ماهي مقاييس الجسم المثير ?

[شمواتيه]

بنات عندي حاله جنونيه هي الجسم المثير

من وجهة نظري هو المتناسق مع بروز ملفت للصدر والارداف
ويكون البطن مشدود

وطبعا الجسم موحد اللون

ليتكم تحطونلي صور

مع العلم ان طولي 162 اهلي دايما يحسسوني اني نخله
ويعيرون علي لبسي للكعب
وكبر صدري وصغر اردافي واني اشوفلهم حل

انتو شرايكم

[Artos ~]

أولاً لأجل تَرتاحين طَولك مَتوسط الطَول العالمي من 160 لـ 165
مَنتب نَخله أبداً , يَمكن إللي حولك قصار فَيشوفونك نَخله ,,

حنا نَتكلم عن مَقياس عآلمي , أما لو كل واحد رآح يَقيس على مُحيطه
بَتصير الدَنيا عَلوم وَ طولك حَلو ..

يعني تبين تلبسين فلآت بَتقدرين تَبين تَلبسين كعب تَقدرين
أما سؤالك صَعب الإجابة عليه لأن مافي مَعيار ثابت وَ مُحدد

زمان المُوناليزا كانت مُثيرة
وَ أنا الآن لو أحد يَشبهني بالموناليزا بطب من دريشة بَيتنا ( بنتحر )
يعني مافي مَقياس ثابت , هذا هاجوس زرعه لنا الإعلام

زَمان زَمان يمدحون البنت إللي فمها كنه خاتم سُليمان
يعني صغير جَداً , وَ الآن نتفاخر بَكبر الشفايف

زَمان يقولون إن حلاة الصدر يكون كأنه كرز وَ حتى بالأغاني وَ الأشعار مُدح صدر الكرز
يعني وش هالمقاس !!.. ( لكل شيء جَماله حَسب رؤية المُتحدث )

زَمان المؤخرة الكبيرة جداً جداً من عيوب عدم التناسق
وَ الله يَخلي المَشدات وَ الخصر النحيل جداً من علامات الجَمال

كله هالأمور أختلفت , حسب التَصور الدارج

أنتِ تسألين هالسؤال لأجل مَثلاً نطمنك إذا تَمتلكين مَقومات الإثارة !!
إللي يَشوفه فلان مُثير يشوفه الآخر مُقزز ..
[ البشر مُختلفين] ,

سؤالك ماله جَواب ,
بتجيك إللي صَدرها كبير تقولك آحلى شيء الصدر الكبير يَكون خَقه
وَ بتجيك إللي صَدرها صَغير بتقول لك لأ أحلى شيء الصدر الصغير لأجل مع الحَمل ما يَخرب

يَعني هذي أراء ناس بتتعبين لو بَتسمعينهآ
كلاً يبني على عيونه ، خاصه مُجتمعنا العربي مُجتمع مُتحيز لما يَملكه

فيه ناس يشوفون ظهور عظمة الكتف إثارة , وَ فيه ناس يقولون لك وَع وَش هالمَسلوله

وَ فيه ناس بهالدَنيا مافيهم وَ لا شيء من مَعالم الأنوثة
وَ يقطرون تَقطير أنوثة وَ جَمال وَ إثارة وَ لدرجة مُصنفين بهوليود نَجمات إثارة وَ مافيهم شيء

مارلين مونرو إللي كل وحدة تحاول تَصير مُثيرة تَقلدهآ
مافيها هالمَقاييس , بس أنتِ لو شَفتيهآ تتكلم بَتعرفين شَلون المُجتمع القَديم شآفها بَهالشكل

الإنسان بَتكامله وَ توازنه
وَ بعقله , لا تَشغلك مَثل هالسَوالف , لأن أنتِ فكري فيهآ جَمعي كل شيء حَلو تَشوفينه بمنظورك
وَ حطيه بَجسم وآحد , بتنصدمين إنك كونتي أبشع تَكوين بَشري على وَجه الأرض , الله وَزع الأرزاق على عَباده

لو حَطيت لك صَور أي جسم مُثير بتلقين أرائنا مُختلفه .. فيه إللي رآح يَقولي ماعندك سآلفة وَ فيه إللي رآح يَوافقني ,
يعني شوفي مونيكا بولوتشي مصنفه سَكسي , وَ أنجلينا جولي مُصنفه سَكسي
وَ أنجلينا مافيها لا صَدر وَ لا مؤخرة وَ لا خصر !! شلون كذا وَ مونيكا نَقيض عَنهآ

هذي مَقاييس صَعب نَحددها تَعتمد على ذَوق إللي صَنف
وَ تعتمد على ذّوق الشركات الإعلانية ,, إلخ

بَكلا الأحوال إللي يَثيرك ما يَثير غَيرك

دُمتم بَحب

[أم هيثم]

والله الثقه أهم شي
مو ضروري تكونين حلوه أو مثيره بعيون الناس
وطولك طبيعي جداً جداً....

[etHo0]

انا اضم صوتي لارتوس ,,

يا حلوتي اهتمي بنفسك ,,

وشوفي نفسك حلووه ,,

انا سنين كانو يحبطون فيني الكل ,,

لدرجه اني كنت اشوف نفسي مو حلوه لو ايش سويت ,,

وبعد ما عززت في نفسي اني حلوه ,,

معد يهمني كلام احد بصراحه ,,

المرايه قدامي ولا راح تكذب علي ,,

فيا عسل انتي حلوه ومثيره غصب عن الكل ,,

خلي الفكره هذي دايم في راسك ,,

وخلك مرفوعه الراس وواثقه من حالك ,,



||~

[Ambitious 7]

انا رائيي انو مستحيل يجي احد كامل بكل المواصفات
بسسس الشاطره اللي تعرف تبرز اماكن الجمال وتخفي العيوب بطرق ذكيه , واللي مهتمه بنفسها ببشرتها وشعرها
وانا اشووف بشره موحده ناعمه مشدوده هي نصف الجمال مع الاهتمام بالوزن واختفاء الكرش اللي هو مشوه الجمال .. والرضاء عن النفس اللي بيبعث الثقه فيك راح تحسس اللي حولك انك اكثر جمال وبسسس..

[Lady Reem]

مافي قاعده للجسم المثير !
انا مقتنعه تماما ان الجسم المثير ينبع من مدى ثقتك أني بجسمك
وكيف تبرزين معالم الجمال فيه وتخفين عيوبه !
حبي جسمك يحبك ويبرزك أكثر : )

واعيد واكرر الثققققققققققققه هي الي تعطيك اثاره !!

[rojyZ]

اتفق مع ارتووس

ولكل شخص له مقياس جماله الخاص فيه لوحده

وبالتوفيق