بليز رأيكم في بوية بيتي

[حلاوه وشقاوه]

بليز ابغا ارائكم في جدران بيتي حابه اخليهم بلون واحد ماعدا غرف النوم حقتي وحق ولدي والحمامات
(الله يعزكم)..بس انا وزوجي مختلفين في الالوان انا اخترت لون اصفر او كريمي نفس الدرجه الي في الصوره تحت اخر لون..
والسقف جبس ابيض مع اطراف الابواب والاطار في اسفل الجدر برضو ابيض
وحعمل ورق حائط بنقش في الريسبشن وفي غرفتي كمان..




اخر لون


وابغا الارضيه سيراميك مطفي لون مشمشي نفس الدرجه هدي









وهو عكسي يبغا البيت لون اوف ايت




والارضيه سيراميك لامع لون رمادي مع عاجي مزخرف انتو احكمو ايش الافضل مع دكر السبب..؟؟؟


مالقيت له صوره نفس الدرجه..؟؟؟




وياليت تعطوني ايش اللون المناسب للرسيبشن من اثاث مع اللون الي تختاروه الاصفر او الكريمي او لاوف وايت : كنب وسجاد و..الخ


وايش رايكم ايش اخلي الوان الحمامات وشكرا ؟؟؟

[نايس وردة]

هلا حبيتي ,,

شوفي الاوف وايت ملك الالوان ,, ويمشي معه كتتير الوان ,,

اما الاصفر راح يحددك ,, صح الدرجه حلوة ,, بس مو في كل البيت ,,
يعني ممكن تسويها بغرفه او ممر ,,

نجي للارض ,,

انا افضل لون محاايد ,, يعني لو تلاقي لون بيج ساده ,, او فيه عروق ناعمه ,,

الي مختارته حلو ,,, بس ما ينفع للكل البيت ,, لسبب انو لونه قوي وشغله شويا كتتير

وكمان راح يتعبك في اختيار الكنب والاثاث ,, راح تتحدي بدرجات معينه ,,

شايفه زي كدا ,, الارض والسقف ,,



الوانها ساده ومحياده ,, فتقدري تلعبي بالالوان والديكور وقت ما تشتري الكنب ,,


ممكن في الاستقبال ,, تحطي ورق جدار ,, مزخرف ,, يعطي شكل مررة حلو ,,
واذا فيه جدران تانيه في المدخل ,, سويها اصفر ,,

يعني المدخل يكون فيه الوان بيطلع شكله واوا ,,

بالنسبه لالوان الكنب ,,

انتي ايش تحبي درجات ,, يعني تبغي لون الكنب فاتح او غامق ,,

مع درجات الاوف وايت تقدري تختاري الدرجات الي تبغيها بدون ما تاكل هم يمشي معاه او لأ ,,

موفقه يا حلوة

واي استفسار انا حاضرة ,,

[حلاوه وشقاوه]

نايس ورده مشكوووووره ياعسل على ردك بس انا طفشت من اللون الوف وايت لون بيتي ولون بيت اهلي وكل ماروح مكان نفس اللون مليت ابغا اغير ...مررررره حابه الاصفر بشكل (شكلي اتوحم هههههه )
وبالنسبه للكنب ادا مع الاصفر راح اختار لون بيج زي كده وحتى هدي الدرجه من البويه عاجبتني:




هو مو اصفرر فاقع ليموني ؟؟لالا انا ابغاه جاي عالعاجي والكريمي زي كده بالضبط:




وبالعكس احسه مايحكمني في اختيار الاثاث يعجبني واحس فيه الفخامه ليش ما اقدر اخليه كل البيت؟؟؟

[نايس وردة]

هلا حبيتي,,

انا بس عشان ما ابغاكي تتحددي بلون معين ,,

وخصوصا لو كل البيت ,, يعني انا عن نفسي ,, بعد فتره احس اني اطفش ,,
فعشان كدا ما احب شي يقيدني ,, او لون ,
فيعتمد عليكي ,,


دا راي الشخصي ,, شوفي اذا انتي مررة حابته ومرتاحه له توكلي على ربنا ,,

حلوه اذا كان علي كريمي ,, بيطلع واوا ,,

موفقه يا حلوة

[شوشو2010]

انا مع رأي أختي نايس ورده الاوف وايت مره حلو وتقدري تحطي اي شي في بالك من الأثاث وغرفتك وغرف عيالك والاستقبال اختاري اي لون يعجبك

[بلقيس اليمن]

شوفي اللون حلو بس قوي شوي

عشان كذا اعمليه للاماكن الاساسيه الي انتي حابتها او الي تخص الحريم

وزوجك خليه يدهن باللون الي يبغاه بمجلس الرجال

كذا محد يطلع زعلان

اللون تبعك حلو بس لو الجبس كريمي ابيض احسه مزعج

وموفقه يارب

[لندا"]

الدرجه حلوه لكن مره غامقه الي انت مختارته اذا كانت افتح احلى ..لون الاوف وايت حلو بعد لكن التنويع حلو

..شوفي الوان الفلل هذه تساعدكــ...












.








ربي يوفقك يارب ",,
دعواتكـــ

[b.k.11]

اللون قوي شووي يعني ممكن يطلع حلو بس من النوع اللي راح تملين منه بسرعه..

خليه على كريمي اكثر بيطلع احلى..

والله يوفقك