منتديات شمواه|SHAMOA FORUM ®

منتديات شمواه|SHAMOA FORUM ® (http://www.shamoa.com/vb/index.php)
-   رحلات مصورة (http://www.shamoa.com/vb/forumdisplay.php?f=36)
-   -   تقرير من قلب لوس انجلوس الســــآآآحره.. وبكااميرتي المتواضعه ...!! (http://www.shamoa.com/vb/showthread.php?t=40671)

شرطان الذهب 05-04-2011 01:12

تقرير من قلب لوس انجلوس الســــآآآحره.. وبكااميرتي المتواضعه ...!!
 





مدخل ..

على البال .. كلَّ التَّفاصيل على البال
وأحلى التَّفاصيل .. على البال
والحلَّ .. والتَّرحال
والنَّار والهيل
والقمره الَّلي نوَّرت ليل ورا ليل
والنَّظره المكسوره .. والبسمه المقهوره
والخطوه المغروره .. وأحلا المواويل
دايم على البال..:1rose:
اسير الــــــــشوق,,













هااآآيات ..!


اخباركم ياصبايا, ان شاء الله تمام
واخيرا ...اخيرا عصرت حالي وطلعت موضوع
وان شاء الله يعجبكم .واعذروني ادري مقصره
لاكن >>الظروف ااآآهـ يالظروف

جيتكم بتقرير من قلب لوس انجلوس الساآآحرهـ,
بالتحديد نورثريدج -والسكن قريب من جامعه نورثريدج
لان زوجي جا ياخذ الماستر باذن الله وانا طبعا مرافقه:sailentwalk:
طبعا كانت الرحله شاقه جدا ,واعذروني ماصورت
الرحله من البدايه ,لان زوجي كان سابقني قبل بشهر
فرحت انا وبنتي وولدي وكان تعب مرررهـ صراحه
وكان خط السير الرياض >>دبي >>لوس انجلوس
من الرياض لدبي الخطوط السعوديه ,ومن دبي للوس انجلوس
الخطوط الامارتيه ,واستغرق الوقت -16-ساعه :6:

بس والله فله تستاااهل الي يتعنا لها
المنطقه اللي حنا فيها مررره رايقه وهاديه انصح اي احد بيدرس
يجي هني ,وفيه افكارغريبه كنت اسمعها ,انهم مايحبون المتحجبات
واحتمال فيه عنصريين ,وممنوع الطلعه بالليل ....!!
والحقيقه ابدا مافيه من هالقبيل بالعكس مره حبوبين وبشوشين
وماعندهم عدائيه للمتحجبات نهائيا
ونطلع بالليل عادي جداا,
ومثل ماقلت لكم المنطقه مره هاديه ..ومافيها عماير طويله كثير
وتكثر فيها الحدايق والغابات والبحيرات,

ورحت للنادي السعودي تصير فيه مناسبات وتجينا دعوه
واحيان تصير الدعوة بس للحريم ,,ومديره النادي سعوديه
فله صراحه. وكل البنات اللي تعرفت عليهم حبوبات

بس ابي اقولكم شي ولاتضحكون علي ..
فاقده حليب ولبن المــــــــــراعي:shap:
ياحلوهم بس ,سلمولي عليهم ...!!



وان شاء الله بحط الصور اللي عندي اللحين
وكل مارحت مكان حلو بصور ,واحطه بموضوع جديد
يعني جزء ثاني ..


وببدا بصور حارتنا..
وبالتحديد من باب البيت ...!


http://up.shamoa.com/uploads/images/...fee0d737a3.jpg


هاذي الشجره عند باب شقتنا مدري شسمها هههه
بس شكلها مره حلووو



http://up.shamoa.com/uploads/images/...0031ff1ef8.jpg


وهاذي الصوره التقطتها من الشباك ..ولا تستعجلون على رزقكم ترى فيه صور حلوة مرهـ
وترى اول مره يكون عندي كاميرا ..اول كنت اصور من الجوال
فابي رايكم بصراحه لاني مبتدئه..




