لبشره ناصعه خاليه من الاثار ولـ ابط يلمع لا مسام ولا حبوب ,, تجربتي مع بعض الكريمات ~

[Charlotte]

السلام عليكم والرحمه

كيفكم ياحلوين حياكم الله كلن باسمه بموزوعي

باعطيكم قصتي من الاخر بصراحه انا لي سنتين وانا اخبس ببشرتي ولا فاد معي شي لا خلطات ولا ماسكات ولا زيد ولا يعقوب ومن كم شهر تقريبا من شهر جمادى الاول رحت اراجع عند طبيب جلديه وحرصت اني اروح لمستشفى حكومي بدال الخاص اللي الكل طايح عليه .. بتقولولي ليش؟


انا اقولكم ليه لان الخاص الحين صاروا طايحين ب "روكتان " وغيرها من الحبوب اللي مغمسه بالزئبق اللي تمعص كبدك مغص لين تطلع ما فيها من دهون عشان ماتطلعلك الحبوب
الحمدلله والشكر .. مالكم بالطويله .. رحت عند دكتور ممتاز شفت شغله بصديقتي حاقه فزيعه مع ان بشرتها كانت معدومه واحسن شي ان العلاج بالتدريج لمده ست شهور عشان مايتعب الجسم ..

اولا حبيت انوه ان الحبوب كانت بوجهي ورقبتي وصدري وظهري واللي بظهري كانت اعمق شي

صرف لي حبوب صفراء مدري اش اسمها = مالها داعي كل يوم حبه زي الكبسولات
لكن الحاجتين المهمه هي
محلول موضعي ميداسين"topical solution كلندامايسين1%" هذا للحبوب الطازه اللي توها احمر او زهري ماقد صارت اثار .. ينحط مره وحده باليوم وبالنهار مو بالليل اوكي..
-الحاقه التانيه =كريم ليلي اسمه actretin 0.05% ما يوضع الا قبل النوم يعني تدهني وتنامي طوالي لانه يتفاعل مع النور انا ووجهي جلست فتره اتدهن واجلس لين الفجر سهرانه لين طلع بصدري ورقبتي مثل الحرق يعني اللي بتستخدمه تنتبه من هالشغله
جلست ع هالادويه كل ماروح موعد عنده صرف لي نفسها وامشي لين شعبان صادف انو المصري كان باجازه ولقيت السعودي وترددت ادخل عنده انحرجت لكن زنقه قرب رمضان وماعاد طرا لي اروح برمضان
والحمدلله اني دخلت صرف لي علاج ولا اروع انصح كل وحده تشتكي من اثار او تغير بلون الجلد الطبيعي باي مكان بجسمها او عندها تبقع تستخدم هالكريم: pigmanorm ب 73 ريال رجعت بشرتي لايام الثنوي حتى الاماكن الغامقه فتحها لي لان طبيعه بشرتي فاتحه يعني يوحد لك اللون تماما حتى يديني استخدمته لهم هعوالكل لاحظ اني تغيرت
وهذا الكريم برضو يتفاعل مع النور يعني اللي بتستخدمه تدهن وتنام وهو يوميا لمده شهرين
وصفلي معه المحلول الموضعي سابق الذكر قال انو مع استخدام الكريم بتظهر حبوب جديده خطي عليها المحلول
ووصفلي كريم واقي شمس رووعه اسمه photoscreen

وهذي المنتجات ,,



..............

اما بالنسبه لـ آباطي انا استخدم لها اله النتف براون والاحظ كثره المسام المتنفخه واللون غامق وحبوب تجيب الهم .. فاستخدمت لها Eskinol هو زي التونيك للتنظيف العميق استخدمته بعد النتف على طول .. ماتتصورون النتيجه صارت اباطي بيضاء ولا حبه وصار الشعر يطول مايطلع صح يعووووووور لمن احطه بعد النتف بس تحملت ابشركم وحتى البتاع امسحيه بعد الحلق او النتف وشوفي النتيجه كيف بس انتبهي لازم يكون البيت فاضي عشان تاخذين راحتك بالصياح خخ

وللامانه ان فيه فرق شاسع بين نتف الابط بالحلوى وبالاله ..اكتشفت ان الحلوى نتفها سطحي جدا وان الشعر يطلع بسرعه وبكثثثثره عكس الاله الله يسقي ارضها مااستخدمت الحلوى الا ثلاث مرات ورجعت ع الاله


الله يشهد اني صادقه بكلامي واني ماكتبته الا عشان افيدكم لاني عانيت كثير من الاثار ومن مشكله حبوب الابط فديتكم

ادعولي وبس

[سديم القصيم]

|||||||||||«• •

وعَلَيْكُمْ الْسَّلَامُ وَرَحْمَةُ الْلَّهِ وَبَرَكَاتُهُ ...
•
•

موضوعك به كذا نقطة بناقشك فيها ..
بالنسبه لكريمات البشره كل بنت ولها بشرتها الخاصه فيها ...
ممكن بنت تاخذ الكريم وتحسس بشرتها ..وممكن بنت ينفع لها ..
لازم الوحده تفهم بشرتها وش محتاجه بالضبظ ...
وعموما اغلب مشاكلنا يالبنات بشراتنا ياتكون ..
مشكله مهملينها من ايام المراهقه ولخبطه الهرمونات

او تكون للعوامل الداخليه مثل التغذيه والحاله النفسيه

او الجو الخارجي ...






