موضة الالوان / Rock This Summer with Hot Colors

[رفيعة المقام]

بسم الله الرحمن الرحيم

وانتهى فصل الشتاء ..
وتم "اقصاء" الجاكتات والملابس الغامقة من الخزانة ..
والآن الاستعداد لفصل الربيع والصيف ..

طبعاً الكل بيقول نحن ماعندنا ربيع ..
وانا اوافقهم بس لو تلاحظون الجو بدأ يدفى ..
وفي نفس الوقت مب حر !

بشكل عام الوان الربيع تمتد للصيف ..
يعني مافي وايد فرق بين الفصلين من ناحية الفاشن والميك اب ..
و عروض الازياء واحده لهالفصلين ..
و حتى بعض الشغلات من الخريف بتواصل لين الصيف ..
(الروج الغامق ويا العيون الباهته) ..


الموضه #1 لصيف 2012

COLORS

دايما الربيع والصيف يتميزون بالالوان الحاره والملفته ..
والنقوش المستوحاه من الطبيعه مثل الورد او الاشجار ..
هالسنه كانت التركيز في عروض الازياء على الالوان ..


اخترت لكم اجمل 5 الوان جديده تستحق انج تضفينها لخزانة ملابسج ..
العام كانت النيون , هالسنه في ابداع ارقى ..
يعني كالوان هي نفسها (اصفر و اخضر واورانج) ..
لكن الدرجات هي اللي تميزها

استعدي للحرارة بلون ومنعش & rock this season
كلها قطعه او قطعتين ملابس على شويه اكسسوارات
وسوي نيو لوك بميزانيه معقوله .. !
احياناً الاناقه ما تحتاج الى لمسات ناعمه وبسيطه ..
تقدرين تحولين اي لوك عادي وممل للوك مودرن وشيك..
الالوان اللي بعرضها متميزه ..
تحول طلتج 180 درجه ..


الالوان جريئة ومب متعودين عليها ..
يعني اذا كنتي خجوله شويه اوخايفه من المغامره ابدئي بقطعه وحده وعلى مساحه صغيره ..
يعني شوز , سكارف , اكسسوار ..
اذا حسيتي انج متقبله الوضع والناس تمدحج
البسي واستمتعي بشبابج !!







Tangerine
اليوسفي / البرتقالي المحمر





البرتقالي مع reddish undertone
لون مشع وملفت للانتباه
جريء وينفع لاغلب الوان البشره ..



اختاري الدرجة shade المناسبه لذوقج ولون بشرتج ..









Mint
النعناع





الوان الباستيل مستمره من الخريف ..
بس اللون الاقوى هو mint
مزيج بارد بين الازرق والاخضر ..



مناسب مع الاصفر , الوردي والتيل (الفيروزي) ..









Citron Yellow




عندج ملابس بقايا الشتا باللون الازرق ..
هالاصفر هو اللون المثالي لها ..
هاللون احسه اكثر لون fluorescent في الدنيا ..
بجد bold



ومن دون ماتحطين tan , اللون بيخليج اسمر من لون الصجي ..
يعني يبيله حذر ، لانه لون خطر !!








Kelly Green
Bright Green




كل ربيع وصيف الاخضر موجود ..
هالسنه الاخضر مب فسفوري ولكنه منعش ..



والاخضر احسه من اقل الالوان اللي تنلبس ..
فاللي حابه التميز تجربه









Coral Pink
الوردي المرجاني (البطيخي) ..





اذكر وحده من العضوات العام عرضت هاللون في موضوعها ..
لون غريب وشيك ..
يجمع بين femininity and edginess




ما يحلى الصيف الا بالوردي ..
هالصيف نازل بلمسه بسيطه من الاورانج ..

سبحان الله وبحمده ..

سبحان الله العظيم .. ~

[رفيعة المقام]

Tips
اهم شي والشي اللي بيخليج توب او في القاع ..
تناسب الالوان مع بشرتج وشعرج ..
انا بجد استغرب من البنات اللي يصبغون شعرهم او يسوون تان وتقول نيو لوك ..
وتنسى انها تسوي رفرش حق ملابسها !


بشكل عام في الوان مناسبه للبشرة والشعر ..
مب معناته انها بس اللي تناسبج ..
لا , هي بس احلى شي عليج ..
وهذا ما يمنع انج تلبسن غيرها ..
بس خذي راي شخص او اكثر عسب تتأكدين من درجه اللون عليج ..


اذا كنتي بيضاء شاحبه + شعرج اشقر او بني فاتح او احمر , الوانج المناسبه:
أبيض وأسود
لون الشوكولاته و أحمر
شوكولا و كاكي
رمادي و أسود
خزامى و كستنائي

اذا كنتي بيضاء وشعرج غامق , الوانج:
عنابي و أصفر
أزرق داكن و بيج
بيج و أبيض
رمادي و عنابي

للبشره الحنطاوية والشعر الغامق
وردي و برتقالي
أخضر و بيج
أحمر و رمادي
أحمر و أسود





Bright Accessories
اسهل واسرع خطوه
اضيفي الاكسسوارات للوك ..



