الرئيسية الألعاب التَسجيل القوانين إتصل بَنا Twitter Facebook
 
العودة   منتديات شمواه|SHAMOA FORUM ® > ،، || لغة الجَمال || ،، > عطورها bath & body

الملاحظات

عطورها bath & body يلقي الضوء على جديد العطور , ومستلزمات الحمام , وطرق العنايه الشخصيه .



إضافة رد
 
أدوات الموضوع
قديم 18-08-2013   #1

One
«مُراقبة وَرقةٌ وَ محبرةُ»
 

الرقمُ واحِد ،، اكثرُ ما يُهم
 
الصورة الرمزية One

One غير متواجد حالياً

 رقم العضوية : 43279
 تاريخ التسجيل : 03 2011
 العمر : 23
 الجنس : sex
 المكان : البَحـرينْ
 المشاركات : 816
 تقييمك لشمواهـ : 1
  الشعبيه : One ماستر الإبداعOne ماستر الإبداعOne ماستر الإبداعOne ماستر الإبداعOne ماستر الإبداعOne ماستر الإبداعOne ماستر الإبداعOne ماستر الإبداعOne ماستر الإبداعOne ماستر الإبداعOne ماستر الإبداع
 النقاط : 53937
 مجموع الاوسمة 1

وَسام شُكر وَ تقدير لعآم 2011 

افتراضي Review , the body shop , loccitane , baby jhonson . bath&body works








مَرحبآ بالحلوين .. / اليُوم و بَعد غيبَه طويله . رجعت لُكم و بهالقسم
عآد وآحشني هالقسم .. بس عندي مُشكله من لما سوت الحلوة آرتوس تحديث للمُنتدى و صآرت بَعض الصور او المواضيع ما تنفتح عنِدي .. عدآ المواضيع الجديدة .. بالرغم اني لمَا اتصفح من الاي باد .. كل شي اوكي و الموآضضيع تنفتح بالصورر ..

مآلكُم بالبربر ../ حآبه اتكلم عن عنآيتي شوي .. وعن نوع بشرتي .. انا بشره ويهي دُهنيه .. لكن باقي جسمي عآدي
.. بديت عنايتي من يوم انا صغيره .. يعني اكثَر شي كان يستهويني هُو الكريمآت .. واذكر لما بابا يدخل علي بكريم بيبي جونسون استانس ,, و ادخل في حماس مع نفسي اني اخلصه بسرعه .. كبرت و هالشي يكبر وياي .. و صار الكل لما يسلم علي يقول ان بشرتي ناعمه ..
في ناس تقولج انها ما تثق الا بالكريمات الغاليه . وانها لو تبي تعتني مستحيل تشتري من اي براند رخيص .. / السعر مو كل شي .. يعني انا مثلا .. امشي بحدود ميزآنيتي واللي يريحني .. اشتري من بيبي جونسون ومن بودي شُوب .. / ف العنايه و الاهتمام مو بس حصر ع طبقه او فئه مُعينه ..
اي وحده تقدر تشتري اللي تبآه من أي برآند ع حسب احتيآجها و ع حسب ميزآنيتها ..
مافي عذر لأي بنت تهمل ايدها او بشرتها لمجرد ان مافي شي رخيص و كل شي غآلي ! ,,





رَح ابدأ اول شَي بصورة جماعيه للمُنتجات .. وهي من 3 برآندآت .. بيبي جونسون المشهور و اللي كل الامهات تستخدمه ل أطفآلهُم ,, لان ما يحتوي على مواد كيماويه و مناسب لبشرة الطفل .. وغير عن هيك ريحته هاديه و خفيفه و تساعد ع الاسترخاء + انها ميزآنيتهَآآ مَعقوله و مناسبه للجميع .. ثاني برآند هو اللي احبه حُب مو طبيعي وهو the body shop .. طَبعآ ذَ بودي شوب احسه اسعاره مُناسبه و معقوله جدا .. من حيث المآكياج او الكريمآت او مُنتجات العنايه . انا جَربت من عندهم انواعم مختلفه من البودي بتر .. و البودي لوشن و العطور و البودي سبرآي .. و السكرآبز .. وكلها ناسبتني و كانت معاي اوكي و تمآم .. / اجي عن لوكستيآن .. المكان احبه وايد .. و خصوصا لما اروحه مع بابا بما انه يشتري من هناك اغرآض لبشرته قبل الحلاقه و بعد و اثناء الحلاقه .. + الكريمآت و العطور و الشآمبو لشعره .. بما انه مهتم بنفسه من الدرجه الاولى ,, طبعا الاسعار بذكر اللي اتذكره و اعذروني عَ القصور

