[بَشرة] طلب مساعده لبشرتي+تجربتي الشخصيه .. مع خلطة رتن ايه مع دكوين او افوكين

[sameha]

بسم الله الرحمن الرحيم

اكتب لكم تجربتي الشخصيه اللي ماكتبتها الا بعد تطبيق مدة 3 اسابيع من تجربتها وجلست شهر ونص بدونها
جلست شهر ابحث عن كريمات تفتح المناطق الداكنه بالجسم وجدت الحريم يمدحون خلطه قالها الدكتور القحطاني وهي
خذي مقشر رتن ايه شويه منه وبنفس الحجم خذي كريم مبيض دكوين 4% واخطيهم بيدك وحطيهم عالمنطقه
وعملت نفس الخلطه وبنفس الطريقه وتعتبر خلطه ثانيه عباستعمال رتن ايه مع افوكين 4% وهو من شركه افالون

يعني عملت خلطتين وكل وحده جربتها بمنطقه
]من كلام الحريم تخيلت هالخلطه بتكون سحر لان قريت من 3 اسابيع بتشوفي الفرق

فتشجعت وطبقت على مفاصل الاصابع و الركب و بالقدم عندي دائره حول مفصل متصحره وجافه و وبين الفخذين
من تجريتي وجدت المناطق الجافه المتصحره الجافه جدا واللي متكون جلد قاسي هذي ماتفيد بها الخلطه
تخيلوا المنطقه المتصحره مو راضيه تتجاوب مع مقشر وتتقشر .. ولم الحظ اي تحسن بها خلال فتره اصلا اسبوعين شفتها ماتتجاوب تركتها قلت ماتفيد
اما اللي فاد به هو المنطقه الرطبه مثل جلد بين الفخذين .. هذي تجاوبت مع المقشر من اول اسبوع وتقشر تمام قلت لهذي المنطقه اكيد راح تثمر التجربه بها واكيد لما يتقشر يحمر المنطقه لان جلد جديد .. واستمريت عليه 3 اسابيع الين شفته تقشر تمام .. واذكركم انا بالخلطه مقشر مع مبيض .. لاحظت احمرار وهذا طبيعي ووقفت بعد ثلاث اسابيع لان خلص عندي المقشر .. وبقى المبيض

مالاحظت تغير كبير .. يمكن درجه وحده او درجتين .. يعني ماتكوني مثل لون جسمك
قريت من اخصائيات جلديهن مفعول المبيضات لازم مع تطويل الاستخدام ولفترات طويله الين توصلين اللي تبينه
اكيد المبيضات الامنه مو المضره
وانا خلال بحثي بالنت وجدت افضل مبيض هو افالون .. دكوين .. افوكين .. الحمدلله استخدمتها ماوجدت ضرر .. واكيد البشرات تختلف

انا اللي صدمني كلام الحريم المبالغ به ليش يبالغوا لدرجه اننا نتخيل ان بيرجع جسمنا مثل الطفوله بدون تصبغات
لذلك حبيت اخبركم بتجربتي .. ترى خلطه حلوه ولكن تناسب الجلد الين مو الجاف والمتصحر
وعلى فكره اول يتقشر الجلد اتركوا المقشر رتن ايه .. لان مضر تطولين عليه .. فايده المقشر حسب ماقريت ان يشيل طبقه الجلد السمرا .. ومع اني شالها لي ولكن اشوفها نفس اللون .. ولكن يمكن لما تتعالج بالمبيض يكون له اثر ومفعول احسن بدونه

اما المبيض اقصى شي شهر .. ولازم تتركونه مدة شهر .. وبعدين تبون ترجعون تستخدمون المبيض عادي .. لان لو استمريتوا شهور عليه احتمال الجلد يدمن عليه ويسبب مشاكل بغنى عنها

ولكن عن نفسي ما انصح تجربونها .. لانه خسارير عالفاضي ومدتها ونتيجتها تطول .. قلت لصديقاتي ان فادتتني بنصحكم بها .. ولكن لما سالوني بعد مدة قلتلهم ما انصحكم بها

نفسي اعرف شي يشيل سمار المناطق .. والله متفشله من نفسي لان طيلة 25 سنه مهمله نفسي والان من هالسنه صرت اهتم
سويت هالخلطات وسويت خلطه صابون الغار .. لي شهر هالخلطه صابون الغار ماشوفيت تغير .. يمكن شي بسيط وغير ملاحظ .. مدري صراحه بس انا اشوف نفسي مثل قبل .. وجبت فرشه سوديديه واسبوعيا او بالاسبوع مرتين استخدمها .. استخدم سكراب مشمش للجسم تقريبا اسبوعيا .. استخدم منتجات سائل جسم للفازلين حلوه .. بس ما اشوف بكل العنايه تغير هذي العنايه مدة شهر