الشي الثاني ..ماتفق معاك كثير باله براون انها وااااو ...
انا جربت الحلاوه يكفي انها تجمع بين التنظيف والشيل ..
الحلاوه ماتسخدمينها كذا على طول اول شي قشري المنطقه

ثم شيلي ونظفي اخرها سكري المسامات بنشاء وماء ورد

والاسكينول يستخدم مره باليوم كمطهر مو بعد الحلاوه على طول لانه يحرق البشره ..
احس العالم مكبره مسالة الحلاوه مع انها سهله جدا ونظيفه وماتطلع شعر تحت الجلد



عموما ارجع واقول ان كل وحده تفهم نفسها اكثر من غيرها ..
بس تحاول تتعلم وتتعلم وتتعلم وش هي تحتاج بالضبط ..






مرتن ثانيه تسلم يداتك على الموضوع
•
•


• •«|||||||||||

[جاردنيا]

يعطيك العافيه على ذكر تجربتك
الكريمات انا من النوع الي اخاف استخدم
شي من دون وصفة الطبيبه مع انو ولا مره نفع
معي كريم من الطبيبه خساااير هاذا الي استفدت منه

وفعلا الابط جربت الحلاوه والاله اتفق معاك الاله افضل
للمنطقه بكثير بس لاحظت انو المكان صار اسمر مع انو
قبل لونه زي لون جسمي

[Charlotte]

سديم القصيم

هلا بك قلبي الحلوى مره بالشهر للتنظيف استخدمها مو بغرض الشيل وايسكينول فاد معايه ع طول والناس انواع وع قولتك الكل ينام ع الجنب اللي يريحه تسلمي ع الطله ي حلوه

جاردنيا

صارت المستشفيات هدفها الربح والمريض بستين داهيه الله يعينك

[غـربة مشآعر]

ياكثر الكريمات الي استخدمتها ولا استفدت منها شي


وكريم pigmanorm كم مره سمعت عنه انه ممتاز بس قلت اكيد زيه زي غيرة


بس بما انك حطيتي لنا تجربتك واستفدتي منه انشاء الله شاريته شاريته


اممم حابه اسالك المستشفى الي رحتي له ايش اسمه وين ؟!

واشكرك على طرح تجربتك

[EmaN✿]

يعطيك الف عافيه يا الغلا

والاسكينول ...فعلاً نتايجه حلوه ..


الحلاوه استخدمتها مره وحده ولأول مره...للآباط وحرقتلي المنطقة

وسودت ..مع انها نظفت المكان وشالت كل ابو الشعر هههه

الحين انا ع الآله وفعلاً حلوه ..

جزاك الله الف خير

[شبح سالي]

هلا حبيبتي انا جربت بيجمانورم للركب والاكواع فقط في الليل واستخدم في النهار لوشن من ديرما لانه قوي ويقشر الجلد
وكانت نتايجه حللللللللللللللللوة
ايش المناطق اللي استخدمتية فيها وهل يصلح للوجه لانه مره قوي ويقشر الجلد ؟؟؟؟

[طعس وغدير]

بصراحه اشكرك على ذكر التجربه ..
والاسكينول يمدحونه كثير ..

عوافي ولك احلى تقييم

[Nooona Ozil]

آهلين حبوبه ~

آنبسط ع الموآضيع آللي تكون فيها مصدآقيه وَ إنتي موضوعك حلو ,,

بس تمنيت وَ إنتي دعّمتيه بآلصور لجل الكل يستفيد ~

وَ لو إني ما آنصح آي وحده تستخدم آلمرآهم وَ الكريمات بدون إستشآرة آلطبيب ,,

لآن بشره عن بشره تختلف وَ المرآهم آللي معك مفعولها قوي جداً ,, وَ لآ ماكنت آحرقت بشرتك !!

كريم acretin 0.05% مفعوله رآئع وَ آهم شيء تستمري على وآقي آلشمس ~

كريم pigmanorm مُمتاز للكلف وَ آلبقع آلداكنه مُمكن تستخدميه آيضاً للمفاصل لو عندك سواد !!

آما الآسكينول آبداً ما آنصحك فيه !! مع الوقت يحرق بشرتك !

وَ بعد التنتيف لا إنتبهي لان آلمنطقه بتكون ملتهبه وَ متحسسه من النتف !

لآن آلإحمرار مع الوقت يقلب سواد ,, فـ آنصحك بالليمون لو ودك تزيلي البكتيريا وَ تعقمي المنطقه ~

ربي يسلم إيديكِ ,, وَ تم آلتعديل ~

[وفّو]

تسلمين حبوبا افدتيني
ربي يوفقك