الرئيسية الألعاب التَسجيل القوانين إتصل بَنا Twitter Facebook
 
العودة   منتديات شمواه|SHAMOA FORUM ® > ،، || لغة الجَمال || ،، > عطورها bath & body

الملاحظات

عطورها bath & body يلقي الضوء على جديد العطور , ومستلزمات الحمام , وطرق العنايه الشخصيه .



إضافة رد
 
أدوات الموضوع
قديم 04-03-2012   #1

الدموووعه
« كبيرة مُشرفات شَمواه " »
« مشرفة يَوميات عضوة + مُدونتي »
 

انا روح ~ ساكنه بروحي
 
الصورة الرمزية الدموووعه

الدموووعه غير متواجد حالياً

 رقم العضوية : 328
 تاريخ التسجيل : 07 2008
 الجنس : sex
 المكان : الرياض
 المشاركات : 3,124
 تقييمك لشمواهـ : 1
  الشعبيه : الدموووعه عملاقة شمواهـالدموووعه عملاقة شمواهـالدموووعه عملاقة شمواهـالدموووعه عملاقة شمواهـالدموووعه عملاقة شمواهـالدموووعه عملاقة شمواهـالدموووعه عملاقة شمواهـالدموووعه عملاقة شمواهـالدموووعه عملاقة شمواهـالدموووعه عملاقة شمواهـالدموووعه عملاقة شمواهـ
 النقاط : 170405
 مجموع الاوسمة 12

فائزة بفعالية أطباقنا الرمضانية لعآم 2012 

Ico1 [ المؤخره ] و [الارداف ] كيف تحافظين عليها صحيه ومشدوده وناعمه + خلطه للتنعيم











ولكموو للجميع

عنوان مثير ...ادري ..

بس مالقيت له اي بديل ...ماقدر اكتب شي وتدخلون تلقون شئ ثاني

حاولت الاقي مصطلحات تفي بالغرض بدون ما اتطرق للاسماء الحقيقيه ....برضه ما ينفع

لذلك خلاص خلونا على بلاطه ...الموضوع يتكلم عن منطقة الوسط ككل ..( الارداف ..الافخاذ..المؤخره ..الكروشه )

{ العنايه فيها ..تنظيفها واكسابها اجمل مظهر وانعم ملمس


تعتقدون اني راح اتكلم عن حجم المؤخره ...او بروزها ....طبعا لا والف لا

هالشئ ما يعني لي ابد ولا يهمني ...اكررره ماعلي موضة هاليومين يرززونها ويكبرونها بهدف الاغراء والجمال

وهي بهالشكل ابعد مايكون عن الجمال ......> رايي الشخصي

لا وصايرين يحقنونها بعد ...اوووما ادخل العمليات عشان احقنها ...

ولا اشتري المشد المحشي مشد حليمه بولند

مادري وين الجمال في انهم يخلونها هالكبر ...اقسم بالله اكبر مشوه لجمال الجسم هو حجمها الكبير




ولا يقولون لك ....جنفر لوبيز ...ولا كيم

لا وجنفر مأمنه عليها بعد بكم مليون ....لاقيتهم هالمهبل يلهثون وراها

الصراحه شفت جنفر بالاوسكار الاخير ....انهبلت

عليها جسم يهوس

مو عن حجم ولا شكل ....بس مصقووووول ويلمع

بالله هذي والده ...وتؤام بعد

طبعا ماجاء هالجسم من الجلسه ولاالاكل

...من النظام الصحي والرياضه اللي تسويها

عاد احنا اكثر شي الحين ندور عليه ...تبييض الركب ...كله من عقب ماصرنا نلبس قصير

{ اجل لو بنلبس مايوه ...يوووه على البلاوي }


{ بلاش اشطح اكثر

موضوعي بيكون عن العنايه بملمسها وتنظيفها والترطيب الجيد لها .....بما في ذلك محاربة السليوليت

اللي هو اكثر شي يشوه اجسادنا

والتنقيط

طبيعة اجسامنا العربيه انه هالمنطقه هي اكبر مكان ...واكثر مكان يخزن الشحوم

لاننا بطبعنا اغلب الوقت جالسين ...والرياضه لاتشكل الا هاجس بسيط من حياتنا ....والمشي وييين اللي يمشي الا اللي عندهم سكر ...ولا بيخففون اوزانهم

ومجرد ماياصلون لهدفهم يكسلون ويجلسون

غير كذا اكلنا واستهلاكنا النهم للكربوهيدرات ...اللي تتحول لدهون تتخزن باكثر مكان كسول باجسامنا

كل اكلنا ياخبز يارز يا باستا

ولا شوكلاته وحلويات ...> كله يتحول دهون بالجسم

لا الدوره الدمويه تتحرك زين بحيث تصرف السموم ....ولا الحركه والرياضه تبني عضلات تحرق الشحوم المتراكمه

والنتيجه جسم مشوه بالسليوليت ...ومترهل من قلة الحركه


وهذا هو منظر السليوليت ...طبعا جبت لكم اخف صوره ...وهذا يعتبر بسيط بالنسبه للحالات الثانيه




لما الوحده تمشي ...مهما كانت نحيفه ...لازم عندها منطقة الوسط تهتز ...تقولين جلي

الطبيعي نوعا ما تهتز ....لكن مو زي اللي نشوفه

تقولين مركبتها على وضع الهزاز ...وهات يا يمين ويسار ...وبلاوي متلتله

احنا مانبي هالشي ...ولا نبي نداريه باخطاء اشنع ....مثل ارتداء الكورسيه طول الوقت



والنقطه الثانيه ...النعومه

غالبا هالمكان يكون ناعم الملمس والجلد يكون رقيق ....خاصه المنطقه اللي اسفل المؤخره

لكن احنا نعدمها بكثرة الجلوس ....

وعدم الترطيب والتقشير...

وقلة الحركه ..


وتصير كلها منقطه ومحببه حبوب صغيره ....ومع التقدم بالعمر تمتلي تضاريس وسترتش مارك


وراح الخص لكم خبرة سنوات كثيره من محاربة السليوليت ...وابتكار خلطات وكريمات تنعم هالمنطقه

طبعا انا مابتكرت شي ....مجرد اني جربت اشياء ونفعت معي

وباذن الله راح تتحول وتتغير زي الصوره بالضبط

عاد مو زيها مره ....يعني نقول 60 %







سوري بنات على الصور ...بس هذي اقل صور بها اقل فضايح

ومقتصه منها بعد ...لكن عشان اوصل الموضوع صح










..[ خليكم معي




................











