[نحنُ المُميزون] مفاتيحي في التميز والنجاح الدراسي

[سديم القصيم]

أنا لاحظت أن كثير من البنات ...لهم رغبه بالتميز والتفوق الدراسي ......

وهذا شي ممتاز .....كلنا نتمنى التميز والنجاح بمجالات الحياة ومن
ضمنها الدراسة ...


والأكيد الاكثريه تتمنى تعرف أسرار الناس المتفوقين..وطريقة دراستهم
أو

ليش يحبون الدوام وتلقى نفسيتهم مرتاحة ؟
أو
ليش بسرعة يحفظون ..وما ينسون؟
أو..أو...أو...الخ

{..بس بالنهاية ماأحد يعطيهم الاجابه ....}

وهنا لأني أحبكم وأحب الخير للناس بعطيكم كل شي بتعرفونه عن هالنوعيه من الناس ...
كل شي...من الألف إلى الياء...يساعدكم على التفوق في التميز بالدراسه ...

مافيه كلام راح يكون منقول أو أشياء نظريه مليتوا منها ...هالمره بيكون
من تجربه شخصيه ....لان التجارب الشخصية قريبه مننا ومن ظروفنا ...
يعني كل كلمه راح تقرونها راح تكون سر من أسرار تفوقي ...


معنى كذا اقروا بتركيز ووعي ...لان هاذي طريقتي من 15 سنه دراسة..
ومفعولها ثابت وقوي....

::
.
.
.
::


,,,,مفاتيح تميزي ونجاحي الدراسي,,,,
::
.
.
.
::





المفتاح الأول:التغيير يبدءا من الداخل




هالكلمة هي أعظم سر ..اشرح لكم .. أي فكره تأخذينها عن نفسك وتخلينها بمخك
بتأثر عليك ....

دايم أحنا يالمتفوقين نعرف أننا متفوقين ...وأننا أذكياء ...من داخل مقتنعين إننا نقدر ننجح ونتميز
مستحيل ومستحيل أقولها بالفم المليان تلقين وحده منا متفوقة تقول أنا مااعرف أذاكر ..أو المادة صعبه
ممكن نقول هالكلام شفهي بس من داخل لا
تعالي فتشينا من داخل وشوفي كلامنا بينا وبين أنفسنا...مستحيل نقول عن أنفسنا أغبياء ..

شوفوا الفرق بيني وبين وحده من البنات المادة غليظة والمعلمة شديدة...

هي:{والله ما انجح هاذي أسئلتها موت والمادة صعبه وطويلة وشلون انجح ...}<كنت اسمعها تقول هالكلام ..مع إن مستواها زيي بالضبط..

أنا { والله ياسديم واضح إن المادة فيها صعوبة ...بس ماعليه قسمي المادة وذاكريها زين يعني بتجيب اسئله من المريخ ...وبعدين رب العباد عادل ومستحيل يضيع تعبي ..هو اللي خلقها قادر على وعليها.ْ بس شوي تعب وتهووون كلها يومين وتروح المادة وغثاها يومين بس وارتاح. }



النتيجة:أنا نجحت... مع المذاكرة و تقسيم الوقت وثقتي بالله طلعت المادة سهله..وكل ماتذكرت أنها صعبه رددت نفس الكلام ببيني وبين نفسي..واستمريت بالمذاكرة بحماس ...

أما هي ...للأسف حملت المادة ...عجزت تذاكر تقول راسبة راسبة ليه أذاكر وبعدين هي
صعبه افتح المادة ماأفهم شي....


شفتو الفرق لاتستهينون بالكلام اللي بينكم وبين أنفسكم دايم خليك صديقة نفسك...
شفتو الثقة والراحة بكلامي أنا ماأرضى أقول على نفسي غبية عشان ماتعود عليها... تعودت إني اعزز نفسي بنفسي ....

:: هذا هو المفتاح الأول ...إني من داخل واثقة من نفسي محترمه قدراتي ...
مستحيل أسب نفسي بنفسيدوا هالكلام بينكم
وبين أنفسكم ولاحظوا الفرق..
::
.
.
.
::المفتاح الثاني: العلاقه مع الله....


هذا
مفتاح مهم جدا ممكن أنا أكون من داخل واثقة من نفسي ...معطيه نفسي تقديرها ...ومعززه ذاتي..
بس ....
النتيجة غالبا مافيه توفيق.. أيه واثقة من نفسي ...واتعب بس مافيه توفيق...مافيه بركه
.
.
هالمشكله مو عندي ابد بالعكس أنا موفقه وأموري متيسرة ....
وكثير أحس إن تميزي هديه أنا ماتعبت فيه ..
واثقة بالله محسنه الظن فيه ..دايم أقول{ الله مايضيع جهدي..
الله رحيم ..وعدل..أنا مؤمنه بالله بجتهد و كل شي بيد الله}

إنا أؤمن بالمقولة اللي تقول :اعرف الله في الرخاء يعرفك بالشدة..
بعطيكم عبادات قربتني لله وخلتني متميزة مو بس في الدراسة لا بكل حياتي..


1-حفظ القران



ماتصدقون لو أقول جت فتره كنت أذاكر المادة تصفح قبل الامتحان ..
زي المجلة اقرأها ...أروح للمدرسة مدري وش الامتحان ...بس أجي أسئل البنات وش الامتحان ...
يثبت بسرعة رهيبة.

