الرئيسية الألعاب التَسجيل القوانين إتصل بَنا Twitter Facebook
 
العودة   منتديات شمواه|SHAMOA FORUM ® > ,, || لحظات .. || ,, > يوميات عضوة

الملاحظات

يوميات عضوة لـ تجسيد لحظه بكلمات أو صور , وتسجيل المواقف و مشاركتنا يومياتك ..



إضافة رد
 
أدوات الموضوع
قديم 06-04-2012   #1

مرايم ~
« مُشرفة عطورها bath & body " »
« مُشرفة Desserts & Sweets »
 

thnx Rock <3
 
الصورة الرمزية مرايم ~

مرايم ~ غير متواجد حالياً

 رقم العضوية : 27180
 تاريخ التسجيل : 06 2010
 العمر : 23
 الجنس : sex
 المشاركات : 1,752
 تقييمك لشمواهـ : 1
  الشعبيه : مرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـ
 النقاط : 191814
 مجموع الاوسمة 8

فعالية اليوميات الرمضانيه| Ramadan Diary 2012 

Ico1 يوميآتي مع الدآيت سنتر و الريآضه ,, شآركوني الأحداث ~










هلووو قيرلآت .. شو آخباركون !! ؟

يآ أني أشتقت لليوميات والله .. آخر مره كتبت موضوع فهالقسم من رمضان اللي فآت

ممكن البعض بيستغرب ليش أسوي يوميات للدآيت والسبورت ..
لذآ حابه أوضح لكم هدفي من هاليوميات كلها ..

بالأول من زمان ودي حكي قصتي مع الوزن الزايد من بدايتها لين ما تخلصت من وزني كله
عبره للبنآت وتذكير لي ..

ثآني شي .. يومياتي هذي أبدا مو لتشجيعي ..
فالحقيقه أنا أنسانه ما أعتمد فحيآتي على أي حد .. ومن هالمنظور أنا ما أنتظر من حد
تشجيع عشان أواصل اللي بديت فيه ..

يعني مرآت لمآ أروح الجم بروحي [وهذآ اللي أغلب الوقت يصير ]
يقولون لي أهلي أنتي ليش ما تقنعين أختج تروح معاج تشجعج !!

يآ سلآم !! وليش تشجعني .. ما احتاج تشجيع على شي أنا محتاجته و مقتنعه فيه
هالكلمه جد أبي أوجهها لكل بنت ناويه تبدى بأي شي مهم فحياتها

لا تعلقين مصيرج على كلمه من أي أحد .. لا تقولين ما فيه تشجيع وأنا لازم حد يشجعني

شيلي من مخج هالفكره .. لما تحطين موضوع فمنتدى ويوميات وتعب وكل اللي تبينه
هو ردود من البنات عشان تواصلين ,, ؟؟ أيش هالأراده الضعيفه
يعني كله يتوقف عالردود ؟؟ لو البنات ما ردوا أنتي بتوقفين !!؟

كلمه بخاطري وقلتها .. وأختصارها أن يومياتها مو هدفها تشجيعي
هدفي هو تشجيعكم .. وتشجيعكم مو برد .. لأ .. بموضوع بفوايد بأجوبه على أسئلتكم
بوضح لكم برنامجي .. بقول لكم قصتي للعبره و الفايده ..

آشتركت بدايت سنتر لسببين ..


الأول أني بديت أزيد بوزني .. لأن الكل يعرف أن أكلي غلط بغلط
وللحين ما أني قادره أتهنى .. وزني يزيد وينزل
وبابا لآحظ أني زدت و خآف وأقترح علي أنه يسجلني بدايت سنتر لمدة شهر مبدأيا
ولو ما تدلعت و أكلت الأكل اللي يجيبونه وألتزمت بيسجلني بعد شهرين ..

السبب الثاني .. شعري يطيح بشكل يخوف . . ليش !! الله وأعلم
بديت بعلاج و التغذيه السليمه كانت تنقصني .. فممكن أعتبر هالشهر نقطة بدايه لي


لكن مع العلم .. أنا مو ناويه أترك أكلي المعتاد أبدا
أحب الدسم و أحب الطبخ ومستحيل أني أكذب وأقول لكم بغير حياتي ومن هالكلام
لكن حابه أضيف لحياتي خيارات صحيه أكثر .. وبس


فالرد الجآي بحكي لكم قصتي من طأ طأ لسلامو عليكو ..
[ اللي ما تحب القرقر والكلام الزايد تسوي سكيب للرد الجاي ]



.







  رد مع اقتباس
قديم 06-04-2012   #2

مرايم ~
« مُشرفة عطورها bath & body " »
« مُشرفة Desserts & Sweets »
 

thnx Rock <3
 
الصورة الرمزية مرايم ~

مرايم ~ غير متواجد حالياً

 رقم العضوية : 27180
 تاريخ التسجيل : 06 2010
 العمر : 23
 الجنس : sex
 المشاركات : 1,752
 تقييمك لشمواهـ : 1
  الشعبيه : مرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـ
 النقاط : 191814
 مجموع الاوسمة 8

فعالية اليوميات الرمضانيه| Ramadan Diary 2012 

Icon13 my story ~





.

قصتي غريبه جدا .. والكل يسألني ليش متنتي بهالطريقه !!
وردي على سؤالهم هي قصتي اللي بحكيها لكم الحين ..


من أنا صغيره كان عندي زياده فالوزن .. رغم أني كنت حركيه جدا
الزياده ما كانت كثيره .. بس كنت كطفله صغيره أعتبر مليانه .. كله من أمي فديتها
تأكلني 24 ساعه .. والله كل الأكل اللي كانت تغصبني أياه أكرهه الحين ..
مع أن لها كل الشكر ان مناعتي قويه جدا .. كل البيت يمرض ألا أنا ما شاء الله ..