  رد مع اقتباس
قديم 04-03-2012   #2

الدموووعه
« كبيرة مُشرفات شَمواه " »
« مشرفة يَوميات عضوة + مُدونتي »
 

انا روح ~ ساكنه بروحي
 
الصورة الرمزية الدموووعه

الدموووعه غير متواجد حالياً

 رقم العضوية : 328
 تاريخ التسجيل : 07 2008
 الجنس : sex
 المكان : الرياض
 المشاركات : 3,124
 تقييمك لشمواهـ : 1
  الشعبيه : الدموووعه عملاقة شمواهـالدموووعه عملاقة شمواهـالدموووعه عملاقة شمواهـالدموووعه عملاقة شمواهـالدموووعه عملاقة شمواهـالدموووعه عملاقة شمواهـالدموووعه عملاقة شمواهـالدموووعه عملاقة شمواهـالدموووعه عملاقة شمواهـالدموووعه عملاقة شمواهـالدموووعه عملاقة شمواهـ
 النقاط : 170405
 مجموع الاوسمة 12

فائزة بفعالية أطباقنا الرمضانية لعآم 2012 

افتراضي رد: [ المؤخره ] و [الارداف ] كيف تحافظين عليها صحيه ومشدوده وناعمه + خلطه للتنعيم











..{
قبل لا ابدأ لازم انوه انه هالنظام هو من خبرتي ...يعني جربته ونفع معي

وثانيا ملتزمه فيه ...بحكم طبيعة جسمي ....يعني مو مره او مرتين واقول خلاص

لا شهوور اطبقه ولو تركته فتره ارجع له

الفكره انه تشوفين اللي يناسبك وتعملين عليه مداومه

بابسط الاشياء ممكن تصنعين المعجزه

ما تتكلفين وتتعبين ...عقب بتملين

يعني تبسطين هالافكار وتحاولين تجمعين افكارك ...وتسوين منها روتين يناسب حياتك





اول خطوه في طريق جسم مصقول وناعم

..التفريش

التفريش الناشف ....يعمل للجسم تقشير ...وينشط الدوره الدمويه ويساهم بتصريف السموم من الجسم

بالتالي يخفف من طبقات السليوليت


هذي فرشتي من بودي شوب ....كم مره اشتريتها

مااااستغني عنها بتاتا ....واعتمد عليها بكل حمام ....



وكان فيه نفس هالفرشه بس بدون اليد الطويله ....لكن ماعاد يجيبونها مدري ليه











الطريقه ...سبق وشرحتها ارتوس حبيبتي في موضوعها حمام ملوكي


والجسم ناشف ...نبدأ بحركات دائريه من تحت ارتفاعا لمستوى القلب

بالنسبه للمؤخره نبدا من خلف الركبه صعوده لاعلى لحد ما نوصل الظهر

ومن الافخاذ صعودا للبطن ....حركات دائريه





غير كذا التفريش الناشف يساهم في ازالة الخلايا الميته ...وبالتالي الشعر اللي ينمو تحت الجلد يطلع وتقدرين تشيلينه

يعني يخفف بشكل كبير من عملية التحبيب الي الاغلب يشكون منها


بعد كذا نبدأ حمامنا المعتاد











اثناء الاستحمام افضل دائما استخدام المقشرات ....انا وحده كسوله واحب الجاهز

غالبا من البودي شوب

هذا الان جالسه استخدمه ....مبدئيا حلو وماعليه ....ريحته فانيلا


SPICED VANILLA...Body scrub

من Body Shop

اشتريته بتخفيض ...سعره 60 ريال


افضل استخدمه بدون تبليل الجسم ....لانه ملمسه سائل نوعا ماء

واحسن شي فيه الحبيبات الموجوده ...كثيره وكبيره تصنفر من قلب





{ صنفرة القهوه


كميه من القهوه ....تخلط بالماء لحد ماتصير عجينه طريه

...تفرك بها المنطقه بحركات دائريه مثل المساج مع الضغط

حلوه هالخلطه ....الكافيين يساهم بحرق الدهون المخزنه بين طبقات الجلد ....وحركات المساج بعد تساعد

المساله مو من اول استخدام


لا هالشي لازم يكون برنامج اسبوعي













..{ كل ما كانت القهوه اخشن ...كان افضل ...لاجل الصنفره تكون اقوى

الغريب ان الكافيين يحرض تكون السليوليت ...اذا كنا نستهلكه بالمشروبات

لكن يحاربه اذا استخدم بالكريمات والمقشرات





*****


.. { الخلطه الثانيه ...واااه من هالخلطه


على قولة ارتوس شعوذه ....ومافكرت اسويها ابد ...قد ما مدحوها


لكن لما اقراها ...اهج ولا عاد ارجع

لحد ماسوتها صديقه عزيزه ...وارسلت لي علبه

وجربت عشان خاطرها ...


الصراحه رهيبه ....جدا رائعه ....لكن برضه طفشت

خطوات التطبيق تطفش ....غير انه لازم كم مره بالاسبوع

لذلك تركتها وكان فيها ثلاث ارباع العلبه


عقب قلت ليه يا دموع ماتجربينها بس بطريقه مبسطه ....ليه كللللل هاللف والدوران اللي كان مكتوب

كانت تقول حطوها اقل شي ساعتين ....وهي خلطه كثيفه ودبقه

وانا اذبحيني ولا تخليني ادبق بعض البنات كانو يقولون ننام فيها ....يااااويلي

وعقب مساج وليفه ....وعقب صنفرة ملح وليمون وعقب مدري ايش زيوت ناسيه والله


اللي سويته اني استخدمتها زي الحمام المغربي ...

واغسلها ...واحط مرطب للجسم ....> الحين بشرح لكم




[ المقادير ..

