الرئيسية الألعاب التَسجيل القوانين إتصل بَنا Twitter Facebook
 
العودة   منتديات شمواه|SHAMOA FORUM ® > ،، || .. مطبخ وَ مائدة شمواه .. || ،، > حلويات | Desserts & Sweets

الملاحظات

حلويات | Desserts & Sweets حلويات السفره .. حلويات القهوه .. الحلى البارد .. الكيك .. الجاتوهات .. البار سويتز .. إلخ



موضوع مغلق
 
أدوات الموضوع
قديم 15-03-2010   #1

TOP CHEF
« Mr.unique »

مبدع شمواهـ

TOP CHEF غير متواجد حالياً

 رقم العضوية : 20019
 تاريخ التسجيل : 02 2010
 الجنس : sex
 المكان : Home Sweet Home
 المشاركات : 1,261
 تقييمك لشمواهـ : 1
  الشعبيه : TOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـ
 النقاط : 11255
 مجموع الاوسمة 5

أُوْسْكَار أَفْضَل طَاهي 

إرسال رسالة عبر MSN إلى TOP CHEF
Ico و أخيرا !! السوفلية " الأصلي " + أشياء ثانية ...





... السلام عليكم ...


جتني طلبات كثير على السوفليه خصوصا سوفليه الشكولاته ، بس المشكلة إن ناس كثير تطلب سوفليه وفي بالها شي ثاني ، موب بس كذا أنا متأكد إن ٩٠ ٪ من اللي في المنتدى يحسب السوفليه شي ثاني . السبب طبعا هو المحلات اللي صار كل من هب ودب قال عندي سوفليه !! .


السوفليه يمكن أكثر أكله تجسد الأكل الفرنسي ويمكن الأكله الوحيدة اللي مربوطة بعلم فرنسا بالتحديد ، ما تحرف ، ما تعدل ، ولا تطور كثير . الأبل باي مثلا أو فطيرة التفاح أكله أمريكية بس طبعا فرنسية الأصل . السوفليه في المقابل فرنسي أصلي .
كثير من الطباخين يخافون من السوفليه كونه صعب تتكهنين بالنتيجة اللي بتطلعلك عشان كذا يحاولون يبعدون عنه في المناسبات الهامة ( تخيلي مثلا عشاء زواج و الحلى ما يطلع ؟؟؟ ) . أسباب فشل السوفليه كثيرة بس غالبا لها حل و غالبا ممكن الواحد يتفاداها لو عرف كم نقطة .



طيب وشو السوفليه ؟ السوفليه موب كيك ، موب كسترد ، موب مولتن كيك بعد ، ولاهوب موس ولا بودنج ؟ هو تقريبا هاذول كلهم !! ومن جد فيه من مواصفاتهم وخصائصهم كلهم .
السوفليه من برا المفروض يكون زي الكيك تقريبا قاسي أو له قشرة ، من جوا ما يكون ناشف زي الكيك ؟؟؟؟ ولا يكون سايل زي المولتن كيك ! . من جوا قريب من الموس بس حار .فيه صفار بيض ومنتجات ألبان غالبا وهذا يخليه كسترد بس بنفس الوقت موب كسترد؟؟؟ . يكون منفوووووووووووووووووووش وكل ما نفش كان أحسن و أضبط بعد ولكن بنفس الوقت مافيه أي مواد رافعة !!؟ شفتوا وشلون هو تقريبا كلهم .

أقرب شي أقدر أقولكم إنه تقريبا زي السيريلاك بس حار و منفووووووووش و أطعم طبعا .

السوفليه ممكن يتسوى بأي نكهة وموب شرط بعد يكون حلو ممكن يكون مالح ، واحد من أشهر الأكلات هو سوفليه الجبن بس هذا موضوع ثاني عاد .
ومب شرط بعد يكون حار فيه سوفليه مبرد بعد!!!


الفوندانت أو المولتن كيك أو اللافا كيك هذا شي ثااااااااااني مرة ، طبعا أسهل بكثيييييييييييييير من السوفليه ، فرص إنه يخرب شبه معدومه ،و غالبا ثقيييييييييييييييييل .

البودنج : مدري وشلون أوصفه هذا شي يجي بارد أو حار ، طبعا الكلمة نفسها يدخل تحتها أشياء و أطباق كثييييييييييير وتعريفها في بريطانيا غير أمريكا بعد . بس ما علينا هذا عاد أسهلهم .





لحد يرد ...



