http://up.shamoa.com/uploads/images/...e5b9177774.jpg



وهاذي الصوره للملاعب اللي قدامنا ,ماشاء الله عليهم
الشباب والاطفال والكبار بالسن كلهم يلعبون تنس
والملعب مايفضى لين المغرب.


http://up.shamoa.com/uploads/images/...fc6a8ecda4.jpg



وهاذي مظاهره بعد الدوام صارت ,شي يخص الدراسه بس مدري شنو ..!



http://up.shamoa.com/uploads/images/...6838357645.jpg


اخذت الصور من الشباك وانا بالمطبخ>>قلت لزوجي يصير اروح معاهم :d:


http://up.shamoa.com/uploads/images/...40f9b66b5c.jpg



هاذا كلب جارتنا ياحليله بس ,, عيالي يموتون فيه .



http://up.shamoa.com/uploads/images/...dd400095c0.jpg


هاذي اطلاله على جزء من حارتنا وبالتحديد خلف الوول مارت بس روعه بيوتهم تفتح النفس
ومافيه جدران محوطه البيت زينا........>>>>حطمتكم صح:hah:



http://up.shamoa.com/uploads/images/...2027d1bf3c.jpg


وهاذا بوابه منتجع ,لان المنطقه سياحيه ,وقريب من بيتنا مره


http://up.shamoa.com/uploads/images/...3803580ae6.jpg



وهاذي الصوره رايقه مره ومثل ماهو واضح فيه اماكن فيها غيوم وبعضها شمس
بس ماحسينا انو فيه شمس الجوو مرهـ حلو








يتبع ....!!:moreheart:



.

شرطان الذهب 05-04-2011 02:00

رد: تقرير من قلب لوس انجلوس الســــآآآحره.. وبكااميرتي المتواضعه ...!!
 



نكمل


http://up.shamoa.com/uploads/images/...54c15dd560.jpg

هني منظر الجبال من بعيد >>بس والله على الطبيعه احلى الصوره ضالمته
الشارع هاذا رااايق مره وكل البيوت اللي على الاطراف تجنن وفيها انواع الورد


http://up.shamoa.com/uploads/images/...b461f8a75a.jpg

وهاذي صوره واضحه ,شلون الغيوم كل شوي تغير مكانها >>>اووووم الوصف


http://up.shamoa.com/uploads/images/...5ccb097f33.jpg


وهاذي صوره طريق خريص >>>عفوا اقصد مدري شسمه ...!
حبيت اخذها من بعيد عشان يبين الشارع افضل


http://up.shamoa.com/uploads/images/...1449aa8c0c.jpg



طبعا اموت بالسيارات واعجبتني هاذي حيل ,وياكثر اللي صورتهم
اذا تبون اكثر صور السيارات بالجزء الثاني ماعندكم مشكله انا حاضرهـ:ya`a`h:


http://up.shamoa.com/uploads/images/...590bd21e0b.jpg


اووووما هاذا صراحه فالها لاخر شي,,سيارته وربي تونس وملبس كلبه طاقيه ,
ورافع المسجل لاآآخر شي, وشعر كلبه حلو مره ,بس احس الكلب مريض او فيه شي
اجل ليه فاتح فمه كيذا >>تتوقعون لوز ,هههههههههههههه:d:


http://up.shamoa.com/uploads/images/...652c62071f.jpg

هاذا طريقنا لسانت مونيكا تبعد عنا نص ساعه
بس شكل الغيم مره عجبني , طبعا التقطت الصور والسياره تمشي >>شرايكم فيني



http://up.shamoa.com/uploads/images/...1f88ef9d1b.jpg


هينا تونا دخلنا سانتا مونيكا وكان فيه هواآآآ ,بس رحنا تغدينا ولما طلعنا صار الجو كويس
بس طول الطريق وانا اطالع للسيارات :cheery:


http://up.shamoa.com/uploads/images/...3b3559602d.jpg


جهه من السوق اعجبني كل شي والاهم نظافه المكان


http://up.shamoa.com/uploads/images/...96d6f3fb96.jpg



غمضو عيونكم >ممنوع اقل من18 سنه >>>تنصح بهالحركات فوزيه الدريع لووووووووول


http://up.shamoa.com/uploads/images/...ea98b652d9.jpg



ررروعه اعجبني صوتهم مره بس حرااام ماعندهم تجمع مع انهم يستاهلون
وعلى طول الشارع فيه ناس تغني وناس تستعرض وترقص



http://up.shamoa.com/uploads/images/...fc06e88ca4.jpg


ياحلوها تجنن ,حبيتها مره واحس انها نظيفه من قلب ,,لحقتها قد ماقدرت ههههه

http://up.shamoa.com/uploads/images/...9fd6b18f24.jpg

هني جهه من السوق والجلسات حلوة وفيه محلات كفي والجو مره رايق

نكون صريحين >>>التقطت الصوره عشان اعجبتني البنت اللي تمشي



http://up.shamoa.com/uploads/images/...e4e37cd900.jpg



هني فيه عروض ورقص وحركات وو,شسمه :d: وشباب يرقصون
كان العرض مره حلو وكان تقريبا نص ساعه وهم اكثر من اربع شباب

شرطان الذهب 05-04-2011 02:39

رد: تقرير من قلب لوس انجلوس الســــآآآحره.. وبكااميرتي المتواضعه ...!!
 


نكمل

http://up.shamoa.com/uploads/images/...255cf8e05e.jpg


هاذي الصوره بنص السوق فيه جلسات والمكان نضيف وفيه شباب يغنون
السوق كان فيه ناس بس هدوء مافيه ازعاج يعني اللي بيجلس يررروق مره


http://up.shamoa.com/uploads/images/...3a41d9daf3.jpg

هذولا شباب يغنون اصواتهم تخقق بصراحه واغانيهم هاديه قعدت عندهم ساعه تقريبا
لاني اخذت لي كفي وجلست اطالع لما خلصوو.



http://up.shamoa.com/uploads/images/...2b04c37ea8.jpg[/url]



وهاذا صراحه فنان يرقص .رقص مدري وشسمه بس زي رقص مايكل جاكسون
احسه على كهرب موطبيعي ههههه:يابي:


http://up.shamoa.com/uploads/images/...e736530486.jpg



وخطيرين صراحه جايبن واحد حلو ,اللي لابس نظارات وقدامه العلبه الخضرا
عشان يجذبون الناس ,وبكيذا يضمنون الفلوس


http://up.shamoa.com/uploads/images/...b5683ab94e.jpg



وهاذا المزيون كان ميت من الضحك ,,لانهم بعد ماخلص العرض مسكو المايك
وقعدو يقولون الامريكي يعطينا مبلغ معين حددوه والفلبيني كذاا والباكستاني كذااا
كل جنسيه يحددون كم تقط لهم ..وللاسف كثير اللي استمتعو بالعرض وقليل اللي قطو
ومنهم هذا اللي بالصور يقول لزوجي انحاشووو تراه يورطك خخخخخ



http://up.shamoa.com/uploads/images/...469bb5586b.jpg

والكدش ذاا كان لحاله مثل منتو شايفين ,,وبعد ربع ساعه صار عنده تجمع مو صاحي
وكان يسوي حركات ماتصلح :7:
ونزل فانيلته >>>الظاهر انصدم,, ماتوقع كيذا الناس تتجمع عليه هههه

http://up.shamoa.com/uploads/images/...8d46d1d996.jpg


وهاذي الصوره من نهايه الشارع اخذتها ,وفيه كوشكات على الجنب
يطبعون على التيشيرتات وعندهم رسمات تجنن ,واغلبها لونها اسود


http://up.shamoa.com/uploads/images/...aaf06d9569.jpg


هاذا المكان اللي جلست فيه لما كان المطرب موجود


http://up.shamoa.com/uploads/images/...ea080275fc.jpg

هاذا وسط السوق صوره ابعد شوي .وكانت ريحه الورد تجنن
لو عندنا بالسعوديه بالمجمعات ورد كيذا ماتلقينه >>ماكلينه البزران ,خخخخخ


يتبع...:hah:

شرطان الذهب 05-04-2011 03:56

رد: تقرير من قلب لوس انجلوس الســــآآآحره.. وبكااميرتي المتواضعه ...!!
 