صابون الغار مبشور ومنقع بموية ورد

يخلط مع علبة جليسوليد صغيره ...وفنجان من زيت اللوز المر وجنين القمح وجلسرين

وملعقة كبيره كركم الجسم وفكس >> ماحطهم لاني ماحب الفكس مع انه تاثيره جدا رائع






[ نخلطهم ونحطهم بعلبه محكمة الاغلاق ....انا صرت استخدمهم زي الحمام المغربي بالضبط










احط طبقه كثيفه من الخلطه على المؤخره والافخاذ واخليها على بال ماجهز الحمام

بعدين ابللها بالماء ...وابدأ اسوي لها مساج







شايفين كيف الطبقه تكون كثيفه ...جربت لكم على يدي
ادلللك لحد ماتعب ....اعتبرها نوع من الرياضه ...تحرك الدم في الجسم

وعقب المساج استخدم لها الليفه

سواء القفازات اللي عند البودي شوب ...او ليفة القنب ...برضه موجوده عند البودي شوب







اي ليفه ممكن نستخدمها ...تكون خشنه حبتين









تقريبا هي تكون بهالشكل على الجسم .....وكل ما كثرنا التدليك زاد المفعول




..[ عقب الحمام ...راح نرطبها ...وراح نشوف هالشي بالرد القادم

... برغم اني جربتها بهالنطاق المحدود ...واللي يفرق عن صاحبة الخلطه بكثير

الا انه نتايجها ابهرتني ... { ياعرايس لا تفوتكم

الجد انه لما المس جسمي ...وخاصه اثناء ما ابدل ملابس احس بنعومه فائقه


ادري بتقولون هذا اللي يبيه الرجل

انا ماسعى لهالشئ ابد ...ولو انه ارضاء الزوج غاية اي انثى

لكن انا دايما اسعى للجمال ...لنفسي

اكره ماشوف اذا ينتقدون يقولون وشوله تتصلحين ماعندك رجل ...؟؟؟؟!!!

ليه اللي ماعندها زوج ...تصير ام السعف والليف

لذلك انا ادور الجمال لارضي غروري فقط

ابى من ابى ورضي من رضي



..








..







  رد مع اقتباس
قديم 05-03-2012   #3

الدموووعه
« كبيرة مُشرفات شَمواه " »
« مشرفة يَوميات عضوة + مُدونتي »
 

انا روح ~ ساكنه بروحي
 
الصورة الرمزية الدموووعه

الدموووعه غير متواجد حالياً

 رقم العضوية : 328
 تاريخ التسجيل : 07 2008
 الجنس : sex
 المكان : الرياض
 المشاركات : 3,124
 تقييمك لشمواهـ : 1
  الشعبيه : الدموووعه عملاقة شمواهـالدموووعه عملاقة شمواهـالدموووعه عملاقة شمواهـالدموووعه عملاقة شمواهـالدموووعه عملاقة شمواهـالدموووعه عملاقة شمواهـالدموووعه عملاقة شمواهـالدموووعه عملاقة شمواهـالدموووعه عملاقة شمواهـالدموووعه عملاقة شمواهـالدموووعه عملاقة شمواهـ
 النقاط : 170405
 مجموع الاوسمة 12

فائزة بفعالية أطباقنا الرمضانية لعآم 2012 

افتراضي رد: [ المؤخره ] و [الارداف ] كيف تحافظين عليها صحيه ومشدوده وناعمه + خلطه للتنعيم












[ خلصنا حمام الهنا ....


الان نشوف افضل المرطبات اللي اثق فيها وتعطي نتايج مبهره ..تقدرين طبعا تستخدمين اي مرطب متوفر معك

والخيارات قدامك كثير ...لكن بحط لكم افضل الانواع اللي اثبتت جودتها وفعاليتها


* *



Organic 100% Shea Butter

زبدة الشيا العضويه من لوكستيان

سعرها .. 199 ريال








{ الصراحه هي دبقه ...ودهنيه ..وثقيله خاصه بالبرد

لكن لما استخدمها اخلطها مع نقطتين زيت اللوز المر

وافرك فيها منطقة الارداف صعودا للمؤخره وارجع للكروشه الجميله { المزمزمه }








شايفين كيف ...كانها زبدة او سمنة الكرسكو النباتيه ...لكن بدون اي رائحه ممكن تضايقك

ابدا مالها اي ريحه ( مسموس وشلونك )








[ وهذا هو زيت اللوز المر

Almond Supple Skin Oil


افضل نوع جربته ..من لوكستيان ...ناسيه سعره لاني شاريته من زمااان

اتوقع شي وميتين




مفعولهم ...

ترطيب قوي ...تنعيم لابعد درجه

والاهم من هذا كله ...{ ادري كلكم تحبون هالنقطه } ....تفتيح للون وتوحيد للون البشره

مع الاستخدام المستمر

انا ناويه اروح اجيب لي تموين ....خبركم اذا صار الشي زين يقطعونه ...مدري وش يحسون فيه




لكن اللي يضايق فيها انه اول ساعه يضل ملمسها دبق ...لكن كل مواصفاتها تغطي على هالعيب




* *




زبدة الشيا من بودي شوب

SHEA BODY BUTTER

BODY SHOP

سعرها 60 ريال




استخدمتها فتره بالتعاقب مع زبدة لوكستيان

حلوه وترطب وتنعم

لكن ابدا مو بمستوى لوكستيان من ناحية توحيد وتفتيح اللون






هذا منتج جديد من فازلين ...لتوحيد اللون

يعطيك وعد بالتفتيح واللون الموحد

لازال قيد التجربه

العلبه الصغيره سعرها 14 ريال




* *




[ كريمات محاربة السليولايت













Goodbye Cellulite
NIVEA


سعره 44 ريال

سعره يابلاش بالنسبه لمفعوله

انا هالكريمات ما اؤمن بمفعولها ابدا ....الا لو كنت امارس الرياضه واتبع حميه غذائيه

هي تساعد ...لكن ما يعتمد عليها

حاليا استخدم نيفيا لرخص سعره ...خاصه انه نحتاج اكثر من 3 علب حتى نلاحظ الفرق

ولازم مداومه على الاستخدام ...