حَ ابدأ اول شَي بهالمُنتج اللي من bath&body works طبعا .. انا مش صحبه معاه . يعني اول ما نزل يُمكن ماشريت منه الا مرتين بسس ! ,, والسبب اني ماحب الروايح القويه .. تسبب لي غثيان .. حتى لو اجتهد بعنايتي عشان تثبت الريحه بجسمي فتره اطول بس مُستحيل مستحيل اشتري شَي ,, روايحهُم تجنن و حلوة بس عيبها انها قويه .. و احس بها ريحه سويت .. او شَي فيه ريحه الفواكه .. وانا عدوي اللدود بالكريمات او العطور السويت او الفواكه .. اميل للروز و الورد واليآسمين والفآنيلا بحالات شآذه .. / طبعا يَحتوي عَلى فيتآمين e و خلاصه الجوجوبآ و الشيآ بَتر .. ريحته قويه و الكريم لحاله يكفي و يعطيج ريحه ثابته و قويه .. غير ان هو تغطيته ثقيله .. عموما هو محطوط بالشَنطه .. واستخدمه لما اركب السياره .. قبل لا البس خواتيمي و اساوري . طبعا سعره دينآرين و شوي ,,

ثآني مُنتج الا وَ هُو زيت بيبي جونسون الغني عَن التعريف .. واللي للمرة المليون اشتريه .. احبه لشعري و لجسمي . يعطيني نعومه وريحته خيآل نفس اليهآلو .. / و استخدم معاه البودي لوشن البنفسجي .. ريحته خيآل .. بخلاصه البابونج اللي من خصائصه ان يهدي البشره و يبعث الاسترخاء , فَ استخدمه قبل لا انام ,, سعره ب دينآرين وشوي الكبير و الصغير هذه بدينار و ثلاثمئه فلس (13 ريآل )



نجي ل هالكآئن اللطيف .. جآني ببوكس من لوكستيآن هديه عيد ميلادي .. وهلأ بس لفتحت العلبه .. تحتوي عَ قطعه صآبون و بودي لوشن للأيد صغنون و هالبودي لوشن الكبير و عطر و شنطه ميك آب . حَ اتكلم عَن هالكريم الجميل ,, للأسف ماعرف سعر العلبه ولا سعر الكريم لحآله .. ريحته شي خيآلي .. بما انه ع spring cherry ولأول مرة يعجبني شي ع ريحه فواكه .. طبعا ملمسه خفيف و مخملي و ناعم .. وريحته مش مزعجه ابدا ابدا .. و متحمسه اشتري العطر الي عَ روز ,,


البُودي لوشن من the body shop جآني هديه مع العطر تبعه من عند عمتي .. / ريحته رُوز بًس غريبه .. يعني مُميزة جدا .. اول مَرة اشمه , طبعا بالبدايه ما تقبلت الريحه خآلص خآلص .. لما رشيته و بردت الريحه عجبني عموما انا احب الروز و الورد ,, فَ اتوقع يعجبكم او ما يعجبكُم .. وصرت استخدمه مع اللوشن ,, سعره للأسف ماعرف بَكم

هالبودي بتر ,, شريته للعيد مع مجموعه من الاغراض , كنت معصبه و زعلانه من ماما و طلعت اتسوق بروحي بعيد عنهم .. ودخلت و قلت للي هناك اني ابا اجربه .. اسمه midnight bakula ريحته بعد شي غريب و مُميز .. احطه و استخدم بودره بيبي جونسون البيضه .. يعطيني ريحته خفيفه بس كل من يمر جمبي ولا يسلم عليه يقول لي شنو حاطه ؟ ,, طبعا اول ما شريته رديت البدر ادور كلمه رمضان كريم .. شكل العلبه يوحي بهالمناسبه ههههه . سعره دينآرين .. لاني خذته و كان بالسيلز ,, ف اعتقد سعره بدون السيل 6 دينار ,


نجي لهالبودره .. اللي من فتره و انا استخدمها مع زيت بيبي جونسون و مع البودي بتر اللي فوق .. و خصوصا يوم العيد .. رحت الصيدليه وشريت بودي لوشن بيبي جونسون البنفسجي و حطيت لي منهم .. / وريحتي تجنن كانت .. ريحه اطفال و ببيبات .. يعني امر جنب فيكتوريا سيكرت .. و اشمهم و يعجبوني بس ماحب اشتريهم ,, / ما يستهووني ,, طبعا هآ الصغنون مو العادي ,,ريحته شوي غير عن الفودر اللي متعودين ع شكله ,, الثاني شكله بحري هآدي ,, < لا تدققون ع الوصف ههههههه
سعره 800 فلس بالضَبط ههههههه شفتو قد ايش رخيص ,, بس يعطيني ريحه اطفال خفييفه و هاديه حييل ..



نجي لأخر مُنتج واللي هُو غني عن التعريف .. مكتوب انه مُلطف و ومرطب للجسم ,, ماحس انه واو واو واو ,, بس استخدمه لما بسوي مساج لايد بابا . او ايد خواتي او ماما ’’ خفيف و ما يدبق و ريحته حلوة و هاديه .. / سعره 3 دينار ونص ,, شريته بالسيل كمان .. و مادري كم سعره الاصلي .. لاني شفت احجام .. و هذا اصغَر شي ..