 
قديم 15-03-2010   #2

TOP CHEF
« Mr.unique »

مبدع شمواهـ

TOP CHEF غير متواجد حالياً

 رقم العضوية : 20019
 تاريخ التسجيل : 02 2010
 الجنس : sex
 المكان : Home Sweet Home
 المشاركات : 1,261
 تقييمك لشمواهـ : 1
  الشعبيه : TOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـ
 النقاط : 11255
 مجموع الاوسمة 5

أُوْسْكَار أَفْضَل طَاهي 

إرسال رسالة عبر MSN إلى TOP CHEF
افتراضي رد: و أخيرا !! السوفلية " الأصلي " + أشياء ثانية ...

الحين راح أتكلم عن المولتن كيك أو اللافا كيك أو الفوندانت (موب فوندو) .

طبعا سبب إني حطيت الوصفة هذي هنا هو إن فيه ناس كثير تدورها بس تحسبها سوفليه قلت نقطع الشك باليقين ونحط الإثنين وأنتم قارنوا .

طبعا الوصفة جدا سهلة وما يبيلها شي كل شي تقريبا عندكم وغير كذا جدا جدا فخمة .

يقولون إن الأكلة هذي أمريكية المنشأ بس بعد فيه أراء تقول إنها فرنسية !! أنا ما يهمني ولو إني أعتقد إنها فرنسية ( الأمريكان وش فهمهم ) .


صراحة الأكلة هذي جدا جدا دسمة وهذا اللي يخليها سايلة في الأساس ، يمديك تسوينها بطرق ثانية بس أنا تعجبني هذي .


مايحتاج أعيد بعد إن نوعية الشكولاته هي اللي بتحدد جودة الحلى وقوة طعم الشكولاته هنا . أنا يسويها بشكولاته غامقة ٧٠٪ لأني أحبها بس اللي ما تحبها مرة إستخدمي شكولاته أفتح شوي ، ما أنصح أبدا بالشكولاته بالحليب هنا طبعا .
يمديك بعد تعدلين على الطريقة وتحطين النكهات اللي تبينها مع الشكولاته مثل البرتقال أو النعناع ( أنصح وبشدة بالنعناع مع الشكولاته ) .



*** Chocolate Lava Cake ***
*** مولتن كيك ***


المكونات :

نصف أصبع زبده غير مملحة + حوالي ملعقة لدهن القوالب .

ملعقتين صغار طحين أبيض

ملعقتين طعام كاكاو

رشة ملح

سكر ناعم للتزين

٦٠ جم شكولاته غامقة

بيضه كامله

صفار بيضتين

٣/٤ كوب سكر أبيض يفضل يكون ناعم بس موب مطحوووون .


أول شي تدهنين صحون سيراميك ( صحون سوفليه بزبدة دافيه ) بعدين حطيها في الثلاجة أنا أستخدمت صحون حجمها ٣/٤ كوب تقريبا .

الحين شغلي الفرن على ٣٥٠ فهرنهايت .

أنخلي الكاكاو مع الملح و السكر في صحن .

بعدين في حمام مائي ذوبي الشكولاته مع الزبدة مع التحريك طبعا إلين تسير ناعمه .

زي كذا :




الحين شيليها من الحمام و أخلطي معاها السكر و الملح و الكاكاو .

بعدين أخلطي عليها صفار البيضتين وحركي زين وبعدين البيضة الكاملة و الطحين . بعد هذي المرحلة حاولي ما تركين كثير إلين ينخلط بس .





الحين وزعيها على القوالب اللي سويتيها وبعدين على الفرن على طول .

الحلو في الوصفة هذي إنه يمديك تسوين الخلطة قبلها بيوم ، يعني للعزايم تنفعكم .


خليها في الفرن حوالي ٢٠ دقيقة يمكن أكثر ويمكن أقل ، المفروض تكون الأطراف بدت تستوي بس الوسط يلمع شوي ولو دخلتي عود يطلع وعليه خلطة .



طلعيها من الفرن خليها بس شوي تبرد بعدين بسكين فكي الأطراف و أقليها على صحن وزينيها عاد حسب رغبتك .










سايلة و لذيذة وبعد سهلة .... و أتركوا عنكم شغل الهنود خرابيط صدى التحلية .




نسيت أقول لحد يرد ..


















 
قديم 15-03-2010   #3

TOP CHEF
« Mr.unique »

مبدع شمواهـ

TOP CHEF غير متواجد حالياً

 رقم العضوية : 20019
 تاريخ التسجيل : 02 2010
 الجنس : sex
 المكان : Home Sweet Home
 المشاركات : 1,261
 تقييمك لشمواهـ : 1
  الشعبيه : TOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـ
 النقاط : 11255
 مجموع الاوسمة 5

أُوْسْكَار أَفْضَل طَاهي 

إرسال رسالة عبر MSN إلى TOP CHEF
افتراضي رد: و أخيرا !! السوفلية " الأصلي " + أشياء ثانية ...

