تزيين الدفاتر المدرسية بالالوان الخشبيه

Modhela · 13-03-2012

السلام عليكم ،،

قمورات .. حبيت بس اعطيكم افكار لتزيين دفاتر الاطفال ..

يمكن البعض مايعجبه هالحوسه اللي نسويها بس اغلب البنات يفرحوا كثير بترتيب الدفتر بهذه الطريقه ... وانا اختار رسمات نوعا ما بسيطه .. لاني اصلا مقدرتي على الرسم محدوده مو كل شي اعرف اضبطه ...

طبعا في بداية الترم عادي اسطر لبنتي بالالوان واستكرات وخلصنا ... والنتيجه بنتي تكتب بدون اهتمام بصراحه

يوم خليتها تعيد الدفتر ... وطبعا بعد ما سويت لوحاتي الفنيه فيه خخخ مرررررره فرحت فيه ماتوقعت تحسن خطها كثيييييير ... لأني عارفه من اول انه سالفة مزاج الله يصلحها ...

طبعا وعدتها كمان في لعبه مميزة اذا عادت الدفتر والحمدلله كتبت الدروس اللي فاتت و تكتب الحين باهتمام لان معلمتها مدحتها وشجعتها

عاد قلت اوريكم لوحاتي خخخ

الاخيره بنتي سوتها ... واذا رسمت شيء جديد راح اضيفه ...

اتمنى يكون هالموضوع الخفيف عجبكم ... لاني جالسه احضر موضوع كبير شوي وتعبت قلت افرفرش نفسي شوي بهالموضوع .. << تسمع بالتشويق ...

ملاحظه : ترا الوان ايكيا خايسه بس عشان التصوير ابي شيء مرتب خلكم على روكو ازين

مع خالص حبي ،،

ask me

قريبا ان شاء الله / ريفيو .. مرطب ومبيض للجسم +سيروم لإزالة التبقعات للوجه واليدين
حمام لتهدئة الجلد المتهيج وخلطه للطفح الجلدي
ماسك مرطب ومغذي للبشره الجافه

Almzon · 13-03-2012

ماشاء الله عليك
حلو الوحده تشغل نفسها مع اولادها بالامور هذي
وبلعكس لك زوق في الرسم والترتيب
شغلك حلو. يفتح النفس
الله يسعدك ويخليلك اطفالك يارب

C H E E R Y · 14-03-2012

الله الله يا مذهلة ذكرتيني بالذي مضى

كنت آيام الدراسة آحب اتفنن بدفتر المدرسة اللي آحبها لوووول

طبعاً كان ماديتي ما تسمح باستيكرات ولواصق

بس كنت اعوض عنها بالرسم والتزيين بالدفتر سواء بالقلم الاسود آو الآلوان

وكنت آحب استخدم الآلوان الخشبية آكثر شي .. تعطي للدفتر بهوه غير

وزين آن التغيير آثر على نفسية بنتك .. ومرة ورا مرة تصير تزين لنفسها

تمنيت ارجع طالبة بس عشان انفذ هالرسمة

وآلوان روكو صح حلوة .. بس فيبر كاستل آكثر جودة بنظري

يعآفيك ربي مذهلة .. حبيت نشاطك هنا .. فيه فوائد كثير للآمهات

Modhela · 14-03-2012

تسلمي لي ياقلبي على الرد والاهتمام ... الله يرضى عليك ... وتصدقين ايه الالوان اسمها فايبركاستل احسبها روكو
والله من الدلاخه والفهاوه ...

روحــ feh ــي · 14-03-2012

الله يعطيك العافيه يارب ...
انا ولدي ناشب بحلقي يحب ازين دفتره ... لانه يحب الرسم والتزين ...
المشكله انا اللى محببته في الرسم وهالحركات وابتلشت ...
احس الرسم بالذات يبيله فضاوه .... :/
يله فكيتي زنقتي الالهام عندي مريض هاليومين كل ما انزنقت له برسمه راح انط لموضوعك ...
تسلم اناملك الجميله ...

طوقَ اليآسمين‘ · 14-03-2012

مرحبــآ اختي

دايمآ عندي ايمآن ب أن الشغلآت البسيطة اللي تسوينهـآ بيدج
كان لعيآلج او شخص تحبينه
لهـــآ طآبع معنوي كبيييير اكبر من الشي الجاهز .

اكيد بنتج رآح تتحسن لما تشوف الدفتر يفتح النفس
ولما المعلمه تمدحهــآ و تحس بكل الفخر فيج ..
ما رآح تخذلج .. صحيح هي صغيره لكن لو كل ام عطت بنتها اهتمام و وقت كان شافو التحسن ..
وبعد فتره صدقيني رآح تزين دفآترها بطريقه حلوووة و كل مرة راح تطور من نفسها وما راح تنسى فضلج عليهـآ بهالشي
خصوصآ انها تشجعت وزينت صفحه و ما اعتقد تكون الاخيره

عجبني اهتمامج ب أدق التفاصيل ل تحسين خط بنتج او نفسيتهـآ بما اانها مزاجيه
الله يخليهــآ لج ويحفظها
و لاتحرمينــآ ابداعاتج اليديده

ودٍ

دفى الورد · 14-03-2012

انا احب هالشغلات
ودايما اسويها لاولادي
تقيييييم

SaRoO~ · 14-03-2012

××

من صغري احب الاهتمام بصفه عاامه
و اهم شي كان عندي الاهتمام بالدفاتر و الكتب

وكانت عندنا معلمة رياضيات كانت تحفزنا علي تنسيق و تلوين دفاترنا بنفس الطريقة اللي ( ماشاء الله ) مسويتها بالدفتر
فكرتيني بأيام الصِبآآ

يسلم ايديكي و ايدين البنوته ( ماشاء الله عليها )
فكره حلوه و تحفز علي الدرس و المراجعه من الدفتر
و لو تخليها بعد ما تخلص الواجب او درسها تلون الصفه و تزينها يكون التحفيز اكثر و تخلص دراستها ابكر (( خبره متواضعه ))

ودي

××

...PUre sOul... · 14-03-2012

يااااه ذكرتيني بالماضي
في صغرنا صاابنه حوس التزيين لدرجه
في بنات يعطوا دفاترهم لناس تزين لهم بفلوس ههههههه

بس جد اذكر الصفحه المزخرفه ابدع فيها غير العاديه

كذا الامهات ولا بلاش احب الأُم ألي تسعى لإرضاء بناتها
وتطلعهم بأجمل حُلى

تسلم لي دياتك ...~