الرئيسية الألعاب التَسجيل القوانين إتصل بَنا Twitter Facebook
 
العودة   منتديات شمواه|SHAMOA FORUM ® > ،، || لغة الجَمال || ،، > عطورها bath & body

الملاحظات

عطورها bath & body يلقي الضوء على جديد العطور , ومستلزمات الحمام , وطرق العنايه الشخصيه .



إضافة رد
 
أدوات الموضوع
قديم 20-01-2012   #1

* فرفورة *
عضوه طموحه
 
الصورة الرمزية * فرفورة *

* فرفورة * غير متواجد حالياً

 رقم العضوية : 61418
 تاريخ التسجيل : 12 2011
 الجنس : sex
 المكان : Jeddah
 المشاركات : 235
  الشعبيه : * فرفورة * موهوبه بشمواهـ* فرفورة * موهوبه بشمواهـ* فرفورة * موهوبه بشمواهـ* فرفورة * موهوبه بشمواهـ* فرفورة * موهوبه بشمواهـ* فرفورة * موهوبه بشمواهـ* فرفورة * موهوبه بشمواهـ* فرفورة * موهوبه بشمواهـ* فرفورة * موهوبه بشمواهـ* فرفورة * موهوبه بشمواهـ* فرفورة * موهوبه بشمواهـ
 النقاط : 1977
افتراضي عنايتي اليوميه من رأسي إلى أخمص قدماي .. Reviews


هاي يا حلوين

بما اني اول مرة اطل عليكم بموضوع جديد خلوني ابربر على روسكم شويه .. اول شي حابه اعترف اعتراف خطير هههه وهو سبب اختياري او ان صح التعبير اعجابي بمنتديات شمواه ..


طبعا انا لي سنوات وانا ابحرو افرفر في عالم المنتديات وخصوصا المنتديات اللي تخص المراه وجمالها وشؤونها ووو الخ (عشان كدا اسمي فرفورة لووولز).. واشتركت في اكتر من منتدى ولكن كل منتدى اشترك فيه امضي فيه مدة ومن ثم انقطع .. سبب انقطاعي كان مو لسبب واحد وانما لاسباب عديدة وكانت الاسباب وبكل اسف تتكرر في كل المنتديات اللي عرفتها.. من هادي الاسباب على سبيل المثال تخيلو معايا .. تجلسي بالساعات بل بالايام وانتي تحضري لموضوع معين وتنسقيه وترتبيه وترتبي افكارك وتصوري وتكتبي وكل شي وتنزلي الموضوع وانتي في قمة السعاده لانه غرضك سامي وهو انك تبغي الكل يستفيد وغير كدا تبغي الاجر والثواب من الله ولكن تنصدمي في النهايه بالردود السطحية الباردة .. امثله : يسلمو او جزاك الله خير او مشكورة .. بصراحة تحسي انه تعبك والساعات اللي امضيتيها راحت عالفاضي لانه مافي شي يضمن اصلا انه العضوة اللي مرت وردت قرات الموضوع ولا لا ..يعني لو ما ردت ابرد على قلبي .. بس انا اشك اصلا انه اللي ترد برد مثل هادا تكون قرات الموضوع.. وابصم بالعشرة انها ما جات وشرفت الموضوع وردت الا لانها تبغا تزود عدد مشاركاتها وبس واللي يقهر انه لما هي تنزل موضوع تترجانا نقيمها .. برايي انه هادول العضوات فاهمين التقييم غلط .. المفروض اني اقيمك على تميزك في المنتدى ككل .. على ردودك ومشاركاتك وتفاعلك مع الاخرين مو بس على موضوع نزلتيه وخلاص ..
هادا الشي سبب لي ردة فعل عكسيه ووعدت نفسي اني بعد كدا آخد وما اعطي .. يعني للاسف الكثير من مجتمعنا (مو الكل) يخليكي تضطري تتصرفي بانانية وتتركي مبادئك اللي اتعودتي عليها .. لكن جا اليوم اللي جمعني فيه محرك البحث قوقل بالصدفه بشمواه الحبيب وقلب كل الموازين عندي وغير نظرتي عن هادولا الفئه من الناس .. كلامي هادا مو مجامله والله على ما اقول شهيد ..
من خلال كلامي وضحت لكم اني كنت حريصه على انه مواضيعي تنقرى ورسالتي توصل للكل لعدة اسباب ..

اولها وقبل كل شي اني ما ابغا اكتم علم نافع ينفع الغير واكسب من خلاله الاجر والثواب وثانيها خلوني اذكر لكم تجربتي ومعاناتي ايام المراهقه .. في فترة مراهقتي كانت امي جدا شديدة معايا .. ما تخليني اشيل حتى شعر ابطي وكانو زميلاتي في المدرسة يعايروني بطريق غير مباشر ويدقوني بالكلام وكنت انحرج من ريحتي واسكت لاني اخاف من امي .. افتكر موقف تاني .. مرة كنا في عزيمة في بيت خالي وكنت لابسه فستان لاهو طويل ولا قصير وعشان امي ما كانت تسمحلي اشيل شعر رجلي خلتني البس كولون اسود ولكم ان تتخيلو كيف طلع منظر رجلي .. لما اجتمعت مع بنات خالي بداو يتريقو علي لدرجة انه وحدة منهم قالتلي شكلها الحلاوة خلصت من بيتكم .. وغيرها من المواقف والمآسي كتير ..كل هادي المواقف سببت عندي عقدة نفسيه في داك الوقت وعدم ثقه في النفس واهتزاز في الشخصيه وبعد مدة اتكونت عندي ردة فعل عكسيه و دافع قوي وصل لمرحلة ما ابغا ابالغ و اقول الهوس ولكن خلتني اهتم جدا في نظافتي الشخصيه وفي اناقتي وجمالي .. وانا والله سرت احزن عالبنات اللي متبنيين فكرة انه الوحدة ما تهتم في نفسها الا اذا انخطبت او اتزوجت .. يا جماعه احنا في القرن الواحد والعشرين ولسه عندنا هادا الفكر؟! يا امهات اهتمو في بناتكم وخافو الله فيهم .. وجههوهم للطرق السليمة بالعناية الشخصيه والنظافه.. معظم البنات اللي بيشتكو من الالتهابات في المنطقه الحساسه ومشاكل البشرة والفطريات والامراض هادي كلها ناتج عن عدم توجيه او قلة اهتمام .. وانتو كمان يا بنات اهتمو في انفسكم ترى النظافة من الايمان .. يعني ديننا يحب النظافه ويحب الجمال .. الله جميل يحب الجمال ..بس لا تركزي عالجمال والمكياج واللبس وتهملي نظافتك الشخصيه.. افتكر في الجامعه كنت اشوف مناظر مخجله والله.. تلقيها حاطتلط داك الروج الاحمر ولكنه كله سايح على اسنانها وشعر يدينها استغفر الله مقزز.. المهم.. المنتدى ماشالله مليان مواضيع حلوة ومميزة .. كل وحدة تاخد اللي يناسبها .. لا تاخدي شي عشوائي يمكن ما يناسبك وبعدين تندمي .. ان كانت بشرتك جافه احرصي انك تستفيدي من خبرات العضوات اللي بشرتهم جافه واذا كان شعرك دهني ترا ما يناسبك تاخدي اي خلطة تعدمي شعرك لانه بنسمع مآسي كتيرة ومحزنة ..

