Duet: طلعت ودمعتي على خدي { معاناة شابه بصالون } ..

[Artos ~]

مرحباً • • • • Welcome


•

•

•


ويتجدد اللقاء ~

لقاء الحب والمعرفه والشغف و الأناقه , والتجارب ..


للتذكير فقط ..

’الراعي الرسمي للموضوع ،


شركة الحب وَ الصداقه .. وأكيد منتديات شمواهـ

Written & Directed by ~

ro6bah وَ Artos


كان من المفترض الموضوع ينزل بعد أسبوع , ولكن قررنا نتمهل بحيث كل جزء ياخذ حقه ..


ومثل ماقلنا بالموضوع السابق لا تستعجلون بشيء راح نذكر كل شيء حبه حبه وعلى رواقه ..



Part Two


كم مرهـ رحتي الصالون وطلعتي ودمعتك على خدك ؟

كم مرهـ خسرتي فلوسك عالفاضي ؟

كم مرهـ توهقتي ؟

كم مرهـ سمعتي كلام مو ok عن أطلالتك والسبه أكيد هالصالون إللي شوهـ جمالك ؟

كم مرهـ صديقاتك مدحوا لك صالون وآخرتها طلع مدحهم خرطي ؟

كم مرهـ كتبتِ موضوع وقلتِ : ساعدوني يابنات وش أفضل صالون يقص شعر ، يسرح , يصبغ ... إلخ ؟

والنتيجه كانت إجابات متفاوته من عضوات متفاوتات بالذوق , متفاوتات بالحاله الأجتماعيه وأيضاً هم بالأساس مايعرفون طلبك أو إللي ببالك .

كم مرهـ سمعتي مدح لصالون لأن بالأساس إللي تمدحه لها هدف من مدحه , لها عموله , صالون قريبتها أو صالونها ؟

كم مرهـ سمعتي مدح لصالون أنه woooow مهوب لأنه woooow بس لأن هلي تمدحه إنسانه متعنته متنطعه , تحب تمتدح أي شيء يخصها أو أي شيء تروح له ؟

كم مرهـ وَ كم مرهـ .....


طيب وين الحقيقه ؟ ووين الحل ؟ وإلى متى بتستمر هالتساؤلات اللامنطقيه .

• • •Continued

[Ro6bah]

حقائق ~

من خلال بحثنا بالأنترنت لإجراء أستبيان لأفضل صالون وجدنا الآتي }

1- إجابات مكرره لأسامي كوفيرات الله العالم هل هم ثقه أو أيتها حاقه .


2- عضوات غير مجربات يكتبون تجارب فقط لأجل تقول أنا أروح المكان الفلاني .


3- أعلانات لكوفيرات وترويج .


4- أنخداع الناس بمظهر صالون بعينه أو بأسم راعية الصالون أو راعيه .

إللي موجود بالأنترنت لا يشكل سوى 10 % من الموجود بالحياهـ الواقعيه , أحياناً يكون الأفضل وأحياناً يكون الأسوأ ..

لذلك حكمي عقلك بجميع أختياراتك وأدمجي حكمتك مع النصائح إللي تقرينها والخبرات ..

ولا يغرك دائماً رأي الأغلبيه , لا تنسون أن عالم الأنترنت بالوطن العربي مجرد { نسخ وَ لصق } يعني رأي الأغلبيه مش مصدر ثقه .


أستكشافات ~

^^^^

نيوتن على غفله ..

لا إللي أكتشفناهـ أمور بسيطه , ممكن ماتندرج أكتشافاتنا عليكم ؟ ولا على موطنكم لكنها تندرج على صالونات المملكه العربيه السعوديه خاصه من ثم الخليج العربي .


- يغلب على صالوناتنا الأستغلال والدجل وللأسف الشديد , ولي بــ 100 ريال يدبلونه بـ 200 ريال .

- ولو أنا نرفض مبدأ التعميم , ولكن بحرقه نقولها أنه نقدر نعمم هالأمر وهو ~

مافي أي ضمانات للزبون { العميل } عند أي صالون , ماعندنا شيء أسمه ألتزام بالمواعيد .

ممكن تحجزين وتروحين الصالون , ماتلقين أحد او تجلسين تنتظرين فوق الــ 5 ساعات .

وأحياناً يقولون لك أقلبي وجهك خلص الوقت .

- عندنا الصالونات أخذت شكل آخر من أشكال التحرر , وهالشيء يستفز أي إنسان محترم ومحافظ , أتمنى يكون فيه رقابه أكثر .