النتيجه من بعد 4 اسابيع ...جسم ناعم ...التعرجات تخف بنسبة 30 % فقط

لكن يشترط المداومه + التدليك مع الاستخدام لاجل تتحرك الدوه الدمويه والجلد يمتص المنتج

هالمنتج لا يشترط له التدليك لكن انا ماقتنعت لااازم ادلك






* *



Body Modelling....cellulite cream

ROC

سعره 160

هذا من اول المنتجات اللي جربتها ....نتائجه حلوه لكن بطيئه

بالمقابل تحتاجين لاكثر من علبه في الشهر

وعلى بال ما تحسين بالفرق تكونين صرفتي مبلغ وقدره

لذلك ماستمريت عليه ...خاصه انه زي ماقلت اذا ماتداومين وتمشين على نظام بالاكل وتمارسين الرياضه

ماتشوفين فرق باللبس ...اللهم نعومه بالجسم





* *





High Definition body Lift

Clarins

يعالج السيلوليت ويصقل الجسم

اممم ناسيه سعره ...زماااااان عنه







Body Excellence Slim Slimming Anti-Cellulite Gel


Chanel


منحف ومضاد للسيلوليت الجسسم


هالمنتجين الاخيرين زمان جربتهم ....كنت عليميه مادري وش السالفه ...قالو لي تنحف وفرحت

احسب الدعوى استخدمه وانحف

ليت الزمن يرجع كان وفرت على نفسي فلوس ....لكن يالله الانسان يتعلم من اخطاؤه

الان اغلب المحلات والماركات تنتج لها خط لمحاربة السليوليت...والاغلب انها نفس النتائج

وزي ماقلت ما راح نلاحظ التغير الا بالالتزام بكل النواحي


المواظبه + الحمية الغذائيه + الرياضه




...







  رد مع اقتباس
قديم 05-03-2012   #4

الدموووعه
« كبيرة مُشرفات شَمواه " »
« مشرفة يَوميات عضوة + مُدونتي »
 

انا روح ~ ساكنه بروحي
 
الصورة الرمزية الدموووعه

الدموووعه غير متواجد حالياً

 رقم العضوية : 328
 تاريخ التسجيل : 07 2008
 الجنس : sex
 المكان : الرياض
 المشاركات : 3,124
 تقييمك لشمواهـ : 1
  الشعبيه : الدموووعه عملاقة شمواهـالدموووعه عملاقة شمواهـالدموووعه عملاقة شمواهـالدموووعه عملاقة شمواهـالدموووعه عملاقة شمواهـالدموووعه عملاقة شمواهـالدموووعه عملاقة شمواهـالدموووعه عملاقة شمواهـالدموووعه عملاقة شمواهـالدموووعه عملاقة شمواهـالدموووعه عملاقة شمواهـ
 النقاط : 170405
 مجموع الاوسمة 12

فائزة بفعالية أطباقنا الرمضانية لعآم 2012 

افتراضي رد: [ المؤخره ] و [الارداف ] كيف تحافظين عليها صحيه ومشدوده وناعمه + خلطه للتنعيم











[ اخر جزء من طرق العنايه ....وهو اهم جزء

الرياضه

كللللل هالعنايه اللي سويناها تعادل النصف ...والنصف الثاني تتكفل فيه الرياضه


حرق دهون ...صقل ...تشكيل العضلات ...شد العضلات

زيادة تدفق الدم والدوره الدمويه

وبالتالي نشاط وتصريف للسموم

الرياضه هي الشي الوحيد اللي بيصقل الجسم .....مهما نحفتي بيضل مترهل لو ما شديتيه بالرياضه

واهم وابسط رياضه هي المشي ...مهما كنتي مشغوله ...لونصف ساعه يوميا

وتعزيز المشي بدقائق من الرياضه المخصصه للارداف والكرش والمؤخره

هالشي كله بيتكاتف ويتساعد ويصنع الجسم المشدود المتعافي











بنشوف هنا بعض الرياضات اللي تساعادنا اننا نشد ونصقل منطقة الوسط

الاول النوم على البطن ورفع الجسم عن الارض بالذراعين مع تحريك الساقين مثل وضع الهروله

بالتعاقب اليمين واليسار





الثاني.. يعرب باسم لدفع للامام الجلوس مع ثني الركبه اليمنى للسفل ورفع اليسار

والنهوض بسرعه مع شد الوسط اثناء النهوض ...والتقدم للامام خطوه ورفع الركبه والقدك لفوق

طبعا العمل بالتعاقب مره اليمين ومره اليسار








8

8

هذي الرياضه لوحدها كفيله بصقل كل المنطقه ...الكرش والموخره والارداف

وترسم لك المؤخره وتشدها بشكل جميل

بشرط ممارستها يوميا






هذا التمرين واضح من الصوره وبمساعدة الكوره المطاطيه ...شايفين عملية رفع الجسم لفوق اثناء الشد

هي من اكثر الطرق فائده









* *




قبل كم سنه تعرفت على جهاز ....من خلال قنوات الاعلانات والتسوق

الصراحه لفت نظري ...

جهاز اسمه ( BUN THIGH ROLLER )



وسعره كان 450 ....يعني يسوى التجربه.. وماندمت ابدا اني اشتريته

يغنيني عن كل انواع الرياضه ....يكفيني اسويه لمدة ربع ساعه يوميا

لكن ماعندي فكره هل اليومارك لازالت تبيعه ولا لا


لكني لازلت استخدمه ....من اروع الاجهزه بعد جهاز المشي








هذي صورته ....من الامام والخلف ...شايفين المطاط الازرق في الخلف ....

هذول بالبدايه مانستخدمهم لانهم يزيون قوة الشد وبالتالي العضلات بتضرر

وبعدين المرحله الثانيه بعد كم اسبوع نحط وحده ...بالتالي بتزيد قوة الجهاز ...وتزيد عملية الشد والحرق

والمراحل المتقدمه نضيف الثنتين









زي ما انتم شايفين زي مسند الظهر ...مع مسكتين لليدين ...ومسند للراس


تجلسين عادي وتمسكينه وترتكزين على اقدامك وتدفعين لورا

بتصيرين بوضع الاستلقاء بس الشد كللله بيكون مركز بالنص ..شايفين الرسم البياني اللي فوق اسم المنتج ...نفسها بالضبط

تدفعين لوراء وترجعين ...جلوس و استلقاء

وعلى فكره يشد الكرش ...هم لما اتكلمو عنه بالاعلان ماجابو سيرة الكروشه ....بس انا من التجربه اكتشفت

والنتيجه تجي بالمواظبه ...مافيه شي ببلاش

حتى اللي جسمها من الله بيكون مشدود الا ما تجيها فتره ...يا تغير بالوزن ...او حمل وولاده

وهالاشياء من الد اعداء هالمنطقه

ولو ربي من علينا بجسم مشدود لازم نحافظ عليه

والمحافظه ماتجي من الجلوس طول اليوم والاكل الغير صحي








بالاخير اتمنى اكون اعطيتك كم فكره وبرنامج للعنايه بمنطقة الارداف والموخره والبطن

{ المنطقه التي اشغلت العالم } وقامو ينفخون ويكبرون هههههههههه

ويارب تستفيدون منها




لكم











..