الحين نجي لشي يمكن بعد أسهل من اللي قبل هذا عاد حلى بارد .


هذا عبارة عن بودنج pudding لو سمعتوا عنه هو يجي تقريبا سايل بس موب سايل ، هو تقريبا كسترد بس الكسترد مثقل بصفار بيض هذا بصفار بيض مع نشا .


*** Chocolate Bottom Caramel Pudding ***
*** بودنج الكاراميل بالشكولاته ***




المقادير :




٣/٤ كوب + ملعقتين طعام سكر عادي



١/٤ كوب مويه



كوب قشطة خفق



٣ أكواب حليب كامل الدسم وقصير الأجل



١/٤ كوب نشا ذرة



بيضتين



ملعقتين كبار فانيلا سايلة




ملعقة كبيرة ملح



حوالي ٦٠ جم شكولاته غامقة






الطريقة :




أول شي راح نسوي كاراميل ، هذي الطريقة هي الكاراميل بالطريقة الرطبة تقدرين تسويين كاراميل ناشف بس أفضل هنا هذي أسهل بكثير للي ما يعرف .



حطي السكر و المويه في قدر ثقيل على نار أعلى وسط ، غطي القدر وخليها تطبخ إلين ما تغلي ، بعد ما تغلي خلي القدر مغطى شوي بعدين شيلي الغطا .


الحين خلي السكر يطبخ إلين ما تلاقين لونه بدأ يتغير ، الحين يفضل تهزين المقلة شوي شوي عشان تلونين الكارميل بالتساوي .



الحين لازم تعرفين شي : كل ما طبخ الكاراميل كل ما صار طعمه معقد أكثر بس أقل حلاوة ، لهذا الحلى بالذات أنا أبغى طعم كاراميل قوي عشان كذا خليه يطبخ إلين ما يسير ذهبي إلى بني غامق تقريبا أو إلين ما تلاقين بدأ يدخن . علطول قفلي النار و صبي القشطة شوي شوي و مع التحريك المستمر . طبعا غطي يدك هنا عشان بيفور بسررررررررررررررررعة . إستمري إخلطي إلين ما تلاقينه صار ناعم بعدين أخلطي الملح و أخلطي شوي .



** طبعا الفوران طبيعي عندك كاراميل حرارته ٣٥٠ فهرنهايت و الموية تغلي على ٢١٢ فهرنهايت وش تتوقعين يسير إذا خلطتيهم ؟.



أخلطي البيض و الفانيلا في صحن ، و أخلطي ١/٢ كوب من الحليب و النشا في صحن ثاني .



أخلطي باقي الحليب ( ٢ ونص كوب مع الكراميل ) و خليه يرجع يغلي مع التحريك . بعدين صبي عليهم النشا و الحليب وخليهم يغلون غليه خفيفة وطبع إستمري في التحريك هنا جدا مهم . الحين خليه يطبخ زود دقيقتين عشان يروح طعن النشا بس .



الحين أخلطي شوي من خلطة الكاراميل على البيض و أخلطي زيييييين بعدين صبي خليط البيض على باقي الكاراميل . طبعا الخطوة هذي عشان ما يتكتل عليك البيض . أخلطيهم زيييييييين .



الحين صبي حوالي ١/٢ كوب من الخليط هذا على شكولاته مقطعة و حركيها زيين عشان تذوبين الشكولاته .




الحين حطي شوي من خليط الشكولاته في صحون قزاز ، وبعدين زيدي عليها من الكاراميل . خليها تبرد حوالي ساعتين على الأقل قبل التقديم . قدميها مع قشطة مخفوقة و أوريو مكسر أو لو تبين شكولاته مطحونه .



وبس ......
























 
قديم 15-03-2010   #4

TOP CHEF
« Mr.unique »

مبدع شمواهـ

TOP CHEF غير متواجد حالياً

 رقم العضوية : 20019
 تاريخ التسجيل : 02 2010
 الجنس : sex
 المكان : Home Sweet Home
 المشاركات : 1,261
 تقييمك لشمواهـ : 1
  الشعبيه : TOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـ
 النقاط : 11255
 مجموع الاوسمة 5

أُوْسْكَار أَفْضَل طَاهي 

إرسال رسالة عبر MSN إلى TOP CHEF
افتراضي رد: و أخيرا !! السوفلية " الأصلي " + أشياء ثانية ...

الحين عاد جا دور الشي الرئيسي ........


شرحتلكم وشلون طعم السوفليه المفروض يكون ، وقلتلكم إنه لاااااازم يكون منفوووووش وكل ما نفش كان أضبط . وحاولت أقربلكم كيف السوفليه يكون من جوا . اللي ما تعرف وشو السوفليه وخايفة تجرب جربيه أول شي في مطعم ( مطعم زييييين طبعا موب صدى التحلية ) لسكان جدة أنصحكم بسوفليه لاكوزين ، برأيي أفضل مطاعم جدة بدون منازع .