لأن هالمظهر مظهر سوقي حتى بدول أوروبا غير موجود للمعلوميه .

موجود هالمظهر فقط بالوطن العربي , هالشيء مايريح الزبون , أحياناً يكون مؤذي لسمعتك وأحياناً يكون مؤذي لنظرك وسمعك ونفسيتك .

فياليت لو ترجع الرقابه بالسعوديه نتمناها , صح حنا أنبسطنا عالتحرر ولكن لا ندعو إلى الفساد ,, وشتان بينهما .

- المستوى التعليمي لكوفيراتنا { كذب × كذب } نسبه كبيرهـ منهم غير متخرجات , والنسبه الآخرى حاطينها بالصالون لأنها بس واجهه حلوهـ , وكم وحده بالأساس هي متدربه على يد دجاله بعد , أو وحدهـ تحلم والسلام .

- ثقافة الكوفيرات اللبنانيات أنتشرت عندنا , صرنا ندور عاللبنانيه لأنها فعلاً الأفضل .. بس وش إللي صار ؟

صاروا يتلاعبون بنا ويقولون لك كوفيرهـ لبنانيه وهي بالأساس مو لبنانيه تكون { فلسطينيه , أردنيه , سوريه }

مع أحترامنا للأشقاء العرب ولكن حنا طلبنا لبنانيه ونبي لبنانيه , والأمر واضح للعيان اللبنانين وصلوا لدول الخارج بفنهم وأبداعهم .. فنتمنى من الأشقاء العرب أنهم مايزعلون هذي حقائق .

- المبلغ المدفوع للخدمه دائماً أكثر بكثير من الخدمه المقدمه , أسعار القص بالصالونات الغاليه ابتدأً من 125 ريال سعودي إلى 200 ريال سعودي .

{ إذا المطلوب الأهتمام بالزبونه ,, النتيجه .. يخلون كشتك طالعه عند الأودام بالصالون ؟ , تتعرضين لمليون تيار هوائي , تظل عيونك طايرهـ تدورين من وين راح تطل هالكوفيرهـ ولو رحمت بحالك بتطلع لك بعد 10 دقايق " وليتها كانت مشغوله لا كنت منبطحه عالصوفا مالها خلق " .. }


- أسعار صالونات هوليود : لو راح تقصين عند أجدعهم واحد بهوليود السعر عارفين كم ؟؟

150 ريال سعودي إلى 250 ريال سعودي مع القص والأستشوار وغير إنه يعلمك شلون تصففين شعرك , ويختار لك شيء مناسب لك .

هالسعر مو لواحد محترف وبس !! هو سعر لكوفير النجوم والمشاهير ولرواد و سكان بيفرلي هيلز .

وهيهات بينا وبينهم ..

• • •Continued

[Artos ~]

النتيجه من هالأسعار المبالغ بها ~

صرنا أقل أناقة , لأن مو الكل ظروفها الماديه تسمح لها ..

صار أقبالنا عالصالونات أقل ,, حنا مو بصدد تصفيف أو أمور ممكن تتقنينها حنا نتكلم عن قص الشعر إللي له فنه ..

وإللي كثير منا يحتاج يروح الصالون شهرياً عشان يقص شعره ..

لذلك الرحمه يا بشر .


بعد كل هالكلام أكيد قلتوا طيب ماصار عندنا خيارات ؟ وين نروح .. وش نزين .. شلون نقص شعورنا ؟

طبعاً ماراح نقولكم تعلموا تقصون لأن القص بعد ملكه وَ موهبه مو الكل يقدر عليها ..

أول شيء بنقولك , أعطي الخبز الخباز ولو أكل نصفه ..

حددي ميزانيتك , وراعي ظروفك ..والواقع المرير أن صالوناتنا الغاليه هي الأفضل .

للأسف هذا هو الكلام الحقيقي , لا تغالطين نفسك صح فيه ناس يعرفون يقصون بأماكن متواضعه بس هل هم الأفضل ؟

ماراح تعرفين إلا إذا جربتي الكل وقتها بتقدرين تقولين هم الأفضل .. من واقع تجربتنا كانت الأغلى الأفضل


وخاصه الصالونات إللي ملاكها من الطبقه المترفه , العماله متعلمه , المواد جيدهـ , الخدمه مهب فايف ستار لا تحلمون بس أنها أفضل من غيرها وأكيد مو الكل .

ماراح نقولكم المكان .. المكان له دورهـ بس الإنسان يبحث دائماً عن الأقرب له والأسهل .

