جديدي تغليف هدايــا تقليديه بسيطه جدا ...

[دلوعه عتيبه]

مرحبا صبايا وحريم شمواه ..

الله زمان مانزلت لكم شئ من خرابيطي .. ( هم يسمونها اعمالي الفنيه )

اليوم جاء على بالي اوريكم تزيين بسيط لبعض الهدايا البسيطه شئ ماهو مكلف ولا هو غالي الثمن ..

تعرفون بالسوق وخاصه محلات ادوات التجميل البسيطه وممكن الماركه زي نكتار وبودي شوب وزهور الريف

تجيكم سبتات مغلفه وجاهزه وغالبا تكون روائحها ماهي ذيك الفخامه ولاهي تسطل من يشمها ..

ممكن تشمون فراوله .. نكتار .. زهور .. خوخ .. اي شئ فواكـــه & زهورات ..

هذي البدي شوب يشترونها للإستعمال الشخصي او تهدينها وحده خرطي مالك فيها ذيك العلاقه..

( من سنتين ثلاث صرت اشوفها هي اكثر شئ يهدونه للعرايس .. كانها بتقعد طول عمرها وهي تصب وتفرك خخخخخخخ.. راحت ايام الذهب والعلوم الزينه .. )

بالنسبه لسعرها جدا معقول من 200للحجم الوسط وانتي نازله .. وغير الماركه اغلى شئ وان طقتها عمى الغلا بتكون ب120 ونازل

يعني اللي مزنوقه .. تشتري .. اللي عندها عروس وماتحبها وحاقده عليها لاتجيب لها هديه غاليه تشتري من هذي والسلام .. ( نعمه هههههه )

ويالله نبدأ بالجد وخلكم من هذرتي اللي على غير سنع تحسون منها اني بخيله او وحده فيها نذاله .

ايه ايه صح نسيت اقولكم .. انا اشتريت هالبدي شووب من محل اسمه نور

( ياحليله يبيع شغلات جونان وريحتها تهبل ) وسعره خطيرررررر .. وكانت الحركات لناس يعني مالي فيهم علاقه بس عاد امهاتهم يمونون على امي .. ( شيكا ودي لو شريت لفلانه وقتها زي كذا ههههههههههههههههه)

سعرهم من 85 ريال الكبيره والوسط .. بـ70 ..

وهذي هي صورهم ..

والثاني ..

والثالث ..

طبعا هي كلها تقريبا نفس المحتويات .. بس تختلف من ناحيه الروائح وعددالقطع .. ونوع السبت اللي تكون فيه ..

خلاص خلصت المقدمه ( لووووووووووووول ) كل هذي مقدمه يادلوعه ..

[دلوعه عتيبه]

هالحين اشترينا هالسبتات وخلصنا .. بس الشطوره اللي تضيف لها شوي حركات مو تودينها محل يغلفها لك ..
بتطلع عليك قيمه التغليف بقيمه السله نفسها .. الشغله يبيلها بس نقزه لمحلات ابو ريالين ..

وهناك بتلاقين عالم من ادوات التغليف وسعرها رخيص مررررره .. اخذي اللي تحتاجينه ..

وحسب الوان السله واللي فيها وممكن تبدعين انتي بذوقــك ..

( خربطوا زي ماتبون مو قلنا نبي نهديها ناس ماتمون علينا هع هع )

نجي للسله الأولى بدأت فيها لونها حلو وشكلها يساعد انك تضيفين لها ..

نحتاج لمجموعه من :

زي مانتوا شايفين ( شيفونات .. مقص .. غراء مسدس .. وردات ملونه .. شرايط ساتان .. كرستال صغير .. وكاني جبت فرو بس مااستعملته .. )

بسم الله نبدأ بالسله الورديه ..

ناخذ الشيفون ونقص منه اللي نحتاجه .. تقريبا نص متر يكفي ويزيد منه نتفه ..

نسويه كسر صغيره جنب بعض زي كذا ..

بعدها نجيب السله ونحطها بالوسط .. ونرفع الشيفون ونسوي عقده ( نربط راسها يوجعها ههههه)

هنا ممكن تحولين العقده لشكل ورده بس بشوي غرا .. تشوفونه واضح .. وبعدها نجيب شريطه .. ونلفها

ونجيب ورده تناسب الشريطه .. ونثبتها فوقها ..

ونحاول نغير بشكل الشريطه اللي نازله .. انا اخترت اني اسويها كيرلي لفي وثبتي او تخليها مفتوحه ..

زوووم ..

وهنا شكلها جاهز بس حطوا لها كرت ..