نكمل ...



http://up.shamoa.com/uploads/images/...8a960d500e.jpg


اما هاذا المطعم مكانه يجنن وبمكان استراتيجي لاكن للاسف ,جينا بناكل فيه
من قربنا له ريحه اكلهم مره مي حلو ه ,,ريحه قووويه وشينه مدري شنو الاكل
ماامداني اشوف المنيو لاكن كل اللي اعرفه اني ماااعاد اقرب له,,هههه


http://up.shamoa.com/uploads/images/...7f983bc8c8.jpg



هاذي الصوره من شارع ثاني ,,صورت عيالي عنده كم صوره عشان الورد والتمثال
وياكثر المشردين بهالجهه من الشارع بالذات ,يكسرون الخاطر ويخوفون بنفس الوقت




http://up.shamoa.com/uploads/images/...49e31f82fa.jpg


وهاذا طبعا لوي فيتون يخقق بصراحه طبعا مادخلته ,,قلبي يعورني ماقدرت ادخل
ومااخذ شي خلوني من برا احسن



http://up.shamoa.com/uploads/images/...03613d3d39.jpg



شرايكم بتصويري ...؟:يابي: بصرااااحه
الصوره تصلح خلفيه صح..؟


http://up.shamoa.com/uploads/images/...056476d713.jpg


هينا عند الاشاره واللي قدامنا سوق ثاني ..الناس مرتبين بالاشاره
واصلا هم يهتمون بالمشاه حيل .
وعلى طاري المشاه ,كنت ناويه اسوق لاكن عندهم نظام موطبيعي
زوجي رسب باختبار الرخصه ثلاث مرات مع انه كان يفحط تفحيط بالرياض ...!
وحتى صديقتي كويتيه تقول انا اسوق بالكويت لاكن هني ,كاني ماعرف السواقه
ولاعمري جربتها >>وتقول رسبت مرتين بعد ولي اللحين تبي تختبر بعد



http://up.shamoa.com/uploads/images/...2a2ce3d56a.jpg


وهاذا مدخل البحر والملاهي



http://up.shamoa.com/uploads/images/...d27481e8ca.jpg



ررروعه المنظر والهوا يجنن ,,وهاذي الصوره تصلح خلفيه >>>:d:




http://up.shamoa.com/uploads/images/...d6f6ea96df.jpg


هذولا الشباب كانو يغنون اغاني رومنسيه ,خلو كل الناس تررروق


http://up.shamoa.com/uploads/images/...66f6cf2678.jpg



هاذي السفن الصغيره للايجار بس كان مكان الايجار بعيد مره عنا ,,المره الجايه ان شاء الله
اركب واصوره لكم


http://up.shamoa.com/uploads/images/...48913f232d.jpg


الرجال هاذا مروق مره ويعني بصوت عالي ,,وترى قليل اللي متمصلخين خخخخخخ
غريبه عليهم ,


http://up.shamoa.com/uploads/images/...5f245f3ee9.jpg


تشوفون مثل ماقلت لكم مافيه ناس ,قله ادب >>>هههه
مع ان الجو مره يساعد انهم ياخذون راحتهم



http://up.shamoa.com/uploads/images/...e9ce029aa2.jpg



وهاذي صوره الغيم ..ماتصدقون لو قلت لكم شكثر كان قريب يمكن لان المنطقه جبليه
ررروعه شكله مره صافي وابيض



http://up.shamoa.com/uploads/images/...0a19d51885.jpg


وهاذي صوره ثانيه للغيوم >>منتو ملاحظين اني علقت على الغيوم
بس والله حبيت احطكم بالجو :احبتس:

http://up.shamoa.com/uploads/images/...11a9625fa3.jpg



وهاذا الكلب يا كبرهـ كبراآآآهـ ,,صراحه خفت منه ولو ماشفت ناس كثير
يصورونه ماكنت تجرات صورته ,بس كان حبوب ماسوا لحد شي هههه



http://up.shamoa.com/uploads/images/...34114db8b9.jpg


وهاذي بحيره قريبه من بيتنا وفيه خظار وررد والجو طبعا يجنن



http://up.shamoa.com/uploads/images/...61006f739e.jpg


هاذي السياره لفتت نظري ,,تشبه الهمر حيل بس مدري شسمها بالظبط
كانو راكبينها مجموعه كبيره شباب وبنات واكثرهم لابسين بدله برشلونه.