بعدها قيمي الكوفيرهـ إللي راح تقص لك شعرك , شيء طبيعي لو كانت مبهذله ودقه قديمه ماراح تعرف تظهرك بمظهر حسن ..

طبعاً مو معناتها ماتروحين عند الكوفيره الكبيره بالعمر بالعكس بتكون عندها خبره , بس إللي نقصدهـ إذا الكوفيرهـ رثه و أناقتها أي كلام .

بتكون بالأساس غير مكترثه بتطورات الموضه وغيره .

بعد أنصات الكوفيره لك , لو تلقينها تقولك : أيه أيه أيه .. يعني تصرفك وتبي بسرعه تخلص شعرك وتحسينها بالأساس مافهمتك ؟

بالغالب ماراح تكون النتيجه مرضيه لك إلا عاد لو شعرك حلو وأي شيء يضبط معه ..

لازم تعطيك وقتك من الأنصات وتعرف وش إللي تحلمين به أو تتمنينه .

الكوفيره إللي تجلس تسولف وهي تقصلك وتهذر واجد , ماراح تأدي شغلها زين .. حتى لو قرقرت معك واجد وأنتِ حبيتيها لا تكلمينيها كثير بتحوس بشعرك .

الكوفيره إللي أسلوبها سوقي من البدايه لا تسلمينها راسك , بتطلعين غير راضيه .

حاولي دائماً بأسلوب لطيف تعرفين إذا هي دارسه أو لأ !! طبعاً بعد ماتسلمينها راسك للمره الأولى ..

لأن بيكون من الوقاحه تسألينها بأول مرهـ , خاصه بوطنا ماتعودوا على هالشيء .

وآخر شيء نقوله هو : عامل الناس كما تحب أن يعاملوك ..

لاتنسين إن الكوفيرهـ إنسانه عامله وتسعى للرزق , فلا تقطعين رزق أحد .. وخلي باب السماحه وَ اللين موجود بقلبك .

وتعاملي مع العاملات بذوق , بتطلعين بنتيجه حلوهـ ولو رجعتي من جديد بتكون لك مكانه حلوه بقلوبهم .

وغيرهـ راح تقص لك بحب , عاد الله يعلم عن الكميكل لما النفسيه تصير زفت وأحد يقص لك !!!

بتنتف شعرك وأنتِ المسؤوله .

^^^^

الكلمه الأخيرهـ ذكرت بناءً على ملاحظات شُهدت برواد الصالونات على مدى 10 سنوات .



حُلم }

من المفترض يكون الذهاب للصالون للترفيه عن النفس , للتجمل , ويكون مثل بيتك الثاني , تحسين بالحفاوهـ والأهتمام والترحيب .

<== ماظنتي هالشيء راح يطبق هُنا لأن التعامل وللأسف تعامل مع دمجه بدون الأحساس بالإنسان إللي داخل هالدمجه ..

والعكس صحيح التعامل من قبل الأفراد تعامل مع مقص بدون الأحساس بصاحبة المقص ..

{ فالمعادله طرديه كلما قلت الأخلاق قل الإبداع } ..

• • •Continued

[Ro6bah]

هالمرهـ راح نتطرق لـ 3 قصات فقط ..

لاحظوا شلون الموضوع طويل , وحنا بكل مرهـ نحاول نقدم فكرهـ مختلفه بحيث مانمللكم بأسلوب السرد .

وتكون المعلومه سهله للوصول والفهم , المشكله كل معلومه مهمه و مانقدر نستغنى عنها .

مانبيكم تشوفون صورة فنانه فقط , نبيكم تفهمون القصه ..

بحيث يكون مرجع لكم بالقصات الأساسيه إلى راح تتطور بالزمن بس ماراح تتكنسل .

لذلك حاولنا نختصر بدون مانفقد المعلومه نفسها ..

{ الموضوع أجتهاد شخصي من كاتبات الموضوع .. }


وَ لا تنسون التصويت



قصة الـ Pageboy

ظهرت هالقصه بالخمسينات وَ الستينات ..وكانت لها شعبيه عن الشابات لسهولة تصفيفها .

يُقال إنهم أخذو أسم بيج بوي من كلمة نعم { yes } , والبعض يقول أنها أخذت من صبيان بريطانيا بحكم دخولهم بالخدمه العسكريه بعمر السبع سنوات , فتركوها شعورهم تطول بهالشكل ..


وأصولها ترجع للقرون الوسطى من أيام ريتشارد الثالث ..

