فطاير هشه ولذيذه * البوريك* من يدين دمــ ع ــة ,, تم إضافة صوره كوب مقياس العجينه.

دمــ ع ــة · 26-07-2010

مساء الخير حبيباتي

كيفكم اليووم ..؟؟

هذا ثالث موضوع لي>>كل ماكتبت موضوع بتعده لكم الى ماتوصل 100 >>لعد تستخفين دمك
البوريك ياطويلات العمر عباره عن عجينه فطاير يكون زي الطبقات
وتكون طبقاته هشه يعني اقرب شي له البف باستري
بس الذ بكثييييير يعني تحسي انك احسن طباخه اذا سويتيه وشفتي الطبقات الهشه والكل يسالك من ويين..؟؟
وبعضهم تحسبك ماتكلفتي وانك مسويه بف باستري يعني ماغير طلعتي البف من الفريز وحشيتيه ودخلتيه الفرن بس>>هذي النوعيه ودي اسوي بها كذا
ماتقدر التعب ولاعندها حاسه التذوق صح

يالله يالغاليات ان شاء الله تحمستوا بعد هالمقدمه ...

3 كاس دقيق
3 فنجال زيت
3 فنجال ماء
م - ك B p
م - ك سكر
ذره ملح

في زبديه حركي كل المقادير سواء ماعدا الدقيق
واذا اختلطوا زيين اضيفي الدقيق واعجني زيين
طبعا الكل عارف كل ماطولتي في العجن طلعت النتايج احسن والفطاير تضمنين نجاحها
بعدين غطي العجينه وخليها ترتاح ربع ساعه
قوام العجينه بيكون لليونه اقرب

بعدين اقسمي العجينه قسمين وافردي القسم الاول قد ماتقدرين
بعدين وزعي فوق العجينه نشاء لما يتغطى الوجه>>نسيت اصور هالمرحله
ثم لفيها رول وقطعيها زي السينابون بس قد اصبعين>>حتى يكون حجمها مناسب واذا تبغينها كبيره على راحتك بس ممكن تصير عباره عن عجين لماتستوي
ثم صفيها في صحن فيه زيت >>تقريبا يغطيها لربع او اكثر

وغطيها لمده ساعه او ساعه ونص
بعدين سوي حشوتك الي تبغين
انا سويت حشوه الاجبان اللي هي عباره عن..
علبه جبن تشدر كرفت مبشور
ربع جبنه نادك قليله الملح>>او اكثر من الربع بشوي
بقدونس مفروم
زيتون مفروم
بعدين سوي هييك

شوفوا كيف فردتها خليت الملتف على جنب >>مو على فوووق لا
وكل ماصر فردك للعجينه شفاف صارت احسن
وحطي حشوتك ولفيها زي السمبوسه
بعدين ادهنا والوجه بحليب>>وكل ماصار اثقل كل ماصارت اللمعه احلا
وحطي عالوجه سمسم او حبه سوداء
وعلى الفرن من تحت م حمريها من فوق

وهذي صوره اقرب مع وردتي الحلوه>>اللي بتشوفنها مع كل اطباقي وبتملون منها

وهذي من جوا شوفوا كيف الطبقات

وهذي مره سويتها بدقيق البر عشان خاطر عييون اصحاب السكر>>الوالده الله يحفظها
بس هي اساسا دسمه مشان هيك ماتنفع لهم بالبر او بالعادي
وطعمها بالدقيق الابيض احلا بكثيييييييييييييييييييييير من البر >>يعني لاتفكرون تجربونها

ان شاء الله موضوعي اعجبكم
الوصفه اخذتها من الغاليه لون المانجا الله يجزاها خيير ويخلي لها كل غالي

بس ملاحاظاتي عالطبق
اساس الوصفه اني اترك العجين في الزيت مده ربع ساعه بس طبعا اول مره طبقت نفس الكلام وماطلعت النتيجه اللي ترضيني
بعدين قريت لوحده انها تنقعها ليله كامله جربت نفس طريقتها بس برضوه مارضيت لاني حسيت ان الفطاير من جوا صايره زي العجين او شاربه زيييت>>للامانه مو كل الفطاير بس بعضهم
ثعدين جربت ان انقعهم من ساعه ونص الى ساعتييين وطلعت نتيجه خياليه

* يالغاليات اسفه كثيير ماصورت الاكواب اللي قست بها

دورت شي معرووف ومنتشر وكثيير وتلقونه بسهوله

هذا الكاس معروف احط بس ثلاث ارباعه
والبياله بياله بادريق >>>>معرووووفه
بعد احط ثلاث ارباعها

واذا عجنت العجينه يمكن اضيف ملعقتين دقيق بس

وبالعافيه عليكم مقدما>> هذا اذا عندكم نيه تطبقوون>>ماتلمح

ماري · 26-07-2010

روعه روعه روعه لملا نهايه ان شاء الله حجربها من زمان وانا ادور ع طريقتها لقيت لكن معقده جدا هذي سهله الله يسهل امورك كلها جزاكي الله خيرا

ام نواف · 26-07-2010

ماشاء الله شكلها يفتح النفس

بالعافيه عليكم عزيزتي

انامشكلتي فاشله بالعجائن ماتضبط معي ابد

تحياتي.

C H E E R Y · 26-07-2010

ماشاء الله .. تبارك الرحمن ..
لمن قريت المقدمة على بالي عجينة الكرواسان
اللي يجي يحط بين العجين شرائح الزبدة ..

بس فكرتك مختلفة كلياً .. لكنه مشبببعة بالزيت

والشكل شكله يمممي

»| A . R . T · 26-07-2010

H e l l o

{ ماشاء الله

دايم مآ آشوف مثل هاطبقات بالعجينة وكنت ابي اعرف كيف يسوونهآأ.!

موضوع مرتب وشغل نظيف ..

ابدعتي يآقلبي

تسلم يمينك~

B a y

Torquise · 26-07-2010

يم يم شهيتيني..أحسها تنفع كمان ع الصاج تطلع زي المشلتت

بس تصدقين غريبة مافيها نشا !! اذكر مرة شفت اسامة السيد سواها ورش نشا بين الطبقات وهو يفرد

اتوقع هذا اللي يخلي الطبقات هشة ومو متلبده بالزيت << مجرد تخمين

تحمست اجربها .. تسلم ايدك و يعطيك العافية يارب.

● S i ℓ e n t ● · 27-07-2010

.:.

عقبال ما توصل مواضيعك الـ 100 دامها بـ هالتميز والابداع ~

حبيت الفطائر .. وبـ أذن الله راح اجربها بـ رمضان الله يبلغنا صيامه وقيامه ..

موفقه .. وتسلم يمينك ,,

ترانيم التفاؤل · 27-07-2010

وبعضهم تحسبك ماتكلفتي وانك مسويه بف باستري يعني ماغير طلعتي البف من الفريز وحشيتيه ودخلتيه الفرن بس>>هذي النوعيه ودي اسوي بها كذا

ماتقدر التعب ولاعندها حاسه التذوق صح

غيرررررررة حريم ماعليك منها

\\

ماشاء الله شكل الفطائر يجنن , وتعجبني هذي الطريقه بس ماكنت اعرفها

والي محلي الموضووع زيادة وردتك

بجربها إن شاء الله يمكن أكبر بنظر اهلي وشوفوني طباخه

متشكره اوووي يافندم