- - MEosha's Fashion R : 2012 - -

[Meosha]

السلآم عليكم

كيفكم بنات؟



طبعا انا ونزلت موضوع عن موضات 2012 وكان تقرير مفصل
بس طبعا تعرفون بعد ان كل 6 شهور تتغير الموضة او تطلع صرعات جديدة
والحين بشهر 4 فطلعت موضات جديدة!

وهي اللي انا حاطتها وبتكلم عنهآ بالتفصيل اليوم
روقو معي وجهزو هوت تشوكليت

*احب اعتذر عن انقطآعي وعدم متابعتي مثل السابق لظروف خارجة عن ارادتي
بس كل اللي يقيمون ويشكروني ببروفايلي او برد .. على راسي وانا اقرا اللي تكتبونه
حبيباتي وانا رديت عليكم ببروفايلي بس ماعندي وقت ارد واحدة واحدة


وشفت كم موضوع نازلين يجننون بروح افصفصهم بعد شوي
المهم خلوكم معي الحين وخلونا نبدا



.



الحلو الحين ان التنانير صايرة موضة دارجة وبقوة !
من الميني لـ Maxi و حتى اللي بالنص يعني جميع الاطوآل موجودة و دارجة
بالنسبة للميني فالتنانير اللي فيها طبعات او نقوش او شك و سيكوين او اللي تكون قصاتها لف او كانها مربوطة مثل الصورة اعلاه ^
بالنسبة للتنانير الميدي و الماكسي يكون نوعين .. مثل الصورة شفاف والخامة تكون شيفون وتحتها تنورة قصيرة او تكون من قدام طويلة ومن ورا قصيرة
بالنسبة للالوان طايحين بالصارخة او القوية ( مو بس الفسفورية ) بس تكون الوان صريحة يعني ازرق او اخضر او الماسترد اللي هو لون الخردل او يسمونه كموني

وللطبعات والزخارف طبعا المطبع بالورود العادي التقليدي بس الاكثر موضة هو الـtribal prints اللي مو بس موضتها بالتنانير حتى بالبنطلونات والبلايزرز وكل شي..
يعني هالسنة قايم سوق التنانير بعد سحبة لسنوات .. وخاصة التنانير الطويلة !
وصارت مو بس للطلعات الرسمية حتى في تنانير عملية وخاماتها قطن او خامات شيفون خفيف ممكن تصلح بزيارات عادية او طلعات يومية يعني عملية!













الجاكيتات او البلايزرات الحين كل ما تكون غريبة وقصة غير مكررة تكون عالموضة اكثر
وخاصة الخامات الحين صارو يجربون ويحطون خامات جديدة وغريبة وجريئة شوي
والرسومات والطبعات صارت اكثر جرأة .. مين كان يتخيل ان البلايزر المطبع بالورود يصير موضة ؟
لو واحدة لبسته من 3 سنين او سنتين كنها ضحكنا عليها بس الحين صار موضة ودارجة
طبعا لما نلبس شي في حركة او فيه ديتيلز او الوان كثيرة مثل هالبلايزر عاليسار ^
لازم بقية القطع تكون سادة او حيادية عالاقل علشان نبرز القطعة + ما نعور العين + ما نخررب التنسيق ويطلع الموضوع قراوة!

بما ان البلايزر هنا بنفسجي و نلاحظ في شوي بيج نختار نلبس معه بنطلون سكينني بيج مثلا
يعني خذو ابسط لون بالبلايزر او اقل لون و البسيه معه .. لا للتطقيم اهم شي
بعد اللون الابيض اللي هو الناصع دارج جدا والديتيلز الساتان على اطراف الجاكيت جدا دارجة وchic







البنطلونات او الجينزات بالاحرى .. الملونة + اللي فيهآ قصات مختلفة عند الركبة وعالجنبين..
والبنطلون الابيض الجينز هي موضة السنة بكبرها مو بس هالموسم ..
يعني استثمار بخزانتك ممكن تلبسينه صيف او شتاء او ربيع وهالشي يعتمد على تغيير تنسيقاتك معه
بس الفرق ان موضة البنطلونات الاحمر او الاورنج او الالوان الصارخة راحت او بدل تقل
الحين موضة الالوان الهادية baby pink و لون الازرق الفاتح و غيره..
وهالبنطلونات تناسب الحياة اليومية وعملية جدا وقابلة للتنسيق باكثر من طريقة








