(( نـــــادي صحي بجــده . . بليييز . . ؟؟))

[* O m J o U r I *]

صباح الخير ....

كيفكم جميعا ..... حبيباتي انا توني جديده بالمنتدى ولي فتره وانا اتابع مواضيعكم ومره اعجبتني قررت اسجل على طووووووووول ....ان شاء الله نكون صحبات يارب

انا بسال لو احد يعرف نادي صحي بجده حلو انا سمعت عن سليمان فقيه وجولدن جيم بس ابعرف فيه احسن منها واللي تعرف معلومات عنها ياريت تقول ... لاني من جد محتاجه ادخل نادي

ياريت ما تخجلوني يا حلوين ....

[Nina Ricci]

هلا وغلا ..

فيه نادي صحي مستشفى الزهرة .. وقولدن جيم أفضلهم لأنه

مفتوح من ناحية الحضور .. بس شوي غالي ..

وسمعت انه فيه بمركز نوارة ..

الله يساعدك ..

[attractive lady]

بعد سليمان فقيه بالنسبه لي يجي

نادي مستشفى عرفان موقعه في E-Spa بالتحليه

ويمدحون مركز وعود الطبي اسعاره وسط ونتايجه روعه

عندهم مساج تخسيس وانظمه غذائيه

وعندك نادي مستشفى بخش

ونادي جامعة الملك عبدالعزيز

بس نص اليوم للرجال ونصه للنساء

اعتقد الفتره المسائيه للنساء

[ehsass]

يا هلا بيك حبيبتي

بالنسبه للنوادي الاشهر اللي هو نادي الجامعه واحسن شئ فيه المضمار تمشي فيه بالراحه ومسافااااااات طويله

وبالذات مع اعتدال الجو يا سلام


كمان قولد جيم 24 ساعه مفتوح بس الشهر هذا عاملين عرض

وهو انك تسجلين عندهم بفترة الصباح فقط من 8 الصبح ل 4 العصرفقط وبعد 4 تغادري

اذا سجلت بهذا العرض يعملو لك خصم ويصير اشتراكك السنوي ب3500 ريال

وكمان عندهم عرض تاني يسجل 3 حريم من عيله وحده يعملو لهم خصم يصيرو الثلاثه ب12 الف السنه كلها

بس مدري هذا العرض لسة موجود والا انتهى ؟؟؟؟؟؟؟؟

انا صاحبتي تروح اللي بمستشفى الزهرة وتمدحه كثير

وفيه بعد مركز وعود الرياضي <<<<<< هذا مدري عنه بس اقرا له دعايه بكل مكان

ولو حابه رقم قولد جيم او مركز وعود ابشري ياقلبي

[CHOCOLATE]

زي ما قالو البنات

حابه أضيف نادي مستشفى جده الوطني يمدحوه بس أفضل تروحي وتشوفي النادي

[attractive lady]

8

8

8


شوكو

جده الوطني اتقفل السنه اللي طافت والمدربات اتوزعوا عالنوادي الثانيه

اتذكر فيه بعرفان مدربه كانت تشتغل بجده الوطني ومجموعة بنات

حولوا على عرفان بعد ماانقفل جده الوطني ماادري اذا رجعوا فتحوه

ولا لأ ؟ لأني انقطعت عن النادي .

[* O m J o U r I *]

السلام عليكم

تسلمووووون يا حلوين والله خجلتوني بردودكم ... واعتذر عالتاخير بنتي كانت تعبانه وانشغلت معاها

عالعموم انا بتصل على المراكز اللي قلتو عنها لاني ما سمعت عنها

وان شاء الله ربي يكتب اللي فيه الخير

تسلموووووون كلكم ياحلوين

ومشكورين عالمعلومات تعبتكم معااي

ثانكس

[CHOCOLATE]

المشاركة الأصلية كتبت بواسطة attractive lady

8

8

8


شوكو

جده الوطني اتقفل السنه اللي طافت والمدربات اتوزعوا عالنوادي الثانيه

اتذكر فيه بعرفان مدربه كانت تشتغل بجده الوطني ومجموعة بنات

حولوا على عرفان بعد ماانقفل جده الوطني ماادري اذا رجعوا فتحوه

ولا لأ ؟ لأني انقطعت عن النادي .

هلا ترتر حبيبتي النادي أكيد فتح لأان أخواتي مشتركين لهم شهرين ويروحو كل سبت واثين وربوع بس اشتراكهم كارتيه بس

[كفوف حنونه]

سؤال ممكن :
اشتراك نادي جامعة الملك عبد العزيز بكم في الشهر ؟؟
ودي وورودي لكم