عموما اللي صار أني قبل لا أدخل الأعداديه وفي أجازة الصيف تحديدا نقلنا بيت جديد
وأنا الأنتقالات هذي تكأبني .. فقعدت مع جدتي الصيفيه كلها
وطوول الصيف كنت مجابله ديزني لاند . . ومن الكسل أني أقوم أجيب لنفسي شي
كنت بس أجيب صحن تفاح وغرشة ماي كبيره وكان هذا هو أكلي طول اليوم ..
بعد فترى 3 شهور كنت بجسم خيآلي .. من غير لا أحس أصلا

والكل بدآ يقول لي أنتي شسويتي !! ~> طفله ويسألونها شسويتي !! خخخخ

دخلت الأعداديه وقمت ألاحظ أن الكل يتكلم عن جسمي .. وزآآد الولع فالضعف والرشاقه
وصرت أحرم نفسي الأكل أكثر .. يوم كامل ما أكل الا العشا وسناك

وضعفت وصار جسمي المدسه كلها تتكلم فيه .. لأن أنا عظمي عريضه
حتى لو ظعفت تشكيلت جسمي كيرفي .. لدرجه أن حتى الأبلات كانوآ يسألوني شتسوين !!
ويمدحون بجسمي ..

وظليت على هالجسم لين آخر سنه فالثانويه .. وآنا طول هالسنين كل اللي أسمعه مدح فجسمي
فهالوقت ترى كنت رياضيه .. مشاركه فالباسكت بول فالمدرسه .. غير بالبيت 24 ساعه ألعب مع أخوي كرة تنس
وفوتبول .. وسكيتنج يعني كنت ما أقعد

فثالث ثنوي وكلكم تدرون شنو يعني ثالث ثنوي .. تركت كل الرياضات الي أسويها وكنت أكل ما بدى لي
وما زدت الا كيلوين طول السنه أستانست .. وقلت شكلي من هالبنات اللي مهما كلوآ ما تفرق معاهم

فالصيف قبل لا أدخل الجامعه زدت 5 كيلو .. وصار وزني 55 ..
صآر جسمي شي خيآآآلي وبرز صدري وحبييته .. وصرت أسمع دبل المديح اللي كنت أسمعه قبل
والحلج مشقوق من الأذن للأذن ..
فهالصيف بدآ عشقي للطبخ بشكل مفآجئ .. وأعتقد تعرفون شنو يعني
كنت بس أطبخ وأكل ..

اللي صار أني دخلت الجامعه وأنا وزني 60 .. الكل لاحظ علي المتن ..
وبدآ أبوي يقول لي بسج أكل بعد ما كان يهزأني عشان أكل ..
وأنا بتبلد عجييييب .. بعد شهرين صرت 65 .. بعد شهر 69

الزياده كانت سريعه بشكل يخوووف .. وتركت كل الأكتفتي اللي كنت أسويه قبل
وصارت حياتي جامعه + أكل مع الربع بشكل مو طبيعي + قعده وركآده

جربت أنزل وزني فأسبوعين نزلت 5 كيلوآ
بس اللي صار بعدها أني رجعت ال5 كيلو وفوقها بعد 5 ..
وصرت 70 ..

يمكن تشوفونه قليل بس أنا قصيره نوعا ما .. وبدآ شكلي بكل أماانه يتكور !!
وأبوي يقول مرآيم قسم بالله ما عدت أشوف خصرج

هذآ كله وأنا بتبلد غريب عجيب .. مو قادره أوقف عن الأكل

لين في صيف من الصيفيات سافرنا وكان وزني حزتها 77 كيلوآ
أحنا متعودين فالصيف نشتري ملابس ل3 شهور قدام لما نسافر ..
فلما رحت غرفة القياس خذيت معاي فوق ال10 قطع
وأمي تنطرني عند الباب أوريها .. كنت أفتح الباب وأوريها أن الملابس مو راضيه تدخل
وشكلها مقزز علي .. بعد ما كنت عارضة أزياء .. صار جسمي ...... جد مو عارفه أعبر ..

طلبت من أمي تجيب لي قياس أكبر والصدمه أنها أكبر قياس
بكيت بكيت بكيييت لين شبعت فغرفة القياس .. وهذيك السفره ما شريت ولا شي
غير فستان وآحد دخل علي بس كان مطمط من كل مكان .. وقررت أني أخذه
وأخليه لين أضعف ,,
وكانت نقطة التحول ذآك اليوم وقررت أبدى دآيت وأغير حياتي ..


هذآ هو الفستان [ جد ما أعرف شلون شريته .. لين يومكم هذا مالبسته .. ]



بعد شهر رمضان هالفستان صار مبهدل علي من كثر ما ضعفت
بس للحين مو قادره أفهم شلون عجبني !!

آكمل لكم القصه .. رجعت الدوحه وأنا نازله كيلوين من القهر ..

وكان باقي على رمضان أسبوع .. وقررت أني ببدا ببداية رمضان .. وسجلت بنادي

وكنت ألعب رياضه بعد صلاة التراويح يوميا ساعتين ..
ساعه جيم وساعه أيروبيك . . وكلاسات منوعه ..
والأكل .. أمم .. ماله داعي آشرح فيه وآيد لأني عفست الدنيا عشان أضعف

جآ عيد الفطر .. كان جسمي روعه .. ضعفت في رمضان تقريبا 7 كيلو
ونزلت من 75 الى 68 كيلوآ ..
قياسي تغير تغيير جذري .. لدرجة أن آخر يوم فالجم يوم قاست لي المدربه جسمي
شهقت .. لأن خصري وبطني أكثر مكان تقلصوآ ..


وآصلت بالرياضه وحبيتها وعشقتها .. وقلت أنا شلون عايشه من دونها . !!

بعد 3 شهور دخلت الخمسينات ..

وهنيه بدآ التعب .. كنت فالشهر ما أنزل الا كيلوين أو كيلو بس

بعد 5 شهور وصلت 56 كيلوآ .. الحلم قرب يتحقق بعد معاناه سنتين مع وزني
لما داومت فالجامعه الكورس الثاني .. البنات اللي ما شافوني من زمان
كانوآ يفتحون حلجهم لما يشوفوني .. يدوروني ويقولون وين خبيتي مريم هههههههههههه

فرحه فرحه وفخر وشي لا يوصف .. أنفتحت نفسي عاللبس .. وصرت أنزل الأسواق أكثر
ثقتي فنفسي كبرت .. وصرت ما آخاف من نزلة السوق
صآر الميديم يدخل وبسهوله,,

والله يا بنآت الأحساس بالأنتصار خيآلي والشعور ماله مثيل


لكن للحين ما وصلت للي أبيه ..



