[بَشرة] اظافري متشققة و ناااااشفة مرة

[nada.m.r]

السلام عليكم ...

انا ماما تعبانة شوية فقلت انظف المطبخ عنها لانو مرة مكركب ... فنظفت و اكيد في دعك و كدا فبعد ما خلصت و غسلت يدي و نشفتها .. لقيت اظافري متشققة و ناااااشفة مرة يعني شكلها ابد مو حلو و يدي كلها ناشفة مرة مرة فأنا حطيت كريم بيدي و حاسة بحرقان خفيف و الكريم مو مرة افاد لو سمحتم ابغى حل يرجعلي اظافري زي سابق عهدها

[النرجسية1]

حبيبتي يعطيك العافية بالاول ويسلامتها الماما ما عليها شر يارب
بالنسبة لايدينك ممكن تحسسو من مواد التنظيف ولانك تعرضتي وقت وايد طويل تحت المي شي طبيعي الاظافر تطرى وتتكسر لايدينك صراحة احلى شي الفازلين من دون مواد معطرة ورطبينها زين بيه واذا عندك قلفز من ذولا الشفافين يكون ممتاز البسيهم لحتى يدينك ترجع تطرى من النشفان هذا وبالنسبة للظافر اذا تكسرت خلاص ما تنجبر ثاني بس اذا مجرد طراوة مو مشكلة تشد مع الثوم ضراس الثوم افريكي الاظفر بيه مرة ممتاز حق الاظافر وغير كذا اذا ما عليك صلاة حطي مقوى الظافر زين يمسك لا يتكسرون لانه فيهم طراوة وان شاء الله اكون افدتك حبيبتي

[nada.m.r]

الله يعطيك العافية ... افدتيني كثير يا قلبي شكرا انا حجرب الي قلتيه و يا رب يفيد

[|[ s m a s h e r ]|]

hi

سلاماتها الوالده


اذا ما عندج كريم خاص للاضافر نقعي يدج فزيت زيتون وليمون>> هاي نصيحه الخبراء
و
روحي الصالون سوي منيكير
ومره ثانيه لبسي قفاز

smasher

[.:مفكرة:.]

ادهني اصابعك بزيت زيتون وإذا ممكن البسي قفاز بعد

زيت الزيتون مفيد للجفاف في كل شيء. بشرة, شعر, شفايف

[seLena GomeZ]

آول شي غلط في غلط آنج تنظفيين مطبخ او اي مكان بدون غفاز >< ،
يعني هالمره ممكن تعدي بس ترآ مو كل مره تسلم الجره ، يعني ممكن تصير خشنه و م يفيد وياها اي شي ، و حتى لو استخدمتي اغلى الكريمات ممكن ترجع بس مو مثل قبل و نعومتها قبل، المهم خلييج من الهذذره :

- للاظافر - ممكن تدفين لج زيت زيتون و تنقعين اضافرج فيهم و تمسحينهم عقب و تحطين فازلين ، و معروف ان الفازلين ماده حاميه او ( عازله ) يعني اذا اعتنيتي في آيدنج عقب الكريمات و جي ، مري عليهآ بالفازلين و بس ، و تقدرين تشترين كريمات ماركس سبنسر تعطي نعوووومه لكف اليد بشكل فظيييع ، و سعرها رخيص جدا 12 او 14 درهم تقريبا حق الكريم الوآحد و انتي تقدرين تشترين العلبه مالت العنايه باليدين بس والله م اذكر جم بالضبط , المهم فيه بعد كريمات دولف و جونسن بيبي الخ ،
و بعد فيه طريقه ثانيه حلوه مفعوله جيد تقدرين ترطبين ايدينج بششكل مكثثف شوي و عقب تلبسين غفاز و تقعدين بها جم ساعه و اخرها طلعيها من الغفاز تلقينها لييينه جدا ، و اذا م فاد هذرتي تقدرين تروحين لمشغل و هم يساعدونج في مشكلتج ^^

[AmoOolaah]

انا صارت اظافري تتقشر من مناكير نوعيه رديئه صرت يوميا اقطع فص ثوم وافركه على الاظافر بذمه ( من اول تجربه النتيجه ماصدقت هذا اظافري كون عليها طبقه) اتركه على الظفر اقلها نص ساعه بعدين افرك الاظافر بليمون واخليه يجف وبعدها اغسله وعندي علبه حاطه فيها زيت زيتون كل مره اغسل يدي او امر جنب العلبه ادهن اظافري بزيت الزيتون وادلك الظفر كامل في  ايام اظافري رجعت لطبيعتها واحلى
وجفاف اليد زي ماقالوا البنات مرطب كويس والبسي فوقه قلافز ودايم رطبيها
ماعليها شر ماماتك الله يقومها بالسلامه