دورررررتي الشهريه

[دكاء أنثي]

الدوره الشهريه:
مرحله بحياة كل أنتى كلنا نمرو بيها.وكل وحده فينا عندها برنامجها الخاص
للعينايه بنفها في الأيامات هادي بس عندي سوأل! هل كل أنتى تعرف الأضرار والمشاكل يلي تصيرلها لو أهملت نفسها في الفتره هادي؟
وقت الدورة الشهرية عند الكل .. تعب ,هم , نكد, ألم , وضيق ماله حد

متعارف عند الكل..

انه وقت الدورة أو قبلها أو أنثناءها أو بجميع الأوقات ..

تكون اعصابها متوترة و متضايقه و تجيها حالة بكاء غير طبيعيه وتحس بضيقه وتكره كل شيء.. و نفسيتها تكون اخي ومزاجها زيرو

>> انواع البكاء المفاجئ و ضيقة الخاطر بعدين تشرف الديدي هكي نقولولها عندنا في الحوش وصاحباتي كلنا مسمينها ديدي
ونعرف وان سبب هدا كله الديدي السعيده ههههه
[IMG][/IMG]
البرنامج
أولا غدائنا::
متلا دورتك 6 أيامات قسميهم معاي 3 مرحله أوله و3 مرحله تانيه
أول 3 أيام: اشربي مشروبات دافيه أهمها ويلي مجربتها القرفه تهبل يابنات تنزل الدوره أكرمكم الله وتنضف الرحم ياسلام عليها
النعناع حتي هوا تشربيه مغلي يهبل يسكن الألم ومررررريح هلبه
الزنجبيل حتي هوا مفيد ومريح هلبه ويسهل نزول الدوه زيي القرفه عني اني نخلط فيهم مع بعض القرفه والزنجبيل ونغلي ونشرب
فيه عشبه يقولولها الطرنجيه بنات خالتي يستعملو فيها ويشكرو فيها هلبه هلبه اني الحق عمري ما أستعملتها
وفيه هلبه أعشاب الحق كل وحده وشني تفضل المهم نكترو من المشروبات الساخنه....
3 أيامات الاخيره:
خودي تمرات طلعي قلوبهم فصصيهم يعني وحطيهم في الطنجره صبي عليهم شوية زيت زيتون ورشي عليهم زنجبيل وفلفل كحله وحب رشاد وعصديهم وأفطري بيهم علي الريق التلاته الأيام الأخيره(ملاحظه:حب الرشاد هلبه يقولو مش كويس للبنت غير المتزوجه توا احني تستعمل فيه ماما بس في حوشنا اني واختي لا نديرو نفس الطريقه بس من غير حب رشاد.المعلومه غير أكيده يابنات يلي تعرف حاجه تقوللنا احني سمعنا بيها وفيه ناس تقول صح وناس لا ).
مع طاسة حليب دافيه فيها زنجبيل وفلفل كحله الحق بنتها يع بس كويسه .
وهادو التمرات يلي بتديريهم تقدري تاخدي منهم مع العصر مع فنجان قهوتك المهم خودي منهم أكتر من مره في اليوم.
المشروبات البارده والغازات والماء المسقعه نوووووو ممنوع
الأكل اللزج زي الملوخيه والدلاع والشمام ابتعدي عليهم(اني الحاجات هادو مانحبهمش حتي في الأيامات العاديه)
الحوااااامض الليمون والبرتقال حتي هما لالالالالالالا ابتعدي عليهم بتاتا الأيامات هادو
[IMG][/IMG]
العادات التي ضروري نغيرها::
_المشي حفيانه علي الرخام والبورسلين والسيراميك لا المهم ردي بالك تمشي حفيانه البسي شخشير وشبشبك ديما في رجلك(بالنسبه للمتزوجات وحتي البنات جيبي شخيشيرات حلوات وفيهم فكره وألولانهم حلوه باش ماتحسي ان أخي عليك قاعده بشخشيرك ويع ومش مرتبه ولا نازكه)
_وحتي ماتقعمزيش في الأرض ولا علي البساط طول لازم علي حاجه
_ دفي نفسك كويس خصوصا نصك التحتي أحسن حاجه تديريها أكيد كلكم تعرفوها زي ما تأخدي في أندر وير خاصه لي ديدي(الديدي=الدوره الشهريه) خودي شورتات قطن يكون ستريتش بس مش هلبه ويكون لي تحت الركبه والبسيهم فوق الأندر وير هادوكا الأيامات
_القربه أكيد كلكم تعرفوها خودي وحده من الصيدليه وأول يومين عبيها ماء ساخه وحطيها علي مكان الوجع أسفل بطنك والله تررررريح هلبه وتخلي المنطقه دافيه واذا ماعندكش قربه شيشة ماء عاديه متلا متاع لتر ونص بلاستك عبيها ميه سخونه وحطيها علي مكان الوجع جربو النتيجه تهبل .
الريااااااااضه: الرياضه العنيفه لا بس المشي يهبل صح أول يوم صعب وياكاد يكون مستحيل لكن بعدين يبدا عاااادي ويعدل المزاج يلي يكون بدي زيرو في الايامات هادو
الأهمال في الأيامات هادو يسبب خراب الضهر علي قولت حنتي والهواء: شني هوا الهواء مرات في هواء زي الغازات أكرمكم الله يطلع من الفجاينا(المهبل) هدا يقولو ياتر علي حياتك الخاصه بعد الزواج ويسببلك مواقف محرجه.
النظافه الشخصيه الأيامات هادو:
أكيد كل وحده فينا عندها برنامج خاص لنظافتها الشخصيه بس في الأيامات هادو زيديه شويه كلكم عارفين القرف والهم يلي نمرو بيه والحمد الله .
متلا: الأندر وير غيريهم مرتين تلاته زي الأيامات العاديه والفوط الصحيه ماتخليهمش أكتر من 4 ساعات
الغسولات طبعا المنطقه حساسه ومنستعملوش أي غسول امشي لصيدليه واطلبي غسول خاص للمنطقه الحساسه اني شخصيا نستعمل في السيباميد وكان ماعنديش ناخد ملح أحرش ندوبه في ماء دافي ونستعمل بدله طبعا أيامات الدودو يوميا نستعمله مره كل صبح لأن في الأيامات العاديه مرتين في الأسبوع بس.
طبعا احني الفتره هادي مافيش صلاه شوفوا أني شني ندير كل وقت صلاه نطرح شجادتي ونقعمز نسبح نستغفر نذكر الله والدعاء ندعي قد مانقدر تعرفوا لحاجه هادي لقيتها تعدلي في مزاجي هلبه هلبه...
[IMG][/IMG]