الرياضه ما تركتها .. لكن بصرآحه من عرفت شموآه وأنا ما صرت ألعب مثل الناس
أدمآآآن هالشمواه ..

سويت أشياء كثييره ساعدتني فهالفتره .. بقولها لكم فموضوعي الجاي فالدايت أند سبورت بأذن الله


من الرد الجآي ببدآ يومياتي معاكم .. وكلي أمل أن يومياتي تكون مفيده بالقدر اللي أنا أتمناه
وأي أقتراحات أي أسأله أي شي تحبوني أضيفه عاليوميات خبروني ..

و بأذن الله بتكون يوميات غير عن اليوميات اللي متعودين عليها ..
تآبعوني ~





.







  رد مع اقتباس
قديم 06-04-2012   #3

مرايم ~
« مُشرفة عطورها bath & body " »
« مُشرفة Desserts & Sweets »
 

thnx Rock <3
 
الصورة الرمزية مرايم ~

مرايم ~ غير متواجد حالياً

 رقم العضوية : 27180
 تاريخ التسجيل : 06 2010
 العمر : 23
 الجنس : sex
 المشاركات : 1,752
 تقييمك لشمواهـ : 1
  الشعبيه : مرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـمرايم ~ عملاقة شمواهـ
 النقاط : 191814
 مجموع الاوسمة 8

فعالية اليوميات الرمضانيه| Ramadan Diary 2012 

Icon13 يومي الأول + شويآت معلومات ~





طبعا الدايت سنتر عندنا فالدوحه من قديم الأزل ..
لذلك هو أوثق مركز للتغذيه بالنسبه لي .. رغم آنه فيه أكثر من مركز للأكل الصحي

من بينهم ..

* سليم أند لآيت

له فرعين في أبوظبي .. والدوحه ..

وهذآ هو موقعهم للي يبي يطلع على المنيو

slim and lite

: 44323035



* ايدل دايت

بحثت عن موقعهم ما لقيته بس لقيت لهم حساب في الفيس بوك . .



44887754


* دآيت سنتر

وهذآ موقعهم لمزيد من المعلومات وللأطلاع عالمنيو ..



44320124




خل نتعرف أكثر على الدايت سنتر ..

تأسس في لبنان عآم 1990 على يد أخصائيين .. وكان أول مركز متخصص فالتغذيه فالشرق الأوسط

لهم أربع أفرع .. لبنان , قطر , السعوديه و الأمارات ..

ينقسم الدايت سنتر لعدة أقسآم .. منها العياده و المطبخ و الدايت شوب [ بنتكلم عنه أكثر ]



أشترآكي كان لمدة شهر ..
بمبلغ 3500 ريال ..

طبعا فرق كبير بين السعر فالسعوديه و قطر ..

غير أن ما عندنا أي عروض فقطر .. يعني الدايت سنتر في الكويت يسوي عروض بين فتره وفتره
يسوي تخفيظات .. أما أحنا ولا شي أبدا أبدا ..

وهذي دعايه للدايت سنتر في رمضان فالكويت فقط طبعا ..




أما أحنا زادوآ علينآ السعر أكثر من السنه اللي فاتت

السنه اللي فاتت كان الأشتراك كامل ب3000 ريال ..
لو عرف السبب بطل العجب .. زحمه مو طبيعيه عليهم .. لدرجة أني أتصل قبل موعدي
بأسبوعين وباليالله لقيت لي موعد ..

والسبب اللي دايما نعاني منه فالدوحه هو لأن ما فيه منافسه ..
غير عن الكويت فيه أكثر من مركز ينافس الدايت سنتر

فالسعوديه من قريب سوو الدايت سنتر لكم عرض
اللي هو الأيزي دايت .. ب1500 ريال بالشهر !!

لمآ سألتهم عن هالعرض قالوآ بس للسعوديه .. قلت لهم ليش !!
مو أنتوآ فرع وآحد .. الأجابه كانت ما ندري !!

و أنا باعتقادي لأن عارفين أن السعوديين أكثرهم ما بيدفعون هالمبلغ المهول
فخلوه ب1500 ريال

و فيه سبب آخر لكن ما يبرر لهم السعر المبالغ جدا فيه .. و هو أن المواد الغذائيه
بالسعوديه أرخص بكثييير من قطر ..

عموما أتمنى أنهم يعيدون النظر في الأسعار ..




جزء من الخدمآت الي تقدمها الدايت سنتر هو الدايت شوب ..

هو مثل كافيه أو مطعم مصغر .. تقدرين تشترين منه الاكل الجاهز وتآخذينه تيك آوي
وفيه بعد توصيل للمنازل ..

وهذا هو الدايت شوب بقطر .. تلقونه مقابل جرير .. وجنب ليونوتر



يقدم منيو متنوع .. وفيه الخيارات الصحيه اللي تكون فيها الوجبات تحتوي على تقريبا 400 سعره حراريه
وفيه خيارات الدايت اللي تحتوي على 300 سعره حراريه تقريبا ..

يعتبر البديل الأوفر للي مو حاب يتابع مع دكتوره أو أخصائيه فالمركز .. ~

و هذا هو المنيو ..











الحلويات عندهم منخفضة السعرارت الحراريه
مريت عليهم مره وطلبت كيكة شوكلت ب250 سعره حراريه
كآنت لذيييذه جدا .. و لا كأنها هيلثي شويس .. ~

وأثناء بحثي بعد لقيت أنهم بدوآ من فتره بتوزيع منجاتهم على الجمعيات ..
لكن طبعا و أكيدا مو عندنا هالكلام .. وين الله وأعلم .. بس أعتقد لبنان ..