و بجي اكون خلصت موضوعي .. هالموضوع اهداء ل قلب جميرآ ,, لاني تعتبها معاي اليوم وايد .. اتمنى انها تقبل هالموضوع البسيط واللي ما يرتقي لأبدآعها كلش .. اتمنى يعجبكم الموضوع و تستفيدون منه .. / و بجد ما كنت اباه يخلص , لاني استمعت حيل و انا ا اسويه ,
حبيت تعرفون الجانب الثاني مِني .. و قلت اخلي ورقه و محبره ياخذ بريك مني شوي ,

دُمتم بجمآل .. و أي استفسآر انا بالخدمه و حاظره








.











وَ أزدادُ نعُومه - كُل يوم
  رد مع اقتباس
قديم 18-08-2013   #2

Angelina_Sophia
عضوه مثابره
 
الصورة الرمزية Angelina_Sophia

Angelina_Sophia غير متواجد حالياً

 رقم العضوية : 43990
 تاريخ التسجيل : 03 2011
 الجنس : sex
 المكان : الشـرقيه
 المشاركات : 492
 تقييمك لشمواهـ : 1
  الشعبيه : Angelina_Sophia مستقبلها لامع بشمواهـAngelina_Sophia مستقبلها لامع بشمواهـAngelina_Sophia مستقبلها لامع بشمواهـAngelina_Sophia مستقبلها لامع بشمواهـAngelina_Sophia مستقبلها لامع بشمواهـAngelina_Sophia مستقبلها لامع بشمواهـAngelina_Sophia مستقبلها لامع بشمواهـAngelina_Sophia مستقبلها لامع بشمواهـAngelina_Sophia مستقبلها لامع بشمواهـAngelina_Sophia مستقبلها لامع بشمواهـAngelina_Sophia مستقبلها لامع بشمواهـ
 النقاط : 8351
افتراضي رد: Review , the body shop , loccitane , baby jhonson . bath&body works

إححم أول رد

توني أنتبه إنج من البحرين (شفتي شلون تشطح عن الموضوع خخخ)
يازينج والله ويازين البحرين ديرة امي وأهلها

مع إني منولده ومتربيه بالسعوديه, بس أحس تجاه البحرين إحساس غريب
أحس كللل الناس اللي هناك أهلي, يعني ماتشوفيني مب مرتاحه لحد هناك إلا فيما نُدر.

أتفق معاج, في منتجات وايد وايد حلوه وأسعارها بمتناول يد الجميع, أكبر مثال فازلين,
لوشنهم حق توحيد اللون حبيب الصراحه ههههه, ريحته هاااديه ويعطي نظاره للجسم, يلا شتبون أكثر؟ خخخخ

باث آند بودي وركس, على قولتج من قبل لايفتح عندنا بالسعوديه, وأنا متلعوزه بعمري بصراحه
يعني أبي أشتري منه متحمسه عليه وايد, ويوم دشيته, ماغير أبطل وأشم وأرجع على الرف
ههههههه كلش حسيته أغلب اللي عنده روايحهم مركزه وايد.
لكن مازلت مصره أشتري شي منه, بارجع له إن شاء الله ويلا باشتغل تبطل وتشمشم وترجع خخخخ

آآه يازيت الأطفال, يونس هذا بصراحه, بس أحس يبيله أحد يسويلي مساج فيه
بس محد ماعطيني ويه, وكلما قلت همزوني قالو إنتي همزينا

يوم كنت صغيره كانت امي تحطه بشعري, شكلي بارجع أحط بشعري لأن فيني حنين لأيام الطفوله,
(نوستاليجا تايم )

اللاااي ماشاء الله لوشن لوكسيتان شكله مايحتاج أشمه, مبين إنه ريحته جميله
البودي لوشن من بودي شوب, مع إني ماحب ريحة الروز أبد, بس شكله حلو ودش خاطري أشمه

هههههههههههههه ياعمري انتي, نفس حركتي يوم أطنقر على أهلي,
أروح أتسوق بعيد عنهم, مع إني أحب أتسوق جماعي (حشره مع الناس عيد)
عشان هلون تشوفيني وقتها ماأشتري شيء محتاجته, بالعكس أشتري شيء يفرحني
عشان أراضي روحي (إيه إذا محد بيدلعني أدلع روحي ههههههه)

شكله حلوه ريحته, أحسه من المجموعه المغربيه.
تعااالي عجبتني فكرة إنج تحطين بودرة الأطفال فوق الكريم, يعني أحس بيسرع إمتصاص البشره للكريم.

سبا ويزدوم آفريكا, خذت حق الرجل واليدين, على قولتج مب وااو بس حلوه ومريح
وريحته جميله ماتضايق


يابخت القسم اللي تحطين فيه موضوع ماشاء الله,
ويعطيج العافيه حبيبتي على الريفيو, حبيته وايد ^^













My Instagram
Angelina_Darling

وش رأيكم فر رمزيتي القديده
قاعده أصفق على حظي خخخ


بنـآت اللي يعجبهـا موضوعي ماأبغى منها إلا انو تدعي الله يطول بعمر أمي وأبوي ويحقق لي أحلامي
  رد مع اقتباس
قديم 18-08-2013   #3

مس~قدها وقدوود
« نائبة الإدارة »
« مُشرفة هُموم وطن + أحدَاث عَلى السطح »
 

رحمتك يارب ..
 