بتلاحظون فيه تشابه كثير بين الــ Bob الكلاسيكي وَ الـ Pageboy

وممكن البعض مايعرف يفرق بينهم .. البعض يدرجه كنوع من أنواع الـ Bob

لذلك ممكن تسمونه بوب ولكنه بدون ميلان أبداً , ممكن يكون فيه طبقات بس بسيطه لإضافة كثافه للشعر .

ممكن تكون بغرهـ ( Bangs ) أو بدون غرهـ

وكانت النجمه Twiggy رمز لهالقصه ببريطانيا بالستينات ..

خلونا نشوف بعض الصور لها ~





هالفترهـ كانت Mix بين المرأه العصريه , الرياضيه , والمرأة المنفتحه ( تعتبر فترة تحرر بالنسبه للخمسينات )

من ملابس Twiggy بتلاحطون ظهر القصير لنص الفخذ , والملابس الأكثر بساطه ومرونه .


بالسبعينات كانوا يشوفون أن هالقصه عمليه أكثر من البوب هير بتصفيفها وبنفس الوقت كانت تعطي المرأه مظهر سكسي وغامض ..

لمساتهم بالسبعينات على هالقصه , كانوا يحبون يضيفون ريش للشعر .

• • •Continued

[Artos ~]

نشوف بعض الصور أبتدأً من الـ الخمسينات وعهد مارلين مونورا , إلى الألفيه وزمن أوما ثيرمن وأنجلينا جولي ( بس تراها باروكه ) .

ملاحظه :

بالزمن الحالي غالباً ماتطبق بالباروكه ..







مسمياته بوطنا العربي :

كاريه عادي , وممكن البعض يقولك كاريه دائري أو مدرج على خفيف ..


آرائنا ~


ro6bah}


هالقصه لي تحفظ عليها خصوصا من ناحيه الغره ومن ناحية نوعية الشعر اشوف انها ماتناسب ابدا اصحاب اللشعر الكيرلي <<مثلي فما حبيتها
قصيتها وانا بثالث متوسط وكانت هذي اول قصه لي بعد ماكان شعري طويل وتعبت ومليت منه ولكن لانها كانت الموضه واحنا مع الخيل ياشقرا قصيتها وماصدقت يطول وتتغير ملامح القصه بعدها صرت اقصه مدرج على طوله



Artos }

هالقصه قصتيها يمكن بثاني أبتدائي أو ثالث أبتدائي ..

من ثم رجعت قصيتها بثالث ثانوي , لأني كنت بالمدرسه أضافت لي شيء مميز بدراستي ..

مدري كانوا البنات يحبون الكاريه , وحتى المعلمات يحبونه ..

ماراح أرجع أقصه أبداً لأني أشوفها قصه قديمه ومافيها لمسات العصر الحديث ,, إلا عاد لو رجع بطريقه حديثه ..

تصفيفها كان بالنسبه لي سهل بالحيل بالحيل , يمكن لأني كنت طالبه مدرسيه يعني ماأبيه ستايل ..

أعطاني ماأخذ مني , لسبب وحيد برأيي أن الناس بذيك الفترهـ ماكانوا متفننين مثل الآن .

يعني الكشخه كشخه يا تقص كاريه يا تقص شلال ..

ومن رأيي أن هالقصه تناسب الشعور العربيه لأنه يبيلها شعر سميك وكثيف , وبعد سهلة التصفيف .


مقاطع الفيديو ~

شبيه لمظهر مارلين مونور ..

• • •Continued

[Ro6bah]

قصة الـ Bowl cut

تعددت المسميات والشكل واحد ..

البعض يسميها قصة الماشروم { الفطر } , والبعض يسميها قصة الوعاء ..

و ببريطانيا يسمونها قصة وعاء البودنج ..


طريقة القص سهله بالحيل ,, إما أنك تتخيلين أفتراضياً إن فوق راسك قدر وتقصين الأجزاء الطالعه منه ..

أو من صدق حطي فوق راسك وعاء وقصي الظاهر منها ..بس لازم تنقص وتبين الأذاني ,, قمة الرعب حتى الجميله بتصير فيها تروع ..

( طبعاً جرى لها بعض التعديلات مع الزمن ) .

أشتهرت بأوكرانيا خاصة بسبب ظروف المعيشه السيئه ..