يسوون الكيك و البسكوت والسندويشات .. ~


لهم حساب عالتويتر والفيس بوك بعد .. ممكن تتابعون عروضهم اللي ما بنطال منها شي



. . . . . . . . . . . . . . . . . . . . . . . . . . . . . . . .



مثل ما قلت لكم أتصلت قبل الموعد بأسبوعين .. وتحدد موعد زيارتي الأولى
تآريخ 3- 4 - 2012

ويوم الموعد رحت وكانت الأمور كلها سريعه بصرآحه .. لا نطرنا ولا شي

جآت الدكتوره وخذتني لغرفه قاست فيها وزني والدهون
قالت لي عندي دهون زايده ..

وقاست لي جسمي بالمتر .. وأسألتني كمن سؤال مثل ::

* متى أخر مره سويتي دآيت !!؟ عمري ما سويت دآيت

* كم أقل وزن وصلتي له ؟؟ 47 كيلو

* كم أكثر وزن وصلتي له ؟؟ 77 كيلو [ فتحت عينها ذيك اللحظه ]


وبعد ما خلصنا من قياس الوزن والجسم .. رحنآ على مكتبها
وكملت الأسئله ..

* أيش الأشياء اللي ما تاكليننها أبدا ؟ كان بودي أقول لها أغلب الأشياء ما أكلها
اللحم الحمص المتبل البيض والكوسه والكبده ..

* حليب ولا لبن ؟؟ لبن .. الحليب يمغص لي معدتي ..

* كيف مستوى نشاطج فاليوم العادي ؟؟ ساعتين رياضه ل4 أيام فالأسبوع [ فالحقيقه هي 6 أيام ]
بس ما كنت أبيها تعطيني سسعرات حراريه كثيره ..

* كم معدل شربج للماي فاليوم ؟؟ لتر ونص ..

* هل عندج أي حساسيه من الأكل أو أمراض وراثيه .؟؟ لأ الحمدلله ..


وأسألتني أسئله كثيره .. كان أسلوب الأخصائيه حبوب .. وتسمع ومو مستعجله أبد
وأشرحت لي النظام .. أنه 3 وجبات يوميا مع سناك يكون فواكه وسناك آخر يكون ديزيرت ..

وورتني البوكس اللي بيجي فيه الأكل ..

وأنصحتني بأكثر من نصيحه ,, وكلهم مطبوعين فهالورقه اللي عطتني أياها




قالت لي .. زيدي بهارات عالأكل مثل ما تحبين ..
أذا جوعتي أكلي سلطه ما فيها الا خضار من دون جزر وبطاط وذره ..

الدريسنج .. تكون بس يا ليمون يا خل .. لا تزيدين زيت زيتون أبدا
[
كلامها منطقي لأن الزيت بيخرب مقدار السعرات الحراريه المقرره لي ]



ألعبي رياضه عالأقل مشي نص ساعه 3 أيام ~> نعم !! هذي شتسوي بالضبط هالنص ساعه
ولا تخربطين بالأكل أبدا .. ممكن تبدلين وجبة الغدا بالعشا أذا حبيتي ..

الماي لازم لترين يوميا على أقل تقدير . . عموما أنا أحب الماي ما بتفرق معاي ..


* مدة الأشتراك : 30 يوم

* تسليم الوجبات : يبدأ بعد يومين من الأشتراك .. ويرسلون الوجبات مره وحده يوميا

[ نظام التوصيل عندهم كريه . . قالت لي ما تقدرين تحددين متى توصل لكم الأكل
طيب وأذا أحنا مو بالبيت شنسوي .. اللي صار أنه جآ الظهر وأحنا مو بالبيت وقلت له تعال بعدين

قال ما ينفع عصببببت .. هاي من أولها هالشكل .. غير أن السواقين نفسياتهم خآآيسه
وأسلوبهم مو راقي أبدا ..

يعني نظام التوصيل مو فليكسبل أبدا .. لا واللي ساكنه في مسيعيد أو الوكره تزيد
500 ريال عالأشتراك .. يعني يصير 4000 ريال هههههه ]


* طريقة الدفع : تدفعين المبلغ كامل مكمل قبل لا تطلعين من عندهم ..

* المراجعات : عندج مراجعه مع الأخصائيه مره كل 10 أيام .. تقيس الوزن وتختارين معاها المنيو

* مسموح الشاي والقهوه من دون سكر أو مبيضات .. الغازيات من الأفضل تجنبها
بس لو كنتي مدمنه ,, علبه وحده فاليوم بيبسي أو سفن آب دايت تكفي ..

* لازم الوجبات تكون بأوقات محدده يوميا

الفطور من 8 - 10 صباحا

الغدا من 12- 2 مساء

العشا من 7 الى 9 مساء



وسألت الدكتوره كم سعره حراريه لي فاليوم .. وقالت لي 1200 سعره حراريه

كثيير دكتوره .. قالت لي بعد 10 أيام نشوف أذا نزلتي أو نقللهم ~> أيه الفلوس مو من جيب أبوج


وهذآ كل اللي صآر .. بعد يومين وصل البوكس .. اللي هو أمس

بس ما صورته .. لأن ما كنت متأكده أذا بفتح اليوميات أو لا ..

بس الفطور كان فطيرة جبن + خيار ولبن [ كل شي كان لذيذ ]

الغدا : سيخ كباب .. سيخ كفته .. سيخ شيش طاوق + طحينيه وسلطة تبوله + خبز
[ الأكل كان حلو بس كثير ما خلصت المشاوي .. والكباب ما كلته ما أكل اللحم لو أموت .. ]

العشا .. كان عيش مصري + شيش برك باللبن + شوربة بطاط
[ الأكل كان رووعه ويشبع من قلب .. شوربة البطاط لذيييذه مسحتها ]

السناك كان برتقاله + كيكه ما كلتها ..


وهذا هو بوكس بكره ..








ستيكر عليه آسمي و رقم آشتراكي
..






آكل اليوم كآمل .. بصوره لكم بكره بالتفصيل أن شاء الله ..




