الرئيسية الألعاب التَسجيل القوانين إتصل بَنا Twitter Facebook
 
العودة   منتديات شمواه|SHAMOA FORUM ® > ،، || .. مطبخ وَ مائدة شمواه .. || ،، > معجنات | Pastry & Sandwich

الملاحظات

معجنات | Pastry & Sandwich بيتزا .. فطائر .. ساندويتشات .. إلخ



إضافة رد
 
أدوات الموضوع
قديم 29-03-2010   #1

TOP CHEF
« Mr.unique »

مبدع شمواهـ

TOP CHEF غير متواجد حالياً

 رقم العضوية : 20019
 تاريخ التسجيل : 02 2010
 الجنس : sex
 المكان : Home Sweet Home
 المشاركات : 1,261
 تقييمك لشمواهـ : 1
  الشعبيه : TOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـ
 النقاط : 11255
 مجموع الاوسمة 5

أُوْسْكَار أَفْضَل طَاهي 

إرسال رسالة عبر MSN إلى TOP CHEF
Ico مقدمة عن الخبز و الطحين .




السلام عليكم .....




الموضوع اليوم كبير ، كبير كبير ومتفرع عشان كذا أنا سميته مقدمة لا أكثر !! على كثر ما بتلكم اليوم إلا إن الموضوع لا يتعدى كونه مقدمة لعالم الخبز بس !! لأن عالم الخبز كبير ومتفرع و نزيد الموضوع تعقيد إذا دخلنا مع الخبز أنواع المعجنات الثانية المصنوعة من الطحين .

هدفي من الموضوع موب إني أمشي معاكم خطوة خطوة في كيفية تحضير خبز في البيت !! وموب هدفي بعد إني أعدد عليكم أنواع وطرق الخبز كونها عمليه مستحيلة . هدفي الأساسي إنكم تفهمون المبادئ الأساسية اللي تنطبق على كل أنواع المعجنات ،موب بس كذا كل شي يدخل فيه طحين راح تلاقون فايدة في هذا الموضوع . أنا أضمنلكم بعد قرائة هذا الموضوع مفاهيم كثير خطأ راح تفهمون ليش خطأ و أشياء كثير كنتوا تسونها وتدرون إنها ضرورية راح تفهمون ليش هي ضرورية . طبعا ما راح يخلو الموضوع من وصفات بس زي ما قلت إفهموا كلامي بعدين راح تفهمون كل وصفة تقرونها إن شاء الله بعد قراءة الموضوع .


تقريبا تقدرون تقولون إن الأكل الوحيد اللي كل شعوب العالم تاكله هو الخبز . كل شعب له خبز أو مجموعة أنواع من الخبز و أحيانا بعد لكل منطقة من دولة معينة خبز معين وكل واحد له طريقته بعد في كيف يسوي هذا النوع ، عشان كذا هو عالم كبير ومتفرع .

الخبز واحد من أقدم أنواع الأكل ، الأكل اللي كانوا ياكلونه في عهد سيدنا موسا ما زال إلى اليوم ينوكل وموجود وبنفس الطريقة !! تطور مع الوقت خصوصا بعد ما أكتشوا كيف يخلون الخبز ينفش و تطور بعد زيادة يوم عرفوا كيف يستخدمون القمح كون الخبز القديم كان مصنوع من حبوب ثانية مثل الشعير . طيب ليش القمح وش المميز فيه ؟ الحين أقولكم بس أول شي أشرحلكم تركيب القمح .


القمح فيه سنابل ، كل سنبلة فيها زي الفصوص وكل فص فيه حبوب قمح . الحبة تجي محمية بقشرة ، داخل القشرة فيه النشا أو الأكل وفيه الجنين . يعني حبة الطحين فيها ، نشا ، قشرة ، جنين إذا طحنتي الحبة كاملة تعطيك الطحين الأسمر ، الطحين الأسمر فيه قشرة و جنين وهذي فيها بروتين ودهون هذا واحد من الأسباب اللي تخليه جدا مفيد ، بس هذا بعد يسبب مشكلة وهي إنه يخرب كونه زي ما قلت فيه بروتين و دهون عشان كذا الطحين الأسمر دايما لازم ينحفظ في الثلاجة .
لو شلنا القشرة و الجنين وطحنا النشا يطلع عندنا السميد و إذا طحنا السميد ينتج عندنا الطحين الأبيض .

طيب وش المميز في القمح ؟ المميز في القمح هو إنه يكون بروتين إسمه الجلوتن gluten هذا هو أساس الخبز بأنواعه كلها لأنه هو المسأول عن تكوين هيكل الخبز ، بدون الجلوتن الخبز بيكون شي ثاني تماما . طيب وشو الجلوتن ؟ الجلوتن عبارة عن بروتين قوي ومطاط في نفس الوقت هذا البروتين له القدرة إنه ينمط ٦ أطوال طوله الأساسي أو أكثر .
الجلوتن ينتج في العجين إذا خلطت نوعين من البروتين الموجودة في الطحين، بروتين إسمه جلوتنن و بروتين الجلادين إذا إنخلطوا مع بعض يبدون يكونون سلاسل بروتين طويله إسمها الجلوتن . كل ما خلطتي تبدا الخيوط هذي تلصق في بعض و كونها تنمط تبدأ تطول و تشبك مع خيوط ثانيه وهذا اللي يكون هيكل الخبز يعني داخل كل خبزة في زي الشبكة ولو دققتوا زين في خبزة مقسومة بتلاقونها . عشان كذا دايما تلاقون في وصفات الكيك و البانكيك و المفن يقولك دايما لا تكثرين الخلط ! ليش عشان ما تكونين جلوتن كثير . خلاصة الكلام مويه + طحين + تحريك = جلوتن .

السبب اللي يخلي القمح مميز هو إن فيه كمية كبيرة من البروتين اللي يكون الجلوتن عكس أنواع ثانيه من الحبوب . عشان كذا خبز الشوفان وخبز الشعير وغيرها دايما تلاقون معاها طحين قمح عشان يوفر الجلوتن اللي يوفر أساس الخبز .


الطحين بتلاقون له ماركات كثير بس عموما هي كلها ثلاث أنواع ( موب طحين كويتي وسعودي هذي موب أنواع ) الأنواع تعتمد بالأساس على كمية البروتين الموجودة في الطحين كل ما زادت كمية البروتين في الطحين كل ما كان بكون جلوتن أكثر ، عشان كذا أنواع الطحين هي :

١ـ طحين الخبز أو المعجنات: هذا الطحين فيه بروتين عالي عشان كذا هو ممتاز جدا للخبز ويسوي كل الفرق في العجين .

