يوم الجمعه اللي راحت

[نوفي]

سلاآآآآم صبايا

أخباركم ياحلوات

والله اني مستحيه منكم حيييييييييل

لأني عضوه نايمه و ماعندي مواضيع

و عشان كذا ياطويلات العمر

كان عندنا عزيمة عشاء يوم الجمعة 4 شعبان

وقلت يابنت ليش ما تسوين تقرير عنها

و تصورين الحلويات اللي سويتوها

و البوفيه و تنزلينه بالمنتدى

وتصيرين عضوه سنعه



بسم الله أبدا


خلوني أول شي أتكلم عن التحضيرات و البروتوكولات لعزايمنا

هالعزيمه خذت لها حول الشهر تقريبا تفكير بس >> لاحظوا تفكير فقط ماسوينا شي

لكن التجهيز الفعلي لها أخذ تقريبا أسبوع

على بال ما حددنا وش نحط مع القهوه من حلويات ونجيب أغراضها

((( وهنا أحب أقول لكم شكرا ياأحلى منتدى لأنكم ساعدتوني في طريقة عمل كم نوع من الحلويات ونوع سلطة )))

و على بال ما حددنا من وين نختار البوفيه ووش نطلب كماااان من أكلات بالضبط

وعلى بال ماخططنا لسير العزيمه و..و..و...خرابيط كثيره راح تعرفونها بها التقرير

طبعا العزايم عندنا >> بالسعودية << أول شي يقدم فيها المويه و العصيرات

بعدها القهوه مع التمر و حلويات القهوه و الشوكولاتات و بعدها الشاهي مع خرابيط الشاهي من فطاير و شعبيات و غيره

وبعدها العشاء اللي انت معزوم عليه و المفروض انك تاكله لكن بعد كل هالمقدمات اللي قبل

تكون انت شبعت و المعده تكون امتلأت على الآخر ,,, اللهم لك الحمد

مع العلم إن في الدول الأجنبية إذا عزموك على عشاء تجي و تتعشى وبس

أما إذا انعزمت على قهوه تجي تتقهوى وبس

ما فيه خرابيط ثانية

أنا ما أبي نصير مثلهم بخلاء و اقتصاديين بالحيل اللهم لك الحمد

و كمان ,,, ما أبي يروح معنى العزيمة اللي هو الاجتماع والتواصل و نكون مسرفين و متكلفين

وكل واحد يتباهى و يحاول يكون الأفضل من ناحيه كثرة الأطباق و تنوعها

و دائما يقولون قمة السعادة في البساطة >> قمت اتفلسف عليكم

ما علينا من هالمقارنات موب موضوعنا

المهم ,,,,

من باب اننا عازمين على العشاء

و من باب اننا نبي المعازيم يتعشون من عشانا اللي جهزناه

قررنا الآتي ,,,

ماراح نقدم عصير في البدايه عشان ما يغتثون و اكتفينا بالماء

هذا ولدي يرحب بكم في المجلس





و يوم اكتمل العدد تقريبا بدينا بصب القهوه و توزيع الحلى

بالنسبه للحلى

كان فيه 6 أنواع حلى

4 أنواع احنا سويناها و 2 من بنات خالتي الله يسلمهم





أول واحد هو حلى البخور

و هذي الصور لكم




وهذي طريقته

المقادير ,,,

ربع اصبع زبده سايحه

كيس شعيريه باكستانيه مكسره

نص علبه كبيره حليب مركز((نستله))

كاس ونص بسكوت الاوريو الاسود ((مطحون))

نصف كاس بسكوت الاوريو مطحون(( للتغطيه))


الطريقة :

تحمس الشعيرية بالزبدة حتى تشقر ثم تسقى بحليب النستلة

نقلب الخليط جيدا حتى يتجانس ثم نضيف الاوريو المطحون

ثم نكوره على هيئه المعمول " إذا كان طري نقوم باضافة بسكوت الأوريو المطحون إلى أن يمكننا تكويره "

" أما إذا كان قاسي نقوم بإضافة حليب النستلة إلى أن نحصل على المطلوب بحيث يمكن عمل دوائر بدون أن يلين و يتغير شكلها "

وندحرج الكور بالأوريو المطحون للتغطيه

ثم يُصف بمدخن أو صندوق أو كرستاله زي ما سوينا .