هالورقه دآخل مكتوب فيها عدد الحصص و الوجبات بالضبط

ومن ورىورقه تكتبين فيها رايج بالأكل و تطرشينها لهم اليوم الثاني ..



أنا لا بطرشها ولا شي .. أحتفظ فيها حتى توحي لي بعدين بالوجبات اللي ألتزم فيها بعد الأشتراك ..


بس هذآ هو .. البآقي بليل بكتب لكم الأكلات ورآيي فيها + رياضتي ~

آنطلقوآ ..



.







  رد مع اقتباس
قديم 07-04-2012   #4

Ano0ody Q6R
عضوه طموحه
 
الصورة الرمزية Ano0ody Q6R

Ano0ody Q6R غير متواجد حالياً

 رقم العضوية : 34978
 تاريخ التسجيل : 10 2010
 الجنس : sex
 المكان : "اما قطر فوق والا مالنا خانه"
 المشاركات : 167
 تقييمك لشمواهـ : 1
  الشعبيه : Ano0ody Q6R إنجازاتها يُفخر بهاAno0ody Q6R إنجازاتها يُفخر بهاAno0ody Q6R إنجازاتها يُفخر بهاAno0ody Q6R إنجازاتها يُفخر بهاAno0ody Q6R إنجازاتها يُفخر بهاAno0ody Q6R إنجازاتها يُفخر بهاAno0ody Q6R إنجازاتها يُفخر بهاAno0ody Q6R إنجازاتها يُفخر بهاAno0ody Q6R إنجازاتها يُفخر بهاAno0ody Q6R إنجازاتها يُفخر بهاAno0ody Q6R إنجازاتها يُفخر بها
 النقاط : 4940
 مجموع الاوسمة 1

فائزة بمُسابقة نَظامي صَحي 

افتراضي رد: يوميآتي مع الدآيت سنتر و الريآضه ,, شآركوني الأحداث ~

مريوم Let's Go Have To Go >>تذكرين يادبه الكلمه لماتشجعيني علي شي وان اقولها لج الحين يالله يادبه ابتدي ببدايه قويه
ابي مرايم اللي جسمها مكان له شبيه >>مالك شبيه ياآحلي الناس كلهم
تري جد اشتقنا ليومياتج الرمضانيه والحمدالله نزلتي موضوع يديد "يوميات مرايم الدايتيه"
اشرايج فالاسم خطير

اه يامريم اه وينه جسمج وينه حرام عليج انا بنطر لين عرسي لو ماضعفتي بفركش العرس
وبقولهم ماابي اتزوج الحين مريم ماضعت عاد انتي وضميرج
اما بالنسبه لمعاناتج بسبب زياده الوزن كل شخص يمر فيها ابيج بس تحاولين تفكرين بجسمج القبلي
وبس وصحتج اهم شي وربي بسهل عليج طريجج للجسم الرشيق

مريم عيب عليج تتكلمين علي الدايت سنتر مالنا
ماافيه احسن منه اغلي شي ومافيه عروض اشتبين اكثر من جي
تبينهم يدلعونج ماافيه اشتركي وانتي ساكته ههههه


كم أقل وزن وصلتي له ؟؟ 47 كيلو

* كم أكثر وزن وصلتي له ؟؟ 77 كيلو [ فتحت عينها ذيك اللحظه ]

وربي انا اللي انفجعت مو هي مع اني اعرف وزنج وكم كان قبل بس خفت من الرقم


اما سالفت التوصل مالها حل صج كسرتي خاطري صج بس الحمدالله خذيتي حقج منه
وربي انه كان خاطري اجيه بالزنوبه اضربه علي راسه واقوله ياحقير انت اشفيك ليش تتفلسف


اهم شي فالموضوع انج وجبات الفطور والغدا اللي بيصادفون انه انا وانتي فالجامعه تجيبينهم معاج
وناكل مع بعض انتي اكلج الصحي وانا عيش وكاري ههههه اشرايج بتناقض >>وربي انه انا بعد يبيلي اشترك
مريم انا اليوم كانت صدمتي الكبري لما قست وزن فالمستشفي طلع 57 بعد ماكان 53
وااااي بغي يغمي علي من الخرعه

احرق عليج مريوم اقول لهم اشرايج بالاكل ههههه خلاص خلاص كسرتي خاطري

بالتووووووفيق مريومه وفالج الجسم الرشيق











مـكـتفـي بـكـ جعـلي ما خلآ ...<3
  رد مع اقتباس
قديم 07-04-2012   #5

*Queen jewel*
عضوه طموحه
 
الصورة الرمزية *Queen jewel*

*Queen jewel* غير متواجد حالياً

 رقم العضوية : 36362
 تاريخ التسجيل : 11 2010
 الجنس : sex
 المكان : k.s.a
 المشاركات : 134
 تقييمك لشمواهـ : 1
  الشعبيه : *Queen jewel* نجمه بدأت تسطع*Queen jewel* نجمه بدأت تسطع*Queen jewel* نجمه بدأت تسطع*Queen jewel* نجمه بدأت تسطع*Queen jewel* نجمه بدأت تسطع*Queen jewel* نجمه بدأت تسطع*Queen jewel* نجمه بدأت تسطع
 النقاط : 837
Icon53 رد: يوميآتي مع الدآيت سنتر و الريآضه ,, شآركوني الأحداث ~

اول ماشقت موضوعك ع طول دخلت
الحمد لله ارادتك قوية وهذا اهم شي صدق
صراحة شعور فضيع اذا زاد الوزن.
اتذكر كنت في الابتدائي وكان وزني زايد كم كيلو دخلت على الدكتورة وقالت وزنك زايد حبيبتي
حسيت اني تحطمت
بس كنت طفلة ف مع والحركة خسرت الوزن
والاكل
دائما احاول اقلل زبدة ودسم حتى السكر
وخاصة في اذا كان الشيف امريكي احس كل قطعة دسمة من قلب
فصرت اقلل من الزيدة

