المساعد الشخصي الرقمي

مشاهدة النسخة كاملة : شعر شعري يتعقد، أكره شعري :d +قصات للشعر


أمَاني
28-06-2013, 06:50
أهلاًَ مساء الخير :8:
ياجماعة أنا مشكلتي طويلة عريضة، بس بختصر
شعري طول عمره خفيف وناعم،
طبعاً من سنة ونص تقريباً تغير علي شعري ٩٠ درجة
صار كثيف+ يتعقد
ياجماعة يتعقد بشكل ماقد شفته بحياتي
كأنه أحد ماسكه طول الليل يربطه ببعض
يسير كتلة وحدة متشبكة زي الليفة وأنا أقعد عليه اربع ساعات أصيح وأمشطه :بليز:
وأمشط ويرجع يتعقد وكذا حالتي أنا وياه
خلاص أنا وصلت لدرجة أكثر شي أكرهه هو شعري
ودي أحلقه زي ناتالي بورتمان :d:
بس هيهات مايناسب وجهي أبد
طبعاً شعري مو طويل تحت كتفي بشوي بس
ففكرت ممكن يكون حل هذي المشكلة يا إني أخليه قصير مرة مايقدر يتعقد "هذا الحل مستبعد حالياً ماودي أقصر شعري إلا بعد ما أتخلص من الكيلوات الزايدة :$"
أو أدرجه جداً عشان مافي خصل تتشابك :بليز:
أدري إن التدريج قديم ومش حلو بس ماقدامي غير كذا
فممكن أحد يعرف شي عن هذي المشكلة؟ أو حلها
لأني ماقد شفت أحد شعره يتعقد مثلي، والمشكلة ناعم :بليز: يعني ناعم ويتعقد بشكل، وأختي خشن بس يمر فيه المشط زي العسل.. وهو اللي يشوفنا يقول العكس :26: *قلب مكسور* لول

+ أبي قصات دارجة هالفترة لو سمحتم.. محبش شي قديم :redredheart:

Dolly.Face
28-06-2013, 07:17
متأكده انه شعرج ناعم ؟ ممكن يكون ويفي وانتي ما تدرين

ترا في بنات شعورهم كرلي أو ويفي وما يدرون من كثر ماهو جاف وتعبان وموقادر ياخذ شكله الطبيعي

وكم عمرج ؟ مراهقه ؟ في فترة المراهقه مع التغيرات الهرمونيه نوعية الشعر عادي تتغير من ستريت

لويفي أو حتى كيرلي

الحل يكون بالتأكد من نوعية شعرج .. بطلي غسل شعرج بالشامبو وواستمري فقط على بلسم

شوفي يتجعد يعني يصير ويفي إذا نعم معناته شعرج ويفي ولازم تعاملينه على انه ويفي

إذا شكله ستريت عادي فحل المشكله بسيط رطبي شعرج بكريم يترك ع الشعر ومشطيه لين تروح

العقد كلها ... الخطوه هذي يفضل تسوينها بعد ما تطلعين من الشاور وشعرك شوي مبلول

أمَاني
29-06-2013, 05:34
متأكده انه شعرج ناعم ؟ ممكن يكون ويفي وانتي ما تدرين

ترا في بنات شعورهم كرلي أو ويفي وما يدرون من كثر ماهو جاف وتعبان وموقادر ياخذ شكله الطبيعي

وكم عمرج ؟ مراهقه ؟ في فترة المراهقه مع التغيرات الهرمونيه نوعية الشعر عادي تتغير من ستريت

لويفي أو حتى كيرلي

الحل يكون بالتأكد من نوعية شعرج .. بطلي غسل شعرج بالشامبو وواستمري فقط على بلسم

شوفي يتجعد يعني يصير ويفي إذا نعم معناته شعرج ويفي ولازم تعاملينه على انه ويفي

إذا شكله ستريت عادي فحل المشكله بسيط رطبي شعرج بكريم يترك ع الشعر ومشطيه لين تروح

العقد كلها ... الخطوه هذي يفضل تسوينها بعد ما تطلعين من الشاور وشعرك شوي مبلول






أهلاً حبيبتي
إيه متأكدة إنه ناعم :( عاد مادري وش قصدك بناعم بس أنا ما أقصد ناعم ستريت مرة لا ناعم شكلاً وملمساً
لا مشكلة التعقيد مو بسيطة لدرجة كريم أو بلسم وأفكك، مهب تعقيد عادي أختي تعرفين الليفة الحديد اللي تنحك فيها المواعين؟! شفتي كيف متشابكة ببعض زي كذا شعري بالزبط
يعني لمن أمشطه أخذ ثلاث ساعات أفكك وأمشط وأحيانا أقسمه نصين أمشط نص بيوم ونص بيوم من كثر ماهو مُتعب
ومرة مشكورة على ردك، ممتنة :redredheart:

جـمان
29-06-2013, 06:39
والله مشكلة الله يعينك
أنا شفت ناس تعاني من كذا بس يكون السبب
إن الشعر مصبوغ و جاف و طويل
و انا فترة صبغت بمحل وتلفوا شعري وصار نوعية شعري مو زي قبل بس اللحين قام يتحسن
أنتِ ما ذكرتِ اي اسباب و تقولي شعرك مو طويل
أنا اخمن ان شعرك جاف بزيادة
لأن الشعر اذا كان دهني اصلا يصير ثقيل ما له خلق يتحرك ويتشابك ببعضه
بصراحه انا مو خبرة ولا ابغى اتفلسف
بس احسن شي تزيتيه و تزيتيه علشان يثقل ويعقل
بعد اخاف تقصريه و حتى لو صار يطلع زيوت طبيعية مع القص وصار حيوي اول الايام
ترجع مشكلة الجفاف توصل لفوق و يكش يكش وهو قصير
حاولي ترطبيه
قصات ما عندي لأني ما افكر اقص وما ابغى ابليس يوسوس لي اذا شفت قصات حلوة

اعذريني هذا اللي عندي

biessan turki
29-06-2013, 07:49
انا نفسسسك بالضبط ناعم ومتشبك ببعض بس مو كل شعرري لا من عند الاذن اليمين بسسسسسس ليش هالمنطقه لحالها مدري !! :d:

المهم شعري طويل ومافكرت اقصه لاني كل ماقصيتهه اندم وارجع احلف مااقصه

بس عرفت حلي

صرت امشطه اول بأول يعني بعد الشاور وبعد ماينشف شعري شوي ابدا امشطه :ya`a`h:

بس دامك طويله وعريضه احس ماراح يناسبك القصير مررره فلذلك اعتني بشعرك بزيوت مثلا والتمشيط لاتخليينه عشان ماتتعبين بعدين :13:

آلحضور الوآهم
29-06-2013, 08:59
شوفي


اختي زيك بس مايصير لها كذا الا لمن تسيب شعرها كم يوم ماتمشطه الحل انك تمشطيه كل يوم وتجدليه (ظفائر)

وحاولي تهتمي فيه من ناحية الترطيب كمان

Mena Hanna
30-06-2013, 09:04
مرحبا

أعتقد شعرك جاف لأنو المعروف الشعر الجاف هو الأكثر تشابكاً ويضايق أثناء التسريح والتصفيف
شعري جاف وراح أقولك كيف عنايتي فيه

أولا - المشط حاولي تمشطينه فقط ب المشط الخشبي اللي أسنانه متباعده
ثانيا - في بودي شوب اسبراي لمنع تشابك الشعر بالعنب وروائح أخرى تبخين شعرك فيه ثم تمشطي
ثالثا - إن شاء الله ماتكوني من اللي ما يمشطون شعرهم يوميا .. صدقيني الشعر مهما كان نوعه
فتسريحه يوميا مرتين على الأقل راح يغذيه وينشط الدورة الدموية ,,
عذرا هذا الشيئ الوحيد اللي أقدر أفيدك فيه ,,

وحيده في موطني
01-07-2013, 10:17
جربي تستخدمي زيوت ع شعرك بس بشكل خفيف يعني على اطراف الشعر و ﻻ تقربي من الفروه لو دهنيه
لو احد يقدر يجيب لك زيوت من برا افضل خصوصا جوز الهند .
و ياليت تمشيط الشعر يكون يوميا بدل ما يتراكم عليك التشابك و يتساقط من التمشيط
وجربي غيري نوعية شامبو واستخدمي طبي ونوع عادي مثلا من بودي شوب وبادلي بينهم
و ﻻ تكثري من الطبي مرتين في الاسبوع كافيه
و استخدمي وبعد الشور كريم مرطب ع الاطراف وهو شبه مبلول .
ايوا وشي زياده لما تمشطي شعرك ابدي حبه حبه من تحت الين فوق وقسميه 4 اقسام .
وطولي بالك كثر الشد يسبب تساقط وتتعبي الشعره نفسهاا ..

شمواه شمواه
25-07-2013, 03:22
انا عيزاكي تشوفي كده هل شعرك له رائحة كريهة او به قشرة ولا لا لان ممكن نوع من الفطريات تسبب تعقيد الشعر للامان ممكن تستخدمي شامبو نيزورال مادري هل موجود عندكم بالصيدليات ولا ايش بس اتاكدي انه ما به مرض و ان كان تعقيد عادي غير مبالغ فيه يبقى بسبب التقصيف و الهيشان عادي يعني :) و ان شاء الله خير:3: