زوجي طفش من وجهي....بليز انقذوني

الهنgggف · 28-01-2012

السلام عليكم ياقمرات

طبعا انا اول مره اشتكي لكم هنا
شفت ماشاء الله كيف عنايتكم ببشراتكم قلت ان شاء الله يفيدوني ولايقصرون معي

مشكلتي عويصه

وجهي ماله حل حبوب اثار مو موحد لونه هالات شحوب حبوب دهنيه على اطراف الانف

طبعا قبل لااتزوج ماكان معي مشاكل مره يعني حبوب تطلع وتروح
بس الان دمااااااار دماااااار بعد زواجي

اانا صراحه مافهمت لبشرتي ولاعرفت نوعها مره دهنيه مره جافه مدري كيف

استخدم كريمات مؤقته مثل الفيوسدين واليكا

وبيجمانورم

واخذت مجموعه الشاي الاخضر من (ذا بودي شوب)ولانفعتني

مليييييييت مابي ماسكات مابي مابي

ابي عياده اروح لها وافتك ابي اشوف فيسي واحبه والله ملامحي راحت اختفت من الحوسه اللي بوجهي

اانا ساكنه بغرب الرياض

ياليت تدلوني على عيادات هناك تكون مضمونه مو خساير وزياده تحطيم

Om_turookie · 29-01-2012

حلّ مثآلي ..!
كويس - لآ تتعبثين ببشرتك بكثرة المنتجآت التجآرية ، روحي لطبيب زين ،
إن شآءالله بنآت الريَآض يفيدوكِ بأسمآء العيآدآت هنآك ..

om khaled · 29-01-2012

.

عندك دكتورة في عيادات الشمائل
المستوصف قايم عليها
ززززززحمه وكثير معروفه والناس تمدحها
اقري عنها بالنت قبل تروحين

فيه عيادات في الشمال ان حبيتي
أباس ( د.شهلا )
الحبيب ( آمنه )

Fooz · 29-01-2012

وعليكم السلام ورحمة الله وبركـاته ..

لاتقولين زوجي طفش من وجهك وتقللين من نفسك .. قولي ابي وجهي صافي ونظيف
وصحي واني ببدأ بمعالجته حبه حبه لين اتعالج

انا والله مو من سكان الرياض عشان اقولك عالعيادات .. وانا زيك ماحب الخلطات لكن والله
انه في بنات يمشون عالخلطات والوجيه ماشاءالله صافيه تهبل ..

لكن راح اقولك عن تجربتي بـ هذا الكريم

بشرتي ياطويلة العمر فيها اثار حبوب لكن ماهي كثير مره مااحس بشرتي معدومه
لكن ودي تكون صافيه ومشرقه هالكريم يبقى عندك تقريباً شهرين وانا اخذت علبتين منه
رحت لكلينك فـ باريس جاليري والدكتور او الاخصائي اللي فيه قلتله عن بشرتي قال هذا الكريم
صدقيني راح يساعدك ويحل مشاكلك وماراح تلجيئن لعيادات الجلديه وفعلاً حسيت بشرتي تغيرت
والكل لاحظ والحين تكيسلت وبرجع اكمل عليه نفعني لانه هو يعالج الاثار والتبقعات والتصبغات وهالاشياء
تحطينه مرتين مع واقي شمس واتوقع له مقشر .. الزبده مفعوله حلو وسعره 300 وشوي

لكن انتي عشانك مره متأزمه روحي لدكتوره الجلديه .. واطلبي منها حبوب تأكلينها
احس الحبوب اللي تعالج هي اللي فعلاً لها مفعول سريع .. زي مره رحت للصيداليه وقلت للصيدلي
انا عندي حب شباب يطلع تقريباً كل شهر يعني مع الدوره الشهريه وابي لها شيء يعالجها غير
المطهر حق الحبوب قال شوفي وجهي فيه حبوب قلت لا قال انا كان عندي حبوب كثير بوجهي واستخدمت مضاد بعطيك اياه تستخدمينه لمدة 3 ايام ورى بعض واذا باقي المفعول استخدميه يوم ايه ويوم لا والحمدالله حسيت بتحسن كل ماجاني حبوب كليت المضاد ..

اما عن الدهون حول انفك دايم يبيلها تقشير وتنظيف وقناعات وهالاشياء ..

ان شاءالله عيادات الجلديه تفيدك اكتبي بورقه ايش محتاجه لبشرتك ..

يعني غسول لوجهك + كريم للهالات + كريم للتبقعات + كريم للحبوب + مقشر كل اسبوع

كبسولات فيتامينات + كبسولات للنظاره يعني فصفصيها وخذي كل شيء منها وعساها تفيدك

اهتمي فأكلك الاكل له دوووووووور

الخلطات مرتين بالاسبوع خلطات .. يعني لاجيتي تطبخين لزوجك اخلطي لك خلطه من الاقنعه

وحطيها بوجهك .. الاسكينول هذا شيء عذاب يختي ينظظظظظظف تخيلي انه الفلبينيه اللي
دايم اروحلها تسويلي حف وتنظيف لبشرتي تقول الاسكينول لازم كل يوم تمسحين وجهك فيه
لانمتي ولاصحيتي مره كويس

اتمنى اني افدتك لو بشيء بسيط
طمنينا عليك

المتفائله بالله · 29-01-2012

حبيتي انا حاااااااسه فييييك وربي
كنت اتحطم لما اشوف وجهي
جربت وجربت وسمعت تجاارب البنات وضرتني ماافاادتني
الين جاء اليوم وربي اني بعت ذهبي ورحت لدكتوره ممتازه
اشتريت راحتي وثقتي بنفسي
الحين لي شهر وبانت النتيجه مشاءالله الحمدالله

نصيحه لاتسمعيتجارب البنات لان يختلف من بنت الى بنت ومن حاله الى حاله
ررررروحي عند دكتوره ممتازه وان شاءالله تفيدك

الدكتوره طلبت مني تنظيف بشره بس بصراحه مارتحت ابدا للتنظيف وكثير مامشجعوني اسويه يقولو يكثر الحبوب
وكتبت لي على مرهمين ومضاد وغسول والحمدالله بانت النتيجه من غير مااسوي التنظيف

واخير دائماا ادعي وقولي يارب استودعتك وجعي وصحتي فبارك لي في عمري وبدني واعني ولاتعن علي