منتديات شمواه|SHAMOA FORUM ®

منتديات شمواه|SHAMOA FORUM ® (http://www.shamoa.com/vb/index.php)
-   بصمات (http://www.shamoa.com/vb/forumdisplay.php?f=107)
-   -   Charm City Cakes { للابداع طعم } (http://www.shamoa.com/vb/showthread.php?t=30274)

classy 21-10-2010 03:38

Charm City Cakes { للابداع طعم }
 
http://up.shamoa.com/uploads/images/...dc89c10725.jpg





مابغى هالموضوع ينزل الحمدلله بس
اول شي توهقت مع الستايل ولا عرفت وحست وسألت
ولبى قلبها ~| T O L E E N ساعدتني :chica:
بس انا والفوتوشوب ابدا مو اصحاب :13:
وغيرت الستايل كم مره
بعدين احترت وين احط الموضووع بأي قسم
واخيرآآ قررت وعساه يعجبكم ويكون يستاهل كل هالحوسة
يلا مع بعض هلموا { محد متحمس ابد :yaho:
مره كنت اتفرج على التلفزيون وغيرت على فتافيت لقيت واحد قاعد يسوي كيك
فتذكرت برنامج برضوا على فتافيت وقررت اني اكتب عنه


http://up.shamoa.com/uploads/images/...9311e54568.gif


Duff Goldman
واحد من الناس اللي كانوا يحبون يسوون كيك ويتفنن فيها
وكان دايم هو اللي متكفل في الكيك اذا جات مناسبة لأهله او اصحابه
بس كانت اسفاره كثيرة الى ان عقل وقرر يستقر وفتح محل وسماه Charm City
وبدأ فيه هو و2 من اصحابه ايام الجامعة
Mary Alice والثاني نسيت اسمه خخخخخخ

http://up.shamoa.com/uploads/images/...9916f47f83.gif
{ Duff واصحابه اللي بدأ معاهم شغله

http://up.shamoa.com/uploads/images/...6dd5f64acc.gif
كان حلمه الثاني انه يكون عازف قيتار في وحدة من الفرق اللي يحبها لأنه يعزف كويس
بس صار وفتح هالمحل

وبمجرد ان فتح المحل حتى بدأ يشتهر يعني ما اخذ وقت كثير ابببد
{ امه داعيتله يمكن :27:
وبعدين اشتهر اكثر واكثر وانتشر وبدأ يحتاج مساعدين زياده
وظل يوظف كل مايحتاج الى زيادة في العدد لحد ماوصل الى 12 موظف
الشي الغريب اللي في Duff
انه كان يختار الموظفين اللي بيشتغلون عنده مب على اساس خبرتهم في الخبز وعمل الكيك لا
كان يختارهم رسامين و مهندسين ونحاتين

انا استغربت اول بعدين استوعبت ليييش .!.
يعني الكيك طريقة وحدة وتغيرين في النكهات مايبيلها ذاك الزود افشل طباخه ممكن تسوي كيكة لذيذة
اذا اتبعت التعليمات بس الفن في الكيك حقهم وين ؟؟ في شكل الكيك
اذا ناظرتي الكيكة قلتي في نفسك حرام احد يقرب منها ودك تحنطينها بس
عاد Duff الذكي جمع بين الاثنين الطعم الخيالي والشكل الخقاااااقي :6:

http://up.shamoa.com/uploads/images/...b27f00a8e6.gif
{ يقالي ذايقتها


و من ابداعات Duff
دخوله موسوعة جينيس بأكبر حبة cup cake في العالم
{ لكن في اشاعات تقول ان الموسوعة جردته من اللقب لأن الكيكة ما كانت قطعة واحدة لا
كانت جزئين الكيكة والكيكة اللي على شكل شمعة فوق
شفتوها ؟؟

http://up.shamoa.com/uploads/images/...e4eaa3cbb0.gif

كثييير مشاهير كانوا يطلبون منه يسوي لهم كيكات احتفالاتهم والعروض الترويجية لأفلامهم
مثل Harry Potter
اللي سوا لهم كيكة على شكل قصر Hogwarts
http://up.shamoa.com/uploads/images/...1458f89f40.gif