شنطه او كلتش , سكارف , تايت , حزام , طلاء اظافر





احيانا لون الفستان يلعب دور اكثر من القصه والتصميم ..
يعني اختاري لون نادر وغريب والاهم مناسب لبشرتج وملامحج ..
ولان اللون يلفت اكثر من الموديل , استمتعي بخطف الانظار !








تفضل الالوان الفسفوريه ان تكون في الجزء الاعلى من الجسم
عشان تلفت الانتباه لويهج
هذا ما يمنع انج تلبسين الوان مختلفه في الجزء الاسفل
مثل اللحين نازلين في الجينزات الملونه ..







لون واحد يكفي !
يعني لو لبستي قميص اصفر ابد لا تلبسين اي شي ثاني بنفس الدرجه
ترا ماتوا اللي يطقمون ..


عندج 3 اختيارات
1
البسي درجات مختلفه للون اللي انتي لابستنه



وبيكون اللوك Monochrome





2
Pair with Neutrals
لا تكونين عاديه
يعني لاتلبسن من فوق لين تحت اسود وبس قطعه وحده ملونه (هاللوك يصلح للدوام او الاماكن الرسميه)
تقدرين تضيفين الوان natural مثل النيود / النايفي ..
الابيض / الاسود / الرمادي بدرجاته تصلح لاي لبس ..




3
العبي بالالوان وامزجي ..
استعيني بصور الفنانات او العارضات واستمتعي ..

شويه فيديوات توضح Color Blocking
للاسف مالقيت شرح يديد ..
بس هي نفس الفكره من العام !





3 لوكات مختلفه
الاول : بنطلون بلون فاتح
قطعتين بالوان صارخه ع الجزء الاعلى من الجسم
(توب + جاكيت او cardigan خفيف)
تقدرين تستبدلين الجاكيت ببلوزه باكمام طويله وقماش خفيف للصيف + vest ..


اللوك الثاني
العكس
الجزء السفلي فيه لونين ..
الجزء العلوي فيه لون natural ..


اللوك الثالث
قمة الجرأة
3 الوان مختلفه

ونلاحظ في كل اللوكات الشوز بلون النيود
مب لابسه اكسسوارات ولا مجوهرات







Spring Fashion Trends & Styles 2012



1:23 دقيقه تختصر عروض ازياء العالم ..
شو التريندز ؟ الستايلز؟ ويندي تخبرنا بابداع !!






Color Blocking for Spring/Summer



تبين تعرفين شو الالوان المناسبه لبعض ؟
ويندي تشرح الالوان ودائره الالوان ..







ريتشل خجوله شويه في الالوان
فتعرض لنا اللي في وجهة نظرها افضل شي عشان تلبسين الوان فاقعه

شوز (وانتو بكرامه)









لاحظوا كيف طالعه شيك بالرغم من انها لابس بس جينز وتيشرت!













جاكيت




باق


الحلو فيها انها مب وايد فاقعه ..










دولسي و3 لوكات تقوطر اناقه



لاحظوا ان حلاة اللوان الصارخه بدون نقوش ..
يعني كل القطع سادة والاكسسورات سمبل !!






لا تتهورين
لا تلبسين كل قطعه لون وكأن خزانه الملابس طاحت فوق راسج وانتي طالعه
يعني 3 الوان تكفي الا اذا كنتي متنكره بزي مهرج






مشترياتي ..
سرت السوق الويكند الماضي وخذيت لي شغلات منها قميصين للبيت ..




توب اخضر..
لي سنين ما خذيت شي فيه اخضر ، فاحس اني متخوفه شويه ..








الوردي ..
خذيت درجه فاتحه شويه ..




انا ما اقول ان هذي الالوان وبس هي اللي تصلح للصيف ..
او ان بس هالالوان هي التريند ..
بس انا اخترت احلى 5 الوان نازله ..



* ملاحظه ما يهمني الشكر و الكلام لا يودي ولا ييب ..
ابي بجد ناس تستفيد من موضوعي ..
بالنسبه لي اغلب الاحيان لما اسير السوق اذكر مواضيع شمواه واستفيد من المعلومات !!
فاذا وحده بس تقول سرت السوق وشرت اللون الفلاني اللي تكلمتي عنه ..
او بدعت بالالوان بسبب هالموضوع ..
احس اني اسعد انسانه في الدنيا !!

اختكم ، رفوع ..

[Nooona Ozil]

يآمية هلآ ..