شكرآ لكم عشان سمحتولي افضفض وافش خلئي على قولة اللبنانين والآن نبدا بالشغل ..

موضوعي عبارة عن ريفيوز لبعض منتجات العناية بالجسم اللي استخدمها .. اغلب منتجاتي من حبيب ألبي باث اند بودي ووركس.. انا وهادا المحل عايشين قصة حب مستمرة لاكتر من 3 سنوات ههههههه .. اتمنى يفتحوه عندنا قريبا في السعوديه ولو اني سمعت انه فتح في الرياض بس مو متاكده من صحة الخبريه ..

الموضوع بالترتيب حيتناول :


· عنايتي بالوجه


· عنايتي بالجسم


· عنايتي باليدين


· عنايتي بالقدمين




بس سامحوني ترا مالي في الفوتوشوب .. يادوب نسقت الصور عن طريق الرسام ..





أولا: العناية بالوجه

My Face Care



هادي صورة جماعية لمجموعتي الاسبوعيه للعناية ببشرتي .. وراح اشرح لكم عن كل منتج بالتفصيل








(1)


7day scrub cream- Clinique



اول شي خليني اعطيكم فكرة عن نوعية بشرتي.. عندي بشرة مختلطة.. يعني الخدين عاديه ومنطقة الجبهه والانف والذقن دهنيه ..


هادا مقشر للوجه من ماركة كلينيك الغنية عن التعريف .. بدات قصة اعجابي فيه من سنواااات .. كنت في دبنهامز مع صديقتي تبغا تشتري مستحضرات تجميل من كلينك وانا واقفه معاها اتفرج قام البياع قللي "انتي مش عايزة تشتري حاقه! طب خدي قربي المقشر ده وهتدعيلي وترقعي تشتري منه".. اعطاني عينة مجانيه ومن اول استخدام الصراحة اغرمت فيه بشدة .. يخلي البشرة صافيه وناعمة ومشرقه وتلاحظي الفرق من اول استعمال .. انا استخدمه يوميا .. والحلو انه مناسب لجميع انواع البشرة .. وfragrance free


طريقته انك تغسلي وجهك بماء دافي وتوزعي قليل من السكراب على وجهك وتعملي مساج خفيف بحيث تفركي كل

انحاء وجهك متجنبه منطقه حول العين وبعدها اشطفي وجهك بماء دافئ ونشفي وتمتعي ببشرة صافيه وحلوة ..



هل حارجع اشتريه ؟


لي اكتر من سته سنوات استخدمه ومهما جربت سكرابات غيره ما لقيت احسن منه .. في نظري هو الافضل واكيد حارجع اشتريه.. اشكر كلينك على هادا المنتج الرائع





(2)


True blue spa blackberry face mask- Bath and Body Works



وهادا قناع للوجه بريحة التوت الاسود من باث آند بودي ووركس .. من خلاصة التوت الاسود وزيت شجرة الشاي او Tea tree oil..



طريقته ..حطي طبقة خفيفه على وجهك وانتبهي لا تقربي منطقة حول العين و الحواجب وحول الشفايف .. وخليه اقل شي 20 دقيقه الين ينشف القناع وبعد كدا ابدئي اسحبيه بشويش من الاطراف.. هادا القناع من جد عجيب لانه يشيل كل القشورو الدهون والجلد الميت اللي في الوجه وهادا الشي تلاحظيه بوضوح لما تبدي تنزعي القناع .. حتلاقي كل الاوساخ فيه خاصة انه لونه اسود يعني يبينلك الاوساخ ..بعد ما تنزعيه كله من على وجهك حتبقى فتافيت صغيرة عالقه اغسليها بالماء عادي.. احب ريحته رهييييبه وتجنن..انا استخدمه مرة في الاسبوع ..



ملاحظة: تقدري تستخدميه كسلاح لتخويف اللي يزعلك في البيت لان لونه اسود وبجد يخوف ههههههه




هل حاشتريه تاني؟


اكيد نعم




(3)


Tea tree blackhead exfoliating wash- The Body Shop



كانت الرؤوس السوداء مسببتلي عقده نفسيه وكنت افكر لاول مرة في حياتي اني اسوي تنظيف بشرة في الصالون لكن بصراحة سمعت قصص ما تطمن عن مساويء تنظيف البشرة من ضمنها انه الكوافيرة ممكن تفتح مسامات الوجه وما تعرف كيف ترجع تقفلها وبكدا حتنكب البشرة لانه حيدخل فيها كل الاوساخ والاتربه ..غير كدا انا شخصيا دايما الاحظ اللي تسوي تنظيف بشرة يعطيها نضارة لوجهها لمدة لا تزيد عن اسبوع وبعد كدا يرجع الوجه اسوا مما كان ويصير شاحب غير الحبوب اللي ممكن تطلع اذا اتحسست البشرة .. عشان كدا قلت خليني اريح راسي وبلاش العب في بشرتي و اسوي شي ممكن اندم عليه ..ومرة من المرات قرات موضوع لوحدة من العضوات جزاها الله خير في منتدى تاني تمدح هادا المنتج من ذا بودي شوب وتقول انه حقق حلمها في ازالة الرؤوس السوداء وانا عاد جري على ذا بودي شوب >> ما صدقت الاخت ههههه ..