{.أذكر مره رحت للمدرسة مذاكره تاريخ والامتحان قواعد ..وكان امتحان نهائي ...
إنا مادريت إلا الصباح من البنات بالمدرسة أخذت كتاب بنت وقعدت إقراء قبل الامتحان بنص ساعة
قرايه مايمدي اذاكر..بس كنت مرتاحه من داخل لاني مومنه بالله ومخي كان صافي...حليت بالامتحان عادي وطلعت...جيت للبيت وقلت لامي من دلاختي وراحت تهزيئ فيني ...
أول ماجبت علامات الترم من المدرسة أمي على طول راحت تشوف القواعد...إلا وهي تضحك ..لأني أخذت ممتاز فيها}

هالسالفه بأولى متوسط ..إما ثاني وثالث وأولى ثانوي كنت ماأسويها إلا بالشهري ...كنت مهمله بس ممتازة ذاكرتي عجيبة ...إلى الحين إنا مستغربه من قوتها ....

خلال الأربع سنوات هاذي كنت داخله دار تحفيظ...بس ثاني وثالث..ماقدرت أكمل..
صدقوني بعد ماطلعت من الدار ذاكرتي ماصارت مثل قبل أي أحفظ بس مو نفس السرعة....

بعدين بفترة الكلية صرت أسوي مراجعه للي لحفظي من القران عشان ماأنسى الأجزاء اللي حفظتها..
ماتصدقون تحسنت قدرتي بالحفظ ..


2- الاستغفار ..



الاستغفار شي عجيب بيحل كل مشاكلك أقول لكم وش خلاني استغفر كثيييير
اذكر مره كنت بنام ..بس ماجاء النوم المهم قريت أذكاري...
مدري وش هالدين اللي جاني فجاءه وقعدت استغفر وأسبح كثير ..
من بكره قمت نشيطه مع إني نايمه متاخره ذاك اليوم مصحصه بالدوام فيني طاقه ..
استمريت على هالشي حول أسبوع ..بعدين لاحظت إن طاقتي الصباح غريبة..معها راحة..
اكتشفت إن السر بسبب الاستغفار....لأني قريت حديث عن الرسول في ما معناه إن بنته فاطمة اشتكت من كثرة الشغل ومشقته وطلبت خادم...قال الرسول لها بعلمك شي أفضل من الخادم انه تسبحين الله33 مره وتكبرين الله 33مره وتحمدينه 33 مره قبل النوم......

القصة الثانية صارت لي وانأ بثالث جامعه...يعني السنة اللي فاتت وقتها كنت استغفر كثير... ..كان ودي إن درجات الشهري تكون بين 16 و20 أصلا الامتحان من عشرين ...وماتصدقون بالضبط أمنيتي تحققت ودرجاتي زي ماتمنيت

3- الصدقة..




{الصدقة تطفئ غضب الرب}
والصدقة لها فضل عجيب ...موشرط تتصدقين بشي كبير ..
وأموال ضخمه ..إنا أتذكر كنت أشتري علبة مصاص أو حلويات وأوزعها على الأطفال بنية أنها صدقه ...
خصوصا أن الصدقة تجوز لأي احد....
كنت أشوف تأثيرها الواضح ...الين ماقريت من شيخ انه يجوز أذا كنت خايفه من موضوع انك تتصدقين
حتى يسهل عليك أمورك...لأنه ممكن يكون ابتلاء والابتلاء يُدفع بالصدقة....

هذا المفتاح الثاني ...اعرفوا الله يعرفكم في الرخاء يعرفكم بالشدة قووا صلتكم بالله...

::
.
.
.
::
المفتاح الثالث:الأهداف والدوافع




أي شي بحياتك عشان يستمر لازم له دافعيه وهدف ممكن يكون عندك ثقة بقدراتك وانك
قادرة تبدعين وتستمتعين بالدراسة....وعلاقتك قويه بالله ...
بس مافيه هدف... ليش أنا ادرس؟؟؟ وش الفائدة دامي بكون عاطلة بعدين.؟؟؟؟...
من تجربتي كلنا يامتميزين لنا أهداف كل ماحسينا إننا نتخاذل ونتكاسل تذكرنا أهدافنا كحافز...
من أهدافنا اللي تخلينا مستمرين بالنجاح
• البرستيج..
• تعودنا على حلاوة النجاح وما نرغب بالتنازل عنه
• نغار من الأصدقاء المتميزين
• تحفيز ودفع أهلنا لنا بكلمات حماسيه كمثل "ارفع رأسنا"
• نعتبره عمل يجمع بين الدنيا والاخره قال صلى الله عليه وسلم"أن الملائكة لتتبسط أجنحتها لطالب العلم"
• أننا نتعلم شي جديد يضيف لحياتنا "مثل الحاسب واللغات "
• أننا نطلب من وراء الدراسة المال والوظيفة
• نحب نسمع المدح والاهتمام من الغير بسبب تفوقنا

امممم 8 أهداف صدقوني كلها جمعتها بدراستي تخصصت لغة انجليزية بدافع
البرستيج وتعودت
على طعم النجاح وصار الفشل طعمه مر لي ..وعندي غيره بيضاء زي ما أسميها صعب
أشوف غيري فوق وانا بمكاني لازم أكون معاهم فوق الله لايغير عليهم ...بالاضافه أهلي مرره داعميني دايم يسمعوني هالكلمه "أرفعي رأسنا "لين حسيت ننهم يستاهلون مني رفع رؤوسهم فوق والفخر فيني ...
..غير كذا كنت اجمع بين اجر العلم الأخروي
واجر العلم الدنيوي اللي هو المال والوظيفه...
تخصصت لغة علشان حاسه إني محتاجته كعلم راح استفيد منه مستقبلا...
ولأغنى عن المدح والإطراء...