هالقصه تعتمدها أحد الطوائف المسيحيه بما أنها قصه بالنسبه لهم زاهدهـ وماتكلف المال , وهي طائفة الآميش ( هالطائفه ضد أنهم يعيشون حياه عصريه أو يترفون بالدنيا ) .. الزبده منبعهم من سويسرا ووصلوا لين آمريكا

[ صار درس ديني مهوب عن قص الشعر .. بس يمدحون الثقافه لأن حلو الأنسان يعرف منبع كل شيء عشان يقدر يحلل الأمور ويقيمها ] ..

الزبده هم يعتقدون إن هالقصه cute ورهيبه عالأطفال خصوصاً ..


طبعاً هالقصه مهوب تروحين عند الكوفيره عشان تضبطها لك ,, مساكين أهل زمان شايفين أبو عصام إللي بباب الحارهـ !!! كان عطار وبنفس الوقت حلاق , ويختن للأطفال , وبحسبة دكتور ..

هم كانوا لما يبونها يروحون لواحد مثل أبو عصام , مهوب يروحون لواحد ستايلش هير ..


أشتهر بها الممثل الكوميدي الأمريكي Moe Howard وكان قاصها بجميع أجزاء فلمه : Three Stooges

بعض الصور له .. وراح تعرفون على طول ماراح تضيعونه .






أستمر بهالقصه حتى مماته , وتأثر الكثير بتصفيفته .. <== صراحه مافيها شيء يعجب .





بالستينات تأثر بها بعض أعضاء فرقة البيتلز {The Beatles }


بالثمانينات أشتهرت على أحد أعضاء فرقة Ramones ( أحد فرق الروك ) , ولكن أضافو عليها بعض التغييرات بحيث تتماشى مع التطور أكثر ..









شكلكم بتقفلون الصفحه بعد هالترويعات !!!

• • •Continued

[Artos ~]

لا تهربون ترى هالقصه فيه منها أمل ,, شوفوا معي الممثله الأمريكيه Josie Bissett , للتذكير مثلت بمسلسل " Melrose Place "؟

كانت زوجة مايكل مانسيني .. " مافي أحد إلا وتزوجه بالمسلسل "





كانت من أحلى من قص الباول آوت ,, مودرن ولايق عليها وعلى تفاصيل وجهها .


نكمل مع بعض الصور من الزمن الحالي ~




على اليسار المغنيه الأمريكيه Keri Hilson قصت قصة المشروم بطريقه حلوه ومستحدثه

وطريقة الصبغ أعطتها مظهر حديث .





بعض الصور من عروض الأزياء , وبتلاحظون فيه تفاوت بمستوى الشعرهـ من الأسفل البعض يتركها والبعض يحلقها بزود .






على اليمين المغني Aaron Carter من طفولته تقريباً يقصها.


وعلى اليسار الممثل الكوميدي Jim Carrey شفتوا شلون لأنه كوميدياً خلوهـ يقصها يعتقدون إنها cute




أيضاً kim kardashian أعتمدت هالمظهر بأحد بوسترات المجلات , وشكلها تغير كلياً ..

بس للغايه غير جميل .





Rhianna مغنية الـ R&B قدرت تحاكي هالقصه بطريقه حلوهـ بالرغم إن شعرها بالحيل خشن ..

بس ضبطت معها .

• • •Continued

[Ro6bah]

مسمياتها بالوطن العربي~

أعتقد تنقص فقط للأطفال , ونسميها تعال يا ماما أقص شعرك !!

الأم تجرب على عيالها ,, يعني مهب قصه قصه ..


آرائنا ~


ro6bah}

no no no ماحبيتها ابدا
بس اكيد مع التعديلات ممكن اتقبل اشوفها على احد مثل ماتقبلت طلة ريحانه بهالقصه



Artos }

الحمدلله ماسبق وقصيتها , بس ممكن أقصها لأن ماعندي معيار ثابت بقص الشعر ..

ولكن لحد الآن ماجذبتيني ولا حبيتها , ولا أعتقد إنها تناسب وجهي ..

بس حلوهـ للي حلوهـ عليهم <=== تصرف الأخت ..



مقاطع الفيديو ~

• • •Continued

[Artos ~]

قصة الـ Shag

هيه هيه هيه ,, أول قصه نسميها مثل ماهي , وأخيراً فيه تحسن .

قصة الشاقي نسبة كبيرهـ منا يطلبها ولا يعرف معناها الحرفي بالضبط ..