٢ـ طحين الكيك أو الحلويات : هذا الطحين العكس تماما فيه أقل كمية من البروتين عشان ما يكون جلوتن كثير وما يخلي الكيك ناشف . غير كذا هذا النوع غالبا يجي مطحون أنعم بحيث إنك ما تحتاجين تحركين كثير وبكذا ما تكونين جلوتن كثير .

٣ـ طحين جميع الإستخدامات : هذا يجي في الوسط يمديك تسوين منه كيك أو خبز وهذا يمكن اللي أغلبكم يستخدمه أساس في البيت .

أنواع الطحين الثانيه مثل ذاتي التخمر وطحين الخلط وغيرها هذي ما تفرق عن اللي فوق مجرد عليها إضافات بس ما أنصح فيها أبدا كون مجال إستخدامها جدا ضيق بنفس الوقت الطحين العادي يمديك تسوين منه الأنواع الثانية .

لا تستخدمين طحين الكيك للخبز ولا تستخدمين طحين الخبز للكيك ولا العواقب ما راح تكون سليمة !!! أنا أنصح وبشدة بطحين الخبز للخبز بس طحين الكيك لا تستخدمونه إلا إذا الوصفة طلبت بالذات طحين كيك .


طيب ليش فيه طحين للكيك وطحين للخبز ؟ غالبا الكيك تبونه يكون يتفتت وهش صح !! بينما الخبز تبونه يكون قوي موب قاسي !!! قوي موب ناشف وقاسي فيه فرق .

الحين بكلمك عن أنواع وتفريعات الخبز :

أول شي عندكم الخبز حامض العجينة أو ال sourdough هو موب نوع خبز بالذات بس تقدرون تقولون إنه الخبز الفاخر و اللي دايما مصنوع يدوي ، راح تفهمون بعدين ليش حامض وليش فاخر .

بعدين عندكم خبز الخميرة العادي ، اللي ناكله كل يوم ، الخميرة هنا تعطي هوا هذا الهوا ينحبس في الهيكل حق الخبز اللي مكون من الجلوتن في نفس الوقت ينفش العجينة ويمط الجلوتن زيادة ، عرفتوا الحين ليش ننفش العجينة ننفشها عشان تمط الجلوتن زيادة ويكون الخبز أقوى ما يكون يتفتت وما يكون ضعيف . غير كذا الخميرة تعطي طعم وريحة الخبز اللي نعرفها .

عندكم بعد الخبز السريع أو ال quick bread هذا الخبز دايما مافي خميرة كونه مافي وقت تتخمر وكون الجلوتن هنا موب مرغوب أصلا . عشان كذا نستخدم رافعات كيميائية مثل البيكنج باودر ، يمكن تقولون وش الخبز السريع !! الخبز السريع مثل البانكيك هذا خبز سريع ، عندك الوافل ، الكريب ، المفن نعم المفن عبارة عن خبز سريع موب كيك ولاهوب كب كيك بعد ، عندكم بعد تغطيات القلي هذي كلها خبز سريع تعتبر.
غالبا الخبز السريع مستخدم فيه الطحين متعدد الإستخدامات كوننا نحتاج جلوتن بس شوي جلوتن موب كثير .


الخبز القصير !!! short bread يمكن الإسم غريب شوي بس بعد كلكم أكلتوا خبز قصير و أفضل مثال هو عجاين التارت و الباي ، الكوكيز تقدرين تقولين عنه خبز قصير بعد، البسكوت هذي كلها خبز قصير .

سبب التسميه هو إننا نقصر الجلوتن في هذي الوصفات لو لاحظتوا راح تلاقون إن كل الوصفات هذي فيها دهن كثييييييييير وشوي سائل ، كيف نقصر الجلوتن ؟ اللي نسويه هو إننا نغطي بعض حبات الطحين بدهن مثل الزبدة أو المارجرين أو الزيت و كون الدهن عازل للمويه راح يمنع المويه تنخلط مع الطحين وبكذا ما نكون جلوتن كثير !! يعني جلوتن قصير . النتيجة هي إن الخبز يتفتتتتتتت بشكل خرافي ، طبعا تقصير الجلوتن هذي حركة موجودة في أي وصفة فيها دهن ، يعني لو قريتوا في وصفة كاس زيت اللي لازم تفهمونه إن كاس الزيت هذا راح يخلي العجينة لينه أكثر من كونها قاسيه .

























  رد مع اقتباس
قديم 29-03-2010   #2

TOP CHEF
« Mr.unique »

مبدع شمواهـ

TOP CHEF غير متواجد حالياً

 رقم العضوية : 20019
 تاريخ التسجيل : 02 2010
 الجنس : sex
 المكان : Home Sweet Home
 المشاركات : 1,261
 تقييمك لشمواهـ : 1
  الشعبيه : TOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـ
 النقاط : 11255
 مجموع الاوسمة 5

أُوْسْكَار أَفْضَل طَاهي 

إرسال رسالة عبر MSN إلى TOP CHEF
افتراضي رد: مقدمة عن الخبز و الطحين .

إكتشاف الخميرة كان واحد من الأشياء اللي طورت الخبز ، الخميرة يقال إنها أكتشفت في مصر يوم تركوا عجينة قديمة و أكتشفوا ثاني يوم إنها نفشت بس طبعا ما كان فيه أي علم ليش نفشت ؟!! يوم طبخوا العجينة أكتشفوا إنها لذيذة وإنها شي جديد . بعد كذا بدأ في آيرلندا الظاهر بدو ياخذون رغوة البيرة ( غنية بالبكتيريا ) ويخلطونها مع العجين وبكذا صاروا يجبرون العجينة تنفش . بعد كذا طبعا تطورت الدنيا وبدأ الناس يستخدمون الخميرة اللي نستخدمها اليوم اللي هي عبارة عن بكتيريا نايمة إذا خلطتيها مع مويه ووفرتيلها أكل ( سكر ) تتكاثر وتنتج هواء و كحول و نوع من الأحماض .