حددوا لكم أهداف..علشان تكون لكم حافز وعادي الطشوا من أهدافي ....
لأنها اغلب أهداف الناس المتميزين ....
::
.
.
.
::

المفتاح الرابع:إنا ومجتمع الدراسة





هالمفتاح مهم جدا لي لاني تقريبا أخذ 6أو 7 ساعات في اليوم في المدرسة أو ألجامعه يعني مو دراسة وخلاص ..لا ...إنا مع مجتمع كونت فيه زمالات وصداقات وذكريات ...
..ودامني بهالمجتمع لازم استمتع فيه ...

أتعلم الأخذ والعطاء..أنا أذا طلب احد مني خدمه بالدراسه أساعده واعتبرها صدقة علم جاريه ...
وبنفس الوقت اضمن إن غيري بيعطيني إذا طلبت ....

دائما أحنا بالمتميزين نتعامل مع اللي حولنا بذكاء ....نعطي ونأخذ بسلاسة بحيث أننا مانرهق أعمارنا بالعطاء اللي يستضعفنا خدم لغيرنا...والا ناخذ الاخذ اللي ممكن يجعلنا عرضه للمذله

يعني نخلي لنا رصيد خدمه بقلوب غيرنا .....



تعلموا فن الأخذ والعطاء الدراسي...

::
.
.
.
::

[سديم القصيم]

::
.
.
.
::

المفتاح الخامس:أصدقاء الدراسة..




دائما نسمع الصاحب ساحب لو تلاحظين دايم الدوافير سواء
أو تلقون مجموعة بنات مستواهم وسط ومعاهم وحدة أو ثنتين دوافير بس نلاحظ البنات مايرسبون
وطبعا الناس الكسالى سواء

هذا يسمونه التاثر والتاثير...

بالنسبة لي أحاول انتقى البنات الممتازين أو الوسط لأننا نتشارك اهتمام الحماس والدراسة إما الكسالى
بعدي عنهم ...هالفئه ممكن تأثر عليك وتصيرين زيهم ..خصوصا لو كانوا كثير وأنتي بينهم ...
.يكرهونك بشي اسمه دراسة من كلماتهم...يروح عمرك تعدين متى تخلص السنين ..و
تعيشين بحالة تشاؤم دائمة من الدراسة


إنا كمتميزة أحاول التأثير عليهم يصيرون مثلي...
لأنه لوكنت متاثره فيهم وبمستواهم ممكن حماسي وأهدافي تضيع....

حاولوا تصاحبون المتميزين ..لأنك ماتخسرين شي بالعكس بتتاثرين فيهم وبتفاؤلهم وحماسهم
بيهونون عليك الوقت لأنهم عارفين بالضبط وش يذاكرون ...ووش يخلون ويطنشون...
عكس الكسالى اللي بيضع وقتهم مايدرون وش يخلون ووش يذاكرون..لان محد مهتم..


::
.
.
.
::

المفتاح السادس:أوقات وأماكن المذاكرة




من خبرتي لازم يكون لك أوقات تذاكرين فيها وانسب وقت
للمذاكرة للامتحانات بعد صلاه الفجر وهذا اكبر سر للدوافير أعطيكم إياه
قال صلى الله عليه وسلم "بورك لأمتي في بكورها"
المذاكرة بعد الفجر تفتح المخ وتصفيه بالاضافه أن الوقت
طويييييييييل تخلصين المادة مرتين وسبحان الله تثبت المعلومات بسرعة
يعني أول ماتجين من الدوام تغدي ونامي ساعتين الى4 العصر ثم ذاكري الين10 او11 ثم إذا بتختمين
المادة مري عليها بسرعة قراءه قبل النوم لان المخ يخزن المعلومات قبل النوم لمده أطول
وبعدها نامي.... بعد صلاه الفجر لاتنامين ذاكري ...
هذا أفضل وقت قبل النوم وبعد الفجر...
بالايام العادية وأنتي ترتبين كتبك بالشنطه اقري الدرس اللي فات وحطي ملاحظاتك عليه
قراءه بس ...ولبنات المدارس تقرون الدرس اللي بتاخذونه علشان تدبرون درجات مشاركه أو نشاط بالصف"تراه بس قراءه مو تحفظونه يعني كونوا فكره عنه..."

بالنسبة للمكان أفضل شي يكون مافيه صور والمليان بالحيل....
أنا أذاكر بمجلس الرجال ...هادي ..ولونه حيوي ..مافيه لانت ولا أجهزه الكترونية غير المكيفات ..
شبه منعزل عن البيت يعني بس اقفل باب القسم لو ينادون من هنا لبكره ماأسمعهم
واهم شي بالمكان
""التهوية""
يعني كل بعد ساعة أو متى ماحسيتي بالخمول طفي المكيفات وافتحي الشبابيك جددي الهواء
الخمول بسب نقص الأوكسجين....

