مطازيز ام فهووودي لا تفووووتكم لحقوا عليها قبل لا تبرد ...

[ليتـــــ طفله ــــني]

مرحبا .........

كيفكم ...... ان شاء الله تمام .........

هذي مطازيز تووووها طازه ....... مسويتها لزوجي بيفطرون فطور شباب وكل واحد يجيب معاه اكل وطلب مني زوجي مطازيز وسويت معاها فطاير التوست للغاليه ام طلووو وبسبوسة ارتوسته الغاليه ..............

نرجع لمطازيزنا .............

اول شئ اعجني عجينتها ...........

انا حطيت 6 اكواب دقيق بر منخول ... وشوية ملح ... وعجنتها مويه لحد ما صارت عجينه متماسكه بس تميل للين اكثر مو ناشفه لا تحسينها لسى يبيلها دقيق ........ مدري فهمتوا قصدي ........ وتخلينها ترتاح لحد ما تخلصين الجزء الثاني من الطبخه ...........

صورة العجينه ..

ثانيا ...

نحمس بصل على النار لحد مايشقر واضيف له اللحم(كيلوين لحم نقطع زي الشوربه) واقلبهم لحد ما يتغير لون اللحم ثم اضيف الفلفل والكمون واضيف الطماطم(4حبات مطحونه) والصلصله(نص علبه تقريبا ) ........ واقلبهم وضيف البهارات المشكله والملح مو كثير شوي بس لاننا بنزيده بعدين بس مانبي يكون كثير على اللحم ويقسيه بنضيفه بالاخير ..
ولما تبدا تغلي ونخليها تتسبك شوي وبعدين نزيد مويه لحد ما يمتلئ الضغط مو فل اقل من الفل بشوي(اذا تحبين زيي المرق يكون كثير اما اذا تحبينه قليل المرق خلي المويه اقل ) ......... واقفل الضغط عليها واخليها على نار عاليه لحد ما يبدا الضغط يتش تش يعني يطلع صوت تش تش تش تش وتتحرك صفيرته اللي فوقه ونخليه ربع ساعه على النار ونطفي عليها بعدها <<<<< ماخليتها تطول لان لسى بخليها كثير على النار مع باقي الخطوات وما ابي اللحم يتقطع عن العظام ..........

ثالثا......
اضيفي الخضار (جزر ... كوسه ... قرع ) انا ما احب اضيف غيرهم وقطعيهم كبار شوي مو مره او حسب رغبتك واضيفيهم على مرقة اللحم واللحم وقلبيهم ............ ولا تسكرين الضغط ........

رابعا .........

خذي عجينتك .. وكاس مويه ... ونشابه ... وروحي جنب الضغط اقرب طاوله له .......

ابدأي بفررد العجينه بعد رش السطح بالمويه علشان ما تلزق وكثري مويه ....... رقي العجينه لا تخلينها سميكه ماتطلع حلوه حلاتها رقيقه مو غليظه بصير طعمها عجينه بالاكل .... وقطعيها بكاس علشان تكون عندك متساوية الاحجام وتعطي شكل حلووووووووو ..

وحطي اللي تخلصينها اول باول بالقدر مع التحريك بخفه بين كل كميه واللي بعدها كملي المقدار مع الحرص على عجن البقايا اول باول لاعادة استعمالها وكملي لحد ما تخلصين المقدار وهذا شكلها بعد ما خلصت ........

والحين ذوقي الملح واضبطيه زي ما تحبين و قفلي الضغط عليها ووطئ النار لأخر شئ وخليها ساعه كامله ......
وبعد الساعه ... افتحي عليها واضيفي م ك كمون واخرى فلفل اسود(احب طعمها يكون لاسع من الحراره) وحركيهم بخفه دوران على الاطراف بالملعقه وبالوسط بخفه علشان ما تقطعين المطازيز..........

والحين مطازيز جاهزه اقلبيها بصحن التقديم او بالحافظه ......... وهذ الصور لحقت الشغاله بالحوش علشان اصورها قبل لا يركبها زوجي بالسياره .........

الصور ........

وبالعافيه على كريشاتكم .........

[صـمـت الـوجـود]

ماشاءالله عليك مطازيز 100على 100 بس سؤال بقدر الضغط ماتنخبص الدنيا احسها صعبه عالمطازيز ,,

بقولك شيء اسهل من انك تفردين وتقصين بالكأس,, فيه آله كهربائيه تكوري العجينه وتصفي خمس ست كور وتضغطينها وترمينها بالقدر والله اسهل ,,,

ولو حبيتي توفير الوقت حنا نسويها بذي الأله ونفرزنها بعلب صغيره وبس ماعليك إلا تطعلينها من الفريز قبل بربع ساعه او 10 دقايق وترمينها بالقدر بعد ماطبختي المرق حقه,,


والف صحه وعافيه على قلوبكم ,,

[Dina]

ياناس قلت لكم هذي صقيقتي ام فهودي مره سنعه

ما شاء الله تبارك الرحمن

مع اني ما احب المطازيز

بس شكله لذيذ

الا قولوا لي الفرق ما بين المطازيز والمرقوق احسه كله مثل بعض ولا انا غلطانه >>>> لا تاكل لا ذا ولا ذا

تحب الجريش

تسلم يدينك يا عسل

[ليتـــــ طفله ــــني]

المشاركة الأصلية كتبت بواسطة صـمـت الـوجـود

ماشاءالله عليك مطازيز 100على 100 بس سؤال بقدر الضغط ماتنخبص الدنيا احسها صعبه عالمطازيز ,,