من زمان كان الناس يستخدمون عجينة " تشغيل " أو starter ، إلى اليوم فيه ناس تستخدم هذي الطريقة بدال الخميرة التجارية العادية ، طيب وش عجينة التشغيل هذي ؟ هذي عبارة عن عجينة غنية بالخميرة البرية ، الخميرة أنواع كثييييييييييييييييييير كل منطقة لها أنواع خميرة خاصة فيها وكل نوع يعطي طعم غير للخبز عشان كذا الخبز اللي مصنوع في سان فرانسيسكو وهو نوع جدا مشهور بطعمه ما تلاقينه في أي مكان في العالم كون الخميرة اللي هناك ما تعيش إلا هناك وهذا اللي يخلي الخبز اللي مسوى بالطريقة هذي فاخر ، غير طبعا إن طعمه رهييييييييييييييييييييييييب ومعقد وما يقارن أبدا بالخبز اللي بالخميرة العادية .
هذا هو الخبز الحامض ، أنا قلت إن الخميرة بأنواعها تعطي حمض صح ومن هنا أخذوا إسم الخبز هذا . الخبز الفرنسي الأصلي و أغلب المخابز الأوربية و الفاخرة عموما تستخدم هذي الطريقة ، تلاقين عندهم عجينة قديمة ويخلطون منها شوي مع عجينة اليوم وكل يوم يشيلون منها شوي ويخلطونه مع العجينة حقت اليوم الثاني وكذا .
طيب وشلون يسوون عجينة التشغيل ؟ اللي يصير هو إنهم يصيدون الخميرة من الجو كيف ؟ يخلطون سكر + طحين + مويه ويحطونها على شباك أو شي زي كذا وبعد فترة بتلاقين عليها رغوة ، هذي معناها إن فيه خميرة تعيش عندك الحين يبدون يغذون الخميرة هذي يعني يزيدون سكر + طحين كل يوم إلين ما تتكون عجينة وبس . طبعا العملية هذي تاخذ أكثر من أسبوع موب بس كذا أنواع الخميرة كثير يمكن تصيدين نوع يعطي خبز سيء وتعيدين من جديد !!!! شفتي كيف . فيه مخبز في باريس يقول إنه يستخدم نفس العجينة حقته من وقت نابوليون !!!!!!



طييييييييييييب الحين خلاص تقريبا خلصنا كلام فاضي وجا وقت الوصفات .


أول شي بعطيكم طريقة لخبز حامض بس موب حامض حامض يعني ما أستخدمت عجينة تشغيل لا إستخدمت خميرة عاديه و النتيجة جدا جدا ممتازة و الأهم ممتعة صراحة وتحسين إنك سويتي إنجاز مع العلم إن العملية جدا سهلة ترى . الخبز هذا حامض لأني أستخدمت خدعة وهي إني أسوي إسفنجنة قبلها بيوم و أخليها تتخمر وهذي هي اللي بتعطي النكهة الحلوة و المميزة للعجينة حقتي .


طبعا الوصفة هذي جدا أساسية ومهم جدا إنكم تقرون الخطوات كوني بعطي معلومات زيادة في الطريقة .



*** Basic Sourdough Bread ***
*** الخبز الحامض الأساسي ***

٣ أكواب + ٣/٤ كوب طحين خبز أو طحين متعدد الإستخدامات لو ما عندك + زيادة طحين للتشكيل .

ملعقة صغيرة خميرة

ملعقتين صغار سكر أو عسل ( هذي عشان تشغل الخميرة في البداية بس كونها نايمة بعدين الخميرة راح تتغذى على النشا اللي في العجينة )

كوب وربع مويه

ملعقتين صغار ملح

شوي زيت للدهن ١/٣ كوب مويه

ملعقة كبيرة نشا ذرة .



أول شي راح نسوي الأسنجة ، ما عليكم من إسمها تراها ما تشبه الإسفنجة .


نخلط كوب طحين مع كل المويه وربع ملعقة من الخميرة و كل العسل في صحن بلاستك له غطا ، نغطيه ونحطه في الثلاجة من ٨ إلى ١٢ ساعة .


بعدين نحط باقي الخميرة ، باقي الطحين و الملح في صحن ونحط معهم الإسنجة ونخلطها زين ، يا بالخلاط الكبير بخطاف الخبز أو باليد . نخلطها إلين ما تكون كورة حوالي ٥ دقايق . بعدين نغطيها ونخليها ٥ دقايق . الهدف هنا هو إن الطحين ياخذ وقت عشان يشرب المويه عشان كذا أخليه الخبز ياخذ وقته في شرب المويه وبعد منها أريح الجلوتن .

طييييب الحين نبدأ العجن ، كثير ناس ما يدرون ليش يعجنون ؟ العجن وظفته إنه يدخل هواء في العجينة هذا الهوا هو اللي بتنفخة الخميرة يعني بالعربي يساعد الخميرة تسوي شغلها . غير كذا العجن يساعد على توزيع الخميرة في العجين كون الخميرة تتكاثر العجن يعيد توزيع الخميرة في الخبز . الشي الثالث و الأهم طبعا هو إن العجن يمط الجلوتن ويكون الهيكل الأساسي اللي بعدين الخميرة بتنفخة .

نعجبن الخميرة يا بالجهاز أو باليد من ٥ - ١٠ دقايق ، لو عجنتيها باليد أستخدمي بس شوي طحين للعجن لأن كل ما تزيدين طحين كل ما أحتجتي تعجنين أكثر وبعد يمكن تنشفين العجينة .

طييييب وشلون تعرفين إن العجينة جاهزة ؟ العجينة هنا المفروض تكون شوي تلصق لاحظي كلمة شوي بس!!! موب لدرجة ما تقدرين تشكلينها لا بس شوي تلصق . بس الطريقة الصحيحة هي إنك تسوين إختبار الشباك . إختبار الشباك هو إنك تاخذين قطعة عجين صغيرة وتحاولين تفردينها إلين ما تصير شبه شفافة لدرجة إنك تشوفين النور من وراها بدون ما تنشق العجينة !!! إذا وصلتي لذي المرحلة تكون العجينة جاهزة . لو لاحظتي في إختبار الشباك بتلاقين خطوط جوا العجين هذا هو الهيكل اللي قاعد ساعة آتكلم عنه .





قبل العجن





الحين راح نخمر العجينة .