بناااااااااااااااااات في أنتظار مشاركاتكم وكل وحده تقوللنا علي برنامجهاالخاص وبليزززززز لا تحرموني من التقييم

[IMG][/IMG]

[|[ s m a s h e r ]|]

اول شي يعطيج العآفيه ع المجهود

في مواضيع كثيره بالمندى تحمل نفس الفكره


بس ولا يهمج رآح ارد ...



بالنسبه لي

صرت اطبق نصيحه وحده من الخوات هني بالمنتدى

وآكل ع الريج تمر + قرفه + حبه سودا + فلفل اسود+زنجبيل

يكونون عجيبنه وحده ومثل الكور واكلها وقت الدوره




طبعن انا مقاطعه المشروبات الغازيه من زماان

وايام المدرسه لمن كنت اشلربها وقت الدوره احس بالالم ونفس المغص فمعدتي

غير الانتفااااخ ><

يعني انصح الكل يبتعد عن المشروبات الغازيه


واشرب حليب دافي مع سينابوون وزنجبيل

اوشاي بالسينابوون والزنجبيل





النظافه الشخصيه شي مهم بالدوره او غير الدوره

اهم شي تجيني الدوره وانا نظيفه عكس بعض البنات الي يقولون انهم ما يشيلون الشعر الزاايد الا بعد الدوره

عن نفسي اقررررررف بصراحه

يمكن حواجبي ما احفهم وقت الدوره صج لان الشعر يطلع دبل

اما باقي جسمي نووو وي ما استحمل ><









وتقبلي مروري ^^

[دكاء أنثي]

المشاركة الأصلية كتبت بواسطة فوق الخيآل~

اول شي يعطيج العآفيه ع المجهود

في مواضيع كثيره بالمندى تحمل نفس الفكره


بس ولا يهمج رآح ارد ...