معناها الشعر الأشعث الفوضوي والطبيعي { طبعاً كوفيراتنا عكسوا كل أبو المعادله وصار الشعر المنفخ والمتخشب }


وهي مدرج بس الطبقات فيه تكون داير مدارس الرأس ,, ويخف الشعر من الأطراف .. وتحسون بالغالب فيه شعر يلمس منتصف عظمة الخد .. مع الحفاظ على إبقاء طبقه خارجيه أطول للشعر ..

الشاقي بالغالب يطول الوجه , ويقلل أستدارته ..ويظهره بمظهر بيضاوي لذلك كل وحده تنتبه على فيسها .. وتختار إللي يناسبه

بعد لو وجهك كانت مساحتة قصيرهـ أبعدي عن البانقز ( الغره ) .

نشأة هالقصه من الستينات إلى السبعينات , وأول من شهرها الممثله Florence Henderson






من ثم أبدعت بأظهار الشاقي كما يجب الممثله Farrah Fawcett بعام 1976 م , لما ظهرت بفلم Charlie's
Angels





لا يروح بالكم لأصدار الفلم بعام 2000 م بالرغم إن كاميرون دياز حاولت تحاكي مظهرها ..


اللوك إللي أعتمدته هو الــ Lioness Shag

يعني شاقي + قصة الأسد ..

يبيلها شعر غزير , مو الكل تطلع عليهم بهالمظهر , والكوفيره الشطوره لو شعرك مهوب لها بتقولك ماتناسبك ..

بالغالب بأوروبا يستخدمون أكستنشن لو حابين هاللوك .


خلونا نشوف كيف كان مظهر شاقي الأسد ~







خذو بعين الأعتبار الفترهـ الزمنيه , ولكن مظهرها بالحيل رائع ويخطف الألباب

وتحسون شعرها شعر من صدق , إللي تميزت فيه أن شعرها كان ذهبي ولامع وكثيف ..


الشاقي الأسد نوع من الشاقي أستثنائي ..


ميزة الشاقي إنه بكل طول يعطي مظهر مختلف , وميزه أخرى لذلك هو قصه مثاليه للي ماتحب تقص شعرها كل شهر أو شهرين ( أقصد مهوسات المقص وزيارة الصالون )

تظل معك لأطول فتره ممكنه , وتدرجاتها تحافظ على شكلها .. حتى لو جزء طال وجزء ظل قصير مايهم تظل حلوهـ .

• • •Continued

[Ro6bah]

أنواع الشاقي ~


1- شاقي قصير مره مره , ومن قصره تحسبينه بوي .. بس الفرق إن مافيه مخاطره مثل البوي , صح قصير بس يطول بسرعه ..

والغلط الحاصل بوطنا العربي إن كل قصه قصيره عندنا يسمونها بوي ,, حتى فيه ناس يقصون كاريه بس مقصوص كثير يقولون قصينا بوي ..

بأوروبا مافي شيء أسمه boy بالمعنى الحرفي للبوي وراح نتطرق لهالكلام بـ الجزء الثالث بحول الله ..

^^^

( للمعلوميه هذا أكبر غلط يصير بهالوصف , وحتى كوفيراتنا المتعلمات ربما يدركون هالشيء بس خلاص مايهمهم تبي تقص وتبلع دراهم ) .

المهم الشاقي القصير طباقته كثير وداير مدار الراس ,, ومن الخلف تقل الطبقات وتخفف ..

الأجانب يسمونه Short Shag أو Messy Shag لأنه أكثر فوضويه من بقية الأطوال الآخرى .



أكثر من خطفت الألباب بهالنوعيه Sharon Stone








روعه بجميع التفاصيل من إلى أختيار لون الشعر , مناسب لعمرها , لجسمها لتفاصيل وجهها ..

أبدعت بأختيار التصفيفات المناسبه , بكل مرهـ شكل وتألق مختلف , بالرغم أنه قصير قدرت تنوع به .

الأجانب يشوفون أنها من أروع من قص قصير من النجوم ..


تليها الممثله Lisa Rinna , بعد أشتهرت بمسلسل " Melrose Place " وكانت بدور الشريرهـ لايق عليها .









تراها كبيرهـ بالعمر , والقصه لايقه عليها 100%

أختيارها للون الشعر خطير .. ممكن عندنا يسمون هالشاقي شاقي فرنسي , أو بوي , أو شاقي بوي ..

هالنوع يدرج تحت الميسي شورت شاق وأيضاً يسمونه Various Shag ~

بحكم التباين بطبقات الشعر والقص , طبعاً فيه فاريوس شاق بشكل متهور ولكن ماحبينا ندرجه من ضمن قصاتنا ..لأن شكله فنكي .

• • •Continued