهه مع اي كريم واحطهه مو شرط لحالهه
كنت استخدمه بعد الشور وقبل النوم

والله رهيب وعن تجربهه ويستاهههل كل ريال 'جبته طلبيه من الرياض ولاندممممت ابد ..
:-*

الدروب
10-08-2013, 07:20
جربت هالزيت على اختيوهي فيها شوية أكزيما وزيادة آثار اكزيما سابقة
اللي لاحظته خفت الأكزيما بشكل كبيييييير والآثار بعد تقريبا 60٪
ومدة استخدامها له شهر تقريبا

الحياه في شمواه
16-08-2013, 09:07
صارله بالرف اكثر من سنه حمستيني استخدمه لصدري على الاقل
انً مافادني ماضرني

ريحته مزعجه شوي زي الفيكس

BaBy_Pink
17-08-2013, 03:53
أنا استخدمه من شهور واشوفه ممتاز.. يخفف من التشققات ويوحد لون البشرة.. بس يباله استمرار عزيزتي..
يعني شهور وبشوفين شئ أن شاء الله

LITCHI
11-01-2014, 08:59
انا الشي الوحيد اللي نفع معاي لتشققات الحمل وفعلا لاحظت انها خفت فقط ما اختفت لما ادمنت الرياضة والحمام المغربي
غير كذا لا بايو اويل ولا اي زيت ولا اي زبدة منعتها او اخفتها