كل القصر كان قابل للأكل مافي اي شي للكب
وهذا الشي الحلو فيهم مب زي عندنا نص الكيكه قصدير وخرابيط
http://up.shamoa.com/uploads/images/...813fed61af.gif
{ Duff يشتغل على القصر متحمس

http://up.shamoa.com/uploads/images/...2334cedc43.gif
{ الشكل النهائي كأنه القصر الصدقي

من المسلسلات بعد lost
طلبوا كيكة من عند Charm City
لما وصل المسلسل 100 حلقة
http://up.shamoa.com/uploads/images/...593c7ffcae.gif
{ الكيكة وابطال المسلسل .. سوير يشرب البيرة اللي كلها كيك :تدنن:
والباقين شايلين اشكالهم


ومن ابداعاته كيكة لحفل توقيع كتاب Ghost Girl

http://up.shamoa.com/uploads/images/...317cc0484f.gif
هذا غلاف الكتاب ...
وهذي التورتاية

http://up.shamoa.com/uploads/images/...37d12f916f.gif
{ بالله مو ابدآآآع ؟
الكتاب حلو قاعده اقراهـ اذا خلصته بنزل عنه مووضوع { ومحد خش جو وطلع برا السالفه

To Be Continued



classy 21-10-2010 03:40

رد: Charm City Cakes { للابداع طعم }
 
http://up.shamoa.com/uploads/images/...3887315a13.gif


هذا هو المحل .. جاي فالزاوية حليو عجبني شكله :ya`a`h:
طبعا وصل اللي يشتغلون فيه الى 17

http://up.shamoa.com/uploads/images/...a9b9869724.gif
{ هنا المحل وقدامه واقفين الموظفين وفالنص واقف Duff

في المخبز حقهم مايستقبلون احد ابد يعني احد يفلها ويجي يزورهم ممنوووع :no:
تجي تاخذ طلبك وتمشي هذا اذا ماتبيهم يوصلونه لك
توصيلهم ياخذوون عليه $175بالسااعة
وطبعا كل ماتزيد المسافه تزيد التشريجة ومايوصلون لمكان يبعد عنهم اكثر من 6 ساعات ماكسمم
{ يازين بقالاتنا ومطاعمنا :pfft2:

وبالنسبة لأسعاار الكيك حقهم حسب الديزاين كل ماكان صعب
وفيه شغل كثير كل ماكان المبلغ اكبر
بس عموما تبدأ اسعارهم من 1000 دولار وطالع
{ معلومات للي يبون ياخذون من عندهم شي :7:
وتراهم مايشحنون الكيك حقهم
ايييه ولا يوظفون احد للي يبي يتوظف ولا شي تراهم مكتفيين
ولا يبون تطوع ولا شي خخخخ

http://up.shamoa.com/uploads/images/...06d821b621.gif
نجي الحين لشي مهم اي كيكة اللي يميزها هو الطعم ,, صح العين تاكل قبل الفم بس حتى لو
يعني وش الفايده شكل اوكي بس طعم تكرم النعمة للكب
Charm City عندهم نكهات كثيييرة
الاساسيات طبعا تشوكلت وفانيلا وعاد تبدأ تتفرع مثلا تشوكلت وكرز ,فانيلا وليمون , تشوكلت ونعناع
كرز وليمون , كراميل, جزر , تفاح وقرفة, لوز, هيل وفستق
وكثيير نكهات مره مايمدي اقولها كلها
{ من العجز والله

بس في بعض النكهات مايقدرون يشكلونها ويلعبون فيها وينحتونها
لأن يصير صعب مره التعامل معها وممكن ماتثبت ويخرب كل شي
مثل عجينة البراوني او كيكة القرفة والتفاح او كيكة البلوبيري وكيكة القرع والتشوكلت

To Be Continued

classy 21-10-2010 03:42

رد: Charm City Cakes { للابداع طعم }
 
http://up.shamoa.com/uploads/images/...24b21ab2f7.jpg

Duff صار له برنامج خاص فيه هو والمحل حقه من كثر ما اشتهر
اسمه Ace of Cakes
البرنامج يجيبهم وهم يسوون الكيك وكيف يشتغلون عليه وكيف علاقتهم مع بعض
وحركات زي كذا ..

