كور البطاطس المحشيه .. لما صار الغداء عشاء p:

[iĞiиαℓ®]

أهلا وسهلا ^^

من زمان عن المواضيع < ياشين العجز

قبل أسبوع كنت ألفلف بالفيس بوك، وشفت صور عجيبه لطبخات خطيره

مشاركه في مسابقه لونا

المهم ماقصرت لفيت على المشاركات كلها وصوت للي عجبوني P:

وماخلصت إلا وأنا ميته جووع خلااص من الى شفته

حفظت كم طريقه وقررت أسوي وحده منها اليوم الثاني

لأنها كانت جدا مشهيه

شمرت يدي ودخلت المطبخ الساعه 11

< بقول لكم بعدين متى خلصت بس لا تنفجعون هههههههه


نبدأ بالمقادير

1) الحشوه

دجاجه أو صدور دجاج

حبه بصل

حبه فلفل رومي

حبتين جزر

فص ثوم

شويا كزبره

والبهارات: بابريكا- أوريغانو - كزبره جافه - ملح وفلفل.

2) للبطاطس:

4 أو 5 حبات بطاطس

ربع كاسه قشطه خفق

ملح وفلفل

3) التلبيسه:

3/4 كاسه قشطه خفق

ملعقتين جبنه سايله

حبه جبنه كرفت مبشوره


ويلا نبدأ نحووس < تحسب الناس زيها P:

هنا الدجاج مقطع صغير



وهنا البصل والثوم والجزر والفلفل



وهنا الكزبره والتلبيسه وفنجال القهوه



* أول شيء قشروا البطاطس وقطعوها لأرباع وحطوها في قدر فيه مويه وملح

ونبدأ نشتغل على * الحشوه بنحط شويا زيت في القدر بعدها البصل والثوم لين ماتذيل



<< هنا ماما دخلت عليا على الساعه 1 وتقول أنت لسا ماخلصتي أخوانك ألحين يجون

<< هو أنا بديت أصلا هيا شافت الحكايه مطوله فبدأت تشتغل على شيء ثاني

تقول لي خليني أساعدك علشان نخلص ،، قلت والله محد يكملها غيري

< مشكله الى راسه يابس

المهم كملت حطيت الدجاج ونقلب



هنا الغداء البديل قيد التحضير ..



ماشاء الله خلصت بسرعه وانا ساعتين جالسه أقطع .. متى أصير زيها بس

* نضيف البهارات على كيفك انا حطيت البابريكا نص حار ونص حلو



بعد ماأستوي الدجاج * نضيف الخضار ( جزر - فلفل ) شوي لين ماتذبل ونطفي النار

* نضيف الكزبره الخضرا المفرومه آخر شيء .. بكذا تكون أنتهت الحشوه

[iĞiиαℓ®]

* نشوف البطاطس خلصت أكيد نصفي المويه ونهرسها



* نضيف ربع ك قشطه وشويا ملح نخلطها مزبوط



<< هالوقت أخواني جو وجلسو يتغدون وانا أكمل حوستني

لو جلست ماما تنتظرني كان أمدا أخواني أكلوني أنا بدل الغدا

* نبدأ نكور ألحين نأخذ فجال قهوه كبير أو صغير على حسب مقاس الكور الى تبغينه

نغلفه بورق نايلون علشان يسهل التكوير معانا .. راح نحط شوي بطاطس ونفردها

ونضيف الحشوه وفوقها طبقه بطاطس ونلف النايلون ونرفعه وماتحتاج تكوير تكون خلاص جاهزه



* نرصها في الصينيه لين ماتمتلي .. انا تعبت الصينيه عندي ولسا باقي زايد

فأخذت صينيه صغيره وفردت فيها طبقه بطاطس وحطيت الحشوه فوقها

وفردت فوقها طبقه ثانيه بطاطس
<< يااويلكم تسون ذي الطريقه وتريحون نفسكم سوا الأصليه

المهم لسا ماخلصنا * نرجع للخلطه حقتنا ( قشطه الخفق والجبنه السايله ) نخلطهم سوا

انا ما أنخلطت معايا بسهوله فأضفت شويا مويا ..

* بعدين نصبها على الكور والصينيه الصغيره :P
* ونبشر جبنه الكرفت ونرشها عليها << كمان هنا لا تحطون شيدر جاهزه ممنوع
وهذي هي قبل ماتدخل الفرن



* الفرن شغال من فوق يادوب تتحمر بس ..



انا تركتها طولت حدود ثلث ساعه جالسه أنتظرها تتحمر >< تفقعت ونشفت

لأني فتحت النار من تحت مو من فوق لا تسون زيي ><

وبس خلصت الساعه 4 < كويس أنك خلصتي أصلا خخخ

لكن أخذت وقت مستقطع بعد التكوير ساعه وشوي للأمانه يعني :P

ترى حلوه وسهله وماتأخذ كل هالوقت أكيد أدعولي أتعلم بسرعه بس



سوهاا وإن شاء الله تعجبكم

زي ماعجبتني

[ريتال كوم]

فتحتي نفسي على الطبخ وكمان الشغله فيها بطاطس يممي
جاري التجربه ع السحور الليله

[نايس وردة]

فكرتها مبتكررة خالص



كور وتنحشي .. فكرة جديدة عليا ..

بس بجد شكلها وايد طعممممممم


تسلم الايدين ايااارب .. ابدعتي في الطبق ..


دمتي بود

[العذوب]

ياخطييرهـٌ انتِ

اجلُ صار الغـداءُ عشـاءُ

وربي انكـُ خطيييرهـٌ بالكلامـُ والحركتاتًُ اللي قلتيها

لكنُ شكلّ الطبقٌ يمممممي

خصوصآ الكـورُ عذااابُ

عوافي علىَ قلبكمـُ وانُ شاءالله نسوفكـً شيفٌ اوبُ طبيعيً

ياحبيلُ للبارّهـ لامها

الله يخليها لكمـً ياااربُ

[Ą7ℓą Ģąℓβ]

وااااااااااااااااااااااااااااااو
ع الحركات بس
حركه جديده وسهله
ويكفي الشكل عذااااااااب
وشكله لزيز

[Spring Love]

اورو
روعه مرة شغلك طعم ومرتب تسلمي ياقمر
ولك احلى تقييم

[.:*:.Eye shadow]

يمي يمي ودي بصحن راح اطبقها عوافي يا عسولة

[حلاوة الإيمان]

يالبى البطاطس على الصبح بس تعذيب

ربي يسعد قلبك ياقمر

[Larony Mom]

لاااااا عذاب من جد ..

ما اقدر .. >> جاعت ..

تسلم ادينك يارب ..