والرياضة امارسها كم مرة بالاسبوع وخاصة المشي
ان شاء الله اتابع يومياتك








  رد مع اقتباس
قديم 07-04-2012   #6

أنسة عين
عضوه واثقه
 
الصورة الرمزية أنسة عين

أنسة عين غير متواجد حالياً

 رقم العضوية : 46421
 تاريخ التسجيل : 04 2011
 الجنس : sex
 المكان : السعوديه
 المشاركات : 773
  الشعبيه : أنسة عين إنجازاتها يُفخر بهاأنسة عين إنجازاتها يُفخر بهاأنسة عين إنجازاتها يُفخر بهاأنسة عين إنجازاتها يُفخر بهاأنسة عين إنجازاتها يُفخر بهاأنسة عين إنجازاتها يُفخر بهاأنسة عين إنجازاتها يُفخر بهاأنسة عين إنجازاتها يُفخر بهاأنسة عين إنجازاتها يُفخر بهاأنسة عين إنجازاتها يُفخر بهاأنسة عين إنجازاتها يُفخر بها
 النقاط : 7565
Icon10 رد: يوميآتي مع الدآيت سنتر و الريآضه ,, شآركوني الأحداث ~

يوووووووو
ذكرتيني بنفسســي



أولاً ::
أنــآآ من طلعتي للدنيــآآ وأنــآآ عصآآ

حطونآآ أنآ وأختي بالحضآآنــه <<|| أنآآ ويآآهآ تووأم

من صغر حجمنآآ .. كآآنت أمي تقوول كأنكم فيرآآن
<<|| يممه الله يهدآآك وش هالتشبييه

عآآد أختي طلعت قبلي صآر وزنهآآ زيين

بس أنــآآ يآحياتي .. مآآطلعت الا بعديين

عآآد وأستمرت النحآآفه ألى رابع أبتدآآئي
من بعدهآآ صآآروآ النآآس يقولون لنآآ (( سمنتوآآ ))

(* طبعاً مو سمنه بس مليآنين نسبةً لـ سننآ *)

تصدقين مددري متى قررنآآ ننحف ؟!!
بس أتوقع من بدآآية سآآدس

المــهم أننآآ نحفنآآآ نحـــــــــف <<|| وه بس يآآزينه

لدرجة أختي يقولون لهآآ خلآص وقفي .. وأنتي أسمنني
بسس أبدآ مآآنسمع لهـــم
وطولنــآ على هالحآآلـ‘ـه ..

بس يووم خلصنآ ابتدآآئي ..
جتني حآآدثه الله لآ يعيدهآآ
كنت أركض بجيب جوآآل امي ..
أركض ركض موو صآآحي .. أششوف الارضض تحتي

لمــين .. طططخ .. على خشششتي
ووووووووووع ... الله لا يعيدهآآ
طحت طيحة أليمــه وأنكسسرت

<<|| ترآآهآآ مو ألييمه .. بس تعرفونن التغذييه صصفر
ومن شدة النحآآفه جآآني هذآآك الكسسر .. أستمريت عليه 3 ششهوور

.. يآآربي الطيحة مو ألييمه ومو لدرجة انهآآ تكسرني هالكسسر !!
.. يلاآآ الحممد لله

بس التغذيية ×
وسببت لي بعد أمرآآض

وعآآد للحيين نحييفــه ..
بسس عآآد أحسس أني سمنت حبتيين
<<|| ترآآ مآآيسمونه سسمن ولآآ هو ملئ.. نسبةً لجسسمي النحيل
بسس .. والله أحب النحـــف العصآآقيل .. أعششششقه وه بس

اللحين كلهم يتطنززون علي ..
بس مآآعلي منهم أأبــي أنحف زيآآدة أن شآآء الله <<|| مآتتوبين !!


بس عآآد أبي أنحف بس بحميية صحييه وبأكل صصــحي <<|| مآفيه فرق بيينهم
وبريآضه .. أقلهآ المششي
وشرب الشآآي الأخضر <<|| عآآد هذآ عششقي أكثر شي أشربه مع زنجبيل

يلآآآ مرآآيم الله يوفققـك وتوصلين للي تبيــنه

~||











رمضان مبارك ..
  رد مع اقتباس
قديم 07-04-2012   #7

One
«مُراقبة وَرقةٌ وَ محبرةُ»
 

الرقمُ واحِد ،، اكثرُ ما يُهم
 
الصورة الرمزية One

One غير متواجد حالياً

 رقم العضوية : 43279
 تاريخ التسجيل : 03 2011
 العمر : 20
 الجنس : sex
 المكان : البَحـرينْ
 المشاركات : 817
 تقييمك لشمواهـ : 1
  الشعبيه : One ماستر الإبداعOne ماستر الإبداعOne ماستر الإبداعOne ماستر الإبداعOne ماستر الإبداعOne ماستر الإبداعOne ماستر الإبداعOne ماستر الإبداعOne ماستر الإبداعOne ماستر الإبداعOne ماستر الإبداع
 النقاط : 53706
 مجموع الاوسمة 1

وَسام شُكر وَ تقدير لعآم 2011 

افتراضي رد: يوميآتي مع الدآيت سنتر و الريآضه ,, شآركوني الأحداث ~

هلا مريوم ! / وحشتينآ ييَ قطشة
تدرين .. انا يوم كنت صغيره / كنت مليآنة ماما كانت تأكلني ع طول بلاليطْ
و كنت أحب الببسي و الحلويآت
من لما رحت اعدادي و ليومج هاذا انا ف ثالث ثنوي وزني يزيد كيلو ولا كيلوينْ
وزني انا 41 كيلو ! / مع أني آكل وايدْ / و الكل ف المدرسة يستغرب من جسمي !
لاني ضعييفة و يمكن لاني اتحرك وايد / آكل كل شي ما عدا الحليب و اللحمْ
الرياضة احب اللعب ريشة اللي بالمضرب و المشي يعني بابا الله يحفظه يوديني الستي و يخلييني امشي فيه لما اتعب و نرد البيتْ يقول تغيير !

الاكل / آكل سمج و ديآي و عيشْ
سنآكْ انا كل شوي آكل سنآك هههههه / سُو البنات دايما يحسبوني مآ آكل
صج ساعات ما احمل لي أكل بالمدرسة بس لما ارد البيت اتغدى عدل و اتعشى عدل

.. تسلمين حبابة !












وَ أزدادُ نعُومه - كُل يوم
  رد مع اقتباس
قديم 07-04-2012   #8

سكونه
عضوه واثقه
 
الصورة الرمزية سكونه

سكونه غير متواجد حالياً

 رقم العضوية : 49263
 تاريخ التسجيل : 06 2011
 العمر : 24
 الجنس : sex
 المكان : sαυɒɪ αяαвɪα ❤
 المشاركات : 875
 تقييمك لشمواهـ : 1
  الشعبيه : سكونه سوبر ستار شمواهـسكونه سوبر ستار شمواهـسكونه سوبر ستار شمواهـسكونه سوبر ستار شمواهـسكونه سوبر ستار شمواهـسكونه سوبر ستار شمواهـسكونه سوبر ستار شمواهـسكونه سوبر ستار شمواهـسكونه سوبر ستار شمواهـسكونه سوبر ستار شمواهـسكونه سوبر ستار شمواهـ
 النقاط : 25195
افتراضي رد: يوميآتي مع الدآيت سنتر و الريآضه ,, شآركوني الأحداث ~



مريم يامريووووومي..
احيي فيك روح الإرادة..
شوفي انا لما بدأت سن المراهقه وانا بزيادة في الوزن لحد الآن.
وكل مااحاول انزل انزل شوي بس بعدين ارجع ادبلهم الدبلين
مااقولك إني مرررة دبدووبة لا بس في اشيااء ابي انزلها وياكثر ماحاولت

انا نحفت شوي الكل سالني وش مسوية!!!
بس الحين انا ماصرت احب اطلع كثيير وإن شاءالله مقررة ابدأ انزل بإردة تشبه إرادتك..
واكيد حتابع يومياتك الحلوة عشان اتحمس اكثر

وابصم لك بمليووون اصبع "اصابعي انا والبنات " ان الكل بيدش هالموضوع
انتي عارفة انا صار تقريبا يومي كله ع النت ماصرت اتحرك واعرف هالشي غلط بس وش اسوي البلا بشمواهـ انا مالي دخل
جد صار يومي كله يومح عليه احب اقرى لو اني ببعض الأحيان ماارد
احب اكون بمدونتي
حبيت هالمنتدى من حب البانت لبعضهم>> كاني خرجت عن الموضوع

واصلي وانا بتابعك بإذن الله












مدونتي



لكم وحشه يااحلى عالم...

اللهم بلغنا شهر الخير وانت راضِ عنا لافاقدين ولامفقودين
  رد مع اقتباس
قديم 07-04-2012   #9

ماعآد بدريْ
عضوه مثابره
 
الصورة الرمزية ماعآد بدريْ

ماعآد بدريْ غير متواجد حالياً

 رقم العضوية : 60058
 تاريخ التسجيل : 12 2011
 الجنس : sex
 المكان : K.s.a
 المشاركات : 409
 تقييمك لشمواهـ : 1
  الشعبيه : ماعآد بدريْ إنجازاتها يُفخر بهاماعآد بدريْ إنجازاتها يُفخر بهاماعآد بدريْ إنجازاتها يُفخر بهاماعآد بدريْ إنجازاتها يُفخر بهاماعآد بدريْ إنجازاتها يُفخر بهاماعآد بدريْ إنجازاتها يُفخر بهاماعآد بدريْ إنجازاتها يُفخر بهاماعآد بدريْ إنجازاتها يُفخر بهاماعآد بدريْ إنجازاتها يُفخر بهاماعآد بدريْ إنجازاتها يُفخر بهاماعآد بدريْ إنجازاتها يُفخر بها
 النقاط : 5374
افتراضي رد: يوميآتي مع الدآيت سنتر و الريآضه ,, شآركوني الأحداث ~

اهلا بمريومه الصحيه
<~ مدري ِ احس هذا الفيس رسمي ٍومايحمس دقيقه بغيره هيك كويس

تصدقين مريومه زمآن
كنت اذا بسوي شي لازم احد يحمسني ِ
ولا مااسويِ وازعل اذا ماشمفت حماسس
الحين العكس مايهمني ِ ابدآ يحمسنوي ولا لا
لو بنتظر حماس احد وتشجيعاتهم ماراح اتلحلح ابدآ
ما الحين ابدآ مايهني شجعوني ولا ماشجعوني ِ
اصلن مدري ِ ليش يوم اسوي ِ شي واقول لاحد كله يتكرفش الموضوع
علشان كيذا سرت اسكت ّ ~> لا احد يقول خايفه من العين ولا من هذي الاشياء
لا ابدآ مآ اخاف من العين يلي كاتبه ليه الله بيسير سواءً عين ولا غيره
هذا ييسمونه سوء الحظ كل مااسوي ِ شي يتكرفش الموضوع ومايتم
~> مدري ِ ليششش احسني جديه ومتكتفه وانا جالسه اكتب

هذي الايام بديت احب الرياضه حب مو طبيعي ِ
وبدت فكرة اني ِ ادخل نادي

المشكله ان امي تفكيرهآ ما تدخل النادي ٍ الى التخينه

معنوا هيآ مثقفه بلاشياء هذي ِ
بسس مدري ايش يبي تفكيرهآ يعني لو بقلهآ راح تنتفني ِ
~> مدري يمكن لان البيت كله معصقل يعني اوزانهم على 30 و 35
وانا الي بالاربعينات يعني راضيه عليه وعلى جسمي ماتبغاني انحف ولا يتحرك شي من جسمي ِ
عكس ابويه يحب الرياضه ومايحب يشوفنآ جالسين على النت 24 ساعه
وجالين ومتبطحين يحب الحركه والرياضه واخوي مثله يعني الحمدلله
يمكن يشيلون ويقنعون امي وتفكيرهآ الي استغربته منهآ وتخليني ادخل نادي ِ