طريقته انك تحطي ماء دافي عالمنطقة اللي فيها الرؤوس السوداء وبعدها تحطي هادا السكراب وتبدئي تفركي لمدة خمس دقايق وبعدها غسليه ونشفي خشمك او وجهك وعلى طول استخدمي الحديدة المخصوصه للرؤوس السوداء برضه تلقوها في ذا بودي شوب .. حتلاقي الرؤوس السوداء تطلع معاكي بسهوله .. انا استخدمه مرتين في الاسبوع.. بس يبغاله شويه صبر وطولة بال .. يعني النتيجة ما راح تظهر من اول مرة بس حتلاحظي ان الرؤوس السوداء بتقل مرة بعد مرة الين تختفي .. طبعا ريحة التي تري شويه قويه وفي كتير ما يحبوها بس اعتبريه علاج واللي يبغا الدح ما يقول اح هههههه



هل حاشتريه تاني؟

المنتج رائع وخاصة انه من خط منتجات التي تري المعروفه بجودتها من زمان بس عتبي الوحيد اني كنت اتمنى لو انهم مزودين الحبيبات المستخلصه من المشمش في السكراب اكتر شوي .. من ناحية ارجع اشتريه او لا راح اقول يمقن ايوة ويمقن لا هههههههه




يمكن لاحظتو اني ما استخدم مرطب لوجهي والسبب يعود لانه بشرتي مختلطة زي ما قلت لكم في بداية الموضوع .. طبعا البشرة الدهنية لو رطبناها وحطينالها كريمات حنزود كمية الدهون فيها وحتصير تلمع ومنظرها بشع .. غير كدا البشرة الدهنيه ماهي في حاجة الى ترطيب لانها في الاساس بتفرز كميه زايدة من الدهون ازود من الطبيعيه ..يعني هيا بترطب نفسها بنفسها وفي فائض كمان .. هادا الفائض بنعالجه بالتقشير والماسكات والغسولات ..




Gohnson's face care




بالنسبة لتمسيح المكياج .. جربت انواع كتيييرة وعديدة ..جربت غسولات تمسيح الماكياج بس بصراحة ما عجبتني احس حوسه كل شويه جايبه قطنه وكابة عليها واحيانا ينكب عالتسريحة .. لكن المناديل المبلله احلى بكتير واسهل.. طبعا زي ما احنا عارفين الواحد يحتار ايش يختار من هادي المناديل ..في انواع كتيرة وشركات عديدة ومتنوعة لكن خلوني اكتفي بالقول اني ماعرفت قيمة هادي المناديل الا لما جربت غيرها .. على قول المثل :" ما تعرف خيري لين تجرب غيري" ههههههه ..




كنت افكر مناديل تمسيح المكياج كلها زي بعض واي نوع حيفي بالغرض ولكن جربت انواع كتيرة مو حلوة ابدن.. يا تلقيها مو مبلولة بلل كافي لمسح المكياج او تلقي مافيها المادة المرطبة للوجه يعني تسبب جفاف للبشرة او تسبب خدوش للبشرة وتهيجها وتخليها تصير حمرا .. بالنسبة لي هادا النوع يناسب بشرتي ومرتاحة عليه كتير .. عجبني انهم متحكمين في نسبة المحلول صح يعني المحلول فيها موازن لا تجيكي غرقانه مرة ولا ناشفه مرة وفيها فيتامينات مغذية تحتاجها البشرة بعد ما اجهدناها و ارهقناها بالمكياج.. بس خلي بالك تقفلي الغطا كويس عشان لا تنشف المناديل ..





راح اشتريه تاني؟


اكيد تاني وتالت وعاشر كمان




ملاحظة عن سعره: انتبهو يا بنات اشتريته من الصيدليه ب30 ريال ولقيته بعدين في السوبرماركت ب 24 ريال ولما رجعت للصيدلي وسالته قللي" معلش يا مدام اصله اسعار الادويه ثابته من الشركة و احنا ما بنكسبش فيها ولا حتى نص ريال فبنرفع الاسعار في المستحضرات" قلت اهااا الشغله كدا .. طيب خير ان شاء الله ..





انتظروني للموضوع بقية ..







  رد مع اقتباس
قديم 20-01-2012   #2

* فرفورة *
عضوه طموحه
 
الصورة الرمزية * فرفورة *

* فرفورة * غير متواجد حالياً

 رقم العضوية : 61418
 تاريخ التسجيل : 12 2011
 الجنس : sex
 المكان : Jeddah
 المشاركات : 235
  الشعبيه : * فرفورة * موهوبه بشمواهـ* فرفورة * موهوبه بشمواهـ* فرفورة * موهوبه بشمواهـ* فرفورة * موهوبه بشمواهـ* فرفورة * موهوبه بشمواهـ* فرفورة * موهوبه بشمواهـ* فرفورة * موهوبه بشمواهـ* فرفورة * موهوبه بشمواهـ* فرفورة * موهوبه بشمواهـ* فرفورة * موهوبه بشمواهـ* فرفورة * موهوبه بشمواهـ
 النقاط : 1977
افتراضي رد: عنايتي اليوميه من رأسي إلى أخمص قدماي .. Reviews

ثانيا: العناية بالجسم




سكراباتي


My Scrubs



يا حبي لشي اسمه سكراب ويمكن لاحظتو وحتلاحظو من خلال موضوعي اني اعتمد عالسكراب في عنايتي بكل اجزاء جسمي ..



انا من الاشخاص اللي يعانو من طلوع الشعر تحت الجلد ولكن ماراح اطولها عليكم واحكيلكم قصص حياتي .. ترا حلها الوحيد وانتي مغمضه (خديها مني على طبق) هو السكراب .. يشيل لك الجلد الميت اللي مغطي عالشعرة ويسمحلها تطلع عالسطح وبالتالي تقدري تشيليها بعد كدا بالحلاوة او الشمع او الليزر او باي طريقه تحبيها.. لاحظت من فوائد السكراب كمان انه يفتح المناطق الغامقه في الجسم زي الاكواع والركب ويرطبها ..



جربت سكرابات كتير ولكن ما راح اعرض لكم الا حبايبي اللي ما استغنى عنهم ..