حطي العجينة في صحن مدهون بشوي زيت وقلبي العجينة فيه . الزيت هنا عشان ما يكون طبقة ناشفة فوق العجينة و الشي الثاني بعد هو كون الزيت عازل راح يمنع الهوا اللي جوا العجينة يطلع وبكذا تنفش أسرع .


طيب الحين الخطوة هذي يمكن شوي غريبة بس الهدف منها هو إننا ندفي العجينة كونها باردة وبكذا تنفش بسرعة . راح ندفيها هنا ببخار مويه .

حطي صحن فيه مويه مغليه في أسفل الفرن وحطي الصحن اللي فيه العجينة فوقة ، سكري بابي الفرن وخليها تتخمر إلين يتضاعف حجمها . بدون ما تشغلين الفرن !!! إنتبهي .




بعد ما تتضاعف رشي الطاولة اللي تشتغلين عليها بشوي طحين ورشي بعد يدك .

الحين حطي العجينة على الطاولة و أبدي نسميها بيدك كأنك تضربينها إلين ما يطلع الهوا . حطي العجينة بعدين أسفطي الجهة اليمين و اليسار للنص كأنك تسوين ظرف زي كذا :



لفي العجينة وكرري نفس العملية ، أضربيها بعدين أصفطي الأطراف للوسط



بيسير شكلها زي كذا .

الحين غطيها بمنشفة وخليها ترتاح ١٠ دقايق



الحين مرة ثانية أضربي العجينة يعني ساويها شوي بعدين شكليها على شكل كورة وشلون؟ كذا :




تصفطين الأطراف للنص ، بعدين تقلبين العجينة و تشكلين الكورة .

الحين أستخدمي ظهر صينية فرن أو أفضل لو صينية خشب و رشية بطحين زييين وحطي الكورة عليها وبعدين غطيها بمنشفة وخليها تنفش ساعة برا الثلاجة .

هذي النفشة قبل الأخيرة إسمها نفشة التأكيد أو bench proof الهدف منها إنك تتأكدين إن الخميرة عايشة و إنها ما ماتت وبنفس الوقت تعطي الخبز التفاصيل اللي جوا .



الحين شغلي الفرن على حرارة ٤٠٠ يعني موب بعد ما تتخمر العجينة سخني الفرن قبلها بوقت عشان يحتر صح ، لو عندك حجر بيتزا حطيه في وسط الفرن الحين !! ، اللي ما عندها تستخدم صينية فرن مقلوبة أو تروح تشتري حجر طبيعي موب معالج بعد نفس حجر البيتزا . فيه ناس بعد تستخدم جرانيت أو غيره بس صينية الفرن تفي بالغرض ترى .







الحين بنسوي خلطة البيض اللي تعرفونها دايما فوق المعجنات بس منها أعطيك الفروقات بينها . لو لاحظتوا فيه وصفات تطلب بيض ، بعضها يطلب صفار بس ، بعضها حليب ، بعضها بس مويه ، وبعضها ما يطلب شي !! وش الفرق بينهم ؟

البيض + ملح : لمعة للقشرة
بيض + حليب : لمعة باهته شوي
بيض + مويه : لون ذهبي شوي مطفي
صفار بيض + مويه : لون ذهبي لميع
صفار بيض + قشطة خفق : لمعة غامقة شوي
صفار بيض + ملح : لمعة ذهبية غامقة
بياض بيض + ملح : لون ذهبي مطفي وقشرة تتكسر
بياض بيض : قشرة تقرمش بس باهته شوي
قشطة خفق : لون ذهبي مطفي وشوي تكسرات
زيت الزيتون : لمعة خفييييفة + لون ذهبي .

أتمنى تستفيدون منها وغيروا على كيفكم .


راح أستخدم هنا ١/٣ كوب مويه + نشا ذرة ورشة ملح طبعا السبب يطول بس الهدف إنه راح يعطي قشرة ثقييييلة ما تلاقينها لو إستخدمتي بس مويه .

الحين أدهني العجينة بالخلطة هذي بس طبقة جدا خفيفة تكفي . بعدين جيبي سكين الخبز و شرطي العجينة زي الأشكال اللي تشوفينها على الخبز حق المخابز تبين تسوين خطوط متوازية أو متقاطعة أو مربع على كيفك . الحركة هنا هو إن العجينة راح تكبر في الفرن إذا قطعتي العجينة أنتي تتحكمين بكيف تنفش في الفرن عشان ما تطلع عندك أشكال غريبة . بللي السكين بشوي مويه بعدين أقطعي قطعات صغيرة بالسكين لا يتعدى عمقها نص إنش تقريبا .
شكل القطعات هذي كانوا من زمان يستخدمونه عشان يعرفون الخباز اللي سوا الخبز زي التوقيع كل خباز كان له توقيع .



شفتي وشلون أنا ٣ خطوط متوازية . بس بالتطبيق الثاني سويت مربع يعني ٤ خطوط مربعة .


الحين صبي مويه مغليه بصينية أسفل الفرن زي ما سوينا في خطوة التخمير وبعدين حطي الخبز على الصينية الحارة أو حجر البيتزا شوي شوي . خليه يطبخ ٥٠ - ٦٠ دقيقة . بعدين خليه يبرد على الأقل نص ساعة عشان يجمد الهيكل حقه .

هذي النتيجة :











وبس هذا الخبز . شي خراااااااااااااافي ولذيذ ....













  رد مع اقتباس
قديم 29-03-2010   #3

TOP CHEF
« Mr.unique »

مبدع شمواهـ

TOP CHEF غير متواجد حالياً

 رقم العضوية : 20019
 تاريخ التسجيل : 02 2010
 الجنس : sex
 المكان : Home Sweet Home
 المشاركات : 1,261
 تقييمك لشمواهـ : 1
  الشعبيه : TOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـ
 النقاط : 11255
 مجموع الاوسمة 5

أُوْسْكَار أَفْضَل طَاهي 

إرسال رسالة عبر MSN إلى TOP CHEF
افتراضي رد: مقدمة عن الخبز و الطحين .

الحين عشان نكمل الموضوع بعطيكم وصفات خبز أنا سويتها وصورتها ولا ترى فيه كثيييييييييييييييييييييييييييير و هذي زي ما قلت مجرد خطوة أولى .



أول شي الخبز العربي ، اللي يبي يسويه الله يحيه صراحة غييييييير في البيت ، مدري ليش غير أطعم و يجي مفووووووش .وتراه مرررره سهل .