  رد مع اقتباس
قديم 05-03-2012   #5

Artos ~
« رئيسة مجلس الإدارة »
«مشرفةالشعر + Shamoa T.v »

عَجز أن يَكُون أنت , فَشتمك !!
 
الصورة الرمزية Artos ~

Artos ~ غير متواجد حالياً

 رقم العضوية : 2
 تاريخ التسجيل : 06 2008
 الجنس : sex
 المكان : الرياض
 المشاركات : 5,076
 تقييمك لشمواهـ : 1
  الشعبيه : Artos ~ عملاقة شمواهـArtos ~ عملاقة شمواهـArtos ~ عملاقة شمواهـArtos ~ عملاقة شمواهـArtos ~ عملاقة شمواهـArtos ~ عملاقة شمواهـArtos ~ عملاقة شمواهـArtos ~ عملاقة شمواهـArtos ~ عملاقة شمواهـArtos ~ عملاقة شمواهـArtos ~ عملاقة شمواهـ
 النقاط : 580575
افتراضي [ المؤخره ] و [الارداف ] كيف تحافظين عليها صحيه ومشدوده وناعمه + خلطه للتنعيم

وَ الله أنك صادقة
مَدري عاد هَي جزء من الجَسم

أذكر مَرة وَحدة تَكتب عن الصَدر / د.........د لَووووووول مو عيب إنما مُصطلح عآمي
يَعني حتى لو وحدة كتبت بَقوقل بتكتب مكــــ

أذكر إللي ضَحكني مَرة مَكتوب نظفي مكو... بالخَطوات المَصورة
يا أني فَقعت من الضَحك لين قَلت بَس ,, قلت الله مين هالجريئة إللي صَورتها
أخرتها طَلع مَكواة المَلابس , بَس أنا تَفكيري شَطح

صَدقتي الناس زَمان مايلبسون قَصير هالكثر , سُبحان الله مثل البنطلون زمان محداً يلبسه
الأن تدخلين زارا تلقين الدنيا ممسوحه , الحَمدلله إن مَقاسي ما يَنفع أحد و لا كان بحياتي مالبست بَنطلون

أحلى شيء قلتيه إن محداً نحيف عندنا يَزين رياضة
ما يزينونها إلا إللي فيهم مَرض أو فيهم وَزن زائد , يَعني لو أحد يَشوف رَشيقة بالممشى بَيقول

أمممممممممممم جايه تَغازل , أو يَمكن حامل وَ بطنها مو مَبينة
[
مافي خَيار ثالث , لو فيه بَيكون تونس خَويتها المَليانه لووووووووول ]

أنا الأن أكثر شيء يَحوم كَبدي , لا رَحت عند أحد وَ شَبعت من أكلهم
يَقولون لي هآه رَيجيم !! , عقلية تَعبانه يَشوفون الناس بَعيونهم
<------------ شَطحت

وَ صورك تَخدم المَوضوع ,
يعني لحداً يبلغ عليهآ لووووووووووول
[
مَسموح هيك شيء بَشموآه , طالما يَخدم الهَدف ]

حَبيت لما حَطيتي خلطة الصابون
فَعلاً هي ناجحه لو أستخدمتيها بَطريقتك , بَس يظل فيه مُنتجات تَغنيك عن هالمَشوار الطَويل
وَ بظرف 10 أيام يكون أنتهى جَزء كبير من المُشكلة

الحَمام المَغربي يَنهي المَوضوع كَله
هو فكرة التَرطيب من ثُم التقشير



أممممممممممممم نَهائياً غير دَبق
أنا أتحسس من التَدبيقات , هذا غير وَ ريحته غَير

أساساً زيت اللوز العادي الأمريكي فَيه نَوع من الخَف



هذآ حالياً أستخدمه ما أتوقع يَكون مَفعوله مُذهل بس فيه مَزايا أكيد
مَعي العلبة الكبيرة بـ 27 ريال وُنص
<------------ أهم شيء النُص

مالي أسبوع من يوم أستخدمته

بالنَسبة للريآضة أنا أحب تَمارين الصَقل
بصراحة الأجهزة شيء وَ الصَقل شيء ثآني ماله شَبيه

هالمؤخرة المَفلوقة إللي لَها دَيزاين مُعين وَ لا تَصير مَجمعة ما تآخذينها إلا من خَلاله
مع , بَعض الناس تَحسين كُتل كُتل وَ لا مَصَفوقة بَجدار

أفضل مُؤخرة المؤخرة اللاتينية لأنها تَجمع بين الحَجم وَ بنفس الوَقت تَكون وآقفة مَهب طآيحة

[
نآقزة وَ مَصحصحه وَ مربربرة <-------- حسيت نَفسي أبو سروال وَ فنيله ]

بَس أنا شَخصياً ما أحب هالسَتايل , أميل للأجسام الأوروبية أو خلينا بالأحرى نَقول الجَسم المُتوزان

إللي فَيه مؤخرة حَلوة وَ صَدر حَلو وَ حجمة يَعني وآضح مو ما يَبين وَ لا طافح
وَ المَعدة أهم شيء مَصقولة لأن المَعدة لو صُقلت خَلاص رآح تَنحل كَل المَشاكل

هههههههههههههههههههههه أذكر صَديقة لي مَوتتني ضَحك
تَقولي مَرة ذي صَدرها حَق عَجاوز , مَدري وَش تَقصد أتوقع تَقصد ذَوق شَيبان
[
الله يَسامحنا ,, جالسَين نَصنف البَشر ]

