منتجاتي للعنايه بالجسم ,, my bath body care products ~

[طوقَ اليآسمين‘]

Hi Evry One

شحآلكم بنآت و نسوآن ..


ان شآء الله بخير ..



بعد تسجيل من سنة 2010 بديت اتحمس معاكم مع اني على طول ادخل و اشوف الرفيوز والحركآت والطبخات مالتكم واستفدت كثير لكن كآن ولدي صغير و لو بنزل موضوع ماعندي شي اقدمة بذاك المزاج اليوم ولدي كبر وصار عندي وقت اكثر من قبل تعلمت اشيآء وقدرت اتفاعل مع البنات من قريب وفكرت اني احط لكم منتجآتي bath and body care على امل ان يحوز على استحسـآنكم و رضآكم ..





كلنـآ عارفين ان جسد المرأه جوهرهـآ مثل ما شعر المرأه هو " ذهبهـآ " >>


استغرب من البنآت او حتى المتزوجآت اللي تقول ماعندي وقت اخذ شور محترم


او ماعندها وقت المسكينة مشغولة بدراسة او غيره !


او حتى ما تحب تزيل الشعر تتكآسل ..


اليوم الوسآئل للحمآمات و تنظيف الشعر صارت اسهـل ..


طبعا ما اقول ما تجينآ حالات لكن ما نطول . خلاص خصصي لنفسج وقت مثل ما انتي مخصصه للانترنت وللدراسه وللتلفزيون وللبلاك بيري و و و ..


خصصي وقت لأنوثتج


يا ليت بس الموضوع موضوع عنآية شخصيه وبس في بنآت وحريم ما يحبون يكشخون ما يحبون يحطون ميك اب انزين ليش , " تقول ما اعرف او مالي خلق .!


اللي ما تعرف تتعلم .. واللي مالها خلق تصنع لهآ خلق ولا الكل راح يشوفهآ اقل انوثة و جمال من غيرها


الجمال مب بالملامح الجمال جمال الروح ..


والنظافة حث عليهـآ الدين .. ف ما ينفع تكونين جميله بس ريحتج مقرفة


ما ينفع تكونين حلوة و هندامج رث << متعوب على هالجمله ههههه


ماينفع تعيشين على نمط معين ..


لازم تتغيرين دايم للأحسن لنفسج هالشي ..


وان كنتي متزوجه ف هالشي لنفسج بالدرجة الأولى .. و لزوجج

وتؤجرين على حسن التبعل للزوج ..


" اكره الحريم اللي تكون متكشخه عشآن زواره او سوق .. و فالبيت تجلس بالبيجآما و شعرها و وجهآ حالته حاله


اذا عاجبج مظهرج بهالطريقة تأكدي ان رآح يعجب زوجج لكن مليون بالمية ما يداني يطل بوجهج >> قوية صح


لكن هذا الواقع


اي وحده تقول من وين ابتدي اقول لهـآ Love your self


اذا حبيتي نفسج بتحبين التغيير بتحبين الجمال بتحبين الدنيـآ وبتحبين كل شي ..




حبوا أنفسكم ..

Be continue

[طوقَ اليآسمين‘]

back

اول شي رآح ابتدي ب الـ wood brush اللي تكلمت عنهـآ ارتوس ..

الصرآحة هال فرشآة قليل عليهـآ كلمة روعة .. خذيتها من THE BODY SHOP ب 69 درهم ..

بالإضـآفه لـ القلافز و المفرآكة الدائرية هذي استخدمهـآ للرقبه لانها شوي خشنه .. اخذتهم من مكيآجي وطبعا للحمام اليومي ما استغني عن الـ milk spa وهالمره وانا راجعه من قطر بمحطة من محطات السعوديه لقيت الـ yougurt spa هاي السوبر ماركت اشوف كل الناس تنزل ونسوان ويهال ورياييل ويطولون زوجي نزل وطول و بعدين قالي تعالي والله عندهم شغلات روعه

وهني الـbody puff خذته من mark & spenser ب 10 درآهم .. قليل عليها روعه
كان في غلطة مطبعيه اعذروني

و الشور جل body shop هذا من اختيـآر ريلي .. لأن خشمي تأزم وانا اشم الروايح ف اختـآر البآبايآ وعجبني الحمدلله لكن متردده بالبتر ما احب يكون عندي شور جل بدون butter cream or body lotion

Will back

[طوقَ اليآسمين‘]

Back

من the body shop



ٍSPA WISDOM AFRICA XIMENIA & SALT SCRUB




هذآ اعتبره المنتج الذهبي ..


استخدآمه يوم - يومين بالاسبوع .


يحتوي على انواع من الزيوت .. لكن للأسف ما عرفت شنو هم !


يوضع على الجسم ويدلك لمده 10-15 دقيقة و من بعدهآ يغسل


او يفرك ثم يغسل ..


ان أبلل الود برش بشوي ماي وبحركة دائرية خفيفة على كل الجسم وبعدين اغسله


ولأني احب ريحته ما استخدم من بعده شور جل احس الجسم ما يحتـآج


سعره 130 درهم ومن وجهة نظري يستآهل يستآهل ..



اما الصغنون ف هو BODY BALM


بلسم للجسم .. بعد ما اسوي السنفره و اجفف جسمي احط لي منه ..