::
.
.
.
::

المفتاح السابع:استراتيجيات الاستذكار



المذاكرة لها استراتيجيات مهمة وانأ بتكلم عن طريقتي ...

أول شي لما تبدين تذاكرين :

1 - وفري المكان المناسب ....

2- لازم مادة الامتحان تكوني استذكرتيها بالأسبوع اللي قبل الامتحانات على الأقل اقري المادة
واطلعي عليها وكملي الاسئله والمعلومات الناقصة...ورتبي جدول للمذاكرة تبدين فيه المواد من أخر
يوم راح تمتحنينه بالترتيب إلى أول يوم للامتحانات ...
.
""هذا سر مهم مهم مهم مهم لأنه لازم تستغلين الوقت..لان أيام الامتحانات ممكن تكوني مرهقه ومريضه
أو حتى مايكفي وقت للمذاكرة ...وراح تعطيك هالمذاكره راحة نفسيه وماتتوتري..بالعكس معك فرصه
تراجعي أكثر من مره...وتركزي على التفاصيل...""




3- خوذي المادة وقسميها أجزاء وخلي عندك ساعة ...ولكل جزء خصصي له وقت وعودي نفسك
انك تلتزمي بالوقت
...هالطريقه تفيدك انك ماتسرحين أو تتململين بالمذاكرة لان همك بيكون الوقت يكون ماشي مع
التقسيم وراح تركزين أكثر...


4-لما خلاص بديتي بالجزء خلي معك ورقه واكتبي مثلا :الجزء الأول
وحطي له عناوين متفرعة واكتبي بس رأس العنوان
أذا كان العنوان فرعي فيه تعداد حطي بجنب العنوان صحات صغيره تساوي عدد التعداد


5-ابدي تصفحي الكتاب وأنتي تتصفحين حطي اسئله واتخيلي
طريقه السوال اللي بتجي على هالفقره..


6-ألان ابدي اقري قراءه مذاكره ..وابديأحفظي كذا مره …





"""استخدمي رسومات أو خيالك أو حطي المعلومة على شكل قصه ..أو خوذي حروف بداية الكلمات و
صلحي منها كلمه…ورتبي المعلومة بالشكل اللي ممكن أنتي تفهمينه فيها"
مابين علامات التنصيص مهم جدا للحفظ لأنك لو نسيتي راح ترجعين لها علشان تساعدك""



اسردي شفهي المعلومات اللي
تحت كل بند....والتعداد إذا شفتي العلامات الصغيرة راح تتذكري كم عددها ويكون إجباري
انك تذاكريها بشكل عام...


7-النقطة هاذي نقطه المراجعة والتسميع هي أهم أهم نقطه هي اللي بتطلع لك أخطائك ...
هالنقطه راح تلغي لك مشكلة أنا {أنا عارفه المعلومة بس ماأعرف اصيغها صح ,,, هالمعلومه ماره علي بس ما تذكر وين ...}

بس أهم شي انك تقفلين الكتاب وتبدين تعصرين مخك وتطلعين المعلومات شفهي ...
وهذا سر مهم جدا ...المراجعة مو انك تفتحين الكتاب وتقرين منه من جديد المراجعة انك تسمعين
لنفسك بصوت عالي ..وتبدا فضايح مذاكرتك تطلع

راح تلاحظين انك توقفين كثير ..التوقف هذا دليل إن مذاكرتك ماكانت بالشكل المطلوب خصوصا
لبعض المعلومات
...لا تحاولين تفتحين الكتاب إلا لما تخلصين مراجعة الجزء كله حتى لو فيه أشياء نسيتيها ...
لما تفتحين الكتاب راح تتحمسين تذاكرينها

8- اذاخلصتي الجزء اقفلي الكتاب وامسكي الورقة اللي فيها العناوين وابدي
إذا خلصتي تسميع الجزء..افتحي الكتاب وشوفي المعلومات الناقصة أو الغلط اللي ماراجعتيها ..
وراجعيها واقريها حفظ من جديد...
وكملي الأجزاء الباقية مذاكره بنفس ألطريقه....

,,,ألطريقه هاذي معروف حتى عند الأجانب ويسمونها,,,
SQ3R
وش معناها ....راح أفسرها لكم ...الحروف اختصار لكم كلمه ..مأخوذ من من أول الحروف
والثلاثة اللي جنبR يعني أن فيه ثلاثة R

S:survey
تصفح
Q:question
اسئله
R:reading
قراءه

R:recitationتسميع

R:review
مراجعه

::
.
.
.
::


المفتاح الثامن :عالم الألوان والترفيه



هذا أخر مفتاح راح أعطيكم إياه ...
غالبا أحنا يالبنات نحب الألوان ,,ونحب الراحة والترفيه بأوقات الدراسة ..
والمذاكرة...
الألوان مهمة علشان"" تنفتح نفسيتك للمذاكرة.."".




• استخدمي با لأسابيع اللي تراجعين فيها قبل الامتحانات لون ...
وأيام الامتحانات لون ...
الفائدة راح تنبهين للمعلومات اللي اكدتي عليها في أيام المراجعة




• استخدمي ألوان التظهير بالعناوين الكبيرة والأشياء المهمة





• استخدمي أوراق الملاحظات الملونة اذ اردتي كتابه معلومات وحواشي أو اسئله
معلومات والكتاب لاتكفي




• استخدمي الفواصل الملونة لتقسيم الكتاب...