لذلك أهتموآ بأجسامكم لأجل مَحداً يَصنفكم

وَ على طاري المؤخرة , هههههههههههههههههههههه أهتَموآ بها خاصة المُتزوجات
لأن بأوروبا أشوف إن التَحسس على المؤخرة موضة عَند الأوروبيين , فإذا هالحالة مَنتشره هَنا

أتوقع رآح يَشوفون كرآميش كَراميش ,, وَ يحسون أسفلت
[
لا مَنب عاقلة , ترآي اليَوم مَتخدرة شاربة عَلبتين بَيبسي فالمَود عال العآل ]

يَعطيك ألف ألف عآفية دَموعتي
وَ يكفي أنك تَحبين ذآتك لذآتك , بَس العَيار يَزيد لو الشَريك مَفتح وَ وواعي
تَحسين نَسبة الأهتمآم تَصير تَربل مو دَبل

دُمتم بَحب

















MAFIA SHAMOA

SOON

  رد مع اقتباس
قديم 06-03-2012   #6

C H E E R Y
« Ms.unique »
 

آنهُ عمرٌ .. وَ سيَنتّهِيْ !!
 
الصورة الرمزية C H E E R Y

C H E E R Y غير متواجد حالياً

 رقم العضوية : 6100
 تاريخ التسجيل : 03 2009
 الجنس : sex
 المكان : جَّ ـازَانْ}~ فِدِيتْ ترآبهَـآآ
 المشاركات : 6,943
 تقييمك لشمواهـ : 1
  الشعبيه : C H E E R Y عملاقة شمواهـC H E E R Y عملاقة شمواهـC H E E R Y عملاقة شمواهـC H E E R Y عملاقة شمواهـC H E E R Y عملاقة شمواهـC H E E R Y عملاقة شمواهـC H E E R Y عملاقة شمواهـC H E E R Y عملاقة شمواهـC H E E R Y عملاقة شمواهـC H E E R Y عملاقة شمواهـC H E E R Y عملاقة شمواهـ
 النقاط : 250517
 مجموع الاوسمة 14

أُوْسْكَار المَناهِج التَعليمية 

إرسال رسالة عبر MSN إلى C H E E R Y
Icon3 شطورة اسم الله عليك :$


ما شاء الله عليك .. تبارك الرحمن
ما آتخيل نفسي آكتب موضوع بالآقسام هاذي

الموضوع يحمل كمية من الشدة والتهزئ اللطيف
عااد هذا نظرتي لموضوعك .. عندك اعتراض خخخخخخ

صراحة العناية شقا والله احس اني اضيع وقتي لوووووول
صحيح اصنفر واقشر .. بس مو كذا مثلكم ماشاء الله

شفتي فرشة بودي شوب هذاك اليوم كنا بالمول بآبها
شريت وحدة وولد اختي ضيع الكيس بكبره بس اشوا انه فرشة بس

خلطة صابون الغار .. عن نفسي راح ارحب بآضافة الفيكس
يعجبني حرارته وتغلغله بالجسم .. والظاهر آني بسويها
لكن المشكلة في المداومة اللي آنا من اسوأ المنضبطين




حاولت افكر بالطريقة يمين يساار بس ما عرفت
لين قلتي الرسمة على اسم المنتج على طول فهمتها خخخخخ
الجهاز رغم بساطته بس من كلامك واضح انه يشد من قلب


ربي يحفظك دموعتي .. ويديم عليك هالنشاط
ويزرقني لو شوي من صبرك ماشاء الله عليك














حسابي التويتري التعليمي .. دعمكم ياحلوات
Cheer_Education
عذراً شمواه ..
  رد مع اقتباس
قديم 06-03-2012   #7

مرايم ~
« مُشرفة عطورها bath & body " »
« مُشرفة Desserts & Sweets »
 

thnx Rock <3
 
الصورة الرمزية مرايم ~

مرايم ~ غير متواجد حالياً

 رقم العضوية : 27180
 تاريخ التسجيل : 06 2010
 العمر : 23
 الجنس : sex
 المشاركات : 1,753
 تقييمك لشمواهـ : 1
  الشعبيه : مرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـ
 النقاط : 191814
 مجموع الاوسمة 8

فعالية اليوميات الرمضانيه| Ramadan Diary 2012 

افتراضي رد: [ المؤخره ] و [الارداف ] كيف تحافظين عليها صحيه ومشدوده وناعمه + خلطه للتنعيم

دمعمع .. آيش القمال هذا .. يونس الموضوع حيل
مرتب ومأنتك وآهم شي وردي لووول

اقول لج شغله دموعه .. آنا من يوم اني صغيره فيني سولولايت في منطقة المؤخره والارداف
لاني احب السكر موت .. ومعروف ان كثرة السكر تيب السيلولايت
عموما عمري ما اهتميت انه يروح آو آني القا له حل ..
بس يوم بديت رياضة ورجيم من غير ما انتبه لقيته مختفي .. لا استخدمت كريمات ولا ليفه ولا حمام مغربي ولا اي شي
مجرد كنت العب يوميا ساعتين رياضه ورياضه صج مو عبط .. والحركات اللي حطيتيها كلها كانت جزء من روتيني الرياضي اليومي .. وكنت اشرب ماي كثير وبس ..
وطليت يوم من الايام فالمنظره لقيت المكان سيييييييييييده ولا شيناقز .. ردوفي وخلفيتي قطعة وحده
بس حبييت عنايتج بالمؤخره كثير يغفلون عنها ..

انا بعد استخدم نفس فرشاتج من بودي شوب .. واسوي دراي سكراب
قبل لا ابدا الشور .. وبعدها طبعا تنال نصيبها من السكراب والترطيب ..
آستخدم زبدة الشيا لريلي مو لشي ثاني لانها صعبة المد .. آما الباقي فاستخدم كريمات سائله شوي ..

طيب ليش ترى مو كل مؤخره كبيره بطريقه مقززه .. بالعكس انا اشوف ان البنت اللي مالها خلفيه كانها ولد ما كانها بنت .. افضل الامور الوسط .. الظاهر انتي شايفه خلفيات تخوف
تصدقين دمعمع آكره الاشياء الفيك .. حتى لو ما احد يدري انا من داخلي اكره نفسي ..

