الرئيسية الألعاب التَسجيل القوانين إتصل بَنا Twitter Facebook
 
العودة   منتديات شمواه|SHAMOA FORUM ® > ,, || لحظات .. || ,, > مُدونتي | My Blog

الملاحظات

مُدونتي | My Blog مساحة خاصة لك للتَدوين بعيداً عن رُدود العُضوات [ يسمح للعضوة بمَوضوع واحد فقط ]



إضافة رد
 
أدوات الموضوع
قديم 06-11-2012   #1

أوكاسيا
«مُراقبة قسم فَضفضه»
 

عضوه مثابره

أوكاسيا غير متواجد حالياً

 رقم العضوية : 29916
 تاريخ التسجيل : 07 2010
 الجنس : sex
 المكان : الولايات المتحدة الامريكية
 المشاركات : 528
 تقييمك لشمواهـ : 1
  الشعبيه : أوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـ
 النقاط : 11865
Icon3 لا لـ الهياااااااااااااااااااط

صباحكم / مسائكم
رضى من رب الـ عالمين

ادري انه العنوان ماله سنع لـ المدونة حقتي
بس للامانة لما قريت عناوين المدونات قلت يا ربي انا ايش اهبب واحط لي عنوان
تائهة وما معي خريطة !! وحدي في البيت !! من حلاتي العالم كله خق عندي !!
المهم
بعد تفكير و تفكير و تفكير
قررت اني انزل مدونة تشبهني
و لما اقول تشبهني يعني تعكس كل شيء في حياتي و مجتمعي
بس برضوه فيه مشكلة
فيه مدونات لما اقراها احس اني جاية من كوكب ثاني ,,
يعني لو بنزل عشاي اليوم !! البنات ينزلوا صور مطاعم و صور اكل مدري من فين طابين عليه

وانا ادمية لو بـ اتعشى بـ لحالي ما رح احط اكثر من نواشف
تخيلوني وانا مصورة لكم حلاوة طحينية النخلة والا جبنة البقرات الثلاث

بعد تفكير و تمحيص و تدقيق اكتشفت اكتشاف خطير
انا ادمية محاطة بـ كمية من الهياط اللي ماله سنع واعتقد كثير زي حالاتي
فـ قررت انه مدونتي انزلها بـ الطريقة اللي تريحني
جاء على بالي اصور اسكريم الثلج ابو ريال رح اصوره
خطر لي اكل بليلة من بياع في واحد من الشوارع و الحلة حقته مشبوهة بس بليلته طعمه
برضوه رح اوريكم


لـ الامانة انا ادمية ما عندي مشكلة في اي شيء
يعني مو اساسي عندي اني اكون اكشخ وحدة في الحياة بس النظافة واللبس المهندم المرتب
مهمين جدا عندي
ما يعنيني اني امشي والعالم يقولوا ما شاء الله فواحة متنقلة بس برضوه ما ينفع معاي اكون فواحة
من نوع اخر من النوع المخيس جدا
ما يهمني انه الناس تشوفني وااااااو او كوووول بس يهمني اكون مرتاحة مع نفسي


كل شيء في الدنيا احبه و كل شيء يفرحني
احب اللبس ,, احب الاكل ,, احب السفر ,, احب اقرأ ,, حتى الدراسة احبها
ممكن احد يهديني هدية جدا غالية واحس اني ابغى ازرعها في راسه لانه جايبها عشان يهايط
وفي المقابل افرح بـ قطعة شوكليت من ابو ريال بس جايتني من شخص احبه

عندي قناعة تاااااااااااااامة بـ انه الدنيا حلوة
وانه رزقي ما رح ياخذه احد غيري
وانه من راقب الناس مات هما

واحلى لحظاتي لما اجلس مع اخواتي جلسة حش محترمة ,, ايه حش
احنا عالم نحش في حالنا قبل ما نحش في غيرنا ,, في طريقة لبسنا و كلامنا و مشينا و حتى
تصرفاتنا

نعم ربي علي كثيرة والحمدالله واهمها و احلاها انه ربي رزقني بـ اشخاص من حولي
يخلوا الدنيا احلى بـ كثير

بس بقيت عندي مشكلة وحدة مع حالي و مع الناس



الهياااااااااااااااااااااااااااااااااااااااااااااا اااااااااااااااااااااااااط








  رد مع اقتباس
قديم 06-11-2012   #2

أوكاسيا
«مُراقبة قسم فَضفضه»
 

عضوه مثابره

أوكاسيا غير متواجد حالياً

 رقم العضوية : 29916
 تاريخ التسجيل : 07 2010
 الجنس : sex
 المكان : الولايات المتحدة الامريكية
 المشاركات : 528
 تقييمك لشمواهـ : 1
  الشعبيه : أوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـ
 النقاط : 11865
افتراضي رد: لا لـ الهياااااااااااااااااااط

في مجتمع البنات الهياط ينتشر بـ كثرة
كثير لـ درجة اني احس السالفة اتعدت حدود الفشخرة الكذابة و صارت كذب صريح

انا ما اهاجم احد
بس برضوه السالفة اتعدت حدود المعقول
صارت البنت اللي تلبس من برمود ما تفهم في الماركات >>> سقى الله ايام اسواق البطحاء
واللي شنطتها مو برادا او لويس فيتون جدا قروية
المشكلة انه البنات يتفشخروا بـ هالماركات وهم لسى ما يعرفوا ينطقوها صح

قبل فترة سمعت عن وحدة دخلت جمعية عشان تشتري شنطة
جمعية و تضيق في رزقها على شان الناس يقولوا عنها كشخة !!!
بـ النسبة لي ارحم بـ كثير من اللي تدور على شنط تقليد درجة اولى و درجة خمسطعش عشان
تزاعط على الخلق و تحلف ايمان مغلظة انه شنطتها اصلي
اساسا لو وفرت هـ الالف اللي تحطها في شنطة تقليد و اشترت شنطة اصلية من ماركة معقولة
من طقة الدو و ناين وست كان اصرف لها اقلها شارية شيء اصلي

و بـ طاري التقليد
عندي وحدة من صاحباتي الله يذكرها بـ الخير
كشيخة جدا ,, و من بيت خير و نعمة
في يوم من ذات الايام شفتها شايلة جزدان يصرررررررررررررررررررررررررع
شانيل اسود
انهبلت انها تداوم و تعدم شنطة من هـ النوع
قالت لي قصته قصة هـ الجزدان اللي انتي متهبلة عليه
خويتي اتزوجت و كان مهرها الشيء الفلاني فـ طبعا لزوم الكشخة لازم تشتري شنطة محترمة
وبما انه زواجها اتحدد سريع سريع وهم من عادتهم فترة الخطبة ما تطول ما لحقت تقضي من
برى السعودية و لقت اثناء فرفرتها هـ الشنطة اللطيفة
قيمتها 10000 ريال >>> لا احد يطير بوهته ايه عشرة الاف
و حست انها طاحت على كنز
طلعت شهر العسل مع زوجها لـ بريطانيا
تقول واحنا نفرفر وشايلة شنطتي اللطيفة شفت محل شانيل وانهبلت و مسكت في زوجي ابغى اروح
لانه عندهم خدمة تنظيف الجلود وبعد طلوع الروح وافق لانه ما حب يضيع وقته على شيء
ما يسوى

تقول بس دخلت المحل و طل فيني العامل واشوفه يهمس لـ العامل الثاني
شوي الاثنين يطالعوا فيني و مطيرين عيونهم على الشنطة
وانا راسي انتفخ ,, ايه شنطتي كشخة و بـ القيمة الفلانية
تقول رحت عنده وانا ما احد يمسك راسي
قلت له ابغاك تنظف لي هيه
المهم الرجال طل فيها وقال لها بس ممكن اشيك على الشنطة
تقول حسيت بـ مغص في المعدة بس طنشت وقلت لها هذي هيه عندك
تقول طل فيها كذا وقال لي وانتي مين قال لك انها شانيل
هيه فيسها صار كذا
تقول واتصايح ساعة معاه و مشكلة طويلة عريضة بـ قدرة كريم تقول معاي الفاتورة حقت الشنطة

ووريته هيه
فـ قال لها احنا ما عندنا فرع في المكان اللي تقولي عليه


المهم
زوجها جلس يتريق عليها و كل ما دق الكوز في الجرة جايبة شنطة تقليد و تقولي شاريتها بـ الشيء
الفلاني يا بكاشة
وكل ما فتحت فمها بـ كلمة عايرها بسبب هـ الشنطة وانه انضحك عليها فيها
تقول من يومها توبت ما اشتري من المول هذاك بـ كبره ابغى شيء انزل لـ دبي كلها ساعتين
وانا فيها ,, و الشنطة قررت انها تكرف ملتها عشان تحلل قيمتها




** همسة اخيرة :
ان الله يحب ان يرى اثر نعمته على عبده
و المال نعمة ,, بس اذا ربي ما اعطاك هيه لا تبكشي على العالم او تزنقي نفسك عشان
بس تهايطي مع الخلق ,, اللي ما يحترمك الا عشان فلوسك رح يحتقرك بـ مجرد ما تفتقري !!!!








  رد مع اقتباس
قديم 08-11-2012   #3

أوكاسيا
«مُراقبة قسم فَضفضه»
 

عضوه مثابره

أوكاسيا غير متواجد حالياً

 رقم العضوية : 29916
 تاريخ التسجيل : 07 2010
 الجنس : sex
 المكان : الولايات المتحدة الامريكية
 المشاركات : 528
 تقييمك لشمواهـ : 1
  الشعبيه : أوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـ
 النقاط : 11865
افتراضي رد: لا لـ الهياااااااااااااااااااط

اسبوع جهنمي و الـ عياذ بـ الله
اسوأ شيء في الدنيا لما ابغى الوقت يمر وهوه ماسك فرامل بـ عنف !!!!!!!!!!!

بـ خاطري شيء يقرقع بـ خاطري منذو مبطي
و ما حبيت اتكلم عنه الا هنا عشان اللي تبغى تتفلسف على راسي ما تلاقي مكان غير بـروفايلي
(( بـ المناسبة : اللي بـ خاطرها تعليق او رد مهما كان سيء او حلو البروفايل مفتوح لـ الجميع فـ خذوا راحتكم ))
الحلو في المدونات اني اقدر اقرقر بـ راحتي بدون ما احد ينبرش بـ نصيحة مالها داعي


ورح اقول لكم ليش الكلام اعلاه ,,
عمركم سمعتم بـ الهياط الديني ؟!
تخيلوا حتى الدين فيه هياط !!!
عندنا قدرة عجيبة على انه نهايط في اشياء ماله سنع نهايط فيها ,,
وقبل ما يجيني حذف عضوية زي واحد سرى خلوني افسر كلامي شوي


الهياط الديني عبارة عن :
شخص متدين ( او في اغلب المرات مدعي الدين ) يهايط على روس الخلق بـ صلاحه و مثالياته المتناهيه

اعطيكم مثال عشان توضح الصورة اكثر ,,
ادخلوا على اي مقطع يوتيوب فيه اغاني او عري او فحش و اقرأو التعليقات تحت
طبعا مع تجاهل الهياط القبلي و الهياط المذهبي
دائما رح تلاقوا تعليق عجيب
( يا ناس استغفروا الله ترى الاغاني حرام !!!!!! )
هياط ديني فضيع ,,
يعني ايش الهدف من هـ التعليق ؟! انه تعلمنا انك شخص متدين ؟؟
طيب هذا انت مدحدر على مقطع اغاني
لو عندك تدين صح ما كان دخلت على مقطع يخالف قناعاتك الدينية
يعني من الاخر بس يبغى يقول لـ الناس ترى انا مو مثلكم يا العاصين انا واحد متدين

شغلة ثانية وهنا في منتدى شمواه
في رمضان و مع مواضيع المقارنة بين المذيعات و نقد ستايلاتهم
لازم تلاقوا وحدة ترد حرام عليكم تحشوا فيهم !!!
وانتي ايش مدخلك هنا ؟! موضوع نقد و النقد هوه الحش ايش اللي مدخلك عليه ؟!
لازم تطقطقين فوق روسنا وتهايطين انه انتي عمرك ما حشيتي في الخلق !!!
المشكلة انه هـ النوعية عادة اكثر خلق الله يحشون ,, شافوا وحدة لابسة قصير على طول يقولوا ما تخاف
الله ما تتستر ,, شافوا وحدة حاطة ميك اب ما تخاف من النار تلوسع خلقتها المتبرجة !!!
كل الناس مليانين عيوب و ذنوب من وجهة نظرهم وهم الملائكة فـ يحق لهم انهم يفرضوا وجهة نظرهم
وارائهم و يتفشخروا بـ سالفة احنا ما نعصي ربنا !!!!!!!!!!!!!!!!!!!!!!!

الادهى و الامر انه نلاقي شخص له ثقله في الساحة الدينية و يهايط بـ الدين !!!
ما رح اذكر اسم شخص محدد عشان ما يجي احد وينبرش دفاعا عنه او سبا فيه بس لفة بسيطة
على مقاطع الشيوخ رح تلاقوا كلامي هذا موجود
اليوتيوب يجمع من كل شيء تدخلي تدوري طريقة طبخ المكرونة و ما تخلصي الا في مقطع كيف تصلح سيارتك في البيت !!
مرة وانا افرفر في اليوتيوب و الاقي مقطع لـ شيخ يتمسخر و يضحك على شخص من جنسية اجنبية غير ناطقة بـ العربية
ويقول يا رب اعطني كلبا كاشعا ,, و الكل يفرطوا من الضحك على الكلمة !!!!!!!!!!!!!!!
بـ الله عليكم مين قال لـ شيخ زي هذا انه في الاخرة رح يكون احسن من هـ الشخص البسيط ؟!!!
واحد مو عارف يتكلم عربي و مع كذا اتعلمها عشانها لغة القران وفيها صعوبة عليه و يدعي ربي انه يعطيه قلب خاشع
والشيخ هذا يتمسخر عليه !!!!!!!!!!!!!!!!!!!!!!!!!!!!!!!!!!!!!!!!!
ايش اللي يضحك في الموضوع اساسا ؟؟ والا عشان الشيخ يتكلم العربية بـ طلاقة يحق له يهايط فوق
راس هـ المسكين وانه ما يعرف يهرج كويس !! و نفس الشيخ لو انطلب منه يقول كلمتين بـ الانجليزي
تلاقوه يتأتأ و يفأفأ وفي الاخر يقول لغة الكفار ليش اتعلمها !
بعض المشايخ يتكلم كانه كل الناس رح يروحوا النار وهوه وحده في الجنة !!
و بعضهم لما يجي ينصح احد بـ اسلوب معفن و ما يتجاوب اللي نصحه معاه تلاقوه على طول يقول
الحمدالله اني مو مثله انا احسن منه ما اسمع اغاني ما اتابع افلام و احافظ على صلاتي

طيب مين قال انه اللي يسمع اغاني بـ الضرورة شخص مضيع لـ فروض دينه
ومين قال انه اللي تلبس قصير في مجتمع الحريم انسانه منحلة
ومين قال انه اللي تكشف وجهها كافرة
ومين قال انه الملتزم احسن من الشخص اللي ايمانه على قده

فيه حديث جدا جميل عن الرسول عليه الصلاة و السلام يقول ان الله لا ينظر الى اجسادكم و لا صوركم ولكن ينظر الى قلوبكم

كم واحد فينا يهايط بـ الدين و يصلي بس عشان الناس يقولوا عنه ملتزم
كم واحد فينا يهايط بـ الدين و يتكلم عن الحلال و الحرام عشان يعجب الناس
كم واحد فينا يهايط بـ الدين و يتكلم عن التبذير و الاسراف ولو فتشنا وراه لقيناه عنده قصور و فلوس و سيارات
وما يخرج الزكاة

احيانا احس انه الهياط الديني صار متاجرة بـ الدين
كل واحد يبغى يوري اني احسن شخص بـ الحياة حتى لو كان من جنبها و نسي انه من اساسيات الدين
حديث ( انما الاعمال بـ النيات )




حسنوا نواياكم ,, و لا تتركوا الدين مجال لـ المفاخرة ,, رح يجي يوم نتمنى انه اخلصنا لـ ربي ولو في عمل واحد
عشان نلاقي اجره كامل
ولا تنسوا ( الهياط الديني نوع من الشرك الخفي )








  رد مع اقتباس
قديم 08-11-2012   #4

أوكاسيا
«مُراقبة قسم فَضفضه»
 

عضوه مثابره

أوكاسيا غير متواجد حالياً

 رقم العضوية : 29916
 تاريخ التسجيل : 07 2010
 الجنس : sex
 المكان : الولايات المتحدة الامريكية
 المشاركات : 528
 تقييمك لشمواهـ : 1
  الشعبيه : أوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـ
 النقاط : 11865
افتراضي رد: لا لـ الهياااااااااااااااااااط

ابقول لكم شغلة صارت معاي
فيه تحدي اني اتكلم عن شخصية مثيرة لـ الجدل جدا و مدري ليش
صدام حسين !!!!!!!!
>>>>> احس اني بنحذف ورى الشمس بس عشان اثبت انه ما عندي مشكلة اتكلم عن اي احد


المهم
هـ الادمي مدري ايش اقول عنه غير انه اكثر شخصية تنطبق عليها مثل اخواننا المصريين
بعد ما راح المقبرة صار سكره !!!

يعني بعد ازمة الخليج جلس في الحكم حوالي 12 سنة و ما اذكر احد كان يطريه
اصلا نسينا انه فيه جزء من وطننا العربي اسمه العراق
وفجأة : صار بطل و صنديد و قاهر الاعداء !!
يممه قبل يومين كنتوا تسبوه والحين عاجبكم !!

لو بتكلم عنه كـ انسان بعيد عن كل اخطاءه السياسية بس شخص جباااااااااااااااااااااااااااااااااااااااااار
ولما اقول جبار انا ما اتكلم عنه من واقع اعجاب او شيء من هـ النوع فـ هوه بـ النسبة لي صعب انه ينحكم عليه
لانه عشان نذكر شخص بـ خير او شر نحتاج انها تمر حقبة زمنية عشان تتلاشى العداوة اللي بينه وبين الناس وتتلاشى المحبة ويكون الحكم منطقي اكثر ,, وفي النهاية السياسة اللعب فيها من تحت الطاولة اكثر بـ كثير من اللعب اللي يمر فوق الطاولة ,, وعشان نعرف مين الصادق و مين الكاذب ومين الظالم و مين المظلوم لازم ننتظر سقوط الكثير من القوى العظمى عشان تطلع وثائقها السرية

المهم لما قلت انه شخص جبار انا اقصد انه مثله مثل كل العراقيين شخصياتهم فيها قوة غير طبيعية
قوة في الحق و قوة في الشر ,, شعب ما ينكسر بـ اي شكل
يعني لو قرينا شوي تاريخ العراق معظم اللي حكموه كانوا جبابرة من عهد النمرود بن كنعان مرورا بـ الحجاج الثقفي
وليس انتهاءا بـ صدام حسين
و مع كذا ما يزالوا كـ شعب يتمتعوا بـ قدرة عجيبة على انهم يرجعوا من اول و جديد يبنوا حضارة

في عهد صدام ما اقول كان العراق احسن و لا اسوأ
لكن الرجل له حسنات و له سيئات و مثله مثل اي شخص في هـ الدنيا ظلم انه نحكم عليه من جانب واحد
يعني من ناحية اتعاطف مع الشعب الكويتي في كرههم له لانه اللي صار لهم مو شويه
ومن ناحية ثانية اتعاطف معاه هوه شخصيا لانه بـ فضل الله ثم هوه كان العراق احد الدول العربية القليلة اللي
تتمتع بعدد كبير و مهول من العلماء و في تخصصات نادرة

وعشان اكون صادقة اكثر
يمكن لو وفاته ما وافقت عيد اضحى و كثير مننا اخذها كـ اساءة ما نكون ذكرنا هـ الشخص
يمكن لو ما وقف بـ جبروت غير طبيعي في محاكمته حتى بعد ما انطردوا محامينه ما كان حسينا انه انظلم
يمكن لو كان سقوطه على يد الشعب العراقي ما نكون سألنا فيه

مشكلتنا بـ صفة عامة انه دائما ذاكرتنا قصيرة المدى في النواحي اللي ما تعجبنا
وذاكرتنا قوية وتدوم سنين طويلة في النواحي اللي نبغى نفتكرها
يعني ترى كل الدول العربية و بدون استثناء كانت مفتوحة لـ هـ الرجال في كل وقت و كانت الهدايا تجيه من كل مكان
و اللي تابع السرقات اللي صارت في قصوره وفي المتاحف اكيد انتبه لاشياء كثيرة قيمتها المادية عالية جدا و محطوط عليها شعارات دول معينة معظمها عربية
بس غلطة وحدة كانت كفيلة بـ نسف كل العلاقات الطيبة مع الدول المجاورة على الرغم انه شاركه في هـ الغلطة اكثر من دولة عربية بس ما احد منها اتضرر !!!
هحتى لما فرضت على العراق عقوبات من نوع النفط مقابل الغذاء ما احد فكر انه يفك هـ الحصار مو عشانه بس عشان الشعب اللي ماله ذنب في اخطاء قيادته


في النهاية انا عندي قناعة انه صدام كان فرد وليس شعب !!!
و العراق دولة ما توقف عند شخص اتوفى و لا تنتهي بـ انتهاء عهده






شغلة اخيرة حابة انوه عليها
انا اتكلمت عنه ليس حبا فيه و لا اعجابا بـ شخصيته بس فعلا شخصية مثيرة لـ الجدل و تحفز اي شخص
انه يتكلم عنها بس بـ صراحة كان بـ خاطري لو التحدي انه اتكلم عن الملك فيصل الله يرحمه مش صدام حسين


وراعية التحدي ترانا ما اتفقنا ايش اللي لي لو نفذت التحدي فـ يحق لي اطلب منك اي طلب يعجبني و تسوينه >>>> بدأ التفكير الشرير يبان








  رد مع اقتباس
قديم 09-11-2012   #5

أوكاسيا
«مُراقبة قسم فَضفضه»
 

عضوه مثابره

أوكاسيا غير متواجد حالياً

 رقم العضوية : 29916
 تاريخ التسجيل : 07 2010
 الجنس : sex
 المكان : الولايات المتحدة الامريكية
 المشاركات : 528
 تقييمك لشمواهـ : 1
  الشعبيه : أوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـ
 النقاط : 11865
افتراضي رد: لا لـ الهياااااااااااااااااااط

أنا طلعت لي قرووووووووووووووون خلاص
فيه ناس مالهم حل الا انه الواحد يعطيهم في الوجه كاش و يحرجهم علني

بـ طبيعتي انا مش شخصية شريرة
لكن فيه ناس يستفزوا النزعة الشريرة جواتي و يجبروني الا اطلع لهم اسوا ما في اي شخص في الكون

انا ابفهم
الناس اللي بين كل كلمة انجليزي و كلمة انجليزي يعطوني عشر كلمات انجليزي ايش قصدهم بـ الضبط !!!
يعني يبغوا يوروني انهم فاهمين مثلا !!
ذحين صرنا نقيس ثقافة الواحد بـ كمية الكلمات الاجنبية اللي ينبرش فيها في الكلام
كل ما زادت النسبة كل ما حسينا انه مرة فخم الشخص اللي يتكلم !!
يعني افهم انه فيه ناس دارجة على السنتهم كلمات معينة اجنبية
اتفهم انه فيه لهجات داخلة فيها الكلمات الانجليزية
بس انه نص كلامنا يصير انجليزي !! سلاااااااااااااااااااااااااااااااماااااااااااااااا اااات

الهرجة و ما فيها
انا الحمدالله و منذو مبطي احب اتعلم اللغات
اي لغة في الدنيا احب اتعلمها و اتمنى لو ان الله اعطاني القدرة على اني اتكلم كل لغات اهل الارض

ما احب اروح مكان و احس نفسي ضايعة و مو فاهمة ايش القصة
يعني مثلا :
لما اروح المستشفى والاقي الدكتور يبرطم ساعة قدامي بـ الانجليزي ولما اساله ايش فيه يقول لي شوية تحاليل
تجيني ام العبيد دايركت
يعني انت لك ساعة تسولف واخرتها تقول لي هـ الكلمتين

المهم
اتعلمت الانجليزي و الحمدالله اتقنتها و اتعلمت كلمات كثير اسبانية و فرنسية لـ مجرد اني احب اتعلم اللغات
والا فعليا ما استفدت منها بـ اي شيء
ويمكن حبي لاني اقرأ الادب بـ لغته الاساسية ساعدني في هـ الشيء
يعني اكثر شيء في الحياة يشوه الشعر و الرواية و المقالات و كل شيء هوه الترجمه
اساسا لو تتابعوا اي فلم في اي قناة عربية تلاقوا الترجمة في وادي و الكلام الاصلي في وادي
والا بـ الله عليكم كلمة زي F... you تطلع ترجمتها تبا لك
تبا لكم على هـ الترجمة السقيمة


المهم
بـ صفة عامة احس انه اللغة استخدامها مع الاجانب
بس انها تجيني وحدة عربية و تكلمني انجليزي هنا معليش شوي نوقف
يعني لا احد يجي يطقطق على روسنا بـ الانجليزي
ترى حتى البزورة بـ هالايام صاروا يتكلموا انجليزي احسن مننا بـ مراحل

افتكر مرة كنت امشي مع وحدة الله يذكرها بـ الخير
و بـ العادة اتجنب اني اتكلم بـ الانجليزي لـ سبب بسيط انا عندي الوالدة الله يحفظها ما تعرف
تتكلم انجليزي و متعودة اني اهرج معاها كثير فـ اتجنب قد ما اقدر الكلمات اللي من هـ النوع
خويتنا هذي قاعدة توريني مول قريب من البيت
فـ تقول لي شوفي المول هذا فيه المحل الفلاني و المحل الفلاني >>> بغض النظر عن العك في الاسماء
اكتشفت انها قاعدة تكلمني ثلاثة ارباع الوقت انجليزي بس يعني عشان توريني انه يا حرام انتي توك
واصلة جديد و ما تعرفي اللغة فـ جالسة تطقطق على راسي
طبعا طول ما هيه تهرج وانا ساااااااااااااكته وبس جالسة اسمع هي كيف تتكلم
والله يا فيه كلمات اني ما اعرف حرف p من حرف b من كثر ما اللغة مضروبة
بعد ما خلصنا
قالت ايش رايك نروح نتغداء قلت لها اوكي
دخلنا المطعم وجانا اللي بيستلم الطلبات فـ طلبت و بعدين طلت فيني قالت انتي ايش تبغي تاكلي
فـ قلت لها يمكن اخذ الطبق الفلاني
شوي سحبت المنيو من ايدي و قالت له جيب لها الطبق الفلاني
و قاعدة تقول لي ترى اللغة صعبة و ترى يبغى لها دراسة و ما تجي بـ الساهل
و جالسة تتفلسف بـ كلام كثير
بـ الصدفة مرت وحدة من البنات و كانت فرنسية جاية بس 4 شهور و بعدين رح ترجع فـ لما شافتني جلست
تسولف معاي وانه قربت رحلتها وانا كملت معاها
احلى ردة فعل في حياتي شفتها لما لفيت لـ صاحبتي
لقيت فيسها كذا
و الله بـ الموت امسك نفسي من الضحك
قالت لي ما شاء الله تتكلمي انجليزي كويس وانتي توك واصلة
قلت لها انا اعرف انجليزي من قبل لا اسافر خير شر

الى هـ اللحظة الكريمة
خويتنا هذي ما عادت كلمتني ولا اتصلت فيني و لما تشوفني في الطريق تصد عني و تسوي حالها
كأنها ما شافتني
بـ النسبة لي
ما طاح من نجوم اخف على السماء








  رد مع اقتباس
قديم 11-11-2012   #6

أوكاسيا
«مُراقبة قسم فَضفضه»
 

عضوه مثابره

أوكاسيا غير متواجد حالياً

 رقم العضوية : 29916
 تاريخ التسجيل : 07 2010
 الجنس : sex
 المكان : الولايات المتحدة الامريكية
 المشاركات : 528
 تقييمك لشمواهـ : 1
  الشعبيه : أوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـ
 النقاط : 11865
افتراضي رد: لا لـ الهياااااااااااااااااااط

ايش مشكلة البنات الازلية مع السوق ؟!
عمر وحده فيكم راحت لـ السوق وهيه محددة ميزانية والتزمت فيها ؟
عني انا لا و ستين لا
كويس اذا خرجت من السوق وانا مو متسلفة من وحدة من اخواتي
وقتها احس بـ عظمة الانجاز

عمر وحدة فيكم راحت السوق وهيه محددة انها رح تشتري الغرض الفلاني بس وراحت لـ المحل
اللي فيه الغرض و خرجت على طول على السيارة ؟
ما ادري احس لو سويت الشيء هذا كاني مسوية جريمة
كيف ما اتطمن على البضايع انها موجودة وانه العمال اللي شافوني سبعمية مرة باقي يفتكروني
وكيف اعرف اذا نزل شيء جديد !

حالة عجيبة تجيني لما اروح السوق
لو كنت مريضة اشفى
لو كنت زعلانة ارضى
لو كنت مكتئبة اتفائل
لو كنت متضايقة يجيني انشراح

فيه وحدة عاقلة تنزل السوق بـ كعب وهي فعلا في نيتها تلف و تشتري مو بس تترزز !!!
سويتها اكثر من مرة و عمري ما حسيت بـ الم الكعب الا لما ارجع البيت و اقيس كل اللي اشتريته وبعدين
افتكر افك الكعب و احسب بـ كل عضلة فيني تنبض و رجولي الله يعزكم تقول حراااااااااااام عليك انا


بس عموما بـ النسبة لي التسوق فن
يعني مو على الله اروح اشتري اي شيء وامشي
مو ادمان اني اشتري لـ مجرد الشراء ولو اني مرات اتهور و اسويها

عشان تتضح الصورة و ما تجي وحدة تقول انتي جالسة تتفشخري علينا
احب اقول لكم
انا من عائلة الحمدالله مو حارمتني من شيء وفي نفس الوقت لو اشتريت شيء ما يسوى و بذيك القيمة
رح الاقي خمسة انفار فوق راسي يهزقونني >>> دلالة على قوة التهزيء

استغرب جدا من البنات اللي يقولوا انا كل ملابسي اشتريها بداية كل موسم !!!!
يعني فيه شغلات والله ما تتغير من موسم لـ موسم
وبعيني شفت محل ظل يعرض نفس القطع لـ اكثر من سنة فما بالكم كم مر عليها من موسم ؟!

فيه شغلات ما يحكمها الموسم ليش عندنا هوس انه نشتريها في حزتها ما ادري
يعني زي الجينزات
اتحدى وحدة تقولي انه موضة الجينزات اتغيرت في السنتين الاخيرة !!
كلها سكيني و اللو ويست صار لو ويست معقول مو لو ويست كل الخلق يعرفوا لون الاندر وير ايش
اتحدى وحدة تقول لي ( بـ الذات المتزوجات ) انه موضة البجايم اتغيرت عندنا
او اقل الايمان زوجها عرف انه بجامتها من الموسم الجديد !!!!
بـ طاري البجايم
رحت مرة ابغدد حالي و قلت ابشتري بـ جامة اول موسم ربيع / صيف
و احط 120 ريال زي البنت الحلوة لحد ذحين الموضوع عادي و سعرها جدا معقول
لقيتها في ايام التخفيض بـ كم
20 ريال >>>> حسافة المية بس
الادهى و الامر انه السنة اللي بعدها على نفس الموسم نزلوا نفس البجامة بـ سعر 160 !!!!!!!!!!!
و لا احد يسألني عن ايش السر في تفاوت السعر

عندي قناعة انه اي بنت تلبس جينز و تيشيرت في البيت توفر قريشاتها و تشتري لبس البيت وقت التخفيضات
احسن بـ مليووووووووووووون مرة من انها تفرتك فلوسها على شيء رح تلقاه بـ رخيص و ما رح يتغير من موسم
لـ موسم

علما باني من اشد المؤيدين لانه البنت تشتري لبس خرجتها على بداية الموسم و تكرفه مزبوووووووووووط



الشنط
الموضة الجديدة اللي هبوا فيها الخلق انه الشنطة من اغلى الماركات
ما اكذب واقول شنطي كلها من ابو رخيص
بس مستحيل اخذ شنطة اكرفها بـ الطول و العرض من برادا !!!!!
مو بخل بس فعليا لو معاي قيمة اني اغير شنطة كل شهر رح اسويها
سالفة اني ازنق نفسي على شان شنطة مااااااااااااااااااااااراااا سلامات
اشتري شنطة من ماركة واو من الخط الكلاسيكي تبعها اللي يتكرر كل سنة اصرف لي واشتريها
بحيث انها ممكن تمشي مع كذا لبس و اقدر اجيب لي كل سنة شنطة جديدة ماركتها بطلة بدل ما اشتري
كل شهر تقليد درجة اولى و درجة خمسة و ثمانين


بـ صراحة اي بنت تقول لي انها تحط في شوزها الشيء الفلاني انا ما اقدر اتكلم

اقدر الشوزات بشكل غير طبيعي احبببببببببببببببببها من قلب
و كل اللي عندي كعب عااااااااااااااااااااااااالي احس دائما يعطي طلة انيقة حتى للملابس الرثة
<<<< مش لـ هالدرجة بس فعلا اللي تلبس كعب دائما احس لوكها مرتب
وعلى فكرة ترى مو كل كعب اسمه كعب
فيه كعوب و لا حتى تطلي فيها ما تستفيدي منها الا وجع الظهر
وبمناسبة الكعوب رح اعترف اعتراف خطير
بما اني اكره الناس المهايطين الا انه لازم اعترف انه كل شخص فيه حب لـ الفشخرة و الهياط
واللي يقول ما عنده هـ الشيء هذا اكبر مهايطي في عهد الدولة السعودية الثالثة و من عاصرها
السالفة اني كنت مع صقيقاتي متجمعين و وحدة من البنات اشترت كعب يسططططططططططططل
بس عندها مشكلة صغيرة شوي
اول مرة تشتري كعب هـ القد عالي و ما عرفت تمشي فيه و متحسرة على قيمته فـ كلنا كنا نقول
جربيه مرة و ثنتين و عشرة و رح يمشي الحال
المهم انا كنت اقول لها مو صعب ترى بس يبغى له تعود
فـ قالت لي لانه كل كعوبك عالية بس حاولي انك تلبسيه
وفعلا لبسته و مشيت فيه
جينا لـ حزة الهياط
الكل صراخ و واااااااااااااااااو و ماشاء الله و من هـ الحكي
فـ قالت وحدة من البنات كانك عارضة ازياء
هنا نسبة انتفاخ الراس ارتفعت بـ نسبة 500%
فـ لازم اثبت انه عارضات الازياء مو احسن مني في شيء وقمت اقلد لهم الكات ووك
و مشت اموري تمام لحد ما جيت الف لفتهم هذي اللي تاخذي 180 درجة بـ سرعة 250 كم/ الثانية
و فجأة
دررررررررررررررررررررررررررررررررررررررررررررررررر رررررررررررررررربج على ام خلقتي
البنات يضحكوا و هيا لقطي وجهك
بس فعليا انا اضطريت اني القط انفي لانه بدا ينزف
طبعا قمة الرعب و هيا قومي على دورة المياه الله يعزكم و ساحبيني بـ العافية و

درررررررررررررررررررررررررررررررررررررربج للمرة الثانية على التوالي على ام انفي
>>>> ابفهم لحد اليوم ليش الفالحات ما فكوا الكعب من رجليه قبل ما يفزعوا لي
انتهيت من هـ السالفة بـ انف ينزف و رضة جميلة جدا ذات لون موف واخضر و احمر تحت ركبتي
تذكرني بـ فشلي الذريع و بـ انه لا تسرع فـ السقوط اسرع


المهم نرجع لـ سالفة عاداتنا الشرائية
انا اكتشفت اكتشاف ماااااااااااااااارااااااااااااا خطير
لما انزل بلحالي تزيد فرصي في اني اوفر ولو ريال اكثر من لما انزل مع بشكة بنات
احس سبحان الله نحمس بعضنا على الشراء بـ طريقة مجنونه
فـ الاصرف اني انزل بـ لحالي لعل وعسى اقدر اني ارجع في يوم من الايام و بوكي باقي فيه فلوس


غير كذا
شغلة الاكسسوار بـ النسبة لـ البنات اللي يحبوا الاكسسوار
تشتري الوحدة بحدود الـ 500 ريال قرابيع ما تستفيد منها الا فترة بسيطة وبعدين تمل منها و تنشب في حلقها
و تقعد كل يوم تطالع في الدرج و تقول بكرة ابرتبه بكرة رح ارمي اللي ما احتاجه
احس نفس المبلغ لو اشترت فيه خاتم ذهب حلو اصرف لها مليون مرة اقلها لما تمل منه تروح تغيره
يعني مستحيل استكثر الفلوس في المجوهرات بس الاكسسوار اللي ماله لزمة و غالي جدا اذا وضع الوحدة
المادي ما يسمح لها ليش تروح تناقز و تشتريه
اعرفوا كيف تسوون تدوير لـ الفلوس اقل الايمان ما تكون محسوبة بـ خسارة من جميع النواحي


غير انه فيه قطع اكسسوار مستحيل البنت تحتاجها بس ما ادري ليه يشتروها
يعني اعرف وحدة عندها في خزانة حوالي 20 قبعة بـ كافة الاشكال اللي تقدروا تتخيلوها
طيب وين تلبسيها فوق الطرحة مثلا !!
والا بتروحي عزومة في عز القايلة !!
دائما الرد انا احبها
طيب مادياتك تساعدك انه كل شيء تحبيه تشتريه
لا
اجل ليش البعزقة
قلت لك احبها

خلاص البنت تحبها ايش اسوي لها مثلا
لا تعليق



بس بـ النسبة لي اسوا عادة ممكن احد يسويها تشتري لبس ماهي قده
يعني ايش
يعني مجتمعها جدا جدا جدا محافظ و تشتري لي فستان من نص الفخذ
و فوق الفستان جاكيت
وتحت الفستان تايت
و فوق التايت بوت !!!!!!!!
بـ الله كم قطعة اشترت عشان ترقع الفستان
هل طلع الشكل بعدين حلو
بصراحة و من الواقع اللي اشوفه قليل اللي يعرفوا يستروا فستان معرى قليل اقرب لـ النادر
يا اما البسي الفستان بـ المنظر اللي اشتريته فيه يا اما لا ترقعيه
يعني بـ نفس قيمة شغلات الترقيع تقدري تشتري لك قطعة مسترة زي الخلق و يكون حتى شكلها ارقى
احيانا انقهر لما اشوف بنت لابسة فستان يسططططططططططططططل و مرقعته
ولما اسالها ليش ما لبستيه زي الخلق تقول لي استحي
ودي في هذيك اللحظة اقول لها انا قليلة حياء ورح البسه زي ماهوه بس من فين اشتريتيه



الانحس من كذا اللي تشتري شيء ما يليق لها سواء من ناحية جسدية او من ناحية العمر
احلى شيء في الدنيا لما اشوف عجوز كاشخة بس كاشخة حسب الموضة وبما يناسب عمرها
افتكر اول صدمة لي في هـ الموضوع لما كنت في المتوسط وشفت مديرة المدرسة
والله ما انسى منظرها لحد اليوم و لا انسى لبسها لحد اليوم و لا انسى صدمتي لحد اليوم من كثر ما استغربت
لـ درجة اني لما قلت لامي و اخواتي كانوا يفكروا اني اكذب و ما صدقوني الا لما وحدة من جاراتنا قالت لهم
انه بنتها قالت لها نفس الشيء
كانت لابسة رمادي و اصفر و مسوية شعرها جديلتين مرفوعة
ايوه جديلتين زي اللي كانوا امهاتنا يسووها لنا واحنا في الابتدائي
ايوه جديلتين هذيك اللي مامتي تمشط شعري لـ فوق اذني و تشده بـ البكلات المطاطية و تحط فوقها الشبرات
ادري فيه ناس رح يقولوا مبالغة بس والله لو على ايامها كان فيه جوالات كاميرا لاكون صورتها
على بالها كيوت
الادهى و الامر ترى بنتها كانت تدرس عندنا في المدرسة و تحاول تكبر نفسها بـ العافية



اما اللي ما يلبسوا شيء يناسب اجسامهم فهذي لوحدها يبغى لها مجلدات






شغلة كمان كثير اكرهها
الليقنقز اللي يلبسوه و يلبسوا عليه توبات قصيرة
ايش المقصود مثلا
عمري ما شفت هـ الاستايل على احد و اعجبني حتى على الاجانب
احسه كثير مبتذل و المصيبة اني اشوفهم في الجامعة ما يلبسوا الا هوه
احيانا بعضهم تجي لابسته و مو لابسة تحته اندر وير
كل شيء برى
من الاخر منظر جدا فاضح هذا لوحدة جلد على عظم فما بالكم اللي يعانوا من وزن زايد
تشوفي الترهلات زي عين الشمس
والله مرة كنت جالسة في الكافتيريا تبع الجامعة وجات وحدة طبوشة كثير و لابسته قسم قسمات يا اول
تعليق سمعته من اللي معايه
اول مرة اشوف فخذ فيه غمازات !!!!!!!!!!!







وهـ بس
طلعت شوي من اللي في خاطري
قرقرت اكثر شيء في الحياة
و استمتعوا بـ يومكم
انا بـ النسبة لي نهاية اليوم ذحين
فـ تصبحوا على خير يا قمرات








  رد مع اقتباس
قديم 13-11-2012   #7

أوكاسيا
«مُراقبة قسم فَضفضه»
 

عضوه مثابره

أوكاسيا غير متواجد حالياً

 رقم العضوية : 29916
 تاريخ التسجيل : 07 2010
 الجنس : sex
 المكان : الولايات المتحدة الامريكية
 المشاركات : 528
 تقييمك لشمواهـ : 1
  الشعبيه : أوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـ
 النقاط : 11865
افتراضي رد: لا لـ الهياااااااااااااااااااط

اليوم رح ارد بس على التقييمات و شكرا لـ كل اللي مروا من هنا و قيموني
اتمنى انه اكون اقدم شيء عن جد ممتع او مفيد او مضيعة وقت اللي هوه المهم انه شيء يزين لكم وبس



حبيت فلسفتج .. لا توقفين تدوين بليز .. بس تعبت نفسيتي ابي أرد عليج لوووول .
ههههههههههههههههه مشكلة الحريم انهم اذا ما فتحوا سيرة و هرج واخذ و عطا ما يرتاحوا
يا ستي عيوني لك ردي في البروفايل زي ما يريحك و تراني مو راعية سحبات يعني رح ارجع و ارد عليك
حبيت برضوه فلسفة الاخذ و العطاء
وافكر جديا اخليك تتعرفي على اخواتي يا انه ما رح تخلص هروجنا !!!




اووما شنطه بدي القيمه بتحط فيها ذهب مثلا مااحووب اهاايط خالص << احلفي بسنتر هننا اكيد ..مدونة قميله ي قمري
عادي يا عيني ترى فيه جزادين من شانيل قيمتها اغلى من كذا بـ كثير خاصة اللي تكون من السبيشال كوليكشن
يعني السعر يعتبر عادي لـ شنط شانيل ما بتحط فيها ذهب على فكرة
وانت اقمل من المدونة يا قمر




أنا ما اعرف اتكلم انجليزي جرحتي ألبي وقرح الألوب غالي وانتي تقولين حتى البزران لوووووول امزح عادي صح ودّي بس مهمله
ههههههههههههههههههه صراحة قرح الألوب غالي هذي لوحدها حكااااااااااية
شوفي هوه فعليا انا قابلت اطفال كثير والله انهم في الانجليزي اشطر من كثير ناس كبار قابلتهم
بس برضوه اللي انا ابغى اوصل له انه الانجليزي صارت لغة الـ عصر >>> و المغرب و العشاء <<< يا سماجتي
ما علينا المهم انه فعليا صار الانسان يحتاجها فـ الاغلبية صار عندهم خلفية ولو بسيطة عن اللغة
فـ بلاش كل وحدة اجلس معاها تقعد تتفزلك عليه وانه انا لغتي واو
وحدة قابلتها مرة في جمعة بنات والبنت ما اعرفها بس من كثر ما كانت نص المصطلحات تقولها بـ الانجليزي قلت
هذي بلبل
و اقابلها بعدين تدرس لغة انجليزية في معهد على المستوى الثاني !! تعرفي يعني ايش المستوى الثاني ؟
يعني مستوى مبتدئين !!!!!!
و مازالت تتفزلك بـ الانجليزي ,,



قهرتني حركتها لمن اخدت منك المنيو وانت ما شاء الله ابررد ما عندك ههههههههههه طاح وجهه لمن تكلمتي انجليزي بس ماشاء الله عندك قدرة تحمل لانو وحدة تانية كانت ورتها كيف تعرف تحكي و تتفشخر كمان حبييييت مدونتك كتييير
لا انتي كذا تحسنين الظن فيني كثير
انا كنت ناوية اروح معاها و امسك لي اي امريكي و اقرقر معاه شوي
بس ربي رحمني وارسل لي البنت الفرنسية فـ جات السالفة عفوية
و بعدين البنت تحس انها مسوية خير معايه وانا حبيت اوصل لها انه ترى اللي قدامك مو تنكة تجلسي تتفلسفي عليها
وهيه مش فاهمة يعني من الاخر بطلي فقش
يسلمو على اطرائك
وان شاء الله دووووووم المدونة تعجبك



قريت كل حرف بمدونتك هههههههه جد استمتعت بس ممكن اعرف ايش برجك ما اقصد فيها هياط هع
ههههههههههه ما تقصدين فيها هياط !! الا شكلك مشعوذة متكية معانا في المنتدى
يا ستي انا ادمية ما اصدق بـ اختراع اسمه ابراج
الحين في نفس اليوم و السنة اللي انا انولدت فيها فيه مية ادمي انولدوا معايا يعني كلنا ما شاء الله نفس
الشخصية و نفس الحظ و نفس الحجر المفضل و اللون المفضل و الزوج المناسب و الحاجات الكثير هذي كلها
الابراج اقوى نصبة مرت علي في حياتي
طيب بعد ما اتفلسفت في سالفة الابراج ثواني اخذ لفة مع عمو قوقل اشوف ايش يعطني

هذا ما اتحفني فيه قوق
ل

المرأة الجوزاء :
حلوة رشيقة , ملفتـة ومتبدلة . . . هذه المرأة خــُـلقت لتعمل , لتـكون حاضرة . . . عمرها يلعب الدور الأكـبر في حياتها فالجوزائية المراهـقة هي غير الجوزائية الشابة والشابة غير السيدة . . . صاحبة شخصية مرحة ومليئة بالحيوية , نادراً ما تراها حزينة أو متطلبة , حضورها يُدخل الفرح إلى قلوب الموجودين وإن كان بصورة مؤقتة .

والجوزائية المتـقلبة , أنانية بعض الشيء وحريصة جداً على أشيائها وممتـلكاتها , واقتصادية إلى حدود البخل أحياناً بالرغم من أنها مضيافة وتســعى لأن يكون بيتها مفتوحاً , لا أعرف , أنسمّي هذا كرماً ؟ أو لنقل أنه كرم مدروس بدقة . . . قادرة هي الجوزائية على القيام بأكثر من عمل لأنها لا تعرف التعب وليست من النوع الذي يشكو ويتأفف . . . في سنوات الشباب الأولى تـكون رومانســـية حالمة دائمة الابتسام , لكن بعد سنواتٍ قليلة , تشعر وكأنك تـتعرف إلى إنسانة جديدة إلى إنسانة واقعية , جديّـة , تحلل الأمور وتــُـفسر الأشياء . . . إنها مرحة مسلية سريعة الخاطر دقيقة الملاحظة تحفظ الأشعار وتقرأ الفلسفة وتخوض مواضيع السياسة . وهي بالإضافة إلى ذلك ربة بيت ممتازة , وسيدة صالون من الطراز الأول . أعصابها غالباً متوترة ومخاوفها كثيرة وكذلك هواياتها والمجالات التي تبدع فيها .

والجوزائية الاجتماعية قد تعتـقد أنها لا تـُغرم أبداً . . . ولكن في الحقيقة أن هذه الفتاة الحلوة المعشر عاطفية بشدة , بل متأججة العاطفة , إذا لقيت الرجل الملائم , المتحرر والمسئول في آن ٍ واحد الذي يُرضي عقلها وقلبها وجسدها معاً . فإذا أحبت هذه الفتاة أخلصت ووقفت بقرب حبـيـبها وقفة فيها الكثير من الجرأة والمسؤولية , بل أنها تـشجعه وتمدُ له يد المساعدة دون أن تـتركه يشعر وكأنه اتكالي . . . معظم الجوزائيات المـتـزوجات هن سيدات منـزل من الدرجة الأولى فالمرأة الجوزائية تكره الإهمال في البيت وتسعى أن يبقى نظيفاً ولافتاً , فتجدها كل يوم تـُضفي عليه لمسة جديدة تذكرك أن المرأة أنــوثــة قبل كل شيء . . . من الأدوار التي ترضى عنها وتخشاها في آن واحد دور الأمـومة . لكنها في جميع الأحوال والدة ممتازة تعامل أولادها معاملة الأصدقاء دون أن تـفرض عليهم القيود والأنظمة . إنها تـكون حازمة حيناً ومتساهلة حيناً آخر , وهي محظوظة إذ أنها قادرة على امتلاك عواطف أولادها الذين تراهم قابعين قربها ناظرين إليها , مستمعين إلى أحــاديــثـها . أخيرا لا آخرا تمد هذه المرأة الطيبة يد المساعدة كلما استطاعت . عيبها أنها قليلة الصبر , فعليها أن تعوّد نفسها الاستـقرار كي لا تظل تدور في حلقة مفرغة . مهما تكن سيئاتها فضيلتها أنها مثيرة ومسلية , ومن يعش معها يجهل معاني الضجر . نعم , متـقلبة , متبدلة , أليست أحلى من أن تـكون مستـقرة في شخصيتها وهواياتها ولا تشرق في كل يوم ؟.
يا ستي لو انا كذا كان امداني سوبر وومن مو اوكاسيا
ما شاء الله كل شيء احلى من الثاني !!!
خراااااااااااااااااااااااااااااااااااااااااااااااا اااااااااااااااااااااااااااااااط
بس شكلي ابخلي زوجي يقراه اهايط على راسه شوي هع هع



كككككككككككككككككككك دايم تبردي القللللب اكرررره حركه الليقناااااااااات دبه نحيفه ماتنشاف قراوه وغلط اساسا تنلبس ببلوزه قصيره قالتها وحده من الفاشونيستا حقات يوتوب كككك تقول مو 10 عمرك تلبسينلي ليقن و قصير فوقه , من جد منظر مقزز
والله يا فيه مدعيات الفاشن اللي يبغى لهم قرشعة من على سطح كوكب الارض
اجل بـ الله تلبس لي وحدة ليقنقز و مـ ,,,,,,,, طالعة لي كانها كورتين سلة و تقول لي انا اهبل و حلوة !!!
لا تلبس شيء طويل مرة بس اقل الايمان تلبس شيء يغطي الارداف
طيب شيء يغطي جزء من الارداف
بلاش انا قنوعة شيء يغطي ولو اعلى الارداف
اما كل شيء برى !!!!!!!!
الله المستعان بس
بس تعجبني البنت الكشيخة اللي تلبس ليقنقز و بلوزة قصيييييييييييرة و كعب !!!
يعني ترى ما فيه شيء بارز فـ ابغى ابرز زيادة
ترى على فكرة
انا مش ضد انه البنت تلبس قصير مهما كان القصر
ومش ضد انه البنت تلبس ضيق او مفتوح
بس فيه فرق زي الشعرة بين الشكل الرخيص تبع بنات الشوارع وبين الشكل الـ راقي اللي يبين اللي قدامك
انها ليدي








هكا خلصنا
طبعا ما ذكرت اسماء البنات لانه بـ صراحة انا ما استأذنت ولا وحدة في هـ الشغلة
بس حبيت ابين لهم اني مقدرة تواجدهم و ردودهم و كل ابو شيء في الحياة
شكرا خيرات الله







  رد مع اقتباس
قديم 28-11-2012   #8

أوكاسيا
«مُراقبة قسم فَضفضه»
 

عضوه مثابره

أوكاسيا غير متواجد حالياً

 رقم العضوية : 29916
 تاريخ التسجيل : 07 2010
 الجنس : sex
 المكان : الولايات المتحدة الامريكية
 المشاركات : 528
 تقييمك لشمواهـ : 1
  الشعبيه : أوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـ
 النقاط : 11865
افتراضي رد: لا لـ الهياااااااااااااااااااط

عندي سؤال فاتح برج في مخي من كثر ما افكر فيه
ليش عندنا هوس انه جمالنا يكون متشابه
كلنا نبغى نكون نسخ من بعض
لازم العيون واسعة ,, الشفايف عريضة ,, البشرة بيضاء ,, الجسم طويل و رويان شوي ,, الشعر سايح !!
اي وحدة تشذ عن هـ المواصفات دااااااااااااايركت نحكم عليها بـ عدم الجمال
واذا احنا ناس مرة فاهمين نقول عنها cute بس ناقصها الشيء الفلاني !!


قبل ما وحدة تنبرش و تقول مش صح
طالعوا في اي فرح ,, اي عزومة ,, اي جمعة بنات
و شوف الهباب المهبب اللي مسوينه البنات عشان يتوافقوا مع معايير الجمال المعتمدة عندنا

افتكر بـ فترة من الفترات كان الجمال يقاس بـ لبنان
فـ كل البنات لازم يكون شديدين البياض و عيون وااااااااااااااااااااااااااااسعة
ذحين اتغيرت الفكرة شوي و هبوا الناس في الكوريات و جمال الكوريات و بـ صفة عامة الجمال الاسيوي
فـ كل البنات شعور سايحة و ميك اب نتفة كانه متصدق عليهم احد بـ علبة ميك اب

نفسي يكون عندنا تقدير لـ الجمال المطلق
يعني كل وحدة تكون مرتاحة بـ شكلها و قانعة بـ نسبة الجمال اللي الله اعطاها هيه
مو معناته انها تصير قرشوعية و تقول هذا نصيبي من الدنيا
بس كمان لا افراط و لا تفريط

من فترة شفت وحدة من البنات كل ما شافت الشمس راحت اتسدحت تحتها
بـ تموووووووووووووت و تصير برونز ,, بعد ما احترقت اقتنعت انه مالها حل الا تزين تان بـ صالون محترم
و فعلا سوت التان و صبغت شعرها اشقر و طول شهر كامل ماني اشوفها الا بـ لينسز يا ازرق يا اخضر
طبعا هيه مرة علاقتها فيني قوية و من النوعية اللي تتقبل محشاتي بـ صدر رحب لانها تعرف اني ما ابغاها تطلع بـ شكل مبهذل
لما قالت لي ايش رايك رديت عليها بـ بساطة
مالك امل تصيري برازيلية و لا بعد مليون سنة !!!!


معليش كلنا نبغى نكون حلوات هذا شيء مش غلط
بس اني اسخط نفسي لـ قرد مصور عشان اجاري موضة او اعجب الخلق !! لا والله مو عقل


يعني احنا عرب و الجمال العربي معروف
قد تكون بشرتنا تميل لـ البياض بس مو البياض الناصع جدا
الشعر و العين دائما داكنة الجسم يميل لـ الارتواء
فـ ليش دائما نسعى لاننا نحور جمالنا بدل ما نحاول انه نغيره
شوفوا عجوز لبنان اللطيفة هيفاء وهبي
تراها مو سلوقي جلد على عظم !! بس جسم رياضي جدا و ما عندها ترهلات
شعرها غالبا ما اشوفها تسويه ويفي يعني اقرب لـ طبيعة شعرها او سيشوار بسيط من دون
فناتك مالها سنع و عمرها ما غيرت لونه دائما اسود
و مع كذا اتحدى احد يقول عنها بشعة ( صارت بشعة لما بدات عملية التجميل اللي سوتها تتهاوى )


بس احنا لا مازلنا مصرين و متمسكين و متشبثين بـ كل قوة الا نغير شكلنا حسب الطلب


عاد كلللللللللل الجنان اللي سويناه كوم و سالفة تكبير الارداف و الصدر كوم ثاني
صرت امشي و اقول يا ربي من جد هـ الزوايد طبيعية و الا الموضوع فيه انا
بين عشية و ضحاها كل البنات فجأة صاروا من اصحاب المؤخرات اللي بـ قياس اكس اكس لارج
و الخصر اكس اكس سمول كانها رقم 8 !!!


لا احد يقول الجمال صار كذا
من عمر الدنيا و الجمال شيء نسبي
يختلف من شخص لـ شخص ,, و من مكان لـ مكان ,, و حتى من زمان لـ زمان
يعني على عهد الجاهلية كانت السمنة من علامات الجمال تتخيلوا !!
فعليا اي وحدة سمينة تعتبر هبه من رب العالمين لانه الشيء هذا يدل على انها من بيت خير و نعمة
كان الوشم في الوجه من علامات الجمال و الاسنان المتباعدة من علامات الجمال و شغلات عجيبة غريبة
في الصين الاقدام الصغيرة المشوهة كانت تعتبر شيء اساسي لـ درجة انه ممكن يسببوا لـ البنت عاهه مستديمة
كانوا يحطوا سلاسل حديد في رجول البنات عشان ما تمشي بـ خطا واسعة فـ تنقص انوثتها
في افريقيا الرقبة الطويلة شيء جدا جميل و من وقت ماتولد البنت يحطوا حلقات في رقبتها و يظلوا يزيدوها مع التقدم في العمر فعليا يصير شكل الوحدة زي الزرافة !!!!!


اللي اقصده من هـ الكلام
انه كل شيء حلو بـ حدود الطبيعي و الممكن
يعني تجي بنت و تصبغ شعرها اشقر بـ صدق انها اوروبية مثلا !!!
وحدة تحرق شعرها بـ الفرد و التنعيم بـ صدق انه هذي طبيعة شعرها !!
ولا الاحلى اللي تجي سمراء و تقول ابغى اصير بيضاء

ترى لسى ما اخترعوا شيء يغير من جينات الانسان ,, انتي ممكن تصيري افتح بـ درجة او درجتين بس مو اكثر و بـ مجرد ما تتركي كريمات التفتيح ترجعي زي ما كنتي و لا كانك بذلتي اي مجهود


اتمنى اشوف في فرح بنات شعرهم كيرلي و ويفي و ناعم و كل وحدة حسب طبيعتها
اتمنى اشوف بنات بشرتهم رائعة و معززين لونها بـ طريقة جميلة بدل ما اشوف درجة البشرة الرمادية او الاورنج ( يا سمراء لاطخة اساس ابيض ,, يا بيضاء لاطخة اساس برونز )
اتمنى اشوف بنات يحسوا عن جد بـ كمية الجمال اللي ربي منحهم اياها

و لا تقولوا لي فيه بنات مو حلوات
بـ العكس الجمال صناعة ,, و لما اقول صناعة ما اقصد بس انه شيء ممكن يكون صناعي و غير
طبيعي وانما اقصد انه شيء في متناول اليد و ممكن تشتريه
سواء ميك اب ,, او مستلزمات عناية ,, او طريقة تغذية سليمة ,, او بشرة متألقة
كل وحدة ربي اعطاها حظ من الجمال الفرق انه فيه وحدة حبت نفسها و مهما كانت امكانياتها متواضعة
تلاقوها تبتكر شيء حلو من العدم ,, و وحدة بس تحبط حالها و انا بشعة و انا شكلي مو حلو لـ حد ما اهملت نفسها و انعكس هـ الشيء على بشرتها و شعرها و حتى وزنها

استغرب لما مرات وحدة من صاحباتي تقول فلانة حلوة و كل القروب يقول وااااااااااااااااااااااااااااااااااااااااععععععععع ع
ما لقيتي الا هذي

ممكن البنت ما تكون فلتة في الجمال بس مو معناته انها بشعة احيانا تفاصيل بسيطة تميز شخص عن شخص
الغريب انه الانتقادات عادة ما تخرج عن الاطار المتعارف عليه في مجتمعنا سمراء شعرها مو مسبب من النعومة
متعافية مو عظام واذا مرة غلبوا و مالقوا شيء قالوا قروية ما تعرف تلبس لبسها مو ماركة !!!

يرحم امكم ترى حتى بساس الشوارع صارت تعرف الماركات
مين قال انه الاناقة مرتبطة بـ اللبس الغالي !!!
يا ما ناس لبسهم من اغلى ما يكون بس ينقصه الذوق (( شوفوا المطربة احلام اختياراتها في اكثر من مناسبة كانت سيئة جدا و المجوهرات اللي تلبسها ما كانت تبان قيمتها ))
و يا ما ناس لبسهم فعليا مو ذاك الغلا و ما يخرج عن المحلات المتعارف عليها بس جدا مرتبين و مهندمين
ترى في النهاية ماركة اللبس ما يدري عنها الا راعيها
انا ما رح اتمشى و التاغ تبع المحل متدودل من ورى !!!!!!!!!! اللهم الا اذا كانت الوحدة من النوعية اللي تحب تتفشخر و في كل مناسبة لازم تعلم الحاضرين هيه شارية ملابسها من فين وحتى في هـ الحالة احسها حركة جدا رخيصة و يبان انه راعيها محدث على النعمة !!!


بس خلاص
قرقرت واجد اوجد شيء في الحياة و الساعة عندي صارت اربعة الفجر وانا باقي ورايه دوام
فتكم بـ عافية








  رد مع اقتباس
قديم 05-12-2012   #9

أوكاسيا
«مُراقبة قسم فَضفضه»
 

عضوه مثابره

أوكاسيا غير متواجد حالياً

 رقم العضوية : 29916
 تاريخ التسجيل : 07 2010
 الجنس : sex
 المكان : الولايات المتحدة الامريكية
 المشاركات : 528
 تقييمك لشمواهـ : 1
  الشعبيه : أوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـ
 النقاط : 11865
افتراضي رد: لا لـ الهياااااااااااااااااااط

كل الخيالة كلهم ,, لا فرق الله شملهم

الزواج و ما ادراك ما الزواج !!
مشاكل نص البنات تبدأ بـ الزواج و تنتهي بـ الزواج

المتزوجة ماهي مستانسة :
زوجها مو معطيها وجه ,, اهله متسلطين ,, هوه بخيل ,, بزورتها اشغلوها ,, تتناقر مع المحروس على
السوق و على الخرجة و على زيارة الاهل و كل حاجة

والبنت ماهي مستانسة :
تبغى تفتك من اهلها و تسلطهم ,, تبغى تعيش جو الافلام الابيض و الاسود ,, صاحبتها اتزوجت وهي لا ,,
المجتمع يقول عنها عانس

مدري هل انا الوحيدة اللي تحس انه عندنا شيء غلط في مفهوم الزواج او لا ؟!
اتحدى اي وحدة سواء بنت او متزوجة احد يسألها ايش هوه الزواج و تعرف تهرج صح !!

اساسا اذا جيل الامهات ما يعرف ايش هوه الزواج تتوقعوا البنت رح تعرف ؟؟
عندنا العرس زي البطيخة انت و حظك
مو مشكلة ,, في النهاية الدنيا ارزاق
بس حتى هـ الرزق لو ما عرفت تتصرف فيه رح يضيع منك

وحدة من صديقاتي انخطبت من فترة ,, و طايرة من الفرح و متشققة كمان
اسألها ايش فيك تقول امي رضيت اشتري في جهازي تنورة قصيرة !!!!
طبعا عادي فيه عوائل جدا محافظة مو مشكلة
المشكلة فين ؟ لما ورتني التنورة
يالهوي ,, وانا اقول ايش في امها كل ما شافتني اعطتني نظرة
تخيلوا انه التنورة مو قصيرة من نص الفخذ ,, لا
مو قصيرة من الركبة ,, لا
مو ميدي من نص الساق ,, لا
تنورة فوق الكاحل حاجة بسيطة جدا جدا جدا
المصيبة انه امها ما كانت تشوفني الا بـ لبس جدددددددددا قصير
وحتى في الافراح الظهر كله لازم يتهوى عشان ترتاح نفسيتي
لما شفت الوضع كذا استحيت اسألها انتي قدرتي تشتري ملابس نوم !!
خفت انصدم بـ الواقع
واستحيت اسأل البنت انتي تعرفي ايش يصير في ليلة الدخلة و لا لا
لانه الواضح جدا انها ما تعرف


اللي ابغى اوصل له اذا فيه عوائل ما تزال الى هـ الحد في هـ الامور كيف ممكن يعدوا بنتهم
لـ شيء اسمه زواج

انا عندي اخوات كبار ,, و صاحباتي كثير ,, و اختلط بـ بنات اكثر ومن كل المناطق
ومن كل المستويات
نسبة بسيطة جدا منهم اللي تتزوج لانها مستعدة نفسيا لـ الزواج
لانها تبغى تستقر ,, لانها تبغى تبني بيت و عيلة ,, لانها تعرف انه لها احتياجات لازم تلبى

كل البنات قبل الفرح اسألتهم هيه هيه
ركبتي سوداء كيف افتحها ,, بشرتي معدومة كيف تصفى ,, شعري مهلوك و احتاج له علاج
وبعد الزواج برضوه اسأله من نوع
المنطقة الحساسة غامقة ,, كيف اضيق المدري وشهو ,,
طيب حلو الوحدة تعتني من برى ,, لكن بس خلاص هذا هوه كل شيء

معاك ادمي ثاني يقاسمك حياتك و فراشك و اكلك و وقتك و كل شيء
هـ الادمي هذي حيطة ماله اي اهتمام !! ولا احد يقول طيب الفرك هذا كله عشانه
لا مو عشانه ,, الفرك هذا عشان لما تطلعي قدام اهله تكونين تلقين ,, الفرك هذا عشان يقولوا
الناس يا زينها بـ عرسها ,, الفرك هذا عشان نفسك و عشان تسمعي كلام حلو وفي احسن
الاحوال الفرك هذا عشان عين الرجال ما تلف لا يمين و لا شمال يعني بـ رضوه تتفركي عشان

مصلحتك مش عشانه
وبعدين اوكي العلاقة مهمة في الزواج بس تراها مو كل شيء

ملكات جمال و ازواجهم يخونوهم ,,
ممثلات اغراء من الطراز الرفيع ما قدروا يدوموا في زواجاتهم
قالوا لكم هذولا ناس ما يعرفوا شيء عن العلاقات ؟ الا يعرفوا و نص
ليش فشلوا ؟ بـ اختصار لان الزواج مو بس علاقة حميمة و انتهينا
اذا ما تعرفي تفكير الرجال اللي قدامك عمرك ما رح تملكيه

و بـ طاري تملكيه
من اكثر الاشياء اللي ترفع ضغطي لما تجي وحدة و تقول ابغى زوجي خاتم في اصبعي
ترى محلات المجوهرات على قفى من يشيل ,, روحي اشتري خاتم و فكي عمرك
استغرب جدا من اللي تبغى زوجها امعه ,, تقوله يمين يروح يمين و تقول له شمال راح شمال
مو معناته انه لازم يكون الرجال نحيس ,, بس انا كيف احس بـ رجولته اذا ما كان له رأي و موقف
كيف اعتمد عليه اذا انا لازم ادير و اسير كل شيء ,,
الاردى اللي من هـ النوع يزعلوا لو مالقوا رجال من هـ النوع !!

و تجيك الام تخرب كل شيء على بنتها
افاااااااااا ,, ما طاعك ,, ليه ؟ قليل الخاتمة اللي ما يخاف ربه هذا واحنا مدلعينك و موصينه عليك ؟؟
اي دلع فهموني ؟
نص البنات في الدول العربية سمعوا المقولة المشهورة في بيت اهلهم ( سوي اللي يعجبك اذا اتزوجتي )
و ركبوا في روسهم انه الزوج سحر ,, يسوي لك كل شيء و يوفر لك كل شيء

اساسا من الاصل احس البنت اللي تكلم امها عن المشاكل بينها و بين زوجها خفيفة عقل
مو لـ شيء ,, بس امك تحبك ,, يعني ايش ما كان ما رح تنسى لـ زوجك اسائته لك
بـ عكس البنت اللي يجيها زوجها يقول لها كلمتين حلوين و تنسى كل الدنيا و تروح معاه
من البر انك تخبي على امك مشاكلك مع زوجك في النهاية رح تقلق و تتوتر وانت ينصلح حالكم
وما دريتوا عنها


وفيه بنات ,, من يتزوجوا يقلبوا نظام مباحث و استخبارات في البيت
تفتش زوجها و جيوبه و اغراضه و جواله و لابه بـ حجة ما ابغاه يستغفلني
بـ صراحة اللي تسوي كذا اكبر مغفلة في التاريخ
يعني ولو لقيتي عليه شيء ايش رح يصير ؟ تتطلقي منه ؟ تطلعي من زوج خاين لـ مجتمع ظالم
تبقي معاه ؟ بدل ما كان يخونك بـ السر رح يصير يخونك علني و تبقي مكسورة طول عمرك
خلاص حسيتي انه يخونك ,, دوري وين الخلل ,, ايش اللي شافه في غيرك و ما شافه فيك
و صلحي الخلل ,, و استرجعيه في النهاية هذا حقك
من دون حركات الخنقة و على الصغيرة و الكبيرة تفتشي وراه و مصيبة عاد اذا الرجال فعليا مو مسوي
شيء غلط !!!

و الاقل عقل من هذولا كلهم اللي تنبش في علاقاته القديمة و تحاسبه عليها
البنت ممكن تعرف بـ طريق الصدفة انه زوجها مثلا كان متسمي لـ وحدة ثانية او يميل لـ قريبة
من قرايبة ,, بس في النهاية طلع من نصيبها فـ ليش تحاسبه ؟
بـ العكس رح تخليه يرجع يفكر في اللي نسيها منذو مبطي بـ شكها و هوسها






الزواج اجمل علاقة في الدنيا قدرنا بـ قدرة كريم انه نشوهها بـ اكثر من شكل
اتمنى كلمة من نوع ( اذا اعرستي سوي اللي تبغي ) تختفي من قاموس العائلات
اتمنى يجي يوم قبل ما الوحدة تتزوج تفكر ولو لـ مرة وحدة انها تقرى و تستقري طبيعة الرجل
خاصة الرجل اللي قدامها
اتمنى الامهات يخافوا الله في بناتهم اللي هم امانه بين اياديهم ويعلموهم ايش يعني حياة زوجية
ترى لا الطبخ و لا الجمال و لا السنع و لا الدبرة كلها تخلي البنت تعمر في بيت زوجها
اتمنى انه يجي يوم يبطلوا البنات يتزوجوا لـ مجرد الزواج ,, يبطلوا يتزوجوا لانه المجتمع بيقول هذي عانس
يبطلوا يتزوجوا لـ مجرد انه صاحباتهم اتزوجوا

وشكلي بـ ابطي عظم و الله اعلم








  رد مع اقتباس
قديم 18-12-2012   #10

أوكاسيا
«مُراقبة قسم فَضفضه»
 

عضوه مثابره

أوكاسيا غير متواجد حالياً

 رقم العضوية : 29916
 تاريخ التسجيل : 07 2010
 الجنس : sex
 المكان : الولايات المتحدة الامريكية
 المشاركات : 528
 تقييمك لشمواهـ : 1
  الشعبيه : أوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـأوكاسيا مشهوره بشمواهـ
 النقاط : 11865
افتراضي رد: لا لـ الهياااااااااااااااااااط



كنت من شوي اقرأ موضوع عن موضة الـ 2013 في شمواه و معذرة ناسيه اسم العضوة
بس موضوعها جدا جميل و فيه معلومات كثيرة حلوة فـ اللي ما شافته يا ليت تطلع عليه

و لفتتني نقطة كنت اتكلمت عنها في وقت سابق
اللي هيه اصحاب الدخل المحدود كيف يحبوا احيانا انهم ياخذوا منتجات تقليد لـ مجرد مجاراة
المجتمع المحيط فيهم ,,
للاسف عندنا بنات يركزوا على قشور الـ قشور لما يتسوقوا بدون ما يركزوا على الاساسيات
رح اعترف اعتراف خطير
خزانة هدومي فيها كم قطعة ما يفرق معايه اذا هيه غالية او رخيصة المهم تكون موجودة
احس اي بنت خزانتها ما تتواجد فيها هـ القطع ترتكب جريمة بـ حق نفسها
يعني قبل ما الوحدة تحاول انها تكون مرة ستايل و مواكبة الموضة حتى لو كان دخلها محدود
المفروض تركز على هـ القطع عشان تقدر تلعب عليهم بـ شوية ذكاء و بما يتوافق مع ميزانيتها
و اوعدكم انها مستحيل تكون خارج اطار الموضة بـ العكس رح تظل كل موسم تشتري
بـ ما لا يزيد عن 500 ريال و تطلع بـ لوك متجدد في كل مرة


الشغلة الاولى
فستان اسود سادة بـ طول الركبة بـ الضبط اذا كانت عادي تلبس قصير
او ماكسي اذا هي من نوعية البنات اللي تحب اللبس المستر
اشوف الفستان الاسود موضة ما تموت و لا تقدم و تحتاجه كل بنت في خزانتها
ممكن تستخدمي الوان الموسم الدارجة في اللعب عليه بـ الاكسسوار
سواء الاحزمة او الشنط او العقود او الشوزات او الخواتم
تقدري تسخطيه من شيء جدا كلاسيك و رتيب لـ شيء جدا مواكب لـ الموضة


الشغلة الثانية
سوت كاملة بـ لون محايد ( كنت متفلسفة شوي بس لازم اعرب الكلام تكون قصتها مستقيمة مش سكيني و لا واسعة )
بـ النسبة لي اعشق اي سوت سوداء احس اني ملكة الكابة في هـ الناحية
اكرررره و بـ عنف السوت الابيض مش معناته انها مش جميلة بس انا احسها ما تخدمني
لانه السوت بـ اختصار توفر لك قطعتين مختلفة
البنطلون لو تلبسيه مع اي تيشرت و شوز رياضي رح تكوني كاجوال
تلبسيها كاملة قمة الرسمية
البليزر استخدميه مع الجينز تطلعي زي ما نقول كاجوال شيك
مع تنورة بـ لون فاتح ( في حالة انه السوت غامقة ) رح تطلعي كثير مودرن و مواكبة الموضة اللي لها
فترة و الناس هابة فيها
ممكن تلبسي البليزر مع فستان قصير و برضوه رح تطلعي مرتبة
يعني من الاخر تقدري تحوري فيها بـ اكثر من طريقة



الشغلة الثالثة
قميص ابيض ,, ايوه هذاك ابو ازرار
احسه بـ النسبة لي ابو الفزعات ,, و من دون مبالغة اهم قطعة عندي
يخدمني كثير صيفا و شتاءا و ينلبس مع معظم اللوكات
ممكن تلبسي معاه فيست بـ لون شوي قوي رح يغير من شكله تماما
اي قطعة اكسسوار تغير من منظره كليا
فعليا هوه ورقه راااااابحة في اي خرجة


الشغلة الرابعة
بنطلون جينز و برضوه قصة مستقيمة
حاليا ما اتخيل نفسي البس اي جينز مش سكيني بس يظل الخط الكلاسيك متصدر
الجينز قطعة عملية جدا جدا جدا و قابلة للكرف
يعني لو لقيتي جينز خامته ممتازة جدا ,, و خياطته مضبوطة صح ,, مهما بلغت قيمته لا تستخسري
فيه ,, رح تكرفيه اكثر شيء في الدنيا
بـ غض النظر عن لونه او ماركته رح يكرف معاك و ممكن تلبسيه بـ اكثر من طريقة و مع الشوز و الاكسسوار
المناسب كل مرة لك طلة مختلفة


الشغلة الخامسة

تنورة مرتبة ما يعنيني الطول قد ما يعنيني انها تكون فعلا مرتبة و ما فيها تفاصيل كثيرة
اشتريت قبل تقريبا ثلاث سنوات تنورة قصيرة سوداء الى اليوم وانا البسها و الى اليوم وانا انسأل
عنها و الى اليوم اقدر ابدع فيها

عشان اكون صادقة ,, اكيد ما البسها في تجمعات كبيرة بس تخدمني كثير في المناسبات الخفيفة
ما هو انا لو اشتري لكل شيء بـ ذيك القيمة ما رح يمر علي شهرين الا و انا مطفرة من كله
خاصة انه السوق يغري كثير بـ الشراء
غير انه في زيارة لـ بيت اختي او بيت اهلي اكيد ما رح اكون متكلفة في لبسي زي لما اروح لـ صاحبتي
زي لما اروح لـ ناس اول مرة اشوفهم


الشغلة السادسة
جزدان بـ لون محايد
فيه ناس الا يقيدوه بـ الاسود بس بـ النسبة لي اشوف انه مش تقييد اكثر من كونه يخدم اكثر
حاليا هـ القاعدة منتفيه بـ قوة لانه مستحيل تستخدمي جزدان واحد لكل الخرجاات
بس اشوف انه فيه جزادين فعليا تخدمك على اكثر من قطعة فـ على حسب خزانة ملابسك ايش
اللون اللي يطغى عليها خذي الجزدان


الشغلة السابعة
شوز اسود كعب عااااااااااااااااااااااااااااااااااااااااااااااااا ااااااااااااااااااااااااالي
مو ابو 2 سم تراه ماهوب كعب بـ المرة تحتاجي شوز يكون فعليا انيق و مرتب
و مو شرط تشتريه بـ 3000 وانتي طالعة عشان تحسي انه مره واااو و فخم
المهم انه يكون شكله فعليا مرتب ما فيه تفاصيل كثيرة ,, و الاهم انه خامته ممتازة تدوم
معاك ,, و يكون مرييح انتي ممكن تستخدميه في اكثر من مناسبة و ماله داعي
تكوني لابسه شيء متعب و يسوي تشنجات




باقي الاكسسوار من نظارات و احزمة و اساور و خواتم و عقود و ساعات و خلاخل و الخرابيط
هذي كلها تقدري تشتريها على كل موسم و تجددي فيها خزانتك
تقدري تدعمي خزانتك بعدين بـ قطع ممكن تخدمك بس احس اي خزانة مو موجودة فيها هـ السبع
اشياء ما هي كاملة بـ النسبة لي


اكيد باقي فيه اشياء كثيرة تختلف من شخص لـ الثاني حسب الاحتياجات بس اللي اتكلم عنه اساسيات
و متوفرة دائما في السوق و اسعارها مناسبة و موخسارة فيها

و السالفة بـ النسبة لـ اغراض العناية الشخصية احسها تقريبا نفس الموضوع
يعني لازم يكون عندك غسول و مرطب و مقشر و تونر مناسبة لـ نوعية بشرتك و بعدين تزيدي
عليها الاشياء اللي تحتاجها بشرتك دونا عن الخلق بس النظافة و الترطيب و التقشير كل بشرة
في هـ الدنيا تحتاجها

فـ بليييييز يا صبايا قبل ما الوحدة تتهور و تروح تقش كل اللي في السوق من اغراض
تشيك على خزانتها و تشوف وين الاحتياج الفعلي اللي ناقصها
اذا ما فيه روحي زيني اللي بخاطرك
بس لو فيه نقص في اشياء معينة كملي النواقص اولا و بعدين سوي اللي يزين لك

و ياليت لما الوحدة تشتري تحاول انها تكمل لها لبسة كاملة
استغرب من البنات اللي ينزلوا السوق و يقشوا نصه و لما يرجعوا البيت يقولوا ما اشترينا شيء
وهم فعليا ما اشتروا شيء
لانهم اشتروا الاشياء اللي تعجبهم بغض النظر عن هل هيه متناسقة مع بعض او لا
هل هيه تكمل قطع عندهم من اول او لا ,,
حلو جدا انه الانسان ينزل يشتري كل اللي خاطره فيه بس الاحلى انه يكون عنده شوية عقل
اقل الايمان يشتري كل اللي خاطره فيه بس من دون ما يكون على نظام جمع و اربح
و اعترف
انا وحدة كنت من هـ النوع لحد ما اكتشفت اكتشاف من جد صدمني
اشتريت قطعة و جلست في خزانتي اكثر من 5 سنوات عمري ما لبستها لانه بـ اختصار عمري ما
جبت شيء مناسب معاها
اعجبتني و اشتريتها ,, هل كانت غالية ؟ لا
هل كانت جميلة ؟ في نظري ايوه
اجل ليش متحسرة ؟ لاني حسيت اني ضيعت قيمتها بدون ما استفيد منها حتى في البيت
مش بخل ,, بس كمان التبذير اللي ماله سنع مو حلو ,,
النعم تدوم بـ الشكر ,, و مو عشان الله فاتحها على الشخص يصير يتمجعص في كل مكان و يكب
فلوسه على اللي يسوى و اللي ما يسوى
ذحين صرت قبل ما انزل السوق لازم لازم لازم امر على خزانة ملابسي اشوف ايش اللي عندي
وايش اللي مو عندي ,, عشان يا اكمل لبسه كاملة او اني اجيب شيء يتناسب مع الموجود
او انه فعليا اخذ راحتي في الشراء و ما عندي شيء ناقص غير متعة التسوق نفسها







  رد مع اقتباس
إضافة رد

مواقع النشر (المفضلة)

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 02:32

 


Powered by vBulletin® Version 3.8.7
Copyright ©2000 - 2014, Jelsoft Enterprises Ltd.
Ads Management Version 3.0.1 by Saeed Al-Atwi
جميع المواضيع والآراء تمثّل وجهة نظر كاتبها فقط ولا تمثل منتديات شمواه بأي شكل من الأشكال ما لم يوضّح غير ذلك.
Des By || Artos@shamoa.com

جَميعُ الحُقوق مَحفُوظة لمُنْتديات شَمْواهـ © 2008 - 2012