• استخدمي النوته او دفتر الملاحظات الصغيره لتدوين ملاحظاتك اليوميه وماهو مطلوب منك حتى لاتنسينه



أما بالنسبة لوقت الترفيه...يكون كل نصف ساعة....ويمكن النشاط
ممكن تقومين تمشين لو كنت جالسه...ممكن تروحين تأكلين...تجلسين مع اهلك شوي ..
~
>ولازم تنبهين لوقت الراحة يكون عشر دقائق فقط ..أما إذا زودتي أكثر فاعرفي انك تتهربين من المذاكرة...






أنا هنا كتبت كل شي أتذكره ...وكان يساعدني ...
كتبت كل شي من دخولك وبداية سنة الدراسة إلى أيام الاختبارات ....
ككل متكامل ماينفع انك تتهمين بهالمعلومات بس بأيام الاختبارات..
لازم من بداية الدراسة وسطها تلتزمين بكل اللي جاء هنا ....حتى تحصلين على التميز...


::
.
.
.
::


انتهى.....

[Artos ~]

حبيت موضوعك ,, خاصه إنك دامجه تجربتك مع النصائح
وهالشيء محبب للقلب وَ مايملل الإنسان خلال القراءه

خاصه لما تكون التجربه من إنسان من نفس بيئتنا وَ ثقافتنا , نثق فيه آكثر
ويعطيك الأمل أكثر ,,

وَ فعلاً من أسباب التفوق هو الإيمان بقدراتك

بالنسبه لقراءة القرآن ,, سبحان الله غير الراحه النفسيه ,, معظم السحر يكمن في التدبر
وَ القرآن بحد ذاته كلماته تنشط المخ ,, حفظك لها مثل الرياضيات

تفيدك بطريقه غير مباشره ,, غير الإطمئنان إنك آديتي واجبك إتجاه ربك ,, فتحسين إن عملك فيه بركه وَ إن الله معك ,,

بالنسبه للصاحب ساحب ,, آحس ماصادفتني ,, كل صاحباتي كانوا كسلانات
بس ماأثروا على دراستي نهائياً , بس كان فيه مشكله وحده !!

وقت توزيع الدرجات ,, وجيهم تتغير ,, يزعلون مني يقولون تذاكرين من ورانا !!
ومثل هالحركات , أو وقت المشاركه يمدون البوز ,, أو غششيني , علميني وَ مثل كذا

بس عادي تعودت آطنشهم ,, أو كأني ماشفت لأن هالأمور تواجه الكل , صح أحياناً تكون مقيته
بس ماقدرت أغيرها ,,

بس ماراح تأثر على تفوقك ,, أما إذا هالصاحبه سيئة السمعه ,, أقولها من الآن
بتجرك معها 100% ,, حتى لو أنتِ ماتأثرتي بها إلا ماتطولك السمعه الشينه

وَ لكن الذكاء موهبه من رب العالمين ,, والنقطه إللي آحب أضيفها

آنا أرى إن نسبه كبيره من الناس مبدعين , يعني مو مسألة إن الذكاء 50% موزع بينا
بس إللي أقصده كل إنسان موهوب بمجال ,, ممكن واحد يكون رهيب بالدي جي
[هو موهوب بهالشيء وَ بليد بكل شيء ثاني ,, بس مو معناه إنه غبي ]

إللي آبي أقوله إن كل إنسان لازم يتبع موهبته , مو يتبع موهبة غيره
قريباتها دخلوا طب هي تدخل طب ,, لأن هالمجال مطلوب
[ بالحقيقه وَ الواقع هذا آكثر شيء آشوفه بوطنا العربي , لدرجه حتى المواضيع بالمنتديات ماشيه على هالنظام ,, وحده فلحت بالفاشن لازم الكل يدخل عصه بالفاشن ,, الدعوه مهب كذا , الدعوه أنا أتقن الحديث بهالمجال أو لأ , ميولي نحوه أو لأ ]

والأهم من كل شيء ,, لحداً يجيب لعياله مدرسين خصوصين
آرحمونا ياهووووووووووووو , وإذا عيالكم حطوا العيب بالمدرس شبو عليهم وَ أفهموا المشكله صح
مو معقوله كل الناس يعانون من المدرسين , أكيد فيه خلل بعقول عيالكم
[ حايمة كبدها من المدرسين الخصوصيين , كل ماأشوف عيله مايمشون إلا بالمدرس الخصوصي , أبصم بصمة الفشل , مستحيل ينجح وَ مستحيل يتفوق وَ هو يدرس الماده مرتين ,, وَ إللي يشوفهم يقول بس إبنهم بيطلع عبقري بعلم الخلايا ]

<------------- ماله دخل بالموضوع ,, بس يتبعون آسس النجاح هالاودام وَ لعل وعسى ينفع فيهم
وَ الأهم تتذكر إن الطريقه إللي تناسب غيرك ماتناسبك ,, كل إنسان ربي عطاه قدرات غير عن الآخر

أنا أختي متفوقه جداً آكثر مني بمليون طعش مره ,, ميزتها تحب تقوم الفجر وَ تذاكر وَ ووقتها الباقي لعب × لعب ,, مره جربت طريقتها رحت الأختبار بغيت أدوخ لووووووووووووول