http://up.shamoa.com/uploads/images/...bb2abba8ae.jpg

هاذا جهه من الحديقه كنت اتمشى لما صورتها بس والله على الحقيقه الجو احلى بكثير
اللي موجود بالطبيعه احلى بكثير اكيد

شرطان الذهب 05-04-2011 04:10

رد: تقرير من قلب لوس انجلوس الســــآآآحره.. وبكااميرتي المتواضعه ...!!
 




http://up.shamoa.com/uploads/images/...f971089bf0.jpg


شرايكم بتصويري ,,,حاولت حاولت لين ظبطت ,


http://up.shamoa.com/uploads/images/...5f8f5319cb.jpg

ناس تلعب كورهـ >>>يقربون لراعي الهمر:ksho5ey:



http://up.shamoa.com/uploads/images/...057b2f1f50.jpg



بنتي مرررره مندمجه بالجو الرووومنسي ,,وربي ماكنت مخططه للصوره ابدا ,,



http://up.shamoa.com/uploads/images/...9257d16480.jpg


وهاذي جهه من الحديقه وترى هاذي المساحه اللي طالعه ماتجي ربع الحديقه



http://up.shamoa.com/uploads/images/...5f0be30214.jpg


وهاذي من بعيد وكل مانمشي شوي فيه مظله وكراسي
والمكان شاااعري بقوووهـ




واشكر خطوطه على كل شي صراحه ماقصرت ,جزاها الله خير

وياآآآرب يعجبكم التقرير..!!:احبتس:










مخرج...!


ما أدري إلى اليوم .. وإلا الزَّمان أنساك
ياقلبها قلبي ..
ما أدري إلى اليوم .. توله على مضناك
وإلا إنتهى حبَّي ..
ياقايد الريم ذكراك ماغيَّبت عن خاطري ساعه
الرَّوح لك ياساكن الرَّوح نزَّاعه ..
مِتى الوصل ... قول ..
بأجيك وأسابق السَّاعه ..
يالَّلي على البال
* * * * * *
كم شمس غابت وأنا أشوفك ..
شمس الضَّحى الَّلي تباريني ..
وإلى منع جيَّتك خوفك ..
نورك فلا غاب عن عيني ..
الحب تدري .. ماهو بيدي
سيدك تراه الهوى وسيدي ..
أبيك تبدأ مواعيدك ..
و إلا أببدأ مواعيدي ..
ياللي على البال ..


,,,,,,,,,,,,,,,,,,,,,,,,,,,,,,,,,,,,,,,,,

مس~قدها وقدوود 06-04-2011 03:28

رد: تقرير من قلب لوس انجلوس الســــآآآحره.. وبكااميرتي المتواضعه ...!!
 
تقرير رائع لمكان آروع ~

سبحان من عطاهم هالطبيعه والروقان ..

حبيت موضوعك كثير لأسباب كثيرة .. اهمها انك

مبتدئة .. ومستواة حلو كثير .. فأكيد القادم أحلى واروع ..

صورة بنيتك تهبل .. مغبره مرة .. الله يخليها لك ..

!خط النار! 06-04-2011 05:49

رد: تقرير من قلب لوس انجلوس الســــآآآحره.. وبكااميرتي المتواضعه ...!!
 