الصورة الرمزية مس~قدها وقدوود

مس~قدها وقدوود غير متواجد حالياً

 رقم العضوية : 4
 تاريخ التسجيل : 06 2008
 الجنس : sex
 المكان : الرياض
 المشاركات : 6,577
 تقييمك لشمواهـ : 1
  الشعبيه : مس~قدها وقدوود عملاقة شمواهـمس~قدها وقدوود عملاقة شمواهـمس~قدها وقدوود عملاقة شمواهـمس~قدها وقدوود عملاقة شمواهـمس~قدها وقدوود عملاقة شمواهـمس~قدها وقدوود عملاقة شمواهـمس~قدها وقدوود عملاقة شمواهـمس~قدها وقدوود عملاقة شمواهـمس~قدها وقدوود عملاقة شمواهـمس~قدها وقدوود عملاقة شمواهـمس~قدها وقدوود عملاقة شمواهـ
 النقاط : 225376
 مجموع الاوسمة 23

أُوْسْكَار أقوى حَضور 

افتراضي رد: Review , the body shop , loccitane , baby jhonson . bath&body works

يارقتك ياأختي .. حسيت ريحة البيبيييات طالعه منك ..

قلتي كلام حلو في المقدمه .. وهو أن العنايه مالها دخل بقيمة المنتج
ولا هي محصورة لطبقة معينه .. ومافيه أي عذر لعدم الإهتمام ..
فيه منتجات كثير حلوة واسعارها في متناول الجميع ..
بالذات في محلات السوبرماركت .. وخاصه كريمات الجسم واليدين ..
منتجات فازلين ودوف حلوة واسعارها جداً معقوله .. وعلبها إقتصاديه ..يعني العلبه
تكفيك لحد 3 شهور احياناً .. فما فيه حجج أبد ..
عنايتك بسيطه ومتوفره للجميع .. وروايح منتجاتك رقيقه ..
أنا اعشق ريحة الباودر وريحه نظافة الأطفال .. دايم ابحث عن هالمنتجات
اللي تعطيني هالريحه ..
وكل وحدة لازم يكون عندها منتجات ريحتها ناعمه وهاديه
لأن مو معقول طول اليوم أو في في كل مناسبه لازم
تكون ريحتك تشعشع ..
ساعات نحتاج تكون ريحتنا رقيقه وهاديه مايشمها إلا القريب منك ..
منتجات
bath&body works فعلاً قوية ونفاذة .. ولها عشاقها أكيد ..
وميزتهم تعدد الروائح وتعدد المنتجات بنفس الريحه ..

أنا أشوفه من المحلات الناجحه في السوق ..
بس طبعاً تظل الروائح هذي مسأله في إختلافات أمزجه
وذائقه مستحيل يتفق عليها أكثر من شخص ..
عموماً .. رفييو لطيف وخفيف وتستاهل قلووبه المبدعه هالإهداء منك ..








  رد مع اقتباس
قديم 18-08-2013   #4

NONA -
عضوه طموحه
 
الصورة الرمزية NONA -

NONA - غير متواجد حالياً

 رقم العضوية : 83503
 تاريخ التسجيل : 03 2013
 العمر : 23
 الجنس : sex
 المكان : دآر جآبر ♥ Kuwait
 المشاركات : 120
 تقييمك لشمواهـ : 1
  الشعبيه : NONA - مشهوره بشمواهـNONA - مشهوره بشمواهـNONA - مشهوره بشمواهـNONA - مشهوره بشمواهـNONA - مشهوره بشمواهـNONA - مشهوره بشمواهـNONA - مشهوره بشمواهـNONA - مشهوره بشمواهـNONA - مشهوره بشمواهـNONA - مشهوره بشمواهـNONA - مشهوره بشمواهـ
 النقاط : 15336
افتراضي رد: Review , the body shop , loccitane , baby jhonson . bath&body works




يآ سعدي و يآ هنآي لحقت على موضوعج الجميل

اكتشفت انه لنآ أشيآء مشتركه من نآحيه الذوق

أنآ مثلج مآ أحب الروآيح الي على فوآكه كلش ملش

أحب اليآسمين الروز مثل مآ قلتي المسك و إلخ ~

حبيت تبع بودي شوب "مد نآيت" حسيته بينآسبني

رآح أخذه أكيد الأكيدآت

و جونسن جميل جمآل مالوش مسآل

كنت أستخدم الشآمبو قبل لكن بعد ما حسيت انه شعري يحتاج عنايه أكثر

بديت أحول على المآكديميا و شعري بدآ يرجعله رونقه و ردت له النعومه

بس عمري ما جربت غير جونسن و الماكديميآ

أما الـ oil و البودرة اهمآ أفضل شي لبشره خيآليه

و ريحه نآعمه

يسلملي هالموضوع و تسلملي رآعيته ~











.
My New Blog Down Below


  رد مع اقتباس
قديم 18-08-2013   #5

BishoooDuck
«مُراقبة Shamoa Fashion »
«مُراقبة إستفسارات فَاشونية »
 

Sadly a bit Eccentric
 
الصورة الرمزية BishoooDuck

BishoooDuck غير متواجد حالياً

 رقم العضوية : 71679
 تاريخ التسجيل : 06 2012
 العمر : 27
 الجنس : sex
 المكان : Jeddah
 المشاركات : 1,306
 تقييمك لشمواهـ : 1
  الشعبيه : BishoooDuck سوبر ستار شمواهـBishoooDuck سوبر ستار شمواهـBishoooDuck سوبر ستار شمواهـBishoooDuck سوبر ستار شمواهـBishoooDuck سوبر ستار شمواهـBishoooDuck سوبر ستار شمواهـBishoooDuck سوبر ستار شمواهـBishoooDuck سوبر ستار شمواهـBishoooDuck سوبر ستار شمواهـBishoooDuck سوبر ستار شمواهـBishoooDuck سوبر ستار شمواهـ
 النقاط : 40107
Icon15 رد: Review , the body shop , loccitane , baby jhonson . bath&body works









وه ون هنا :$ يا زينك و زين موضوعك

طبيت يوم شفته

و جدا عجبني كلامك على قولتك العنايه مو محصوره لفئه معينه

بعض البنات مسوينها علاقه لكسلهم

لا لا الكريمات الرخيصه محا تنفع اطنش احسن

والله ما ضبط اوضاع الدادات عندنا غير الفازلين !

طبعا مو قصدي نعيش عليه ههههههههههه

بس ممكن كثير كثييييير امكانياتهم اقل و بشرتهم لسى احسن مننا

يازينك تحبين الكريمات من صغرك :$

انا نفسيه اكرهها من صغري

الان اتغصبهم و اتعودت لكن ظلمت نفسي زمان لما كنت اكرههم ههههه

لببببى بيبي جونسون !

من زمان ماجبته

للأمانه مو من مستهلكينه

خلصت فحياتي علبتين يمكن

اول ما بديت ارطب جسمي بعد الشاور

اكره الدبق و الزيوت والكريمات , لكن بديت فيهم و عودو جسمي

بعده قدرت استعمل شي ادبق

حمستيني ارجع اجيبه ترطيبه فتنه

انا زيك مع البرتقال

اكره اشم ريحته

اميل للفانيلا و الشوكلاطه فقط اما الفواكه مو مره ههههه

حتى الروز و المسك مب مره << لازم ريحه حلاوه و شكليطه عشان تعجبك !





مرررره العلبه كيوووت فتنه مشالله :$

تصدقين قررت اجيبه

انا في العطور و المنتجات ما امشي على الروايح

لما اشوف علبه حلوه او غريبه و يغريني شكلها

اشم الريحه , بعدين لما تعجبني او يمشي حالها اجيبه


كذا اول مره طحت في عطور جوسي عشان الفيونكات والحركات

و للان عطوري المفضله جوسي هههههه





وه يانااااااس

مره يعجبني فيكي اختيارك لمنتجات جونسون

احسك تعاملين جسمك بمنتهى الرقه زي بشرات الاطفال

هالبودره كل ما اجيب منها ما افتحها مدري ليش :")

بس ريحتها مره كيوت


موضوع جميل و رفيو اجمل من ون حبيبتنا

و ياريت نشوفك فكل المكان و في مقرك ورقة و محبره و فكل حته من حتت شمواه

الله يعطيكي الف عافيه على الموضوع :$







  رد مع اقتباس
قديم 18-08-2013   #6

The famous
عضوه مثابره
 
الصورة الرمزية The famous

The famous غير متواجد حالياً

 رقم العضوية : 63387
 تاريخ التسجيل : 01 2012
 الجنس : sex
 المكان : دار العز دار زايد الرُقي والذوق والاحساس والطيبة
 المشاركات : 366
  الشعبيه : The famous مشهوره بشمواهـThe famous مشهوره بشمواهـThe famous مشهوره بشمواهـThe famous مشهوره بشمواهـThe famous مشهوره بشمواهـThe famous مشهوره بشمواهـThe famous مشهوره بشمواهـThe famous مشهوره بشمواهـThe famous مشهوره بشمواهـThe famous مشهوره بشمواهـThe famous مشهوره بشمواهـ
 النقاط : 15188
افتراضي رد: Review , the body shop , loccitane , baby jhonson . bath&body works

كلكم قاعدين تحطون ريفيواات ،،

خاطري احط شي ، ان شا الله بحط قريب <--- برى


الليلة يمكن ،، آنا ما قريت موضوعك يا بطى لسى ..


لكن هيك كلام ع الماشي بقراااه على رواااق بعدين وبرد ..

آو بضيف في هذا الرد ..


هلآ قريت ،،

عجبني موضوعك ما اعرف ليش في احساس غريب مو لازم اعرفه
المهم حسستيني بشي حلو ..


وفي بساطة بكلامك عجبتني مرة وفعلآ لطافة مثل ما قالو البنات
احب هالاسلوب يمكن لانه ينقصني خخخخخخ

ترى امزح اعرف شوي امزح آحيانا صدقوني استحي آخاف
آحد ينجرح مني ومن آسلوبي <-- صدقنى

بس لا جد آتكلم كيف آصير ناعمة بس ما ابي اتصنع
ع الاقل شي بسيط ويتناسب معي !


يعني اسوي نفسي كيوتة <-- كنك طلعتي عن الموضوع وايد

البنت كاتبة موضوع عن نفسها وش حاشر رزك انت مو هيك المثل
والا غلط ع العموم خذتها منكم الكلمة بكمل بربرتي في مدونتي
آحسن من رزت الفيس سوري حبيبتي .

المهم ،،

نتكلم عن موضوعك حرآآآم زبدة بودي شوب حلوه تبع افريقيا وصح
ما تدبق وبسرعة تشفطها البشرة وأحسها ترطب لكن الاقوى منها
من نفس المجموعة لليد ولريل "لرجل" ترطب وما تدبق واحس
غلط لما يسموها زبدة هيك احساسي هي اخف شوي المفروض
يكون لها اسم ثاني لان القواام غير ما اعرف ششو يسمونه عاد ..

حبيت كلامك عن العناية يا نظيفة وشجعتني اكتب شي مهم وبيفيد بعض
البنات ان شا الله ،، هو شي بسيط لكني اشوف مهم وبالنسبة لبودي
ورركس هالمكان يحسسني بالرخص واني اشتري منتجات اي كلام
حتى بالجمعية ما احس هالاحساس احس كأني مقصة وكأنهم
يقصون علينا يعني يلعبون علينا بمنتجات اي كلام وخصوصا
الريحة تحسسني كأنه معمل توى دخل عالم التصنيع وهاات
يا لعباان شغل ناس اي كلام وغير احترافية هو هذا الي
احسه بالضبط اذا مو اكثر وخصوصاً كل البنات تقريبا
آجمعو ع الريحة النفاثة وهالشي أشوفه عيب بنظري ..


آوحيتيلي بآشيا كثير مو رايقة ارجع اقرى لان ضاع من

ذهني بعض الكلام ..


دمتي بحب حبيبتي وتسلمين ع الموضوع
يا كتكوتة يا حلوه يا ناعمه


والسموحة ع القصور










  رد مع اقتباس
قديم 18-08-2013   #7

حدودي السما !
«مُراقبة المَكْتبة الأدَبية »
 

على قدر حُلمك تتسع الأرض !
 
الصورة الرمزية حدودي السما !

حدودي السما ! غير متواجد حالياً

 رقم العضوية : 84014
 تاريخ التسجيل : 04 2013
 العمر : 24
 الجنس : sex
 المكان : ثم الحرية فـ هناك وطني .
 المشاركات : 441
  الشعبيه : حدودي السما ! سوبر ستار شمواهـحدودي السما ! سوبر ستار شمواهـحدودي السما ! سوبر ستار شمواهـحدودي السما ! سوبر ستار شمواهـحدودي السما ! سوبر ستار شمواهـحدودي السما ! سوبر ستار شمواهـحدودي السما ! سوبر ستار شمواهـحدودي السما ! سوبر ستار شمواهـحدودي السما ! سوبر ستار شمواهـحدودي السما ! سوبر ستار شمواهـحدودي السما ! سوبر ستار شمواهـ
 النقاط : 40635
 مجموع الاوسمة 1

فَعالية يَوميات عضوة لرمضان 2013 ~ 

افتراضي رد: Review , the body shop , loccitane , baby jhonson . bath&body works




أهلاً مِنن نورتي القسم يا حلوه ..
في البدايه معاك حق يعني الكريمات الغاليه أكيد مفعولها أكبر ،
و نتايجها أوضح ما ننكر بس مو عذر إننا ما نعتني أبداً بـ سبب إنها غاليه ..
لو اشتريت مُستحضر معين يحتاج له إستمراريه كم شهر على بال ما أشوف نتيجه ..
و كان الإقتناء لـ مره واحده و بـ سعر يخسف بـ الميزانيه و أستخدمه نتفه نتفه عشان ما يخلص
بـ سرعه فـ أكيد ما راح أستفيد و لا شيء ..
نجي لـ أغراضك :
- زيت بيبي جونسون مره أعشقه و يعجبني ترطيبه و يكفي ،
إنه عملي .. بشرة جسمي تميل للجفاف ،
بس حلو معاي ..
- لوكيستيان مو موجود عندنا أبداً فـ ما راح أتكلم عنه لـ أني ما جربت ..
- بودرة الجسم بعد تعجبني تثبت لـ وقت طويل و تعطي ريحه حلوه ..
- امم العطور أنا ما أحب اللي بـ الياسمين و الورد إلا نادراً ،
حسب ما تجي على المزاج يعني ..
أميل للفواكه و الحمضيات أكثر شيء ..
و ريحة السويت اللي تقولين عنها مره أحبها ،
بس مو مناسبه في كل وقت طبعاً ..
ريفيو لطيف و ما قصرتي في الشرح .. يعطيك العافيه يا رب ..