Spa wisdom Africa ximenia and salt scrub- The Body Shop






اكيد هادا المنتج الاغلب اذا مو الكل ماشالله يعرفه ويمدحه لانه عريق .. سبا ويزدوم آفريكا من ذا بودي شوب .. هادا المنتج كلمة روعة فيه قليله واستخدمه من يوم ما اخترعو شي اسمه ذا بودي شوب >> كانك زودتيها شوي هههههه



لا من جد والله استخدمه من اكتر من 7 سنوات.. كل ما خلصت برطمان اجيب غيره .. يجلس معايا تقريبا 4 شهور



هو مستخلص من زيوت شجره ال كزيمنيا الموجودة في افريقيا والحبيبات عبارة عن املاح مقشرة .. يحتوي ايضا على زبدة الشيا اللي تعمل على ترطيب الجسم ..وهادا سر تميزه .. لانه زبدة الشيا معروفه منذ القدم بفوائدها العظيمة في ترطيب وتنعيم البشرة .. ريحته حلوة تعجبني مرة



طريقة استخدامه زيه زي اي سكراب.. بللي جسمك بالماء الدافئ وبعدها وزعي السكراب على جسمك والجزء المهم في الموضوع هو الفرك بالليفه.. انا شخصيا جربت ليفات كتير بس زي هادي اللي في الصورة ما لقيت .. من جد رااائعه وتفرك بضمير وبرضه تلقيها في ذا بودي شوب .. وبعد كدا تغسلي جسمك بالماء الدافئ .. انا استخدمه مرة في الاسبوع ..




وهنا صورة للسكراب من الداخل






راح اعاود شراؤه؟



المنتج حلو واتعودت عليه خلاص بس عتبي على سعره المرتفع شوي مقارنة ب سوب اند قلوري اللي حاتكلم عنه بعد شوي واللي يؤدي نفس اداؤه واحسن .. فيمكن بعد كدا استبدله ب سوب اند قلوري









Flake away body scrub- Soap and Glory





هادا انا اسميه السكراب العجيب .. سكراب فليك اوي من سوب اند قلوري .. اتعرفت عليه بالصدفه لما زرت دبي .. دخلت صيدلية بوتس وشافتني البياعه حايسه عند السكرابات .. قالتلي اساعدك؟ قلتلها ابغا احلى سكراب للجسم .. قالتلي خدي هادا راح يعجبك ..ولما عملت بحث عنه في النت لقيت انه الكتير يعرفوه ويمدحوه حتى في عضوة من العضوات معانا في شمواه ما اذكر اسمها مخصصه موضوع كامل عن منتجات سوب اند قلوري ومنسقة الموضوع بطريقه مرة حلوة الله يجزاها خير.. السكراب هاااائل تحسيه من جد مقشر.. حبيباته كتيرة وخشنه بس ما تخدش البشرة لانك حتكوني مبللتها بالماء .. والاحلى من كدا انك بعد ما تغسليه تلاحظي جسمك كانك داهنته بمرطب وريحته حلوة يعني 3 في 1 مقشر ومرطب ومعطر ما يحتاج تستخدمي شاور جل عشان كدا اسميه السكراب العجيب .. ريحته خياليه ورهيييبه ..






مكوناته.. يحتوي على زبدة الشيا وزيت اللوز الحلو و بذور الخوخ وملح البحر والسكر..




هل حارجع اشتريه؟


اكيييييييد بس المشكله انه مافي منه في بوتس اللي في السعوديه .. بس اقدر اطلبه اون لاين او اوصي قرايبي في بريطانيا يجيبولي هو ..


صورة من الداخل








هلامات الاستحمام


My Shower Gels








الشاور جل من الاشياء المهمة عندي في الاستحمام وعادة لا يمكن استغني عنها .. ليش؟ في ناس تقول ليش احط شاور جل على جسمي وهو بمجرد ما اخرج من الحمام تروح ريحته؟! انا اقولك ليش .. لانه الانسان من اول ما يتحرك او يبذل مجهود تبدا الغدد العرقيه نشاطها وتفرز العرق حتى لو احنا ما حسينا فيه .. هنا تظهر فايدة الشاور جل لانها حتخلي ريحة جسمك حلوة .. وغير كدا الشاور جل ضروري لانه بيغسل الجسم من الاوساخ والاتربه والدهون يعني نقدر نقول انه صابون بس خاص للجسم .. انا اعتبره هو المرحلة رقم 1 في تنظيف الجسم لانه ما تقدري تدهني جسمك كريمات او لوشنات ولا حتى تحطي الديودورانت (مزيل العرق) الا على نظافه لانه لو حطيتيهم على وساخة اكرمكم الله حتعطيكي نتيجة عكسية اقصد من ناحية الرائحة .. ف اول خطوة احب انظف جسمي بالشاور جل ..



هادي مجموعه انا اخترتها من باث اند بودي ووركس .. دايما اخد من عندهم لانه منتجاتهم مميزة بصراحة وترضي غروري والشاور جلز حقهم مزود بزيت الصبار وفيتامين E والروايح تحتاري ايش تختاري فعشان ما ازعل نفسي كل مرة اخد مجموعه واستخدمها .. هادا ما يمنع اني احيانا اكرر الريحة اللي تعجبني بس برضه احب اجدد ..



الطريقه.. اول شي احط كمية بسيطة على الليفة الناعمة اللي لونها زهري في الصورة ادناه واحط عليها شوي ماء وابدا افرك كل انحاء جسمي .. هادي الليفة تعجبني لانه فيها يد تسهل عليكي الوصول للظهر ودعكه بكل سهوله وراحة .. اخدتها من سنتر بوينت قبل 6 سنوات والحمدلله الله يخليها لي ويطول في عمرها هههههه .. الشوشه المنفوشه (على قولة ارتوستنا الحلوة) هههههه برضه تنفع لكن ما احب استخدمها كتير لانها صغيرة ومتعبه مقارنه بالتانيه .. جتني هديه مع شاور جل لوكس زمان اشتريته





حاشتريها تاني؟




اكيييد





Ultimate go fresh deodorant- Dove








مزيل العرق من دوف صديقي العزيز ..ينفع للبشرة الحساسة وريحته تهبل وتجنن وتدوخ لانه بريحة الخوخ وزهرة الساكورا اليابانيه اللي هي ال تشيري بلوسوم .. من مميزاته انه ما يسود الابط زي كتير من مزيلات التعرق .. زمان كنت استخدم انواع كتير بس ما كانت تجيب معايا نتيجة يا دوب ساعه وتطلع ريحة عرق مخلوطة بريحة المزيل بالاضافه الى اني كنت اعاني دايما من ظهور بقعة العرق على ملابسي .. كنت كل شوي اغير البلوزة وبصراحة جتني حالة نفسيه لدرجة اني شكيت انه فيا مرض بس طلع البلى كله من اختياري لمزيلات العرق الخاطئة الين طبيت على هادا الحبيب بالصدفه لما كنت في امريكا .. يدوم لمدة يوم كامل




حاشتريه تاني؟




اكيد طبعا .. انا جايبه منه كذا واحد بس حتى لو خلص و ما لقيت زيه بالظبط في السعوديه حاخد اي نوع تاني من دوف يكون قريب منه .. المهم اني ما راح اغير دوف



تابعوني ..