مامداني أخلص , لأن أشغلني الخوف بدل المذاكره حسيت مافي وقت

بينما آنا نظامي شلون ؟ أسحب وقتي تسحيب من العصر على آساس أذاكر يمكن لين الفجر , مره شاي , مره فيلم , مره قرقره مع الأهل , مره تليفون ,, بس بالنهايه مبسوطه على هالطريقه وَ ناجحه بها

وفيه ناس ذاكرتهم السمعيه قويه وَ ناس ذاكرتهم البصريه قويه , وَ فيه ناس ذاكرتهم العاطفيه ..
إنتِ شوفي وش تبرعين به وَ إتبعيه ,,

يعني أنا لو أحب الحصه وَ فيها آكشن , آصير شاطره بالماده ماأنساها آبداً
فيه حصص بالمتوسط وَ الإبتدائي أذكرها إلى الآن , لأن كان فيه حماس وَ آكشن

وَ خفقان بالقلب من الحماس ,, يعني آآآآآآبله آنا ,, ماآبي أحد قبلي من الحماس
[كأن ودها تطلع من دريشة الفصل لوووووووول ]

وَ فيه طريقه آخرى تناسبني لازم آدور آدور بالبيت وَ أقرأ بصوت مسموع ,, صوتي المسموع يحفظني
[ بالرغم من زينه يعني لووووووووووول بس صوتي يحفظني ]

لو جلست بالفرش تلقاني آمي نايمه ,, مستحيل ,, مهماً بلغ خوفي وحرصي عالماده لو جلست بالفرش
بيلقوني آهلي نايمه ,, نوم الملل

والآهم لا تضغطون نفسكم بالدراسه , ذاكروا وَ أستمتعوا ,, لازم جزء اللعب بالنسبه لي آكثر من جزء المذاكره وَ لا آرمي الكتاب وَ آرمي الدراسه كل آبوها ,, لو ماأستمتعت

وَ بالنهايه لكل إنسان آسلوبه ,, بس أهم شيء يكون مبسوط به مو جابر نفسه عليه


التصحيح ||

{ وش آزين آآآبتسي ؟ ..
بالنسبه لمستواك سابقاً روعه ,, بس عندك أخطاء تعيب عليك جداً ,,
يعني كتبتي بالهيدر ceys بما معناه إنها مفاتيح , بس هذا غلط مفاتيح تكتب بـ k مهب بـ c
يعني مانتطرق لشيء إلا لو حنا متأكدين من الأسبلنق وَ ترجمة قوقل خير مثال , بعد أنا ألوم بعض البنات إللي يستخدمون هالترجمه بكلمات غير متداوله أساساً , أو مصطلحات صعبه !! ,,

برضوو كتبتي shamosa <=== وش علاقته بشمواه ,, والهيدر أنا عدلته لك ,, كان بالوسط وَ هو من المفترض يكون يساري

نوعية الخط المستخدمه جداً جداً صغيره وَ هالنوع من الخطوط مايتناسب معه هالمقاس ,, أنا قلت لكم ماتصغرون إلا بـ التاهوما هو الوحيد إللي يقبل ,, أو تصغير كلمات ثانويه , هوامش ,,

وَ لكن بحط بعين الإعتبار إنها مسألة ذوق وَ أيضاً متصفحك ربما خطه كبير فمبين لك إنه تمام ,,

بالنسبه للتناسق جيد ,, بس أغفلتي هالنقاط إللي ذكرتها , وأنا شددت عالدقه وَ الصبر وَ المراجعه

حبيت مفرداتك ,, موضوع جيد

9 / 10

ههههههههههههه الظاهر إني دافوره حبيت الموضوع
لا بس آكثر شيء عجبني , لما قلتي إن فيه ناس كثير يحسبون إن الشطار مخبيين شيء عنهم
فالموضوع يستاهل هالعلامه ,, عشان ينكشف اللغز

وبقية أخطائك ,, حسيت إنها سقطت سهواً
بس آبيك تكونين آكثر دقه وَ تطورك مذهل عن دورة المميزون ,, بس لا تنسين توني أصحح الموضوع الأول
لو غيرت كلامي بعدين ماآدري لوول


}


دمتم بحب

[العذوب]

بسم الله ماشاءالله

معلوماات قيمهـ

وصادقهـ بكل كلمهـ قلتيها

القرآن جدآ مريح لكن الله المستعان مانعرفهـ الا قلييل

وللحاجهـ الله يهدينا يااارب

والاوقات انا من زمان كنت العصر افتح الكتاب واسوي فترات

نوم قهوهـ شاي عشاء ونووم

مرهـ نمت من جيت من المدرسهـ لحد الساعهـ 2 بغت تنهبل امي مني

لكن ذاكرت لحد مارحت المدرسهـ

صحيح الفجر سبحان الله لهـ فواائدهـ

وطويييييييل الا اني لازم اكون مذاكرهـ قبل

مرهـ ماذاكرت زين لان عندي مادتين

كيمياء وبلاغهـ

واذاكر الكيمياء اربعاء خميس جمعهـ

لاني مسويهـ لي جدول قبل ومذاكرهـ البلااغهـ

وبعد الفترهـ الثانيهـ امسكهـ

وكأني اول مرهـ اشوفهـ اقعد اقرأ وانا ابصيح ابصاارخ

شعوور يروووع

لحد ماجبت العيد ونجحت بالكيمياء ورسبت دور ثاني بالبلاغهـ

لكن نجحت بعدها

وتووووبهـ اسويها
==> قصة حياتها هع هع

اما البااقي مو كلها اسويها


لاني مو دافورهـ ولا كسلانهـ

وسط وخير الامرو الوسط

مشكوورهـ ياقلبي

موضوعكـ مميز

[chica en el amor]

مرحبا ,,,,

ماشالله يعطيك ألف ألف عافية !!