ثاني حلى

كان من صنع ايدي

و أخذته من أحلى منتدى

وبالضبط من الأخت feresia20

ألا وهو كب كيك الأوريو

مشكوووووووره أوي حبيبتي الحلى جنااااااان الكل معجب فيه

وهذي صور له وكيف قدمته بالصينية و كيف كان شكله








و هذي قطعه لكم




هذا رابط طريقة كب كيك الأوريو لــلأخت feresia20

http://www.shamoa.com/vb/showthread.php?t=22120




الحلى الثالث

حلى الدايجستيف

بسكويت دايجستيف

وهذي صورة البسكوت للي مايعرف شكله




نضعه في القوالب الخاصه اسمها القوالب البلاستيكية الذهبية وهذي صورها







يابنات الرياض ترى تلقونها في محل ياسلام أو محل الهزازي

" حاولي يكون حجم البسكوت مناسب لحجم القالب "

الخطوة الثانية

نقوم بخلط ملعقة صغيرة نسكافه مع ربع كاس مويه ثم تمسح على البسكويت


بعد ذلك نضع المقادير التالية في الخلاط :

4 أصابع تويكس
2مارس صغير
3 جبن كيري
ظرف دريم ويب
1 علبة قشطة
6 حبات بسكويت شاهي
ملعقة صغيرة كاكاو بودره
شوي نسكافه


ثم تصب الخلطة السابقة على بسكويت الدايجيسيف بواسطه ملعقه

ثم يزين بجالكسي مبشور

ويقدم مع ملاعق صغيرة

وهذي صور للحلى في النهاية









الحلى الرابع

حلى كريات الشوكولاته

وهذا شكله






هنا شكله بالصينيه معه نوع ثاني






طريقة صنع الحلى

المقادير :

أ -
باكيت بسكوت شاهي مطحون
نصف علبة حليب مركز محلى
2 ملعقة كاكاو بودره

ب -
شوكولاته مالتيزرز
هيرشي " شراب الشوكولاته "


طريقة العمل :
تعجن مقادير أ و إذا أحسست أنها ناشفه يضاف لها ملعقة قشطة
ثم تكور كورا صغيره و توضع في ورق مكسر
يعمل في كل كره حفره في الوسط بواسطة الضغط بالإصبع
ثم نضع في هذه الحفره الصغيرة نقطة من الهيرشي
ثم نضع كرة الشوكولاته المالتيزرز



الحلى الخامس

حلى الشعيريه الباكستانيه بالسنكرس

وهذا شكله






وهنا طريقة تقديمه بالصينية مع حلى كريات الشوكولاته







الحلى عبارة عن

1 كيس شعيرية باكستانية مكسر و محموس بربع اصبع زبده حتى تكتسب اللون الأشقر ,
نصب حليب نستلة على الشعرية ونخلط حتى تصبح متماسكة كالعجينة ..
قطعي سنكرس قطع صغيره
وكوري بيدك من الخليط و ضعي داخلها قطعة صغيره من السنكرس ..

نضع في الخلاط :

6 حبات جبن كيري
علبة حليب نستله ..

ونخلطها حتى تتجانس ..
اغمسي الكور بالخلطة ..
وضعيها في أوراق البيلسيه
وزينيها بخطوط من الهيرشي




النوع السادس من حلويات القهوة

أحلى و أرقى و أفخم حلى

اسمه الحلى الفخم

و هذي صورته








طريقة عمله

المقادير:

2علبة كيك بالشكولاتة
4 علب قشطة
2 ظرف دريم ويب
علبة صغيرة حليب نستلة المحلى
2 جالكسي ( يسيح في حمام مائي )
15 حبة بسكوت شاهي بالشكولاتة مطحون ناعم " بسكوت جوزاء .. مثلاً "
علبة وربع بسكويت الشاي أولكر مطحون ناعم



طريقة التحضير :

الطبقة الأولى

يقطع الكيك الى شرائح سمكها 2/1 1 سم ويصف في صينية ذات قاعدة متحركة


الطبقة الثانية

في خلاط الكأس نضع

2 قشطة
2 جالكسي
1 ظرف دريم ويب
ويخلط الجميع جيدا
ثم يصب على البسكوت الشكولاته المطحون وتخلط المقادير في خلاط الكيك
ويصب على الكيك ويدخل الفريزر لمدة ساعة ...