الصور اللي حاطته ما تمثل ربع الحقيقه المره يا دمعمع لوووول
سكراب القهوه حبيتها موت ,, يا الله زين لقيت شي اسويه بقهوة ستاربوكس ..
الله يسامحها اختي مشتريه كيس شكبره ما شربنا منه شي ..

عاد تصدقين آول مره احس اني اتحمس لخلطه .. بجربها بأذن الله
بس خليني اوفر المقادير لووول

والله انا مثلج دموعه .. آكرررره اللي تقول انتي مو متزوجه شله هذا كله !!
شلون يعني شله .. اخيس لين اتزوج مثلا ., ولا هو على راسه ريشه .. والله فالاخير يطلع الريل ولا يدري عن هوا دارج

تعالي الفراش وانتي ساكته > حاقده عالرياييل
وربي البنات لو يعرفون الرياييل شلون ما تعبوا نفسهم .. اغلبهم لو تجيبين له ........ طار عقله فيها
اهم شي حاجه آسمها مره هههههههههههههههههههههههههه

الرياضه روعه .. انا انصح فيها البنات بقوة ,, وانا نفسي اسويها يوميا
مو الحين الحق ينقال مقصره هالفتره .. بس اقصد قبل
كل حركه سويها 40 مره او 60 وسويها بهدوء عشان تعطين العضلات فرصة تشد وتقوى
بالسبه للبنات اللي يهتزون يا كثرهم لووول .. بس سبحان الله انا جلدي قاسي
ما ادري شالمصيبه بس مهما متنت ما فيه شي يتحرك فيني ابد .. جلد واللحم قااايم من قلب
لدرجة ان جلد زنودي قاسي لو حد ظربني بشويش اتألم لوووول ..

فالنهايه احب اقول للبنوتات .. اذا ما لعبتي رياضه لا تخسرين فلوسج
ونامي وكملي نوم آفضل لج ..

دمعمع .. هالموضوع يحمس اللي ما تتحمس انها تقوم وتتلحلح تلاحق على عمرها
بوريه لاختي الله يهداها عصقولة بس من الكسل كلها سولولايت
وعشتي ~







  رد مع اقتباس
قديم 06-03-2012   #8

مس~قدها وقدوود
« نائبة الإدارة »
« مُشرفة هُموم وطن + أحدَاث عَلى السطح »
 

رحمتك يارب ..
 
الصورة الرمزية مس~قدها وقدوود

مس~قدها وقدوود غير متواجد حالياً

 رقم العضوية : 4
 تاريخ التسجيل : 06 2008
 الجنس : sex
 المكان : الرياض
 المشاركات : 6,541
 تقييمك لشمواهـ : 1
  الشعبيه : مس~قدها وقدوود عملاقة شمواهـمس~قدها وقدوود عملاقة شمواهـمس~قدها وقدوود عملاقة شمواهـمس~قدها وقدوود عملاقة شمواهـمس~قدها وقدوود عملاقة شمواهـمس~قدها وقدوود عملاقة شمواهـمس~قدها وقدوود عملاقة شمواهـمس~قدها وقدوود عملاقة شمواهـمس~قدها وقدوود عملاقة شمواهـمس~قدها وقدوود عملاقة شمواهـمس~قدها وقدوود عملاقة شمواهـ
 النقاط : 224228
 مجموع الاوسمة 23

أُوْسْكَار أقوى حَضور 

افتراضي رد: [ المؤخره ] و [الارداف ] كيف تحافظين عليها صحيه ومشدوده وناعمه + خلطه للتنعيم

الله عليك ..
أجل هذا الــ *&%#@ اللي فية الـــ &*%#$5^ ههههههههههههههههههههههه
يقطع أم التشويق .. ماخليتيني ارقد البارح مغير اهوجس فيه ..

موضوع يشرشر مصداقيه .. وأي تجربه لك أطبقها بالعمياني .. لأني عارفه

درجه الكمال اللي تنشدينها بتجاربك + تقريبا نحب نفس الشركات والروايح ..

هالمنطقه من أهم المناطق في جسم أي أنثى .. والسبب العوامل اللي ذكرتي
ومن حق كل أنثى تكون ناعمه ونظيفه لنفسها أكيد بس مثل ماقالت ارتوس
العنايه تصير مضاعفه في حال وجود شريك متطلب
(عاد دورو لي تمساح غير متطلب حتى لو انه يشبه عنز متوحمه )




ياحلوها .. عشقي .. وعندي ثانيه انعم من باث أند بودي بس ماتقشر زي ذي



أحس بتحسف وأكلها ههههههههههه



حبيتها جداً .. رغم أني استسهل الجاهز .. بس وصفك حمسني وبضيف الفيكس ..
أحسه مفيد مرة مع باقي المكونات .. وأكيد ريحته راح تختفي مع هالحفله




هالزبدة مشكلتها ريحتها + كذا مرة مرة تتعنين للمحل وماتلقينها



متواعدين أنا بعد لي كم يوم باديه فيه .. بس شريت مقاس صغير للتجربه


.......

قلوب كثيرات لروحك الورديه
ولمصداقيتك الطاغية ..
موضوع مهم ومفيد .. خاصه أن فية كثير
مايحبون يجربون عالعمياني .. يحبون يسمعون عن منتج
ونتايجه ويشترون وبس .
راح يفيدهم كثير هالموضوع ..
ونصيحه لكل عروس بتتزوج في الصيف من اليوم يطبقون كل اللي بالموضوع
خلال
3
شهور اذا جاء الزواج بيكونون يلقلقوون ..