الحين نجي لشوي من شغلهم الخطييير ...
نبدا مع كيك الاعراس اول شي في نوعين من الناس ,, ناس يحبون الكلاسك
وناس يحبون الغرابة والحركات الـمجنونة
{ انا احب الكلاسك في كل شي الا في اشكال الكيك احبها شوي تكون ملفته

http://up.shamoa.com/uploads/images/...64b3d08eb1.gif
اللي على اليسار قمة الرووووعة والنعومة وكل شي حلو
اللي بالنص كلاسيكية جدا الكيكة البيضا اللي عليها عريس وعروسه
واللي على اليمين كمان كلاسك بس فيها لمسة المخبز ,, هي كانت لعرس الثيم حقه مصري
فرعوني يعني


وهنا شوي من الافكار الغريبة الفنكي الخبله الهبلة العبيطة :27:,,

http://up.shamoa.com/uploads/images/...6b1624c58b.gif
هذولي كانوا متزوجين في مكان بحري فخلوا الكيكة تناسب المكان !


http://up.shamoa.com/uploads/images/...f734a87f4c.gif
هنا كيكة انسانة تحب الليغو ( المكعبات مدري التركيبات)
{ سقيمة الكيكة ماعجبتني


http://up.shamoa.com/uploads/images/...8defb62866.gif
وهذي مسوينها كأنها رسايل جاية في البريد والطريق حقها
{ شفتها وهم يسوونها ونسيت ليش اختاروا هذا الشكل

http://up.shamoa.com/uploads/images/...49f7bfa978.gif
هذي اعجبتني مررره الصراحة احب تدرجات الالوان لما تجي كذا
بس الحمدلله على نعمة الاسلام ,, عريس وعريس وع :زعلان:


http://up.shamoa.com/uploads/images/...f1fcdae037.gif
عاد هنااا شييي اتوقع كان زواجهم في الهالويين عشان كذا صار ديزاينها خبل


http://up.shamoa.com/uploads/images/...5d464ebb21.gif
هذي مدري وش تنحسب كلاسك ولا وييرد بس بين الاثنين
لان الشكل كلاسك وحتى اللون بس هو التزيين اللي فييه شوي غرابة
{ زوجين كانوا صينيين فعشان يكون فيها لمسة من ثقافتهم ويحسون انهم ببلدهم

http://up.shamoa.com/uploads/images/...867db15d9a.gif
تعرفون لعبة سوبر ماريو ؟؟ كيكة العرس هذي ديزاينها على اللعبة Super Mario



http://up.shamoa.com/uploads/images/...3a1c0043f2.gif

غير كيك الاعراس اللي يبدعون فيه يجي الكيك اللي للمناسبات العادية
Birthdays , sweet sixteen , anniversary وغيرها

http://up.shamoa.com/uploads/images/...45d2cffca0.jpg
{ هذي غريييبة جدآ شوفوا كيف واقفة على قاعدة كروية
وكل الكيكة قابلة للأكل يعني القاعده الصندوق الكور المنطلة كللل شي

http://up.shamoa.com/uploads/images/...737fe04ade.gif
سمبل بس مو سمبل { حللوها عاد
كانت لعيد ميلاد وحده اذا مش غلطانه انا

http://up.shamoa.com/uploads/images/...d9eb232dca.gif
كيكة على شكل عروسة ما ادري وش كانت المناسبة بس بصراحة شي مره رهيييب
تنفع لعيد ميلاد لحفلة نجاح لأأأي شي

http://up.shamoa.com/uploads/images/...20bfa333c2.gif
النقشه هذي مره تعجبني نقشه عربية اسميها :hah:
والبني مع التركواز مدري السماوي حلووو