مآشاء الله موضوع رآئع مع بدآية الربيع ..
رآق لي كثير مع هالآلوان الحلوه .. حسيت بأنتعاش ~

حبيت مقدمتك إنو عطيتي نُبذه عن الآلوان بهالفصَل وَ كيف يكون التنسيق ..

وفعلاً آلآلوان جريئه وَ غالباً مانشوفهآ عندنآ ..
على الرغم مثل ماحكيتي تقدر تعتمد قطعه مُعينه ..



رآئع جداً البرتقالي .. من آحلى الآلوان لهالفصل ~



حبيَت .. هاللدرجه رآيقه ~



فعلاً طلع عآديه بس طالعه بتجنن مع الشَوز ..



اللون بيجَنن ..
درجة تركوآز رايقَه .. وَ البيبي بيَنك حبيته ~

كثير إنبسطت بالموضوع وَ حبيت النصائح اللي فيَه ..
وَ إضافتك للفيديو بطله ..

ربي يسلم إيديكِ وَ يعطيك آلف عآفيه ~

[رفيعة المقام]

هلا نونا ..
اسعدني تواجدج ..




بس حبيت اقول الصوره مب مبينه لون القميص الاخضر تركواز ..
بس تراه اخضر اخضر ، مب اخضر ع تركواز ..





والثاني بطيخي فاتح شويه بس ، مب بيبي بينك !



السموووحه بس شسوي كل ماصورت ما طلعت الالوان صح .. ><"

[A7al bnt]

ثاانكيوو غلاتي مرره اسستفدت ربي يعطييييييك ملييون عاافيه بانتظاررك موواضيك الشيقه والممتعه والحلوه مثلك

[Perle]

آهلين وسهلين فوفو ,,

كلامك كله مفيد ودائم مواضيعك تعجبني

يعني إجى بوقته أنا الحين جالسه ارتب لـ اغير خزانتي وابي شئ تراندي ,,

بصراحه الالوان هذا الموسم مريحه اكثر من الي طاف
اشتريت حاجات وإلى الحين ما لبستها ,,

مدري ما في وقت البسها يعني مافيه مناسبات تستاهل ,,
او ان الوانها شوي جرئيه ,,

لدرجه اروح المول وكل ما شفت شئ اقول ليش اشتري
وعندي اشياء لسى جديده ما اتلبست ,,

ثقو تماما اني من عشاق الاخضر والاحمر طبعا مو اي درجات
لا الاخضر درجه هذا الموسم ,,

كمان حبيت اليوسفي عندي فستان مشابه للون هذا <--- احبه

الـ mint و الـ coral Pink
من احلى الالوان الي نقدر نتلاعب فيها وفعلا ما تخرب بقدر ما تجذب ,,







This My Style ,, My Passion
بدون الشوز

يعطيك حبيت كلامك ونصائك وكمان الفديوهات تبع ويندي استفدت منها
واستمتعت بعد ,,

مشترواتك تبلينهم بالعافيه يآقمر ,,

[كربوجه الكربوجه]

موضوعك حلو وفادني اعرف ايش الالوان الي نازله
امس رحت المول واشتريت من اتش اند ام بلوزه اورنج مررررره اللون جا مناسب ليا وبصراحه ثاني مره البسه خخخخخ

انشاءالله لمره الجايا بجرب الاخضر مره لفتني
يعطيكي العافيه حبيبتي

[ϻσѕнα ©]

وآو وآو وآو وآو آتعب وآنآ آقـول وآو !
صرآحـة بيرفكت توبيك ! تسلم إيـدك عآلطرح وبجـد آستفدت !
قريب عندي منآسبة إن شآء آلله زوآج بنت عمتي
كنت محتـآرة آشتري فستآن بآللـون الاحمـر ولآلآ لآنـي آبغـى لون نيـو ! و مآقـد جربته قبل
ولفـت آنتبآهي آللـون آلمينت :



آلفستآن هنـآ مـرآ بيوتفـل !!



تسلمي عَ آلطـرح وآكيد لـك آحلـى تقييم !
لآخلآ ولآعدم يَ آلغـلآ بإنتظآر جديدك ~
رآئـــع جـداً !!

[snfora]

موضوووعك جدا جميييل ..

تسلمين خيتووو وعسا اياديك ما تمسها النار ..

بانتظار جديدك المميز ..

[|/ هدوء صاخب \|]

-



و اللي ماعنده جرأه في اللبس وش يسوي

درجه الاورنج حلوه .. بس فاقعه شوي



هـ اللون كثير رااايق .. يصلح لي




الاخضر كثيير حلو \ بس مو بهالدرجه
شريت فستان من دورثي اند بيركنز أخضر مدري كيف
بس حلو ومميز





هاللون آآآآخ احبه كثير وعندي منه اشكال والوان اقصد بدرجات مختلفه


موضوعك متنوع وحلو
و فيه افكار حلوه .. خاصة بالفيديوز

يعطيك العافيه