*** Pita Bread ***
*** الخبز العربي ***

اللي يخلي الخبز هذا مميز هو الجيب اللي في النص . اللي يسير هو إنه هذا هوا جوا العجينة ينفش ويفصل طريفين الخبز عن بعض .


ملعقتين صغار خميرة
ملعقة صغيرة سكر
كوب ونص مويه دافيه
ملعقة صغيرة ملح
٣ أكواب ونص طحين الخبز
ملعقة صغيرة زيت زيتون



أول شي أخلطي السكر و المويه و الخميرة إلين ما تطلع رغوة . بعدين أخلط الطحين و الملح و الزيت ، أخلطيهم إلين يكون كورة .


بعدين أعجنيها إلين تصير لينه و تتمطط بسهولة وناعمة من برا . إدهني صحن بزيت و حطي العجينة وقلبيها بالزيت بعدين غطيها وخليها تنفش ساعتين أو إلين تتضاعف .

سخني الفرن على أعلى حرارة عندك مع حجر البيتزا في أسفل الفرن أو صينية فرن مقلوبة لو ما عندك . وخليه يحتر ساعة على الأقل .

قسمي العجينة إلى ٨ أقسام وشكليها على شكل كور زي فوق . بعديم خليها ترتاح ١٥ دقيقة تقريبا وهي مغطية ومرشوشة بطحين .

الحين بفرادة الطحين أفردي الكور إثنين إثنين ، كل وحدة يكون قطرها تقريبا ٨ إنش وتأكدي ما يكون فيها أي فتحات أو عفطات لأن هذا بيمنعها تنفش بعدين حطيها على الحجر أو الصينية إلين تنفش . بعدين طلعيها من الفرن وحطي الإثنين الثانيات وكذا .



هذا بدأ ينفش ...








أنا إلى الحين ما أعطيتكم ولا وصفة لخبز سريع


طيب جربوا هذي على الفطور اليوم أو بكره هذا الخبز الآيرلندي جدا جدا مشهور وسرييييييييييع .



*** Irish Soda Bread ***
*** الخبز الآيرلندي ***


نص أصبع زبدة

٣ ونص كوب طحين أبيض

١/٢ كوب شوفان

ملعقة كبيرة سكر

ملعقتين صغار بيكنج بودر

ملعقة صغيرة بيكنج صودا

ملعقة صغيرة ملح

ملعقة صغيرة فلفل أسود مطحون

١ وثلاث أرباع كوب لبن

بيضة مخفوقة شوي .


حطي رف الفرن في الوسط وسخني على ٣٧٥

سويي الزبدة على حرارة وسط إلين تقلب بنية بعدين شيليها من النار

أخلطي الطحين ، الشوفان ، السكر ، البيكنج باودر ، البيكنج صودا و الملح و الفلفل في صحن ، صبي فوقهم اللبن و الزبدة البنية و أخلطيهم بشوكة إلين ينخلطون شوي .

أعجيني العجينة إلين تسير كورة حوالي 7 مرات بس يعني موب كثير أبدا موب ٧ دقايق إنتبهي هنا ما نبي جلوتن !!! ، أقسمي العجينة بالنص ، بعدين شكلي كل نص على شكل قرص حوالي 6 إنش .
حطيها في صينية فرن غير مدهونة وبعديهم عن بعض حوالي 5 إنش . بعدين أدهنيها بالبيض الحين بطرف سكين حاد سويي علامة x على كل واحد منهم عمقها حوالي نص إنش . دخليها الفرن إلين ما يطلع منها عود نظيف زي الكيك حوالي 45 دقيقة ، خليه يبرد نص ساعة قبل ما تقطعينة .

وذوقي أطعم خبز سريييييييييييع .




الحين هذي وصفة لخبز رهييييييييييييييييب راح تدمنون عليه وهو بعد جدا جدا سهل .


أنا سويت الخبز هذا بالطماط المجففة و الروزماري بس يمديكم تسوونه بأي نكهة تبون مثل الثوم أو الزيتون . و الحلو في ذا الخبز إنه خبز أسمر يمديكم تسوونه بخبز أبيض بس كذا أطعم .



*** Whole Wheat Sun-Dried Tomato Bun ***
*** خبز النخالة بالطماط المجففة و الروزماري ***

ملعقتين صغار خميرة

كوبين مويه دافية

ملعقة كبيرة عسل أو سكر

ملعقتين صغار زيت

كوبين طحين أبيض + كوبين طحين أسمر

ملعقة صغيرة ملح

ملعقتين كبار سميد

بياض بيضة مخلوط مع ملعقة موية

ملعقتين سمسم

ملعقة صغيرة بودرة ثوم .

لو تبين تقدرين تسوين نفس الخبز ، بالطماط المجفف ، بالروزماري ، بالزيتون وكذا .


ذوبي الموية و العسل و الخميرة إلين تطلع الرغوة . بعدين حطي النكهات اللي تبين + الزيت + الطحين و الملح و الثوم و أخلطي سواء باليد أو بالعجانة . بعد ما ينخلط أعجينة حوالي ٥ دقايق إلين يسير ناعم بس .






حطي على العجينة شوي زيت بعدين حطيها في صحن مزيت وغطيها إلين ما يتضاعف حجمها . بعدين قسميها إلى ١٠ كور وشكليها على شكل أقراص بس موب نحيييفة مدري وشلون أشرحلك يعني خذي الكور و أضغطيها شوووووي بس من فوق فهمتي وشلون ؟ .
الحين حطيها في صينية فرن مرشوشة بزيت أو بخاخ الزيت ، رشي فوقها السميد بعدين أدهنيها بالبيض وبعدين رشي السمسم . حطيها في فرن ٤٠٠ حوالي ٢٥ دقيقة أو إلين تسير بنية .















الشكشوكة معاها عاد كلام ثااااااااني .
















  رد مع اقتباس
قديم 29-03-2010   #4

TOP CHEF
« Mr.unique »

مبدع شمواهـ

TOP CHEF غير متواجد حالياً

 رقم العضوية : 20019
 تاريخ التسجيل : 02 2010
 الجنس : sex
 المكان : Home Sweet Home
 المشاركات : 1,261
 تقييمك لشمواهـ : 1
  الشعبيه : TOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـTOP CHEF مشهوره بشمواهـ
 النقاط : 11255
 مجموع الاوسمة 5

أُوْسْكَار أَفْضَل طَاهي 

إرسال رسالة عبر MSN إلى TOP CHEF
افتراضي رد: مقدمة عن الخبز و الطحين .