الطبقة الثالثة :

يخلط في الخلاط :

2 قشطة
1 ظرف دريم ويب
النستلة
ثم يصب الخليط على بسكويت أولكر ويخلط الجميع جيداً ثم
يصب على الطبقة الثانية ...
يساوى سطح القالب ويصب عليه قليل من صوص الهرشي .

يدخل القالب الى الثلاجة ويترك الى الغد ....
وعند التقديم يمكن أن يقطع الحلى بشكل دائري حتى تظهر الطبقات بشكل جذاب
ويزين بحبات المالتيزرز



وبهذا يكون انتهى الجزء الأول من العزيمه اللي هو القهوه و الحلويات

بعدها قدمنا الشاهي و النعناع فقط بدون أي مرافقين من معجنات أو غيره






يتبـ ـ ـ ـع

[نوفي]

وبعدها بفتره قليله انتهينا من وضع اللمسات الأخيره على العشاء

وقامت الوالده تدعو الجميع للدخول إلى صالة الطعام

الآن راح يجي دور العشاء

كنا مستعدين من الليله اللي قبل ورتبنا الطاولات

و الصوره هنا أبلغ من الكلام







و في وقت الظهر جانا اتصال من المطعم انهم راح يجون يرتبون

طاوله البوفيه و هذي صوره لها قبل كل الاضافات









طبعا قررنا ان البوفيه راح يكون من مطعم أسماك النافورة





وكانت طلباتنا من المطعم كالآتي ,,,

2 صحن فتوش

2 صحن سلطه يونانيه

2 صحن ورق عنب

2 صحن مقليات ( سمبوسه و سبرنق رول )

2 صحن فطاير مشكله

1 سخان سمك بالكريمه و الفطر

1 سخان كفته دجاج بالبطاطس

1 سخان مشويات مشكله

1 سخان محشي كوسه + باذنجان

1 سخان خضار مشكله مسلوقه

و بنت خالتي جعلها تسلم جابت صحن كبه



وهذي صور متفرقه للبوفيه



























ولا تخلو العزايم من أهم وجبه >>> اللي هي الرز و اللحم

فكان ضمن العشاء صحن رز مع نصف ذبيحة

و خالتي الله يطول بعمرها عملت حافظة هريس




و زوجة ولد خالتي يالبى قلبها جابت معها صينيه ورق عنب روعه و شكل الصينيه جناااان




وحنا زدنا من عندنا نوعين سلطة وكلها من صنع ايدي

ألا وهي

سلطة الدريتوس للأخت عروسه

و مشكوره حبيبتي جدا على هذا النوع الرائع

وهذي صورتها في النهايه





وهنا حطيت لكم الرابط

للي حاب يعملها

http://www.shamoa.com/vb/showthread.php?t=8550





و النوع الثاني من السلطه اللي عملته

سلطة الصنوبر

هذي السلطه فكرتها انها بأكواب وانها تزين بصنوبر محمر

وإذا ودك تسوينها بطبق واحد ممكن عادي بس زي ماقلت بأكواب أحلى

طبعا تجهزين أول شي التتبيله

وهي خليط من ,,,,

ملعقتين من الصلصه الفرنسيه " اللي لونها برتقالي "
كوب وزياده تقريبا من صلصه السيزر " اللي لونها بيضاء "
مع عصير نصف ليمونه



وتصيرين مجهزه المكونات التاليه كل مكون على حده

علبة ذره >> مغسوله طبعا و نتبلها بشوي ملح
علبة فاصوليا حمراء >> مغسوله طبعا و نتبلها بشوي ملح
علبة حمص حب >> مغسول و متبل بشوي ملح
مخلل خيار مقطع نصف دائره
خيار مقطع نصف دائره
خس مقطع صغار
صنوبر محمر