ايوه شعلليها تقارير .. :yaho:
امريكا صارت من ظمن الخطط المستقبليه خصوصا نيويورك :d: <<حلوه الاحلام
بس صدق المسافه بعيده مره ياللهوي اجلس بالطياره 14 ساعه :زعلان: زين انكم ترانزيت


http://up.shamoa.com/uploads/images/...e736530486.jpg


يمه اخاف من هالاشكال:5smok: بعدين وش دعوه هذا وسيم يعني بيجذب الزباين :d:



http://up.shamoa.com/uploads/images/...9257d16480.jpg


تهبل الحديقه :بليز: عندك هالحديقه اللي ترد الروح المفروض يوميا تروحين تتقهوين فيها وتنزلين مواضيع لشمواه:3:



http://up.shamoa.com/uploads/images/...49e31f82fa.jpg



خطيره الصوره .. ماشفتي بنت كارديشان ترزز هنا :d:
الله يردكم بالسلامه ..
استمتعت بتقريرك ومواقفك ياقمر ..ياليت ماتوقف هالتقارير :ya`a`h: http://www.shamoa.com/vb/shamoa2010/icons/icon1.gif



cofe-latay 06-04-2011 06:03

رد: تقرير من قلب لوس انجلوس الســــآآآحره.. وبكااميرتي المتواضعه ...!!
 
امتعيتينا بالصور ..:3:

وااضح المكاان اللي انتوا يه رااايق لا بعد حد ..!

ولا معرف عن لو س انجلس كلا ازعاج وصخب ~

بقوه استمتعت بالصوور .. !لان من تصويرك .

اهم شي الكافيهات هناك .. كيف القهوه !:d:

الله يحفظكم ياارب وترجعون بالسلامه .!


c.u



حلم~ 06-04-2011 06:28

رد: تقرير من قلب لوس انجلوس الســــآآآحره.. وبكااميرتي المتواضعه ...!!
 
ماشاء الله ..
والله دخلنا جو.. والمكان يجننن.. يجيب العافيه ..

تسلمين ع التصوير الرائع ..

ربي يعطيك العآفيه~

Artos ~ 06-04-2011 06:38

رد: تقرير من قلب لوس انجلوس الســــآآآحره.. وبكااميرتي المتواضعه ...!!
 
ياحليلكم ,, الله يَوفق زَوجك ببعثته

على طاري إنهم بَشوشين وَ حبوبين , أنتِ بأمريكا يا فَتاة
الشعب الأمريكي شَعب وَدود وَ خفيف ظَل :1heart:

http://up.shamoa.com/uploads/images/...3803580ae6.jpg

الله بس يالشَوارع إللي تَفتح النَفس
:بليز:

على طاري الكلب ,عادي ياقلبي دايم يفتح فمه كذا
خاصه لما يطلع الصَبح ,, حتى القَطاوه مع الزحمه وَ حالة الهلع إذا كانت بالظهر بالسيارة تَزين نَفس الشيء


http://up.shamoa.com/uploads/images/...03613d3d39.jpg

الطَبيعه حَلوه وَ الناس عايشه وَ رايقه
وَ بحالها
<------------------ هذي آهم نُقطة ..

وَ السيارة إللي شفتيها همر بس هَمر صالون ,, تجيك حسب الطَلب


حَبيت التقرير وَ حبيت آكثر من التقرير تَعليقك
تَمنيت بس لو ذكرتي كل شيء بأسمه , لآجل الكَل يستفيد من الرحلة ..

وَ لا مَوضوعك جداً رائع
وَ الصور حلوه تفيد الغرض وَ الهدف وَ توصل لنا الأنطباع بشكل كامل وَ متكامل ..
آتمنى الكل ينزل مَواضيع بنفس هاللطافة و الحنية إللي شفتها بَموضوعك ..

وَ أكيد منتظره بقية الأجزاء بشغف
وَ الله يحفظ لك بَنوتك

:1heart:


الساعة الآن 03:38

Powered by vBulletin® Version 3.8.7
Copyright ©2000 - 2018, Jelsoft Enterprises Ltd.

Ads Management Version 3.0.1 by Saeed Al-Atwi

جميع المواضيع والآراء تمثّل وجهة نظر كاتبها فقط ولا تمثل منتديات شمواه بأي شكل من الأشكال ما لم يوضّح غير ذلك.
Des By || [email protected]