الحين عاد نجي لمعشوقة الجماهير ، السينامون رولز . أنا جربت كثير بس هذي صدقوني خراااااااااااافيييييييييييييييييييييييية .

الهدف من الموضوع كان عن السينامون رولز بعدين قعد يكبر ويكبر إلين ما صار عن الخبز و اللي يدخل طبعا تحته السينامون رول يعني ما رحنا بعيد .


*** Cinnamon Rolls ***
*** سينامون رول ***

أنا أستغرب طبعا من الوصفات العجيبة اللي طلعت للشي هذا !!!!!! المسألة أسهل من كذا بس يعني شوي أصعب في نفس الوقت .

أكثر مشكلة ممكن تواجهونها إن العجينة ما تنفش . داري إن فيه ناس الحين بيجوني ويقولون العجينة عيت تنفش ليش !!! من الحين أقول لحد يتفلسف اللي أكتبه يتطبق ( داري بتوقف شكلي ) بس صدق التفاصيل مهمة يعني لو قلت بيض دافي تطلعين البيض قبلها بساعتين على الأقل .
الخميرة كل ما زادت الزوائد في العجينة صارت أبطأ يعني زبدة ، قشطة ، بيض ، سكر ، ملح هذي كلها تبطأ الخميرة طبعا العجينة هذي ملياااااااااانة من ذا الأشياء غير كذا لو أستخدمتي مكونات باردة والله لو تقعد ٦ ساعات ما تنفش عشان كذا كل شي على حرارة الغرفة لو سمحتوا .


٤ صفارات بيض على حرارة الغرفة + بيضة كاملة بعد على حرارة الغرفة

١/٤ كوب سكر

٦ ملاعقة كبيرة زبدة ذائبة

١٧٠ جرام لبن ، تقريبا ٣/٤ كوب

٤ أكواب طحين أبيض

ملعقتين وربع خميرة

ملعقة ونص ملح

زيت للدهن



أول شي أخلطي اللبن + الزبدة + البيض كله + السكر إلين ينخلط زين . بعدين أضيفي كوبين من الطحين + الخميرة و الملح .

الحين بخطاف الخبز لو عندك جهاز أو بالبيد ولو إنه شوي متعب أخلطي ، كل الطحين ما عدا ٣/٤ كوب تقريبا يعني بقي شوي يمكن تحتاجينه ويمكن لأ . أخلطي يمكن ٥ دقايق ، المفروض تكون العجينة طريقة وما تلصق بيدك لو لقيتيها تلصق زيدي شوي طحين و كملي خلط وكذا إلين توصل المرحلة إنها ما تلصق . الحين إعجنيها باليد أو بالعجانة حوالي ٥ دقايق بدون أي طحين زيادة .




الحين حطيها في صحن مدهون بزيت وخليها تتخمر إلين يتضاعف حجمها راح تطول يمكن ساعتين إلى ثلاث ساعاات .




الحين نسوي الحشوة :


كوب سكر بني

ملعقتين كبار قرفة

رشة ملح

ملعقتين زبدة ذايبة .


أخلطي أول ٣ مقادير مع بعض .


الحين أدهني صينية بايركس حجمها ٩ في ١٣ إنش تقريبا بزبدة غير اللي فوق .

الحين شكلي العجينة على شكل مستطيل بفرادة العجين ، العجينة هذي جددددا مريحة في الشغل لأنها سهل جدا تشكيلها .

شكليها على شكل مستطيل حجمه تقريبا ١٨ في ١٢ إنش . أنا أستخدم صينية البايركس و أقيس عليها موب شرط الأبعاد تكون صحيحة بس أحسن من إني أقولك قيسي ثقل العجينة .

الحين أدهني العجينة بالزبدة السايحة وبقي في الطرف العلوي حوالي ١ سم لا تدهنينه عشان نلصق العجينة بعدين .

أدهني العجينة بعدين رشي الحشوة فوقها و حاولي تكثرين يمكن ما تستخدمينها كلها بس أحسن . وبعدين أضغطي الحشوة شوي بس عشان تلصق .وبعد لا تنسين لا تحطين حشوة على الطرفة اللي فوق .

زي كذا :

لاحظي الطريف اللي فوق .


الحين الخطوة يمكن الأصعب . أبدي لفي العجينة من الوسط بأطراف أصابعك وبعدين من الأطراف وبعدين من الوسط مرة ثانية . وكذا ..... كل ما كانت لفتك أحسن كل ما طلع الوسط في الفرن زي حق سينابون يعني كل ما رصيتيها أضيق كل ما كانت أحسن . بعد ما تلفينها لصقي الطرف اللي فوق يعني آخر العجينة بالطرف الثاني بأنك مدري وشلون أشرحلك تقبصين العجينة إلين ما تلصق ، ساوي العجينة شوي بس يعني حاولي تخلينها نفس المتن في كل مكان . بعدين أقطعيها بسكين خبز من النص . حطي النصين جنب بعض وقسمي كل واحد ٦ قطع بيطلع عندك ١٢ قطعة مجموع .


رصي القطع في الصينية زي كذا بعدين غطيها زيييييييين وحطيها في الثلاجة ١٢ - ١٦ ساعة . هذا واحد من الأشياء اللي يخلي العجينة هذي مميزة .



الحين بنعيد الحركة اللي بالعجينة الأولى ، يعني ثاني يوم طلعيها من الثلاجة حطيها بالفرن وتحتها حطي صينية ثانية فيها مويه مغليه . هنا هدفنا ننشط الخميرة مرة ثانية . راح نخليها بحمام البخار نص ساعة تقريبا .





بتلاحظون نفشت شوي .

شيلي الصينية و المويه من الفرن بعدين شغلي الفرن على ٣٥٠ وخليه إلين يحتر بعدين حطي السينامون رولز .

خليه إلين يبدأ يسير بني حوالي ٢٢-٢٥ دقيقة .




الحين الخلطة اللي فوق :

تغطية الفيلادلفيا العادية :


أصبع زبدة دافي
١/٤ كوب فيلادلفيا
كوبين سكر
رشة ملح
فانيلا سايلة ( أنا أستخدم عود تطلع أطعم )

أخلطيهم مع بعض إلين تصير خلطة .





حطيها في الثلاجة على الأقل ربع ساعة .