To Be Continued

classy 21-10-2010 03:44

رد: Charm City Cakes { للابداع طعم }
 
http://up.shamoa.com/uploads/images/...2c2b61ca1c.jpg

من ابداعاتهم الكيك اللي على اشكال حيوانات الصراحة تبان الدقة والابداع في نحت الحيوانات
مره في البرنامج حقه جاهم طلب كيكة على شكل Yak اللي هو الثور الاسكتلندي
وطلع شكلها مو طبيعي والله كأنه حيوان حقيقي
بس للأسف مالقيت صورة لها لكن ابدع فيييها كالعاده

http://up.shamoa.com/uploads/images/...2351306163.gif
في بعد هذي اول ماشفتها على بالي انها حقيقة
عاد هالكيكة وراها سالفه هو كان احتفال بين زوج وزوجته عيد ميلادها وعيد زواجهم
وكل الاثنين بغوا يسوون مفاجأه لبعض فدق كل واحد على Charm City وطلب الكيكة اللي يبيها
بدووون مايدري الثاني عنه
استوعب المحل السالفه لأن الاسماء كانت نفس الشي ولما راحوا البيت ومعاهم الكيكتين
مرررررررره تفاجأوا الزوجين :pfft2:

http://up.shamoa.com/uploads/images/...0f96f4d4f5.gif
وهنا لما وصل الكيك مره وحده مع بعض

الزوجة اختارت لزوجها كيكة على شكل الكلب حقه { اللي شفناها فوق

http://up.shamoa.com/uploads/images/...a7232562b9.gif
والزوج اختار الكيكة حقتها على شكل اجازة لهم في باريس


http://up.shamoa.com/uploads/images/...72c98dcc56.gif
كيكة الفيل الهندي عجزت اعرف وش المناسبة حقتها صراحة


http://up.shamoa.com/uploads/images/...3b806be69f.gif
وهذي كيكة الـ Armadillo يعني المدرع .. ماحبيتها :6:


http://up.shamoa.com/uploads/images/...c2d8fd7865.jpg
كيكة الوحش الصراحة ادق التفاصيل مهتمين فيها الاسنان الرجلين والمخالب
انا فالبداية حسيتها شوي مقرفة بس بعدين انتبهت
الوحش من لعبة اسمها Warhammer

http://up.shamoa.com/uploads/images/...c08de4b306.gif
{ صورة الوحش الاصلي


غير الحيوانات كان فيه الكيك على اشكال الأكل العادي
مثلا كيكة السوشي وكيكة الستيك والفرنش فرايز والسمك وغيرها كثير
شوفوا معي هالمجموعة
http://up.shamoa.com/uploads/images/...d5bc7dcaf7.jpg

كأنها صدقية فالساندوتش لا وزيتون بعد وكل شي ومخلل
الفرنش فرايز قروشتني شوي شلون تتقطع مقص وكل واحد حبة بطاطس مثلا ؟
البرغر كأنه لعبة من العاب اختي بيييرفكت مره مافيه ولا عيب
السوشي والهوت دوق بعد طالعين حلوين بس مدري ليش حسيت ريحتهم شينة
{ طيري انتي واحساسك :no:

الحييين احلى كيك بالنسبة لي :chica:
http://up.shamoa.com/uploads/images/...b00e8ef4fd.gif
كيكة اسمها Candy Land الصراحة اعجبتني مرررررره كأنها رسمة والمصاصات والحلويات
اللي بارزة معطيتها شكل رووعة

http://up.shamoa.com/uploads/images/...38821e13ca.gif
هذي بعد كيكة مره حلوة احس ممكن تنفع لأعياد الميلاد الكبيرة


http://up.shamoa.com/uploads/images/...5e7569ebeb.gif

http://up.shamoa.com/uploads/images/...00489d37c0.gif
وكيكة الـ M&MS الصراحة كلهم يونسون ويشهووون ويخلونك ودك تنزلين المطبخ وتتفننين