ولا تنسون تقولون ماشاء الله (( اقول طسي هههههههههههه)

[دلوعه عتيبه]

وهالحين نروح للهديتين الثانيات .. تقريبا نفس الشكل الساابق بس غيرت الوانها ..

نقص الشيفون .. نص متر لكل سله ..

ثم نربطهم ..

سوي فيونكه بالشريطه .. ونثبت عليها وردات لماعه .. تبرق ( نطقم مع دبش العرايس )

ونلف الشريطه .. من ورى ..

واللي يبقى نجيبه من قدام ونثبته زي هالشكل

وهذا شكل ورده السله الثالثه ..

وهنا شكلهم مع بعض .. لافرق الله شملهم ويازين دلوعه بينهم ..

وكمان

وبكذا نكون خلصنا موضوعنا .. ترى فيه هديه رابعه ههههه بس ماني مسويه فيها شئ خلاص تعبت هي حلاوه كلهم نزين لهم !!

والى اللقاء ونراكم في موضوع اخر قريبا باذن الله .. واتمنى فعلا يكون عجبكم ولو انه احس من الطفش

قمت استهبل عليهم ..



ولا تحرموني مشاركتكم وانتقاادكم ..

[الاسيرة]

ماشآء الله تبآرك الله
سلمت يمينك ياعسل أفكارك حلوة وسهله
يسعدك ربي على الموضوع البطل
جآية الصيفية ومنآسبتهآ الي ماتخلص
الله يعينآ بس

[مكاوية مووووت]

ماشاء الله تبارك الرحمن

تسلم الايادي ياعسل من جد وفرتي واختصرتي شكلي باجيكي تغلفي لي كم هدية يابنت

الله يعطيكي العافية ويحميكي

[*& الجوهرة &*]

ههههههههههههههههه

والله اذا كان هذا هو الاستهبال يا زينه زيناه
والله ماشاء الله عليك بيضتي وجه امك بذا الهدايا الزينه

والى اللقاء ونراك في موضوع جديد قريبا ان شاء الله لا تبطييييييييين ..........النص مقتبس من حضرتكم

على فكرة افكارك بعد تنفع في المدارس بعد ..........وحدة تعاني من هدايا بناتها في المدرسه

[عطور فرنسيـﮧ]

شغل حلو ومرتب دلوعه ..

حبيت حركة الزّم في التغليفه الورديه .. لانه جاي من الجوانب طالع رهيب

اهم شي تنفع للناس اللي مايمونون هههههههههههههه وبزياده عليهم

[chica en el amor]

ماشالله عليك اشتقنا لـ أعمالك الفنية اللي تحسسني اني انسانة كسولة واتكالية ههههههههههه ،،،

تصدقين أنا ما احس هالهدية رخيصة بالنسبة للكل ، يعني والله مره بنت من أهل زوجي قبل لا نتزوج ، هي وزوجها على قد حالهم ، وجابت لي بـ عزيمة سلة عطور ، حبيتها وحسيتها متعنية وووو حبيتها كثير واحترمتها

يعني كلن واللي يقدر عليه أهم شي انها فكرت تجيب شي ،،،

ولووووووول عاللي بين القوسين ،،، كان جبتي لها السلة فاضية وكثير بعد P:

حبيت الألوان أحس الريحة حلوة

التغليف ماشالله عليك ،،، اتخيل نفسي وانا اربط ، اخاف اربط اصبعي بالغلط بالهدية P:

عموما انا ماحب اللي يلمع ،،، يعني لو باختار لك ، باختار شي ما يلمع ، والربطات والحركات اللي فوق ، بعد احب السادة ،،،
بس النتيجة النهائية طالعة شــــي

تسلم ايدينك و عليهم بالعافية اللي اهديتيهم ،،،

حلوة سوالفك حبيت الموضوع عفوي

[الوردة الخجولة]

خخخخخخخ ياحبيلك يادلوعه على هالتعليق <<بس مايشفون موضوعك راعين الهديه

مره شغل مرتب وحلو مشاء الله .. يعطيك العافية.

[P A R I S]

دلوعه ياخطييييييرهَ انتيَ
اجل هديه لناس اللي ماتمونين عليهمَ
وش رايك بس تنزلين موضوع عنهم :$
يعني افكار هدايا للي ماتمونين او حاقده عليهمَ
«« آآآآوت

لا تبين الجدَ تغليفك اعطاها غير شكلَ
اخاف تخق البنت عقلها معكَ :$

وتراني حركات زيكَ ، اروح ابوي ريالين وقش نص المحل
واذا رحت البيت ركنتهم ع جنب « بلاوي بعيد عنكَ

يسلم يدينك ياربَ