عاد في الرياض وغيرها والله ما أدري ، بس نصيحة اللي ما يعرف وشو وما يبي يسويه يجربه و أنا متأكد إنه يبي يعجبكم .

السوفليه طبعا عبارة عن أساس نكهة + مادة رافعة ، الأساس يمديك تسوينه غالبا قبلها بكم يوم بعدين تخلطينه مع المادة الرافعة قبل ما تحطينه في الفرن بس ما يمديك تسوينه كامل وتخزنينة أو تشيلينه لمكان ثاني . السوفليه لازم يتسوى في نفس المكان اللي بتاكلينه ، ولازم ينوكل بنفس الوقت بعد .


الأساس حق السوفليه غالبا بيتخفف عشان كذا لازم الأساس يكون طعمه قوي بحيث إنك إذا خففتيه يتعادل .

طيب نجي الحين للمادة الرافعة ، أنا قلت إنه ما معه مادة رافعة بس كان قصدي إن ما معه رافع كيميائي زي البيكنج باودر وغيره . اللي يرفع السوفليه هو الهواء المحجوز في المرانج . السوفليه يدخل الفرن ، الهواء يتمدد بالحرارة ويرفع معاه الخليط إلين يوصل حد و يتصلب بياض البيض ، الهواء يروح ويبقى السوفليه شامخ . souffle أو سووفلي بالفرنسي معناها يتنفس أو ينفخ و أظن إنكم الحين فهمتوا ليش .

الحرارة مهمة جدا للسوفليه خصوصا في أول مراحل الطبخ و هذا سبب كبيييييييير لخراب كثير من السوفليهات ، لازم الحرارة تكون عالية بحيث إنها تمدد الهوا ولازم تكون متواصلة عشان كذا يفضل ما تفتحين الفرن خصوصا في أول مراحل الطبخ ، نسمة هوا باردة تكمش الهوا وينسم السوفليه وما يرجع زي ما كان . زي ما قلت الحرارة هنا مهمة جدا عشان كذا لا عمرك تسوين سوفليه في صحن غير دائري أبدا !!! لأن الحرارة مهيب موزعة صح ! وهذا ممكن يخرب السوفليه حقك .


شي ثاني السوفلية يحتاج صحون موب شرط صحون سوفليه !!! حتى صحون القزاز أو الأكواب العاديه اللي ضد الحرارة تنفع بعد . بس أهم شي لا تحاولون تسوونه في صحن سيليكون أو أي صحن ما يمسك نفسه يعني لين . غير كذا لا تنسين إنك بتقدمينه في نفس الصحن فحاولي تختارين صحون حلوة بعد . السوفليه ما ينفع ينقلب على صحن زي الفوندانت .


اللي راح يرفع السوفليه هنا هو بياض البيض راح نسوي مرانج ، أعتقد عاد إني تكلمت كثييييييييييييييييييييير عن المرانج ، المرانج اللي راح أستخدمه هنا هو مرانج فرنسي ( عادي ) . هذا يمكن أهم شي في السوفليه لازم نحاول ندخل أكبر كمية هوا عشان يرفع السوفليه أعلى رفعة يقدر عليها بالعربي لازم تعرفون كيف تنفشونه صح .

نفس الخطوات اللي تكلمت عليها ألف مرة بس بعيدها هنا للتذكير و الأهمية .

أفصلي البيض وهو بارد دايما ، البيض البارد أسهل يفصل بدون ما ينكسر الصفار عليك . و أخفقي البياض وهو على حرارة الغرفة ، عشان يعطيك أكثر كمية .

بعد هذي عاد أهم شي !!! تأكدي إن مافيه أي نقطة صفار في بياض البيض نقطة وحده ممكن تخرب شغلك كله !!! زي ما تكلمت كثير البياض ما يحب الدهن أيا كان نوع الدهن ، و صفار البيض مليان دهن . و بعد تأكدوا إن الصحن اللي بتخفقون فيه يكون مررررة نظييييييييف هو و المضرب حق الخلاط .

الصحن حق الخفق لااااااااازم معدن هنا ، يفضل بعد لو نحاس ولو إني ما أتوقع أحد عنده ، بس النحاس لسبب معين يعطي نفشة زيادة للمرانج . نفس الشي للمعدن بس بشكل أقل بكثير . أبعدي عن البلاستك و أنا ما أمزح هنا البلاستك قريب من الدهن وراح يمنع البيض ينفش .


تقدرين تحطين شوي نقط عصير ليمون لو تبين عشان تنفش أحسن وتمسك الخليط بعد ، بس هنا ماراح نخلي البيض يقعد كثير فما يحتاج .