بعد ما تطلعين السينامون من الفرن على طول حطي الخلطة فوقها عشان تذوب .


وبس هذا السينامون .










طبعا اللي يبي يسويها بالمكسرات أخلطي مع السكر البني جوز بيكان محمص شوي وبس هذا الفرق الوحيد .


لو تبون بعد يمديكم تسوونها بالتمر نفس حركة البيكان اللي فوق وطعمها جدا خرافي ترى .









  رد مع اقتباس
قديم 29-03-2010   #5

fhda
عضوه طموحه

fhda غير متواجد حالياً

 رقم العضوية : 22262
 تاريخ التسجيل : 03 2010
 الجنس : sex
 المشاركات : 110
  الشعبيه : fhda على خطى التقدمfhda على خطى التقدمfhda على خطى التقدم
 النقاط : 210
افتراضي رد: مقدمة عن الخبز و الطحين .

انا جربت خبز النخالة بالطماطم والروز ماري
وقلت لك البارح آلجميييييييع اعجبهم

آما الموضوع شي خرآفي ماشاء الله
مآكنت اتوقع بيوم اني آخبز وكذآ

السينابون جربت طريقة مقااربه لطريقتك
ولا نفشت وتحطمت
وآلحين عرفت آلسر
يعجبني فيك دقة معلومآتك


الله يحميك
ويوفقك

آسئلتي

٣ أكواب + ٣/٤ كوب طحين خبز أو طحين متعدد الإستخدامات لو ما عندك
ليش ماقلت 3 اكواب وثلاث ارباع ليه قسمتها؟
اللبن في السينامون رول دآفي والا بحرارة الغرفة؟







  رد مع اقتباس
قديم 29-03-2010   #6

LooLooy
عضوه واثقه
 
الصورة الرمزية LooLooy

LooLooy غير متواجد حالياً

 رقم العضوية : 6168
 تاريخ التسجيل : 04 2009
 الجنس : sex
 المكان : الخبر
 المشاركات : 569
  الشعبيه : LooLooy أسم معروف بشمواهـLooLooy أسم معروف بشمواهـLooLooy أسم معروف بشمواهـLooLooy أسم معروف بشمواهـLooLooy أسم معروف بشمواهـLooLooy أسم معروف بشمواهـLooLooy أسم معروف بشمواهـLooLooy أسم معروف بشمواهـLooLooy أسم معروف بشمواهـLooLooy أسم معروف بشمواهـLooLooy أسم معروف بشمواهـ
 النقاط : 2925
افتراضي رد: مقدمة عن الخبز و الطحين .

صراحة ,,, لساني انربط مادري ايش اقول ,,, لا اله الا الله ماشاء الله ’’’
اللى يميز مواضيعك ان اغلب المعلومات الموجودة فيها تكون موجودة في كتب متخصصه في هالمجال خصوصا اللى يدرسون في قسم الاقتصاد المنزلى ,,,,زيي مثلا ,,

بس عمرها ماكانت بالبساطة هذي ,,, كانت معلومات علمية معقدة ويتكاسل الواحد يدقق فيها ويبسطها ,,, او بمعنى اصح مالقينا احد يبسط لنا المعلومات بالسلاسه هذي ,,, الله يوفقك يارب ويزيدك من فضله ,,,
وكالعادة ,,,, في المفضله والتطبيق لاحقا باذن الله ,,,












  رد مع اقتباس
قديم 29-03-2010   #7

CHOCOLATE
« كبيرة مُشرفات شَمواه " »
« مُشرفة أصْـدِقَـاءُ الضْـوْء »
 

live life to the fullest
 
الصورة الرمزية CHOCOLATE

CHOCOLATE غير متواجد حالياً

 رقم العضوية : 30
 تاريخ التسجيل : 06 2008
 الجنس : sex
 المشاركات : 5,145
 تقييمك لشمواهـ : 1
  الشعبيه : CHOCOLATE عملاقة شمواهـCHOCOLATE عملاقة شمواهـCHOCOLATE عملاقة شمواهـCHOCOLATE عملاقة شمواهـCHOCOLATE عملاقة شمواهـCHOCOLATE عملاقة شمواهـCHOCOLATE عملاقة شمواهـCHOCOLATE عملاقة شمواهـCHOCOLATE عملاقة شمواهـCHOCOLATE عملاقة شمواهـCHOCOLATE عملاقة شمواهـ
 النقاط : 137929
 مجموع الاوسمة 16

أُوْسْكَار أفَضل مُواكبة لَحدث 

افتراضي رد: مقدمة عن الخبز و الطحين .

ما شاء الله تبارك الله

ما ادري اش أقول قمة في الإبداع


عمري ما فكرت اسوي خبز في البيت بس موضوعك مره يشجع انو أجرب

السينابون من زمان نفسي في طريقة ممتازه وتضبط معايا

جربتها مره بعجينة سويت منها بيتزا و فطاير و سينابون ما عجبتني وطلعت ناشفه

شكر ا توب شيف

أكيد تستاهل التقيم














  رد مع اقتباس
قديم 29-03-2010   #8

لولو الصغيرة
عضوه مثابره
 
الصورة الرمزية لولو الصغيرة

لولو الصغيرة غير متواجد حالياً

 رقم العضوية : 3292
 تاريخ التسجيل : 01 2009
 الجنس : sex
 المكان : جدة
 المشاركات : 430
 تقييمك لشمواهـ : 2
  الشعبيه : لولو الصغيرة أسم معروف بشمواهـلولو الصغيرة أسم معروف بشمواهـلولو الصغيرة أسم معروف بشمواهـلولو الصغيرة أسم معروف بشمواهـلولو الصغيرة أسم معروف بشمواهـلولو الصغيرة أسم معروف بشمواهـلولو الصغيرة أسم معروف بشمواهـلولو الصغيرة أسم معروف بشمواهـلولو الصغيرة أسم معروف بشمواهـلولو الصغيرة أسم معروف بشمواهـلولو الصغيرة أسم معروف بشمواهـ
 النقاط : 2133
افتراضي رد: مقدمة عن الخبز و الطحين .