وان شء الله ناويه اكمل بالسكراب والسائل الجسم و الخلطه الصابون و الفرشه لان صاروا نظام حلو تعودت عليه

بس ابي شي يشيل السمار الليجربت واستفادت من تجربتها امااانه تقولي

بقولكم اللي ناويه عليه اني اسويه من مواد طبيعيه تفتح
قريت عن خلط الفازلين مع النشا يفتح ومتوفر عندي شكلي بسويه
وخلط الفازلين مع المر للمناطق الحساسه

هذي الخلطتين متوفرات مكوناتها بالبيت شكلي بعملها بهالشهر
وانتي اذا معتمدين شي ومضمون لاتبخلوا على اختكم




ملاحظات هامه

* اللي ناويه تجرب الخلطه الكريمات اللي ذكرت باول الموضوع اللي نتيجتها تطول لازم يكون وقتها بالليل قبل النوم والاضائه خافته ونامي وبالصباح غسليها .. اما اللي بتحط للمناطق احتكاك مثل الفخذين لازم تلبسي شورت لان الاسمرار بسبب الاحتكاك

* ولازم مع الخلطة الكريمات تستخدمي لما تغسلس الخلطه كريم مرطب .. افضل كريم رطب عندي المناطق المتصحره والجافه هو كريم اسمه ليبوبيز موجود بالصيدليات .. مره حلو للبشرة الجافه جدا ولما تستخدميه دقايق البشره تشربه ولا يترك اثر ولا يلصق

* اسعار الكريمات .. افوكين ب 35.. دوكين ب 30 ..رتن ايه ب 21 .. مرطب ليبوبيز ب 29



ذكرت ملاحظات حتى يكون تجربه كامله .. واكون جاوبت علئ اسئله متوقعه من اللي بيقروا الموضوع
وانتم ساعدوني .. السموحه مقدر انسق تمام لان كاتبه هالموضوع وهالمشاركه من الجوال

اللي خلاني استحي على نفسي واهتم هو انتم .. استفدت من هالمنتدى الكثير وطبقت اشياء به وكلها ضابطه
وحتى نصحت كل اخواتي وبنات خالتي وصديقاتي به .. لان بجد ماشاء الله مرجع لكل شي
لذلك قلت ماابخل عليكم بتجربتي
وانتم تكفون ساعدوني بتجاربكم الناجحه والمثمره

[adele]

يعطيك الف عافية يالغلا

ماقصرتي وتكلمتي بمصداقية

انا مثلك متوهقة بس الحين بانتظار

موظوع الاخت ارتوس بكره عن التبييض

باذن الله نلقى حل

[كآتبه]

سبحان الله مثلي بالضبط بس أنا ماستمريت عليها ..
اساس طلع بوجهي حبوب موب عارفه لومازا ..رغم اني احرص ماطلع بشمس
اساس ماطلع من البيت ..وبالليل احطها بس موب عارفه ليه يعطيني
النتيجه السلبيه رغم خواتي ماشاء الله تبارك الله نفعهن بشكل ..
بس أنا أبد مافادني بالعكس خرب علي بشرتي «الله يابشرة البيبي

[CHOCO.]

آنآ آعآني من آلهآلآت آلسوداء بس
مقدر آستحمل يوم مٓ آسهر فيـه آلآ آذآ كنت دآييييخـه
وقد سمعت عن رتن آيه بس مٓ آذكر وين
مشكوره يٓ قلبي هآلموضوع بيفيد بنآت كثيييييير

يعطييك آلعآفيـه ..

[нάғί]

المشاركة الأصلية كتبت بواسطة CHOCO.

آنآ آعآني من آلهآلآت آلسوداء بس
مقدر آستحمل يوم مٓ آسهر فيـه آلآ آذآ كنت دآييييخـه
وقد سمعت عن رتن آيه بس مٓ آذكر وين
مشكوره يٓ قلبي هآلموضوع بيفيد بنآت كثيييييير

يعطييك آلعآفيـه ..

نفس المشكلة
هالات هالات
وجربت كل شي
حتى التقشير والليزر مافاد

[سكُـــولو ..]