  رد مع اقتباس
قديم 20-01-2012   #3

* فرفورة *
عضوه طموحه
 
الصورة الرمزية * فرفورة *

* فرفورة * غير متواجد حالياً

 رقم العضوية : 61418
 تاريخ التسجيل : 12 2011
 الجنس : sex
 المكان : Jeddah
 المشاركات : 235
  الشعبيه : * فرفورة * موهوبه بشمواهـ* فرفورة * موهوبه بشمواهـ* فرفورة * موهوبه بشمواهـ* فرفورة * موهوبه بشمواهـ* فرفورة * موهوبه بشمواهـ* فرفورة * موهوبه بشمواهـ* فرفورة * موهوبه بشمواهـ* فرفورة * موهوبه بشمواهـ* فرفورة * موهوبه بشمواهـ* فرفورة * موهوبه بشمواهـ* فرفورة * موهوبه بشمواهـ
 النقاط : 1977
افتراضي رد: عنايتي اليوميه من رأسي إلى أخمص قدماي .. Reviews

مرطباتي


My moisturizers






(1)


Carried away shimmer gel and body lotion- Bath and Body Works


هادا 2 في 1 من باث اند بودي ووركس .. النص الابيض عبارة عن لوشن للجسم والنص الازرق عبارة عن لمعه للجسم .. لو لاحظتو في اعلى العلبه في زي المسطرة ولها معيار منها تقدري تتحكمي في كمية تدفق الخلطة .. يعني حابه مثلا اللوشن اكتر من اللمعه او اللمعه اكتر او كميات متساويه او حابه لوشن بس او لمعة بس كله تقدري تتحكمي فيه من خلال الجزء العلوي من العلبه ..


ريحته حلوة موووووت .. يحتوي على الياسمين الابيض والتوت والفانيلا



حاشتريه تاني؟


اكيد لانه من لوازم الدلع لووول بس يمكن اجرب روايح تانيه كمان




(2)


Twilight woods body lotion


لوشن للجسم من باث اند بودي ووركس .. ممتاز في ترطيبه لانه كعادة منتجات باث اند بودي يحتوي على زبدة الشيا وفيتامين اي .. يحتوي ايضا على زيت الجوجوبا..


ريحته حلوة عبارة عن مزيج من المشمش والتوب وزهرة الميموزا والاخشاب الدافئة


حاشتريه تاني؟


ما اظن لاني ملولة احب اغير واجدد في الروايح وهادا السبب اللي خلاني اخد عينه صغيرة منه




(3)


Black amethyst body lotion- Bath and Body Works


نفس اللي قبله بس الفرق في ريحته .. الاول ريحته احلى من هادا بكتير ..هادا ريحته قويه لانه يحتوي على البرغموت وزهرة الكاميليا واخشاب الصندل ..


هل حاشتريه تاني؟


لا



(4)


Japanese cherry blossom body butter- Bath and Body Works


زبدة ازهار الكرز اليابانيه للجسم من باث اند بودي ووركس .. ترطيب فعال وعمييييق لانه من اسمها مبين انه زبدة يعني تقيله .. يحتوي على زبدة الشيا وزيت جوز الهند ومجموعه من الفيتامينات الضروريه للبشرة ..


ريحته حلوة مررررة وتطول ما تروح بسرعه كانك حاطة عطر ..



حاشتريه تاني؟


هادي تالت علبه اشتريها ولو خلصت حاشتري تاني باذن الله



(5)


Sweet pea body butter- Bath and Body Works


نفس اللي قبله ولكن هادا ريحته احلى واحلى لانه يحتوي على ريحة ازهار منعشه..



حاشتريه تاني؟


اكييييد





مقلل الشعر من فيت

Hair minimizing from Veet






مرطب مقلل الشعر من فيت .. حلو كمرطب يومي فقط ما يدبق ولا يلصق زي غيره من المرطبات.. اما من ناحية انه يقلل الشعر فما لاحظت اي فرق بصراحة ..عجبني لانه بخلاصة الصبار اللي معروف بفعاليته للبشرة الحساسه ..وريحته حللللللللوة ..



حارجع اشتريه؟

ايوة لاني ما عندي ثقه في غيره زي جرجنز مثلا ..






فوط فام بالاجنحةFam wings pads





انا انصح كل البنات انه يهتمو بنفسهم وخاصة المنطقه الحساسه .. يا بنات لا تسترخصو وتشترو اي نوع من الفوط .. واحرصي انه الفوطة تكون قطنية الملمس لانه اسمها منطقه حساسه يعني تتحسس بسهوله .. اذكر زمان كنت اجهل افرق واميز بين الانواع وكان تفكيري انه اي نوع حيفي بالغرض وكنت دايما استخدم فوط اولويز .. بس والله انها نكبتني سواد في المنطقه وريحة والتهابات والمنطقه كانت تتحسس وتتسلخ لانه ملمسها مو حلو ابدن الين غيرت النوع واخدت فام والله ارتحت كتيييييير الحمدلله وكل الاعراض اللي ذكرتها وكنت اعاني منها اختفت وهادا الشي ياكدلي انه كان اختياري للفوط سيئ جدا ..