بالنسبه لي

صرت اطبق نصيحه وحده من الخوات هني بالمنتدى

وآكل ع الريج تمر + قرفه + حبه سودا + فلفل اسود+زنجبيل

يكونون عجيبنه وحده ومثل الكور واكلها وقت الدوره




طبعن انا مقاطعه المشروبات الغازيه من زماان

وايام المدرسه لمن كنت اشلربها وقت الدوره احس بالالم ونفس المغص فمعدتي

غير الانتفااااخ ><

يعني انصح الكل يبتعد عن المشروبات الغازيه


واشرب حليب دافي مع سينابوون وزنجبيل

اوشاي بالسينابوون والزنجبيل





النظافه الشخصيه شي مهم بالدوره او غير الدوره

اهم شي تجيني الدوره وانا نظيفه عكس بعض البنات الي يقولون انهم ما يشيلون الشعر الزاايد الا بعد الدوره

عن نفسي اقررررررف بصراحه

يمكن حواجبي ما احفهم وقت الدوره صج لان الشعر يطلع دبل

اما باقي جسمي نووو وي ما استحمل ><









وتقبلي مروري ^^

تسلمين يالغلا وربنا يجبر بخاطرك قريبا جدا من طريقتي وانا بعد احف قبل الدوره نووووووو وي اقعد أيامها من غير حف قرف والله..
مرورك أسعدني وياهلا فيك

[هجير الذكريات]

يعطيك الف عافيه على الموضوووع الحلو والمفيد ..
وانا نفس الشي اعتني بنظافتي وبالمشروبات الدافيه
لكن التمر اسمع فيها لكن ان شاء الله راح اطبقها ..

[Ą7ℓą Ģąℓβ]

الله يعطيك العافيه ع هالمعلومات المفيده
ولك احلى تقييم

[دكاء أنثي]

المشاركة الأصلية كتبت بواسطة هجير الذكريات

يعطيك الف عافيه على الموضوووع الحلو والمفيد ..
وانا نفس الشي اعتني بنظافتي وبالمشروبات الدافيه
لكن التمر اسمع فيها لكن ان شاء الله راح اطبقها ..

حياااااك ياقلبوووووو ايه جربي وماراح تندمي أسعدني مرورك

[دكاء أنثي]

المشاركة الأصلية كتبت بواسطة مشكلتي طيبه قلب

الله يعطيك العافيه ع هالمعلومات المفيده
ولك احلى تقييم

ياهلاااااااااااااااااااااااااااااااا فيك ياطيوبه وتانكس علي التقييم ياقلبووو

[منبع التفائل]

الله يعطيك العافيه ويسعدك يارب ع الموضوع المفيد ومشكوره

[في قـ ـلـ ـبـه]

.
.


بصراحه عرفت الفرق بين الاهتمام بوقت الدورة وعدم الاهتمام لما جربت بعض الخلطات
كانت الدورة مررررة تالمني من زمان واتعب واصيح وحالتي حاله
بس بعد مااتبعبت طريقه ارتحت كثير
طبعا اتضح لي ان الالم سببه صعوبه خروج الدم
والرحم يحاول يتعصر عشان يخرجه
واذا اخذتي لهوم او خلطات دافيه سبحان الله تسهل هذي العمليه
واهم شي اهم شي انك ماتجوعين ابد في هذي الايام
حالولي تاكلين كل الوجبات حتى لو بكميات قليله

من الاشياء الي اخذها
خلطه مطحونه ( ماش + حلبه + رشاد + حبه سوداء + حبة حلوة ) هذي الخلطه تساعد على الحمل بإذن الله
والشراب الحار منقوع ( قرفه + حبة حلوة + قشر قهوة + يانسون + بابونج )
واخر ايامي اخذلي مرة منقوعه سبحان الله تعجل بنزول الطهاره
وابتعدي بشكل نهائي عن البارد والغازيات


هذي تجربتي وادعولي ان الله يرزقني الذريه الصالحه
تامه الخلقه والخلق عاجلا غير اجل

.
.

تحياتي

[Audrey]

الحمضيات نبتعد عنهم معلومه جديده هذي
اكيد المشروبات الغازيه بأيام الدوره وغيرها
مضره للبشره وحتى للعظام وهذا الشئ معروف عند الكل اكيد
الله يعافيك على هالموضوع واعتبره استرجاع للمعلومات
وان شاء الله بطبق اللي فيه ماعدا التمر مع الزيت ... إلخ مادخلت الفكره براسي