  رد مع اقتباس
قديم 18-08-2013   #8

ليندالول
عضوه طموحه
 
الصورة الرمزية ليندالول

ليندالول غير متواجد حالياً

 رقم العضوية : 67769
 تاريخ التسجيل : 04 2012
 الجنس : sex
 المكان : من زمن آخر
 المشاركات : 123
 تقييمك لشمواهـ : 1
  الشعبيه : ليندالول إنجازاتها يُفخر بهاليندالول إنجازاتها يُفخر بهاليندالول إنجازاتها يُفخر بهاليندالول إنجازاتها يُفخر بهاليندالول إنجازاتها يُفخر بهاليندالول إنجازاتها يُفخر بهاليندالول إنجازاتها يُفخر بهاليندالول إنجازاتها يُفخر بهاليندالول إنجازاتها يُفخر بهاليندالول إنجازاتها يُفخر بهاليندالول إنجازاتها يُفخر بها
 النقاط : 4942
افتراضي رد: Review , the body shop , loccitane , baby jhonson . bath&body works





يا قلبي علييييييكي
1
بجد حبييييت طريقة عنايتك بنفسك و المنتجات حلوة و راقت لي

1 و فعلا البنت مالها عذر ـأبدا انها ماتعتني ببشرتها و تستعذر بأنها ما عندها فلووووس عشان تهتم بعمرها ..

1
1 و حلو كمان انو الوحدة تهتم بعمرها من سن مبكرة عشان تكون اتعودت على العناية و اصبحت
شي لا يتجزا من حياتها اليومية ..

1استمري يا قموووورة قلبي

1 و أنا دوم بانتظار جديدك بهالقسم ولا تحرمينا من هالرفيوهات الحلوة

1دمتي مبدعة يا عزيزتي ونونة














1
  رد مع اقتباس
قديم 18-08-2013   #9

Galb.jumerah
«مُشرفة لمسة سحر »
«مُشرفة إستفسارات جمالية »
 

I wîšh tø bę wįth ú 4 EVER
 
الصورة الرمزية Galb.jumerah

Galb.jumerah غير متواجد حالياً

 رقم العضوية : 65931
 تاريخ التسجيل : 03 2012
 الجنس : sex
 المكان : LONDON
 المشاركات : 1,595
 تقييمك لشمواهـ : 1
  الشعبيه : Galb.jumerah عملاقة شمواهـGalb.jumerah عملاقة شمواهـGalb.jumerah عملاقة شمواهـGalb.jumerah عملاقة شمواهـGalb.jumerah عملاقة شمواهـGalb.jumerah عملاقة شمواهـGalb.jumerah عملاقة شمواهـGalb.jumerah عملاقة شمواهـGalb.jumerah عملاقة شمواهـGalb.jumerah عملاقة شمواهـGalb.jumerah عملاقة شمواهـ
 النقاط : 269271
 مجموع الاوسمة 4

فَعالية يَوميات عضوة لرمضان 2013 ~ 

افتراضي رد: Review , the body shop , loccitane , baby jhonson . bath&body works




ي هلآ وغلآ ..


تسلمين حبي ع الإهدآء الغآوي وتعبج رآحه أكيــد .،،


لج غيبه طويله عن هآ القسم وحلو أنج رجعتيلنآ بشي جميل ومنعش في نفس الوقت ..


حبيت أهتمامك ومصارعتك لنفسك بأنك بسرعه تخلصين علبه الكريم اللي جآلك إياها أبوك ..

ذكرتيني بأبويه لمآ يرجع من لندن لآزم يجيبلنآ كرتون في سيت كآمل من صابون وكريم وسكرآب ..

وكآن ينوع لنآ في البرآندآت مره لوكستىآن ومره بودي شوب ..

وذوق الريآيل مميز عنآ هم يميلون للبرتقال والليمون والورد ..


جميل أهتمام أبوك واستخدآمه لمنتجآت لوكستيآن الرجآليه ..


باث آند بودي هذآ عيبهم روآئحهم قويه ..

الشي الوحيد اللي دايما أكرر شراءه عندهم مهما خلص مني هو زبدة الشيآ اللي تجيج كأنه معصار ولونه أزرق وهو للجسم وريحته ماليه للبورده وشوية جوز الهند ..

ها الكريم غليظ وأحب ترطيبه العميق ..

هههه بس كل الحوامل يتوحمون ع ريحته لما كنت أحطه ماما وأختي يسيرون بعيد عني تجيهم لوعه زياده ههههه ي حليلهم ..

وي مآمآ كريمآت شريت من عندهم بروآئح للأسف آخر شي ينرمي في الزبآله سواء سبري أو كريم ..

لأنه سويت وقوي وأنآ ما بحب ف تلقوني أستعمله أول ٤ مرات وعقب خلاص يغبر مكآنه ..