السوفليه غالبا يجي له تاج !؟ وبيني وبينكم إسم ضابط صح . التاج هو الجزأ اللي يطلع برا الصحن ويمديك تسوينه مسطح من فوق وحلو أو إذا ما سويتي التاج راح يسير سوفليهك له زي القبة ، الطعم ما راح يتغير بس الشكل غيييييييييييير بقولكم طبعا كيف تسوون التاج .


أوووه نسيت بالنسبة للمقادير داااااااايما أكواب وملاعق معيارية .



الحين عاد الوصفات :



*** Chocolate Souffle ***
*** سوفليه الشكولاته ***


١٠٠ جم شكولاته غامقة من أحسن نوعية تلاقينها مقطعة .

١/٣ كوب سكر

صفار بيضتين + صفار بيضتين + ٦ بياضات بيض ، فهمتوا وش أقصد !!

كوب حليب كامل الدسم قصير الأجل



١/٤ كوب طحين


رشة ملح



الطريقة :

أول شي في قدر صغير أغلي الحليب مع الشكولاته و نص السكر و الملح .

وهو يغلي جيبي صفار بيضتين مع باقي السكر و أخلطيهم إلين يسير باهت لونه شوي . بعدين حطي عليهم الطحين و أخلطي زييين .

الحين صبي الشكولاته أول ما تغلي على البيض شوي شوي و حركيها زييييييييييين بعدين رجعيها على القدر على حرارة أقل من النص بشوي إلين ما تبدأ تغلي مع التحريك المستمر . بعد ما تغلي شيليها من النار وحطيها في صحن حديد وخليها تبرد شوي .




اللي سويناه قبل شوي أكيد قد شفتوه قبل إسمه كريم باتسييه أو كريمة الحلويات وهذا عبارة عن كسترد مثقل بنشا وراح نستخدمه هنا كأساس للسوفليه .


بعد ما يبرد زيدي عليه صفار بيضتين . الحين صار الأساس حقنا جاهز . ويمديك تحفظينه يومين لو تبغين .

جهزي صحون السوفليه الوصفة هذي تكفي يمكن ٤-٥ صحون أبو ٣/٤ كوب تقريبا . أدهني الصحون بزبدة دافية ( موب سايحة وموب زيت ) وبعدين غطيها يسكر خشن وشيلي الزايد . السكر هنا راح يتسلق عليه السوفليه وهو يطلع .




سخني الفرن على حرارة ٤٢٥ فهرنهايت . وحطي الشبك في الوسط .

الحين بخلاط كهرب على أعلى سرعة أخلطي بياض البيض زيييييييييييين في صحن معدني إلين يوصل مرحلة منقار الطير .

راجعي موضوع الماكرون للي ما تعرف وشو منقار الطير .


الحين هذي الخطوة جدا مهمة !! كيف تخلطين الأثنين ؟، هدفنا هنا إننا نخلطهم كلهم بدون ما ننفش البياض كثير طبعا في هذي المرحلة الأساس جدا ثقيل ولو حاولتي تخلطين البياض معاه بيتعبك شوي ، عشان كذا خوذي بس شوي من البياض و أخلطيه مع الأساس بقوة عادي هذا بس عشان يلين الأساس شوي لباقي البياض . الحين حطي نص البياض وبملعقة مطاط أخلطيهم شوي شوي و إنتهي تنفشينه الحين شوي شوي بس إلين ينخلط صح بعدين حطي الباقي .

بيسير شكله زي كذا تقريبا .




الحين صبيه في صحون السوفليه للحافة !!! طبعا نسوي كذا عشان ما يسير له قبة .



الحين عاد نجي للتاج وشلون تسوينه ؟ يمكن موب باين في الصورة للأسف بس الفكرة هي إنك تمررين طرف أصبعك أو حتى طرق ملعقة شاهي على أطراف الكوب كأنك تمسحينه بالعربي بتسويين حفرة بسيطة في الخليط . طبعا هذي طريقة فيه ناس تتفنن زود وتسوي التاج في الوسط وكذا يعني ترسمين زي الحلقة بعيد عن الطرف شوي بطرف أصبعك أو طرف الملعقة لو تبين طبعا ، بس موب في الوسط يعني بعد الطرف بحوالي ١ سم و إذا نفش السوفليه بيجيك شكله غريب وحلو أنا شخصيا مقتنع بتاجي في الطرف أشوفه أحلى كذا .

الحين على طول لازم تحطي السوفليه في الفرن على صينية يفضل تكون أصلا في الفرن . بعد ما تدخلينه في الفرن نزلي حرارة الفرن ل ٣٧٥ فهرنهايت هذي حرارة الطبخ الأصلية . طبعا الفكرة هنا هي إننا نسخن الفرن أكثر من اللازم كونه أول ما تحطين السوفليه بيبرد شوي عشان كذا نحطة على حرارة أعلى من اللي نبي .


