محشي خضار بالرز

[الدانه 999]

بسم الله الرحمن الرحيم


كيفكم انشاء الله بخير
المهم هذي اول مشاركه لي جاده في المنتدى
زي ما استفدت من طبخاتكم ودي افيدكم معايه
طبعا انا مبتدئه في الطبخ
وكانت بدايتي معاكم ومن منتداكم
انا اليوم جايبه لكم طريق المحشي المصري تعلمته من عمتي ام زوجي الله يخليها لنا عشان زوجي يحبه مره
نجي للمقادير والطريقه

الخضار للحشو:ملفوفه محشي - بطاطس - كوسه - فلفل رومي - وسمان حسب الرغبه
للحشوه: رز مصري - بصل.طماطم.زيت- صلصه طماطم - فلفل حار
4 فصوص ثوم - نصف رزمه بقدونس - ربع رزمه شبت - ربع رزومه كزبره - بهارات مشكله - 2 مكعب مرقه ماجي -
اممممممممممممم اخاف نسيت شي

الطريقه:
- اول شي نجهز خضار الحشو ونبدء بالملفوف نشيل الجزء القاسي
في القعر عشان نطلع اوراق سليمه
واللحين نقص الملفوفه من القعر الى ان يلتقي في القعر الأخر نصلح العكس وتصير على شكل زايد
مثل اللي بالصوره


نحاول نسحب الجزء الخارجي بخفه عشان يطلع لنا اوراق كثير
صالحه للاستعمال <<<<اف يالصالحه للستعمال
اللحين نضع الأوراق الناتجه في ماء مغلي نخليها تاخذ شوي غلوه
ونطلعها ويصير الورق جاهز



-اللحين نجهز بقيه الخضار نقشر البطاطس ونجوفها نجوف كمان الكوسه نشيل كمان الجزء الأخير من الفلفل الرومي بحذر ونعمل
فتحات جانبيه في الفلفل الرومي عشاء عند الطبخ تدخل المويه وينضج الرز


واللحين نجهز الحشوه
-نغسل الرز ونصفيه تماما من الماء
-نقلقل حول 2 بصل كبير في شوي زيت اللين ينضج ثم نضيف 8حبات طماطم الى ان تذوب الطماطم وتستوي


الأن في الخلاط تبع الطماطم نطحن الكشنه وفي الجزء الأخير
نضيف الثوم البهارات مرقه ماجي معجون الطماطم وشوي ملح
والفلفل الحار
ونخلطهم جيدا



لاحد يرد بكمل

[الدانه 999]

عدنا <<<<<<<<<سبيستون على غفله

اللحين صارت الطماطم جاهزه
-نفرم البقدونس والشبت والكزبره بالسكين اللحين في الات تفرمها بس مره تروح نكتها جربتها عمتي من جد ما كان فيه نكهه للخضار ولا كأنها حطت شي


-اللحين نخلط الخضار والرز وخليط الطماطم مع بعض
وصارت الحشوه جاهزه نسيت اصور الحشوه

طريقه الحشو:
- بعد ما طلعنا الملفوف من الماء المغلى ناخذ الورقه في الصحن ونشيل الجزء القاس بسكينه حاده نضع هذا الجزء في قعر قدر الطبخ ونرصه لانه بيحرق معانا شوي اما الجزء الأخر يكون جاهز للحشو


اللحين نضع قليل من الحشوه ونلف الورق برفق <<<موضروري تتقفل الجهات الأهم نحرص شد اللف برفق
سرقت لكم صوره لاني نسيت اصور ونرصه في القدر الغويط


الحين نحشي الخضار اللي معانا واذا توفر السمان نغسله ونضفه ونحشيه بعد بس انا ما كان عندي
ونرص الخضار والسمان فوق الملفوف بحيث تكون الخضار واقفه عشان ما يروح الرز