أما عن البي بي جونسون عمري مآ فكرت أشتريه بس اللحينه صرت متردده أفكر أشتريه ..

الكريم السبرينق تشيري انهبلت ع عطره حيل بارد وحلو ..

جميل كريم الروز .. رآح أحبه إذا كان هادي وجميل ...


زبدة الشيا من ذا بودي ذكرتيني بزبدة الشيا من بودي أند وورك أكيد ريحته قريب للجوز الهند والفانيلا بما انهم يروحون بعيد عنج هههه ..

أنا دايما لما احط كريم وزنزل تحت ف الصاله تلقين كل حد يقول زنتي متسبحه بالكريم لأنه الريحه بسرعه تنتشر ..

واللي يشوفني أنا ارطب جسمي لآزم يعلق بأن الكريم رآح أخلص العلبه كامله ،،

لأني أحب أرطب كل منطقه بجسمي واحب ارطب مع مساج ولازم من مرتين ل٣ أرطب جسمي كآمل .

وع جو أوروبآ بسرعه تجف البشره ..


ي سلآمي ع البودره تدرين منو من أهلنآ يستتعمله ههههه جدي ربي يحفظه ويطول لي عمره ..

يوم أشوفه أشوف صدره ورقبته كلها بيضآ أقوله جدي أنت شو حاط يقول بودرة ومن ريحته عرفت إنها بي بي جونسن ..

أنتي ي بننت تحمسيني أشتري ها المنتجات الطفوليه ..


أما عن سبا ويسدوم أفريكآ من ذا بودي هذا الشي الوحيد اللي كررت شراءه من ذا بودي أقصد من ٣ سنين قبل ..

كنت حيل أحب أرطب ريلي وإيدي ريحته حلوه وترطيبه حلو ..


يَ ليت الموضوع طول ،،

مآ شبعت أعشق الكريمات والترطيب وجوك الجميل ي اللي حيل منعش ..

ثآنكس ع الريفيو البطل ي جميله ..


كلي حماس لريفيوآتك القآدمه ..

موفقه ..
















  رد مع اقتباس
قديم 18-08-2013   #10

♡ ĴŐǿĴỖ ♡
عضوه واثقه
 
الصورة الرمزية ♡ ĴŐǿĴỖ ♡

♡ ĴŐǿĴỖ ♡ غير متواجد حالياً

 رقم العضوية : 71368
 تاريخ التسجيل : 06 2012
 الجنس : sex
 المكان : Saudi Arabia ❤
 المشاركات : 520
 تقييمك لشمواهـ : 1
  الشعبيه : ♡ ĴŐǿĴỖ ♡ مشهوره بشمواهـ♡ ĴŐǿĴỖ ♡ مشهوره بشمواهـ♡ ĴŐǿĴỖ ♡ مشهوره بشمواهـ♡ ĴŐǿĴỖ ♡ مشهوره بشمواهـ♡ ĴŐǿĴỖ ♡ مشهوره بشمواهـ♡ ĴŐǿĴỖ ♡ مشهوره بشمواهـ♡ ĴŐǿĴỖ ♡ مشهوره بشمواهـ♡ ĴŐǿĴỖ ♡ مشهوره بشمواهـ♡ ĴŐǿĴỖ ♡ مشهوره بشمواهـ♡ ĴŐǿĴỖ ♡ مشهوره بشمواهـ♡ ĴŐǿĴỖ ♡ مشهوره بشمواهـ
 النقاط : 11269
افتراضي رد: Review , the body shop , loccitane , baby jhonson . bath&body works


_

أهلن ، الله ريفيو ولآ أحلى من كذأ ،صرآحةة ،
الاهتمآم والعنأيةة م تنحصر ع طبقةة أو فئة معينةة ،
وكلآمك أوآفقه تمآمآ ي قممري صح عليكك ،



زيت بيبي جونسون صرآحةة غني عن التعريف للجسم بالنسبة لي ،
يعطي عنآيةة ولمعه وريحته صرآحةة حلوةة وتدوخ ،
وكمآن بودرةة بيبي جونسون رهيبة ويأي استخدمهأ شخصيأ ،

ونآدرآ صرآحةة ، والباقي م يهونون والله ريفيو قدع ،
يعطيك العافيةة ي عزيزتي ، وتسلمي ع هالموضوع ،
ونلقاك بطلةة ثانيةة ، موفقة دمت بحب .











  رد مع اقتباس
إضافة رد

مواقع النشر (المفضلة)

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 08:39

 


Powered by vBulletin® Version 3.8.7
Copyright ©2000 - 2017, Jelsoft Enterprises Ltd.
Ads Management Version 3.0.1 by Saeed Al-Atwi
جميع المواضيع والآراء تمثّل وجهة نظر كاتبها فقط ولا تمثل منتديات شمواه بأي شكل من الأشكال ما لم يوضّح غير ذلك.
Des By || [email protected]

جَميعُ الحُقوق مَحفُوظة لمُنْتديات شَمْواهـ © 2008 - 2012