نلاحظ هنا اللوك الاول من اليمين الفستان فيه ورود ومطبع وفيه قصة ونسقنا معه الكلتش مخطط بالابيض والاسود!
واللوك اللي بالنص فيه دانتيل وفيه تلاعب بالخامات ونسقنا معه كلتش وردي..
واللوك الاخير فيه قصة عند الصدر وفيه مثل المسامير ونسقنا معه كلتش فيه مسامير من شكل ثاني و فيه حركة..

بالعربي الموضة الحين انك ما تخافين تنسيقين اكثر من شي مع بعض ..يعني اكسري المألوف
بس انتبهي لان هالخطوة مو اي احد يضبطها
لازم يكون يمشي مع بعض ولازم تكونين ملتزمة بـ الثيم الخاص بلبسك وهالشي دايما انا اقوله لو تتابعون المواضيع السابقة..














الاكسسوارات ..

طبعا هي اللي بالنهاية اللي بتغير لوكك 50% ..
الحين دارج اكثر شي الـ turban اللي تنلبس بصيف او شتاء وباكثر من طريقة وهي تعطي لوك جدا مميز للبنت..
وبالنسبة للنظاارات دارج ان الفريم يكون بس من فوق مثل الصورة اعلاه^ وفيه كثير ماركات منزلين من هالموديل بعضهم حاطين شوي ديتيلز ذهبي وبعضهم مسوينها اسود باسود كلاسيك..
والسكارف شي لابد منه وبعد استثمار لان ممكن تلبسينه باكثر من طريقة وكلاسيك يعني راح يبقى معك سنوات
الاحزمة الغريبة جدا ملفته وممكن تعطي اطلالة مختلفة تماما او بالخليجي (تكشخ) اللوك تبعك لو كان فستانك سيمبل او تنورتك سادة ..














انتهى التقرير ..
*وللتوضيح ترا كل التنسيقات انا مسويتها و حبيت اسوي تقرير لان من زمآن عنكم
ووحشتوني

اتمنى يكون عجبكم الموضوع واستفدتو منه
واذا المعلومات المذكورة انتو اسااسا عندكم عالاقل اتمنى
تكونون انبسطتو بالتنسيقات والامثلة




منوريني يا حلوين
وشسمه .. اللي عندها تعليق او تعارضني بشي او اي شي بليز تحطه بالكومنت
علشان نتناقش ونفيد ونستفيد

للاسئلة الرجاء التوجه لبروفايلي واجاوبكم..لاني ما الحق على كل الكومنتات

[لصمتي حكايه&]

وناااااااااااااااااااسه اول وحده ارد على موضوعك
بجد الناس بدت ترجع لموضة الستينات
وكثير تعجبني هالنوعيه من الجاكيتات والقصه فيهااا مره مرتبه
وتقريرك مرررره حلو وابداااع وانتظر جديدك غلاي

[Yunalesca]

مرحبا ~

التريندز الحين جدا جميله و فيها تنوع كثير .

بالنسبه لموضه التنانير كلها جدا عاجبتني
و خصوصا موديلات الميني سكيرت, رائعه و جميله .
اما الطويله فموديل الشيفون و تحت تنوره قصره موديل جدا احبه
و احلى شي الألوان الحين مثلا الأزرق او الأخضر, احبها كثير!
و الـtribal prints, احيانا تكون قطعه جدا حلوه و مميزه !

اما البليزرز هذي عشقي ! فعلا تعطي جمال و لوك غير و خصوصا اذا
كانت غريبه و مختلفه جدا في التصميم, لوك مميز و ستايلش بقوه !

البنطلونات, فعلا الحين الألوان الهاديه هي الأجمل و ممكن ننسق عليها
بطرق كثيره و نطلع بأحلى لوك .