بعد حوالي ٢٠ دقيقة طلعيه من الفرن وقدميه على طول !! ولا ينسم ويروح الهوا .


قدميه طبعا ما يحتاج أقولك مع إسكريم .





لاحظي التاج هنا شوي منسم بس شوفي الصور اللي بعدها هو كان كذا .











*** Vanilla and Orange Souffle ***
*** سوفليه الفانيلا بالبرتقال ***


اللي عاد يمل من الشكولاته جربوا هذا .....


كوب وثلث حليب كامل الدسم

عود فانيلا مقسوم

ثلث كوب + ملعقة طعام ونص سكر

١/٣ كوب طحين

١ ونص ملعقة كبيرة زبدة دافيه

٤ بيضات مفصولة

قشر برتقالة

جهزي صحون السوفليه زي الطريقة اللي فوق


الحين سخني كوب من الحليب إلين يبدأ يغلي مع الفانيلا و البرتقال بعد ما يغلي طفي النار وغطية ١٠ دقايق عشان يطعم .

الحين أخلط ١/٣ كوب الحليب الباقي مع الطحين + السكر في صحن ، بعدين أضيفيها للحليب الحار وخليها تغلي مع التحريك المتواااااصل . بعد ما تغلي طفي النار وحطي الزبدة و حركيها زين معاهم بعدين غطيها وخليها ١٠ دقايق .
بعد ١٠ دقايق شيلي الفانيلا و حطي صفار البيض .

الحين سويي المرانج . و أخلطيه زي فوق بالضبط و سوي كل شي زي فوق بالضبط . الفرق إنك قبل ما تدخلينها الفرن رشيها بسكر مطحون ، هذا بيسوي طبقة ذهبية فوق السوفليه .


أستمتعي بأحلى سوفليه ، مع إسكريم أو صوص شكولاته بس طبعا موب هيرشي .











لاحظي وشلون جوا موب سايل ولاهوب ناشف شي بالوسط ...





الحين عاد الوصفة الأخيرة :



*** Coffee Souffle ***
*** سوفليه القهوة ***


هذي الوصفة بالضبط زي الأولى بس بوريكم كيف تعدلون عليها .

ذوبي ملعقتين كبار نسكافيه إسبريسو مع ملعقة من الحليب اللي في الوصفة الأولى على حرارة وسط إلين ما يذوب ويغلي بعدين حطي باقي الحليب وكملي الوصفة عااااااااااادي زي الأولى .

الفرق هنا إن مافيه شكولاته و السكر هنا بس ثلاث ملاعق كبيرة . بدال ثلث كوب



النتيجة :











طبعا قدمتها مع إسكريم موكا صناعة منزلية ولا أحلى .......



يالله عاد هذا السوفليه الله الله بالتطبيقات .....
















 
قديم 15-03-2010   #5

Aream
« مُشرفة | My | kitchen »
« مُشرفة Desserts & Sweets »
 

فديت روحك يا nina
 
الصورة الرمزية Aream

Aream غير متواجد حالياً

 رقم العضوية : 383
 تاريخ التسجيل : 07 2008
 الجنس : sex
 المكان : الرياض
 المشاركات : 4,003
 تقييمك لشمواهـ : 1
  الشعبيه : Aream عملاقة شمواهـAream عملاقة شمواهـAream عملاقة شمواهـAream عملاقة شمواهـAream عملاقة شمواهـAream عملاقة شمواهـAream عملاقة شمواهـAream عملاقة شمواهـAream عملاقة شمواهـAream عملاقة شمواهـAream عملاقة شمواهـ
 النقاط : 150019
 مجموع الاوسمة 16

وَسام الجهود المُميزة لعام 2011 

افتراضي رد: و أخيرا !! السوفلية " الأصلي " + أشياء ثانية ...

العذر والسموحه كنا معتقدين انك خلصت ...

الله يجزاها خير اللي عدلت الموضوع ...

ما شاء الله تبارك الله ...

لي رجعه بالتعقيب ..اشياء جديده توني اعرفها
..


بإذن الله اقرأ الموضوع على رواق صراحة مواضيعك احسها دروس لازم الواحد يستوعبها ويفهمها زين ..













 
قديم 15-03-2010   #6

سُـــــرى
عضوه طموحه
 
الصورة الرمزية سُـــــرى

سُـــــرى غير متواجد حالياً

 رقم العضوية : 19370
 تاريخ التسجيل : 01 2010
 الجنس : sex
 المشاركات : 131
  الشعبيه : سُـــــرى غير معروفه لحد الآن
 النقاط : 29
افتراضي رد: و أخيرا !! السوفلية " الأصلي " + أشياء ثانية ...