هلأإبك ياروووحي

انا عندي تجربةة طوووويله مع هالكريمأإت

بس بنوووة على حاأإجه .. الرتن اي مايكووون بنفس مقدار المبيض

بل نصفه فقط

يعني على كل علبه مبيض تحطي نصف علبه رتن اي

وبهأإلفترة ماتستخدمي اي شي معطر لا صابون ولا لوووشن ولا كريم

ومايكوون فيه ضووو فالغرفه وانتي نايمه

وخبرتني الاخصأإئيه انوو اذا ماتفتح لووونك بعد 40 يوووم من استخدام الخلطه ( التركيبه )

هذا معناتووو لووونك مابيتغير هوو كذا

حتى استخدمت حبوووب تفتيح ولا نفعت ابدا << طبعا لوووني سمّر بعد الليزر

وكريييم ليبوبيز ياروووحي يرطب بس يسممممر

يب مدحووو النشا كثير

ومفكره من بكرة ابدا ان شالله بخلطه فيها نشا

واذا نفعت معاي بخبركم ان شالله

وبخصوووص الخلطات ( التركيبه ) اعطتني الاخصائيه وحده

رتن اي + كريم ثاني غالي حححيل

بشوووف بجرب وان شالله تضبط

[sameha]

اوووه طلع كريم مرطب يسمر .. وانا كنت بتلك الفترة استخدم صابون بعد .. اجل استحم بشوو
زين خيتي نوهتي على هالامر
يعني رغم حراصتي الا اني اخفقت
ولكن مافي احسن من الطبيعه
اتوقع النتائج الطبيعيه تطول ولكن عني عادي مو مستعجله اهم شي النتيجه

حبيباتي اللي ردوا مشكورات
وترى حسب قريت ان الهالات في منها الوراثي وفي منها بسبب مرض .. او عالجوا نفسكم وان شااء الله يخف الهالات

ومادريت عن ان ارتوس بتنزل موضوع هن هالنقطه مشكوره قلبي اللي خبرتني بهالشي

[ليآلي الحنين]

عليكم السلآم

مشكلتك انك تبي تفتحي المنآطق الغآمقة بـ جسمك
يعني بعد إهمال 25 سنه تبي يرجع لونك طبيعي في ثلآث أسآبيع ؟! أكيد شي مستحيل


مآفيه سحر بـ يفتحك ويرجع لونك الطبيعي بـ هذي الفترة القصيرة
ولو كآن فـ أكيد في شي مضر .. وراح تتلف بشرتك

اللي فهمته ان لونك تغير درجه او درجتين من الخلطة اللي استخدمتيهآ.. وهذا شي جيد بـ النسبة لـ هذي الفتر ة القصيرة
حتى لو كآن فتحتي نصف درجه .. شي معقول

بالنسبة لـ الخلطات اللي استخدمتيها ماانصح بـ استخدامها بدون استشآرة .. والرتن اي انا مستخدمته قبل للقشير بس اكيد مو اول مايتقشر اتركه .. كآنت الدكتورة واصفته لي أني استخدمه شهرين بشكل يومي حتى يعطيني النتيجة اللي ابيها واقلل أستخدآم الكريمآت المرطبه في هذي الفترة علشآن يتقشر الجلد بشكل أفضل

والخلطات اللي بتستخدميها ماانصحك فيها .. الفازلين ابد مو للتفتيح .. بالعكس ممكن لو تستخدميه وتتعرضي للضو .. راح يعطيك نتيجة عكسية وتسمري أكثر

اهم شي استمري على التقشير والترطيب وحآولي تعملي الحمام المغربي مرتين في الشهر ورآح تشوفي النتآيج أكيد مو بسرعة كبيرة مثل مآتبي .. بس بـ الاستمرار


أتمنى أكون أفدتك

[sameha]

مشكوره قلبي على التوضيح
خلاص انا كانت تجربتي مو مكررتها بذي الكريمات
الان اقشر بسكراب المشمش لكل الجسم
والترطيب الصراحه ابدا ما ارطب .. لان ماحس جسمي جاف الا بمناطق معينه مثل الركب والاكواع والرجل

والان ان شاء الله مجهزه عدت المواد الطبيعيه لتنبيض ..
بخلط كريم جلسرين مع نشا وليمون .. بيكون كريم دايم كمرطب ومبيض طبيعي
وايضا اسبوعيا افرك كربونات بالمناطق الغامقه .. اكيد لابد تكون المنطقه مبلله بالماء ثم الفرك 10 دقايق .. ولما تغسل راح ارطبها بزيت لوز المر مع جنين القمح

واذا شفت نتيجه راح اسطر لكم تجربتي الثانيه بالتبيض .. ويارب تجيب نتيجه

[CHANEL...}]

يعطيكي العافية على طرح تجربتك
انا سبق استخدمت الخلطة لوجهي لآثار الحبوب وكانت النتايج جدا مرضية