بكذا اكون خلصت الصراحة باقي كثييير صور لكيك رووووعة ,, وروعة قلييل عليها
بس حسيت اني طولت الموضوع يمكن انزل له جزء ثاني بس عمومآ
يارب انه يعجبكم ويستاهل الوقت اللي اخذه مني


klimons 21-10-2010 04:11

رد: Charm City Cakes { للابداع طعم }
 
يعطيك الف عافيه على الموزوع القميل
انا كنت اتابع حلقاته في قناة فتافيت اول ماطلعت

وستمرت تنزل حلقاته ,,عن الكيك وطريقه اعداده ,,ماره كان يبهرني هو
واللي عاملين معه بس اخلاقه زفت ,,بسرعه يعصب ..وتنرفز
اذكر عنده وحده رسامه للنقوش
وحد يلون محترفيين ...

بس عليه شغل,, وافكار,, تاخذ العقل واحلى شي انه يتقن الصوره
اللي يجبها ..

الزبون اما لحفله زواج او ميلاد او .....اخ

اذكر ماره وحد جايب كلبه قاله يسوي له كيكه نفس الكلبه
والله وضبطها ونفس اللون بعد .......خخخخخ

وفي كيكات يسويها بعد بس مخله ...قليل الادب :صغنن:.....

مميييز
يسلمو حبيبتي على التقرير القميل انا منمحبات الكيييك,,
بس يكون بكريما اما التغليف صحيح شكله حلو بس طعم نو مايعجبني .~~.



حبيت الكيك هذي عجبتي ~
:d:
http://up.shamoa.com/uploads/images/...37d12f916f.gif



:8:

next100 21-10-2010 08:44

رد: Charm City Cakes { للابداع طعم }
 
ابداع الله يعطيك العافية بس لو مكبرة الخط حبتين كان افضل ما عرفت اقر ولا شي

мάяά 21-10-2010 09:35

رد: Charm City Cakes { للابداع طعم }
 

-
http://up.shamoa.com/uploads/images/...a7232562b9.gif

ي حلوها تجنن , الوان و المجسمات ..
مو طبيعي ..!
ي هو محترف كأنها مجسم مو كيكه ..!

وحق لوست بعد خرافيه ..

يعطيك ألف عافيه ..

<= ليتك مكبره الخط جاني حول وانا أقرآ ..

$foOofoOo$ 21-10-2010 09:39

رد: Charm City Cakes { للابداع طعم }
 
لحظة بروح أجيب مجهر وأجي ,, الخط كلش ماينقرا حبوبة
بس موزوع نااايس أحب أشوف كيكات من هالنوع فيها أبداع 00
كنت أشوف برنامج من هيك نوع على فتافيت ومسابقات وحماس وأشكال والوان للكيك بالنهاية
يسلموا حياتوا ~^^

دفاواحساس"" 21-10-2010 09:49

رد: Charm City Cakes { للابداع طعم }
 
يعطيك العافيه اختي على الموضوع وانا من متابعينه اذاصادفت ههههه واحبه حيل مبدعين بشكل بس احيانا عليهم طلعات مدري وش تبي؟؟انتي بعد ابدعتبي بموضوعك شوووكرن

.:*:.Eye shadow 21-10-2010 11:19

رد: Charm City Cakes { للابداع طعم }
 
ليش مصغرة الخط مو واضح

الله يعطيك العافية عالموضوع


الساعة الآن 10:42

Powered by vBulletin® Version 3.8.7
Copyright ©2000 - 2018, Jelsoft Enterprises Ltd.

Ads Management Version 3.0.1 by Saeed Al-Atwi

جميع المواضيع والآراء تمثّل وجهة نظر كاتبها فقط ولا تمثل منتديات شمواه بأي شكل من الأشكال ما لم يوضّح غير ذلك.
Des By || [email protected]