هذا اول موضوع لي , مره اتحمست وانا اتفرج على مواضيعكم الرائعه , وفنفس الوقت كشيت في الاول عشان مشالله المواضيع منسقه بشكل روعه وجميل وانا مش متعودة كثير على المنتديات و ما اتوقع حينافس المواضيع اللي هنا ( قولو مشالله على البانر تكفون ككككك اعذرو مره ثانيه مش اوي نعرف للحاقات الحلوه دي هع و اعذرو لو في اغلاط او اي شي اعذرو كل شي يا عيوني << ليش جايه بس ) , لكن اتمنى تستفيدو
اليوم حتكلم عن الـ Nail Art و عن ادواته , طبعا شيكت المنتدى و وجدت موضوع رائع رائع رائع للاخت الانوثه عنواني اتمنى تشيكوه
و فيه تقريبا كل شي مشالله شامل , فمحا اتطرق كثير للعناية و لا بحط اشكال و تصاميم كثيرة لانها كفت ووفت , فقط كيفيات مبسطه و تصاميم تسهل على الجميع , و طبعا والاهم للموضوع هذا الادوات المستخدمة
انا عن نفسي احس معظم البنات يحبو الفرنش و الاحمر , وهل يخفى القمر ؟ احلى الاشكال شي معروف هذا , لكن فنفس الوقت تكراره ممل ( رأي شخصي )
في فئه من البنات يحبو الـ Nail Art , و عندهم ادوات لكن يملون من الاستخدام والوقت الطويل في عمله
و في فئه من البنات تعجبهم الاشكال , لكن ما يجربو ولا يحاولو و لا يبغو اساسا تعب
وفي فئه تعتبر الـ Nail Art للمراهقات فقط , و انا نوعا ما ضد هذا , في الاخير يعتمد على الديزاين و الالوان ( لكني اوافق حكايه الالوان التو متش و النيون نوعا ما يميلو لها المراهقات اكثر و لا تناسب مناسبات رسميه ولا فتيات من 20 - 35 عادة )
وفي فئه , واتوقع انها اللي حتستفيد , اللي ودها تجيب وتسوي ومستعدة تشتغل و تقضي وقت لا يستهان به على اظافرها , لكن لا تتوفر الادوات
انا بتكلم اليوم عن اشياء انا جربتها , لاني امل من المناكير الكلاسيكي احيانا
كلنا نعرف Konad Stamping للـ Nail Art وكيف يعمل تصاميم رائعه ( يتعب انه غير متوفر في السعودية , لكن سمعت انهم جابو في ريدسي و في له محل ايضا في رياض قاليري , المهم انه مو منتشر و عن نفسي جبت ادواتي من زمان من النت فبليز اللي تعرف بالضبط اماكنهم تأكد كلامي هل هو مازال متوفر و لالا وكذا ) , و كلنا نعرف الكريستالات ولا هي شي غريب علينا لكن نستثقل وضعها , و الكل ايضا يعرف الرسم على الاظافر و التنقيط و الاكليرك و كلها تقريبا تاخذ وقت ومجهود و بتكلم عن كل وحده وتجربتي معاها
كن بتكلم بشكل اساسي اليوم عن اشياء متواجده عندك الآن في بيتك , تقدري تجيبيها و انتي تقري الموضوع الله يسلمك و تبداي تلعبي باظافرك , والأهم من اي شي في حكاية الـ Nail Art , الروقان ثم الروقان ثم الروقان , ثم الادوات والالوان كككك
و الادوات اللي بتحدث عنها هي
Dotting Tool
اداة التنقيط , ليست متواجدة عندي ولا افكر اجيبها ولا لقيتها في محلاتنا ( طبعا ما دورت خصيصا عليها جالسه اتكلم عموما اني مالقيتها ) , لاننا ببساطه عندنا في شعرنا اشياء تعوض كككك ( لكن اللي اعرفه انها متواجده في eBay للي نفسها فيها , رغم انه يعطي نفس النتيجه )
اول بديل و واكثر شي استعمله
Bobby pins او بنس الشعر المعروفه
طريقة استعمالها سهله , و اذا تبغي حجم النقط غير اجلسي حطي راس البين و غمسيه في المناكير و اتركيه ينشف و عيدي كرري النقطه هذي كل مره بعد ما ينشف , لحد ما يكبر راس البوبي بين و يصير بالمقاس المطلوب
البديل الثاني
Pins او االابر المستخدمة للخياطه , لمسك القماش و كذا
طبعا يبغالك مرسام / قلم رصاص لاستعماله , تدخلي الابره في طرف المرسام المتواجد فيه مساحه / ممحاة / ايرايزر يا جماعه << محد قال شي اص كككك
و هذا يسهل استخدامها , وطبعا التنقيط يتم عن طريق الخرز اللي في اخر الابره
عندنا ثالث اداة , عود الاسنان / Toothpick
تستعمل للتنقيط , لكن متعبة في حكاية ضبط الحجم , حيث لازم تغمسيها في المناكير و ننتظر ينشف و نعيد التكرار كم مره , فانصح بمشبك الشعر او البوبي بين اسهل
لكن يستعمل عود الاسنان في الاشكال البسيطه , دوائر صغيره , مربعات , رسمات , خطوط , طبعا تظبطيها مع الوقت
هذا شكل اعشق اسويه بعود الاسنان
وفي كثير اشكال تتعمل بعود الاسنان
و عشان الحقوق هذي قناة cutepolish اخذت معظم الاشياء السهله منها , حتى فكرة اداة التنقيط و لازم تشيكوها يا بنات رائعه رائعه و سهلة اكثر من اي قناة شيكت عليها و تعتبر البيسك في التصاميم وبركز على لوكات الاظافر اللي سوتها لانها سهله وما تحتاج ادوات طباعة و غيرو
و هيا اللي اخذت منها فكرة بدائل ادوات التنقيط تفضلو الفديو
بس قبل لا ننتقل لبقيه الادوات حبيت اجيبلكم اشياء معتمدة على التنقيط كشي اساسي في الديزاين , بس لتوضيح اهمية التنقيط << تنقيط كككك الكلمة شويه مأساة بس متأكدة في ديزاينات حتعجبكم
الـ 4 اشكال الاولى كلها تلاقو طرقها في cutepolish و استخدم في معظمها البوبي بين
اخر وحده بالابرة , و اكيد حيطلع شكل عشوائي لكن تنضبط الزخرفه مع الوقت ويطلع شكل حلو
قلدتهم كلهم تقريبا و ماياخذون وقت نظرا لسهولة الديزاين , بس زمان للأسف فما عندي صور للتطبيق الشخصي لاحد هذي الديزاينات
نجي للأدوات الباقيه
عندنا الفرش Brushes
في مناكير خاص للرسم على الاظافر بفرش رفيعه , لكن للأسف ما اعتقد عندنا ( كالعادة هع ) و طلبت مجموعة و ما جات لاني مشتركه مع اراميكس اللي ما ينقلون مواد كيماويه , واعتقد للي تبي تطلب تقدر عن طريق شركة hdl او myus
و لعدم توافر هذا النوع هنا و لعدم وجود حيل فيني اشترك بشركة ثانيه الله من الهول عشان فرشه
فبديت اجرب فرشه Liquid Eyeliner قديم عندي , لقيت نفسي برمية رحت اخذت الفرشه وعسلتها تمام بالاسيتون و كل شي
اتحملو المنظر معليش ايوا المهم مشكلتها ان المناكير يصير شبه يابس لو ما استمريتو على تنظيفها
و عن نفسي هي مجرد فكرة خطرت ببالي , و مدري لو يطبقونها ولالا لكن مابحثت و اساسا ما اعتقد بيسوون كذا لو عندهم << يااا عييشتن قشرا مفيش حاقه عندنا
المهم في طريقه ثانيه و حلوة كمان
فرش الالوان , لاقو اصغر وانحف مقاس , انا عندي وحده لكن بصراحه ما استعملها كثير , و بنزل يوم للمكتبه ادور اصغر منها كككك
طبعا الفرش لضبط الرسم والخطوط , و في حالة تلوين جزء كبير من الاظفر حلو نحدد فيه يسهل الموضوع شويه
اول تجرية تقليد له هع ( طبعا زودت عليه الوان كنت ابغا تدريجات الازرق , وطلع حلو المهم نفس الطريقه ) نوعا ما الطرف مو ضابط عشان حطيت شوية كحلي بدون اسفنجه , لكن صرت اضبطها بعدها ( اعذروني الصور قديمة و ما اصور كثير حاليا هع ) لكن الفكرة نفسها وبتعطي دايما نفس النتيجة ان شالله
زي ما انتو شايفين الديزاين ينفع للاظافر الطويله والقصيره , بالعادة اطول اظافري بس طالعه رعب سوري هع المهم بس ان اللون مايوصل كل الظفر
وجربته بعدة الوان و طلع رائع , لانه مو مهم و محدد و تخافي تخربيه و حتى لو سار خلل حيتغطى بالمناكير الـglitter
الطريقه , جيبي تدرجات الوان للون المرغوب فيه , مثلا تبغي موف/ بنفسجي , جيبي لون فاتح افتح لون عندك للموف , و بنفسجي عادي و بنفسجي غامق , الفكره بسيطه و ممكن تتعمل بـ3 الوان و كل ما كثرت التدريجات حيطلع احلى
التطبيق :
اول شي لو تحبي حطي لون الفرنش , يعطي لمعه حلوه لكنه شي اختياري
حطي المناكير على سطح قريب منك ( بالفرشه حطي كمية على السطح لا تكبين هع ) , حطي عليه الاسفنجه غمسي جزء منها و ابدءي بشكل بسيط و خفيف طبطبيه على اظافرك << خانها التعبير حسبي الله ممكن تحطي اللوان الفاتح على كل الاظفر بالطريقه اللي ذكرتها او 3/4 الظفر و خلي الجزء السفلي بدون لون
بعدين نفس الحركه مع اللون الوسط لكن تبدأي تحطيه من نص الاظفر فما فوق
اخر شي اللون الغامق يكون على الاطراف
و حلو مع طبقه لمعه , اي لون لمعه فضي ازرق اي شي بيناسب محا يبان
و يتم ازالة اي زوايد بقطن اذن Ear buds او qutips الكلمه اللي تعرفوها بئه
و هذا فديو اخذت منه الديزاين
هي استخدمت لونين لكني لاحظت تموج الالوان احلى لما تحطي 3 الوان , لكن حلو برضو بلونين
طبعا تشكلو قد ما تبغو بالالوان , اسود فضي , ازرقات , احمر وبينكات , اخضر واصفر , اصفر وبرتقالي , اهم شي التدريج و لا يقل عن 3 الوان
اداة اخرى مفيدة للديزاينات
الشطرطون
شريط لازق duct tape اللي هوا المهم الكل يعرف استخدامه و بتلاقون كثير اشكال حطيتها كانت معتمده عليه , ما انصح فيه للفرنش شخصيا احب اسويه بيدي , حتى الستيكرز حقت الفرنش احيانا مو مره , لكن بالشريط اللاصق تقدري تسوي اشكال حلوه مايله او ايا كان , اداة مهمة في الـ Nail Art
الاداة الاخيرة
الصبر و التجربه والاتقان و طول البال يا بناتي طوووول الباااال << حاضر جدتي
و فعليا في اشكال ما استخدمتلها شي ولا اداة , بس المناكير لحالو و التجربه و طلعت حلوه
شوفو مثلا هذا
سويته بطرف فرشة المناكير و نوعا ما طلع مش بطال هع ( طبعا تقدرو تجربوه بفرشه الايلينر لو تحبو , انا ما جربت لان هذا نوعا ما نفع معي )
و مو نفس الالوان لكن استخدمت اللي كان عندي وقتها ( ما اشتري اصفر للأسف و ما كان عندي تيفاني وقتها )
داريه فرق , يدي اجمل من يدها :$ << يا صبر الارض
و اعذرو الشكل غريب شويه عشان كنت حاطه قبلها لون غامق هع , فاحرصي بنيتي على ان تضعي اللون النيود بعد اظفر نظيف تماما هع لان حتى مع الاسيتون يبقى شويه , يعني يوم يومين بيطلع حلو لكن انا حطيته على طول
حسيتها تكنيك بسيطه و حلوه , تنفع اللي ما تحب القروشه و الشغل و الاشياء التو متش و اللي ما عندها وقت
سويت هذا و الالوان عجبتني سوا , طبعا تخلطو قد ما تبغو وطلعو نتيجه حلوه تعتمدوها
1 ) اللي تقدر تجيب Konad nail art ترا رائعه , مره رائعه و نتايجها حلوه الرسمات و غيرها تطلع جميله على الاظافر و ماتاخذ وقت , و على فكرة مو ضروري تستخدمي Konad Special Nailpolish عشان الطباعه , صحيح اوضح يطلع و كل شي لكن في كثير مناكيرات تنفع , جربت كم مناكير h&m و في O.P.I وغيرها , جربي المناكيرات اللي عندك كلها و اكيد بتلاقين شي يطبع بوضوح
<< بلا حركات مراهقه
عاد حطيتها بيبي من كم شهر خلوني فحالي << محد قلك شي حسبي الله كككك
بس اللون اللي حاطته من مناكير عندي من زمان ولا اعرف ماركته حتى جبته من كشك وشوفو كيف واضح اخواتي , يعني اللي عندها عدة الطباعه لا توقف استعمالها لو خلص المناكير مو شرط , يجي بالصدفه جربي كل المناكيرات مو شرط تجيبي حقهم
2 ) في كمان منتج جدا عجبني , من النت ما اعرف لو في هنا لكن ما اتوقع
هوا مو حق خرجات رسميه ولا شي لكن عجبني , Fimo Nail Art
واللي تحب تجربه و تبغا تطلب تلاقيه في eBay
وفي كثير اشكال : فواكه / ورود / حيوانات كيوت / اشكال غريبه عجيبه و رموز و مره حلوه , لكن الاكثار منها يصير قراوه ككك الا شكل نوعا ما اتقبلته , وينفع للصيف
لكني حبيت استخدمه بشكل اقل , زي كذا يطلع حلو لو حبه في اظفر واحد , ومليان فديوهات تعليميه مايبغالها شغل لو عندك
3 ) الكرستالات تقريبا اهم عنصر عندي , مره حلوه على الاظافر يا بنات , حتى الفرنش لو حطيتيله كريستال يطلع حلو و كلاسي لا تقولي مافي او ما عندي , جيبي من اي كشك اهو كل شي يجي بالصدفه و جمعيهم في اي علبه عندك و بملقط حطيها و المناكير لسى ما نشف و حيلصق , لا يبغاله غرا ولا شي ( عندي علب مليانه جبتها من النت بسعر جدا رخيص لكن ما زلت انتف اي كرستالات الاقيها في بلوزه قديمه في بكله ما ابغاها اي شي و حلو مره لو لقيتي احجام اكبر و احجام مختلفه )
كريستاله وحده سوت الفرق كله << يا شين المبالغه كككك بس فعلا اعطاه شكل , لمحبات الشكل الراقي السيمبل ترا اصباع واحد كفايه و يطلع يجنن و يعمل كل الفرق
4 ) طريقة اخرى لوضع المناكير المموج
Water Marble Nail Art
ونبهتني عليها الأخت أشـغ لـــكـ الله ييعطيها العافية
يمكن عشان ما احب استعمل الطريقه كثير يمكن جربتها مرتين هع هيا شويه تلغوص و تتعب و غير دقيقه بس يكمن جمالها في الشكل العشوائي تبعها
الادوات المستعملة : كاسه مياه معدنيه , اداة الاظافر الخشبيه ناسيه اسمها هع بس اللي تستخدميها في البديكير
و لها طريقه معينه , ممكن ما تنجح الطريقه اذا كانت درجة حرارة المويه غير درجة حرارة الغرفه , و زي ما حتقول اللي في الفديو ذكرت ان في انواع مناكير ما تنجح معاها العمليه , و هذا حصلي كم مره فبطلت لكن للي تحب الاشكال الملونه لازم تجرب كم مره لحد ما تعرف ايت مناكير تنفع للـ Water Marble
5 ) حاجه ثانيه لمحبات الاشكال , اكيد معظمكم يعرف بس حابه اقول مره ثانيه في حالة احد ما عرف
لو مافيكم للادوات و تبغو اسهل اسهل اسهل طريقه المناكيرات اللي تتقشر او الـ Crackle موجوده في الاسواق
في H&M بـ 29 ريال فقط , لون اسود موجود ( غير تشكيلاتهم الحلوه للالوان اللي تخلص بسرعه هع )
و في Pupa موجود الوان , رائع رائع رائع انا اول شي جبت اسود و يجي معاه فضي بعدين جبت كم لون ثانيه
طبعا يجي حلو مع اي لون
ف كمان من Pupa مناكير المغناطيس Magnetic Nail Polish يجي قطعتين مغناطيس مع مناكير , اخترت الرمادي
اعتذر ما صورت العلبه لان زي ما قلت مسبقا الصور كلها قديمه و بالصدفه كنت تاركه صوره الـ Crackle ولا صورت تجربتي له لكن مايبغاله غير انك تحطين و تحطي فوقه المغناطيس بالاتجاه اللي تبغينه و النتيجه حلوه
التطبيق :
في كمان مناكير الكافيار Caviar Nail Polish و اعتقد انه موجود في سيفورا , لكن حقيقة ما رحت شيكته لان عندي كافيار مع الكريستالات لكن فركتهم احلى , توجد قطعه تجمع باقي الكافيار عشان ترجعيه في العلبه , و باذن الله بجيب اول ما اتذكر كككك
طريقة التطبيق
و للأمانه في كثير صور اخذتها من مواقع عشوائيه و كم صوره من مدونات , لانها ساعدتني كثير
هيا مجرد افكار بسيطه و يمكن تعجب البعض و يمكن لا لكني حبيت احطها لاني استفدت و نفسي ينتشر الـ Nail Art اكثر
في الاخير اتمنى يعجبكم موضوعي و ما كنت ثقيله عليكم , و اتمنى يكون الجميع استفاد و زي ما قلت اول اعزرونا يا قماعه اهو اول موزوع بئه هع
هههههه يحليلها زيي هع احسه ممتع و انتي طفشانه , و مو ضروري تكون الاظافر طويله مره , انا عن نفسي احب الطويله شويه بس اللي مره طوال يجي شكلها اصلا مأساة
يب مشكلتها انها محدودة هي الفكره اللي حلوه و سريعه
هههه والله جربتها و صحيح كلامك اتقان اهم شي , ومايبغالها ادوات بس مدري حسيتها نوعا ما متعبه و لغوصه كككك يمكن عشان ماحبها كثير ماحطيتها هع << مأساة البنت
تصدقي لو احطها يكمل الموضوع مره وحده الله يسعدك على النقطه يمكن بنات حيحبو يجربوها
حلوووة الافكار مرررة
اي موضوع عن المناكير ماينمل منه <3
مناكير الكافيار ما ادري ليه ماحبيتها :/
والباقي كله روووووووعة
وتطبيقاتك جمييييلة ياجميييييييييلة :*
يعطيك الف عــــــــــآآفية <3
فور مي كان اول تطبيق للنيل آرت عام 1419 ايام الهاي سكول << جدة جدتكم
يمكن كنت اول سعوديه عملت نيل آرت في البلد << تبغى تقول انها مبدعه بس ماتعرف
الموهيم كان التطبيق لستايل الدوتس وكان البيس كحلي والدوتس بيضا << بمناسبة فوز الزعيم فور شور على الفقراويه
يومتها رحت المدرسه واتلموا عليا البنااات يتفرجوا على اظافري الدميله << شئ طبيعي اول مره يشوفوا حاجه زي كدا
ومررررره عجبتهم وسألوني كيف عملتها قلتلهم عادي النقط عملتها بفرشاة المناكير وكانت شبه بيرفكت
بس حاليا استخسر احط حتى المناكير اخاف على لون اظافري يتغير لانها ماشاء الله تبارك الله ناتشورالي فرنش منيكيور
~ Nail Art Tools ~ في متناول ايدي الجميع ~
) , لكن اتمنى تستفيدو 
الناس اذواق 
