[مَاكياج] كيف أستخدم فاونديشين Photo ready من ريفلون ..؟!

[هـلا]

السلام عليكم ورحمة الله وبركاته ..
أخبار , الشموائيات القميلآت ..؟!
أنآ شريت كريم أساس Photo ready من ريفلون من سنتر بوينت
بـ 85 ريآل فاتح وأغمق منه لأني ما قدرت أشوف الدرجة واللون بسبب الإضآءة كانت صفراء ومو واضح من اللون شيء غير إني متغطية وما جربته على وجهي بس يدي..
وشريته من مدح البنات له سؤآء العربيآت أو الأجنبيات وشفت دروس لهن ومستخدماته أوكي طبعاً هو أول تجربة لي بكريمات الأساس..
المهم استخدمته اليوم يوم حطيته الله يسلمكن اليوم وجهي حسيته شب وصار أحمر يعني بشتري تتحسست منه مع إني منظفتها بالغسول أول و غير كذا يوم حطيته صآيرن أشهب تقل طحين أفتح من لون بشرتي ووزعته بيدي وحسيته تقيل على البشرة ما أدري شلون طبقة و أنآ ابي يكون الفاونديشين مثل الكريم على طول تشربه البشرة بس هذا لا ومو اللي ببالي..
واللي قهرني أكثر إن لونه بالعبوة أغمق من بشرتي بشوي ولكن يوم حطيته مار طحين الله لا يوريكم مع إني جربت كل الدرجات على يدي لكن ما قدرت أفرق من الإضاءة الصفرآء..
وفكيت أنآ الغامق أول وهآ الحين متحسفة عليه وش رأيكم أشتري فرشة وأوزعه فيهآ أو بالاسفنج يمكن يطلع أحلى..
لأني يمكن مآ عرفت أوزعه ..
وإلا أتركه وأرجع الفاتح لأني ما فتحته أوجيب فاونديشين هيلثي مكس من برجوا ..
وش رأيكم فيه ..؟!
هذا اللي شريته أنآ ( الغامق ) ..




صورة أوضح لـهُ ..



وهذا مكياج وحدة اسمهآ جيسيكا هآلرو من اليوتيوب مسويه الدرس من فاونديشين Photo ready ..
http://www.youtube.com/user/MissJess...68/iwUuVdjG4po
و بس بقي شيء وآحد وخلاصْ..
أبي كريم أساس من ماركة عالمية وش تنصحوني فيه ..
أنا صرآحة حبيت جيرلان من أرتوسة ..
وديور فل كفر من مرآيم ..
و محتارة بينهم ..؟!
وإنتوا اللي جربت تقول لنآ رأيهآ إذآ مآ فيهآ كلافة..؟!
عشآن أشتريهم إذآ زرت الريآض..
لأنه في حآيل مآ فيه وجوه و سيفورآ مآ عندنا غير مكياج سنتر بوينت..
وبس يعطيكم ألف ألف عآفية ..

[دمعه حزن]

معاكي حق تنقهري احيان نحار وما نعرف نختار بس ليش انتي اخذتى هذا النوع من الاساس يعاني اش نوع بشرتك لانى افكر اخذ من عندهم اساس وهذا الاخذته في منه درجات بعد الرقم 7

[Quistis]

ماذكرت نوع بشرتك؟

[هـلا]

أنآ نوع بشرتي مختلطة ..
رآع المحل قال لي بس فيه
فآونديشين للبشرة الجافة و الدهنية ..
وقآل هذآ حلو..
أمآ على الدرجآت فيه وخذيت هذآ
لأنه لونه حلو قريب من بشرتي وخذيت
الدرجة اللي أفتح ..

[هـلا]

بحثت في النت وقريت العديد من الريفيوات عن هآ الكريم الأسآس ..
Healthy mix By Bourjois
وأعجبني من كلامهم فقررت أشتريه يوم الإربعآء إن شآء
الله ..
وجبت لكم كل ألوان Shades عشآن تقررون الدرجة المنآسبة
لي ..



لون بشرتي زي لون بشرة ميرندا كير هنآ بالصورة اللي
على اليمين ..


وبس ..

[سمرموني]

انتي مفروض يوم غسلتي وجهك , مررتي ثلجه على وجهك تقفل المسام ,,
او استخدمتي بيس ,, مايخلي الاساس يتغلغل ابشرتك !!

انا كنت ناويه اجيب رفلون كولر ستاي , يمدحونه اكثر ,,
هذا اول مره اسمع فيه ,,

بس حاليا استخدم اساس نيفيا ( بيوتي لفت ) يشد البشره ,,
حلو ,, اتوقع موجود عندكم بـ سنتر بوينت ,, انصحك فيه ,,

واذا قدرتي خذيه معك دورة المياه قولي ابجربه اهناك وادفعي له سعره ,,
عشان يتطمن ,,

ا