واااااااااااااو
هذا السوفليه اللي ادور عليه
ابغى يكون واصل السماااااااااء
شغل جميل وراقي ومميز


الله يوفقك وين ماكنت
ويجزاك الفردوس الاعلى








 
قديم 15-03-2010   #7

LooLooy
عضوه واثقه
 
الصورة الرمزية LooLooy

LooLooy غير متواجد حالياً

 رقم العضوية : 6168
 تاريخ التسجيل : 04 2009
 الجنس : sex
 المكان : الخبر
 المشاركات : 569
  الشعبيه : LooLooy أسم معروف بشمواهـLooLooy أسم معروف بشمواهـLooLooy أسم معروف بشمواهـLooLooy أسم معروف بشمواهـLooLooy أسم معروف بشمواهـLooLooy أسم معروف بشمواهـLooLooy أسم معروف بشمواهـLooLooy أسم معروف بشمواهـLooLooy أسم معروف بشمواهـLooLooy أسم معروف بشمواهـLooLooy أسم معروف بشمواهـ
 النقاط : 2925
افتراضي رد: و أخيرا !! السوفلية " الأصلي " + أشياء ثانية ...

ماشاء الله تبارك الرحمن ,,,
صراحة الموضوع جميل ومتعوب علية ,,,

الله يعطيك العافية ,,, بس صرااحة السوفلية مغاااامرة كبيرة للي بتسوية ,,, انا عن نفسي عمري ماذقتة بس اشوفة علشان كذا ماني متشفقة اسوية انا غراامي المولتين وبس ,,
والبودينغ رائع كمان ,,, خصوصا انه موب صعب ,,,وشكله راقي ,,
وبطريقك واللى يعافيك ابي افضل طريقة للفوندو (يعني المفروض بس شوكلاته ذايب و وبس ولا نحط عليها اضافات مثلا زبدة او زيت اوخلط نوعين شوكلاته ؟؟)
بس انت اللحين انشبت نفسك بنفسك ... الموضوع الاول تقول ايس كريم فانيلا صنع منزلي ميه ميه ... واللحين تقول ايس كريم موكا صنع منزلي طبعا ,,, يعني اكيد راح نطلبك طريقة الايسكريم بانواعة ههههه ,, خصوصا محدثتكم ماقد سويتة في البيت وابي تتكون التجربة مرة وحدة واعتمد الطريقة مو كل يوم اجرب طريقة علشان احصل على الاسكريم الصح ؟؟؟؟

واخبيرا ... الله يجزيك عنا الف خير ,,,, ويرجعك لاهلك سالم غانم ,,,












 
قديم 15-03-2010   #8

P A R I S
« Ms.unique »
 

انظر آلي العالم بطريقتي !!
 
الصورة الرمزية P A R I S

P A R I S غير متواجد حالياً

 رقم العضوية : 13218
 تاريخ التسجيل : 08 2009
 الجنس : sex
 المكان : الشرقيهَ "
 المشاركات : 2,511
 تقييمك لشمواهـ : 1
  الشعبيه : P A R I S سوبر ستار شمواهـP A R I S سوبر ستار شمواهـP A R I S سوبر ستار شمواهـP A R I S سوبر ستار شمواهـP A R I S سوبر ستار شمواهـP A R I S سوبر ستار شمواهـP A R I S سوبر ستار شمواهـP A R I S سوبر ستار شمواهـP A R I S سوبر ستار شمواهـP A R I S سوبر ستار شمواهـP A R I S سوبر ستار شمواهـ
 النقاط : 41667
 مجموع الاوسمة 9

وَسام شُكر وَ تقدير لعآم 2011 

إرسال رسالة عبر MSN إلى P A R I S
افتراضي رد: و أخيرا !! السوفلية " الأصلي " + أشياء ثانية ...

هالمساحه لي



ماشالله عليييكَ
زي ماقالت وحده من البنات مواضيعك دروسسس
قريته كاملَ وطريقتك واضحه ومبسطها لنا

بس رحم الله امراً عرف قدر نفسسهَ
احس اني لو اسوي ايش ماراح ازبطها : (

مره استمتعت بالمشاهده واستفدت كثيييييير
وعرفت ان محل داكن يلعب علي بالسوفليه حقه خخخخ

طيب بما انه فرنسي غريبهَ
كل مادخلت مقهى قلت ابي سوفليه قالو مافيه
حتى المنيو حقهم ادور سوفليه مافيه : (
ياان المقاهي حقتي اي كلام ، ولا مايعرفونه : (