برضه من طرق عنايتي بالمنطقة الحساسه اني استخدم المناديل النسائية من كير فري احبها اكتر من الغسول.. سامحوني ما صورتها لكم لانها خالصه من عندي ..كاتبتها ضمن لستة مشترياتي من الصيدليه ان شاء الله .. حلوة مرة تخليكي منتعشة ونظيفه وتخلصك من الروايح الكريهه .. تقدري تختاري منها اللي يناسب بشرتك يا اما بالكاموميل او الصبار .. انا افضل الصبار لانه يناسب البشرة الحساسة .. بس تستخدم مرتين في الاسبوع





هادي صورة له من النت












حاشتريها تاني؟



اكييد ما راح اشتري غيرها سواء الفوط او المناديل





ثالثا: العناية باليدين

My Hand Care





صابون الفراوله من باث اند بودي ووركس... عجيييييييب .. رااااااائع .. يرطب اليدين وينعمها وكمان فيه حبيبات صغيرة تحتوي على فيتامينات .. تحسيه كانه صابون ومقشر بسيط في نفس الوقت ..


ريحته رهييييبه .. ونقطة صغيرة منه تفي بالغرض وتنظف بذمة ..


يحتوي على مستخلصات العسل وحيب جوز الهند والزيتون وهادا السر في الترطيب والنعومة اللي يمنحها لليدين


حاشتريه تاني؟


بعد ما جربته اكيد ما حاقدر استغنى عنه ومستحيل ارجع لديتول ولايف بوي اللي نشفولي يديني ..




True blue spa sugar hand scrub- Bath and Body Works






الله الله على هادا الحلو .. سكراب لليدين من باث اند بودي ووركس .. منتج كلمة روعه فيه قليله ..حبيباته عبارة عن سكر وريحته تجننننن توحيلك كانها ريحة حمضيات .. تفركي يدك فيه لمدة دقيقة وحدة بس وتغسليها وبعدها شوفي كيف يدينك تصير ناعمه وحلوة.. تقدري تستخدميه كل يوم لو حابه بس انا اكتفي باستخدامه مرتين في الاسبوع .. اشتريت هادا المنتج مع مجموعته زي ما هو مبين في الصورة تحت



True blue spa hand set- Bath and Body Works



العلبه اللي جنب السكراب لوشن يحتوي على البرافين .. انا متاكده انه مهما وصفته ما راح اقدر اوفيه حقه .. خياااالي تحطيه اما بعد السكراب او قبل النوم يخلي ملمس يدينك مخملي و ريحته زي السكرب جاي على حمضيات بس حلو حلو مررررة .. اووول مرة اخدت منه سامبل صغير قلت اجربه ولما عجبني اخدت المجموعه كامله ..


اما المبرد السحري هادا من جد سحري واتوقع ما يحتاج شرح لانه الكل عارفه بس انصح كل بنت انها تقتنيه لانه من جد حلو ويخلي اظافرك لامعه لمعه طبيعيه .. يعني يغنيكي عن مقوي الاظافر او المانيكير الشفاف لانه ما نقدر نحطه في كل وقت عشان الوضوء زي ما كلنا عارفين ..



هل ح اشتري المجموعه تاني؟

نععععععم من غير تفكير





قربنا نخلص ..











  رد مع اقتباس
قديم 20-01-2012   #4

* فرفورة *
عضوه طموحه
 
الصورة الرمزية * فرفورة *

* فرفورة * غير متواجد حالياً

 رقم العضوية : 61418
 تاريخ التسجيل : 12 2011
 الجنس : sex
 المكان : Jeddah
 المشاركات : 235
  الشعبيه : * فرفورة * موهوبه بشمواهـ* فرفورة * موهوبه بشمواهـ* فرفورة * موهوبه بشمواهـ* فرفورة * موهوبه بشمواهـ* فرفورة * موهوبه بشمواهـ* فرفورة * موهوبه بشمواهـ* فرفورة * موهوبه بشمواهـ* فرفورة * موهوبه بشمواهـ* فرفورة * موهوبه بشمواهـ* فرفورة * موهوبه بشمواهـ* فرفورة * موهوبه بشمواهـ
 النقاط : 1977
افتراضي رد: عنايتي اليوميه من رأسي إلى أخمص قدماي .. Reviews

رابعا: العناية بالقدمين


My Feet Care




True blue spa feet set- Bath and Body Works








اللي عاليمين سكراب للقدمين من باث اند بودي ووركس محضر من اخشاب الجوز .. للاسف ما نال اعجابي ابدن لانه تقشيره جدا خفيييف يعني منطقة زي القدمين فيها طبقات جلد ميت جدا قاسي يبغالها سكراب عميق و خشن ويحتوي حبيبات اكبر ..




اللي عاليسار كريم مرطب للقدمين يحتوي على زبدة الشيا وهادا السر اللي معطيه ميزة الترطيب العميق ..في ناس ما تحب الكريم اللي يدهن خاصة في منطقة القدمين لانه يعيقهم عن الحركة عشان كدا انصح باستخدامه قبل النوم وتلبسي شرابات لو حابه وتنامي ..الكريم يحتوي ايضا على زيت الافوكادو وشجرة الكينا ..




في رايي منطقة القدمين لااازم لها مرطب زي هادا عشان يحميها من التشققات وترطبها من الخشونه والجفاف ..



هل حاشتريه تاني؟



لا في افضل منهم




Gorgeous feet rapid cracked heel repair- Boots








كريم لتشققات كعب القدمين من بوتس .. ترطيبه عميييق ويدهن زي اللي قبله بس زي ما قلنا اللي يبغا الدح ما يقول اح .. الصبر طيب .. انا احطه اوفر نايت يعني قبل النوم .. والعيله كلها شافت النتايج وقامت تشتري و تدهن اقدامها منه ههههههه .. سويت دعاية للمنتج بس يستاهل عجبني الصراحة لانه قوامه غليظ وحسيته كانه علاج طبي مو كريم والسلام .. ريحته عاديه ماله ريحة مميزة ..




حاشتريه تاني؟



اكيد بس حاطالب بوتس يطوني عموله عالدعاية لوووول









بيتنا كله بلاط فصار من اساليب اهتمامي باقدامي اللي لايمكن اتخلى عنها هو لبس السليبرز اكرمكم الله .. لانه كلنا عارفين انه المشي وانتي حافيه عالبلاط له اضرار كتيرة مو موضوعي اتطرق لها هنا .. النت ماشاء الله مليان وحافل بهادي المواضيع .. غير كدا انه السليبر يحفظ الاقدام نظيفه .. دايما احب ادلع نفسي واشتري سليبرات اشكال والوان .. قبل كم يوم كنت في اويشو كان عندهم تخفيضات اشتريت منهم سليبرات تهبببببل بس رافعتها .. احب كل فترة اخرج مجموعه وارمي القديمة .. حلاوة هادي السليبرات انها قماش يعني تتغسل بكل سهوله كل ما اتوسخت .. شوفو اللي تحت انهرى من الغسيل مسكين ولونه اتغير .. احبه ايش اسوي بس قريب راح اطلق سراحه باذن الله بس ههههههههه ..