بقولك شيء اسهل من انك تفردين وتقصين بالكأس,, فيه آله كهربائيه تكوري العجينه وتصفي خمس ست كور وتضغطينها وترمينها بالقدر والله اسهل ,,,

ولو حبيتي توفير الوقت حنا نسويها بذي الأله ونفرزنها بعلب صغيره وبس ماعليك إلا تطعلينها من الفريز قبل بربع ساعه او 10 دقايق وترمينها بالقدر بعد ماطبختي المرق حقه,,


والف صحه وعافيه على قلوبكم ,,

هلا والله صموته ........ تسلمين ياقلبي على مرورك وردك الاروع ... وبالنسبه للطريقه بالتقطيع صادقه الاله اسل بس موعندي واما الطريقه الثانيه اعرفها ياقلبي بس احب الطازززززززج احسه الذ ولا خالتي ام زوجي ياحبي لها ترسل لي من اللي تجمده بس اسويه اذا كنت بسويه لنا بالبيت او مافيه احد بس اذا بسويه لا احد ولا عندي ضيوف لا احب انا اسويه طازج احس طعمه احلى والذ .......... وتشكرات
ياحلوه .......

المشاركة الأصلية كتبت بواسطة أم طلال و لين

ياناس قلت لكم هذي صقيقتي ام فهودي مره سنعه

ما شاء الله تبارك الرحمن

مع اني ما احب المطازيز

بس شكله لذيذ

الا قولوا لي الفرق ما بين المطازيز والمرقوق احسه كله مثل بعض ولا انا غلطانه >>>> لا تاكل لا ذا ولا ذا

تحب الجريش

تسلم يدينك يا عسل

هلا والله بالغاليه ام طلووووو ...
ياحبي لك تسلمين على مدحك وماعليك زود ياقمر ......
والفرق انا اللي اعرفه تقريبا هما نفس الشئ بس المطازيز تكون اغلظ لانها حبات من اول كانوا يمثلون العجينه وتبدا هي تطززها بيدها حبه حبه اما المرقوق لا ترق العجينه دائره وتشيلها وتحطها القدر وتخليها بس شوي يتغير لونها وتقطعها بسكينه على شكل زائد وهي بالقدر ويالله ترق وتحط وتقطع لحد ما تخلص واذا جلس على النار تصير شبه مهروسه العجينه مالها ملامح عكس المطازيز تجيك اغلظ منها واشكالها دوائر واضحه وهذا الفرق تقريبا شكلي وبالطعم فيه فرق بسيط بالطعم ........... وفيه ناس تغير بالخضار المضافه لكل نوع ....... وان شاء الله يكون وضح الفرق البسيط اللي بينهم ......

[السفيرة]

ماشاء الله عليك

الله يجزاك الف خير
ويوفقك دنيا واخرة

[! اوروبية الهوى !]

اخس يالمطازيز

والله تصدقين ياام فهودي كنت احسب ان الشغله طووووووووووووووويله


اثاريني ماعندك احد


مره سهل و .. " .. مستوى ثقله .. " .. يهبل ماشاءالله عليك



لا لا ابداااع صراحه

والله مره ماتدرين وش كثر كنت مستصعبته

ياعمري ياميمتي كل ماتقولي تعالي يابنيتي اعلمك ياه مايبي شئ

وانا اتمرد واقول والله يمه شغلته طووويله ولا لي حيلها


<== ترى من جد ضاق صدري من غبائي

طيب كان شفت وبعدين احكم صعب والا لا

<== ماكن طولتي الخط اليوم خخخخخخخخخخخخخخخخخخخخخخ


يلا ياقلبي سلام

وكثر خيرك ع التنوره والفسطان والسي دي طلع خربان <== برى يا .. " .. آورو .. " ..

[kteeer_nice]

تسلم ايدينج



ولا مره ذقته ، بس شكله يشههههي ماشالله



عليكم بالعافيه ^_^

[الثلج الدافي]

تسلم الايادي ام فهودي,,,
ماشاء الله مشهي,,,

[قلب نقي]

الله يعطيك العافيه

ذكرتيني بالمرقوق يمممممييي

[ليتـــــ طفله ــــني]

المشاركة الأصلية كتبت بواسطة ! اوروبية الهوى !

اخس يالمطازيز

والله تصدقين ياام فهودي كنت احسب ان الشغله طووووووووووووووويله


اثاريني ماعندك احد


مره سهل و .. " .. مستوى ثقله .. " .. يهبل ماشاءالله عليك



لا لا ابداااع صراحه

والله مره ماتدرين وش كثر كنت مستصعبته

ياعمري ياميمتي كل ماتقولي تعالي يابنيتي اعلمك ياه مايبي شئ

وانا اتمرد واقول والله يمه شغلته طووويله ولا لي حيلها


<== ترى من جد ضاق صدري من غبائي

طيب كان شفت وبعدين احكم صعب والا لا

<== ماكن طولتي الخط اليوم خخخخخخخخخخخخخخخخخخخخخخ


يلا ياقلبي سلام

وكثر خيرك ع التنوره والفسطان والسي دي طلع خربان <== برى يا .. " .. آورو .. " ..

هلا اورو .....
حياك ياقمر وياشين العجله كان شفتي اول وبعدين حكمتي هو سهل بس ياخذ وقت خصوصا اذا بتسوين كميه كبيره بس اذا كميه بسيطه لا شغلته سهله مرررره .....

وتسلمين ياقلبي ...... التنوره والفسطان من ذوقك بس انا كسرت ترددك فيهم والتنوره كلمي المصممه قولي لها عن السي دي تغيره لك حرام عليها حتى لو تاخذينه بعد رمضان قهرررررررررر ............


................
والف الف شكر لكل وحده ردت علي ................