بعدها تجيبين الكوب أو طبق التقديم

وتحطين أول طبقه ملعقه ذره
بعدين مقدار ملعقه من التتبيله

ط2 : ملعقه الفاصوليا الحمرا
بعدين مقدار ملعقهمن التتبيله

ط3 : ملعقه حمص
بعدين مقدار ملعقه من التتبيله

ط4 : شوي مخلل خيار
بعدين مقدار ملعقه من التتبيله

ط5 : شوي خس
بعدين مقدار ملعقه من التتبيله

ط6 : شوي خيار
بعدين مقدار ملعقه من التتبيله

ويزين نهائيا بالصنوبر المحمر

وهكذا مع كل الكاسات أو الأطباق إلى أن تنتهي الكميه

وهنا الصورة النهائيه لها





وهنا طريقة ترتيبها ضمن البوفيه





يتـ ـ ـ ـع

[نوفي]

وما ننسى الفاكهة و المشروبات

هذي صورها









هذا شكل للفاكهه قبل ما نحط المشروبااااات




جاء ألحين دور

حلويات السفره

تقريبا عددها 8 صياني

وهذا ترتيبها بشكل عام













و هذا توضيح مفصل للحلويات

فيه تورتتين من سعد الدين جابتها زوجة ولد خالتي









حلى النسكافه






طريقته

نحضر صينيه بايريكس مستطيله

ط1 : نصف بسكويت الشاهي في الصينيه بعد تغميسه بالحليب


ط2 : يوضع بالخلاط

4 قشطة
4 ظروف دريم ويب
4 ظروف كريم كراميل
7 حبات بسكويت

يصب نصف الكميه فوق البسكويت

ثم بعدها يصف طبقة بسكويت شاهي

ثم نقوم بخلط ملعقة نسكافه مع بقية الخليط السابق , ثم يصب فوق البسكويت

ويرش بشوكولاته فلك بالنهايه





تشيز كيك بالفرن

من صنع ايدي








مقادير التشيز كيك و طريقتها


الطبقه الأولى

ا باكيت بسكوت شاهي مطحون
قالب زبده طريه 100 غرام
ملعقه كبيره سكر باودر

تعجن الطبقه الأولى مع بعض وترص في قاع صينية متحركه


الطبقة الثانية

في الخلاط نضع المقادير التالية :

2جبن فيلادلفيا 200 غرام
3 بيضات
2 ملعقة كبيره دقيق
ثلث كوب سكر
1 علبة قشطة
رشة ملح
ملعقة صغيرة فانيلا


بعد ذلك تصب الطبقة الثانية على الطبقة الأولى

ثم تخبز في الفرن " من أسفل فقط " تقريبا لمدة 45 دقيقة حتى تتماسك ( تختبر بالعود )

تبرد بالثلاجة

بعدما تبرد و قبل التقديم ,,, تزين بـ ( الباي فيلينق التوت الأزرق أو الكرز أو الفراوله )

أنا عملت صينيتين وحده زينتها بالتوت الأزرق والثانيه فراوله

من خلال تجربتي و بشهادة الكل التوت الأزرق أحلى و أطعم من الفراوله




حلى التراميسو الإيطالي





عملنا منه صينيتين

هذا الحلى عباره عن عدة طبقات


الطبقه الأولى

نضع في صينيه بايريكس كيك سويسرول بالشوكولاته مقطع شرائح


الطبقة الثانية

نضع بالخلاط المقادير التالية :

1 ظرف كريم كراميل
علبة قشطة
2 ظرف دريم ويب
كوب حليب بارد
1 علبة جبن فيلادلفيا 200 غرام

بعد ذلك تصب فوق الكيك و تبرد في الثلاجة


الطبقه الثالثة :

نصف بسكويت شاهي فوق الطبقة السابقة

ثم يشرب بخليط النسكافه

مكوناته
" نذوب ملعقة صغيره نسكافه مع فنجان سكر بكوب ماء دافئ "


الطبقة الرابعة

نضع في حمام مائي المقادير الآتيه :

5 حبات جالكسي ساده أبو ريالين
1 علبة قشطة
2 ملعقة كبيرة جبن فيلادلفيا

بعدما تذوب وتتمازج مع بعضها البعض تصب على الوجه

ثم تبرد بالثلاجه ثم تقطع




حلى عشاء للأخت روح فانيلا

من صنع ايدي >> بس خرب شوي لأن الآيس كريم ذاب






ومشكووووره يا روح الفانيلا على الوصفه

وهذا الرابط للي حاب يجربه

http://www.shamoa.com/vb/showthread.php?t=5671


وبعد العشاء

جهزنا طاوله فيها مناديل معطره و علوك و بعض العطورات

و حلاو و بعض الشموع




وبعد العشاء بوقت قدمنا لهم كابتشينو








و بعدها شغلنا المسجل و ردحنا شوي و بعدين تفرقنا

والحمد لله انتهت العزيمه بسلاااااااام

يله ياحلوات أنا دوري هنا خلص و قلت لكم كل حاجه

ويجي الحين دوركم

ولا تنسون التقييم

[شهـوده]

ماشاء الله تبآرك الله ايش أقول وأيش أخلي

ترتيب ونظافه وشغل يفتح النفس

حبيت حلويات القهوه ..