MISS YOU ALL

INSTAGRAM : GHADA_PARIS
TWITTER : GHADO_ML
 
قديم 15-03-2010   #9

CHOCOLATE
« كبيرة مُشرفات شَمواه " »
« مُشرفة أصْـدِقَـاءُ الضْـوْء »
 

live life to the fullest
 
الصورة الرمزية CHOCOLATE

CHOCOLATE غير متواجد حالياً

 رقم العضوية : 30
 تاريخ التسجيل : 06 2008
 الجنس : sex
 المشاركات : 5,145
 تقييمك لشمواهـ : 1
  الشعبيه : CHOCOLATE عملاقة شمواهـCHOCOLATE عملاقة شمواهـCHOCOLATE عملاقة شمواهـCHOCOLATE عملاقة شمواهـCHOCOLATE عملاقة شمواهـCHOCOLATE عملاقة شمواهـCHOCOLATE عملاقة شمواهـCHOCOLATE عملاقة شمواهـCHOCOLATE عملاقة شمواهـCHOCOLATE عملاقة شمواهـCHOCOLATE عملاقة شمواهـ
 النقاط : 137929
 مجموع الاوسمة 16

أُوْسْكَار أفَضل مُواكبة لَحدث 

افتراضي رد: و أخيرا !! السوفلية " الأصلي " + أشياء ثانية ...



ما شاء الله تبارك الله

الموضوع فاق الإبداع

مين ما يحب المولتن كيك


ان شاء الله اجربه في أقرب وقت

والسوفليه خيااال

يعطيك الف عافية شيف

تستاهل التقييم














 
قديم 15-03-2010   #10

موانـئ
عضوه طموحه
 
الصورة الرمزية موانـئ

موانـئ غير متواجد حالياً

 رقم العضوية : 8482
 تاريخ التسجيل : 05 2009
 الجنس : sex
 المكان : حيث يأخذني الجنون
 المشاركات : 148
 تقييمك لشمواهـ : 1
  الشعبيه : موانـئ إنجازاتها يُفخر بهاموانـئ إنجازاتها يُفخر بهاموانـئ إنجازاتها يُفخر بهاموانـئ إنجازاتها يُفخر بهاموانـئ إنجازاتها يُفخر بهاموانـئ إنجازاتها يُفخر بهاموانـئ إنجازاتها يُفخر بهاموانـئ إنجازاتها يُفخر بهاموانـئ إنجازاتها يُفخر بهاموانـئ إنجازاتها يُفخر بهاموانـئ إنجازاتها يُفخر بها
 النقاط : 5763
افتراضي رد: و أخيرا !! السوفلية " الأصلي " + أشياء ثانية ...

ماشاء الله تبارك الله
اتقان رائع

انا صابني من الانبهار ما يكفي لتطبيق كل الاوصفات
خاصه السوفليه شكله لا يقاوم لكن وصفك له انه مثل السيرلاك خلاني اتوقف ، لاني ما احب الاشياء الرخوة
لكن المولين و البودنج مع رعبي الشديد من بياض البيض إلا اني كلي حماس لتطبيقه

الف شكر لك
















حينما أقف إلى جانبك أرسم السحاب بيدي ..
و كأنني لم أكن الخريف العجوز قبل أن ألتقيك !




 
موضوع مغلق

مواقع النشر (المفضلة)

الكلمات الدلالية (Tags)
مولتن كيك, chocolate lava cake, chocolate souffle, coffee souffle, انواع السوفليه, بودنج الكراميل بالشكولاته, سوفليه الشكولاته, سوفليه الفانيلا بالبرتقال, سوفليه القهوة, recipes souffle, وصفات مولتن, وصفات سوفليه, طرق اعداد السوفليه, كراميل

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
"""""اذا ماعندك مناديل رول جربي ها الفكره """ الاصايل200 المنزل الصحي 106 25-03-2013 08:17
" كروسان " عجن وتشكيل وخبز " لعيونك انت يا حلو .. يا حلو العيون " " sweet lady معجنات | Pastry & Sandwich 59 25-10-2012 12:25
...."""""{الـا خويكـ لـا لاتفكر تذلـه }""""".... انثى كسيره وَرقةٌ وَ محبرةُ 8 07-05-2012 04:49


الساعة الآن 05:48

 


Powered by vBulletin® Version 3.8.7
Copyright ©2000 - 2014, Jelsoft Enterprises Ltd.
Ads Management Version 3.0.1 by Saeed Al-Atwi
جميع المواضيع والآراء تمثّل وجهة نظر كاتبها فقط ولا تمثل منتديات شمواه بأي شكل من الأشكال ما لم يوضّح غير ذلك.
Des By || Artos@shamoa.com

جَميعُ الحُقوق مَحفُوظة لمُنْتديات شَمْواهـ © 2008 - 2012