مين فيكم خلعت طواحين العقل تفيدني

[احلى عيون]

مرحبا يا صبايا انا عندي طواحين العقل نص الطاحونة طالعة والنص التاني جوا اللثة ما في مجال انها تطلع وانا كمان يومين رايحة اخلعهم وخايفة كتيروكل ما احاول اني اتهرب وما اروح عالدكتور زوجي يعصب علي وهلا بدو يخليني اروح غصب عني سؤالي مين فيكم خلعتهم وكم يوم بستمر الالم بعد الخلع يا ريت تردو علي

[الثلاثينية]

مرحبيتن

كان نفسي افيدج بتجربتي ...بس مافي مجااااااال

ههههههههههههه

سوري بفهمج

لاني خلعتهن وانا مراهقة... الحين عاد وين اتذكر كيف ألمهن ؟

بس اللي اذكره خلعت 4 طواحين كل مرة وحدة


على كل ...لازم تخلعينهم ولا تتركينهم ...لآنهم بيشوهون بقية الاسنان والفك كامل

توكلي على الله

و علقه و تفوت ولحدش يمووت



و الف سلامة عليج

[! اوروبية الهوى !]

يوه ياقمر ..


ربي يسهلها عليك وتكون مررررررررررره بسيطه .. طالما البنج موجود فـ باذن الله مافيه المـ ..

الله يعيني جايني الدور . وخايفه مره

بجرب فيك ههههههه وعلى طول اكتبي لي تجربتك بس قولي لي انو مااااااااااافيه الم لا قبل ولا بعد الخلع <== كذبه بيضاء

طمنينا ياعسل ..

[احلى عيون]

شكرا لالكم والله يعيني عل هداك اليوم

[CHOCOLATE]

لا تخافي ترى خلعهم سهل مع البنج كل الي خلعو قالوا كدا

تدري انا المفروض اخلعه من كم سنه بس اكسل وأخاف

وكل فتره يجيني صداع أليم من ضرس العقل

الله يعينك

[~ζ Joy ζ~]

قلبو ..سويها ..

ماراح اقولك لا تخافي لاني انا خفت قبلك وكنت مرعوبة ، وما اكذب عليك جلست اسبوع تقريباُ متألمة من فكي وماكنت قادرة اخذ راحتي في الكلام او الضحك ..مؤلم شوي ..يعني الم محتمل طبعا مع اخذ المسكنات

انا شلتهم كلهم في عمليه واحدة وبتخدير كامل .. ماقلت لك خوافة؟؟

.. ماكنت قادرة اتحمل انه يخلع لي 2 في كل زيارة

فتشجعي واخلصي منها اليوم .. لانه كل ماطولت كل مازاد همك وخوفك اكثر ..

[ابتدار]

سلامتك ما تشوفين باس
انا خلعت سن العقل قريب سبحان الله وجعه غير كل الاسنان بس ارتحت
روحت لمستوصف السعودي الحديث وكان البنج عندهم ثقيل حلو
وخلعت ضرسي وانا مو حاسة ولا الم كانها تخلع لناس ثانية ههههههه من جد
بس اول ما تخرجين من عندها خذي حبة مسكن قوية مو بندول قبل ماتحسين بالوجع وكل 5 ساعات علاطول خذي مسكن وبكذا ما راح تحسين بالألم ان شاء الله


وخذي بنصايح الدكتورة بالزبط ودعواتك لي بالذرية الصالحة السليمة

[chica en el amor]

حبيبتي الله يعينك

انا لسه ما جاني الدور الله يستر

بس زوجي توه مسويها

شال الأربعه مره وحده ، بنج موضعي ، وكان واحد منهم عمليه لأنه متغلغل :/

الألم كان الحمدلله مقدور عليه ،
يعطونج مسكنات
ويفضل انج ما تاكلين شي قاسي على هذيك الجهه

أول يومين سويت لـ زوجي جيللو وهالحركات يم يم (خلصتها عليه)

طول الوقت كان زوجي ينقط دم يا عمري :/

فـ أنصحجك اول شي غيري مفارش سريرج لـ ذيك الفتره

ووقت النوم زياده حطي فوطه عـ المخده

المسكنات التزمي فيها ولا تهملينها


قريبتي مسويتها من فتره وتقول انها غلطت بانها طفشت من اللعاب اللي بفمها طول الوقت وكانت تتفله وانتي بكرامه بقوه ،، مما ادى الى ان طبقة تجلط الدم عـ الجرح تطيح :/ وهالشي سبب لها للأسف التهابات لأن الجرح صار مفتوح

مو قصدي اخوفج لا والله بالعكس
بس انتبهي حتى لا جيتي تنزلين اللعاب الزايد حاولي يكون شووووي شوووووي وعالمنديل بدون قوه


إسألي الدكتور بالبدايه ايش تحتاجين احتياطات واحرصي انج تسألينه على كل التفاصيل
لأنج تعرفين دكاترة هـ اليومين ، كل همهم يسوون الشغله بدون كثرة كلام :/


عموما ان شالله كل شي بيصير تمام وطمنيني عليج ووووولا تشيلين هم

وتقومين بـ السلامه ياااارب :*

[SilveRaiN]

الله يعينك ويسهل لك خلعه

تصدقين شلت ضرس العقل والألم اثناء الخلع لايقاااااااااااااارن بالمعاناة قبل الخلع

لأن البنج يؤدي مفعوله وما تحسين بأي ألم اثناء الخلع

انا قالت لي الدكتورة لازم اشيله بعملية جراحية ووالله كنت خايفة ومتوقعة ان العملية تستغرق ساعات بس والله يمكن 5 او 10 دقايق وانتي مرتاحة منه

بس بعد ما يروح البنج تحسين بألم خفيف بس بعدها صدقيني بترتاااااااااااااحين

نصيحتي شيليه وارتاحي

يقولون [ ضرس العقل بيطير العقل ]

وطمنينا عنك

[بنت الدبيس]

ع حسب شطـارة الـدكتـور

مـامـا خلعت واحد في أحد المستشفيات وتعبت

ولكن خلعت الباقي عند دكتور ثاني وعادي ولاحست فيهـم