والبوفيه حكاية ثانية

الحلا رووعه

ترتيب الطاولات

واللي زاد الموضوع حلاوة على حلاوته .. ولدك اسم الله يحميه ماشاء الله يقطر عسل الله يحفظه

تستاهلي أحلى تقييم ~

[C H E E R Y]

ماشاء الله .. تبارك الرحمن

موضوع رآئع نوفي .... بعد طول كسسل !!

التقديمات .. والحلويات .. البوفيه .. كله على بعضه روعة وَ مرتب
ماشاء الله عليكم .. التنظيم له دور اساسي ..
وانتوا ماشاء الله طبختوا الفكرة لمدة شهر

ويادلبووو اللي يرحب .. الله يخليه لك يارب



الله يديم عليكم الجمعات والفرحة يارب

[نور الرياض]

ماشاء الله تبارك الله ..

؛

صراحة هذه اللي ينقال عنها عزيمة تبيض الوجه عن حق .

وولدك بسم الله عليه كاشخ بالثوب وازيناه ماشاء الله ..

اما بالنسبه لحلا القهوة
احلى حلى عجبني الحلا الفخم صراحة واضح انه متعوب عليه وحلى البخور فكرته جديدة شوي .

البوفيه
من اول ماقلتي انه من اسماك النافورة عرفت انكم ماشين بالخط السليم شكل نظيف واكل يفتح النفس.
وحلا العشاء صراحة مبينه فخامة راعينها ..
خاصة التشيز كيك ..

اهم شي الردح والرقص << ودها ترقص

المكان حدث ولاحرج صراحة شغل صح ..

لك احلى تقيييم


نسيت اقولك قولي لأمك:
( كثر الله خيركم )

[أميرهـ الورد..!]

وعليكم السلآآم ...


هلا والله وغلا ..


صرااحة ..


ما أدري وش أقول


بس


وش ذا التقرير اللي يفتح النفس






وه بس الدمييل منوور


ما شا الله

الله يخليه لك .. ..






وبالعافيه على قلوبكم ..!

[ضيـ و فيـ]

لاحولا ولا قوووة الا بالله

ومااااااااااشاء الله تبااااااااااااااارك الرحمن

عيني عليك باردة يانووفي

وش اقووول وش ااحكي بصراااحه

منتهى الفخاامة والانااااقة والنظااافه والاتكييييييييييييييت

بصرااحة عزيمة ملكي مواي شي

من البداية من استقبال الولد الوسيم عسى الله يحفظه لك

لحد الميز (البوفية) كل شي فخم ومرتب ومبين متعووووووب عليه

عسى الله يبارك لك ويتمم عليك صحتك وعاافيتك ويحميك من العين

بصراحة فكرة سلة ورق العنب خقـقااااااااااااااااااااااااااان فكرتها جوناااااااااااااان

وتلفت الانتباااه وبصراحة كله كله على بعضة خطيررر

ولك احلى تقيم وربي تستاهلي

مع ودي

ضي

[¨°o.O (shifon ) O.o°]

’’

مآشآء الله تبآرك الله ,,

الله يديم عليكم الجمعة والمحبة ,,

تخطيطكم للحفل ,, من حلى تقديم وتنسيق طاولات وأختيار البوفية وكل شي تقريباً كآن موفق ومتعوب علية ,,

بالعآفية على قلوبكم ,,

’’

[ehsass]

الله .. وش هالزين وهالحلاة ماشاء الله تبارك الله

اللهم صلي عالنبي

واضح ان المناسبه كبيرة ,, مو اي كلام <<< عرق اللقافه هههههههههه


عليكم بالعافيه ياقلبي ,, بس ياليتك كتبتي اسم منتدى شمواه على الصور