ترطيب خيآلي و ريحته تظل بالملابس وقت مب قصير


سعره 89 درهم ..










نرجع لـ Marks & spenser



POMEGRANATE BODY BUTTER with nourishing africa cocoa butter to condition



زبده الجسم " بالرمان " مضآف لها زبدة الكاكاو الافريقية ..


انا ما ابالغ بكلامي لكن عجبتني اكثر من البدي بتر مال بدي شوب ..


حسيت روايح مال بدي شوب ادويه .. ابد ما استلطفت التركيز بالريحه


خلاصة الرمان غنية بالمواد المضادة للاكسدة والفيتامينات



pomegranate body butter leaves skin fresh and healthy و هو المطلوب ..


تخلي الجسم فرش و صحي ..


ممكن يستخدم لتدليك الجسم بأطراف الاصابع " التدليك الخفيف ..


يستخدم النآس الرمآن لعلاج الكثير من امرآض الجلد في سالف الزمآن <, هههه


حبيتهـآ من كل ألبي .. و سعرهآ بس 45 درهم ..











essential extract


ALOE VERA



اخذت هذا الطقم اللي يتعبرونه شركة ماركس و سبنسر من الاسـآسيآت ..


و فعلا هو شي اسـآسي للحمـآم اليومي


يعطي انتعاش رهيب وانا حاطته بالحمام اخذ شور و انشف جسمي واحط البدي لوشن وانا بالحمام مع ال ديودرنت او مزيل العرق و اطلع وانا كلي انتعآش ..


في منه روايح كثير وبعضهم تلاقون معاهtalk powder


لكن الالو فيرآ ما في منه للأسف بودر ..


ال bath foam & shower gel سعر الواحد 12 درهم


الديودرنت و البدي لوشن ما اعتقد اكثر بكثير ..


افضل هذي الاطقم من شورآت السوبر ماركت والمبلغ في متناول الجميع


انا لما شريته مع البدي بتر .. طلع حسابي 94 درهم بس ..








Magnolia



طبعا بعد كم يوم .. مريت ماركس سبنسر ..


وخذت لي هاند اند بدي لوشن مع البودرة .. لان ياتني منه عطر هديه


وتميت ادور وقلت مالي الا اخذ الماجنوليآ ..


سعر البدي لوشن 25 والبودره 30 .. لكن يسوى احب احطها قبل النوم


واحيآن العصر ..


طبعا في اطقم تجنن ب ماركس سبنسر و بأسعار متفاوته ..


هاي الصورة بشعه ماعجبتني








white peaches




هذي بقايا الاطفم القديمة .


انصحكم تجربون رخيص و قوي ..


او رخيص ومتفاوت السعر


وكل منتجات ماركس سبنسر made in UK

آخر شي ودي اقوله ..

المـآء السآخن عدو الجمآل

ابتعدو عن المآي الحآر ب الشور .. لأن له اضرار للجسم


و ممكن يرهل الجلد و يكرمشه خصوصآ الصدر ..


و ممكن يظهر اورده ف القدم و يؤثر تأثير سلبي على الشعر ..


يستحسن استخدام المآء الدافئ الى البآرد ..




و اسمحوا لي ع الاطالة


كنت بخلي هالكلام ب رد منفرد بس حسيت اني زودتهـآ عليكم ..

See you soon

[мṣ .. ĴőőĐ]

الفرشه حقت بودي شوب من زماان ابيها واذا رحت السوق آنسسآآآآ
صح ريحت الزبده من بودي شوب قريبه للادويه ><_ مادرري واحسسها كثيره وانا ودي اجرب غيرها تحسفت اني شريت خخخ
منتجاتك اللي شريتيها خفيفه وحلوه يعطيك العافيه ..
..

[غلآ رووحي]

يسلموووو ع العرض الجميل
ومنكم نستفيد

[•«ŁÖLٌÿ »•]

اجمل مجموعات بودي شوب هي المسك الابيض نظاااافه وريحه خققق اعجبتني الفرشه ناريه قريب اخذ منها
موضوع متعوب عليه يعطيك العافيه

[دوم ولهانه]

ماشاء الله تبارك الله
حاجاتك رووووووووعه
والفرشاة فعلا روووووووووووعه
والشور جل جربت كذا نوع من عندهم بس البابايا ماجربته ان شاء الله اجربه
يعطيك العافيه حبوبه

[حنا نه]

ماشاء الله عنايتك بجسمك مره حلوة وموضوعك خطييرة
والفرشه للتدليك عجبتني بس للاسف كل ما اروح ل ذا بودي شوب تكون مخلصه او ما
القى نفسها..
حليب الجسم خطيير عن تجربه اعتقد حوالي 6او7 مرات ع التوالي..جربته احساس بنعومه وتفتيح
..وبالنسبه للماء الحار فعلا يسبب ترهل ع كذا دائما وقت ماخذ شور لازم ماء دافي ثم اختم الشور بماء بارد لشد الجسم...



موفقه يارب....

[marwah]

ماشاء الله حلو
صراحه عجبتني لما تكلمتني ع البنات الي مايهتمون في انفسهم
لازم لازم لازم نهتم
يعطيك الف عافيه

[غداء الروح]

يعيطك العافيه رفيووا اكثر من رائع



وفرشه بودي شووب دام اروح السووق انساها


يسلمو قلبي لا تحريمنا من مواضيعك