--
انا يقهرني ِ شي واحد انو تخني ِ يجي بخصري
لدرجة انو دايم يوم اقيس وزني القاني زايده كيلو ولا كيلوين
استغرب واقول لنفسي افخاذي وكله تمام التمام من فين جات الكيلو هذا
بالاخير اكتشفت نو تركز الدهون على خصري شي يقهر يقهر
بسس لو انحت هالخصر راح يسير كل شي تمام
--

ونااااااسه مسوين عروض بسعوديه
تشجعت اروحله بس ان شاء الله مايطلع الي عندنآ خايسس

تسلم ايدياتك مريومه مجهدو رائع
يعطيك ألف ألف ألف عافيه
وان شاء الله توصلين للجسم يلي تتمنينه
استانست يوم قلتي فيه فقره ثانيه بالموضوع بأنتظارها يا حلوه

ورده لعيونك الحلوين ~

--












ربي كمآ اسكنتهم اعلى مراتب قلوبنا , اسكنهم أعلى مراتب جنتك ..
  رد مع اقتباس
قديم 07-04-2012   #10

غَدير

لا اله إلا الله :1rose:
 
الصورة الرمزية غَدير

غَدير غير متواجد حالياً

 رقم العضوية : 45859
 تاريخ التسجيل : 04 2011
 العمر : 19
 الجنس : sex
 المكان : السعودية
 المشاركات : 730
 تقييمك لشمواهـ : 1
  الشعبيه : غَدير مشهوره بشمواهـغَدير مشهوره بشمواهـغَدير مشهوره بشمواهـغَدير مشهوره بشمواهـغَدير مشهوره بشمواهـغَدير مشهوره بشمواهـغَدير مشهوره بشمواهـغَدير مشهوره بشمواهـغَدير مشهوره بشمواهـغَدير مشهوره بشمواهـغَدير مشهوره بشمواهـ
 النقاط : 21788
 مجموع الاوسمة 2

فعالية اليوميات الرمضانيه| Ramadan Diary 2012 

افتراضي رد: يوميآتي مع الدآيت سنتر و الريآضه ,, شآركوني الأحداث ~

جييت جييت بعد النوم والقعده عند الاهل والخروج لرؤية الأمطار الخودزادزييه || _ _ طبعا بحوشنا || ||
اكمل موضوعك وبرد أن شاء الله
يوووه عاد انا وش اقول لك عن وزني
تقريبا بديت اسمن برابع مدري ثالث بس اتوقع رابع || ||
أهم شي ياأنهم تطنزوا فيني
ياتسبدي ياأنا
زياده على كذا كنت حساسه بعد
اذكر عمي قال لي هيه انتي كفي يدك
لوووووول

بس وش اسوي بزر ياعومري انا || _ _ اهم شي ادلع نفسي
وبعدين مانحفت الا يوم كنت بسادس قبل العطله
ياأني نحففت مرره بس لازالت كرشتي موجوده

واذكر وجهي نحفان مع شوي تعب
ومستانسه ان شكلي كذا
عاد الى يومك هذا وانا أسمن وانحف
سنه اسمن سنه انحف
عاد مانحفت زي النحف هذاك
يعني مليانه

عاد الآن استوعبت وقلت مايصير ياميس ديزاينر تقعدين كذا
لآزم تنحفين هذاك النحف الي يهبل ومو يخلي وجهك باهت وحالته حاله
وتروح الكرشه الي معقدتني

رغم ان عمامي وخوالي يقولوون لي جسمك حلو لاتسمنين اكثر
بس كان فيه زوائد || ||

عاد صرآحه أكثر وحده خلتني انتبه على روحي اني صدق سمنت امي
كانت تقول لي كلآم انو انحفي وزي كذا
وأحيانا تقول لي ياالدبه
وغير كذا بنات المدرسه كانوا يقولون لي يالدبه
اول كنت اشيل بخاطري
بس الحين قلت الحمدلله انهم قالوا لي وخلوني انتبه على روحي
ويبي لهم شكر بعد

مددري لييش مصدقه الناس الي يقولون لي جسمك حلووو
منقهره صراحه || ||
وش لون جسمي حلو وفيه زوائد وكرش واشياء
لاتسر نظري || ||

عآد اختي ميس3
صحيح انها سمنت
بس سمن نحف فهمتوا || ||

يعني هي من خلقتها عصلا
|| _ _ كانوا يقولون لي شكلك تاكلين اكلها يوم كنا في بطن امي لووول

وكل مانروح لاحد يقولون لها: ليه ماتوكلون بنتكم هذي
لوووول
بس انا اقول انحفي يااختي ماعليك من كلام الناس
اهم شي الراحه النفسيه و الملابس الي تكون زينه عالجسم || ||
بس عاد مو النحف الي يكسر العظام

وه بس يازين النححف || ||


وبالأخير تسلمين يامرايم عاليوميات
بنستفيد كثير كثير
صراحه استانس على يومياتك تضحكيني
اضحك الله سنك || ||

تمنياتي لك بالرشاقة الدآآئمه || ||












  رد مع اقتباس
إضافة رد

مواقع النشر (المفضلة)

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
تكرهين الحليب ؟ .. طيب تعالي نشوف الحليب بشكل عآم кαѕнσσ5α Health Corner 37 29-06-2012 07:15
||فآجعه الكويت واندلآع حريق هائل في حفل الزفاف بالجهرآء !متابعة الأحداث أولآ بأول || miss stella صحافة شمواه 16 20-08-2009 08:34


الساعة الآن 04:29

 


Powered by vBulletin® Version 3.8.7
Copyright ©2000 - 2014, Jelsoft Enterprises Ltd.
Ads Management Version 3.0.1 by Saeed Al-Atwi
جميع المواضيع والآراء تمثّل وجهة نظر كاتبها فقط ولا تمثل منتديات شمواه بأي شكل من الأشكال ما لم يوضّح غير ذلك.
Des By || Artos@shamoa.com

جَميعُ الحُقوق مَحفُوظة لمُنْتديات شَمْواهـ © 2008 - 2012