  رد مع اقتباس
قديم 06-03-2012   #9

N O D i
«مُراقبة Smart Phone " »
« مُراقبة إستفسارات المُوبايل »
 

وَ لولا الحُب مَ غنّيت ♪

N O D i غير متواجد حالياً

 رقم العضوية : 4390
 تاريخ التسجيل : 02 2009
 الجنس : sex
 المكان : ksa
 المشاركات : 1,978
 تقييمك لشمواهـ : 1
  الشعبيه : N O D i ماستر الإبداعN O D i ماستر الإبداعN O D i ماستر الإبداعN O D i ماستر الإبداعN O D i ماستر الإبداعN O D i ماستر الإبداعN O D i ماستر الإبداعN O D i ماستر الإبداعN O D i ماستر الإبداعN O D i ماستر الإبداعN O D i ماستر الإبداع
 النقاط : 82097
 مجموع الاوسمة 4

وَسام الجهود المُميزة لعام 2011 

افتراضي رد: [ المؤخره ] و [الارداف ] كيف تحافظين عليها صحيه ومشدوده وناعمه + خلطه للتنعيم

الموضوع بحد ذآته مُغري <ولد مو بنت لووووووووووول
لآ امزح ترى






وه وه يَ لبى الـ مك .....
مآلي دخل دمّوعه اللّي فتحت لي مجآل





لآ خلآص نبدآ بالمُهم أخآف اشطح اكثر ,,

دموعتي أمآنتن تعجبني عنآيتك بنفسك ,, من رجيمك وَ عنآيتك بالكلف اللّي بعد الحمل وتشققات الاقدآم وَ وَ وَ

أنا مثل مرآيم آحب المـك يَ ربي ليه مآنقولهآ طيب
تعجبني المؤخؤه اذا صآرت بارزه بس بطريقه مو مقززّه ,, تعتبر عآمل قوي بالرقص <النّآس وين وهي وين


فرشة بدي شوب آخذتهآ من أوّل مآشفت موضوع آرتوس ,,
حمستيني اجرّب صنفرة القهوه




صابون الغار مبشور ومنقع بموية ورد


يخلط مع علبة جليسوليد صغيره ...وفنجان من زيت اللوز المر وجنين القمح وجلسرين



وملعقة كبيره كركم الجسم وفكس >> ماحطهم لاني ماحب الفكس مع انه تاثيره جدا رائع


اذكر قبل كم سنه سويّت خلطه زيّهآ وصدق مع الفكس كرهت نفسي يكتم بقّوه ,. بس ترى نتآئجه فتّاكه <~ يمديكم توني حآفظتهآ







غش غش اللحّين الموضوع عن المؤخره تجيبين لنآ صورة يدّك ليه !!
معليش بس تراك طلعتي عن الموضوع <~ فيس رآفع يدّه








دمّوعتي يخلي لنآ أياك يَ رب جد أفدتينآ بهالموضوع وبموآضيع كثيره ,,
الله يحقّق لك مآتتمنّين















  رد مع اقتباس
قديم 06-03-2012   #10

صدى
«مُشرفة حَدِيثُ الصّوره | ~ »
«مُشرفة دينُنا أسلوب حياتنا »
 

الحرمان ان تقرأكل شئ الاالقران
 
الصورة الرمزية صدى

صدى غير متواجد حالياً

 رقم العضوية : 8425
 تاريخ التسجيل : 05 2009
 الجنس : sex
 المشاركات : 7,890
 تقييمك لشمواهـ : 1
  الشعبيه : صدى عملاقة شمواهـصدى عملاقة شمواهـصدى عملاقة شمواهـصدى عملاقة شمواهـصدى عملاقة شمواهـصدى عملاقة شمواهـصدى عملاقة شمواهـصدى عملاقة شمواهـصدى عملاقة شمواهـصدى عملاقة شمواهـصدى عملاقة شمواهـ
 النقاط : 114592
 مجموع الاوسمة 8

وَسام الجهود المُميزة لعام 2011 

افتراضي رد: [ المؤخره ] و [الارداف ] كيف تحافظين عليها صحيه ومشدوده وناعمه + خلطه للتنعيم

الله يعطيكـ الف الف الف عافيهـ دموعتي


موضوع من قلب طالع وشرحكـ جدآ سلس ولافيهـ حوسهـ

وحطي وهاتي

انا اذبحيني واخلطي وهاتي لان التسويف شغّال عندي مايوقفّ ..!

حبيت صنفرة القهوهـ مايبيلها شئ ولا اخلطي ولا يخرب الباقي مقدار بسيط وبوقتهـ

بسّ خليني اتذكر ==> هع الا اطلع لي عذر

اما الجهاز شكلهـ بطل وسعرهـ جدآ مغري ليت نلقاهـ بيو ماركـّ .

صدقتي من ناحية الجلد الميت يبيلهـ عنايهـ مكثّفهـ ومن اول مرهـ

تلاحظين التغيير

بحول الله ابجرب صنفرة القهوهـ وكريم بودي شوب

دمتي مبدعهـ دموعهـ




[ خلصت شحن التقييمات والا ودي اعطيكـ زود وزودّ! ]











خيرة الله لعبده خير من خيرته لنفسه ..
كم من امور حجبها الله عنّا وبقيت في قلوبنا علامات الاسى .!
ولو فتح الله لنا الغيب لسجدنا لشكره ..
ف الحمدلله
  رد مع اقتباس
إضافة رد

مواقع النشر (المفضلة)

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
تبين شعر طويل وناعم وبشره بيضه ومشدوده وايدج بيضه تلق والكل يسألج شمسويه.حياج حفيده جدتي عطورها bath & body 121 21-04-2013 08:12
[شَعر] تساريح حلوه وناعمه Ṣĸиaτ إستفسارات جمالية | Beauty Q !! 3 04-10-2012 02:05
Top 3 Hairstyles , تسّـريحٱت سهله كشخه وناعمه ..! رفيعة المقام العناية بالشعر | Hair Care 137 11-08-2012 06:16
[شَعر] زيوت للتنعيم الشعر ؟؟؟؟! elion إستفسارات جمالية | Beauty Q !! 5 08-03-2012 07:39
خلطتي للتنعيم والتبيض... مہلہكہ الدلـــع العناية بالبشرة | Skin Care 12 11-11-2011 01:57


الساعة الآن 07:53

 


Powered by vBulletin® Version 3.8.7
Copyright ©2000 - 2014, Jelsoft Enterprises Ltd.
Ads Management Version 3.0.1 by Saeed Al-Atwi
جميع المواضيع والآراء تمثّل وجهة نظر كاتبها فقط ولا تمثل منتديات شمواه بأي شكل من الأشكال ما لم يوضّح غير ذلك.
Des By || Artos@shamoa.com

جَميعُ الحُقوق مَحفُوظة لمُنْتديات شَمْواهـ © 2008 - 2012