احب استخدم هادي الشرابات جوا الشوز لانها تحفظ الرجل نظيفه وتحميها من الاحتكاك بالشوز مباشرة .. دايما اشتري منها كميات لانها خفيفه وبعد كذا استخدام او بعد الغسيل ممكن تتمزع او تنخدش فاحب اخلي عندي احتياط خاصة انه سعرها حلو دايما اخد الحبه ب 5 ريال ..




شوزاتي صرت آختارهم مقفلين عشان احافظ على اقدامي قدر المستطاع لاني كنت البس صنادل اكرمكم الله واخرج فيها وفجاه حسيت انه لون اقدامي صار مختلف عن لون رجلي ولوني الطبيعي وحتى اصابعي غمقت مو زي اول .. كنت آخد شوزاتي من ميلانو وناين ويست والدو لكن مليت منهم كلهم والان لي سنة ونص ما اخد الا من تشارلز اند كيثCharles & Keith .. شوزاته مريحة وانيقه ..



تم بحمد الله .. يارب ينال الموضوع على استحسانكم ..

لكم ودي ..







  رد مع اقتباس
قديم 20-01-2012   #5

جَرح
عضوه مبتدئه
 
الصورة الرمزية جَرح

جَرح غير متواجد حالياً

 رقم العضوية : 39227
 تاريخ التسجيل : 12 2010
 الجنس : sex
 المشاركات : 9
  الشعبيه : جَرح غير معروفه لحد الآن
 النقاط : 10
افتراضي رد: عنايتي اليوميه من رأسي إلى أخمص قدماي .. Reviews

مآ شاء الله كفيتي ووفيتي


وش هالسسنع اهتمآآآآم واسسع والسكرااب اللي من بودي شووب وآآآيد ححلو مآ اخخليه

عآآآد الشباشب عندي خذي ووخخلي اشكاال والوان من يوم سمعت ان المشي حافي على البلاط مضر وانا عليهاا

اشكرك ححبيبتي












إللـٍـهمَْ أطلْ فيٍ عُمرَ وآلديِّ علىْ طَإأعتكَْ
  رد مع اقتباس
قديم 20-01-2012   #6

Kimara
عضوه مبتدئه
 
الصورة الرمزية Kimara

Kimara غير متواجد حالياً

 رقم العضوية : 60940
 تاريخ التسجيل : 12 2011
 الجنس : sex
 المشاركات : 2
  الشعبيه : Kimara غير معروفه لحد الآن
 النقاط : 10
افتراضي رد: عنايتي اليوميه من رأسي إلى أخمص قدماي .. Reviews




كيفك إنشآء الله تمآم و فأحسن حآل...

الموهم ... أنا قرأت موضوعك من رأسه إلى أخمص قدماه (هههههههه)

هذي أول مرة أقرأ مقدمة و مو أحس بالملل شملتي فيها عدة جوانب و سويتي بهارات خلتها روعة ( حبيتها لدرجة رجعت قريتها مرة ثانية )

نجي للموضوع ... هآيل مووووووووووت ؛ منتجاتك روعة وملينة سكاربز (بس والله شكلك عايشة رومانسية مع المنتجات وكمان محل باث اند بودي ووركس)

و دآ كوول
Flake away body scrub

وكمان الفوط أكيد رآح اجربها بس اظن إنو كمان نآنآ حلوة بس أولويز ..آه مامي مو حلوة أبدآ أبدآ


آتمنى تتقبلي مروري .. ^-^







  رد مع اقتباس
قديم 21-01-2012   #7

nejoud
عضوه طموحه
 
الصورة الرمزية nejoud

nejoud غير متواجد حالياً

 رقم العضوية : 54896
 تاريخ التسجيل : 09 2011
 الجنس : sex
 المكان : جدة
 المشاركات : 136
 تقييمك لشمواهـ : 1
  الشعبيه : nejoud على خطى التقدمnejoud على خطى التقدم
 النقاط : 158
افتراضي رد: عنايتي اليوميه من رأسي إلى أخمص قدماي .. Reviews

أهليين ياحلووة
موضوعك رآئع بذمة وضمير ماشاء الله عليكي
حتى طرق الاستخدام كتبتيها
منجد حاسسة انك مغرمة بمنتجات باث آند بودي ووركس
Carried away shimmer gel and body lotion- Bath and Body Works
^ اتجننننت عليييييييه ابغاااه ماليا شغل
ههههههه تحسيه دللع وريحة وروقان ولمعة كمان ياااويييل حالي

Flake away body scrub- Soap and Glory
^ علبته جنان < تفكير سطحي
المناديل مزيلة المكياج لآزم لآزم اشتريييها
لسسه امس جاية من زواج ومعاناة تمسيح بالكريمات والصابون
والى اليوم فيه آثاااار
لو عندي دي كان ارتحت
مشكوووورة جداً على موضوعك مرررررررة اعجبني وريحته عجبتني <
يعطيك الف الف عـــــــــــــــآآفية ياعسسسل ♥












يآرب,, وحّدِك تُدرك مَ آنتظره ..
وتعَرف آسرآر مُستقبلي ومَ يحمِله ليِ ..
فسَهِل آمري وسَخر لَي ..!
يآرب ,, آنت وحَدك مَن يِملك مفآتيِح خزآئِن آحلآمي
فّ آهدني سُبل تحَقيقّهآ ,, وكُن معّي


(طب , اسنان , هندسة , صيدلة , نظم معلومات ! .. الخ )
^ هذا مايشغل بالي الآن .. يابصيــر ارشدني الى مافيه الخير لي
  رد مع اقتباس
قديم 21-01-2012   #8

