•|[ حلا ششيك ولذيذ.. وللصقارة عنوان ]|• طبعا بالصور وبالخطوات

miss stella · 18-10-2009

.

صبآحكم \ مسآئكم صقآآره
........................> يعني سناعه ..

اليوم بوريكم حلآ فخم ولذيــــــــذ ..

وكل من شآفه عجبه الشكل قبل الطعم ...

وينفع للضيوف وفي العزايم .. تحسيه يملي العين ..
وقلت ما ابخل فيه على بنات المنتدى
هو جديد .. بالرغم من انه انشهر بسرعه .
.
يقولون اسمه حلا البرتقال .. مع انه مافيه لا برتقال ولا ريحته ..

أخليكم مع المقآدير ..

للطبقة الأولى :~

2 كأس حليب نيدو جاف محموس .
3\4 كأس سكر .
1\4 كأس زيت .
4 بيضات .
1 قشطه .
1 ملعقة بكنق بودر.

تخلط مع بعض المقادير وتوضع في صينيه مستطيله .

ثم تدخل الفرن على نار من أسفل درجه حراره 130 , حتى تنتفخ قليلا وتحمر ... تقريبا من 15 - 20 د .

ثم تخرج وتوضع عليها الطبقة الثانية .
هنا شكلها لما خرجت من الفرن :~

مقادير الطبقه الثآنية :~

1 علبة حليب نستله مركز محلا .
8 حبات جبنة كيري .

تخلط في الخلاط الكأس وتوضع فوق الطبقه الأولى

وتدخل الفرن نار من أعلى لمدة خمس دقائق الى 7 بالكثير ...
فقط لتتماسك . ثم تخرج وندعها قليلا ... وتوضع فوقها الطبقة الثالثه .

هنا بعد ما اخرجناها ..

مقادير الطبقة الثالثة :~

2 حليب بالفرواله أي نوع .
2 ظرف كريم كراميل .

توضع على النار الى الغليآن .. ثم توضع على الطبقة الثانيه بعدما تركناها شوي ....

ملاحظه :~ حطي الطبقة الثالثه على الطبقة الثانيه بالمعلقه وبهدووء .. لانها راح تكون سااخنه فـ حذاري من سكبها سريعا لأنها راح تخلي الطبقة الثانيه تتقطع

هنا بعد ما سكبت على الطبقة الثانيه ..

ثم تدخل للثلاجه لمدة نصف ساعه .

ملاحظه:~ لما تضعي الصينيه في الثلاجه خليها على سطح مستقيم ومستو حتى ما تميل الكريمه .

الطبقة الرآبعة :~

2 ملعقة كبيره شكولاته بودره أي نوع .
2 ملعقة كبيرة جلي فراوله .
40 غطآية مويه
أنا اشتريت كرتون مويه علب صغيره بـ 13 ريآل 40 علبه ..
نعناع للزينه .

نرص الغطيان على الصينيه بالترتيب .. خطوط طوليه وعرضيه زي ما انتوا شايفين .

بعد كذا يفضل انه نقطع الحلآ من بدري .. عشان لو كانت الغطيان مو في النص نرجع نضبهم في النص ..

بعد كذآ .. نخلط ملعقتين الكاكاو مع ملعقتين الجلي .. ونرشهم بالمنخل فوق الصينيه ..

ملاحظه :~ يفضل لما نجي نرررش الكاكاو والجلي ما يكون الحلا برد تماما .. بس يكون جمد شوي يعني مثلا خليه نص ساعه او 20 دقيقه بالثلاجه.... عشان يكون رطب و تعطي لون حلو عند الرش .. بعدين ارحعي حطيه الثلاجه ..

ثم نشيل الغطيآن

شوفوا شكلهم كيف صاير روعه كأنهم برتقآآل

ونرصهم في الصينيه .. ونحط في طرف كل برتقاله نعناعه

هنا من قريب

وبس :

هنآ وعآفيه عليكم ...

اتمنى انه الحلآ عجبكم