المشاركة الأصلية كتبت بواسطة LooLooy مشاهدة المشاركة
صراحة ,,, لساني انربط مادري ايش اقول ,,, لا اله الا الله ماشاء الله ’’’
اللى يميز مواضيعك ان اغلب المعلومات الموجودة فيها تكون موجودة في كتب متخصصه في هالمجال خصوصا اللى يدرسون في قسم الاقتصاد المنزلى ,,,,زيي مثلا ,,
بس عمرها ماكانت بالبساطة هذي ,,, كانت معلومات علمية معقدة ويتكاسل الواحد يدقق فيها ويبسطها ,,, او بمعنى اصح مالقينا احد يبسط لنا المعلومات بالسلاسه هذي ,,, الله يوفقك يارب ويزيدك من فضله ,,,
وكالعادة ,,,, في المفضله والتطبيق لاحقا باذن الله ,,,

من جد توب شيف كلامها ... نفس اللي مر علينا اثناء الدراسة .. بس كانو المحاضرات و المراجع معقدة الموضوع ..او انو مع السوالف ننشغل عن المحاضرة .. بس طريقتك بالسينابون حلوة و راح اطبقها .. بس انصدمت مثلا لو بسويها اليوم ما راح اكلها إلا بكرا <<< مشوااااااار ما اقدر اصبر ..

و جزاك الله خيرا ع هالكم من الملاحظات اللي بدونها ما تنجح العجائن .











يا مقلب القلوب ثبت قلبي على دينك
  رد مع اقتباس
قديم 29-03-2010   #9

i C h o

عضوه شهيره
 
الصورة الرمزية i C h o

i C h o غير متواجد حالياً

 رقم العضوية : 2103
 تاريخ التسجيل : 11 2008
 الجنس : sex
 المكان : في قلبه
 المشاركات : 4,059
 تقييمك لشمواهـ : 1
  الشعبيه : i C h o مستقبلها لامع بشمواهـi C h o مستقبلها لامع بشمواهـi C h o مستقبلها لامع بشمواهـi C h o مستقبلها لامع بشمواهـi C h o مستقبلها لامع بشمواهـi C h o مستقبلها لامع بشمواهـi C h o مستقبلها لامع بشمواهـi C h o مستقبلها لامع بشمواهـi C h o مستقبلها لامع بشمواهـi C h o مستقبلها لامع بشمواهـi C h o مستقبلها لامع بشمواهـ
 النقاط : 9964
 مجموع الاوسمة 2

شُكر وَ تقدير لعام 2010 

افتراضي رد: مقدمة عن الخبز و الطحين .

TOP CHEF


ماشاء الله عليك دائما مبدع ومواضيع تضيف الكثير والكثير من المعلومات المفيدة لنا

بنسبة للخبز بحياتي مافكرة أني أعملو في البيت يعني أحس ما راح يضبط معي خخ


هذا فول صح أمم شكله ما ينشبع منه بالعافيه




سينمون رول
كمان عندي مشكلة معه يطلع قاسي وصرت أفضل أشتريه من بر
وطريقتك جنان ما اقول غير أنتظر تطبيق خخ
وجااري التقييم



















. . أجْمَلُ الذّكْريَآت تِلكَ الّتِـيْ نُحبّ الْمَاضِي مِن أجْلهَا !


شمــــواه
  رد مع اقتباس
قديم 29-03-2010   #10

دلوعه عتيبه
«عَضوة شرف بشمواهـ»
 

اشتقت لــــــــــكم !!
 
الصورة الرمزية دلوعه عتيبه

دلوعه عتيبه غير متواجد حالياً

 رقم العضوية : 226
 تاريخ التسجيل : 07 2008
 الجنس : sex
 المكان : جــــــدهـ
 المشاركات : 4,114
 تقييمك لشمواهـ : 1
  الشعبيه : دلوعه عتيبه سوبر ستار شمواهـدلوعه عتيبه سوبر ستار شمواهـدلوعه عتيبه سوبر ستار شمواهـدلوعه عتيبه سوبر ستار شمواهـدلوعه عتيبه سوبر ستار شمواهـدلوعه عتيبه سوبر ستار شمواهـدلوعه عتيبه سوبر ستار شمواهـدلوعه عتيبه سوبر ستار شمواهـدلوعه عتيبه سوبر ستار شمواهـدلوعه عتيبه سوبر ستار شمواهـدلوعه عتيبه سوبر ستار شمواهـ
 النقاط : 26682
 مجموع الاوسمة 6

وسام شكر وتقدير لعام 2010 ~ 

افتراضي رد: مقدمة عن الخبز و الطحين .

بجد ابداع ... ماشاءا الله لا قوه الا بالله ...................... توب التوب يااتوب شيف ... كل شئ عجبني واكثرهم فكره صينيه المويه ... اللي تطلع البخار يعني حركه بجربها وبجرب عجينتك للسنابون .. لعل وعسى تنفك ازمتي مع العجينه ..















  رد مع اقتباس
إضافة رد

مواقع النشر (المفضلة)

الكلمات الدلالية (Tags)
basic sourdough bread, الخميره, الخبز الآيرلندي, الخبز الحامض الأساسي, الخبز العربي, الخبز بأنواعه, الخبز بالنخاله بالطماطم, cinnamon rolls, انواع الدقيق, irish soda bread, سينامون رولز, pita bread

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
[مُمَيز ] (1) إتيكيت الأزياء : مقدمة عن الأتيكيت وّ معرفة شكل جسمك ؟! [ a s h , ! أزياء وَ أناقة | Shamoa Fashion 183 21-10-2015 08:24
[مُمَيز ] uzbek bread || الخبز الاوزبكي من تجاربي لانواع الخبز Aream معجنات | Pastry & Sandwich 57 05-06-2013 09:01
ساآاآعدوني ابي مقدمة عن الام~ N-A-D^_^ مناهج وَ تعليم 2 21-03-2012 03:31
[شَعر] مقدمة شعري خفيفه ؟ ما الحل :( M.E إستفسارات جمالية | Beauty Q !! 11 21-09-2011 12:59


الساعة الآن 04:03

 


Powered by vBulletin® Version 3.8.7
Copyright ©2000 - 2017, Jelsoft Enterprises Ltd.
Ads Management Version 3.0.1 by Saeed Al-Atwi
جميع المواضيع والآراء تمثّل وجهة نظر كاتبها فقط ولا تمثل منتديات شمواه بأي شكل من الأشكال ما لم يوضّح غير ذلك.
Des By || [email protected]

جَميعُ الحُقوق مَحفُوظة لمُنْتديات شَمْواهـ © 2008 - 2012