بعد الترتيب


- اللحين نجيب في وعاء ماء مغلي و2 مرقه ماجي ونذوبها في الماء ونصبها على المحشي من طرف عشان الرز ما ينزل من الخضار
هذي الصوره عشان نشوف مستوى الماء
انتبهو لا تنسون ما تحطون السمان مع الخضار
-نولع النار تحته الين يغلي 10 دقايق مرفوع عنه وبعدين نقصر النار لمده نصف ساعه وبعد 40 دقيقه نرخي اللين نشوف النار ضعيفه مره
بالبخار على قولهم يكون في هذا الوضع لمده ساعه ونصف الى ساعه وربع 0000 حاولو قبل تغطونه تغطزنه بطبقتين المنيوم
يستغرق ساعتين في الطبخ

لاتردون بعد ما خلصنا

[الدانه 999]

رجعت من جديد
اللحين بنسولف على بال ما يخلص الأكل
-اول شي انتم لاحضتوا اني ماخذه صحن واحد اقطع فيه<<<ما احب القطاعات
وسكينه وحده وملعقه وحده وزبديه وحده وقدر واحد
حاولو كل ما خلصتي من شي نغسليه اذا احتجتي له عشان تترتبين اكثر يصير شغلك مضبوط
-حاولين تسوين الأكل بنفس رايقه <<<<لو امووووت مايضبط معي اي اكل وانا متعكره على طول من برى لاني احوس الدنيا
-نسيت اقول لكم معليش على ردائت الصور لانها من جوال كمرتها 3.2 ميغا بكسل عشان كذا العذر والسموحه
-كان بودي يكون الموضوع مختلط بشوي طرافه بس انه متعب واول مره انزل موضوع بهذا الطول فكلو جدي

اللحين وقت الغرف قرب
نادو البقيه قرب العشا يخلص
طيب قبل يخلص الأكل بشوي نطلع السمان شوي شوي عشان ما يتعفص علينا ونضعه في صاج ونضع عليه فنجال زيت ونولع النار من تحته ونقلبه عشان يتحمر في الزيت

88888888
مسروقه الصوره لا احد يقول عني

اللحين نجيب ملعقتين كبيره وصغيره عشان نشيل الخضار نرصه على صينيه التقديم كل وحده وطريقتها
انا زوجي يحب اغرفه كذا
ما يعجبني بس للاجل عين000000




ومن جهه اخرى




لان ماعندي سمان صلحت نصف دجاجه

انا خلاص هجمت على الاب تبعي جربوه يابنات ترى لذيذ بمعنى الكلمه
اتاري المصاريه معهم حق يوم كل شوي يصلحون محشي
هذي الكميه لي انا وزوجي بنتي ماتحبه ابد
الله يسعد قلبها كل شوي تجيب الجوال وتقول ماما صوري لاتنسين



اتمنى ماتنسوني من ردودكم الحلوه
ودعواتكم يابنات

[Nooona Ozil]

آهلين حبوبه ~

مآشآء آلله ,, بجد حبيت شغلك كثير ,,

بس للآسف آنآ مآ آحب آلمحآشي بـ آنوآعهآ ممكن ورق آلعنب آللي بآكله ~

بس ممكن آخبر مآمآ عنه ,, لآنهآ بتحب محشي آلملفوف كثير ,,

حبيت شرحك ونصآيحك كثير ,, وطآلع شكل آلطبق بيشهي ~

ربي يسلم إيديك ,, وبـ آلعآفيه عليكم ~

[ḾĕẕąĞĕђ]

ماشالله روووعهـ

صحتين على البكـ .."

[ورد تميم]

ماشاء الله تبارك الله
شغلك يفتح النفس
واموت بالمحاشي كلها وجنبها زبادي بالثوم ياعيني
الله يعطيك العافيه

[η ο n]

شوهالزين كله ..!!
أنـــآ خقيت مع الصور ..
محشي حبي الأول والأخير <-- تأثير الصور
والله طالع يفتح النفس..
ولك تسلم الأيــآدي والله ..
صحه و هنـــآ على قلوبكمـ
حبي لك ~

[i C h o]

يعطيك العافية المحاشي تشهي كثير أعشقها وحبيت طريقتك

عواافي على قلبك

[العذوب]

يعطيكـِ العافيهـُ

شغل متعوب عليهـُ

شكلها مشهي مررررهـُ

يسلملي هالايدينُ يااارب

[بطيخه فوشيه]

ياجعل ايدينك ماتمسها النار
ماشالله روعه
يعطيك العافيه
تقبلي طلتي