بشتري سرير لبنتي .. ممكن تفيدوني .!؟

[ζـلمـ أنثى•}๗]

صباح / مساء الخير ع َ الشموائيات

حبيباتي .. بنتي الحين عمرها سنتين وناوية اشتري سرير نوم خاص فيها .. الله يصلحها مسويتلي زحمة ومناشبتني فالنوم معي على سريري ..
وهذي غلطتي لأني ما عودتها تنام بسريرها من اول ما ولدتها ..

بس والله ماكنت اتحمل نظراتها لي من بين القضبان ..

الموهم .. هي الحين كبرت وضروري أبدأ من الحين افصلها عني .. شوي شوي الين ما تصير بغرفة لحالها ..

سؤالي عن مواصفات السرير .. بايش تنصحوني .. يعني الاشياء اللي اخذها بعين الاعتبار عشان يكون سرير عملي ومريح .. وانا افكر اخذ لها واحد يمشي معها الين تصير خمس سنين ..

انتظر ردودكم .. تحياتي لكم

[الثلاثينية]

مرحبتين

فعلا صار وقته تنام بسرير بروحها

ياااا لبي على نظرتهم من خلف القضبان

انا كنت انوم عيالي بسريرهم بس بالنهار... لكن ليلا بحضني عشان نستغرق كلنا بالنوم

المهم


احرصي انه يكون السرير مش عالي

و طبعا تكون مرتبته نوعية ممتازة و ما تكون قاسية

انا احب السرير العريض ما احب القياسات الصغيرة ...مثل اللي بايكيا مثلا

واهم شي انه ييمكن يتركب له حاجر على الجنب حماية للصغيرة

وبس

موفقه

[colors of my life]

فعلا اهم حاجه مايكون عاالي و انه يكون فيه حواجز او يتركب له حواجز



شوفي هذا من ايكيا انا اخذت مثله لولدي وهو بنفس عمر بنتك بس اخذت لون ازرق و ركبت له حاجز
وهو مناسب للاطفال من عمر سنتين الى خمس او ست سنوات حتى ..





وعندك مثل هذه ماشفت صور اكبر بس هو مناسب لعمر سنتين







وعندك هذا موجود معه حواجز






وهذا احسه مناسب جدااا لانه متوفر فيه حواجز وايضا دروج من نفس السرير علشان تحتفظي باغراضها





بتمنى افدتك

[M!$$ No0on]

اهم شي يكوون منخفض ومريح
وله حواجز على جنب
واطراف السرير ماتكون حاده .

الله يحفظها لك يارب ^^

[Spring Love]

شوفي اهم شيء جودة الخشب صراحه اسرة ايكيا ماتدوم ابد
شوفي محل ذا وايت كومبني وكمان جكايدي
وبالتوفيق

[ζـلمـ أنثى•}๗]

الله يعطيكم العافيه حبيباتي

نبهتوني ان السرير يكون مو عالي .. أنا سريري عالي شوي وكنت حاطة فبالي يكون بمستوى سريري او اقل ..


كثير عجبتني فكرة الدروج .. ان شالله الاقي واحد فيه كل المواصفات

تحياتي لكم ..

[classic perfume]

شوفي أسرة مذر كير .. أنا آخذه لولدي واحد منه ينام فيه من عمر 8 شهور تقريبا والآن اسم الله عليه بيكمل 3 سنين، صراحه خشب ممتاز وله حواجز ممكن تشيلينها لمن تكبر وماهو عالي

بس انصحك اذا بتاخذين منهم تاخذين وقت التخفيض اللي يسوونه على السرر لأنه بصراحه فرق في السعر ونفس الشي المراتب عندهم برأيي انها ممتازه


والله يوفقك..

[ياقلبي لاتحزن]

اختي شرت لولدها نفس عمر بنتك شرتلها من ايكيا


تمدحه ومو غالي الله يخليها لك يااارب

[ام سديم]

انا مفصله لبنتي غرفتها وطبعا السرير حقها منخفض وله حواجز عالجنبين لاكبرت اشيلها وكمان السرير كبير يعني انا اقدر انام فيه

وحطيت لها درج بالسرير وحاطه فيها شوزاتها وانتم بكرامه