موضوع أبسط ما أقوله عنه : شــــــــــامل !!

كثـير من النقاط طبقتها بـ سنوات دراستي ( شكرا بابا & ماما )

مرات من كثر التفاصيل اللي كنت أدخلها بـ دراستي وَ من كثر التكنيكات وَ من كثر ما أتفنن بـ الدراسة , كنت أستــمتــع وَ يصير مثل هواية وَ مثل لعبة العبها !!!

كل النقاط أوافقك عليها !

التغيير يبدأ من الداخل ,,,
يب أنا كنت أقول لـ نفسي أنا أعرف إني i can do it !

العلاقة مع الله ,,,
يارب ! كنت دايما لما أبذل جهدي ما أهتم ايش يصير بالعلامات ! لأني أديت الأسباب وَ توكلت على الله !
راحة نفسية وَ ما أتوتر بـ سبب التصحيح / الصعوبة / أي أي شي !
من جد نقطة مرررررة مرررررة مهمة !


الأهداف وَ الدوافع ,,,
هالنقطة مهمة لـ النجاح بكل المجالات ! ولازم كلنا نكون وتاعين لها وَ لأثرها علينا !
هدفي دايما : أسوي اللي أقدر عليه !
دافعي : لأني i can do it وَ لأني أبي اكون ايجابية وَ أعيش حياتي !


مجتمع الدراسة ,,,
يب مهم جدا تكون المدرسة عموما تقدر الدراسة أو الاجتهاد !
يعني ما يكون الـ cool هو الكسلان !
الحمدلله كانت المدارس اللي درست فيها كويسة بهالجانب !


صديقات الدراسة
يمكن ما أثرو فيني دراسيا صديقاتي ,
كمن الشاطرة وَ الـ ذكية وَ الـ leader
مرات كانو يعلون القلب ههههههههههه , بس عادي ما حسيته أثر فيني !
thats who i was ما كانو يتذمرون !


كل النقاط اللي بعدها كنت تقريبا أطبقها بـ كل حذافيرها وَ أتفنن !

دراستي مثل أرتوس تســـحـــــب وَ هذا ليش no one took me seriously !
أنا بـ شخصيتي عموما أحب أسوي الشي بـ روقان وَ هدوء وَ مزااااج !
حتى بـ شغل البيت مثلا ! أو بأي واجب يتوقع مني !

وَ كنت أكتب كثير ,
يعني عشان أحفظ أكتب وَ أعيد وَ أزيد !
وَ لازهقت من الكتابة ,

أقوم أتمشى بالبيت وَ أقرا بصوت مسموع !
لين ينبح صوتي أو يعصبون اللي حولي ههههههههههههههههه


كنت أحب أواصل للإختبارات لأن بالحفظ ذاكرتي قصيرة الأجل
( أتوقع هالنقاط لها علاقة بـ سوء مناهجنا + أساليب التدريس )


أتمنى الموضوع وَ النقاش يساعد البنات اللي بالمدرسة وَ الللله يوفقهم !!


ثانكس عالموضوع !! وَ بالتوفيق بالمسابقة


,,,,

[мαĐα₥ē]

كلامك من ذهب ,,

ماخبي عك كنت كذا مثلك ,,

احب احافظ على بريستيجي ,,

مااطيق لما الدكتوره توزع الدرجات واكون اقلهم او اقل شي مااخذت الدرجه اللي تبسطني !
كله عشان نظرات العواذل
وايضا احب لنفسي التفوق ..

تصدقين بالنسبه للقرآن توني بس اكتشفت
في رمضان اللي راح .,,
كنت اقرأ وبتركيز واحس ان ذاكرتي صارت احسن من قبل ,,
وألحين صرت مااستغني اقرأ بعد كل صلاة حفاظا ع صلتي بالله اولوعلى ذاكرت ,,

وبالسبه للاهداف ,,

دايما اقول لنفسي وش مكاني في الحياة !!!

لازم احقق اهدافي ويكون لي شأن في حياتي وبعد موتي ,,

والصدقه ,,

يآآهـ ياكثر المعاني فيها ,,

سدومه ,,
من جد كلمات ونصائح من ذهب ..

المفروض كل وحدهـ فينا تحفظها صم ,,

وعجبني تحفيزك لنفسك بشكل روتيني تقولين ( احنا يالمميزين )
كررتيها اكثر من مرهـ

برافو

[الازور]

ماشاءالله تبارك الله


استفد منك مرره

انا من نوع تقفل مذاكرتي بس نصف ساعه يعني مستحيل اقدر اكمل

اروح الجامعه ومااخلص محاضره كلها

واحمل مواد !1

يعطيك العافيه

[NO MORE]

تسسلمين ع آلموضوع آلبطـِـِـلَ .. بجد تطرقتي لشغلـآت حلوة

وتهمنآ آكـِـِـيد في كـِـِل شيّ


ونقطة مهمة آن آللي ينفع لغـِـيرك مآ ينفعلكَ ..