حبيت تنسيقاتك, جميله .
و الأهم دايما نتبع ستايل خاص فينا و يعبر عن ذوقنا و شخصيتنا .

موضه الإكسسوارات جميله كلها حبيتها .

يعطيك العافيه .

[flo0ower]

حلوه هذي الموضه مررررررره تعجبني
واحب الجكيتات اللي فيها رسمات بس المشكله بالمحلات اللي عندنا ما فيه رسمات حلوه
وموضة البناطيل الملونه حلوه جدا وعندي منها
وتعجبني الاكسسورات الغريبه وتكون احلى اذا كان اللبس هادي
اه تذكرت البناطيل اللي كلها ترتر ياني احبها ي ليت اشريلي منها
وشكرا عالموضوع الرئع

[|[ s m a s h e r ]|]

Hi


ميوووشا يا ميوووشا

وحشتيني
ووحشتني مواضعيج يا بعد قلبي انتي



~

اتفق معاج فكل الي قلتيه

وراح اضيف بعض الاشيا







احين الدارج بعد الدانتيل.. ما استغني عنه ابد
ف العبايات او الفساتين بس يدخلونه صح..ومب اي نقش دانتيل يصلح
بالذات الدانتيل الاسود -- عششقي
حده شيك وناعم
حته فستان العروس داخل فيه الدانتيل luv it

وموضته ماتروح




الاكسسوريز اللولو دارج
سواءن necklace
او البروش والتراجي
حته الفساتين يدخلون فيهم لولو
بس لازم يدخل فيه كراستالات ومدموجين بنعومه









البننطلون السكيني دارج ب الوان مطفيه بقماش الحرير >>عندي منهم
نعومين ومريحين باللبس
او اللذر (الجلد) دارج بقووه في معظم عروض الازياء اليديده





كل شي يلمع موضه
ع العموم هالسنه رجعت موضت الثمانينات باللمعه والترتر..














اتخيله علي .. وه بس




smasher

[جمانتى]

ازياء كتير حلوة لان الموضة السنة دي هي الجلد وكمان الترتر والميع اي اشياء في لمعة مثل الشنط والفساتين والمجموعة المعروضة كلها زوق وموضة لانها موضة اواخر السبعنيات والثمانيات ورجعت تاني

[sarah94]

يسلموو يا ميوشا ع الموضوع المميز كالعادة
ووحشتينا كثيير
موضات 2012 مررره تونس خصوصا الربيع والصيف مرره حلوه الترندز والكولكشناات
وويسلموو مره ثانية نستنا المواضيع الجاايه

[فستقة]

يا حبي ﻷترتر و القليتر و الأشياء اللي تضوي بألوان طافيه و متناسقه
الموديلات حلوه بس ما أحس التنورة اللي قدام قصير و رى طويل تضبط معاي
وبالنسبة للميني سكيرت جهاز عرسي كله منها
فكويس بستثمر
مشكورة عزيزتي

[إسوارة]

يسلموووو ياقلبو على التقرير الررووووعه
اكثر شيء عجبني التنانير والجينزات
والف الف شكر على مجهووودك الرائع

[كربوجه الكربوجه]

اهلين من بعد هالغيبه منوره بموضوع حلو كالعاده

اول شي حبيت موضة التنانير اللق مره تحسس بالانوثه وكمان التنانير الي تجي نص من قدام وطويله من ورا
نفسي اشتري من هالنوعين بس مع الحمل ماشريت

البنطلونات الملونه حلوه بس سارت تقليديه مره
انا احب اضيف شي من مخيخي يعني عندي بنطلون اشتريته من امريكا روووووووووووعه مشقوق شق نضيف من الامامعند الفخذ والفتحه كبيره رحت ركبتلها دانتيل وسااار شيك اوي وانيق شوي اضافت تخليكي فاشن

موضة الفساتين والبلايز المرايه مره ماحبيتها احسها اوفر بزياده مدري وجهة نظر
كمان الترتر هابين العالم فيه وكلها باشكال تقليديه ماشفت شي جديد للان

تحياتي