تجربتي مع جهاز الليزر المنزلي Silk'N (متجدد)

[The Lady]

السلام عليكم ~

هذي أول مشاركة لي مع أني مسجلة من زمان!

أنا صارلي سنين مع الليزر..... ما اقدر اقول انه ما فادني!
على العكس... خف الشعر في ويهي بشكل كبير
لكن بعده يطلعلي!
هالسنة بديت اسوي ليزر لجسمي.... ما عجبني هالكثر.... يمكن الصالون إلي رحتله جهازهم مش هالكثر
ما ادري
فكرت اسوي ليزر منطقة البكيني... بس مترددة لأن هالمنطقة عورة مغلظة
اتمنيت يكون عندي جهاز خاص فيني يفكني من موضوع الحجز و الإنتظار و بعدين ما تعجبني النتيجة

دورت في النت عن اجهزة ليزر منزلية

و حصلت!!!!



الجهاز اسمه سيلك إن

و هو جهاز ليزر منزلي .... قيمته 499 دولار

اشتريته من موقع الجهاز

هالموضوع نزلته علشان اخبركم بتجربتي له

الجهاز ايي معاه دي في دي... يشرح طريقة استخدامه

لما تصفحت الموقع... كانت في تحذيرات عن خطورة استخدام اصحاب البشرة السمراء للجهاز
و كيف ان الجهاز فيه سنسور يشوف مدى غمق البشرة، فلو كانت البشرة غامقة، الجهاز ما بيشتغل!!

انا سمرا... مش سودة! سمرة السمار العربي... ما اعرف اوصف!!
شغلت الجهاز و انا ادعي انه يشتغل
ما اشتغل!!!
قلت رااااحت الفلوس إلي اندفعت

جربت مرة ثانية

مرة ثالثة

و اشتغل الجهاز

كنت مختارة اوطى درجة للجهاز

لأني اول مرة استخدمه فما بغيت اجازف!

سويتلي ليزر على نص ريولي.... منطقة الإبط...أيدي ما سويتلها لأني من يومين سويت waxing

شو هي تجربة الجلسة المنزلية الأولى:-
- اخترت اوطى درجة، و حسيت بلسع الليزر بشكل خفيف
- مثل ما قلت في البداية، الجهاز فيه سنسور للون البشرة، و ما بيشتغل إلا على البشرة الفاتحة، في مناطق في ريولي كانت اغمق شوي .. و ما رضا يشتغل الجهاز عليها، لكني قصيت على الجهاز .. في النهاية السنسور مش دقيق جدا.. و قدرت بعد عدة محاولات اني اشغله على الأماكن إلي ما رضا يشتغل فيها..

- زدت درجة الليزر، و زاد احساس اللسع...

- جلستي المنزلية الياية بتكون بعد اسبوعين

نقطة مهمة ... جهازي يعتبر النسخة الجديدة، في نسخة اقدم منه، و إلي لونه ابيض...

and that's what i got for now!!

See you

[m!sS 3rBg!h]

حلو اسسستمري ولا تبخلين علينا بعدين بالنتآيج
لأن الليزر صرنآ نتخوف منه من كثر ما نسمع ~!

بآلتوفيق خيتو

[بنت التركواز]

مشكوره وين يتحصل؟

[The Lady]

مرحبا مس .. و الله ما اعرف انطق باقي اسمج^_^

ان شا الله بستمر معاكم

نورتي

[The Lady]

مرحبا بنت التركواز

انا شارتنه من موقع الشركة المنتجة اكتبي في القوقل silk'n for hair removal ... و مناك بيطلعلج الموقع

نورتي^_^

[cosmetics]

ماشاء الله عليج جرئيه ديري بالج على نفسج واستخدميه بحذر

اذكر بمره هبوا بنات الكويت يشترونه بسعر مرتفع نوعا ما
بس شكله مو جذيه لا جنه ابيض
وفيه ناس والله امدحته وكنت مقرره اني اشتريه واستخرت تالي خفت وهونت
الله يحفظج ان شاء الله من كل شر

وبليز لاتبخلين علينا بباجي التفاصيل ومدى استفادتج منه

دمتي بتألق وبحفظ الرحمن

[wildrose]

من زماااااان وانا ودي بجهاز حق منطقة البكيني خبرك حراااااااام ننكشف ع حد ثاني

أنا والحمدالله مسوية جسمي كامل من غير منطقة البكيني ومفتكة من زمان

لكن الحين شجعتيني آخذ هالجهاز عشاااااااان أرتاح من الألم

[The Lady]

مرحبا!
شوفو هالكليب عن استخدام الليزر في البيت

انا جهازي ايدد من إلي حاطينه... جهازي نفس إلي في الصورة في بداية الموضوع

[The Lady]

مرحبا كوزماتيكس

انا بصراحة مليت على كل جلسة ادفع مبالغ محترمة.... فقلت اشتري جهاز بقيمة جلسة وحدة و استخدمه على كيفي.... احسن من عبالة روحة العيادة و الحجز....

اعتقد الجهاز إلي تطرينه هو نفس جهازي بنسخته القديمة... او الجهاز الثاني إلي اسمه ترييا .... انا قبل ما اقرر اشتري سيلكن قارنت بينه و بين الجهاز الثاني... شخصيا ارتحت لهذا اكثر..... و مثل ما قالوا في الكليب إلي حطيته... ان الجهاز مرخص من وكالة الغذاء و الأدوية في امريكا.......

شي مهم ابا اخبركم اياه للأمانة... اكتشفت ان الجهاز مصنوع في اسرائيل! و انا اتحراه امريكي.... ما كنت اعرف هالشي لما اشتريته لأن ما في شي يبين انه اسرائيلي!!!!! الجهاز الثاني إلي اسمه تريا اعتقد انه صناعته انجليزية....

نورتي

[The Lady]

مرحبا وايلد روز...
و الله من متى و انا ابا اسوي منطقة البكيني .... لكن ما اتخيل نفسي كاشفة عمري و مبطلة ريولي كأني في حالة ولادة!!! و الله ما يسوا علي!! بوافيكم بالتطورات ان شا الله

نورتي