حآولت آكِــِون من آلنوع آللـِي يذآكِـر آول بأول بس مآ قـِـِـدرت .. وحآولت عشرطعشر مرة بس مآ قــِـِدرت ..

آيآم آلآختبآرآت كِـل آلآشيآء تحلّو بعيني .. آلتلفزيون حتى لو فيهـ موضوع سيآسي تآبعته وحسيتهـ مهم ..

آقعد مع آهلي كثير .. وفييني طبع قبل مآ آبدأ في آلمذآكـِـرة لآزم آدق على صديقآتي ويوم آشوفهـِـِمَ يقولون بآقي مآ مسسكنآ شي آسستآنسس

ويوم يقولون خلصنآ آلنص نفس آلشي آستآنس .. لآني آقول في رآسي دآم خلصوآ آلنص آكـِـِيد آلمآدة سهلة ..


يعني آلتأثيرآت آلجآنبية مهمـِــِة ..


آحس آني للحين مآ عرفت نفسي آميل آكـِـِثر للحفظ ولآ للفهـِـِمَ .. تقريبآ متعآدلة ..

على حسب آلموآد على حسسب مضمون آلمنهج لآن آحيآن تشوفين آلمنهج ممتع وآنتي تذآكرينهـ .. يعني زي موآد علم آلنفس وآلآشيآء آللي تحسين آنك تستفيدين منهآ بحيآتك .. و على حسب شرح آلآستآذة ..

ومن آلنوع لآ جيت آذآكر تلآقيني آعيد آلمنهج كلهـ على حنب .. آلهوآمش مليآنة كتآبة آعيد آللي حفظته كتآبيآ آحسسهـ يدخل في آلعقل آكثر


وبعض دروس آلفهــِـمَ آعيش دور آلآستآذة وآلطآلبة مع نفسسي

يعني آمسك آلمعلومة وآشرحهآ وآسوي آستهبآل مدري وشو .. بس آهم شي تدخل آلمعلومة ..

وآحيآن آذآ عجزت آحفظ آربط كلمآت بكلمآت وآحيآن آربطهآ بأغآني

وفي آلنهآية كـِـِل آلطرق تؤدي آلــى رومـِـِآ ..


وبآلـِـِـِتوفيق للجميع ..~

[Audrina]

كل وحده لها طقوس خاصه في المذاكره..والاقللام الملونه ..مره حلوه خاصه في التحديد والتخطيط

[Зтєєqaт al7oв]

اتفق معاك في النقاط اللي ذكرتيها ,,
انا وحدة كنت دافورة أيام الدراسة فـ I know exactly what you are talking about
خصوصا السؤال المتكرر البغيض " وش تسوي ؟ " " وشو جدولك اليومي ؟ >> اكره هالسؤال !

واتفق معاك في موضوع الصاحب ساحب ..
اول شي لأنه يحسسك ان مو بس انتي اللي قاعدة تبذلي مجهود والعالم شغالة معك
يخلق " داخلك " منافسة لطيفة , وكمان يساعدوك
بالرغم ان شلتي ايام الدراسة كانوا جداً كسالى و لايفتحوا كتاأأب ..
بس مو الكل عنده القدرة على تجاوز هالشي والفصل بين الدراسة والرفقة

حابة اضيف انو خلال دراستي كان في نقطتين كثير مركزة عليهم
وهم السبب - بعد الله - في نجاحي " بالاضافة إلى النقاط اللي ذكرتيها طبعاً " :

1- اعرفي مخك ’

لما تعرفين مخك وش دوامه وكيف يشتغل رح تعرفي اكيد كيف تتعاملي معاه
يعني في ناس تحب تذاكر وهي جوعانة , وناس تحب تذاكر شابعة بطنها
ناس يحبوا يذاكروا وسط العايلة والقرقرر وناس يذاكروا في غرفوا معزولة تماما عن العالم الخارجي
ناس ادمغتها ليلية " مثلي " وناس ادمغتها نهارية " مو مثلي ابد "
الزبدة انك تعرفي متى تروق لك المذاكرة ومتى تركيزك يكون اعلى شي , ولا تقلدي احد لان الناس اصناف

2- عودي نفسك على مستوى معين ’

وهالشي جزء كبير منه يقع على عاتق الأهل , بس ما يمنع ان الوحدة بعد تشتغل على هالشيء
عشان كذا نلاحظ ان الشاطرين شطار من اول سنة لآخر شي و الكسالى نفس الشي
لانهم عودوا انفسهم يكونوا بهالمستوى والناس تعودو عليهم كذا

اذكر في ثاني ثانوي حاولت اشجع صاحبتي انها تذاكر , وفعلا ذاكرت وخذت درجة تجنن
بس وش لاقت ... ؟

الأبلة عيونها اتسعت إلى اقصى حد , البنات يطالعوها بنص عين ,,

الزبدة , لما تعودي نفسك على مستوى معين , انتي من داخل ماراح ترضي تغيريه . .


سوري , هذرت كثير بس موضوعك يحمس الواحد يتكلم فيه شوي
موضوع من جد مهم خصوصا بنات كثير في شمواه اما ثانوية عامة او في الجامعة
عوافي ,

,,