ليآلي الحنين
عضوه طموحه
 
الصورة الرمزية ليآلي الحنين

ليآلي الحنين غير متواجد حالياً

 رقم العضوية : 44106
 تاريخ التسجيل : 03 2011
 الجنس : sex
 المشاركات : 164
  الشعبيه : ليآلي الحنين إبداعها لا حدود لهليآلي الحنين إبداعها لا حدود لهليآلي الحنين إبداعها لا حدود لهليآلي الحنين إبداعها لا حدود لهليآلي الحنين إبداعها لا حدود لهليآلي الحنين إبداعها لا حدود لهليآلي الحنين إبداعها لا حدود لهليآلي الحنين إبداعها لا حدود لهليآلي الحنين إبداعها لا حدود لهليآلي الحنين إبداعها لا حدود لهليآلي الحنين إبداعها لا حدود له
 النقاط : 3371
افتراضي رد: عنايتي اليوميه من رأسي إلى أخمص قدماي .. Reviews

مآشاء الله عليك حبيت عنآيتك بنفسك
وكثير من المنتجات اللي ذكرتيهآ استخدمتها وكانت روعة
بس حبيت اذكر نقطة بالنسبة لـ ترطيب البشرة الدهنية

وهي انها تحتآج ترطيب مثل اي بشرة ثانية
وكثير كريمآت مخصصة للبشرة الدهنية
حتى أغلب كريمات ترطيب البشرة الدهنية تجي من غير لمعة
وبعض الكريمات تنظم افراز الدهون للبشرة
انا بشرتي دهنية .. وكثير اهتم بترطيبها

يعطيك العآفية .. على مشآركتنا طريقة عنآيتك








  رد مع اقتباس
قديم 21-01-2012   #9

رذاذ 2009
عضوه طموحه
 
الصورة الرمزية رذاذ 2009

رذاذ 2009 غير متواجد حالياً

 رقم العضوية : 23178
 تاريخ التسجيل : 04 2010
 الجنس : sex
 المكان : الشرقيه
 المشاركات : 158
 تقييمك لشمواهـ : 1
  الشعبيه : رذاذ 2009 أسم معروف بشمواهـرذاذ 2009 أسم معروف بشمواهـرذاذ 2009 أسم معروف بشمواهـرذاذ 2009 أسم معروف بشمواهـرذاذ 2009 أسم معروف بشمواهـرذاذ 2009 أسم معروف بشمواهـرذاذ 2009 أسم معروف بشمواهـرذاذ 2009 أسم معروف بشمواهـرذاذ 2009 أسم معروف بشمواهـرذاذ 2009 أسم معروف بشمواهـرذاذ 2009 أسم معروف بشمواهـ
 النقاط : 2107
افتراضي رد: عنايتي اليوميه من رأسي إلى أخمص قدماي .. Reviews

يا سلام على النعومه اللي لمستها فـ موضوعك ... عجبني جداً والصور ادت الغرض منها واضحه وما يحتاج يا قمر ... عجبتني سكراباتك سواء حقت الوجه او الجسم وحمستيني اجربها خاصة كلينك ... وحقت الجسم برضو بس موكلها متوفره بالسوق .. اشكرك على شرحك ومجهودك ويعطيك الف عافيه وما شالله عليك مجتهده ع جسمك تعجبيني الله يوفقك حبيبتي ولك احلى تقييم












رَبـٌـنَـآ
تَـقـَـبـَلْ مِــنـٌـآ ..
إنَـك .. آنـَـتَ الـسـَمـيعْ الـعَـلـِـيْــمْ .. }}


  رد مع اقتباس
قديم 21-01-2012   #10

moon sky
عضوه مثابره
 
الصورة الرمزية moon sky

moon sky غير متواجد حالياً

 رقم العضوية : 58091
 تاريخ التسجيل : 10 2011
 الجنس : sex
 المكان : الأحساء
 المشاركات : 359
 تقييمك لشمواهـ : 2
  الشعبيه : moon sky نجمه بدأت تسطعmoon sky نجمه بدأت تسطعmoon sky نجمه بدأت تسطعmoon sky نجمه بدأت تسطعmoon sky نجمه بدأت تسطعmoon sky نجمه بدأت تسطعmoon sky نجمه بدأت تسطعmoon sky نجمه بدأت تسطع
 النقاط : 951
افتراضي رد: عنايتي اليوميه من رأسي إلى أخمص قدماي .. Reviews

فرفوره ياحبيبتي يأموره

صحيح ان بشرتي مختلفه كليا عن بشرتك
لكن شدتني طريقة تنظيمك لموضوعك وبجد باين متعوب عليه
واستفدت كثير لان شرحك كان مره واضح الله يعطيكي العافيه واعجبتني بعض المنتجات ما شاء الله تبارك الرحمن بس
اعجبني حيل مقشر الوجه من كلينيك خصوصا انه يناسب كل انواع البشره
انا احب اشتري الجربااااااااات انا مجنونة جواااااااااااااارب بكل انواعها احسها كيوت
تخيلي مره دخلت السوق لقيتهم جايبين اشكال والوان الا عيوني طارت رحت لعالم ثاني
واشتريت حق 200ريال اخوي واقف بجني شكله صار كذا يختي يجننون فري كيوت
وشكرا حبيبتي على موضوعك والله يجزاك خير








  رد مع اقتباس
إضافة رد

مواقع النشر (المفضلة)

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
الفوط اليوميه "مضنيني الفراق" أنوثتي 29 12-06-2012 01:58
عنايتي اليوميه .. يسيطه وحلوه .. GOLIA عطورها bath & body 97 09-06-2012 08:51
وفجأة ... سقط على رأسي .... كاميليا يوميات عضوة 24 25-07-2011 06:47
دعني ارخي رأسي على كتفك الحاني Horizon light حديث الصورة 18 01-04-2011 03:56
.. دردشتنا الرمضانيه اليوميه ...} ● S i ℓ e n t ● المائدة الرمضانية 304 10-09-2010 01:04


الساعة الآن 04:24

 


Powered by vBulletin® Version 3.8.7
Copyright ©2000 - 2014, Jelsoft Enterprises Ltd.
Ads Management Version 3.0.1 by Saeed Al-Atwi
جميع المواضيع والآراء تمثّل وجهة نظر كاتبها فقط ولا تمثل منتديات شمواه بأي شكل من الأشكال ما لم يوضّح غير ذلك.
Des By || Artos@shamoa.com

جَميعُ الحُقوق مَحفُوظة لمُنْتديات شَمْواهـ © 2008 - 2012